مشروع العمل بالقرآن..ننطلق منه نحو الجنان((تم إضافة الحلقة التاسعة))

[رضاك يارب ثم الجنه]

رد: مشروع العمل بالقرآن..ننطلق منه نحو الجنان((تم إضافة الحلقة الثانية))

راااااااااااائع جدااااااا

اخيتى


بارك الله فيك وجعله فى ميزان حسناتك يارب

ليه الموضوع مش مثبت؟؟؟

انا فضلت ادور عليه كتير

اعتقد انه مهم جدااا ونطالب بالتثبيت

جزاكم الله خيرا

[هدى القران]

رد: مشروع العمل بالقرآن..ننطلق منه نحو الجنان((تم إضافة الحلقة الثانية))

بارك الله فيكى وجزاكى خيرا
وانا اطالب بتثبيت الموضوع لانو مهم

[هدى القران]

رد: مشروع العمل بالقرآن..ننطلق منه نحو الجنان((تم إضافة الحلقة الثانية))

انا فكرتك نسيتى الموضوع
ولا يهمك ان شاء الله نكمل

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة الثانية))

جزاكم الله خيرا على المتابعة
والله أسعدتوني جدا
وإن شاء الله يتم تثبيت الموضوع

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة الثانية))

السلام عليكم ورحمة الله وبركاته

الآن مع الحلقة الثالثة في المشروع نسأل الله أن يجعل هذا العمل خالصا لوجهه

نكمل في سورة الفاتحة الآية (إِيَّاكَ نَعْبُدُ وَإِيَّاكَ نَسْتَعِينُ)
العبادة يعني التذلل والانقياد
تعرف تبقى ذليل لله؟
تعرف تنكسر لله؟
هي دي العبادة..
تنكسرله في أي عمل..تنكسر له في الدعاء في احتياجك إليه
تبقى مع كل الناس حاجة ومع ربنا حاجة تانية خالص
حتى لو أنت ادام الناس قوي وشجاع ومش بتخاف من حد..تبقى مع ربنا الضعيف الفقير المحتاج
عايزين تطبيق الأسبوع ده يكون الانكسار والذل لله سبحانه وتعالى
وياريت نقرأ عن ليلة الإسراء والمعراج
هتعرف أد إيه ربنا عظييييييييييييم..هتخاف منه بجد وهتلاقي نفسك اتذليت أوي لله

وتيجي بعد الانكسار لله الاستعانة به سبحانه وتعالى
ماينفعش تطلب من ربنا حاجة كده وانت مش حاسس بقدرك ناحية ربنا

لازم تعرف أنك المحتاج لله..تسأله وهو يعطيك
أنت من غيره..ولاااااااا حاجة
لو جالك فيروس انفلونزا بيعمل فيك إيه؟
لو دخل رمش في عينك بيبقى شكلك إيه؟

بتبقى ضعيف أوي

ربنا هو الأجدر بأننا نستعين به
أوعى مرة تحتاج حاجة وتروح لغيره
أوعى تدور على واسطة وهو ربك اللي هيسمعك وهيستجيبلك
أوعى تسأل حد من أصحابك وهو يقدر سبحانه وتعالى أنه يحققلك كل ماتريد

هو اللي يملكك وهو اللي يريد بك الخير
محدش بيحبلك الخير أده سبحانه
فماتلجأش لحد إلا هو

يبقى تطبيق الأسبوع ده إن شاء الله
انكسار وذل له..واستعانة به

وخلي عندك يقييييييييييين بالإجابة

والله حياتك هتتغير تمامااااااا

[مباركة أينما كنتِ]

رد: مشروع العمل بالقرآن..ننطلق منه نحو الجنان((تم إضافة الحلقة الثانية))

جزاكِ الله خيرا
المعنى ده جمييييييل أوى وفعلا فى وقته
ربنا يرزقنا الانكسار والافتقار إليه سبحانه وتعالى

[نهرالحياة]

رد: مشروع العمل بالقرآن..ننطلق منه نحو الجنان((تم إضافة الحلقة الثانية))

بارك الله فيك

[راجية الانس بالله ورضاه]

رد: مشروع العمل بالقرآن..ننطلق منه نحو الجنان((تم إضافة الحلقة الثانية))

وعليكِ سلام الله ورحمته وبركاته
------------------
ماشاء الله اللهم بارك
موضوع راائع جعله الله فى ميزان حسناتك
وجعلنا الله واياكِ من أهل القرآن العاملين به
واصلى وصلكِ الله وتقبل الله منا ومنكِ صالح الأعمال
--------------------------
سبحان الله وبحمده عدد خلقه ورضى نفسه وزنة عرشه ومداد كلماته

[رضاك يارب ثم الجنه]

رد: مشروع العمل بالقرآن..ننطلق منه نحو الجنان((تم إضافة الحلقة الثانية))

بارك الله فيك غاليتى


ربى يجزاك كل خير

استمرى

جعله الله فى ميزانك يارب

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة الثانية))

ربنا يبارك فيكم جميعا
جزاكم الله كل الخير

[الحاملة لكتاب الله]

رد: مشروع العمل بالقرآن..ننطلق منه نحو الجنان((تم إضافة الحلقة الثانية))

السلام عليكم
ماشاء الله فكرة رائعة
بارك الله فيك
أنا معكم بإذن الله

["راحلة عما قريب"]

رد: مشروع العمل بالقرآن..ننطلق منه نحو الجنان((تم إضافة الحلقة الثانية))

بارك الله فيكم
وعلمنا الله وإياكم
واصلوا بارك الله فيكم
وجزاكم الله عنا خيرا

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة الثالثة))

جزاكم الله كل خير أخواتي

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة الثالثة))

والآن مع الحلقة الرابعة فسلام الله عليكم ورحمته وبركاته

ناخد بإذن الله آخر آيتين في سورة الفاتحة
(اهدِنَا الصِّرَاطَ الْمُسْتَقِيمَ *صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلاَ الضَّالِّينَ)
طبعا من الآيات مفهوم أن فيه صراط للذين أنعم الله عليهم يعني طريق ونهج نمشي عليه..وطريق لغيرهم لليهود والنصارى

بندعي بالدعاء ده كاااام مرة في اليوم؟؟

17 مرة على الأقل..بس يمكن كتير مش بيستشعروه وهم بيقولوه..
أولا مين هم الذين أنعم الله عليهم؟
هم النبيين والصديقين والشهداء والصالحين

يعني احنا بندعي يارب اهدنا الصراط ده..صراط النبيين والصديقين والشهداء والصالحين

طيب احنا فعلا عايزين كده؟ ولا بنقول كده وخلاص؟؟
زي اللي بيقول يارب أبطل أسمع أغاني..لكنه بيسمع عادي وحتى مش بياخد أي خطوات علشان يبطلها ولا ضميره بيأنبه ولا حاجة خالص هو بيدعي كده وخلاص
..طبعا لازم العمل مع الدعاء

طيب احنا يعني نعمل إيه؟
نحاول نتبع نهج النبيين والصديقين والشهداء والصالحين..مش نسخر من حد منهم ولا نحس أن فلان ده مزودها أوي علشان مقصر اللبس مثلا اتباعا لرسول الله صلى الله عليه وسلم ..ولا نقول دي فلانة لابسة نقاب مش عارفة ليه معقدة أوي كده مع أنها كانت لابسة خمار يعني كان حلو..لا مانسخرش منهم بل بالعكس نحاول نمشي على نهجهم

ومانمشيش على نهج مين بقى؟؟

اليهود والنصارى

هتقولي ماأنا مش بعمل كده طبعا

أنا ولا بروح أقعد معاهم في الكنيسة ولا بصلي بطريقتهم ولا الكلام ده

هقولك مش هو ده بس معناه اتباعهم

لكن ممكن يكون هم عندهم معتقد معين وأنت بتوافقهم فيه
ممكن يكون الاحتفال بعيد الأم ده مش معتقد في ديننا ولا كان بيحصل كده من أي حد من اللي ذكرناهم اللي هم أنعم الله عليهم
أمال مصدره إيه؟؟ مش احنا..أيا كان ..سواء نصارى أو يهود ..المهم مش احنا المسلمين

يبقى احنا كده بنتبعهم ولا لا؟؟

طيب شم النسيم..يعني ايه شم النسيم وده حاجة كان بيحتفل بيها الرسول ولا الصحابة؟؟ أبدااا

طيب ليه بنحتفل بيه؟؟ اتباعا لليهود والنصارى
عيد الحب
عيد الجواز
عيد الطفولة
عيد اليتيم
الكريسماس

كل ده اتباع لصراط الذين أنعم الله عليهم؟ ولا اتباع للمغضوب عليهم والضالين؟؟

ياريت نغير من مفاهيمنا وننتمي لديننا ومعتقداتنا

وقتها والله كل الناس هتحترمنا..وهيبقوا المسلمين معروفين بأعيادهم الخاصة بيهم وبطريقة لبسهم وبطريقة كلامهم اللي للأسف بقت أغلبها دلوقتي انجليزي وفرنساوي وباي وهاي وألو..
يارب الكلام ده يدخل قلوبنا ويغير من مفاهيمنا للأفضل علشان نبقى مسلمين بجد..وكل العالم ياخدنا قدوة..إن شاء الله لما أنت وأنا نعمل كده ..حال المسلمين هيبقى أفضل وهتبقى أنت ساهمت في ده وغيرت أمة كاملة بأسلوب غيرته وبفكر خليته أفضل

جزاكم الله كل خير
نلتقي بإذن الله في الحلقة الخامسة الأسبوع القادم مع بداية سورة البقرة بإذن الله تعالى

[مباركة أينما كنتِ]

رد: مشروع العمل بالقرآن..ننطلق منه نحو الجنان((تم إضافة الحلقة الرابعة))

جزاكِ الله خيرا
فعلا عندك حق أوى فى السؤال ده
طيب احنا فعلا عايزين كده؟ ولا بنقول كده وخلاص؟؟
أول مرة انتبه للمعنى ده
ربنا يبارك فيكِ ويجعله فى ميزان حسناتك