Tweet
السلام عليكم ورحمة الله وبركاته
بسم الله الرحمن الرحيم
سؤال لأحد الأخوات
بسم الله الرحمن الرحيم
سؤال لأحد الأخوات
اقتباس:
السلام عليكم
من غير أي مقدمات أنا عندي مشكلة
أنا طول عمري باسمع عن السلفيين ، و عايزة أعرف هو انته مين ؟؟
عشان لو كنت انته الإسلام الصح عايزاكو تنقذوني من حاجات بعملها و مش عارفة أتخلص منها ازاي
حد يقللي ، انته مين أولا ؟؟
ده دعوة كدة للمناظرة أو أي حاجة يعني
السلام عليكم
من غير أي مقدمات أنا عندي مشكلة
أنا طول عمري باسمع عن السلفيين ، و عايزة أعرف هو انته مين ؟؟
عشان لو كنت انته الإسلام الصح عايزاكو تنقذوني من حاجات بعملها و مش عارفة أتخلص منها ازاي
حد يقللي ، انته مين أولا ؟؟
ده دعوة كدة للمناظرة أو أي حاجة يعني
أقول مستعينا بالله
لا يصح لأحد أن يجيب عن مثل هذه الأسئلة بإجابات عامة
بل الأمر يحتاج إلى تأصيل شرعي
لأنها تسأل عن الطريق إلى الله
فالكلام العام في مثل هذه الأحوال لا يفيد كثيرا مع العضو
ولكن ينبغي علينا أن نعود بالسائل إلى أصول الإسلام (الوحي)
ونستدل من الكتاب والسنة عن شرعية العمل
وننقل كلام العلماء الثقات من القدماء خاصة لشرح وتحليل ما نستدل به...
وأقول للأخت السائلة ولكل من يسأل عن الطريق إلى الله
انت سنية.... صح ؟
........
إذن أنت سلفية ...
كيف هذا؟
إزاي
تعالي نرجع للقرآن والسنة ونشوف ازاي السني لازم يكون سلفي لازم يكون أهل سنة
وعلشان تعرفي يعني إيه أهل سنة لازم تقرأي الموضوع التالي:
وقبل كده لازم ندعي ربنا (أن يهدينا إلى الحق بإذنه)
ماذا يعني مصطلح ( أهل السنة والجماعة)؟
يعني إيه الكلام ده ...
يعني لازم نمشيي خطوة خطوة وراء النبي - صلى الله عليه وسلم -
هنسأل ازاي
هقولك راجعي الموضوع الجاي
خطوات عملية للالتزام بالمنهج النبوي
مبارك عليك أنت الأن سنية صح يعني من أهل السنة
ممكن تسألي ...
طيب أنتم كده تفرقون بينكم وبين غيركم من المنتمين للإسلام ؟
هقولك ... صح ... وواجب شرعي علينا
ده لأننا أصحاب عقيدة نابعة من الكتاب والسنة الصحية ... لأننا نتبع النبي فقط وكل من خالف كلامه لا اعتبار له لأن ضمان صحة العقيدة هو ضمان دخول الجنة بإذن الله ...
ممكن تسالي
وإيش عرفني إنكم على المنهج الصحيح ... ما هو كله بيقول كده (إحنا على الكتاب والسنة)؟
هقولك .... المهم الدليل
حتى اليهود والنصارى والملحدين بيقولوا إحنا على حق ..
والحق لا يثبت لأحد إلا بدليل وعقيدة صحيحة وحقيقية له واقع في الكتاب والسنة ولو قرأت الموضوع التالي هيوضح لك قصدي:
(بس ادعي الأول : يارب اهديني للحق)
حقيقة العقيدة السلفية
هنا هنسأل سؤال مهم جدا :
طيب واللي يخالف السنة يبقى إيه ؟؟؟
عند أهل السنة والجماعة سلفيي العقيدة والمنهج بيقولوا عن المخالف :
إما عاصي وإما مبتدع وصاحب المعصية لو تاب تاب الله عليه
العاصي هنقولك كفاية ذنوب ... ربنا ما يستحق منك انك تعصيك وتحاربه بالمعاصي ...
وأما المبتدع دا موضوعه كبير جدا
طيب و هنعرفه إزاي ؟
لو قرأت الموضوع التالي هتعرفي:
حقيقة البدعة والموقف من أهلها
هتسأل وهتسألي:
وهو ممكن المسلم يبقى مشرك ويعمل أعمال شبه أعمال المشركين ... دي مشكلة كبيرة ... إزاي نقول كده ؟
هنقول :
لو قرأت الموضوع التالي هتعرفي إن ده ممكن يحصل ولازم نحافظ دايما على مستوى معين من الإيمان ...
(بس ادعي الأول : يارب اهديني للحق وارزقني الفهم)
التنبيه على بعض المظاهر الشركية في العالم الإسلامي
ممكن تقولي :
دلوقت ممكن الكلام ده يفرق الناس ويكرهم في الدعوة والسنة؟
هقولك :
الكلام ده خطأ كبير في حق الشرع وفي حق ربنا
لأن التوحيد بيجمع الناس ولا يفرقهم
ده لأن التوحيد هو أساس الإسلام وأهل الحق قلة دائما غرباء زي النبي - صلى الله عليه وسلم - قال عنهم والغرباء لا يشبهون غيرهم وهم قلة في البداية ثم تكون لهم الغلبة بإذن الله ...
ولو قرأت الموضوع التالي هتفهمي قصدي:
(بس ادعي الأول : يارب اهديني للحق وارزقني الفهم)
كلمة التوحيد أساس توحيد الكلمة
شوفتي ... الموضوع كبير ... عرفه ليه
لأنه فيصل بين الحق والباطل
ممكن واحد يقولي :
طيب هييجيلك اللي يقولك إن أهل السنة (السلفيين) ما يعرفوش الدنيا ماشية ازاي ... و عايشين دراويش كل همهم يقرأو ويحفظوا ويعلموا...
حتى قال البعض عنهم إنه ليس لهم هم إلا الكلام في أحكام الطهارة والحيض والنفاس
حتى صرخ البعض عليهم (إمتى هتخرجوا من الحمامات؟)
هنقولهم بل أنتم لا تفهمون دينكم جيدا وسبب هذا قلة العلم ... بل السلفيون أعلم بواقع الأمة وعلماء السلفية أعرف الناس بالشرع
لازم نتعلم قبل العمل علشان نعمل صح ولو قرأتم الموضوع التالي ودعيتو ربنا يفهمك لكان خيرا لكم ...
السلفيون وعدم فقه الواقع
(رسالة إلى أعداء المنهج السلفي)
ولن يجدوا ردا بفضل الله
الموضوع ممكن يزيد شوية ويقلولك :
بس دول بيشبهوا ربنا بالبشر...
يا الله ما هذا الكلام؟
هقولك:
كلامهم غلط وجهل بالعقيدة السلفية الصحيحة اللي انت من شوية قرأت عنها
مش بقولكم ما بيعرفوش يردوا ... ثم بجهلهم يسبون أهل العلم...
هيقولوا:
السلفية دول هم أتباع ابن تيمية
هنقول:
ابن تيمية واحد من سلفنا الصالح وسبقه في عقيدته التي دافع عنها حتى موته النبي وأصحابه
ونقول لهم:
ابن تيمية لم يتأثر بعقائد اليونان ولا الرومان ولا البوذيين ولا الهنود
ولكن منبعه الكتاب والسنة
ويا ريت نقرأ الموضوع التالي علشان يظهر لنا الحق بإذن الله:
(بس ادعي الأول : يارب اهديني للحق وارزقني الفهم)
سلسلة دفاع عن السلف (ابن تيمية المفترى عليه ليس مجسما لله)
معذرة سامحينا بس أنت بتسألي عن دينك
دينك دينك لحمك ودمك وعرضك
والجنة مش ببلاش ... والدنيا اختبار لازم ننجح فيه وإلا ....
هتقولي
أخفتني ...
هقولك
لازم تخافي من السقوط ................. في النار هكذا حال العقلاء
وإن لم تنجحي في هذا الاختبار متى ستنجحين ؟
ياريت تراجعي الموضوع التالي وأنت تعرفي متى ستنجحين:
متى سأنجح؟!
و لو قرأت الموضوع التالي هتعرفي ليه بنقولك لازم تنجحي:
ماذا للمرأة في الجنة ؟
فإذا قلتي والله نفسي ادخل الجنة
هقولك
لازم ربنا يحبك ...
المهم يحبك
ولو قرأت الموضوع التالي هتعرفي إزاي يحبك
كيف يحبني الله - تعالى...؟
أختنا الكريمة خوفك من الله وحبك ليه هما الجناحان اللذان يحملانك إلى الجنة
وليس الخائف من الله من يبكي ويمسح عينيه وغنما الخائف من يترك ما يخاف ان يعاقبه الله عليه
لازم نرجع ومنخليش الشيطان يضحك علينا ويكون سبب في عذابنا في الدنيا بالبعد عن الله وفي الأخرة مع أصحاب السعير
واوعي تقولي انا لسة صغيرة
أصغر منك مات
اوعي تقولي يوم القيامة لسة عليه شوية
هقولك من مات قامت قيامته
فماذا تنتظرين؟
ياريت تسمعي شريط مستنية إيه للدكتور الحبيب (حازم شومان)
أختنا لكريمة:
لازم نرجع لربنا بسرعة وعلى المنهج الصحيح
المنهج السلفى
منهج أهل السنة والجماعة سلفيي العقيدة والمنهج
لازم تتعلمي
علشان تعرفي طريقك إلى الله
حدد مصيرك بتحديد مسيرك و كيف تطلب العلم؟
لازم تعملي
بين العلم والعمل تائهون ومهتدون
لازم يكون ليك هدف في الحياة علشان يكون لك ذكرى
وفقكم الله وإيانا لما يحب ويرضى
تعليق