نفسي في اب يسمعني

[غير مسجل]

رد: نفسي في اب يسمعني

والله ان شاء الله لن اعود للمعاصي مرة أخري
لن اعود يا أبي ان شاء الله والله استشعرب حلاوة في صلاة الفجر والصلوات كلها
الطاعة حلوة
ادعلي بالثبات يا أبي
انا عارف انا هاتعب كتير بس ربنا يثبتني
هاعمل حساب ان شاء الله

[فريق استشارات سرك فى بير(الاخوة)]

رد: نفسي في اب يسمعني

الحمد لله رب العالمين، الحمد لله الذي هدانا وما كنا لنهتدي لولا أن أنعم علينا بالهداية بتوفيقه وفضله
الحمد لله القائل في كتابه الكريم:
{وَمَا تَوْفِيقِي إِلَّا بِاللَّهِ ۚ عَلَيْهِ تَوَكَّلْتُ وَإِلَيْهِ أُنِيبُ}
أبشر يا ولدي الحبيب واستبشر بكل خير
إن شاء الله سيوفقك سبحانه ويعينك على طاعته وترك المعاصي
فتوكل عليه سبحانه الذي هو أحن على العباد من الأم على ولدها
البداية ممكن تكون شاقة وصعبة، لكن الشعور بلذة الطاعة شيء جميل ودلالة على أن الله يريد لك الخير
استعن بالله يا ولدي واثبت بقدر استطاعتك، وخلي بالك من الشيطان لانه هايكثف جهوده معاك ويحاول يبعدك عن الطاعات وهايزين ليك حاجات
فانتبه لمكائده وشروره

وفقك الله لما يحب ويرضى، وانا منتظر تسجيل عضويتك الغالية واللي ربنا هايكرمك بعدها بأخوة أفاضل يقفون معك ويعينوك على الطاعة بتوفيق منه سبحانه

[غير مسجل]

رد: نفسي في اب يسمعني

يارب يارب
انا عملت حساب وموضوع زي ما قلت
ادعولي كتير ربنا يثبتني ويهدييني والله الشيطان جالي كتير اليوم كان عاوزني ارتكب اي معصية علشان ابعد عن ربنا
مش عاوز يسيبني طول ما اانا قاعد بيقول اعمل دا ودا ودا
يارب بقى ماتسيبنيش

[غير مسجل]

رد: نفسي في اب يسمعني

مافيش فايدة زي ما قولتلك ضعيف ولا اقوي على الثبات ربنا ياخدني وخلاص بقى

[غير مسجل]

رد: نفسي في اب يسمعني

السلام عليكم ورحمة الله وبركاته ابي
اتعرف ما حدث لي الان ؟
لأن عصيت الله ولم اصلي ونكثت عهدي ولم اوفي بكلامي مع الله ولم اصلي المغرب وعصيت الله
ربنا ادبني يا ابي
وفهمت كويس إنه مش ناسيني وشايفني ومش غافل عني
الحمد لله
ربنا عاقبني اهو
ياااااااااااااه
اللي حصل خرجت على اساس اني هاصلي المغرب لكن ما رحتش المسجد رحت عصيت ربنا وارتكبت منكر وانا ماشي وراجع ربنا عاقبني وسلط علي كلب
وهجم علي وعورني جامد في جسمي ايدي ورجلي وبطني هجم علي بشراسة لكن هربت وجريت منه والناس حاشوه عني
ورحت المستشفي وبدأت اخد علاج
دا عقاب ربنا لي صح ..
وكأنه بينبهنبي بعقاب بسيط ... يبقى النار بقى هاتعمل ايه
وانا راجع خدت عهد على نفسي الا اعود لما كنت عليه من المعاصي خلاص كفاية ادي تحذير من ربنا ، ودي شكة لي ولسه الاخرة
انا هامسح كل الافلام اللى على جهازي ان شاء الله كلها الوقتي الوقتي
ومش هاعمل معاصي تاني يا ابي
الحمد لله رب عاقبني يااااااااااااااااه فرحااااااان والله اووووووي بس مش قادر ابكي ونفسي ابكي بجد بس مش عارف
بس انا والله ان شاء الله خلاص
قلت لنفسي كفاية ذنوب
ان بقى اني ارجع واعيش صح
اظهر الرسالة دي يا ابي
فرحاااااااان والله بعقاب ربنا لي ياااااااااااه .. أنا فهمت إن ربنا كان سايبني أعصيه ووقت ما يريد عقابي هايعاقبني
الحمد لله
ادعولي كتيرررر بالله عليكم

[غير مسجل]

رد: نفسي في اب يسمعني

الحمد لله مسحت كل حاجة يارب ثبتني على الطاعة رغم انفي يارب لاتتركني مرة اخري يا حبيبي يارب

[فريق استشارات سرك فى بير(الاخوة)]

رد: نفسي في اب يسمعني

الحمد لله رب العالمين.. حمدًا طيبًا كثيرًا .. حمدًا يوافي نعمه ويكافئ مزيده
حمدًا لله على سلامتك يا ولدي الحبيب ، شفاك الله وعافاك بفضله وبرحمته
والله يا ولدي أستعدتني كثيرا بكلامك هذا ،
والله ياولدي لو سجدت طويلًا لله شكرًا على نعمته عليك بهذه الحادثة لما وفيته حقه سبحانه الرحيم بعباده
وأجمل حاجه منك إنك فهمت كويس حكمة الله في مهاجمة الكلب لك.. والفهم دا نعمه من ربنا عليك
شفت بقى إن قلبك عامر بالخير إزاي؟
القلب اللي يدرك عظمة الله ، ويفرق بين العمل الصالح وارتكاب الذنوب
القلب اللي بيخلي صاحبه مش راضي عن نفسه ونفسه يرجع لربه
القلب اللي أدرك عظمة ربه ومولاه ورضي بعقاب دنيوي يخليه يعود مسارعًا إلى ربه
القلب اللي إستقبل هجوم الكلب والإصابات بحمد وشكر لله ، وصبر العبد الذليل إلى ربه
تفتكر إن القلب دا مات والعياذ بالله؟!!
لأ طبعًا يا ولدي الغالي .. يا صاحب القلب الخاشع لربه إن شاء الله، ولانزكي أحدا على الله
أظن إن الحادثة غيرت مفاهيم كثيرة عندك ، ودي نعمه كبيره من ربنا عليك
ودا اللي أخبرنا بيه سيدنا محمد صلى الله عليه وسلم:
( إِذَا أَرَادَ اللَّهُ بِعَبْدِهِ الْخَيْرَ عَجَّلَ لَهُ الْعُقُوبَةَ فِي الدُّنْيَا ، وَإِذَا أَرَادَ اللَّهُ بِعَبْدِهِ الشَّرَّ أَمْسَكَ عَنْهُ بِذَنْبِهِ حَتَّى يُوَافِيَ بِهِ يَوْمَ الْقِيَامَةِ ) . رواه الترمذي (2396) وحسنه ، وصححه الألباني.

يعني لازم تتأكد إن ربنا يريد لك الخير، شاء لك التعرض لهذه الحادثة لتعود إليه مسرعًا
والحمد لله إنك فهمت المعنى دا وجددت عهدك مع الله ، ونويت التوبة وعدم الرجوع للمعاصي
وياريت تفضل متنبه ومتيقظ وكلك حذر من وساوس الشيطان

الحمد لله الذي هدانا وما كنا لنهتدي لولا ان هدانا بفضله وبرحمته

شفت موضوعك في التواصل الإيماني للشباب وفرحت جدا، وبعت لك رسالة ومنتظر ردك الجميل يا ولدي الغالي

[غير مسجل]

رد: نفسي في اب يسمعني

السلام عليكم ورحمة الله وبركاته ابي
ياااااااااااااااااااااااااه على كرم ربنا انا راسلت عبى الخاص شوف تيه اللى حصلي من ربنا ومدى حبه لي وتكفيره لذنوبي

[فريق استشارات سرك فى بير(الاخوة)]

رد: نفسي في اب يسمعني

وعليكم السلام ورحمة الله وبركاته

الحمد لله رب العالمين
أكثر من الحمد ياولدي، واسجد لله شكرًا على هذه النعمه، وتذَّكر دائمًا نِعَمَهُ علينا التي لا تُعدُّ ولا تُحصى
قرأت رسالتك وكتبت لك الرد، ومنتظر ردك بأمر الله