إعـــــــلان

تقليص
لا يوجد إعلان حتى الآن.

مسلسل جديد ( البيت بيتك )

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #76
    السلام عليكم
    مرحب بكم في بيتكم
    والحلــــــــ(11)ـــــــــــقة :


    ​​​​​​

    طبعا منتظريين البداية تكون رأي وسام في العريس
    ولكن لن نريحكم زيادة في التشويق
    فالبداية عند احمد وصديقه سعد :
    سعد : احنا هنعمل ايه يا احمد في الثانوية العامة دي انا مش طايق الفترة اللي جاية دي ؟
    احمد : مش عارف فعلا الواحد خايف اوي العيال بيموتوا مذاكرة وفي الاخر بيجيبوا مجاميع قليلة .
    سعد : انا ابويا معقدني ولازم ادخل كلية من الكليات القمة والا مش هيفتحلي اي مشروع .
    احمد : المفروض مفيش حاجة اسمها كلية قمة , بجد فعلا حاجة تعقد وتفرقة بين الناس , اللي في كلية قمة دا ماشي فرحان بنفسه ورافع راسه والتاني اللي مجموعه خانه يروح يموت بقي .
    سعد : فعلا القمة متفاوتة وكل واحد وقمته .
    احمد : انت عارف انا بفكر في ايه ؟
    سعد : ايه ؟!
    احمد : بفكر ادخل ثانوي صنايع .
    سعد : ايــــــــــه ؟ مستحيل ؟ انت عايز الناس تبصلك باستحقار وانك بليد !
    احمد : مش عارف بقي .

    ماما واختها في في التليفون :
    حجة زينب : متيجي يا عزة ننزل نتفرج علي ماتش مصر في أي كافتيريا واهو بالمرة نشوف بعض ونقعد في الهواء .
    مدام عزة : انتي عايزانا نقعد علي قهوة زي الرجالة يا زيزي , ناقص تطلبنا شيشة معسل كمان !!
    زينب : قهوة ايه انتي مبتشوفيش الستات قاعدين في الشوارع ازاي ساعة ماتش مصر ؟! دول اكتر من الرجالة .
    عزة : لا يا اوختي مشفتش ومش عاوزة اشوف التقدم الجميل دا .
    زينب : يا سيتي يلا نتقابل , اتصل بباقي اخواتك ونتجمع بدل محنا مش عارفين نتقابل كدة.
    عزة : لا لا نتجمع عادي في بيت اي واحدة فينا , نتفق كدة علي معاد ان شاء الله .


    وسام والعريس
    بابا : ايه يا سومة , العريس علي نار منتظر الرد لسه متصل بيا .
    وسام : والله يا بابا هو كويس بس انا مش حابة بيت العيلة دا انت ايه رايك ؟
    بابا : موضوع بيت العيلة دا شائك يا بنتي .
    وسام : يعني ايه شائك يا بابا ؟
    بابا : يعني مختلف فيه وله مميزاته وعيوبه وشروطه .
    وسام : زي ايه ؟
    بابا : اقري الكلام دا كدة ..
    https://ar.islamway.net/article/6644...A6%D9%84%D8%A9

    ومن الاخر يا بنتي عشان ينجح السكن في بيت عيلة في الوقت الراهن يجب أن تتوفر فيه الاستقلالية لكل أسرة صغيرة داخل الأسرة الكبيرة، بمعنى أن هناك غطاءً أو مظلة تشمل الجميع اسمها العائلة الكبيرة، لكن يكون لكل كيان صغير أو أسرة ناشئة حرية واسعة فالشكل التقليدي غير مناسب في الأسرة الممتدة في عصر الأسرة النووية.
    وسام : جميل يا بابا , ربنا يقدرلي الخير , هصلي استخارة اخيرة بعد كلامك دا وهقرر ان شاء الله .
    احمد : ياااااااااارب , بس دا طلع زملكاوي يا عم .
    بابا : بس شكله مش متعصب للزمالك متعصب لحد تاني وبيغمز لوسام ,
    وسام هتخليه أهلاوي متقلقش .
    وسام : طب استأذنكوا عندي محاضرة .
    احمد : اتفضلي يا عروسة .
    وسام : اه صح عاوزة المصروف يا حج .
    بابا : مصروف ايه يا حجة احنا نص الشهر .
    وسام : هو احنا في شركة هقبض اخر الشهر ! لا انت ابويا حبيبي وقلبي يعني وقت ما الفلوس تخلص تديني غيرها علطوووووول .
    بابا : شوف البت كلت بعقلي ازاي , اتفضلي يا سيتي .
    وسام : احلي أب في الدنيااااااااااااااااااا .

    ماما : انت مدلع العيال ليه ؟
    بابا : اذا مكنتش انا ادلعهم مين يدلعهم ؟
    ماما : ربنا يخليك ليهم بس المفروض وسام تشتغل بشهادتها دي , هي شاغلة نفسها بمحاضرات ودورات تخد فلوس وخلاص .
    بابا : هي مش فرض عليها تشتغل هي لسه في عصمتنا طالما لسه متجوزتش .
    ماما : طيب , واحمد شوفله اي شغلانة في الاجازة.
    بابا : حاضر , مالك يا جميل كدة , مزاجك ماله ؟
    ماما : مفيش يا حج , زهقانة شوية , وبفكر في ولادك دول ومستقبلهم , وقال ايه زينب اختي بتقولي يلا ننزل نقعد في كافتيريا نتفرج علي ماتش مصر !!
    بابا : هههههههه كل دا مقريف مزاجك يا ست الكل , طب اتصدقي فكرة حلوة يلا بينا .
    ماما : علي فين ياخويا , صل علي النبي يا حج انت هتنحرف علي داخلة الستين سنة ولا ايه ؟
    بابا : هقهقهقهقه عسل يا زوزة ايوة اضحكي كدة وفرفشي , انا اقصد ننزل انا وانتي مش انتي واخواتك طبعا , ننزل كدة نتنمشي شوية ونتكلم في الحاجات اللي شغلاكي ونفكر فيها سوا .
    ماما : ماشي موافقة .

    وسام جهزت للخروج ,
    وهي نازلة شافت طابور نمل
    جابت بسرعة رش كيروكس وقضت عليه علي الفور
    احمد : يا سيتي متسبيه في حاله هو دا قطة برده عاوزة تطفشيه زي مطفشتيها مش مسامحك لغاية دلوقت علي فكرة , انتي عدوة مخلوقات ربنا ؟!
    وسام : عدوة ايه يا جاهل انت دا نمل مقرف , اسيبه يقرصك ويقف علي أكلك ؟!
    احمد : يا سيتي هو حران مش طايق الحيطة , انتي مش شايفة الحر النار اللي احنا فيه , فين الرحمة يا عالم ؟! واصلا حرام تموتيه .
    وسام : لا مش حرام يا حنين طالما بيئذيني في بيتي يبقي اقتله انما يبقي حرام لو قتلته برا البيت .
    احمد : ماشي .
    وسام : وبالنسبة للقطة ليك عليا يا سيدي اول متجوز ان شاء الله هجيبلك احلي قطة هدية , يلا سلاموز .
    احمد : يارب تتجوزي قريب بقي وتريحيــــــــــــــــــــــــنا .


    والي اللقاء في الحلقة القادمة


    فاكهة الحلقة :
    داخل الحلقة وهي الكلام عن بيت العيلة .

    طلب :
    في الحلقة الماضية لم يلتفت احد لمكالمة شيماء لصاحبتها الأرملة , كله ركز ع العريس وخلاص ,
    راجعوا المكالمة وقولوا رأيكوا
    وشكرا ..





    لا إله إلا أنت سبحانك إني كنت من الظالمين

    تعليق


    • #77
      عليكم السلام ورحمة الله وبركاته
      ايه ده مالك بخيله علينا ليه كده الحلقه دي
      كنا فاكرين هناكل جاهزه وبيبسي

      جزاكِ الله خيرا
      أحمد المفروض يسافر يشوف مستقبله
      وبالنسبه للارمله رأيي تتجوز الدنيا صعبه والولاد صعبين
      والله أعلم
      مستنيين الحلقه الجايه
      التعديل الأخير تم بواسطة خديجة أحمد; الساعة 03-07-2019, 04:26 PM.


      اللهم بارك لى فى اولادى وارزقنى برهم وأحسن لنا الختام وارزقنا الفردوس الأعلى

      تعليق


      • #78
        تصدقي... مش بركز خالص غير في الإفيه المضحك
        انتي عدوة مخلوقات ربنا........
        ربنا يبارك فيكي يا مسلمة و دمتي مبهجة لنا

        بالنسبة بقة للكلام عن بيت العيلة بالنسبالي يتلخص في كلمتين
        كل ميسر لما خلق له
        ​​​​​​لو الواحدة تزوجت في بيت عيلة يبقة ده الأفضل لها و لاسرتها
        و لو تزوجت بره بيت العيلة يبقة ده الأفضل لها
        منقدرش نحدد بالظبط ايهم افضل
        لكن المهم اصلا قبل الزواج في اي حالة اننا نكون متأكدين ان اهل العريس ناس محترمة و منهم بيبان كمان العريس ده هيكون مناسب أو لا.. الاهل بيبان فيهم جدا
        ​​​

        تعليق


        • #79
          بالنسبة بقة للارملة
          أرى انها تتزوج و تتحرى في الاختيار
          لأن المرأة لا تستغني عن وجود رجل ابدا.. حماية و ونس و سند و عفة
          و حتى الحديث اللي بيذكر فيه النبي صلى الله عليه و سلم اجر الصابرة بعد موت زوجها على تربية أولادها .. بيبن أهمية تربيتها لاولادها و ان ده هيكون شاق عليها اكتر بدون ابوهم عشان كده ثوابها هيكون عظيم
          لذلك هي تتحرى الرجل اللي يكون بمثابة والدهم و يعينها على كده

          تعليق


          • #80
            المشاركة الأصلية بواسطة محبة الحبيب محمد مشاهدة المشاركة
            عليكم السلام ورحمة الله وبركاته
            ايه ده مالك بخيله علينا ليه كده الحلقه دي
            كنا فاكرين هناكل جاهزه وبيبسي

            جزاكِ الله خيرا
            أحمد المفروض يسافر يشوف مستقبله
            وبالنسبه للارمله رأيي تتجوز الدنيا صعبه والولاد صعبين
            والله أعلم
            مستنيين الحلقه الجايه
            اضحك الله سنك غاليتي
            هناكل كل حاجة متقلقيش بس لازم وسام تتريس كويس ، الموافقة مش بالسهولة دي .
            واحمد يسافر فين دا لسه في اعدادي !
            والارملة عندك حق ,
            واياك اختي
            لا إله إلا أنت سبحانك إني كنت من الظالمين

            تعليق


            • #81
              المشاركة الأصلية بواسطة صاحبة العمرين مشاهدة المشاركة
              تصدقي... مش بركز خالص غير في الإفيه المضحك
              انتي عدوة مخلوقات ربنا........
              ربنا يبارك فيكي يا مسلمة و دمتي مبهجة لنا

              بالنسبة بقة للكلام عن بيت العيلة بالنسبالي يتلخص في كلمتين
              كل ميسر لما خلق له
              ​​​​​​لو الواحدة تزوجت في بيت عيلة يبقة ده الأفضل لها و لاسرتها
              و لو تزوجت بره بيت العيلة يبقة ده الأفضل لها
              منقدرش نحدد بالظبط ايهم افضل
              لكن المهم اصلا قبل الزواج في اي حالة اننا نكون متأكدين ان اهل العريس ناس محترمة و منهم بيبان كمان العريس ده هيكون مناسب أو لا.. الاهل بيبان فيهم جدا
              ​​​
              ويبارك فيك يا غالية
              جميل بس الغالب حاليا للاسف مشاكل حتي من الناس نحسبها محترمة ومتدينة وملتزمة ومثقفة بس برده لا تخلو من المشاكل
              .
              التعديل الأخير تم بواسطة خديجة أحمد; الساعة 03-07-2019, 11:51 PM.
              لا إله إلا أنت سبحانك إني كنت من الظالمين

              تعليق


              • #82
                المشاركة الأصلية بواسطة صاحبة العمرين مشاهدة المشاركة
                بالنسبة بقة للارملة
                أرى انها تتزوج و تتحرى في الاختيار
                لأن المرأة لا تستغني عن وجود رجل ابدا.. حماية و ونس و سند و عفة
                و حتى الحديث اللي بيذكر فيه النبي صلى الله عليه و سلم اجر الصابرة بعد موت زوجها على تربية أولادها .. بيبن أهمية تربيتها لاولادها و ان ده هيكون شاق عليها اكتر بدون ابوهم عشان كده ثوابها هيكون عظيم
                لذلك هي تتحرى الرجل اللي يكون بمثابة والدهم و يعينها على كده
                صح كلامك
                لا إله إلا أنت سبحانك إني كنت من الظالمين

                تعليق


                • #83
                  المشاركة الأصلية بواسطة moslma lillah مشاهدة المشاركة

                  ويبارك فيك يا غالية
                  جميل بس الغالب حاليا للاسف مشاكل حتي من الناس نحسبها محترمة ومتدينة وملتزمة ومثقفة بس برده لا تخلو من المشاكل
                  .
                  مهما حصل يا اختي .... فهي من كدر الدنيا لا محالة و لابد وقوعه و لكن ... يبقى الحب في الله... أحبهم و اظن انهم افضل مني عند الله.. و اتمنى ان أنجح في تربيتي لأولادي مثل ما نجحوا.. كل هذه المعاني تذيب ما يهيجه الشيطان و النفس بإذن الله لو كان الاهل على دين
                  التعديل الأخير تم بواسطة خديجة أحمد; الساعة 03-07-2019, 11:51 PM.

                  تعليق


                  • #84
                    المشاركة الأصلية بواسطة صاحبة العمرين مشاهدة المشاركة

                    مهما حصل يا اختي .... فهي من كدر الدنيا لا محالة و لابد وقوعه و لكن ... يبقى الحب في الله... أحبهم و اظن انهم افضل مني عند الله.. و اتمنى ان أنجح في تربيتي لأولادي مثل ما نجحوا.. كل هذه المعاني تذيب ما يهيجه الشيطان و النفس بإذن الله لو كان الاهل على دين
                    نعم ولذلك هو امر شائك كما قال عمك الحج حسين
                    لا إله إلا أنت سبحانك إني كنت من الظالمين

                    تعليق


                    • #85
                      فاصل ونواصل



                      عم شكشك : اتصلت بكل قرايبك وجيرانك واصحابك يا بوجي تعزمهم علي حفلة نجاحكوا في الثانوية العامة ؟
                      بوجي : اه يا عم شكشك بعتلهم علي الواتس .
                      عم شكشك : علي ايه يا اخويا ؟؟
                      بوجي : علي الوااااااااتس , دا برنامج علي الموبايل بيجمع الناس وبنتواصل معاهم بسهولة فيه.
                      عم شكشك : ودا بقي قرب الناس لبعض فعلا ؟ ولا اسمع انه العكس بعدهم عن بعض ! كل واحد فاكر انه بعت لعمه ولا لخاله ولا لصاحبه رسالة سواء مقرأهاش او رد عليه رد باهت زيها _ زي مثلا وانت طيب _ يبقي كدة هو خلاص وصل الرحم ؟
                      بوجي : هو الصراحة قرب المسافاات فعلا بين ناس كانت بعيدة والوصول اليها صعب ولكن انت عندك حق , انا لما بعت لقرايبي في رمضان علي جروب العيلة كل سنة وانتو طيبيبن حسيت بفتور وعدم ود في الردود , فقلت في العيد هكلمهم في التليفون فرق 180 درجة في الفرحة والبهجة اللي كانت علي اصواتهم من مكالمتي ليهم وسؤالهم عن صحتهم وحالهم .
                      عم شكشك : شفت ! , الود والقرب يا بني مش بيتكتب علي حالة في الواتس اوعلي قصة في الفيس لا بمكالمة تليفون , بزيارة .
                      بوجي : اينعم يا عمنا , خلاص انا هروح اتصل بيهم , بس انا معيش رصيــــــــــد .
                      عم شكشك : روح اشحن يا وله زي مبتشحن الواي فاي كدة ! وبعدين انت مش لسه واخد نقطة نجاح ؟
                      بوجي : ايه دا ايه دا يا عم شكشك , انت هتذلني بالنقطة اللي انت اديتهالي ؟
                      عم شكشك بالريشة بتاعته : امشي .. امشي يا وله جاتك نقطة .

                      والف مبروك لبوجي ولطمطم
                      وربنا يفرح كل طلاب الثانوية العامة

                      .
                      .
                      .
                      انتظروا الحلقة الجديدة


                      لا إله إلا أنت سبحانك إني كنت من الظالمين

                      تعليق


                      • #86

                        الحلقــــــــ( 12) ـــــــــــة :

                        #
                        مسلسل_البيت_بيتك


                        وسام وشيماء في التليفون :
                        وسام : ها يا شوشو ضياء سأل عن وليد وشغله وأهله ؟!
                        شيماء: مستعجل يا جميل ؟!!
                        وسام : حتي انتي يا شوشو ؟! قلت انتي بنوتة زيي وهتحسي بيا .
                        شيماء : طبعا يا حبي ربنا يفرحنا بيكي قريــــــــب , بصي يا سيتي ضياء سأل وقالي هيكلم بابا بس هو بيشكر فيه جدا وفي أهله ومنطقته .
                        وسام : ربنا يقدر الخير .


                        ماما وبابا في الكافيتريا:
                        ماما : يوم منفكر ننزل نتفرج ع ماتش تحت ، مصر تخسر!
                        بابا : عالم فاشلة اصلا يتسحقوا الهزيمة ..عشان يهمدوا بقي والناس تشوف وراها ايه ، مشوفتيش انتي شكل القهاوي لما كانت مصر بتلعب , موقفين الشوارع والستات بتزغرد وآخر حلاوة .
                        ماما : آخر حلاوة !! ايه يا راجل مالك ؟
                        بابا : ههههه مفيش يا ستنا انا قلت انكشك كدة , ايه اللي شاغلك ؟ الاولاد مالهم ؟
                        ماما : عريس وسام وعدم شغلها اللي بدأ يضايقني , وأحمد مفروض نفكر في مستقبله المرحلة اللي الجاية .
                        بابا : بالنسبة لعريس وسام , ضياء لسه قافل معايا سأل عليه وعلي أهله في منطقته وبيشكر فيه جدا .
                        ماما : طب الحمد لله , انا عن نفسي ارتحتله وحسيته واحد مننا كدة .
                        بابا : طيب علي خيرة الله ربنا يوفقها يارب ويختارلها الخير , بالنسبة لشغلها زي مقولتلك هي مسئولة مننا طالما متجوزتش وبعدين هي لسه صغيرة علي النغمة الحلوة دي , اقصد معنستش وعارفة هي كانت بتقولي من فترة انها هتجيب أولاد تديهم دروس عربي بس مستنية تخلص الدبلومة دي عشان مهمة بالنسبالها .
                        ماما : بس غالية .
                        بابا : وماله كله من فلوسها , مش كل واحد له حق ونصيب معانا ! امال احنا بنشتغل ونتعب مش عشانهم , فلما نبسطهم واحنا عايشين هنفرحهم ويدعولنا احسن اما نضيّق عليهم وفي الآخر هنموت وبرده هيخدوا الفلوس اللي احنا تركنهالهم رغما عنا والله اعلم ممكن يعملوا بيها ايه ؟؟ فلما نصرف الفلوس دلوقت في حاجة مفيدة ونافعة أوْلي من منعها لتُصرف بعد موتنا في حاجات مجهولة .
                        ماما : ربنا يديك طولة العمر يا حج ويبارك فيك ويجعلك حنين علي ولادك ويرزقك برهم , معاني جميلة فكرتني فعلا اننا لما نموت مش هنخد حاجة معانا ومش هينفعنا غير العمل الصالح والولد الصالح .
                        بابا : الله ينور عليكي يا ست الكل ويبارك فيكي ويخليكي لينا ويروق بالك دايما .

                        تليفون بابا بيرن :
                        بابا : سلام عليكم
                        احمد : وعليكم السلام , ازيك يا بابا انت فين , سألت وسام قالتلي انك نزلت انت وماما .
                        بابا :اه تعال احنا في الكافتيريا اللي علي اول شارعنا .
                        احمد : ماشي.

                        بابا : اهو احمد جه في وقته اهو عشان نتكلم معاه بخصوص الفترة الجاية , المكان والوقت مناسبين .
                        احمد : ايوة يا عم ع القاعدة الرمانسية .
                        ماما : ايه صحابك أمير وعصام عملوا ايه في الثانوية ؟
                        احمد : مدمريـــــــــــن , امير اللي في علمي رياضة جاب 89% , وعصام علمي علوم جاب 92% مش هيحصلوا اي حاجة من كليات القمة .
                        بابا : قمة ايه وبتاع ايه بس , ربنا يراضيهم ويوفقهم .
                        احمد : يارب , الله يا بابا انت رايك من رأيي ؟! ان القمة دي حاجة وحشة !
                        بابا : طبعا يا بني ربنا يقدركوا الخير جميعا , طيب روح اقف مع اصحابك هم محتاجينك دلوقت تطيب خاطرهم وبعدين نبقي نكمل كلامنا احنا عن الثانوية والكليات دي علي رواقة يا بطل .
                        احمد : صح يا بابا انا هروحلهم دول عمالين يعيطوا جامد اول مرة اشوفهم كدة .
                        ماما : ربنا يفرحهم ويختارلهم الخير , ماشي يا حج تسلملي ع القاعدة الحلوة دي ياريت تتكرر .
                        بابا : بس كدة عنياااا .

                        مستر وائل مدرس الفيزياء يجمع طلابه بعد ظهور النتيجة :
                        ا.وائل : الف مبروك يا شباب انتو عملتوا اللي عليكوا , والثانوية العامة ما هي الا بداية الطريق مش نهايته ابداااا , والطريق دا ممكن يودي لعشرات الطرق وربنا هيختارلك الطريق الخير ليك أيا كان انت عاوزه او مش عاوزه فلازم تبقي واثق من اختيار ربنا ليك وراضي به بل وتعمل قصاري جهدك انك تكون متميز فيه يكفي لانه اختيار الله ليك فأروا الله من انفسكم خيرا ,
                        انتو عارفين انا اعرف دكاترة مش لاقين يأكلوا ولا قادرين يفتحوا عيادة لنفسهم ومرميين في المستشفيات الحكومي بيقبضوا ملاليم, ونفس الكلام المهندسين وبتوع علوم وكل اللي بيسموا نفسهم كليات قمة دول , كل انسان هو قمة في الطريق اللي ربنا اختارهوله , كليات القمة دي الغرب صدروهالنا عشان يقسموا الناس ويعملوهم طبقات وفروقات , كل الكليات حلوة ومطلوبة وكل ميسر لما خُلق له .
                        محمود : طب انا يا مستر جبت 70 % بعد كل دروس الفيزياء دي , اجيب من الآخر واشتريلي توكتوك اشتغل عليه, اهم بيكسبوا دهب في اليوم .
                        ا.وائل : هههههههههههه , يا حودة انت خاربها اصلا والفيزياء بريئة منك ومن درجتك الـ.....
                        عصام : طب انا اعمل ايه بمجموعي دا يا مستر ؟
                        ا.وائل : اللي ربنا كاتبه عنده هو اللي هيكون أيا كان فانت متزعلش نفسك , هي الثانوية العامة كدة طول عمرها مرحلة خداعة , وانا ياااااما حذرتكوا بس انا مش عاوز استخدم اللوم والندم والعتاب خلينا في اللي جاي بس المهم نتعلم من غلطنا ونركز في سفاسف الامور لانها فعلا بتفرق ,
                        وانتو لسة الحياة قدامكوا طويــــلة عندكوا كلية ثم جيش ثم وظيفة ثم شقة ثم جواز ثم عيال ثم تطوير شغلك ومشاريعك وتموت نفسك في شغلك عشان ينفعك في وقت الكِبَر حيث لا صحة ثم مقابلة وجه كريم لتُحااااسب علي كل اللي فات دا ويا يكون في ميزان حسناتك أو سيئاتك , وعلي فكرة في شباب مش بتلحق تعمل اي حاجة وتلاقي نفسها اتخطفت فجأة وماتت فاعمل للآخرتك اعمل لآخرتك اعمل لآخرتك .
                        أمير : ياااا يا مستر كان في بركان وغليان في قلبي قبل ماجي لحضرتك , من بعد ما كنت بقول ليه يارب ! بقول دلوقت ربنا يحسن ختامنا .
                        ا.وائل :اللهم امين , بس مش عاوز نبرة اليأس دي يا امير احنا ندعي وفي نفس الوقت نحدد أهدافنا ونكتبها وربنا يوفقكوا يا ولاد ومتحرمونيش من زيارتكم ليا لاني بحبكم جدااا كلكم , ويلا افرحوا افرحوا _ والاستاذ المرح كان محضر بلالين وجو افراح وغنالهم اغنية الناجح يرفع ايده , هيــــــــــه .
                        الطلاب : جزاك الله عنا كل خير يا مستر وانت مكنتش بس استاذنا لا كنت أخونا الكبير اللي بيخاف علينا بجد وبيرشدنا بحكمة , وقدموا هدية للمستر .

                        وسااااااااام والعريس بقي :
                        بابا : وسام حبيبتي ايه الاخبار فكرتي كويس واستخرتي ؟!
                        وسام : اه يا بابا وحاسة براحة .
                        بابا : طيب يا جميل علي خير يارب , انا هكلمه واقوله تمام ..

                        بابا كلم العريس : ازيك يا وليد , معلش يا بني اتأخرنا عليك في الرد .
                        العريس : الحمد لله يا عمي , لا لا براحتكوا خالص انا منتظر , المهم ان انا بدعي ربنا انكوا توافقوا .
                        بابا : وربنا استجاب لدعائك .
                        وليد : بجد يا عمي ؟؟! .
                        بابا : بجد يا حبيبي احنا في انتظارك .


                        ​​​​​​

                        والي اللقاء في الحلقة القادمة ..

                        فاكهة الحلقة :

                        اسمع عتاب وانزعاج من كليات القمة قائلة : كيف تقولي هذا وقد كنتي منا في يوم من الأيام ؟
                        اقول : لا انكر ذلك وسأظل ممتنة بذلك , ولكن انتي واخدة حقك طول عمرك علي حساب باقي الكليات فآن أوان العدل حتي لا تحطمي قلوب الشباب أكثر من ذلك , توقفي عن هذا الغرور والتكبر وإلا سأصعد الأمر لأعلن الحرب ضدكي .
                        كليات القمة : هفضل بمكانتي مهما عملتي انا
                        القمةومن يفشل فيا تعليميا فتكون قمته محمد صلاح ومن بعدي وصلاح الله يرحم الجميـــــــع .
                        : حسنا انتي اختارتي الحرب اذاً ؟! استلقي وعدك أيتها المغرورة .



                        لا إله إلا أنت سبحانك إني كنت من الظالمين

                        تعليق


                        • #87
                          صدقتي يا أختي... و الفكرة التي يجب أن تصل لأبنائنا في الثانوية العامة او في اي مرحلة من مراحل التعليم
                          الفكرة ان المشكلة لم تعد في تهافت الاهالي على كليات القمة و دفع أبنائهم إليها
                          و لكن المشكلة في الاقتناع بجدوى التعليم النظامي اصلا


                          منذ مدة كانت دعوتي الا تدخل النساء الجامعات المختلطة مطلقا لكثرة ما فيها من مفاسد على طبيعة المرأة السوية
                          كبرت قليلا نضجت اكثر و صار عندي قناعة الا تدخل النساء الجامعات نهائيا حتى لو غير مختلطة... ففي نهاية هذا الطريق هو العمل و الوظيفة التقليدية و بعدا اكثر عن الفطرة بالقرار و بعد أكثر عن هدفها بالحياة و هو اعمار الأرض بتربية جيل سوي
                          كبرت اكثر و نضجت اكثر و بعد بدء مشوار التعليم مع ابني الأكبر صارت قناعتي كما الان.. المسار التعليمي كله فاسد للولد و للبنت و لو كان غير مختلط فهو فاسد ايضا
                          التعليم النظامي في مجتمعاتنا لا يقدم سوى مجموعة أوراق فقط.. هو لا يبني شخصية و لا يقدم سوى آلة للعمل لا تصلح للحياة الآدمية
                          و حتى آلة العمل التي يقدمها قديمة و لا تتماشي مع احتياجات السوق المحلي او العالمي

                          و الحل هو التعليم المنزلي.. و قد أصبح شائعا جدا في دول العالم المتقدم

                          اما على مستوانا الشخصي عند تعذر الاعتراف بالإنسان كإنسان بغير ورق .. لا نستطيع السير بدون أوراق... علينا بالتعليم الموازي
                          بتثقيف أنفسنا و اولادنا بالكورسات الخارجية و اعتبار الوقت المستقطع للتعليم النظامي ترفيه او علاقات اجتماعية مختلفة
                          و الله اعلم ما ستؤؤل اليه رؤيتي مستقبلا

                          تعليق


                          • #88
                            جزاك الله خيرا أختنا


                            اللهم بارك لى فى اولادى وارزقنى برهم وأحسن لنا الختام وارزقنا الفردوس الأعلى

                            تعليق


                            • #89
                              المشاركة الأصلية بواسطة صاحبة العمرين مشاهدة المشاركة
                              صدقتي يا أختي... و الفكرة التي يجب أن تصل لأبنائنا في الثانوية العامة او في اي مرحلة من مراحل التعليم
                              الفكرة ان المشكلة لم تعد في تهافت الاهالي على كليات القمة و دفع أبنائهم إليها
                              و لكن المشكلة في الاقتناع بجدوى التعليم النظامي اصلا


                              منذ مدة كانت دعوتي الا تدخل النساء الجامعات المختلطة مطلقا لكثرة ما فيها من مفاسد على طبيعة المرأة السوية
                              كبرت قليلا نضجت اكثر و صار عندي قناعة الا تدخل النساء الجامعات نهائيا حتى لو غير مختلطة... ففي نهاية هذا الطريق هو العمل و الوظيفة التقليدية و بعدا اكثر عن الفطرة بالقرار و بعد أكثر عن هدفها بالحياة و هو اعمار الأرض بتربية جيل سوي
                              كبرت اكثر و نضجت اكثر و بعد بدء مشوار التعليم مع ابني الأكبر صارت قناعتي كما الان.. المسار التعليمي كله فاسد للولد و للبنت و لو كان غير مختلط فهو فاسد ايضا
                              التعليم النظامي في مجتمعاتنا لا يقدم سوى مجموعة أوراق فقط.. هو لا يبني شخصية و لا يقدم سوى آلة للعمل لا تصلح للحياة الآدمية
                              و حتى آلة العمل التي يقدمها قديمة و لا تتماشي مع احتياجات السوق المحلي او العالمي

                              و الحل هو التعليم المنزلي.. و قد أصبح شائعا جدا في دول العالم المتقدم

                              اما على مستوانا الشخصي عند تعذر الاعتراف بالإنسان كإنسان بغير ورق .. لا نستطيع السير بدون أوراق... علينا بالتعليم الموازي
                              بتثقيف أنفسنا و اولادنا بالكورسات الخارجية و اعتبار الوقت المستقطع للتعليم النظامي ترفيه او علاقات اجتماعية مختلفة
                              و الله اعلم ما ستؤؤل اليه رؤيتي مستقبلا
                              بالفعل اختي فالتعليم عندنا سيء جدااا لدرجة لا توصف ،
                              سندرس الامر دا ان شاء الله الحلقة الجاية ،
                              قوليلي : انتي جربتي التعليم المنزلي دا ؟
                              .
                              .
                              سعيدة بمتابعتك
                              لا إله إلا أنت سبحانك إني كنت من الظالمين

                              تعليق


                              • #90
                                المشاركة الأصلية بواسطة محبة الحبيب محمد مشاهدة المشاركة
                                جزاك الله خيرا أختنا
                                واياك اختي
                                لا إله إلا أنت سبحانك إني كنت من الظالمين

                                تعليق

                                يعمل...
                                X