Tweet
وجزاكم اختي ,
بوركتِ
بوركتِ
-
لا إله إلا أنت سبحانك إني كنت من الظالمين
-
الحلــــــــــــ(8)ـــــــــــــــــــقة
من مسلسل
( البيت بيتك )
وكنا توقفنا عند مكالمة هشام لصاحبه ضياء :
ضياء : ايه يا بني في ايه رعبتني ؟
هشام : أبويا مات
ضياء : إنا لله وإنا إليه راجعوووووون , ربنا يرحمه ويغفرله , وخده في حضنه , امتي ؟ وازاي ؟
هشام : أمي بتصحيه لقيته مش بيرد ,انا كنت نايم صحيتني بسرعة وقمت مفزوع , رحت شوفته
مصدقتش ان النبض واقف , خدته بسرعة المستشفي انا و سامي جاري للاسف أكدولي إنه ...
مااااااااات .
ضياء : حبيبي البقاء لله , ربنا يرحمه ويغفرله ويرضي عنه , هو فين دلوقت لسه في المستشفي ولا
جبته هنا البيت ؟
هشام : لا فوق في البيت وأمي مرمية جمبه ومش بترد عليا ولا بتتكلم , انا مش عارف مخي وقف
وتركيزي مفيــــــــــــش , هو انا المفروض اعمل ايه ؟
ضياء : متقلقش انا هكلم زمايلي يقوموا باللازم , اطلع فوق انت خليك جمب ماما وهديها
وذكرها بالله وخدها في حضنك ربنا يربط علي قلبكوا بالصبر .
ضياء اتصل بكل اصحابه بسرعة
واتجمعوا
واشتروا الكفن وكل لوازم الدفن .
شيماء يتصل بك
ضياء : سلام عليكم , ايوة يا شيماء , انا عند هشام والده توفي .
شيماء : يا الله ... البقاء لله ,إنا لله وإنا إليه راجعون
ضياء : ونعم بالله , انا مش موجود بقي انهاردة خلي بالك من الولاد .
شيماء : حاضر , طب ماما كلمتني أروحلها ؟ .
ضياء : ماشي .
ضياء وزمايله وصلوا عنده علي وجه السرعة
وكل واحد منهم يسلم عليه وبيدعيله بالصبر ومعه ظرف فيه فلوس _ مثل نقطة الفرح _
وتم الغسل
والدفنة
والعزاء
والناس داخلة وخارجة ,
وأم هشام قاعدة وسط النساء لا حول لها ولا قوة
وهشام في حالة من الذهول التام والصدمة
وضياء وزمايله قاموا بكل اللازم ويستقبلون الناس تحت
وضياء طلب من هشام تليفون والده عشان يكلم كل الارقام اللي عليه يخبرهم بوفاته ولو أي حد فيهم له فلوس
للحج الله يرحمه او عليه فلوس يشوفوا موقفها ايه ويتفقوا علي كيفية سدادها او ردها او العفو عنها ؟؟!
وبالفعل كلم كل الناس
وفي ناس فعلا كان لها فلوس للحج ولكن أعفت عنها وسامحت ودعت له بالرحمة
وفي ناس كان لها فلوس للحج ولكن خفضت نسبة منها
وفي ناس لها فلوس ولم تخفض .
وفي ناس كان عليها فلوس وستردها في أقرب وقت .
وانتظروا لما هشام يهدي ويخبروه ولو حالتهم غير متيسرة هيلموا ويسدوا دين الحج .
_ هم دول الصحاب اللي بجد مش مظاهر وخلاص _
عندما نزل الوحي على النبي - صلى الله عليه وسلم - وجاء إلى زوجته خديجة - رضي الله عنها -
وحكى لها ما حدث، قالت له: "كلا، والله لا يُخزيك الله أبدًا؛ إنك لتَصِل الرحم، وتحمل الكَلَّ، وتَكسِبُ
المعدومَ، وتَقري الضيف، وتُعين على نوائب الحق"
ومعنى تَحمِل الكلَّ: أي تتحمَّل أثقال الفقراء والضعفاء والأيتام بالإنفاق عليهم وإعانتهم بالمال،
أما تكسب المعدوم، فتعني: أنك تتبرَّع بالمال لمن لا يجده،
وتَقري الضيف معناها: أنك تُكرم ضيوفك،
وأما معنى تُعين على نوائب الحق: أي تُعين الناس فيما يصيبهم من خير أو شر.
فالله الله في هذه الكنوز
من يتأسي برسول الله في امتلاكها حتي يقيه الله من الخزي وعدم التوفيق في الحياة ؟؟!!
حوار بين الحج مختار وابنه محمد صاحب أحمد :
الحج مختار : يلا يا محمد انزل افتح المحل _ محل عِطارة _ وانا هخد الأدوية وانزل اقف معاك .
محمد : يابا منا قولتلك انا مش بحب اقف في المحل , والصراحة مش عاوز حد يشوفني واقف ببيع
عطارة لا انا مش موااااااااااافق .
الحج مختار : ليه يا بني منت كنت بتقف وبتساعدني ايه اللي حصل بس ؟ حد قالك حاجة ؟ حد عايرك
بكلمة ؟ وبعدين يابني الشغل مش عيب .
محمد : محدش يقدر يقولي حاجة بس انا خلاص كبرت وعاوز اشتغل حاجة انا بحبها , انما العطارة
دي مش طايقها .
الحج مختار : ايه اللي انت بتحبه بقي ان شاء الله ؟
محمد : بحب الحلاقة وشاطر فيها وصاحبي عرض عليا اشتغل معاه وشغلها بيجيب فلوس .
الحج مختار : حلااااااقة ؟! حلاقة ايه يا وله عاوز تبقي حلاق ؟ وانا اللي نفسي افتخر بيك وتدخل ثانوية
عامة وتدخل كلية حلوة .
محمد : وانت عاوزني ابقي عطّار ؟!, وبعدين هو انا قولتلك اني هسيب التعليم ؟
الحج مختار : انا مقولتش تبقي عطار يا بن الـ.. انت بتساعد ابوك ويكفيك هذا الشرف والثواب , انما
حلاقة ايه دي ؟
محمد : بص يا حج انا مش نازل معاك المحل ولو انت تعبان هات حد يقف معاك يا عم
_ لن أعيش في جلباب أبي _ .
الحج مختار : غور من وشي , منه لله صاحبك الحلاق الشمّام دا هو اللي بوظك منه للـــــــــــه .
وسام والقطة :
وسام : انت عارف ان انا قعدت ادعي في الصلاة دلوقت ان القطة تنزل وتهرب عشان متفرّقش ما بينا.
أحمد : ههههههه تفرق ما بينا ليه إن شاء الله ؟! دي جميلة يا سومة بصي عليها كدة .
وسام : بص انت مينفعش انا وقطة نبقي ف مكان واحد وانت عارف دا كويس ومع ذلك انت جبتها كدة من
غير متقولنا وكأنك عايش لوحدك , يا سيدي لما انا اغور واتجوز ابقي هاتها زي مانت عاوز , ساعتها
البيت هيفضالك اعمل اللي انت عاوزه تجيب قطة بقي تجيب فيل انت حر .
أحمد : طب والله كنت هجيب كلب بس عارف انه حرام وطبعا انتي وماما هتترعبوا منه فقلت اجيب القطة
الجميلة دي , انا بحب الحيوانات يا سيتي وحنين .
وسام : متجننيش بقي يا حنين انت .
وماما جت من الشغل : في ايه يا ولاد صوتكوا عالي ليه سامعاكوا من ع السلم .
وسام : اتفرجي يا سيتي البيــــه جايبلنا قطة معاه تعيش معانا في الشقة .
احمد : بصي جميلة ازاي يا ماما .
ماما : جاتك موٌ عليك وعلي القطة , يلا يا وله مشي البتاعة دي وانزل هات شنط الخضار سيبتهم عند
عمك فتحي تحت مش قادرة اشيلهم .
احمد : مش نازل , واياك حد يجي جمب القطة .
ماما : انا هعتبر ان انا مسمعتش حاجة عشان متخدش قلم ع وشك وانت اطول مني كدة ,بس عادي لو
متعدلتش هتخده .
وسام : سيبك من القطة دلوقت يا احمد وانزل هات الشنط , ومتزعلش من ماما هي لسه جاية وتعبانة
وانا صدّرتلها القطة اول ما جت ... يلا بقي يا وله بدل مماما تجيب الشبشب وتطرقعلنا احنا الاتنين مع
ضربة ع قفاه وابتسامة , كله من عملتك الهباب .
ماما : الواد نزل ولا لأ ؟!
وسام : اه يا ماما خلاص صل علي النبي بقي , وانتي بتجيبي انتي الخضار ليه متتصلي بيا انزل اجيب
منتي عارفة ان انهاردة ببقي قاعدة ومعنديش محاضرات .
ماما : منا نسيت بقي مواعيدك دي , طب يلا ادخلي اسلقي الفراخ , انا كلمت اختك تيجي تتغدي
معانا انهاردة .
وسام : بجد طيب جميـــــــــل , جررري هتلاقي الأكل خلص يا ست الكل , ريحي انتي وانا هعمل
الاكل كله .
ماما : هقف معاكي لو احتاجتي حاجة !
وسام : لا أنا شطورة ,اللوبيا والملوخية سهلين .
ماما : طب خلي بالك من الملح بقي لاحسن أبوكي المرة دي يقول الولية اتجننت .
وسام : ههههههه ربنا يباركلنا فيكي يا ماما بالعكس دي البسلة عجبته يا سيتي وقالي فيكي شِعر ساعتها .
شيماء والأولاد وصلوا
احمد : ازيك يا شوشو , امال فين ضياء غطسان فين من زمان واحشني .
شيماء : ابو هشام صاحبه مات , فهو متأثر جدا بقي وافتكر والده الله يرحمه .
احمد : ابو هشام يعيني دنا لسه شايفه .
ماما : ربنا يرحمه يارب ويصبر مراته , عاوزين نروح نعزيها يا ولاد .
وسام : البقاء لله , ربنا يرحمه ويصبر اهله ويحسن ختامنا , فعلا أعظم مصيبة الموت , نروح بعد
الغداء إن شاء الله نعزي .
رغوده : ايه دا قطة ؟ جميــــــــــــــــــلة انا بحب القطط اوي يا خالتو .
وسام : بتحبي القطط !! حِبيها بعيد عني يا روح خالتو.
شيماء : ههههه ايه القطة دي ؟
ماما : احمد اخوكي اتجنن وجابها معاه , انت جبتها منين داهية دي ؟
احمد : ماما من فضلك بطلي تريقة , عشان انا زعلت منك الصبح.
ماما : طالما انت بتتقمص كدة يبقي كنت تستأذن الأول , هل هنوافق علي وجودها معانا ولا لأ , انت
عارف ان انا واختك بنخاف منهم , تعلّيلي ضغطي ليه كل شوية وانا في بيتي بسبب قطة ؟!
احمد حس بالذنب : بعد الشر عنك , انا فعلا اتسرعت واشتريتها بالقسط , اصل شكلها عجبني جدا
وانا بحبهم جدا وبحب كل الحيوانات .
أنس : وانا كمان يا خالو بحبهم جدا انا عاوز واحدة عندنا برده .
ماما : أما نشوف أبوك لما ييجي يمكن يلاقيلك حل يابو قطة انت .
شيماء : هو بابا اتأخر ليه صح ؟
وسام : عنده شغل كتير اليومين دول عشان الامتحانات قربت .
_ الحج حسين شغال مدير عام وموجه أول في وزارة التربية والتعليم _
وسام تتصفح صفحتها
فبجد نفسي نخد بإيد بعض للطاعة بوسائل وطرق مختلفة وجديدة
ولذيذة تكسر المللوكان ملخص الردود عليها في هذا الفيديونبدأ بايه ؟
ونركز علي ايه نخد من خلاله ثواب وحسنات كتير !!
في انتظار تفاعلكم الفعال حبيباتي
جرس الباب يرن
ولكنه مش بابا ,
يا ترى ميـــــــــــــــــن ؟؟
.
.
.
هنعرف الحلقة الجاية إن شاء الله
التعديل الأخير تم بواسطة moslma lillah; الساعة 23-04-2019, 04:14 AM.لا إله إلا أنت سبحانك إني كنت من الظالمين
تعليق
-
حلقة واحدة قبل رمضان ونتوقف ثم نعاود بعد العيد باذن الله
انتظرونا
.
.
.
.لا إله إلا أنت سبحانك إني كنت من الظالمين
تعليق
-
منتظرين أختي
وفقكم الله
اللهم بارك لى فى اولادى وارزقنى برهم وأحسن لنا الختام وارزقنا الفردوس الأعلى
تعليق
-
تسلمي غاليتيلا إله إلا أنت سبحانك إني كنت من الظالمين
تعليق
-
الحلـــــــــــ( 9 )ـــــــــــــقة
والبيت بيتكم
توقفنا عند رن الباب
مين بيخبط ؟؟!
أولاد الجيران بيعلقوا زيــــــــــــــــــنة رمضاااااااااااااااااااان
وكل سنة وانتو طيبين
جو جميل
أينعم الزمن اختلف وثقافته اختلفت ولكن يبقي الدين الجميل واحد في كل الأزمنة هو سبب كل فرحة وبهجة في هذا الزمان العجيب
أحمد نزل يعلق معاهم
وسام : الله المنطقة بقي جوها رمضاني أخر حاجة عقبال القلوب متعلق الزينة هي كمان _ زينة التخلي عن المعاصي والقرب الحقيقي من ربنا بخطوات عملية _ .
ماما : يارب ,كل وانتو طيبيبن يا ولاد.
بابا جه : وانتي طيبة يا ست الكل ومنورة حياتنا كلها .
ماما : وانت طيب يا حج ومنورنا ويطول عمرك ويباركلنا فيك ومايحرمنا من دخلتك علينا يارب بحس ان الدنيا كلها بتضحكلي .
وسام : الله الله علي الرومانسية .
شيماء :ربنا يبارك فيكوا يارب , كل سنة وانتو ماليين حياتنا بكل حنان وود واحتواء وحب .
وسام والأولاد وشيماء بيعلبوا وبيغنوا بالفوانيس
حالو يا حالو رمضان كريم يا حالو
احمد شاف جاره عم فؤاد شايل حاجات تقيلة
وهو كل اما يشوفه يغنيله اغنية " عم فؤاد عم فؤاد رايح يصطاد " , وعمو يضحك
واحمد طلب من صحابه تحت يشيلوا معاه شنط عم فؤاد .
ضياء وهشام :
هشام : انا مش مصدق يا ضياء , انا حاسس اني في كابوس ومستني اصحي منه اترمي في حضن ابويا.
ضياء : ربنا يصبرك ويراضيك ويربط علي قلبك .
هشام : مش قادر , حاسس ان ضهري اتكسر , هقضي رمضان ازاي من غيره !! , كان لسه
بيقولي نفسي افرح بيك بقي وتخطب , مش هتفرح بيا خالص يابا لو كنت اعرف انك هتسيبني كنت خطبت
اي واحدة عشان افرحك .
ضياء : ليه بس يا هشام , ربنا يرزقك بالزوجة الصالحة اللي تستاهلك , وبابا يفرح بيك في قبره ان
شاء الله .
هشام : قبره ؟!! ربنا يصبرني علي فراقه
, كان طيب اوي وعمره مزعقلي او قِسي
عليا رغم اني غلّبته , الله يرحمك يابا ويجعل مثواك الجنة .
ضياء : امين يارب , عليك وعلي هذه الأمور يا هشام تنفع الميت _ داخل الفاكهة _
وسام بتقسم شغل الشقة عشان رمضان والعيد
وعاوزة تعمل تجديدات وخاصة في المطبخ والشغل التركي اللي مجنن الستات وفيديوهات اليوتوب وكل واحدة عاملة قناة لنفسها وجننونا معاهم _ والله المستعان _
شيماء : هجيلك يوم التلات من بدري نخلص الشقة ونقضي عليها ان شاء الله ودلوقت وانا نازلة هبعتلك
عم رجب بتاع السجاد يخدهم واحمد الشطور هيلمهم كلهم دلوقت .
احمد : ماشي يا سيتي , وسام انتي شوفتي الصفحة اللي منشتهالك ؟.
وسام : بتاعة skechers ؟
احمد : اه جميل اوي وفي كوتشهات شباب وبنات واطفال وعواجيز عشانك يا حج ههههههه
بابا : مين ياخويا ؟
وسام : دي ماركة كوتشهات عالمية يا بابا ,عندهم حاجات مريحة جدااا وطبية .
بابا : مالهم يعني ؟
احمد : بيسلموا عليك يا بابا وبيقولولك العيد قرب كل سنة وانت طيب .
بابا : أأأأأأأأه جينا للبس العيد وسنينه , انا السنة دي ان شاء الله مش نازل مع حد مش ناقص وجع قلب , كل واحد هيخد فلوسه ومع نفسه يتجنن بقي ويجيب بيهم كلهم جزمة هو حر انا مليش دعوة لاحسن انتو الاتنين دماغكوا صرمة .
وسام وبتكز ع سنانها لأحمد : متسكت يله انت بقي ,انت هتنرفزه من دلوقت ! سيبلي انا الموضوع دا بعرف اجيبه ازاي .
احمد : استني بس يا وسام , انت عارف يا بابا ان كل الناس بتلبس جزم تحت السلم وفي الآخر كله
يشتكي آآآه يا رجلي ومش عارف ان الجزمة اللي لابسها هي السبب , ريّح دي_ أي رجلك _
يرتاح دا_ اي مخك وتفكيرك _ .
ماما : هههههه اتصدق يا واد عندك حق , لما بلبس جزمة مش مريحاني ببقي مش طايقة نفسي وعاوزة اروح جررري .
وسام : فعلا , احنا شعب غلبان جدااا بنرضي بأي قرف يصدره لينا الغرب , وهم هناك في اي دولة غيرنا الشحات فيها _ معذرة للفظ_ بيلبس حاجة مريحة وكأنه قانون للآدمية عندهم , والمريح عندهم رخيص جدا مش زي عندنا تلاقي الجزمة المريحة لازم تبقي ماركة زي كوركس او اسكتشر واول سعر
1500 وانتي طالعة , والباقي كله ربنا يتولاه .
بابا : ربنا معاكوا يا حبايب بابا .
_ نأسف لهذا الحوار أعزكم الله ولكنه لهدف _
شيماء راحت لحماتها وكانت متفقة مع سلايفها علي عمل الشقة
وخلصوها كلها ربنا يديهم الصحة ويجازيهم خير
وضياء وصل هناك : سلام عليكم
والدته : وعليكم السلام ,ازيك يا ضياء البقاء لله ربنا يجازك خير يا حبيبي الست والدة هشام لما روحتلها
اعزيها بتتكلم عليك اكتر من ابنها , ونعم الصاحب يا بني , ادخل ريح شوية عقبال ماالبنات يخلصوا الاكل واخواتك ييجوا .
ضياء : ربنا يبارك فيكي يأمي .
وهم بيشتغلوا العيال كلها بيتخانقوا مع بعض خناقة كبيرة وواحد من العيال عمال يضرب في التاني وأنس هو
الشاهد عليهم راح مضروب هو كمان اووووو.
طبعا السلايف كله بيتحامي لولاده واتخانقوا هم كمان اووووووو واهلا وسهلا بالشيطان _ طبعا لاقيهم سمنة علي عسل وبيعملوا خير من اول اليوم فلازم يعكنن عليهم عشان يبدؤا رمضان متخاصمين ويفرقوا بين الاخوات _
اخوات ضياء جم _ ومش وقتكوا خالص _ ولععععععععععععت كدة .
حازم : في ايه يا جماعة , احنا جينا بيت غلط ولا ايه ؟
كريم : اعوذ بالله من الشيطان , صلوا علي النبي , متسكّت مراتك يا حازم .
ضياء بصوت عالي للستات : ممكن تستنوا انا كنت واقف وشايف كل حاجة ساعة خناقة الاولاد ,دلوقتي هم الصغيرين لما يتخانقوا الكبار يتخانقوا ؟ احنا عقلنا زيهم ؟!هم صغيرين ووارد كلهم يبقوا غلطانين وفعلا كلهم هيتعاقبوا دلوقت ومفيش فوانيس إلا لما يصلّحوا اللي هم عملوه دا .
ياسين : لا يا عمو عاوزين فوانيس احنا اسفين والله ومش هنتخانق تاني .
شيماء كانت هتتكلم ضياء برّئلها جامد انها تسكت عشان باب الشيطان ميدخلش تاني ,
كل الاولاد اعتذروا وقالوا بصوت عالي احنا اسفيــــــــــــــن هات الفوانيس يا عمو
, وبالفعل ضياء اعطي كل واحد فانوسه والجو بدل مكان مدخن ومشعلل بقي كله بهجة ومرح ، وغنوا هاتوا الفوانيس يا ولاد .
الحمد لله انك كنت موجود يا ضياء , مهم يكون في واحد يشتغل مطافي وحكيم في كل اسرة عشان يطفي النار اول باول .
ضياء لاخواته وللنساء ولأمه : يا جماعة مش عاوزين الشيطان يأثر ع علاقتنا في يوم من الايام
المُحكم اننا أهل بنحب بعض وبنحب ولاد بعض اما المتشابه فزي اللي حصل النهاردة دا فاحنا نعمل ايه بقي
؟؟ نرد المُحكم للمتشابه ان الأصل اننا بنحب بعض واي حاجة تانية بتبقي عارضة او شيطان او سوء تفاهم نتغاضي عنها عشان نعرف نعيش مع بعض ، ومتنسوش دا وقت المغرب وقت انتشار الشياطين والنبي عليه الصلاة والسلام قالنا نلم ولادنا ونهديهم ف الوقت دا ودا دوركوا يا حضرة الامهات مش تتخانقوا زيهم .
والدته مع دموع: عليه الصلاة والسلام ، ربنا يحفظكوا يا ولادي ولا يفرق ما بينكوا ابدا ويجعلكوا متحابين كدة انتو وولادكوا .
شيماء : يارب يا ماما وخدتها في حضنها .
وسام : ماما هاتي انا هنشر بلاش انتي عشان ضهرك .
ماما : ماشي يا سومة تسلمي .
ماما بتراقب نشير وسام : يا بت حطي الصغير في اول حبل وبعدين اللي أصغر وهكذا .
وسام : ليه هو طابور , دا غسيل يا ماما دي تحابيك بتاعة زمان كانت محنطاكوا .
ماما : يا بت اسمعي الكلام , كل حاجة ليها اصول .
وسام : يا ماما هو الغسيل هيعيط لو اتنشر بشكل عشوائي انجازاً للوقت؟ او حد هيجي يديكي جايزة علي النظام ؟
ماما : بطلي لماضة بقي.
وسام : مش لماضة والله انا بحلل كلامك للواقع يمكن اقتنع .
ماما
: انا هروح اصب الشاي احسن .
وسام : طبعا مش هتصبيلي
شيماء وضياء :
ضياء : متزعليش يا حبيبتي اني برئتلك في التجمع البشع دا .
شيماء : لا طبعا يا ضيا مش زعلانة وفهمتك علطول ,وكان عندك حق ربنا يبعد عنا الشيطان .
ضياء : انما انتو وحشتوني , معلش انشغلت عنكوا .
شيماء : وانت كمان يا ضيا , ربنا يجازيك خير ويباركلنا فيك .
ضياء : انا اليومين اللي فاتوا دول عشت في جو تاني معشتهوش من بعد موت ابويا , حسيت ان الواحد ممكن في اي لحظة يروح , ولازم نربي ولادنا علي اننا مش دايمين لهم وانهم يعتمدوا علي نفسهم لإن ماما وبابا مش علطول معاكوا .
شيماء : ربنا يطول في عمرك في طاعته ويجعل يومي قبل يومك .
ضياء : يارب يباركلي فيكي ويحفظك ليا زوجة واخت وصديقة وكل حاجة .
شيماء:يارب ، طب يلا بقي يا باشا عشان تفكلي الشفاط كل سنة وانت طيب .
ضياء: طبعا قلبتي الدنيا ودخلنا في حالة الطوارئ ، حاضر يا ستي من عيوني .
اخوات الحج حسين بيتصلوا به :كل سنة وانت طيب يا حسين .
واخوات مدام عزة برده بيتصلوا وكان في اخت ليهم مخاصماهم قرروا يصالحوها .
وكل عام وانتم بخيــــــــــــــــر
وربنا يبلغنا رمضان ويجعلنا من عتقائه من النار.
فاكهة الحلقة :
ما ينفع الميت :
#الدعاء؛ من أهمّ ما يصل الميت الدعاء الخالص له بطلب المغفرة من الله تعالى، وقد كان قد ذكر النبي صلى
الله عليه وسلّم في الحديث الشريف أنّ الولد الصالح هو ما يُمكن أن يستفيد منه الميت، قال صلى الله عليه
وسلّم ((إنَّ الرجلَ لتُرفعُ درجتُه في الجنةِ ، فيقول : أنَّى لي هذا ؟ فيقال : باستغفارِ ولدِك لك)).
#الصدقة بالمال؛ فيصل أجرها إلى الميت سواءً كانت مالاً أو طعاماً أو كسوةً، فكلّها تعتبر صوراً من صور
الصدقة.
#بناء المساجد ودور العلم وكل شيءٍ مفيدٍ، وهذا يُدعى صدقةً جاريةً لأنها تستمر لفتراتٍ طويلة،
وكلّما انتفع منها الناس أخذ الميت الأجر،
#كما يمكن التبرّع بأرضٍ لبناء المباني النافعة للأمة الإسلامية.
تبَّني طلبة العِلم من حيث تأمين ما يحتاجونه،
#كما أنَّ تخصيص بئرٍ لشرب عابري السبيل أو وضع كولر من الماء في مسجدٍ من المساجد يعتبر من الصدقات التي يصل الميت أجرها.
#طباعة القرآن الكريم في كتيباتٍ صغيرةٍ وتوزيعها على الناس، ومن الأفضل عدم طباعة اسم الميت عليها حتى لا يدخل الرياء أو السمعة في العمل؛ فالنية الخالصة لله تعالى هي التي توصِل الأجر للميت.
#تأدية ما على الميّت من ديونٍ للناس،
#وتأدية الديون التي لله تعالى مثل: تأدية فريضة الحج عنه في حال مات ولم يحج،
#أو يمكن التبرّع لمساعدة حاجٍ لله تعالى.
وإلي اللقاء بعد العيـــد إن أحيانا الله تعالى
و
التعديل الأخير تم بواسطة خديجة أحمد; الساعة 29-04-2019, 07:59 PM.لا إله إلا أنت سبحانك إني كنت من الظالمين
تعليق
-
عليكم السلام ورحمة الله وبركاته
جزاكم الله خيرا أختي
اللهم بارك لى فى اولادى وارزقنى برهم وأحسن لنا الختام وارزقنا الفردوس الأعلى
تعليق
-
واياك غاليتيلا إله إلا أنت سبحانك إني كنت من الظالمين
تعليق
-
بوجي : ايه المواقع اللي انتي منشنتهالي ع الفيس دي يا طمطم ؟
طمطم : دي مواقع اناشيد مش انت كنت عاوز تغني في الإذاعة ؟
بوجي : اناشيد ايه يا حجة انتي لسه عايشة في عصر طنط شفيقة !
انتي في 2019 يا ماما يعني اولك مهرجانات.
طمطم : هايهايهاي إلحقي يا طنط شفيقة بوجي عاوز يعمل مهرجان هاهيهاي .
عم شكشك : يا واد يا زيكو روح هاتلي باكو لبان من عمك حسن بدل منت ماسك الموبيل ليل نهار كدة .
زيكو :مشغول يا عمنا معلش , انده عليه وهو هيسمعك .
عم شكشك : بقي كددددة طيب انا هشيل فيشة الوايفاي اللي عندي دي .
زيكو :لالالالا خلاص يا عم شكشك قلبك ابيض الا الوايفاي دنا اموت من غيره , حاضر هروح جرررررررري .
عم شكشك : شوف الوله !انا مش عارف ايه الجيل العجيب دا , النت عندهم عامل زي الروح لو قطعت انقطعوا عن الحياة الجميلة اللي حواليهم , ولا ايه يا عم بوجي !
بوجي : كلام جمييييييييييييييل
:e7m1om:
كل عام وانتم الي الله اقرب
رمضان كريم علينا جميعا .
.لا إله إلا أنت سبحانك إني كنت من الظالمين
تعليق
-
وعليكم السلام ورحمة الله وبركاته
جميلة جزاكم الله خيرًا وبارك فيكم
تعليق
-
وجزاكم خيرا منهلا إله إلا أنت سبحانك إني كنت من الظالمين
تعليق
-
انتظروا الحلقة الجديدة
.
.
.لا إله إلا أنت سبحانك إني كنت من الظالمين
تعليق
-
في انتظارك اختي بارك الله فيكي
قرأت الحلقة السادسة و أعجبتني كثيرا...
و سبحان الله موضوع المعاملة بين الأزواج يشغلني كثيرا هذه الأيام خاصة بعد عدة مناقشات ع الفيسبوك رأيت فيها كم من البعد و الجهل من النساء في ما لهن و ما عليهن
و فعلا نحن النساء مقصرين جدا في تعلم العلم و الدعوة
رغم انه من آكد ما وصانا به الله فقال سبحانه
و اذكرن ما يتلى في بيوتكن من آيات الله و الحكمة
ان شاء الله لي عودة للمتابعة من اول الحلقات... سلمت يمينك و بارك الله جهدك و وقتك و بارك فيك و في زوجك و أولادك
سؤال ما اسم الكتاب الذي شاركتنا منه صفحة... سوار أمي ام كتاب اخر؟تعليق
-
قرأت الحلقة الأولى.. مسلية جدا و رائعة ما شاء الله
بارك الله لك في وقتك و وفقك لكل خير
و بمناسبة صلاة الفجر
حكي لي..
كان هناك امرأة تقوم الليل و بين كل ركعتين تذهب لتوقظ زوجها عله يقوم معها فيرحمهما الله.. فيأبى متعللا بتعبه الشديد... فلم تيأس في كل مرة تأتيه تحنو و تشجع هيا هيا... حتى أذن للفجر... فأيقظت زوجها فأبى كذلك.. فأتت بدلو ماء وضعته جوار السرير و همست لزوجها انظر هذا الدلو... فنظر متعجبا قالت : قال النبي صلى الله عليه و سلم نضح الماء لصلاة الليل.. و لأن الفجر أولى جئتك بدلو ماء..
فقام الزوج ضاحكا بفضل الله..
و حكت أخرى..
أنها كانت اذا أبى زوجها القيام لصلاة الفجر.. لم تستسلم.. و كأن شغلها الشاغل هو الصلاة.. فكانت تقوم توضؤه في غرفته حتى يستيقظ...
بارك الله فيهما.. الصلاة جهاد.. و أمرنا بالاصطبار عليها..
و طبعا ما قد يقبله زوج قد لا يقبله غيره و لكن الفكرة.. ان نكون عونا لبعضنا عليها و ان نصطبر عليها
و اللهم ارزقنا و ازواجنا و اولادنا الصلاة على وقتها و اغفر لنا و اعف عنا يا رب...
تعليق
-
اللهم بارك لى فى اولادى وارزقنى برهم وأحسن لنا الختام وارزقنا الفردوس الأعلى
تعليق
تعليق