مشروع العمل بالقرآن..ننطلق منه نحو الجنان((تم إضافة الحلقة التاسعة))

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة الرابعة))

جزانا الله وإياكِ
وجودك أسعدني
جزاكِ الله خيرا على متابعتك معنا

["راحلة عما قريب"]

رد: مشروع العمل بالقرآن..ننطلق منه نحو الجنان((تم إضافة الحلقة الرابعة))

بارك الله فيكم
حلقة رائعة

[راجيه جوار الحبيب محمد]

رد: مشروع العمل بالقرآن..ننطلق منه نحو الجنان((تم إضافة الحلقة الرابعة))

جزاكم الله خيرا وكتب اجركم

[رحيل الجنان]

رد: مشروع العمل بالقرآن..ننطلق منه نحو الجنان((تم إضافة الحلقة الرابعة))

بارك الله فيكن وجزاكم خير الجزاء وجعل في ميزان حسناتكن
اود الاشتراك معكن ؟!

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة الرابعة))

بارك الله فيكم جميعا
رحيل الجنان
أهلا بكِ معنا
سعدنا باشتراكك معنا
ربنا يجعلك من أهل القرآن

[المؤمنةبالله رانيا]

رد: مشروع العمل بالقرآن..ننطلق منه نحو الجنان((تم إضافة الحلقة الرابعة))

جزاكم الله كل خير اخوتي في الله

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة الرابعة))

جزانا الله وإياكِ يا رانيا
بارك الله فيكِ لمشاركتك معنا

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة الرابعة))

بسم الله الرحمن الرحيم

نبدأ بإذن الله الحلقة الخامسة مع بداية سورة البقرة

(الم* ذَلِكَ الْكِتَابُ لاَ رَيْبَ فِيهِ هُدًى لِّلْمُتَّقِينَ*الَّذِينَ يُؤْمِنُونَ بِالْغَيْبِ وَيُقِيمُونَ الصَّلاةَ وَمِمَّا رَزَقْنَاهُمْ يُنفِقُونَ*وَالَّذِينَ يُؤْمِنُونَ بِمَا أُنزِلَ إِلَيْكَ وَمَا أُنزِلَ مِن قَبْلِكَ وَبِالآخِرَةِ هُمْ يُوقِنُونَ*أُوْلَئِكَ عَلَى هُدًى مِّن رَّبِّهِمْ وَأُولَئِكَ هُمُ الْمُفْلِحُونَ)
أولا الم هذه حروف مقطعة لا يعلم الحكمة منها إلا الله سبحانه وتعالى ..نجد بعد ذلك أن الله سبحانه وتعالى يشير إلى أن هذا الكتاب (القرآن) لا ريب ولا شك فيه
وطبعا كلنا نؤمن بهذا الكتاب الكريم ..ربنا قال أن الكتاب ده هدى للمتقين
يعني إيه؟؟
يعني الكتاب ده فيه هدى للمتقين ..طيب مين هم المتقين؟؟
ربنا سبحانه وتعالى قال هم مين في الآية الثالثة والرابعة من السورة قال أنهم ليهم 6 صفات

علشان كده احنا طبعا كلنا عايزين نكون من المتقين (ربنا يجعلنا منهم) أهي الصفات أهي امشي عليها
1- يؤمنون بالغيب
ودي داخل فيها موضوع الأبراج والتنجيم والعرافين وكل ده..لازم نكون عارفين أن في غيبيات لايعلمها إلا الله..ولازم نكون مؤمنين بكده.. ونكون مؤمنين بالغيب ازاي؟ لازم تكون عارف أن ربنا سبحانه وتعالى بعث رسل من قبل أنت ماشفتهمش وماتعرفهمش شخصيا لكن مؤمن أن كان فيه رسل ومؤمن بالله ..من غير ماتشوف أو تعقل حاجة من دي
أنت مؤمن بيها لله ولرسله فقط.. وهو ده اللي بيميز المسلم عن الكافر.
2- يقيمون الصلاة
مش بس الصلاة كده وخلاص ..لا تجيب أركانها وشروطها وواجباتها ويكون قلبك حاضر في الصلاة ومركزززز..
3- ومما رزقناهم ينفقون: يعني بتنفق من اللي ربنا رزقك بيه سواء كانت صدقة أو زكاة أو نفقة على الزوجة الأهل ..أي نفقة تنفقها بهدف التقرب إلى الله عز وجل
وقال الله من ما رزقناهم يعني من اللي رزقناهم بيه يعني مش مطلوب منك تنفق كل اللي ربنا رزقك بيه..لا تنفق جزء يسير منه وده من تيسير ربنا سبحانه وتعالى لينا
وطبعا أي حاجة عندك سواء فلوس أو أكل أو لبس أي رزق منين؟ من الله عز وجل وحده مش منك أنت
دي مش فلوسك ومش حاجاتك ده من عند الله ..

هنقف لحد كده المرة دي بإذن الله

التطبيق هيكون في إيه؟
هنطبق ال3 صفات دي
الإيمان بالغيب
إقامة الصلاة على الوجه المطلوب
النفقة لله عز وجل

ونكمل الحلقة القادمة بإذن الله

[درعمية وافتخر]

رد: مشروع العمل بالقرآن..ننطلق منه نحو الجنان((تم إضافة الحلقة الخامسة))

ربنا يحفظك ويجعلني واياكي من حفظة القراءن وانا كمان معاكم ربنا يبارك فيكم اخواتي

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة الخامسة))

اللهم آمين
بارك الله فيكِ على مشاركتك معنا

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة الخامسة))

نكمل بإذن الله الحلقة السادسة
باقي الصفات اللي قلناها في هذه الآية
(وَالَّذِينَ يُؤْمِنُونَ بِمَا أُنزِلَ إِلَيْكَ وَمَا أُنزِلَ مِن قَبْلِكَ وَبِالآخِرَةِ هُمْ يُوقِنُونَ)
اللي هي صفات المتقين زي ماقلنا
4- يؤمنون بالوحي الذي أنزل على رسول الله
5- يؤمنون بما أنزل من قبل رسول الله أي الذي أنزل على غيره من الرسل
يعني ماينفعش تكون مؤمن بالقرآن لكن مش مؤمن بالتوراة أو الإنجيل اللي ربنا نزلهم على سيدنا موسى وسيدنا عيسى
6- وبالآخرة هم يوقنون .. يعني الآخرة في دماغهم متأكدين منها 100% عارفين أن فيه آخرة وحساب والكلام ده كله ومتيقنين بيه مش حتى في ذرة شك واحدة

وفي آخر الآيات ربنا بيقولنا أن الناس اللي يبقى فيهم الصفات دي هم دول اللي على هدى من ربهم هم دول اللي ربنا هداهم وأولئك هم المفلحون اللي فازوا بأحسن حاجة.

["راحلة عما قريب"]

رد: مشروع العمل بالقرآن..ننطلق منه نحو الجنان((تم إضافة الحلقة السادسة))

جزاكم الله خيرا
وعلمنا الله وإياكم
وجعل ما نعلم حجة لنا عنده سبحانه

[مباركة أينما كنتِ]

رد: مشروع العمل بالقرآن..ننطلق منه نحو الجنان((تم إضافة الحلقة السادسة))

جزاكِ الله خيرا
ربنا يجعلنا من المتقين المخلصين

[sarah2013]

رد: مشروع العمل بالقرآن..ننطلق منه نحو الجنان((تم إضافة الحلقة السادسة))

بارك الله فيكم

[مباركة أينما كنتِ]

رد: مشروع العمل بالقرآن..ننطلق منه نحو الجنان((تم إضافة الحلقة السادسة))

أين بقية الموضوع؟؟
لماذا توقف ؟
لعله خير
أرجوكِ أختى أن تكمليه فقد كان نافعًا جداااااااا
وأسلوبك ما شاء الله متميز ويصل للقلب