إلى الباحثين عن الحب (( متجدد بإذن الله )) تابعونا

[الزهور]

رد: إلى الباحثين عن الحب (( متجدد بإذن الله )) تابعونا

جزاكي الله خيرا
وقد يجعلكي الله سبب في بيان الطريق ونسأل الله لنا ولكي الهدايه

الطريق طويييييييل ومتعب على فكرة
وكله جهاد لكن اللى مصبرنى الآية دى
( والذين جاهدوا فينا لنهدينهم سبلنا وإن الله لمع المحسنين )

[الزهور]

رد: إلى الباحثين عن الحب (( متجدد بإذن الله )) تابعونا

إحنا بنبذل مجهود كبييييييير قوى عشان نعرف حد
لما بتحبى واحدة صاحبتك
أو زوجك حتى
بيبقى نفسك تعرفى هو بيحب إيه وبيكره إيه وكل حاجة عن حياته
وتلاقى المخطوبة أو العاقدة بتسأل خطيبها عن كل حاجة فاتت نفسها تعرف حياته من يوم ما اتولد حصل فيها ايه


لكن لما أقولك
تعرف ايه عن ربنا ؟؟؟


كل واحد فيكم يسأل نفسه السؤال دا كدا

تعرف إيه عن أسمائه وصفاته ...
يعنى إيه القيوم
والمقيت
وإيه الفرق بين الرحيم والرحمن
لا هم مش نفس المعنى

بنهتم نعرف البشر وكل حاجة عنهم
مش هامك تعرف اللى خلقك وخلق كل شىء حواليك !!!
اللى بتمد له ايدك وانت بتعيط وتدعيه بلوعة ودموع
ويجيبك ...


اللى رزقك بكل حاجة حلوة
ومعاك فى كل وقت
واداك كل اللى تتمناه


لو قلت لحد فيكم
اكتب لى كدا كلام فى كراسة حتى
حببنى فى ربنا

خلى اللى يقرا الكلام دا يحب ربنا


حتقدر ؟؟؟؟؟؟؟؟؟؟؟

[علا عبدالودود]

رد: إلى الباحثين عن الحب (( متجدد بإذن الله )) تابعونا

جزاكى الله خيرا

[الزهور]

رد: إلى الباحثين عن الحب (( متجدد بإذن الله )) تابعونا

جزاكى الله خيرا

ياااااااه
الموضوع كأنه بُعث من جديد
أنا افتكرت خلاص الموضوع مات واتنسى
واندفن

[الروح والريحان]

رد: إلى الباحثين عن الحب (( متجدد بإذن الله )) تابعونا

الله من المـــوضوع الى انا بعشقها مواضيع حـــــــــــــ الله ــــــــب
الحل كله والسعاده كلها وطريق النجاه هو حـــــــــــــــــــــــ الله ــــــــب

[الزهور]

رد: إلى الباحثين عن الحب (( متجدد بإذن الله )) تابعونا

الله من المـــوضوع الى انا بعشقها مواضيع حـــــــــــــ الله ــــــــب
الحل كله والسعاده كلها وطريق النجاه هو حـــــــــــــــــــــــ الله ــــــــب

وعشان هو من الموضوعات اللى انتى بتعشقيها اندفن لدرجة انى نسيته اصلاً
ياريت تكونى قرأتى بقية الصفحات

[مشتاقة للحرمين]

رد: إلى الباحثين عن الحب (( متجدد بإذن الله )) تابعونا

موضوع جميل وانا قريت كل الصفحاات بتاعتك كلامك جداا رائع

وانا حكتب قصتي ان شاء الله بس اصلي وارجع لكم

انتظريني

[مشتاقة للحرمين]

رد: إلى الباحثين عن الحب (( متجدد بإذن الله )) تابعونا

معلش قصتي طويله جدا استحمليني لانها قصه استمرت لمده 4 سنوات ولكنها غيرت مسار حياتي

وقبل ما ابدا قصتي

اقول ان ساعات المعصية تقرب العبد من ربه بكثييييييييييييييير وانا ححكي قصتي لعلها تعيدني مرة اخرا الي ربي لاني الايام دية ايام عندي بسميها الرخاء ولكن بدات ابعد عن ربي ثانيا

فكنت بالفعل محتاجه لحد ياخد بيادي

وعشان كدة بقول قصتي واتعظ منها وانتم كمان يا اخواتي يمكن قصتي تستفيدون منها

اولا قسمت قصتي لعصرين

عصر الجاهليه .وعصر الاسلام

عشان محدش يمل

نبدا بعصر الجاهليه :

بسم الله الرحمان الرحيم


كنت اعيش زي اي بنت كنت متبرجه ولست محجبه وكنت فرحانه بشبابي وحالي كنت اسمع اغاني كثييييييييييييير واصحي وانام عليها

ولما حد يجي يقولي لازم تتحجبي اقولهم لا مش قبل لما اتجوز واخلف

وعشت حياتي وكنت ف اثناء ذلك كنت ف الثانوية العامه

كنت البس اللبس الضيق واغيره >> ربنا يسامحني يارب

بس الحمد لله رغم اني كنت بهذا الحال الا واني لا تروح عليا ولا صلاه ولله الحمد وكنت قبل ما انام اقول اذكار النوم واقرا قراني

مع اني كنت اعصي ربي ولا استحي ولكن كنت اصلي واقرا قران

ولحظوا اني كنت اكره الحجاب وكنت متبرجه دية نقطه مهمه خليكوا فكرنها عشان حنرجع لها بعدين بمشيئة الله

ومرت الايام والسنين

وحالي لم يتغير


بدا يحصل امر يغير ف قلبي شويا

صحبتي كانت ف المستشفي وماتت >انا لله وانا اليه راجعون

حزنت اوي عليها اوي لدرجة اني اصابني هستريه ضحك لما عرفت انها ماتت وبعدين اقعدت انهار

وكنت يا اخوتي كانت موتها >اسال الله ان يرحمها ويتجاوز عنها >> ف شهر شعبان وفاضل كام يوم وندخل رمضان

انا بدا يجيلي قشعرينه ف جسمي وبدات احس ان الموت قريب اوي واقعدت اعيط واقول افرد لو انا مت زيها ايه حيكون مصيرري وانا بعصي ربي

فقولت ف نفسي انا لازم اتغير بقي كفايه ذنوب

فقولت خلاص بدات البس الحجاب ف رمضان وقولت حلبس الحجاب بس ف رمضان وبدات شويا شويا افتح القران وانوي اني اختمه وبدات انزل لصلاه التراويح وبدات بعد كدة ادعي بقلب وخشوع لغاية ما خلص رمضان وانا الحمد لله كنت ختمت ختمه وفرحانه

وجيه العيد وانا بدات اقول لالا يمكن اخلع حجابي والحمد لله

يعني يابنات اتحجبت وانا ف 3 ثانوي

بس طبعا سموه حجاب نصنص لانه مكنش شرعي اوي وحقولكم ازاي

بس سمحوني بعد الفاصل

[مشتاقة للحرمين]

رد: إلى الباحثين عن الحب (( متجدد بإذن الله )) تابعونا

دة موضوع شفته عجبني جداااااااا

اقريه

https://forums.way2allah.com/showthread.php?t=92927

[الزهور]

رد: إلى الباحثين عن الحب (( متجدد بإذن الله )) تابعونا

معلش قصتي طويله جدا استحمليني لانها قصه استمرت لمده 4 سنوات ولكنها غيرت مسار حياتي

وقبل ما ابدا قصتي

اقول ان ساعات المعصية تقرب العبد من ربه بكثييييييييييييييير وانا ححكي قصتي لعلها تعيدني مرة اخرا الي ربي لاني الايام دية ايام عندي بسميها الرخاء ولكن بدات ابعد عن ربي ثانيا

فكنت بالفعل محتاجه لحد ياخد بيادي

وعشان كدة بقول قصتي واتعظ منها وانتم كمان يا اخواتي يمكن قصتي تستفيدون منها

اولا قسمت قصتي لعصرين

عصر الجاهليه .وعصر الاسلام

عشان محدش يمل هههههههه

نبدا بعصر الجاهليه :

بسم الله الرحمان الرحيم


كنت اعيش زي اي بنت كنت متبرجه ولست محجبه وكنت فرحانه بشبابي وحالي كنت اسمع اغاني كثييييييييييييير واصحي وانام عليها ههه

ولما حد يجي يقولي لازم تتحجبي اقولهم لا مش قبل لما اتجوز واخلف

وعشت حياتي وكنت ف اثناء ذلك كنت ف الثانوية العامه

كنت البس اللبس الضيق واغيره >> ربنا يسامحني يارب

بس الحمد لله رغم اني كنت بهذا الحال الا واني لا تروح عليا ولا صلاه ولله الحمد وكنت قبل ما انام اقول اذكار النوم واقرا قراني

مع اني كنت اعصي ربي ولا استحي ولكن كنت اصلي واقرا قران

ولحظوا اني كنت اكره الحجاب وكنت متبرجه دية نقطه مهمه خليكوا فكرنها عشان حنرجع لها بعدين بمشيئة الله

ومرت الايام والسنين

وحالي لم يتغير


بدا يحصل امر يغير ف قلبي شويا

صحبتي كانت ف المستشفي وماتت >انا لله وانا اليه راجعون

حزنت اوي عليها اوي لدرجة اني اصابني هستريه ضحك لما عرفت انها ماتت وبعدين اقعدت انهار

وكنت يا اخوتي كانت موتها >اسال الله ان يرحمها ويتجاوز عنها >> ف شهر شعبان وفاضل كام يوم وندخل رمضان

انا بدا يجيلي قشعرينه ف جسمي وبدات احس ان الموت قريب اوي واقعدت اعيط واقول افرد لو انا مت زيها ايه حيكون مصيرري وانا بعصي ربي

فقولت ف نفسي انا لازم اتغير بقي كفايه ذنوب

فقولت خلاص بدات البس الحجاب ف رمضان وقولت حلبس الحجاب بس ف رمضان وبدات شويا شويا افتح القران وانوي اني اختمه وبدات انزل لصلاه التراويح وبدات بعد كدة ادعي بقلب وخشوع لغاية ما خلص رمضان وانا الحمد لله كنت ختمت ختمه وفرحانه

وجيه العيد وانا بدات اقول لالا يمكن اخلع حجابي والحمد لله

يعني يابنات اتحجبت وانا ف 3 ثانوي

بس طبعا سموه حجاب نصنص لانه مكنش شرعي اوي وحقولكم ازاي

بس سمحوني بعد الفاصل

الفاصل خلص
ياللا كملى بقى

[مشتاقة للحرمين]

رد: إلى الباحثين عن الحب (( متجدد بإذن الله )) تابعونا

طيب اكمل

من عنيا

للاسف كل ما اتزكر قصتي اريد البكاء والانهيار واكتب لكي ودموعي ف عيني

بس كنت قريت الايه دية حبيت اذكر بيها نفسي اولا

(وبلوناهم بالحسنات والسيئات لعلهم يرجعون ) الاعراف

اية جميله وبحبها اوي

طب اكمل

كنت وقفت لغاية ان حجابي كان نص نص يعني بنطلون وفوقيه تونك وبدي كارينا

طبعا كان ضيق ع الجسم

وبعد فتره بدا الشيطان يلعب دوره تاني وبدات انسي صحبتي الي ماتت وما اتعظت ورجعت تاني للاغاني والافلام وغيرها بس الحمد لله مقلعتش حجابي مع ان ف ناس زنت عليا عشان اخلعوة >>هداهم الله

ودخلت الجامعه وكنت فرحانه ولبسي ضيق زي باقي البنات وبدا الشيطان ف مرحله اخطر يدخلني فيها
اول مره ف حياتي اجربها اني حبيت شاب

والشيطان اللعين طبعا زين الحب ده جامد >>الله يسامحني

من اول ماعرفت الحب ده وانا حياتي انقلبت راسا ع عقب

اهملت دروسي وحالي واهلي وبدات اتجه للحب ده بكل المعاني لدرجة اني سقطت ف الكليه وانا اساسا من المتفوقين ف الثانوية ولله الحمد وف كليه قمه الحمد لله

اول مره ف حياتي اسقط كدة ورغم ذلك ما اتعظت واترك الحب ده لاء استمريت وطبعا كل شويا بتتغير حياتي للسؤا بكاء وانهيار ومش عارفه ارتاح ابدااااااااااا

بس ملحوظة كنت ف نفس الوقت مضايقه جدااااااااااااا حاسه حاجه ف نفسي من جوة مضيقاني ومش مرتاحه ابداا

رغم انها كانت معصيه جامده لكن الحمد لله ما كنت اسيب فرض ولله الحمد

طيب وبعدين

الحب ده استمر اد ايه سنين من عمري وانا عايشة ف معصيه ومش عارفه اخرج منها لاني حبيته الشخص ده جدااااااااا فوق ما اي حد يتصور

وف ايه جميله تعالوا نشوفها مع بعض

(ان الصلاه تنهي عن الفحشاء والمنكر ) تمام

فبدات وانا بدعي من كسوفي مش عارفه ابص للسماء وانا بعصيه كدة

بقيت ابكي بشده

وبدات اقول لنفسي طيب ليه ما دعيش ان ربنا يجعلني من نصيبه ولازم اتقرب من ربنا عشان يعطيني ما اريد ويكون زوجي بقي

ومن هنا خلصت مرحله الجاهليه

وبدانا ف مرحله ظهور الاسلام

ولكن فاصل ونعود

[غايتى رضا ربي]

رد: إلى الباحثين عن الحب (( متجدد بإذن الله )) تابعونا

جزاك الله خيرآ

موضوع في قيمة الروعة ..

بارك الله فيك ..

[مشتاقة للحرمين]

رد: إلى الباحثين عن الحب (( متجدد بإذن الله )) تابعونا

مرحله ظهور الاسلام

بسم الله الرحمان الرحيم

بدات بقي اتقرب من ربنا بكل الوسائل عشان ربنا يحقق لي ما اريد وسبحان الله كنت سمعت شيخ ف وقتها قال تقرب من ربنا حتي لو عندك ذنوب تمام

وبدات شويا شويا اصلي القيام وكمان شويا اذكر ربي وغيره

طيب انا بردوة لسه مش مرتاحه اعمل ايه

بديت ادعي ربنا قولت يارب ابعد كل شر وسوء عني

وبعدين بديت ادعي يارب ارضي عني

طب وبعدين

قربنا ع رمضان وانا داخله بحماس قوي

دخلت بحماس وقولت بقي ده شهر عباده ولازم ابعد عن المعصيه دية وبالفعل بعدت ع الحب ده طوال شهر رمضان

وبدات ادعي يارب زوجني برجل صالح
وكنت ابكي ان يجعل ربي هذا الشخص الي احبه من نصيبي

وبدات اصلي كتييييييييييييييييير واصلي السنن كتييييير يمكن ما يزيد عن 23 ركعه سنن

وبدات اتقرب من ربنا زياده

وخلص رمضان وانا بزيد التقرب من ربي

بدات اثبت ع القيام والذكر والسنن وكنت لا اترك قيامي ابدااااااااا

وبدات ارجع تاني للمعصيه ولكن حصل مفجاه لن اتوقعها

بدا الشخص يتغير تماما ف كل تصرفاته

ومن هنا جربت انواع الزل والمهانه والانكسار وكل شيء

بس الي كان يصبرني اني دعيت ف رمضان بقلب وكنت بقول ربي لن يخذلني ابدا ولن يضيعني

وبدا الشخص يبعد عني شويا شويا وانا كنت متعلقه بيه بشده ما حدا يتصورها كنت احبه جداا

وبدات الفتره هوة يبعد يعني اقصد المعصيه وانا ف نفس الوقت كنت ع يقين تام ان ربي حيجبهولي بدعائي فكنت بتقرب بربي بشده

ازاي والله كنت اصحي القيام الساعه 3 اقرا 3 اجزاء واقعد للشروق وبعدين اروح الجامعه بتعتي

وكنت سبحان الله مع اني بنام قليل جداااااااااااااااااااا الا ان كان فيني قوة وكنت بستمر لغايه لما اجي من الكليه وبعدين لما ادخل بيتي انام

حالي ده استمر اد ايه

استمر سنه

وبعد السنه عماله افكر ان كل ما ازيد من تقرب ربي كل ما ربي يبعد عني الشخص الذي احببته انا

فقولت خلاص نتقرب زياده

بدات اصوم اتنين وخميس ويوم كمان يعني 3 ايام عشان دعاء الصائم

اتحريت كل اوقات الدعاء وعرفت جامع جنب الجامعه جميييلل جدا كنت اقعد فيه وادعي واستغفر وكنت اصوم وافطر هناك واسمع دروس من هناك

حصلي وارجع اكمل بمشيئة الله

[الزهور]

رد: إلى الباحثين عن الحب (( متجدد بإذن الله )) تابعونا

من اول ماعرفت الحب ده وانا حياتي انقلبت راسا ع عقب

اهملت دروسي وحالي واهلي وبدات اتجه للحب ده بكل المعاني لدرجة اني سقطت ف الكليه وانا اساسا من المتفوقين ف الثانوية ولله الحمد وف كليه قمه الحمد لله

اول مره ف حياتي اسقط كدة ورغم ذلك ما اتعظت واترك الحب ده لاء استمريت وطبعا كل شويا بتتغير حياتي للسؤا بكاء وانهيار ومش عارفه ارتاح ابدااااااااااا

بس ملحوظة كنت ف نفس الوقت مضايقه جدااااااااااااا حاسه حاجه ف نفسي من جوة مضيقاني ومش مرتاحه ابداا

اللى انتى بتقوليه دا أعراض مرض التعلق بغير الله
والجزء اللى انا حاطة تحته خط دا هو دليل ان قلبك مش مرتاح
اقولك احساسك كان ازاى ساعتها من ناحيته ؟
كنتى بتحبى انه يكون معاكى دايما وليل ونهار بتفكرى فيه وطاغى على كل تقكيرك وحركاتك وبتتلككى اى تلكيكة عشان تكلميه او تشوفيه
بس حاسة ان فيه حاجة مش طبيعية
الحب دا زيادة قوى
او مش طبيعى
فيه حاجة فى قلبك مش مرياحكى

على فكرة
المرض دا من رحمة ربنا بعباده
بالرغم انه صعب جدااً والخلاص منه رهيب وعاوز جهاد نفس جااامد
جهاد اكتر من جهاد النفس على الصلاة والا العبادات التانية والا حتى لبس نقاب
الا ان المرض دا بيفوق بجد
اعرف ناس ربنا سبحانه وتعالى ابتلاهم بالمرض دا
وكان سبب فى هدايتهم ورجوعهم لربنا تانى
انا لسه ماكملتش مرحلة الاسلام
اللى انتى اعلنتى فيها اسلامك

لكن واااااااثقة ان تجربة التعلق دى كانت سبب جذرى فى تغيير حياتك كلها
واكيد فى ردك عليا ح تؤيدى كلامى

[الزهور]

رد: إلى الباحثين عن الحب (( متجدد بإذن الله )) تابعونا

بدا الشخص يتغير تماما ف كل تصرفاته

ومن هنا جربت انواع الزل والمهانه والانكسار وكل شيء

بس الي كان يصبرني اني دعيت ف رمضان بقلب وكنت بقول ربي لن يخذلني ابدا ولن يضيعني

وبدا الشخص يبعد عني شويا شويا وانا كنت متعلقه بيه بشده ما حدا يتصورها كنت احبه جداا

دا نتاج طبيعى لتعلق قلبك بغير الله
أحد السلف قالوا
( من تعلق قلبه بغير الله عُذب به ولابد )
مش الشباب اليومين دول بيدعوا للحب والرومانسية فى كلامهم واغانيهم ؟
طب ما هو الحب دا بيذل
حتى لو حب حلال يعنى زوج لزوجته او أخت لأختها أو صاحبتها
بتبقى ح تموتى عشان تسمعى صوت اللى بتحبيه
وممكن تبقى معاه بس تحسى انه بعيد قوووووووى
وماتقولى ليش بقى اى حد لما بيشوف الطرف التانى مذلول ليه كدا - حتى لو كان بيحبه - بيبتدى ينفر منه ويبعد
بصى
أى ذل للبشر بيكسر صاحبه
إلا الذل لله

هو الذل الوحييييد اللى كا ما تتذللى لله أكتر
تزيدى وتقوى
الذل اللى يرفع صاحبه

لكن البشر دول
بشر
مالهم يعنى ؟

أقولك على سر
قصتك دى فتحت نفسى لكلام كنت عاوزه اقوله عن واحدة أعرفها
كانت عندها نفس تجربة التلعق دى
بس كانت متعلقة بمعلمتها

ولما تخلصى
ح اقولك على خططها اللى عملتها عشان تخلص من المرض دا
قصة طويلة وحرب شعواء بينها وبين الشيطان
اللى كل ماكانت تقفل قدامه باب يفتح هو فى قلبها باب تانى

وقبل ماتكملى عاوزه اقولك
لو ماكنش ربنا سبحانه وتعالى بيحبك
ماكانش أظهر لك عيوب حبيبك دا
دا عشان بيقربك منه
فَأَيْنَ تَذْهَبُونَ (26) إِنْ هُوَ إِلَّا ذِكْرٌ لِّلْعَالَمِينَ (27) لِمَن شَاء مِنكُمْ أَن يَسْتَقِيمَ (28) وَمَا تَشَاؤُونَ إِلَّا أَن يَشَاءَ اللَّهُ رَبُّ الْعَالَمِينَ (29)