(((( قــــلـــب اللــــهــــب )))) رواية أكثر من رائعة ...تابعونا

[ابو مالك محمد المصرى]

رد: (((( قــــلـــب اللــــهــــب )))) رواية أكثر من رائعة ...تابعونا

جزاكم الله خيراً إخوانى على مروركم الرائع

أحسن الله إليكم

[ابو مالك محمد المصرى]

رد: (((( قــــلـــب اللــــهــــب )))) رواية أكثر من رائعة ...تابعونا

(( 11 ))
:: العمليه ::

بعد مده من الزمن......
اجتاز محمد وزياد فترة التدريب بصعوبه شديده جدا ليس بسبب قلة المهاره ...لكن بسبب مشاحناتهما المستمره وشجارهما الدائم الذى كان يوقعهما كثيرا فى التأديب والعقاب
فاستغرق الأمر منهما ضعف ما يستغرقه الشباب الآخرين
وحانت لحظة الخروج لأول عمليه
حمزه : هادى العمليه كتير مهمه
بدنا نخطف كولونيل فى جيش الدفاع لنبادله بالأسرى فى السجون الإسرائيليه
3 من شبابنا المحترفين راح ينفذوا العمليه
مهمتكم : واحد راح يسوق السياره
الإٌثنان بسرعه وفى صوت واحد : أنــــــــــــا
ينظر كل منهما للآخر شذرا
ينظر حمزه اليهما ثم يكمل : الثانى راح ينقل الأغراض والأسلحه
الإثنان معا : هوّ
ينظر حمزه اليهما ويتنهد بضيق : واحد راح يكون قريب من الثلاثه ليراقب الموقف
الإثنان : أنـــــــــــــا
حمزه بضيق : الثانى راح يكون فى الخلف يراقب المؤخره
الإثنان معا : هوّ
حمزه : فى العوده واحد راح يقيد الكلونيل وما ينسى يغطى عينيه
الإثنان : أنــــــــــــــــا
يزداد ضيق حمزه : الثانى راح يكون فى السياره من الخلف ليراقب الطريق
الإثنان : هوّ
ألقى حمزه القلم الذى كان يرسم به الخطه على المنضده بغضب وأخذ يقلب عينيه بين الإثنين
بعد عدة ساعات ..........................
حمزه يدور فى الحجره كالليث الغاضب ......محمد وزياد يقفان أمامه مطأطئ الرأس فى خجل
حمزه بصوت كالرعد وهو يرغى ويذبد :
هادا كتير .......أطفال .......أنا باتعامل مع أطفال
بعد كل ها التدريب ...ما اتعلمتوا شئ
وبسببكوا فشلت المهمه
محمد بصوت خفيض يقطر منه الأسف :
الرصاصه طلعت غصب عنى......كانت غلطه ..
حمزه يشتعل غضبا : غلطه ولا جريمه ؟
الخطأ وارد فى التدريب .....لكن فى مهمه ميدانيه !
لو كنتوا فى الجيش كنتوا اتحولتوا لمحاكمه عسكريه
ما بعرف ايش أسوى فيكم ؟
زياد : نفترق وكل .....
يقاطعه حمزه بغضب شديد : ما تفتح تمك ...أنا هون اللى بعطى الأوامر ..وانت تنفذ
راح بعلمك كيف تطيع الأوامر ...
لما صدرت أوامر قائد المجموعه بالإنسحاب ..ليش مانفذت؟
زياد : كان بدى ......
حمزه بغضب : ماحدا هون بدو كلنا بنطيع الأوامر
هالحين...را ح تنقلوا الأحجار من أول الملعب لآخره أربع مرات وتنتهوا قبل صلاة الفجر بعدها بيروح محمد على عمله فى المطعم



ينظر محمد الى كومة الحجاره ثم يصرخ بطريقه هستيريه ويلقى نفسه على الأرض وينتفض ويتشنج كمن صعقته الكهرباء
تخرج ابتسامه على شفتى حمزه رغما عنه ثم يقول بعد فترة صمت : هالحين ....ندمانين على عملتكوا
يقف محمد ويرد هو وزياد : نعم ...
حمزه وهو يزفر : ماراح تكرروها ؟؟؟
الإثنين : نعم ...
حمزه : بتطيعوا الأوامر ؟
الإثنين : نعم....
حمزه : منيح .....سامحتكوا
يتنهد الإثنين براحه
يردف حمزه : لكن.............. بتنفذوا التأديب
يتلقى الإثنان الصدمه فى ذهول
هذه المره كان نقل الأحجار أسهل بعد أن اعتاد الإثنان عليه من كثرة ما قاموا به
محمد وهو يضحك بغيظ : الله الوكيل عم حمزه ده حكايه ...شكله كده جايب لنا الطوب ده مخصوص علشانا
هو مفيش غيرنا هنا ولا ايه؟؟؟؟
ثم ينظر لزياد الصامت دائما ويردف بضيق : أمر الله ...بلوه واتحدفت عليا
أسيب أبو الهول فى مصر آجى ألاقيه هنا
زياد : ايش ؟؟؟
محمد وهو يبتسم بغيظ : ولا حاجه ...بكلم نفسى



بعد تلك التجربه الفاشله...استمر محمد وزياد فى الخروج للمهمات الميدانيه الناجحه...وتعلم كل منهما كيف ينفذ الأوامر و يتعاون مع شريكه ....تلك الشراكه التى فرضها عليهما حمزه رغم أنفيهما
حتى اطمأن حمزه تماما لمهارتهما
بدأ يعد العده للقاء المرتقب مع سليمان الصيرفى

[ابو مالك محمد المصرى]

رد: (((( قــــلـــب اللــــهــــب )))) رواية أكثر من رائعة ...تابعونا

((12))
:: العوده للماضى ::


دخل محمد الى حجرة الإجتماعات وكان بانتظاره حمزه وزياد وسعد واثنان آخران لا يعرفهما
قام حمزه بمهمة التعارف
السيد سليمان الصيرفى ....والسيد شاكر عبد الحميد
محمد وهو يصافحهما: أهلا وسهلا ...من مصر مش كده ؟
ايه ده دانا باين عليا واقف فى سوق امبابه ولا ايه؟
يضحك الجميع ويكمل حمزه : من الأمن المصرى
ينتفض محمد بعنف من على كرسيه :
يانهار اسود ......جايين ورايا لحد هنا ؟؟ ....بلغت عنى يا ندل .....جرى ايه يا عم حمزه ؟؟؟ماحنا كنا حلوين مع بعض
ايه فيه ايه يا اخوانا ؟؟؟أنا معملتش حاجه
حمزه بصرامه : اقعد يا محمد .....اقعد
يجلس محمد : حاضر.....
حمزه : السيد سليمان الصيرفى ..من المخابرات المصريه
محمد : أيوه ...أيوه ...عرفتكوا انتوا بتوع جمعه الشوان ورأفت الهجان ...مش كده؟؟؟
يضحك سليمان : أيوه .........احنا
محمد بحماس مرح جدا : وعايزينى أعمل زيهم .مش كده؟
سليمان بجديه : لا......إحنا جايين علشان نساعدك
محمد ينظر اليه باستغراب : انتوا المخابرات؟؟
سليمان : مش بالظبط..بلغنى انك بتدور على والدك ....... وانا هاساعدك
أنا جى هنا بصفه شخصيه..........شخصيه جدا.....



بعد فترة صمت طوييييله
تضيق عينا محمد وتنبت ابتسامه صفراء شديدة السخريه على زاوية فمه تكبر حتى تملأ كل وجهه وهو يقلب عينيه بينهما
محمد يضحك بسخريه مريره : هأ هأ هأ......ياحلاوه
بقى سيادتكوا مستنينى25 سنه علشان أجيب التايهه وأرجع اللى غايب ؟
طب وليه تتعبوا نفسكوا؟؟ ماكنتوا تكملوا جميلكوا وتسيبوه مرمى هناك....واهه بناقص واحد مش هاتفرق
سليمان بجديه شديده مغلفه بالصرامه:
مين قالك ان احنا سايبينه؟؟؟؟
عارف فيه كام أسير مصرى فى السجون الإسرائليه؟؟
هز محمد رأسه بالنفى
عارف كام عملية تهريب ناجحه تمت فى 25 سنه؟؟
طبعا الكلام ده مش ممكن يتكتب فى الجرايد
معلوماتنا بتقول ان فيه مجموعه معينه من الأسرى المصريين اسرائيل مهتمه بيهم بشكل خاص وبتعتبرهم من السجناء الخطرين
لدرجة انها بتفصّلهم سجون مخصوصه
كان محمد يستمع باهتمام شديد
سليمان : عملنا اكتر من 8 محاولات تهريب لكن للأسف فشلت
محمد : ليه؟؟؟
سليمان : لأن الإسرائليين مش بيلعبوا
وكل ما يحسوا ان فيه اى محاوله جديده مننا...ينقلوا الأسرى لمكان تانى.....سنين طويله وهم بيلعبوا معانا لعبة القط والفار
يعقد محمد حاجبيه ويظهر على وجهه الإحباط:
يقول كمن يحادث نفسه: وانا بقى اللى هانجح ؟؟؟
سليمان : مش لازم تيأس.........انت بالذات فيك ميزه مهمه جدا عننا...........انك حر...مفيش أوامر بتقيدك
ينظر محمد له بتساؤل
لكن احنا.فى حاجات كتير بتقيدنا وتحجم شغلنا.الأوامر .القياده السياسيه ..اتفاقيات السلام.الموساد نفسه.عينه دايما علينا
لكن انت !!!!!
.مفاجأه كبيره جى من مكان محدش يقدر يتوقعه..
من الماضى
محمد : وايه اللى ممكن أعمله؟؟؟؟؟
سليمان : حاجات كتير .........
على الأقل لو فشلت المهمه مش هانتحط فى مأزق سياسى
هانقول انك خرجت من مصر بدون علمنا
محمد بسخريه شديده : على رأيك ....ويبقى الأسرى زادوا واحد ...واهه مفيش حاجه تخسّر
سليمان بجديه : أنا هنا علشان أساعدك وواجبى انى أشرحلك خطورة الموقف وطالما قبلت المخاطره من الأول وضحيت بكل حاجه علشان تيجى هنا يبقى لازم تعرف حقيقة الأرض اللى انت واقف عليها كويس
محمد يحاول استعادة مرحه :
يالله .....يمكن يسجنونى مع أبويا فى زنزانه واحده
سليمان بصدق مؤلم : أو يعدموك........
يبلع محمد ريقه بصعوبه : طيب........أنا بس كان نفسى أتجوز بنت الحاج اسماعين خليفه قبل ما اموت
يضج المكان بالضحك الشديد
سليمان يتنهد: زى والدك بالظبط ..وكأنى قاعد بتكلم مع السيد
محمد بلهفه : تعرفه يا سيد سليمان؟؟؟؟
سليمان : إلا أعرفه ....دا نجانى من الموت مرتين....
فى حياتى كلها مشفتش أرجل منه
سليمان يعود الى الماضى : أنا وهو كنا فى كتيبه واحده
كنت لسه ملازم أول وهو كان مجند
كان موقعنا غرب جبل شعيره عند بير المالح
صدرت لنا الأوامر بالإنسحاب .....
السيد : يادى الفضيحه ....أرجع أقولهم ايه فى البلد ؟؟؟؟؟
ماحاربتش ؟؟؟؟دول كانوا يجرسونى
وأبويا !!! الله الوكيل داكان يرجعنى على سينا حافى
رفض ينفذ الأوامر وبدل ما ينسحب للغرب اتجه ناحية الشرق
ومعاه خمسه من زمايله
سألته : أقولهم ايه يا سيد؟؟؟؟
السيد : قول لهم راح يبوس لأعتاب ويصلى ركعتين فى الأقصى
ودى كانت آخر مره أشوفه فيها
رفع محمد عينيه المملوءتين بالدموع ...وابتسم بحنين
وقال وهو يتنهد : ها ....... هانعمل ايه ؟؟؟
يفتح السيد سليمان خريطه معه وهو يقول :
معلوماتنا بتقول ان المجموعه دى بالذات اتنقلت من أربع سنين لسجن جديد بنوهولهم مخصوص فى قلب الصحرا ونظام الحراسه بتاعه حديث جدا ومعقد جدا
دا طبعا بسبب آخر محاولة تهريب حاولناها وفشلت
محمد : خرايط تااااااانى ....اوعى تكون مغشوشه
سليمان يبتسم : لا ماتخافش ....المعلومات دى مؤكده
السجن ده من الصعب جدا اقتحامه
دا غير انه فيه أحدث وأشرس وسائل التعذيب الرهيبه
علشان كده سموه ..............اللهب
ومهمتك هى انك تدخل ..........قلب اللهب
بس أحب أنبهك .........مفيش حاجه مضمونه
يعنى .........ممكن يكون والدك هناك ........
ثم أردف بلهجه خافته : أو يكون مدفون فى قلب الصحرا
ساعتها هاتعمل ايه؟
لمعت عينا محمد ببريق ساطع مخيف واشتعلت ملامحه بغضب رهيب :
............هــــــــــاخد.........بـــــطــــــار ه

[abouabdou]

رد: (((( قــــلـــب اللــــهــــب )))) رواية أكثر من رائعة ...تابعونا

ماشاء الله .... تِسلم يا ابو مالك

[أبو سعيد الأزهرى]

رد: (((( قــــلـــب اللــــهــــب )))) رواية أكثر من رائعة ...تابعونا

بسم الله ماشاء الله أيه الحلوة دى انت المفروض تاخد وسام الـ .......

والله صح
انت المفروض تاخد وسام الحلوة فى الموضوع ده
وأحنا وراك أكمل
أحبك فى الله

[مـسـلـم]

رد: (((( قــــلـــب اللــــهــــب )))) رواية أكثر من رائعة ...تابعونا

ما شاء الله ... تسلم أخي
يا ريت تضع فهرس في أول الموضوع
جزاك الله أخي كل خير

[abouabdou]

رد: (((( قــــلـــب اللــــهــــب )))) رواية أكثر من رائعة ...تابعونا

!!!!!!!!

[أبو سعيد الأزهرى]

رد: (((( قــــلـــب اللــــهــــب )))) رواية أكثر من رائعة ...تابعونا

أخى لماذا تأخرت فى وضع الحلقات الجديدة نحن فى أنتظارك
أسأل الله لك السلامة والفردوس الاعلى من الجنه

[abouabdou]

رد: (((( قــــلـــب اللــــهــــب )))) رواية أكثر من رائعة ...تابعونا

؟؟؟؟؟؟؟؟؟

[مجاهد الشام]

رد: (((( قــــلـــب اللــــهــــب )))) رواية أكثر من رائعة ...تابعونا

أكمل القصة بدلا من أخي محمد
بسبب إنشغالهم بالإمتحانات والثانوية

طوال اسبوعين كاملين استمرت جلسات العمل الطويله بين السته ...وبرغم أنه لم تكد تخلو جلسه واحده من مشاكسات محمد وزياد المعتاده والتى كانت تتطور فى بعض الأحيان الى مشاجرات الا أنهم استطاعوا جميعا بعد جهد جهيد رسم خطه شديدة الإحكام للدخول الى قلب اللهب...وتحرير الأسرى............. وسدوا كل الثغرات المحتمله
على ضوء المعلومات التى جمعتها المخابرات
وكانت الخطه تتضمن خمس خطوات أوليه شديدة الأهميه تمهد لعملية اللهب
وبعد انتهاء أحد الإجتماعات
تحدث سليمان الى حمزه : حاجه غريبه ....متأكد ان الولدين دول هايقدروا يقوموا بالمهمه؟؟؟؟؟
حمزه : أكيد
سليمان : انت ليه مصر تجمعهم سوا مع انهم عاملين زى الديوك؟؟؟
حمزه :هادا غيره و حماس شباب......المفروض انهم يكملوا بعض وكل واحد يؤثر فى التانى ويغير من عيوبه
سليمان : بس أنا شايف انهم مختلفين فى كل حاجه
ومابيقبلوش بعض
حمزه : ايه رأيك ان محمد قدر فعلا يأثر فى زياد ويغير كتير من شخصيته
فيما بعد............
حمزه : محمد .......بريدك ...تعالى
انتحى حمزه ومحمد جانبا وأغلق حمزه الباب
حمزه : محمد.............مابريدك تكره زياد
محمد بانفعال : أنا بكرهه!!!!!!!!
ولا هوّ اللى عامل زى العقربه اللى شايله ديلها وماشيه عاوزه تلوش أى حد
يبتسم حمزه من أسلوبه ثم يقول بجديه :
زياد عاش حياه صعبه كتير
أبوه كان قائد نشيط من المجاهدين .....كشفوه اليهود وضربوا بيته بصاروخ .الكل مات .أبوه.أمه .جده..اخواته الأربعه .ما لقينا تحت الأنقاض غيره حى .كان عنده عشر سنين..حتى اليوم ماحدا بيعرف يشفى جراحه. ولا يطفى النار فى قلبه
محمد يصمت طويلا ثم يتنهد :
ياااااسااااااااااتـــــــــيييييرر
ايه الدراما المأساويه دى؟؟؟ دا ألعن من الأفلام الهندى
حمزه : هادا حال كتير من الفلسطينيين
محمد : لا يا عم ...أنا هاخلص المهمه وآخد أبويا ونروح عالبلد عدل
ينهض محمد خارجا : حاجه تانيه يا عم حمزه
حمزه : نعم ..............دير بالك على أخوك زياد
يبتسم محمد ويخرج من الباب ليفاجأ بوجود زياد وياسر يتحدثان معا
محمد بمرح : مين ؟؟؟؟بوجى وطمطم ؟؟؟ بتعملوا ايه هنا
باين عليكوا كنتوا بتلمعوا أكر ولا حاجه
ياله يابنى ورانا شغل

[مجاهد الشام]

رد: (((( قــــلـــب اللــــهــــب )))) رواية أكثر من رائعة ...تابعونا

((13))
:: الخطوه الأولى ::

برغم كمية المعلومات المتوفره عن طريق المخابرات لدى فريق العمل الا أنهم كانوا بحاجه الى مزيد من المعلومات الدقيقه من داخل السجن
مثل نظام الحراسه ...مواعيد تبديل ورديات الحرس...
مواعيد الأكل وغيرها.........
من أجل هذا كانت الخطوه الأولى تعتمد على
الدخول الى قلب السجن من الداخل
وكانت هذه هى المشكله الأولى
واستطاع محمد أن يحلها بذكاء شديد
استطاع أن يغرى موشى جدعون الذى مازال يعمل عنده حتى هذه اللحظه أن تتولى شركته توريد الطعام لسجن اللهب
ولأن سمعة موشى فى هذا المجال وعلاقاته بقادة الجيش جيده
وبسبب ما يدفعه من رشاوى
نجح فى الحصول على هذه الصفقه
أما محمد ........... فلقد أقنع موشى أن يتولى هذه المهمه بنفسه كمكافئه له على فكرته التى أعجبت موشى جدا
ولأن موشى لا يصرف مكافآت ماليه أبدا لأنها ضد مبادئه الشخصيه
سمح لإفرايم ان يشرف على عملية توريد الطعام للسجن
عله يحصل على بعض البقشيش أو يقوم ببعض الصفقات الخاصه مع الجنود كأن يبيع لهم سجائر أو خمور أوبعض الملابس وغيرها.........
أخيرا..............استطاع محمد الدخول الى
.........................قلب اللهب
فى أول يوم دخل فيه السجن ...كادت تفضحه عيناه وحنينه الى أبيه ....وهو يشعر أنه قريب منه الى هذه الدرجه ...ولا يستطيع أن يراه.....
لكنه كبت مشاعره كما اعتاد دائما منذ أن كان صغيرا
استطاع افرايم بعد وقت قصير وبجاذبيته الشديده أن يصادق أغلب الحرس ويخلب لبهم بذكائه وخدماته العديده
وبعد شهرين استطاع الدخول الى السجن والتجوال فيه وهو يخفى بين ملابسه كاميرا صغيره صور بها أغلب الأماكن المطلوبه
كما استطاع استخراج كل المعلومات التى يريدها من فم الحراس
وكان انتصارا ساحقا للخطوه الأولى

[yassoraa88]

رد: (((( قــــلـــب اللــــهــــب )))) رواية أكثر من رائعة ...تابعونا

جزاكم الله كل خير
بصراحة كان نفسي اكملها معاك بس اضطريت ادور عليها و اقراها كلها مرة واحدة عشان فاضل كام يوم عالامتحانات و عايز اتنيل اذاكر

بس فعلاً ربنا يبارك فيكم و ينفع بكاتبتها

[مجاهد الشام]

رد: (((( قــــلـــب اللــــهــــب )))) رواية أكثر من رائعة ...تابعونا

جزاكم الله كل خير
بصراحة كان نفسي اكملها معاك بس اضطريت ادور عليها و اقراها كلها مرة واحدة عشان فاضل كام يوم عالامتحانات و عايز اتنيل اذاكر

بس فعلاً ربنا يبارك فيكم و ينفع بكاتبتها

حفظك الله ورعاك أخي الحبيب
ومش ضروري تتنيل يا حبيبي
المذاكرة حاجة تسد النفس صحيح بس إخلص النية في الموضوع وهي هتمشي معاك زي السكين في الحلاوة

[حنبلي السنة]

رد: (((( قــــلـــب اللــــهــــب )))) رواية أكثر من رائعة ...تابعونا

جااااااااااااااااااااااااااااااااامدة أووووووووووووي
تسجيلااااات متابعة
جزاك الله خيرا

[__volcano__]

رد: (((( قــــلـــب اللــــهــــب )))) رواية أكثر من رائعة ...تابعونا

ههههههههههههههههههههههه

رواية جميلة وممتعة جـــــــــــــــدا

أشــكرك أخى الحبيب