مشروع العمل بالقرآن..ننطلق منه نحو الجنان((تم إضافة الحلقة التاسعة))

[شفيعي قرآني]

السلام عليكم ورحمة الله وبركاته

أكيد جه في بال ناس كتير مننا السؤال ده

ياترى هو أنا بعمل بالقرآن؟؟

طيب لو عايز أطبقه فعلا في حياتي ..ده سهل؟؟

دايما ندعي يارب اجعلني من حفظة القرآن والعاملين به..طيب مافكرناش ناخد خطوة بقى ونتحرك ونبدأ نطبقه ونعمل بيه؟؟


هنحاول بإذن الله نعمل ده هنا مع بعض ..لكن في الأول قبل أي حاجة لازم نخلص النية لله ونستعين به..لأننا محتاجين منه دوما العون سبحانه وتعالى


هنعمل إيه؟؟



هنقول كل أسبوع بإذن الله آية من آيات القرآن الكريم


وهنمشي عليها من غير استهتار


ومش عايزين نستعجل..لأن كل حاجة محتاجة صبر


وعايزة أقولكم أد إيه هتحسوا بالفرق مش بعد ماتطبقوا القرآن كله لا ده أنت لو طبقت آية واحدة بس هتحس بالفرق في حياتك..بس بشرط تطبقها صح


هنبدأ إن شاء الله وأتمنى يشارك معانا عدد كبير بإذن الله


بارك الله فيكم وجعلنا وإياكم من أهل القرآن العاملين به

اللهم آمين


ننتظر المشاركات معنا بإذن الله

المشتركات حتى الآن

هدى القران

om Maaz

*نداء الجنة*

سهير(بنت فلسطين)

حنين وانين

محبة لقاء الله

فقيرة إلى الله

*(العفيفة)*
قلبي لله

Ama_Muslimah

راجيه جوار الحبيب محمد

رحيل الجنان

المؤمنةبالله رانيا

الراجية الانس بالله ورضاه

نهرالحياة

الحاملة لكتاب الله


فهرس الحلقات
الحلقة الأولى
الحلقة الثانية
الحلقة الثالثة
الحلقة الرابعة
الحلقة الخامسة
الحلقة السادسة
الحلقة السابعة
الحلقة الثامنة
الحلقة التاسعة

[شفيعي قرآني]

رد: مشروع العمل بالقرآن..ننطلق منه نحو الجنان

ننتظركن أخواتنا بإذن الله

[هدى القران]

رد: مشروع العمل بالقرآن..ننطلق منه نحو الجنان

جزاكى الله خيرا ونفع بك غاليتى
ان شاء الله انا معاكى

[شفيعي قرآني]

رد: مشروع العمل بالقرآن..ننطلق منه نحو الجنان

ربنا يبارك فيكِ ياهدى
ربنا يجعلك من أهل القرآن
أسعدتني مشاركتك معنا
انتظري بإذن الله أول حلقة

[om Maaz]

رد: مشروع العمل بالقرآن..ننطلق منه نحو الجنان

معك بإذن الله اختي الكريمة
بارك الله فيك
وجعله في ميزان حسناتك

[*نداء الجنة*]

رد: مشروع العمل بالقرآن..ننطلق منه نحو الجنان

جزاكى الله خيراً
وانا باذن الله هكون معاكى

[شفيعي قرآني]

رد: مشروع العمل بالقرآن..ننطلق منه نحو الجنان

ماشاء الله اللهم بارك على الهمم
ربنا يبارك فيكِ أم معاذ ونداء الجنة
ربنا يجعلكم من العاملين به
اللهم آمين
بارك الله فيكم

[شفيعي قرآني]

رد: مشروع العمل بالقرآن..ننطلق منه نحو الجنان

والآن مع أولى حلقات المشروع

نبدأ بسورة الفاتحة بعد الاستعانة بالله سبحانه وتعالى

أول آية في سورة الفاتحة هي (بِسْمِ اللَّهِ الرَّحْمَنِ الرَّحِيمِ)
طبعا كلنا عارفين أن سورة الفاتحة هي اسمها كده لأنها فاتحة الكتاب
و(بِسْمِ اللَّهِ الرَّحْمَنِ الرَّحِيمِ) دي آية من ضمن الآيات في السورة دي على عكس باقي السور
ربنا سبحانه وتعالى بيعلمنا نبدأ بإيه

والرسول صلَّى اللهُ تعالَى عليه وسلم بدأ بالصَّفا والمروةِ وقال : "ابدءوا بما بدأ اللهُ به" الراوي: - المحدث:ابن الملقن - المصدر: خلاصة البدر المنير - الصفحة أو الرقم: 2/11
خلاصة حكم المحدث: إسناده صحيح
فاحنا منالحديث ده عايزين نبدأ بهذه الكلمات عند الشروع في أي عمل
وأكيد في كتير بيعملوا كده
بس عايزين نستشعر ده..ان ربنا بدأ كتابه الكريم بسم الله الرحمن الرحيم فاحنا كمان هنعمل كده

تاني آية (الْحَمْدُ لِلَّهِ رَبِّ الْعَالَمِينَ)
لو عدينا احنا ممكن نحمد ربنا على إيه أكيد مش هنعرف
لأننا عايشين في نعم دايما لاتعد ولا تحصى
هتقول الحمد لله على الهداية ولا الحمد لله على الصحة ولا الحمد لله على الإسلام ولا المأوى ولا المأكل ولا المشرب ولا الأهل ولا التعليم ولا البصر ولا السمع ولا الأقدام ولا الأيادي..ياااااه..كل دي نعم وكل يوم بنكتشف نعم أكتر وربنا بينعم علينا بنعم أكتر
وفي نعم معنوية زي الستر واستجابة الدعاء وإحساس القرب منه..حاجات كتير مش هتقدر تعدها
ياترى احنا بنحمد ربنا على النعم دي كلها؟؟
ولا بنستقبل هذا الكم الغزييييير من النعم على أنه حاجة عادية وأن هي دي حياتنا وده عندنا طبيعي والكلام ده؟
تقدر تتخيل لو نعمة واحدة بس من هذه النعم سُلبت منك ممكن حياتك تبقى عاملة ازاي؟
بصوا تاني على النعم اللي فوق دي واحذف واحدة منهم من حياتك وتخيل بقى هيبقى إيه وضعك..

الحاجة التانية بالنسبة للحمد بنتعلمها من السورة دي أن احنا بندعي ربنا في هذه السورة بنقول (اهدِنَا الصِّرَاطَ الْمُسْتَقِيمَ) يعني ده دعاء فعشان كده بدأنا بالحمد
ربنا بيعلمك لما تبدأ بالدعاء تحمده الأول

معلش أنا عارفة أني طولت عليكم
أتمنى نطبق الآيتين دول طول الأسبوع بإذن الله وأكيييييييد هنحس بأثرها جدا إن شاء الله
أستودعكم الله إلى أن ألقاكم في الحلقة الثانية بإذن الله
والسلام عليكم ورحمة الله وبركاته

[سهير(بنت فلسطين)]

رد: مشروع العمل بالقرآن..ننطلق منه نحو الجنان((تم إضافة الحلقة الأولى))

السلام عليكم ورحمة الله وبركاته
ما شاء الله فكرة مميزة اخيتي
بارك الله فيك , وجعل موضوعك في ميزان حسناتك
معكم ان شاء الله ويسعدني هذا لاني احتاج لمثل هذه المواضيع

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة الأولى))

بارك الله فيكِ أختي سهير
يسعدني تواجدك معنا في الموضوع
ربنا يكرمك يارب

[رضاك يارب ثم الجنه]

رد: مشروع العمل بالقرآن..ننطلق منه نحو الجنان((تم إضافة الحلقة الأولى))

بارك الله فيكِ اختى

ان شاء الله انا معاكووو

رائع طرحك ربى يجعله فى ميزانك يارب

[محبة لقاء الله]

رد: مشروع العمل بالقرآن..ننطلق منه نحو الجنان((تم إضافة الحلقة الأولى))

وعليكم السلام ورحمه الله وبركاته
ما شاء الله
موضوع راائع والحلقة الاولى مميزة ففعلا نحتاج التذكرة داائما بحمد الله على كل حال
جزاكِ الله خيرا اختى الكريمة
-----------------------------------
اللهم صل على سيدنا محمد

[فقيرة إلى الله]

رد: مشروع العمل بالقرآن..ننطلق منه نحو الجنان((تم إضافة الحلقة الأولى))

وعليكم السلام ورحمة الله وبركاته
ما شاء الله اللهم بارك موضوع قيُم
بارك الله فيكم
معكم إن شاء الله

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة الأولى))

أخواتي أسعدتوني بمشاركتكم معنا في الموضوع
جعلنا الله وإياكم من أهل القرآن
بارك الله فيكم
سيتم إضافة أسمائكن بإذن الله

[شفيعي قرآني]

رد: مشروع العمل بالقرآن..ننطلق منه نحو الجنان((تم إضافة الحلقة الأولى))

إيه أخبار التطبيق؟