كل منتقبة اية رأيك تكتبلنا حكاية لبسك للنقاب ؟

[moslma lillah]

رد: باقي القصة حبيباتي

اليكن باقي القصة حبيباتي -عذرا علي التاخير-
بالفعل عدنا الي المنزل بصحبة الكتاب وانهته والدتي لكن بعدها التحق برفاقه علي ارفف المكتبة اذ لم يتيسر الامر ان نعيده ولا انكر انني تعجبت من اسم الكتاب ومن الموضوع الذي قد يدور حوله هذا العنوان لكن لم اكلف نفسي عناء قرائته ونسيته تماما وقضيت العطلة الصيفية بعدها بالطول والعرض كما يقولون وبعد عودة الدراسة فوجئت بصاحبة لي ليست صديقة قد ارتدته فقلت لها لم فعلت هذا وانك ما زلت ...........فقالت انا قلت ليه ملبسوش وكالعادة مر كل هذا وكانه لم يحدث ثم تغيبت عن الدراسة لظروف مرضية وعند عودتي اجد اخري قد انتقبت فقلت سبحان الله جرالكو ايه كلكو مرة واحدة كده؟؟؟ فقالت لي عقبالك سخرت من الكلمة في نفسي وقلت هيهات يحدث هذا وتمر الايام وانسي الموضوع وهلم جرا الي ان اتي يوم كنت جالسة علي كتابي اذاكر وفجأة والله وبدون اي مقدمات شعرت انني لا بد ان ارتدي النقاب باي وسيلة كيف ولماذا وما الجديد؟؟ كل هذا لم اجد له اي تفسير لكن ما كان يشغلني حينها كيف سافعل ذلك ولم افكر لوهلة في حياتي بعدها كيف ستكون ولا ادري ملامحها لكن هكذا كان الامر كما وصفته
وللعلم لم اكن حينها ملتزمة علي الاطلاق بل انني كنت اهمل في الصلوات احيانا - ولا حول ولا قوة الا بالله - لكن ما حدث انني لم استطع العودة الي المذاكرة ثانية وقمت فجاة من مكاني وقلت لشقيقتي ايه رايك لما البس النقاب؟؟؟وعندما سمعت عائلتي بهذا اكتفت بتوسيع عينيها الي اقصي الحدود وشردو ذهنيا ونظرو الي نظرات تعجب مليئة بالاسئلة -لكن عذرتهم اذ لا ادري انا شخصيا ماذا يحدث-وحينها تذكرت الكتاب وبدات اقرا فيه واتعجب اذ كيف هذا الكتاب في منزلنا وانا اظن هذا في النقاب!!!!!وبدات اسمع من هنا ومن هناك وتحدثني اختي الصغري وتقنعني بذلك وابنة عمي ايضا فاتخذت القرار الذي لا رجعة فيه ولكن كانت العقبة الاولي عندما فاتحت والداي في هذا الموضوع بشكل جدي فرفضا رفضا عنيفا واخذا يتحدثان عن المستقبل والحياة والجامعة وهكذا ولكنني استخدكت اسلوب الضرب علي الحديد وهو سخن كما يقولون حتي لم يعد هناك حوار في المنزل الا عن هذا الموضوع ووافقو بعد معاناة وعلي مضض ايضا كانت والدتي تريد ان ترتدي النقاب منذ زمن ولكن كانت فكرة فقط لكن عندما رات ان والدي قد وافق ارتدته هي الاخري لكن كانت ترفضه لي لصغر سني لكنها عندما قالت لي تعالي يللا ننزل نجيب النقاب رجعت تاني وقلتلها لا مش نازلة لكنها ذهبت وحدها واتت به وترددت ثانية لكن بفضل الله خرجت به لاقتل هذا التردد الذي اوقفني قراية سنتين وكنت في غاية القمة والسعادة لكن واجهتني نفس المشكلة ثانية الا وهي الرفقة فلم اشعر ان حياتي تغيرت بالنقاب بل شعرت انني عار عليه وبالتدريج بدات اشعر بالندم لكن تنبهت لهذا بفضل الله وتوجهت اليه - سبحانه وتعالي - وابكي بين يديه واقول يا رب انا مش عايزة ارجع تاني رغم ان حياتي لم تتغير لكنني كنت اشعر انني علي بداية الطريق وتمر الايام ويرزقني الله باخت لا تكفي كلمات الدنيا ان تفيها حقها وحق ما فعلت من اجلي بل انها تاخذ بكل خطوة لي الي الامام حسنة حيث اخذتني معها الي المسجد وارشدتني وعرفتني باخوات نفوسهن انقي من ندي الازهار ولم يحاولن ابدا ان يجعلوني اشعر بانني غريبة بينهن وبدات اولي خطواتي في الطريق الي الله علي ايديهن فجزاهن الله عني كل خيرا وكان النقاب سببا في هدايتي , وشعرت انني وجدت ضالتي وجدت السعادة التي كنت ابحث عنها ,, نعم هذا هو طريق السعادة هنا الراحة هنا الاطمئنان هنا حلاوة البكاء بين يدي الرحمن هنا حرقة النفس ولكنها حرقة علي المعاصي فياخذ ذلك بيديك الي النعيم الابدي
ورسالتي هذه من اخت احبتكن حبا بظهر الغيب قد يكون منجاة لنا يوم القيامة من حر شمس لا نطيق حرها في الدنيا ويوم القيامة تكون فوق رؤوسنا
فيا من تبحثين عن الاطمئنان هنا الراحة (ألا بذكر الله تطمئن القلوب)
يا من تخشين ضنك العيش هنا الرزق(ومن يتق الله يجعل له مخرجا . ويرزقه من حيث لا يحتسب .....)
ويا من لا تجدين من يسمع نجواك وينصرك هنا من يكفيك(ومن يتوكل علي الله فهو حسبه) وعسي ان تكون هذه الكلمات معذرة يقبلها الله مني
ولا تنسوني من دعائكم بظهر الغيب عسي الله يغفر لي جراتي علي شرعته المطهرة
والسلام عليكن ورحمة الله وبركاته
احبكن في الله

ما شاء الله
ما شاء الله
كلمات غاية في الجمال يا اختي الحبيبة والله
والله ادمعتيني
وربنا يبارك في والديكي وفي صحبتك التي اخذت بيدك للطريق
واريد تعليق فقط ع الكلمة اللي باللون الازرق
الرفقة والصحبة السوء
اياكم
ثم اياكم
ثم اياكم
من الصحبة السوء
فالصاحب ساحب مهما كنت انا ع درجة عالية من الايمان وصديقي سيء وما زلت اصاحبه لازم هتأثر بيه وان لم اتأثر فلن يزيد ايمانه معه
فعلينا اولا الاستعانة بالله
ثم الصحبة الصالحة

وربنا يثبتنا جميعا ع الحق
واشكرك جزيلا اختي ( وعجلت إليك ربي لترضي )
نورتينا في بيتك

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

بـــــــــــــــــــــــــــــــــــارك الله فيكن

وفيكي بااااااااااااارك الرحمن اختى
اهلا بيكي لتاني مرة تشرفينا من غير ما تحكيلنا قصتك
وانتي وعدتينا انك هتحكيها
ووعد الحر دين عليه
في انتظارك اختي الحبيبة

[ام-عبدالله]

رد: كل منتقبة اية رأيك تكتبلنا حكاية لبسك للنقاب ؟

ماشاء الله تبارك الله

بارك الله لكَن في عملكن وثبتكن على طاعته

اخواتي والله لقد دمعت عيني بما قرأت ودعوت الله من قلبي ان يصلح حالنا جميعاً

ويجعلنا من القابضين على ديننا حتى نلقاه

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

ماشاء الله تبارك الله

بارك الله لكَن في عملكن وثبتكن على طاعته

اخواتي والله لقد دمعت عيني بما قرأت ودعوت الله من قلبي ان يصلح حالنا جميعاً

ويجعلنا من القابضين على ديننا حتى نلقاه

اللهم اميــــــــــــــــن
اهلا بكي اختنا الجميلة
نورتينا

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

كيف حالكم يا منتقبااااااااااااااااااااااااااااااااات

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

ان كان النقاب فرض فقد ارتديته
وان كان فضلا فلست غني عنه
فهو عزتي وحيائي وعفافي

فاللهم لك الحمد علي نعمة النقااااااااااااااب
اللهم اجعل النقاب شاهداً لي لا عليا يوم القيامة
اللهم امين

[* سبيل المتقين *]

رد: كل منتقبة اية رأيك تكتبلنا حكاية لبسك للنقاب ؟

اولا احب اقولك السلام عليكم ورحمة الله وبركاته
ثانيا مع اولي مشاركاتي في المنتدي لقيت الموضوع دا وقريت فيه شوية وعجبني جدا
ولو تسمحي اقولك حكايتي مع النقاب
هي بسيطة يعني ممكن تكون خالية من الكفاح شوية بس مليئة بعزة والحمد لله
مليئة باشياء ضافت كتير لحياتي

- سبب نقابك
في الاول خالص انا مكنتش مقتنعه خالص بالنقاب بس كنت بحب شكله
وكان ليا زمايل معايا من ثانوي لابسينه لكن للاسف علاقتنا مش كانت قوية اوي
وفي الوقت دا انا كنت بلبس بناطيل وعديت ثانوي ودخلت الكلية وبدأت ابعد اكتر عن ربنا
بناطيل .....عمري ماكنت بسمع اغاني بقيت بسمع
كنت عايزة ادخل مدني (هندسة) وانزل مواقع بقي وابقي مهندسة
اللي هو في الاساس جو اختلاط
ربنا اراد ودخلت اتصالات مش مدني وفي اول السنة الدراسية
بدأت اشوف حالي وكنت راسمه ايه لمستقبلي وللزوج اللي هتزوجه
منين انا عايزة واحد ملتزم وانا بعيدة تمام البعد عن الالتزام
منين انا بحب ربنا وعايزاه يرضي عني وانا بقوله انا بعصيك بنعمك عليا
فكرت ولقيت ان الحل اني ارجع لربنا بطلت لبس البناطيل واغاني الحمد لله وبدأت بالطرحة الكبيرة علي جيب
وكان من اول الحاجات اللي اثرت فيا علي فين ياشباب للشيخ حازم شومان
ومن هنا بدأ التفكير ياترا ايه هو الحجاب وايه هو شروطه
طيب هي الطرحة دي هي الحجاب مش كنت مقتنعه بيها معرفش ليه
بس كان دايما بيجيلي احساس ان في الافضل دايما
بدأت اسمع الشيخ حازم او الشيخ محمد حسان اكتر
ومع كل حاجة تيجي فيها اسم المرأة اسمع اسم نقاب
عمري ماسمعت قالوا طرحة..... لا... كان نقاب
من هنا بدأ التفكير في النقاب وليه مش يكون هو اللي بدور عليه وبالفعل بدأت اقرأ عنه اكتر
فضلت اكتر من 3 شهور بقرأ فيه وحكمه وهل هو فرض ولا سنة وفضلت ع الحال دا كتير
وكان برده ليا زميلات بيشجعوني .كنت اما بشوفهم بحس بهيبة رهيبة وكنت اتمني ابقي زيهم واد ايه جمالهم بيه
لحد ماجيت في الترم التاني للدراسة..وتبدأ العقبات


- وعقبات نقابك
.بدأت اكلم والدتي لان والدي كان وقتها مفيش مشكلة اني البسه بس مش عايزني اعارض والدتي بسبب حاجة هو شايفها سنة مش فرض
كانت والدتي معارضة بشدة ولو كنت جبت سيرة النقاب دا يووووووة صويت وزعيق وخناق وممكن اقضي باقي اليوم بسمع كلام
لدرجة انها يوم جمعت ليا الاهل واختي وزوجها عشان البيت كان والع بسبب اني عايزة البس نقاب
كأني بقولها هلبس بادي وجينز
وللاسف دي مشكلة اغلب الاهل انهم يعارضوه ويخافوا من حاجات غريبة
لكن جيت صممت البسه وكنت واخداها عِند وللاسف كنت بعاند ومش عارفة اني اللي بعمله غلط
لسه في بداية الالتزام وعايزة اعمل اي حاجة تقربني لربنا بس مكنتش باخد بالي اني بكدا بعمل مشكلة تانية وهي اني اعاند امي
اللي رسولي موصيني بيها ثلاثا
بس كنت هلبسه وجت مرة قالتلي طيب
وطبعا لان العزم مش كان كبير رغم اني كنت حابة اني البس النقاب اوي لكن الصدق مع الله مش كان اوي
ربنا مش ارد البسه في الوقت دا...وكان بسبب بنت عمي المنتقبة اللي قلبت امي ضدي وقالتلها مش هتتجوز وكلام غريب معرفش غيرتها ازاي
رجعت تاني افكر ....طيب انا عايزة البس النقاب ليييه
هل انا صادقة مع ربنا ؟؟؟ ماهو انا لو كنت صادقة اكيد كانت والدتي وافقت علي طول
هل انا اخدت بالاسباب اللي تعيني اني ازيد في طاعاتي؟؟؟
هل انا مقتنعة تمام الاقتناع انه فرض؟؟؟هل فكرت اني لما البسه همنع نفسي من حاجات كتير دنيوية؟؟؟
بدأت احكم الموضوع واصدق مع ربنا وازيد في طاعاتي
بدأت اجدد النية في لبسي للنقاب
ورجعت تاني بدأت باقناع والدتي باللين..... شوية اجيب ليها ايه وشوية حديث
اسكت يومين تلاتة وارجع اكلمها تاني
وفضل الحال دا كمان 3 شهور
بس وقتها لبست الاسدال
وقولت خلاص هستني الصيف واشوف التدريب الصيفي وايه النظام وهبقي البس النقاب
لحد ماجه واحد علي موقع كليتي عمل موضوع عن الحجاب ورأي كل العلماء وكانت فرصة اني اقرأ حكم النقاب تاني وقتها قريت بقلبي مش بعيني وقولت دا رسالة من ربنا ليا ....مش دخولي الموضوع دا ومتابعته جاية كدا
اكيد دا ترتيب ربنا
وقولت هلبسه وربنا هيقف جنبي ...هقنع والدتي تاني وربنا هيعني
وقتها كنت بخرج من البيت وجهي بس اللي ظاهر كنت احس ان جسمي كله ظاهر
وصلت لمرحلة اني ابكي لان وجهي مكشوف وعرفت وقتها حلاوة قيام الليل
حلاوة اني الجأ لربنا والناس نايمة وانا وهو بس واني اكمله واناجيه في الوقت دا
يااااااااااااه بجد احساس لا يعادله احساس
ابكي واطلب منه الستر....ياااااارب استرني وخليني البس النقاب
وفي الوقت دا كنا اجازة قبل الامتحانات الشفوي
فضلت ادعي ياااااااااارب البسه قبل ماانزل امتحانات الشفوي
لحد يوم كان خميس في اليوم فضلت ابكي في القيام لحد ماعيني ورمت من البكاء لان الامتحانات كانت قربت وحسيت ان ربنا مش استجاب ليا
يعني زعلان مني وغضبان عليا
كان الم فظيع اني افتكر ايه معناها ان ربنا بيستغني عن بعض العباد من كتر معاصيهم وكنت بخاف اكون منهم
وتاني يوم كلمت والدتي فيه لاحظت انها بدأت تلين وتقتنع
جه يوم السبت زاد بكائي لان الشفوي كان تاني يوم
كلمتها فيه تاني لقيتها خرجت وسابتني في البيت لوحدي
قمت صليت وقتها الظهر ودعيت
لقيتها جاتلي بتقولي ابشري هتلبسي النقاب
يااااااااااااااا الله
كنت هطير من الفرح طيب هنزل اشتري النقاب امتي
وربنا ييسر لي ...وجت لوالدتي واحدة تقولها ببيع ملابس ولو عايزة كمان لبس محجبات
ومفيش كلام جبت نقاب منها
وتاني يوم اول امتحان شفوي انزل بالنقاب
ومع مفاجأة للجميع واحساس اروع مايكون

- واحساسك مع النقاب
لبست النقاب بفضل الله اول ايام الشفوي
17/5/2008
احساس اروع مايكون
احساس اني ملكة بيه قليل اوي ..اني بنقابي ملكة كل حاجة تحت امرها..اد ايه احساسي وانا ماشية مستورة كان جميل جدااااااا
النقاب بيرفرف مع الهوا وانا قلبي بيرفرف من الفرحة معاه
احساسي وربنا ناعم عليا بااني يكون فيا حاجة من زوجات الرسول
حاجة بتشبه بيهم فيها
نعمة اني نفذت امر لله وامر للرسول
يعني هقوله يامحمد فداك ابي وامي انا لبست النقاب عشان انت قولت فرض
يارب انا لبسته عشان انت قولت فرض
لذة الطاعة ربنا مايحرمنا منها يااااااااااارب
والله العظيم انا بفتكر كانه لسه دلوقتي بحس كان نور بيكون جوايا وبهجة بتسيطر عليا
وربنا كرمني هنا بقي بزميلة ثانوي اللي اتكلمت عنها ومع اول هدية كانت نقاب
وزميلة ليا تانية كانت معايا في نفس القسم
والغريب اننا مكناش بنكلم بعض
ومن يومها الحمد لله بقينا شلة زي مابيقولوا
مع بعض دايما وبنعين بعض ع الطاعه
اللي تشوف حاجة في التانية تنبها وتعينها تعمل الصح
ربنا كرمني مع حلاوة النقاب بحلاوة الصحبة الصالحة وهما لهم الفضل بعد الله
ساعدوني كتير في تصحيح افعالي
ربنا يرزقكم الازواج الصالحين والذرية الصالحة
- ولو ينفع وصف نقابك
هو نقاب عادي جدا اللي احنا بنشتريه دا
علي ملحفة والقفازات طبعا
واما بخرج بنزل البيشة بتاعت النقاب لو عيونه واسعه
لو عيونه ضيقه برفعها لكن في الاماكن الزحمة بنزل البيشة تاني

- اي مواقف غريبة مع النقاب
المواقف يعني هي مش كتير ممكن نقول انها بتقتصر في ردود الافعال
يعني اول مالبست النقاب دا لقيت ردود غريبة
والاغرب انها صدرت عن منتقبات
اولها انتي ايه اللي عملتيه في نفسك دا انتي دفنتي نفسك بالحياة
في اللي قالي هتتجوزي واحد متطرف بقي
واللي يقولي انتي لسه صغيرة
يعني كلام من دا
لكن كنت بشوف يومها او بعدها بنات منتقبات في كليتي ويعرفوا اني لسه منتقبة
كان يكفيني دعوتهم ليا بأن ربنا يثبتك
كانت كفاية اوي
واشد المواقف كانت الامتحانات السنة دي
غير كدا الحمد لله عايشة بنعم كتيييييرة اوي من وقت مالبست النقاب
بيضيف ليا كتير
وغيّر مني كتير اوي للاحسن وقربني من طاعه ربنا اكتر
والحمد لله علي نعمة الستر والعفاف
ربنا يرزق كل البنات الستر

انا عارفة اني طولت كتييييييير اووووووووووووي
معلش انا اسفة
بس حبيت احكي واختصر لقيت نفسي كتبت كل دا

ربنا يثبتكم يارب واياي ويرزق كل البنات النقاب يااااااااااارب

[ريم حسام]

رد: كل منتقبة اية رأيك تكتبلنا حكاية لبسك للنقاب ؟

كان نفسي اشارك معاكم بس لسه منتقبتش ادعولى انى اتنقب وماشاء الله ع كل البنات المنقبات هما فعلا نور في كل حته بيكونوا فيها

[*اسلامى سر سعادتى*]

رد: كل منتقبة اية رأيك تكتبلنا حكاية لبسك للنقاب ؟

اولا احب اقولك السلام عليكم ورحمة الله وبركاته
ثانيا مع اولي مشاركاتي في المنتدي لقيت الموضوع دا وقريت فيه شوية وعجبني جدا
ولو تسمحي اقولك حكايتي مع النقاب
هي بسيطة يعني ممكن تكون خالية من الكفاح شوية بس مليئة بعزة والحمد لله
مليئة باشياء ضافت كتير لحياتي

- سبب نقابك
في الاول خالص انا مكنتش مقتنعه خالص بالنقاب بس كنت بحب شكله
وكان ليا زمايل معايا من ثانوي لابسينه لكن للاسف علاقتنا مش كانت قوية اوي
وفي الوقت دا انا كنت بلبس بناطيل وعديت ثانوي ودخلت الكلية وبدأت ابعد اكتر عن ربنا
بناطيل .....عمري ماكنت بسمع اغاني بقيت بسمع
كنت عايزة ادخل مدني (هندسة) وانزل مواقع بقي وابقي مهندسة
اللي هو في الاساس جو اختلاط
ربنا اراد ودخلت اتصالات مش مدني وفي اول السنة الدراسية
بدأت اشوف حالي وكنت راسمه ايه لمستقبلي وللزوج اللي هتزوجه
منين انا عايزة واحد ملتزم وانا بعيدة تمام البعد عن الالتزام
منين انا بحب ربنا وعايزاه يرضي عني وانا بقوله انا بعصيك بنعمك عليا
فكرت ولقيت ان الحل اني ارجع لربنا بطلت لبس البناطيل واغاني الحمد لله وبدأت بالطرحة الكبيرة علي جيب
وكان من اول الحاجات اللي اثرت فيا علي فين ياشباب للشيخ حازم شومان
ومن هنا بدأ التفكير ياترا ايه هو الحجاب وايه هو شروطه
طيب هي الطرحة دي هي الحجاب مش كنت مقتنعه بيها معرفش ليه
بس كان دايما بيجيلي احساس ان في الافضل دايما
بدأت اسمع الشيخ حازم او الشيخ محمد حسان اكتر
ومع كل حاجة تيجي فيها اسم المرأة اسمع اسم نقاب
عمري ماسمعت قالوا طرحة..... لا... كان نقاب
من هنا بدأ التفكير في النقاب وليه مش يكون هو اللي بدور عليه وبالفعل بدأت اقرأ عنه اكتر
فضلت اكتر من 3 شهور بقرأ فيه وحكمه وهل هو فرض ولا سنة وفضلت ع الحال دا كتير
وكان برده ليا زميلات بيشجعوني .كنت اما بشوفهم بحس بهيبة رهيبة وكنت اتمني ابقي زيهم واد ايه جمالهم بيه
لحد ماجيت في الترم التاني للدراسة..وتبدأ العقبات


- وعقبات نقابك
.بدأت اكلم والدتي لان والدي كان وقتها مفيش مشكلة اني البسه بس مش عايزني اعارض والدتي بسبب حاجة هو شايفها سنة مش فرض
كانت والدتي معارضة بشدة ولو كنت جبت سيرة النقاب دا يووووووة صويت وزعيق وخناق وممكن اقضي باقي اليوم بسمع كلام
لدرجة انها يوم جمعت ليا الاهل واختي وزوجها عشان البيت كان والع بسبب اني عايزة البس نقاب
كأني بقولها هلبس بادي وجينز
وللاسف دي مشكلة اغلب الاهل انهم يعارضوه ويخافوا من حاجات غريبة
لكن جيت صممت البسه وكنت واخداها عِند وللاسف كنت بعاند ومش عارفة اني اللي بعمله غلط
لسه في بداية الالتزام وعايزة اعمل اي حاجة تقربني لربنا بس مكنتش باخد بالي اني بكدا بعمل مشكلة تانية وهي اني اعاند امي
اللي رسولي موصيني بيها ثلاثا
بس كنت هلبسه وجت مرة قالتلي طيب
وطبعا لان العزم مش كان كبير رغم اني كنت حابة اني البس النقاب اوي لكن الصدق مع الله مش كان اوي
ربنا مش ارد البسه في الوقت دا...وكان بسبب بنت عمي المنتقبة اللي قلبت امي ضدي وقالتلها مش هتتجوز وكلام غريب معرفش غيرتها ازاي
رجعت تاني افكر ....طيب انا عايزة البس النقاب ليييه
هل انا صادقة مع ربنا ؟؟؟ ماهو انا لو كنت صادقة اكيد كانت والدتي وافقت علي طول
هل انا اخدت بالاسباب اللي تعيني اني ازيد في طاعاتي؟؟؟
هل انا مقتنعة تمام الاقتناع انه فرض؟؟؟هل فكرت اني لما البسه همنع نفسي من حاجات كتير دنيوية؟؟؟
بدأت احكم الموضوع واصدق مع ربنا وازيد في طاعاتي
بدأت اجدد النية في لبسي للنقاب
ورجعت تاني بدأت باقناع والدتي باللين..... شوية اجيب ليها ايه وشوية حديث
اسكت يومين تلاتة وارجع اكلمها تاني
وفضل الحال دا كمان 3 شهور
بس وقتها لبست الاسدال
وقولت خلاص هستني الصيف واشوف التدريب الصيفي وايه النظام وهبقي البس النقاب
لحد ماجه واحد علي موقع كليتي عمل موضوع عن الحجاب ورأي كل العلماء وكانت فرصة اني اقرأ حكم النقاب تاني وقتها قريت بقلبي مش بعيني وقولت دا رسالة من ربنا ليا ....مش دخولي الموضوع دا ومتابعته جاية كدا
اكيد دا ترتيب ربنا
وقولت هلبسه وربنا هيقف جنبي ...هقنع والدتي تاني وربنا هيعني
وقتها كنت بخرج من البيت وجهي بس اللي ظاهر كنت احس ان جسمي كله ظاهر
وصلت لمرحلة اني ابكي لان وجهي مكشوف وعرفت وقتها حلاوة قيام الليل
حلاوة اني الجأ لربنا والناس نايمة وانا وهو بس واني اكمله واناجيه في الوقت دا
يااااااااااااه بجد احساس لا يعادله احساس
ابكي واطلب منه الستر....ياااااارب استرني وخليني البس النقاب
وفي الوقت دا كنا اجازة قبل الامتحانات الشفوي
فضلت ادعي ياااااااااارب البسه قبل ماانزل امتحانات الشفوي
لحد يوم كان خميس في اليوم فضلت ابكي في القيام لحد ماعيني ورمت من البكاء لان الامتحانات كانت قربت وحسيت ان ربنا مش استجاب ليا
يعني زعلان مني وغضبان عليا
كان الم فظيع اني افتكر ايه معناها ان ربنا بيستغني عن بعض العباد من كتر معاصيهم وكنت بخاف اكون منهم
وتاني يوم كلمت والدتي فيه لاحظت انها بدأت تلين وتقتنع
جه يوم السبت زاد بكائي لان الشفوي كان تاني يوم
كلمتها فيه تاني لقيتها خرجت وسابتني في البيت لوحدي
قمت صليت وقتها الظهر ودعيت
لقيتها جاتلي بتقولي ابشري هتلبسي النقاب
يااااااااااااااا الله
كنت هطير من الفرح طيب هنزل اشتري النقاب امتي
وربنا ييسر لي ...وجت لوالدتي واحدة تقولها ببيع ملابس ولو عايزة كمان لبس محجبات
ومفيش كلام جبت نقاب منها
وتاني يوم اول امتحان شفوي انزل بالنقاب
ومع مفاجأة للجميع واحساس اروع مايكون

- واحساسك مع النقاب
لبست النقاب بفضل الله اول ايام الشفوي
17/5/2008
احساس اروع مايكون
احساس اني ملكة بيه قليل اوي ..اني بنقابي ملكة كل حاجة تحت امرها..اد ايه احساسي وانا ماشية مستورة كان جميل جدااااااا
النقاب بيرفرف مع الهوا وانا قلبي بيرفرف من الفرحة معاه
احساسي وربنا ناعم عليا بااني يكون فيا حاجة من زوجات الرسول
حاجة بتشبه بيهم فيها
نعمة اني نفذت امر لله وامر للرسول
يعني هقوله يامحمد فداك ابي وامي انا لبست النقاب عشان انت قولت فرض
يارب انا لبسته عشان انت قولت فرض
لذة الطاعة ربنا مايحرمنا منها يااااااااااارب
والله العظيم انا بفتكر كانه لسه دلوقتي بحس كان نور بيكون جوايا وبهجة بتسيطر عليا
وربنا كرمني هنا بقي بزميلة ثانوي اللي اتكلمت عنها ومع اول هدية كانت نقاب
وزميلة ليا تانية كانت معايا في نفس القسم
والغريب اننا مكناش بنكلم بعض
ومن يومها الحمد لله بقينا شلة زي مابيقولوا
مع بعض دايما وبنعين بعض ع الطاعه
اللي تشوف حاجة في التانية تنبها وتعينها تعمل الصح
ربنا كرمني مع حلاوة النقاب بحلاوة الصحبة الصالحة وهما لهم الفضل بعد الله
ساعدوني كتير في تصحيح افعالي
ربنا يرزقكم الازواج الصالحين والذرية الصالحة
- ولو ينفع وصف نقابك
هو نقاب عادي جدا اللي احنا بنشتريه دا
علي ملحفة والقفازات طبعا
واما بخرج بنزل البيشة بتاعت النقاب لو عيونه واسعه
لو عيونه ضيقه برفعها لكن في الاماكن الزحمة بنزل البيشة تاني

- اي مواقف غريبة مع النقاب
المواقف يعني هي مش كتير ممكن نقول انها بتقتصر في ردود الافعال
يعني اول مالبست النقاب دا لقيت ردود غريبة
والاغرب انها صدرت عن منتقبات
اولها انتي ايه اللي عملتيه في نفسك دا انتي دفنتي نفسك بالحياة
في اللي قالي هتتجوزي واحد متطرف بقي
واللي يقولي انتي لسه صغيرة
يعني كلام من دا
لكن كنت بشوف يومها او بعدها بنات منتقبات في كليتي ويعرفوا اني لسه منتقبة
كان يكفيني دعوتهم ليا بأن ربنا يثبتك
كانت كفاية اوي
واشد المواقف كانت الامتحانات السنة دي
غير كدا الحمد لله عايشة بنعم كتيييييرة اوي من وقت مالبست النقاب
بيضيف ليا كتير
وغيّر مني كتير اوي للاحسن وقربني من طاعه ربنا اكتر
والحمد لله علي نعمة الستر والعفاف
ربنا يرزق كل البنات الستر

انا عارفة اني طولت كتييييييير اووووووووووووي
معلش انا اسفة
بس حبيت احكي واختصر لقيت نفسي كتبت كل دا

ربنا يثبتكم يارب واياي ويرزق كل البنات النقاب يااااااااااارب

ما شاء الله ربنا يثبتك ويبارك فيكِ

[الماسة]

رد: كل منتقبة اية رأيك تكتبلنا حكاية لبسك للنقاب ؟

السلام عليكم و رحمة الله وبركاته . بجد فكرتينى بحدث جميل جدافى حياتى بصى بقى ابتدت ازاى . اولا بابا و ماما كانو رفضين النقاب جداااااااااااااااا و كان الرد الطبيعى لما تتجوزى لو جوزك وافق ابى البسيه و انا مش عرفة حتجوز اصلا امتى بس و بعدين اتقدملى واحد وفقت علية وبعدين يجماعة البس النقاب لما تروحى بيت جوزك طب جوزى موافق برده نفس الرد و فى يوم بجد جميل كنت فى دار ايتام و بعدين وانا اعده بنت صغيرة تعبت جدا خت البنت ووديتها للدكتور و بعدين طلعتها ونزلت اجبلها العلاج وانا فى الاسنسير لقيت العامل بتاع الاسنسير بيقلى ايه ده** هو كده علطول لما كلمته وحش قلى مش ازدى اى شىء انا بس خفت تكونى تعبانه او حاجة بس و عليها روحت وقلتلهم انا حلبس النقاب كان الرد طب مفيش نزول ومفيش دار ومفيش اى خروج لا مع اصحابك ولا حتى علشان الصدقات فعلا وفضلت قعده فى البيت لغاية معرفوا انى مش حنزل منغيره وبعدين الشيطان اشتغل بابا.ماما.خطيبى.اعز صحبة لية.كلو مع بعضو كلام واحد هو هو ده الدين انتى بقيتى مبهدله كده ليه انتى فرحانه شوية وحتقلعى تانى لدرجة انى بقيت بقى عندى تبلد من كتر مبقيت بسمع نفس الكلام وبعدين ربنا رفع عنى كل الكلام ده بفضل الله وكلو يئس انى ارجع فبدا يحبو النقاب وبعدين ماما انتقبت بعد مكا نت بتقولى انا لايمكن البسه ابدا انا اتبهدل زيك كده سبحان مغير الاحوال من حالا الى حال وبجد احساس رائع انك تمشى وانتى متجرده من عيون الناس و يكفى انك تبراءة لله من فتنة اى رجل والله المتعان الهم سبتنا على طاعتك اللهم ارزقنى الزرية الصالحة عاجلا ليس باجل

[الاسلام تاجي]

رد: كل منتقبة اية رأيك تكتبلنا حكاية لبسك للنقاب ؟

انا لبست غطاء الرأس عندما كان عمري ثماني سنوات ولبست الحجاب الكامل وعمري ثلاثة عشر عامالكن دون تغطية الوجه ودخلت الجامعة وأنا كذلك وتزوجت عندما أنهيت السنة الثانية وبدأ زوجي يطلب مني تغطية وجهي وأناأؤجل إلى أن زرت عائلة كنت أعرفهم معرفة عائلية قديمة ولم أرهم منذ أن كنت صغيرة وتفاجؤوابي قد كبرت وتزوجت وتفاجؤوا أكثر عندما وجدوني دون نقاب ونصحوني به وتوالت زياراتي لهم إلى أن تفاجأت في إحدى الزيارات أنهم قد اشتروا لي النقاب وجهزوه لي وما تركوني أخرج من منزلهم إلا وقد لبسته غطاء كاملا يغطي وجهي بأكمله 00 جزاهم الله عني كل خير00 وبقيت كذلك إلى أن رزقني الله بالولد الثاني فاضطررت أن أجعله نقابا يكشف جزءا بسيطا جدا من العيون لكي لا أتعثر في الطريق ومعي أطفالي ومنذ ذلك اليوم00سنة1996 وإلى الآن وأنا محافظة عليه ولا أتخيل نفسي أمشي في الشارع كاشفة الوجه أبدا وأطلب من الله دائما أن يديم الستر علينا وعلى جميع بنات المسلمين

[لؤلؤه بنقابى]

رد: كل منتقبة اية رأيك تكتبلنا حكاية لبسك للنقاب ؟

ما شاء الله
ربنا يثبتكم اخواتى

[نهر]

رد: كل منتقبة اية رأيك تكتبلنا حكاية لبسك للنقاب ؟

السلام عليكم ورحمة الله وبركاته


فى البدايه احب اقولك جزاكى الله كل خير اختى على الموضوع


فلعل كل قصه نطلع منها بفائده

اما انا فحكايتى مع النقاب كانت صعبه وسهله

كانت سهله لان والحمد لله والدتى منتقبه

وكل نساء عائلتى كذلك ومنهم ايضا الداعيه لله


فامر الالتزام مش كان صعب بالنسبالى ولا فيه اعتراض

ولكن المشكله كانت هى انى ارفض التسلط والاجبار

او بمعنى اصح عنيده

وكان توجيه والدى ووالدتى للحجاب خاطء احسسته امر

فبدات اعاند وارفض

مع العلم انى بداخلى دائما احب التقرب الى الله

احب مجالس العلم وتعودت عليها

ولكنى عنيده

الى ان هدانى الله وقلت لنفسى العند ده مش هايخسر حد حاجه

بالعكس انا اللى خسرانه


انا اللى هاتحاسب وانا0000 وانا0000

فبدات اصحح من نفسى

واعالج العند شىء فشىء

واقتنعت ان العند يولد الكفر حقا

وبالفعل هدانى الله للحجاب

ومن ثم النقاب

فى البدايه كانت هناك بعض الكلمات تقال لى

انتى لسه صغيره على النقاب

ممكن تصبرى شويه

بس انا كنت مقتنعه بيه الحمد لله

ولما ارتديته بالفعل واجهتنى بعض المشاق

احمد الله انه ثبتنى

وهى اولا فى الجامعه وكانت بداية العقوبات حيث انها كانت اول سنه لى كمعيده

وتركت الوظيفه بالفعل من اجل الحفاظ على نقابى

وتانى عقبه واقسم بالله انى اقول الصدق

هناك اشخاص كلما دخلت عليهم قالوا باللفظ كده

العو جه

ايه الخيمه دى عامله زى العفاريت ده انا والله بخاف من شكلك

ده الحراميه والمشبوهين بس هما اللى بيلبسوه

وممكن تتمسكى فى اى لحظه

ولكنى بفضل الله لم استمع لهم

ودى كانت حكايتى مع النقاب

اسال الله الثبات لى ولكل بنات المسلمين

[نهر]

رد: كل منتقبة اية رأيك تكتبلنا حكاية لبسك للنقاب ؟

نسيت اقول انى الان وبفضل الله اتجهت لدراسة العلوم الشرعيه

الخاصه باعداد الدعاه فلا تبخلوا عليا بالدعاء

كمان عندى مشكله فى ارتداء القفازين والشراب لحد الان مش قادره اتعامل معاهم

ادعولى كتييييير ربنا يهدينى والبسهم حتى يكتمل لبسى الشرعى

وربنا يجازيكم كل خير ويجعلنا صحبه صالحه

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

ما شاء الله
ما شاء الله
انتظروني يا اخوات هقرأ مشاركتكم الرائعة دلوقت