كل منتقبة اية رأيك تكتبلنا حكاية لبسك للنقاب ؟

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

اولا احب اقولك السلام عليكم ورحمة الله وبركاته
ثانيا مع اولي مشاركاتي في المنتدي لقيت الموضوع دا وقريت فيه شوية وعجبني جدا
ولو تسمحي اقولك حكايتي مع النقاب
هي بسيطة يعني ممكن تكون خالية من الكفاح شوية بس مليئة بعزة والحمد لله
مليئة باشياء ضافت كتير لحياتي

- سبب نقابك
في الاول خالص انا مكنتش مقتنعه خالص بالنقاب بس كنت بحب شكله
وكان ليا زمايل معايا من ثانوي لابسينه لكن للاسف علاقتنا مش كانت قوية اوي
وفي الوقت دا انا كنت بلبس بناطيل وعديت ثانوي ودخلت الكلية وبدأت ابعد اكتر عن ربنا
بناطيل .....عمري ماكنت بسمع اغاني بقيت بسمع
كنت عايزة ادخل مدني (هندسة) وانزل مواقع بقي وابقي مهندسة
اللي هو في الاساس جو اختلاط
ربنا اراد ودخلت اتصالات مش مدني وفي اول السنة الدراسية
بدأت اشوف حالي وكنت راسمه ايه لمستقبلي وللزوج اللي هتزوجه
منين انا عايزة واحد ملتزم وانا بعيدة تمام البعد عن الالتزام
منين انا بحب ربنا وعايزاه يرضي عني وانا بقوله انا بعصيك بنعمك عليا
فكرت ولقيت ان الحل اني ارجع لربنا بطلت لبس البناطيل واغاني الحمد لله وبدأت بالطرحة الكبيرة علي جيب
وكان من اول الحاجات اللي اثرت فيا علي فين ياشباب للشيخ حازم شومان
ومن هنا بدأ التفكير ياترا ايه هو الحجاب وايه هو شروطه
طيب هي الطرحة دي هي الحجاب مش كنت مقتنعه بيها معرفش ليه
بس كان دايما بيجيلي احساس ان في الافضل دايما
بدأت اسمع الشيخ حازم او الشيخ محمد حسان اكتر
ومع كل حاجة تيجي فيها اسم المرأة اسمع اسم نقاب
عمري ماسمعت قالوا طرحة..... لا... كان نقاب
من هنا بدأ التفكير في النقاب وليه مش يكون هو اللي بدور عليه وبالفعل بدأت اقرأ عنه اكتر
فضلت اكتر من 3 شهور بقرأ فيه وحكمه وهل هو فرض ولا سنة وفضلت ع الحال دا كتير
وكان برده ليا زميلات بيشجعوني .كنت اما بشوفهم بحس بهيبة رهيبة وكنت اتمني ابقي زيهم واد ايه جمالهم بيه
لحد ماجيت في الترم التاني للدراسة..وتبدأ العقبات


- وعقبات نقابك
.بدأت اكلم والدتي لان والدي كان وقتها مفيش مشكلة اني البسه بس مش عايزني اعارض والدتي بسبب حاجة هو شايفها سنة مش فرض
كانت والدتي معارضة بشدة ولو كنت جبت سيرة النقاب دا يووووووة صويت وزعيق وخناق وممكن اقضي باقي اليوم بسمع كلام
لدرجة انها يوم جمعت ليا الاهل واختي وزوجها عشان البيت كان والع بسبب اني عايزة البس نقاب
كأني بقولها هلبس بادي وجينز
وللاسف دي مشكلة اغلب الاهل انهم يعارضوه ويخافوا من حاجات غريبة
لكن جيت صممت البسه وكنت واخداها عِند وللاسف كنت بعاند ومش عارفة اني اللي بعمله غلط
لسه في بداية الالتزام وعايزة اعمل اي حاجة تقربني لربنا بس مكنتش باخد بالي اني بكدا بعمل مشكلة تانية وهي اني اعاند امي
اللي رسولي موصيني بيها ثلاثا
بس كنت هلبسه وجت مرة قالتلي طيب
وطبعا لان العزم مش كان كبير رغم اني كنت حابة اني البس النقاب اوي لكن الصدق مع الله مش كان اوي
ربنا مش ارد البسه في الوقت دا...وكان بسبب بنت عمي المنتقبة اللي قلبت امي ضدي وقالتلها مش هتتجوز وكلام غريب معرفش غيرتها ازاي
رجعت تاني افكر ....طيب انا عايزة البس النقاب ليييه
هل انا صادقة مع ربنا ؟؟؟ ماهو انا لو كنت صادقة اكيد كانت والدتي وافقت علي طول
هل انا اخدت بالاسباب اللي تعيني اني ازيد في طاعاتي؟؟؟
هل انا مقتنعة تمام الاقتناع انه فرض؟؟؟هل فكرت اني لما البسه همنع نفسي من حاجات كتير دنيوية؟؟؟
بدأت احكم الموضوع واصدق مع ربنا وازيد في طاعاتي
بدأت اجدد النية في لبسي للنقاب
ورجعت تاني بدأت باقناع والدتي باللين..... شوية اجيب ليها ايه وشوية حديث
اسكت يومين تلاتة وارجع اكلمها تاني
وفضل الحال دا كمان 3 شهور
بس وقتها لبست الاسدال
وقولت خلاص هستني الصيف واشوف التدريب الصيفي وايه النظام وهبقي البس النقاب
لحد ماجه واحد علي موقع كليتي عمل موضوع عن الحجاب ورأي كل العلماء وكانت فرصة اني اقرأ حكم النقاب تاني وقتها قريت بقلبي مش بعيني وقولت دا رسالة من ربنا ليا ....مش دخولي الموضوع دا ومتابعته جاية كدا
اكيد دا ترتيب ربنا
وقولت هلبسه وربنا هيقف جنبي ...هقنع والدتي تاني وربنا هيعني
وقتها كنت بخرج من البيت وجهي بس اللي ظاهر كنت احس ان جسمي كله ظاهر
وصلت لمرحلة اني ابكي لان وجهي مكشوف وعرفت وقتها حلاوة قيام الليل
حلاوة اني الجأ لربنا والناس نايمة وانا وهو بس واني اكمله واناجيه في الوقت دا
يااااااااااااه بجد احساس لا يعادله احساس
ابكي واطلب منه الستر....ياااااارب استرني وخليني البس النقاب
وفي الوقت دا كنا اجازة قبل الامتحانات الشفوي
فضلت ادعي ياااااااااارب البسه قبل ماانزل امتحانات الشفوي
لحد يوم كان خميس في اليوم فضلت ابكي في القيام لحد ماعيني ورمت من البكاء لان الامتحانات كانت قربت وحسيت ان ربنا مش استجاب ليا
يعني زعلان مني وغضبان عليا
كان الم فظيع اني افتكر ايه معناها ان ربنا بيستغني عن بعض العباد من كتر معاصيهم وكنت بخاف اكون منهم
وتاني يوم كلمت والدتي فيه لاحظت انها بدأت تلين وتقتنع
جه يوم السبت زاد بكائي لان الشفوي كان تاني يوم
كلمتها فيه تاني لقيتها خرجت وسابتني في البيت لوحدي
قمت صليت وقتها الظهر ودعيت
لقيتها جاتلي بتقولي ابشري هتلبسي النقاب
يااااااااااااااا الله
كنت هطير من الفرح طيب هنزل اشتري النقاب امتي
وربنا ييسر لي ...وجت لوالدتي واحدة تقولها ببيع ملابس ولو عايزة كمان لبس محجبات
ومفيش كلام جبت نقاب منها
وتاني يوم اول امتحان شفوي انزل بالنقاب
ومع مفاجأة للجميع واحساس اروع مايكون

- واحساسك مع النقاب
لبست النقاب بفضل الله اول ايام الشفوي
17/5/2008
احساس اروع مايكون
احساس اني ملكة بيه قليل اوي ..اني بنقابي ملكة كل حاجة تحت امرها..اد ايه احساسي وانا ماشية مستورة كان جميل جدااااااا
النقاب بيرفرف مع الهوا وانا قلبي بيرفرف من الفرحة معاه
احساسي وربنا ناعم عليا بااني يكون فيا حاجة من زوجات الرسول
حاجة بتشبه بيهم فيها
نعمة اني نفذت امر لله وامر للرسول
يعني هقوله يامحمد فداك ابي وامي انا لبست النقاب عشان انت قولت فرض
يارب انا لبسته عشان انت قولت فرض
لذة الطاعة ربنا مايحرمنا منها يااااااااااارب
والله العظيم انا بفتكر كانه لسه دلوقتي بحس كان نور بيكون جوايا وبهجة بتسيطر عليا
وربنا كرمني هنا بقي بزميلة ثانوي اللي اتكلمت عنها ومع اول هدية كانت نقاب
وزميلة ليا تانية كانت معايا في نفس القسم
والغريب اننا مكناش بنكلم بعض
ومن يومها الحمد لله بقينا شلة زي مابيقولوا
مع بعض دايما وبنعين بعض ع الطاعه
اللي تشوف حاجة في التانية تنبها وتعينها تعمل الصح
ربنا كرمني مع حلاوة النقاب بحلاوة الصحبة الصالحة وهما لهم الفضل بعد الله
ساعدوني كتير في تصحيح افعالي
ربنا يرزقكم الازواج الصالحين والذرية الصالحة
- ولو ينفع وصف نقابك
هو نقاب عادي جدا اللي احنا بنشتريه دا
علي ملحفة والقفازات طبعا
واما بخرج بنزل البيشة بتاعت النقاب لو عيونه واسعه
لو عيونه ضيقه برفعها لكن في الاماكن الزحمة بنزل البيشة تاني

- اي مواقف غريبة مع النقاب
المواقف يعني هي مش كتير ممكن نقول انها بتقتصر في ردود الافعال
يعني اول مالبست النقاب دا لقيت ردود غريبة
والاغرب انها صدرت عن منتقبات
اولها انتي ايه اللي عملتيه في نفسك دا انتي دفنتي نفسك بالحياة
في اللي قالي هتتجوزي واحد متطرف بقي
واللي يقولي انتي لسه صغيرة
يعني كلام من دا
لكن كنت بشوف يومها او بعدها بنات منتقبات في كليتي ويعرفوا اني لسه منتقبة
كان يكفيني دعوتهم ليا بأن ربنا يثبتك
كانت كفاية اوي
واشد المواقف كانت الامتحانات السنة دي
غير كدا الحمد لله عايشة بنعم كتيييييرة اوي من وقت مالبست النقاب
بيضيف ليا كتير
وغيّر مني كتير اوي للاحسن وقربني من طاعه ربنا اكتر
والحمد لله علي نعمة الستر والعفاف
ربنا يرزق كل البنات الستر

انا عارفة اني طولت كتييييييير اووووووووووووي
معلش انا اسفة
بس حبيت احكي واختصر لقيت نفسي كتبت كل دا

ربنا يثبتكم يارب واياي ويرزق كل البنات النقاب يااااااااااارب

ما شاء الله
ما شاء الله
ربنا يعزك يارب ادمعتي عيناه يا اختي الغالية يا مهندستنا
ما شاء الله والله كلام صادق خارج من القلب فوصل للقلب مباشرة

ربنا يثبتنا واياكي اختي علي نعمة الستر والعفاف
واسعدتني والله بقصتك
بارك الله فيكي

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

كان نفسي اشارك معاكم بس لسه منتقبتش ادعولى انى اتنقب وماشاء الله ع كل البنات المنقبات هما فعلا نور في كل حته بيكونوا فيها

اهلا ريم غاليتي
نورتينا والله
وطبعا شاركي معانا باي قصة باي مشاركة
هتسعدينا كتير لما تشاركي معنا
ويا سلام بقي لما تكون مشاركتك الجاية انك تبشرينا بلبسك للنقاااب
يااااااا في انتظارك يا اختي
وربنا يرزقك عن قريييييييييييب نعمة النقاب يارب

ما شاء الله ربنا يثبتك ويبارك فيكِ

بارك الله فيكي اختي ع متابعتك الطيبة لقصص الاخوات
يارب تكوني استفدتي معنا غاليتي
منوراني والله

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

السلام عليكم و رحمة الله وبركاته . بجد فكرتينى بحدث جميل جدافى حياتى بصى بقى ابتدت ازاى . اولا بابا و ماما كانو رفضين النقاب جداااااااااااااااا و كان الرد الطبيعى لما تتجوزى لو جوزك وافق ابى البسيه و انا مش عرفة حتجوز اصلا امتى بس و بعدين اتقدملى واحد وفقت علية وبعدين يجماعة البس النقاب لما تروحى بيت جوزك طب جوزى موافق برده نفس الرد و فى يوم بجد جميل كنت فى دار ايتام و بعدين وانا اعده بنت صغيرة تعبت جدا خت البنت ووديتها للدكتور و بعدين طلعتها ونزلت اجبلها العلاج وانا فى الاسنسير لقيت العامل بتاع الاسنسير بيقلى ايه ده** هو كده علطول لما كلمته وحش قلى مش ازدى اى شىء انا بس خفت تكونى تعبانه او حاجة بس و عليها روحت وقلتلهم انا حلبس النقاب كان الرد طب مفيش نزول ومفيش دار ومفيش اى خروج لا مع اصحابك ولا حتى علشان الصدقات فعلا وفضلت قعده فى البيت لغاية معرفوا انى مش حنزل منغيره وبعدين الشيطان اشتغل بابا.ماما.خطيبى.اعز صحبة لية.كلو مع بعضو كلام واحد هو هو ده الدين انتى بقيتى مبهدله كده ليه انتى فرحانه شوية وحتقلعى تانى لدرجة انى بقيت بقى عندى تبلد من كتر مبقيت بسمع نفس الكلام وبعدين ربنا رفع عنى كل الكلام ده بفضل الله وكلو يئس انى ارجع فبدا يحبو النقاب وبعدين ماما انتقبت بعد مكا نت بتقولى انا لايمكن البسه ابدا انا اتبهدل زيك كده سبحان مغير الاحوال من حالا الى حال وبجد احساس رائع انك تمشى وانتى متجرده من عيون الناس و يكفى انك تبراءة لله من فتنة اى رجل والله المتعان الهم سبتنا على طاعتك اللهم ارزقنى الزرية الصالحة عاجلا ليس باجل

اللهم اميــــــــــــــن
ما شاء الله اختي
ربنا يثبتنا واياكي ووالدتك ياااااااااارب
وسبحان الله مُغير الاحوال فعلا يا اختي
قصص كتير تدل علي قدرة الله سبحانه في تغيير عباده من حال الي حال عكسه تماما
سبحان الله فاللهم لك الحمد

بارك الله فيكي اختي

انا لبست غطاء الرأس عندما كان عمري ثماني سنوات ولبست الحجاب الكامل وعمري ثلاثة عشر عامالكن دون تغطية الوجه ودخلت الجامعة وأنا كذلك وتزوجت عندما أنهيت السنة الثانية وبدأ زوجي يطلب مني تغطية وجهي وأناأؤجل إلى أن زرت عائلة كنت أعرفهم معرفة عائلية قديمة ولم أرهم منذ أن كنت صغيرة وتفاجؤوابي قد كبرت وتزوجت وتفاجؤوا أكثر عندما وجدوني دون نقاب ونصحوني به وتوالت زياراتي لهم إلى أن تفاجأت في إحدى الزيارات أنهم قد اشتروا لي النقاب وجهزوه لي وما تركوني أخرج من منزلهم إلا وقد لبسته غطاء كاملا يغطي وجهي بأكمله 00 جزاهم الله عني كل خير00 وبقيت كذلك إلى أن رزقني الله بالولد الثاني فاضطررت أن أجعله نقابا يكشف جزءا بسيطا جدا من العيون لكي لا أتعثر في الطريق ومعي أطفالي ومنذ ذلك اليوم00سنة1996 وإلى الآن وأنا محافظة عليه ولا أتخيل نفسي أمشي في الشارع كاشفة الوجه أبدا وأطلب من الله دائما أن يديم الستر علينا وعلى جميع بنات المسلمين

اللهم اميـــــــــن
اهلا ومرحبا اختنا الفاضلة
وما شاء الله عليكي وثبتكي يارب واعانكي علي تربية اطفالك
شرفيتنا يا اختنا والله وبارك الله لكي في اطفالك وفي هذه العائلة الكريمة التي جعلها الله سبب في نقابك .

ما شاء الله
ربنا يثبتكم اخواتى

اللهم امين
بارك الله فيكي اختي

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

السلام عليكم ورحمة الله وبركاته


فى البدايه احب اقولك جزاكى الله كل خير اختى على الموضوع


فلعل كل قصه نطلع منها بفائده

اما انا فحكايتى مع النقاب كانت صعبه وسهله

كانت سهله لان والحمد لله والدتى منتقبه

وكل نساء عائلتى كذلك ومنهم ايضا الداعيه لله


فامر الالتزام مش كان صعب بالنسبالى ولا فيه اعتراض

ولكن المشكله كانت هى انى ارفض التسلط والاجبار

او بمعنى اصح عنيده

وكان توجيه والدى ووالدتى للحجاب خاطء احسسته امر

فبدات اعاند وارفض

مع العلم انى بداخلى دائما احب التقرب الى الله

احب مجالس العلم وتعودت عليها

ولكنى عنيده

الى ان هدانى الله وقلت لنفسى العند ده مش هايخسر حد حاجه

بالعكس انا اللى خسرانه


انا اللى هاتحاسب وانا0000 وانا0000

فبدات اصحح من نفسى

واعالج العند شىء فشىء

واقتنعت ان العند يولد الكفر حقا

وبالفعل هدانى الله للحجاب

ومن ثم النقاب

فى البدايه كانت هناك بعض الكلمات تقال لى

انتى لسه صغيره على النقاب

ممكن تصبرى شويه

بس انا كنت مقتنعه بيه الحمد لله

ولما ارتديته بالفعل واجهتنى بعض المشاق

احمد الله انه ثبتنى

وهى اولا فى الجامعه وكانت بداية العقوبات حيث انها كانت اول سنه لى كمعيده

وتركت الوظيفه بالفعل من اجل الحفاظ على نقابى

وتانى عقبه واقسم بالله انى اقول الصدق

هناك اشخاص كلما دخلت عليهم قالوا باللفظ كده

العو جه

ايه الخيمه دى عامله زى العفاريت ده انا والله بخاف من شكلك

ده الحراميه والمشبوهين بس هما اللى بيلبسوه

وممكن تتمسكى فى اى لحظه

ولكنى بفضل الله لم استمع لهم

ودى كانت حكايتى مع النقاب

اسال الله الثبات لى ولكل بنات المسلمين

اللهم اميـــــــــــــــــــــن
اهلا وسهلا ومرحبا باختنا نهر
نورتينا يا اختي
وأسأل الله ان يُثيبكي خير الجزاء علي تضحياتك من اجل النقاب
ومعكي حق يا اختي ان العند يُولد الكفر او المعصية
لازم الواحد يفكر جيدا هل الامر اللي اتفرض عليا من الغير هل يُرضي الله ام لا ؟!
إن كان يُرضيه فسمعاً وطاعاً ولا وجود للعند هنا

تمام يا اختي بارك الله فيكي وثبتنا واياكي

نسيت اقول انى الان وبفضل الله اتجهت لدراسة العلوم الشرعيه

الخاصه باعداد الدعاه فلا تبخلوا عليا بالدعاء

كمان عندى مشكله فى ارتداء القفازين والشراب لحد الان مش قادره اتعامل معاهم

ادعولى كتييييير ربنا يهدينى والبسهم حتى يكتمل لبسى الشرعى

وربنا يجازيكم كل خير ويجعلنا صحبه صالحه

ما شاء الله ما اجمل دراسة العلوم الشرعية
بجد فعلا عالم تاني خالص
الواحد لما اتجه الاتجاه دا والله حسيت اني كنت جاهلة في معظم امور الدين والشريعة وانه فعلا علم راقي جدااااا ونور وهدايا وانشراح للصدر والله . فالحمد لله ان هدانا لهذا الطريق فاللهم ثبتنا عليه وانفعنا به . اللهم امين
وبالنسبة للقفازين والشراب :
فابدئي واحدة واحدة يا اختي يعني اولا بالشراب واعتقد ان الجو الايام دي ساقعة هيساعدك علي انك تلبسيه غصب عنك يا اما رجلك تتلج من السقعة ,
والقفازين انتي ممكن تبدئي تلبسيهم في المواصلات واماكن الزحمة اللي ممكن تدقق فيها وتشوف ايدك فمن خلالها تعرف لون بشرتك
كنت سمعت من صديقتي كانت لا ترتدي القفازين فزوجها بيقنعها بطريقة لطيفة عشان تلبسه فقالها انا لما اشوف اخت منتقبة ومش لابسة قفازين اقول هي عايزة تبين انها بيضة يعني او لو كانت مش لابسة دبلة تبقي مش مرتبطة فالعرسان يجروا وراها ولا ايه يعني ؟؟؟؟

فالواحد طالما اخد الخطوة الرائعة دي يبقي يكمل باقي الحاجات البسيطة منها عشان يبقي الشكل مكتمل اولا مرضاه لله ثم كمظهر امام الناس .

واللهم ثبتنا واياكي اختي الغالية نهر علي النقاب ولي الطاعة
امين

[انتصارا اوشهاده]

رد: كل منتقبة اية رأيك تكتبلنا حكاية لبسك للنقاب ؟

السلام عليكم ورحمة الله وبركاته
جزاك الله خيرا يأختى الفاضله على هذا الموضوع الجميل .

اولا: سبب نقابى
هو حبى لأهل الطاعه ، كنت كلما ارى اخت منتقبه اشعر ان قلبى يرفرف بين اضلعى واراها ملكه فى عينى وكنت اتمنى ان اكون مثلها.

ثانيا: عقبات نقابى
انا ارتدى النقاب منذ حوالى خمس سنوات وكنت قبل ذلك بعامين احاول ارتدائه ولكن كانت امى رافضه هذه الخطوه تماما وكانت لاتحب ان اتكلم فى هذا الموضوع مطلقا ولكنى ما قنط من رحمة الله واستمرت محاولاتى لمدة عامين ما بين دعاء وبكاء وتضرع الى الله ومحاولات استعطاف لأمى ، وفى ليلة مباركه وكانت تحديدا ليلة الخامس عشر من شهر شعبان اجتهدت فيها فى الدعاء والتضرع والبكاء وكانت لى صحبه صالحه اوصيتهم بالدعاء لى بارتداء النقاب وبالفعل حدث مالم اكن اتوقعه ووافقت امى على ارتدائى النقاب وقالت لى افعلى ماتريدى فلكم ان تتخيلوا فرحتى وشعورى فى هذه اللحظه التى لاتنسى وبالفعل نزلت جرى واشتريت النقاب وارتديته.

ثالثا: احساسى مع النقاب
احساسى مع النقاب لايوصف ولكن سأحاول ان اصف لكن ولو قليل.
اشعر اننى ملكه متوجه واشعر بالعزة والعفه والطهاره وانى بارتدائه دائما فى خلوه مع الله اسال الله العظيم ان يمن على كل مسلمه بهذه الطاعه العظيمه.

رابعا: وصف نقابى
هو نقاب كبير جدا يبدو وكانه خمار من الخلف مع اسدال بيشه خفيفه على العينين طبعا على ملحفه والجورب والقفازين.

خامسا: اى مواقف غريبه مع النقاب
الحمد لله وبفضله لم يحدث لى اى مواقف غريبه مع النقاب، ولايوجد اغرب مما يحدث الان من محاربه للنقاب والمنتقبات وأسأل الله ان يثبتنا جميعا على الحق حتى نلقاه.

[قرة العيون]

رد: كل منتقبة اية رأيك تكتبلنا حكاية لبسك للنقاب ؟

السلام عليكن اخواتي الحبيبات

اكملكوا قصتي بعد ما ربنا يسرلي لبس النقاب في الكليه دون علم ابي بدات اواجه عقبات لبسه دون علمهم فبنت خالتي معايا في المدينه وكتير من قرايب ابي فكنت بحاول مخرجش كتير ولو خرجت بحاول متكلمش علشان محدش يتعرف عليا واتعرضت كتير لمواقف سبحان من انجاني منها زي وانا بدفع للمدينه ومش واخده بالي وبتكلم فبنت عمي قلتلي ساره؟! سبحان من الهمني السكوت فظهر اني متعجبه من الي بتقوله فتحرجت وسكتت وانا مصدقت وقلت يا فكيك لان لو بابا عرف والله قلها قبل كده وابي يعملها مش ببالغ انه قالي ’انامش هاسمحلك تدمري العيله ولو حكمت هرميكي تحت العربيه واخلص منك’برده بطلت اروح مسجد الجامعه ولو رحت اخلي رفيقتي واختي تشوفلي في حد من قرايبي ولا لا وده يبقي اخر النهار بعد العصر وجت فتره عليا بقو بنات يقولولي حرام الي بتعمليه وده عقوق فحسيت بصدق بضيق رهيب واقول في نفسي لو انا صدقت مع الله لصدقني ربنا مش راضي عنك وبدأت احاول اتصل بأي شيخ لكن لم اصل لاحد فزاد كربي واحساسي بالذنب وكأن الله اراد ان يعلمني التعلق بالمسبب لا بالاسباب ومجرد مبدأت اتفهم الرساله وبدأت اتوكل علي الله سبحان الله بجرب الاتصال بالشيخ ابي اسحاق الساعه 3 الفجر فيأست من الرد فاذا به يرد والله لا استطيع وصف احساسي مش علشان الشيخ مع الاحتفاظ بقدر الشيخ لكن قولت يااااااااااااااااه ربنا قد كده كريم سبحان الله مجرد مالواحد يتوكل علي الله ربنا يسببله الاسباب فسألت الشيخ وكان نص سؤالي ))ياشيخ ابويا مش راضي عن لبسي النفاب وانا لبسته وقلعه ليا فلبسته في الكليه دون علمه ولما اخواني بيجو ياخدوني بقلعه وبنزل القرطه وبعمل لثام وهكذا لما برجع هل انا اثمه اوعاقه لوالدي رد عليا وقالي لا يابنتي وانت تعلمين قول الله "والذين جاهدوا فينا لنهدينهم سبلنا"وربنا يعينكوا)) ده درس من ضمن الدروس الي اتعلمتها ولو محصلش كده مكنتش اتعلمت ان الله هو فارج الهموم وميسر الامور ومسبب الاسباب ولا منجي ولا ملجأ منه الا اليه ياه علي احساسي بعدها والله حسيت ان ده مدد لقوة ثباتي من الله وان ده معين ليا علي الثبات علي هذه الحال اناعارفه اني طولت عليكم بس بصدق اخواتي من المحن تأتي المنح وكمان الانسان مغيب عن معاني كتيره ممكن تغير حياته مع الله سبحانه وتعالي ووالله لدلوقتي يتكرر هذا لما اكون في كرب لا اجد احد بجواري فأعلم جيدا بأحساسي ان لا منجي ولا ملجأ منه الا اليه سبحانه وتعالي ياخوااااااااتي الي ربنا يسرلهم النقاب لازم تحمدوا الله ليل نهار علي نعمه الستر والله لا متتصوروش احساسي وانا اقلع النقاب في الموقف قدام الناس او في التاكسي لو عارفه ان اخواتي مستنيني فأخاف يشوفوني والله اصعب احساس في حياتي مر عليا ياخواتي تمسكن بهذه النعمه العظيمه لان الي داق المرار في لبس النقاب مش زي الي ربنا يسرهولها فخافوا ان تسلبو هذه النعمه ووالله وانا بكتبلكوا ببكي من تذكر تلك المواقف والله لولا اني ارجوا انكو تستفادوا من كلامي ولو القليل القليل لما كتبت ولا تذكرت والله لوقعدت اكتب للصبح مش هعرف اوصفلكوا بالظبط الي مريت بيه علي مدار 3.5سنوات من المعاناه وارجوا منالله عزوجل ان يجعل تلك السنوات في ميزان حسناتي وان يتجاوز عني فيهن فبالله عليكن اخواتي تذكرن فقط نعمه الستروان شاء الله ان تذكرت مواقف اخري سأكتبها لكن باذن الله واخيرا ليس اخرا تذكرن قول الله عزوجل

قال تعالى: (لئن شكرتم لأزيدنكم ولئن كفرتم إن عذابي لشديد(.

لا تنسوني من دعاؤكن

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

فاصل ونواصل ان شاء الله

[((أم أحمد))]

رد: كل منتقبة اية رأيك تكتبلنا حكاية لبسك للنقاب ؟

جزاكى الله خير يامسلمة لله على هذا الموضوع الجميل

جعله الله فى ميزان حسناتك يارب


اولا انا انتقبت 19_1 _2010

يعنى لسة جديدة

ادعولى بالثبات

اولا انا متزوجة من ابن عمتى

ونسكن فى الريف وقرايب فى بعض

انا كنت بحب النقاب وكان اى اخت يقولوا لبست النقاب اكون طايرة من الفرح وابقى مبسوطة بيها

وكنت احس انهم عملوا حاجة مش قادرة اعملها

وكنت والله وانا ماشية فى الشارع
اقعد ابص عليهم وابص فى وشهم يمكن يستغربوا من بصى

بس كنت بملى عينى منهم لدرجة انى ممكن الف برأسى ورى عشان ابص عليهم

وكنت خايفة من نفسى لا بييجى ازمات تنفس ومن مجتمع القرايب دة

ومن حاجات كتير

المهم بقالى فترة طويلة وانا مابين اه ولأة

واقعد اجربه قدام المراية

كنت كتبت موضوع هنا بتاريخ 21_9_2009

وردت علية الاخوات ردود ماشاء الله جميلة

وبكيت بكاء شديد

وخليت زوجى يقرا الكلام وقلتله عاوزة البس النقاب قال لأة

بكيت بكاء مرير
واختى لأة ظروف مص وانتى عرفة

امى على الرغم من انها منتقبة

قالت يابنتى انا كبرت فى السن ومش عدت قادرة استحمله وانتى بيجيلك ازمات وكدة كلام زى كدة

المهم العزيمة خفتت والارادة مش قوية

لكن والله كان ايام ازمة شيخ الازهر حموت من الغيظ

الصح غلط والغلط صح

وقرار منع المنتقبات من السكن من المدن الجامعية والامتحانات

اشعر بالقهر والغيظ ليه بيعملوا فيهم كدة


لكن رغبة لبس النقاب ماكانش تروح عن بالى خالص

المهم كان فى اخت بكلما عن طريق الايميل وكانت غير متزوجة

وبتشتغل تقريبا 12 ساعة فى مكتب كمبيوتر

لقيتها بتقول لبست النقاب وفرحت بيها قوى

وعلى الرغم انها مش بتقلعه خالص لفترات طويلة

كنت بقول لنفسى هما احسن منك فى ايه

هما استحملوا وانا لأة ليه

كفاية حجج بقى

انا كنت بحفظ مع محفظة عن طريق الايميل فى جزء عم وكان معاى واحدة فلسطينية

يوم الاتنين المعلمة اتاخرت

قعدت اتكلم مع الفلسطينية

بارك الله فيها

قلتلها انتى منتقبة قالت اه

وانتى قلتلها لاة

المهم كلمتنى كلام والله ان ان بكيت وحسيت انها بطلة

وان حماها كان بيناديها بالغولة وبيقول يا اولاد اتخبوا الغولة وصلت

وزوجها قال لاتمشى معى ابدا

واخواتها كان يخافوا يمشوا معاها من اليهود

عند المعبر ولكن بتقول ربنا كان بييسر


وقرايبها مش زاروها فى الاعياد اللى فاتت عشان النقاب

وكان عندها ظروف قعدت شهر كامل فى بيت حماها كانت مابتقلع النقاب قدام سلايفها ليل ولا نهار


كلام كتير قوى


وقلتلى فى الصيف مش حتحسى بحر خالص

واذا حسيتى افتكرى الشمس لما تدنوا من الرؤوس

والنار وان من تر ك شىء لله عوضه خير منه


المهم كلمت زوجى وسبحان الله لقيته موافق الحمدالله

ووالدتى قالت يابنتى صلى استخارة صليت

نزلت اشترى سدال لفيت محلات كتير مش لاقيت مقاسى لقيت مقاسات صغيرة

المهم قلت ان شاء الله مش حتراجع واشتريت نقاب ورجعت ولبسته وطلعت البلكونة بيه بسرعة

عشان الدنيا كلها تشوفنى وانا لابساه

ان شاء الله لاتراجع

ادعولى بالثبات

انا مش بعرف اظبط كلامى لك اللى بييجى على بالى

بقوله

وكنت دائما افكر فى حلا شيحة انها سابت ايه دة كله

وانتقبت وامهات المؤمنين والعذاب اللى شافوه

لعلى اسير على دربهم

أسفة للاطالة

بالنسبة للعقبات انا

حقفل ودانى ان شاء الله

وكفاية ربنا معاى

وانتوا احلى صحبة ليه

حياتى اتغيرت كتير

معاكم وبقى ليها طعم تانى

جزاكم الله خير

[omamar]

رد: كل منتقبة اية رأيك تكتبلنا حكاية لبسك للنقاب ؟

اختى
ام احمد عبد القوى
ربنا يبارك لك يارب
الف مبروووووووك
صراحه مش عارفه اقولك ايه
ان شاء الله انتى هتستشعرى حلاوة النقاب لوحدك
اسال الله لكى الثبات والقبول
واسال الله ان يؤلف قلوب من حولك

[omamar]

قصتى مع النقاب

هحكى لكم قصتى
ومحدش يضحك عليا
فى البدايه مكانش النقاب يشغل بالى
لان ابى رحمه الله كان له فكر صوفى الى حد ما
اسال الله له الرحمه والمغفره
وانا كمان شخصيه مسالمه ومش بتاعة مشاكل
ولم اكن ملتزمه
مات ابى
تزوجت
انجبت
زوجى يحب اباه كثيرا
اباه لا يحب النقاب
كان امر مفروغ منه ان مفيش نقاب
ولم يكن يشغل لى بالا
الى ان التقيت بزوجة صاحب زوجى ذات مره
اتت فى منزلى
كانت منتقبه غيرت منها كثيرا واحسست بانها غاليه غاليه غاليه
وبدأت افكر فيه
ما المشكله
والد زوجى
المهم
يوما بعد يوم تعلقت بالنقاب جدا وقلت لزوجى هاروح العمره وارجع منتقبه
العمره منفعتش
وزوجى ذهب للحج وجاب لى ملحفه سوداء لعلى ارتدى النقاب يوما ما
المهم تخمرت فكرة النقاب داخلى
لدرجة انى كنت بقول لزوجى
انا نفسى راجل محترم يعاكسنى فى الشارع
عشان ارجع وانا غاضبه امام والده واقول انا مش نازله غير بنقاب
كان هزار
لكنى بدأت اتخيله
المهم نزلت الشارع لطلبات البيت
بس المره دى كانت مختلفه
بدأت اعنف نفسى واقول لها
انتى فعلا عايزه حد يعاكسك؟؟؟؟
يعنى بترخصى نفسك؟؟؟؟؟
الغايه لا تبرر الوسيله..... سبحان الله
كنت فى صراع نفسى شديد شعرت انى عريانه ومذنبه وحرام عليا
ونزلت تانى يوم لطلبات المنزل
ورجعت منفعله جداااا
وخمسين فى الميه من انفعالى مفتعل
امام حمايا وحماتى
صراحه محدش (محترم)عاكسنى
بس شفت مناظر فى الشارع من
شباب وفتيات ومخدرات
رأى حمايا انفعالى والحمد لله لم اكذب ولكنى عرضت فى الكلام
والحمد لله بدأت حماتى تقول عن المهازل الى فى الشارع وكانت فى مصلحتى
خرج زوجى تانى يوم وكلمته فى الموبايل امام الجميع (حمايا وحماتى )
وقلت له مش هاخرج بدون نقاب هاته معاك
طبعا جلسنا نتناقش (انا وحمايا وحماتى)
وقلت لهم خلاص انا مش نازله من غيره الشوارع مش أمان
طبعا لبسته على مضض من الجميع حيث اننى فى بيت عائله
وواجهتنى متاعب فى الاول حتى تقبلنى الجميع ومن كان معترض بالامس اصبح مؤيدا
فاخوان زوجى عايزين ينقبوا زوجاتهم
وحمايا بيقول انه لا يحب المنتقبات الا انا
واخت زوجى قالت لى انتى فتحتى لى الباب للبسه والحمد لله اصبحت مقبوله من الجميع
وكل الناس الى كنت خايفه منهم الا القليل هنأونى جدا الحمد لله
اسفه للاطاله
لكنها الحقيقه
ادعوا لى

[((أم أحمد))]

رد: قصتى مع النقاب

هحكى لكم قصتى

ومحدش يضحك عليا
فى البدايه مكانش النقاب يشغل بالى
لان ابى رحمه الله كان له فكر صوفى الى حد ما
اسال الله له الرحمه والمغفره
وانا كمان شخصيه مسالمه ومش بتاعة مشاكل
ولم اكن ملتزمه
مات ابى
تزوجت
انجبت
زوجى يحب اباه كثيرا
اباه لا يحب النقاب
كان امر مفروغ منه ان مفيش نقاب
ولم يكن يشغل لى بالا
الى ان التقيت بزوجة صاحب زوجى ذات مره
اتت فى منزلى
كانت منتقبه غيرت منها كثيرا واحسست بانها غاليه غاليه غاليه
وبدأت افكر فيه
ما المشكله
والد زوجى
المهم
يوما بعد يوم تعلقت بالنقاب جدا وقلت لزوجى هاروح العمره وارجع منتقبه
العمره منفعتش
وزوجى ذهب للحج وجاب لى ملحفه سوداء لعلى ارتدى النقاب يوما ما
المهم تخمرت فكرة النقاب داخلى
لدرجة انى كنت بقول لزوجى
انا نفسى راجل محترم يعاكسنى فى الشارع
عشان ارجع وانا غاضبه امام والده واقول انا مش نازله غير بنقاب
كان هزار
لكنى بدأت اتخيله
المهم نزلت الشارع لطلبات البيت
بس المره دى كانت مختلفه
بدأت اعنف نفسى واقول لها
انتى فعلا عايزه حد يعاكسك؟؟؟؟
يعنى بترخصى نفسك؟؟؟؟؟
الغايه لا تبرر الوسيله..... سبحان الله
كنت فى صراع نفسى شديد شعرت انى عريانه ومذنبه وحرام عليا
ونزلت تانى يوم لطلبات المنزل
ورجعت منفعله جداااا
وخمسين فى الميه من انفعالى مفتعل
امام حمايا وحماتى
صراحه محدش (محترم)عاكسنى
بس شفت مناظر فى الشارع من
شباب وفتيات ومخدرات
رأى حمايا انفعالى والحمد لله لم اكذب ولكنى عرضت فى الكلام
والحمد لله بدأت حماتى تقول عن المهازل الى فى الشارع وكانت فى مصلحتى
خرج زوجى تانى يوم وكلمته فى الموبايل امام الجميع (حمايا وحماتى )
وقلت له مش هاخرج بدون نقاب هاته معاك
طبعا جلسنا نتناقش (انا وحمايا وحماتى)
وقلت لهم خلاص انا مش نازله من غيره الشوارع مش أمان
طبعا لبسته على مضض من الجميع حيث اننى فى بيت عائله
وواجهتنى متاعب فى الاول حتى تقبلنى الجميع ومن كان معترض بالامس اصبح مؤيدا
فاخوان زوجى عايزين ينقبوا زوجاتهم
وحمايا بيقول انه لا يحب المنتقبات الا انا
واخت زوجى قالت لى انتى فتحتى لى الباب للبسه والحمد لله اصبحت مقبوله من الجميع
وكل الناس الى كنت خايفه منهم الا القليل هنأونى جدا الحمد لله
اسفه للاطاله
لكنها الحقيقه
ادعوا لى

جزاكى الله خير يا ام عمار

ويسر لكى امر العمرة

واعانك على حفظ القرأن الكريم

ويسر لك الامر

انا بحبك فى الله يا ام عمار

[ودودة]

رد: كل منتقبة اية رأيك تكتبلنا حكاية لبسك للنقاب ؟

السلام عليكم ورحمة الله وبركاته انا عضوة جديدة أرجو ان تتقبلوني اختا لكم فالله الحقيقة دي اول مرة اشترك في منتدى وحكاياتوا عجبتني اوي وشدتني انا الحقيقة مش منتقبة ولكن اتمنى ان الشئ دا يحصل أقصد ربنا ينعم عليا بالنعمة دي يا ريت تساعدوني وتوجهوني لما فيه الخير لي وعايزة اقول حاجة حقيقي انا حبيتكوا جدا فالله وأتمنى تحبوني واكون ضيفة خفيفة اسفة اني طولت وشكرا

[omamar]

رد: كل منتقبة اية رأيك تكتبلنا حكاية لبسك للنقاب ؟

اهلا بكى
ودوده
يسعدنا جدا انضمامك الجميل
كونى على ثقه ان كلنا هنا فى حاجه ماسه الى بعض ليظلنا الله بظله يوم لا ظل الا ظله
اسال الله لكى التوفيق والسداد
وفى انتظار مواضيعك الى هترج الدنيا

نفع الله بكى
اسال الله ان يعلمكى ما ينفعكى وان ينفعكى بما تعلمتى

[omamar]

رد: قصتى مع النقاب

جزاكى الله خير يا ام عمار

ويسر لكى امر العمرة

واعانك على حفظ القرأن الكريم

ويسر لك الامر

انا بحبك فى الله يا ام عمار

اجزاكى الله خيرا اختى ام احمد عبد القوى اسال الله ان يجمعنى واياكى فى جنة عرضها السماوات والارض التى اعدت للمتقين

[ودودة]

رد: كل منتقبة اية رأيك تكتبلنا حكاية لبسك للنقاب ؟

متشكرة جدا يا ام عمار على الاستقبال الجميل دا وحقيقي انا فخورة جدا بانضمامي ليكوا لانكو بجد صحبة صالحة وان شاء الله انا حاسة اني هاستفيد منكو كتير