كل منتقبة اية رأيك تكتبلنا حكاية لبسك للنقاب ؟

[انتصارا اوشهاده]

رد: كل منتقبة اية رأيك تكتبلنا حكاية لبسك للنقاب ؟

عليكم السلام ورحمة الله اهلا بيكى وانتى نورتى المنتدى واسال الله ان يمن عليكى بارتداء النقاب فى القريب العاجل وتحكلنا قصتك معه واحبك الله
وكلنا اخواتك

[انتصارا اوشهاده]

رد: كل منتقبة اية رأيك تكتبلنا حكاية لبسك للنقاب ؟

اهلا بيكى اختى فى الله ونورتى المنتدى واسال الله ان يمن عليكى بارتداء النقاب فى القريبا العاجل ان شاء الله وتحكلنا قصتك معه واحنا سعداء بيكى جدا

:a3:

[((أم أحمد))]

رد: كل منتقبة اية رأيك تكتبلنا حكاية لبسك للنقاب ؟

السلام عليكم ورحمة الله وبركاته انا عضوة جديدة أرجو ان تتقبلوني اختا لكم فالله الحقيقة دي اول مرة اشترك في منتدى وحكاياتوا عجبتني اوي وشدتني انا الحقيقة مش منتقبة ولكن اتمنى ان الشئ دا يحصل أقصد ربنا ينعم عليا بالنعمة دي يا ريت تساعدوني وتوجهوني لما فيه الخير لي وعايزة اقول حاجة حقيقي انا حبيتكوا جدا فالله وأتمنى تحبوني واكون ضيفة خفيفة اسفة اني طولت وشكرا

اهلا وسهلا ياودودة





هنا حيكون بيتك التانى ويمكن كمان احسن من بيتك

كلنا هنا اخوات بنحب بعض وقلوبنا على بعض

واحنا تحت امرك

وربنا يزيدك من فضله ويعينك على طاعته

ويرفع قدرك يارب

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

ما شاء الله
ما شاء الله
ايه النور دا ؟؟
والله الناس منورة وقصصها كمان

حاااااااااااااااااااااااااااااااالا هقري الصفحيتين ونقري قصص الاخوات الغاليات

ومرحب باختنا ودودة
اهلا بيكي اختى نورتينا والله
ويارب تتبسطي وسطنا
وان شاء الله تفرحينا قرييييييييييب جدااااااااااا بنقابك

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

السلام عليكم ورحمة الله وبركاته
جزاك الله خيرا يأختى الفاضله على هذا الموضوع الجميل .

اولا: سبب نقابى
هو حبى لأهل الطاعه ، كنت كلما ارى اخت منتقبه اشعر ان قلبى يرفرف بين اضلعى واراها ملكه فى عينى وكنت اتمنى ان اكون مثلها.

ثانيا: عقبات نقابى
انا ارتدى النقاب منذ حوالى خمس سنوات وكنت قبل ذلك بعامين احاول ارتدائه ولكن كانت امى رافضه هذه الخطوه تماما وكانت لاتحب ان اتكلم فى هذا الموضوع مطلقا ولكنى ما قنط من رحمة الله واستمرت محاولاتى لمدة عامين ما بين دعاء وبكاء وتضرع الى الله ومحاولات استعطاف لأمى ، وفى ليلة مباركه وكانت تحديدا ليلة الخامس عشر من شهر شعبان اجتهدت فيها فى الدعاء والتضرع والبكاء وكانت لى صحبه صالحه اوصيتهم بالدعاء لى بارتداء النقاب وبالفعل حدث مالم اكن اتوقعه ووافقت امى على ارتدائى النقاب وقالت لى افعلى ماتريدى فلكم ان تتخيلوا فرحتى وشعورى فى هذه اللحظه التى لاتنسى وبالفعل نزلت جرى واشتريت النقاب وارتديته.

ثالثا: احساسى مع النقاب
احساسى مع النقاب لايوصف ولكن سأحاول ان اصف لكن ولو قليل.
اشعر اننى ملكه متوجه واشعر بالعزة والعفه والطهاره وانى بارتدائه دائما فى خلوه مع الله اسال الله العظيم ان يمن على كل مسلمه بهذه الطاعه العظيمه.

رابعا: وصف نقابى
هو نقاب كبير جدا يبدو وكانه خمار من الخلف مع اسدال بيشه خفيفه على العينين طبعا على ملحفه والجورب والقفازين.

خامسا: اى مواقف غريبه مع النقاب
الحمد لله وبفضله لم يحدث لى اى مواقف غريبه مع النقاب، ولايوجد اغرب مما يحدث الان من محاربه للنقاب والمنتقبات وأسأل الله ان يثبتنا جميعا على الحق حتى نلقاه.

وعليكي السلام ورحمة الله وبركاته
اهلا ومرحبا بكي اختي نورتينا
وما شاء الله قصتك قصة عِزة لكل مسلمة تريد العفة والستر .
ربنا يثبتنا واياكي اختي الغالية
بارك الله فيكي

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

السلام عليكن اخواتي الحبيبات
اكملكوا قصتي بعد ما ربنا يسرلي لبس النقاب في الكليه دون علم ابي بدات اواجه عقبات لبسه دون علمهم فبنت خالتي معايا في المدينه وكتير من قرايب ابي فكنت بحاول مخرجش كتير ولو خرجت بحاول متكلمش علشان محدش يتعرف عليا واتعرضت كتير لمواقف سبحان من انجاني منها زي وانا بدفع للمدينه ومش واخده بالي وبتكلم فبنت عمي قلتلي ساره؟! سبحان من الهمني السكوت فظهر اني متعجبه من الي بتقوله فتحرجت وسكتت وانا مصدقت وقلت يا فكيك لان لو بابا عرف والله قلها قبل كده وابي يعملها مش ببالغ انه قالي ’انامش هاسمحلك تدمري العيله ولو حكمت هرميكي تحت العربيه واخلص منك’برده بطلت اروح مسجد الجامعه ولو رحت اخلي رفيقتي واختي تشوفلي في حد من قرايبي ولا لا وده يبقي اخر النهار بعد العصر وجت فتره عليا بقو بنات يقولولي حرام الي بتعمليه وده عقوق فحسيت بصدق بضيق رهيب واقول في نفسي لو انا صدقت مع الله لصدقني ربنا مش راضي عنك وبدأت احاول اتصل بأي شيخ لكن لم اصل لاحد فزاد كربي واحساسي بالذنب وكأن الله اراد ان يعلمني التعلق بالمسبب لا بالاسباب ومجرد مبدأت اتفهم الرساله وبدأت اتوكل علي الله سبحان الله بجرب الاتصال بالشيخ ابي اسحاق الساعه 3 الفجر فيأست من الرد فاذا به يرد والله لا استطيع وصف احساسي مش علشان الشيخ مع الاحتفاظ بقدر الشيخ لكن قولت يااااااااااااااااه ربنا قد كده كريم سبحان الله مجرد مالواحد يتوكل علي الله ربنا يسببله الاسباب فسألت الشيخ وكان نص سؤالي ))ياشيخ ابويا مش راضي عن لبسي النفاب وانا لبسته وقلعه ليا فلبسته في الكليه دون علمه ولما اخواني بيجو ياخدوني بقلعه وبنزل القرطه وبعمل لثام وهكذا لما برجع هل انا اثمه اوعاقه لوالدي رد عليا وقالي لا يابنتي وانت تعلمين قول الله "والذين جاهدوا فينا لنهدينهم سبلنا"وربنا يعينكوا)) ده درس من ضمن الدروس الي اتعلمتها ولو محصلش كده مكنتش اتعلمت ان الله هو فارج الهموم وميسر الامور ومسبب الاسباب ولا منجي ولا ملجأ منه الا اليه ياه علي احساسي بعدها والله حسيت ان ده مدد لقوة ثباتي من الله وان ده معين ليا علي الثبات علي هذه الحال اناعارفه اني طولت عليكم بس بصدق اخواتي من المحن تأتي المنح وكمان الانسان مغيب عن معاني كتيره ممكن تغير حياته مع الله سبحانه وتعالي ووالله لدلوقتي يتكرر هذا لما اكون في كرب لا اجد احد بجواري فأعلم جيدا بأحساسي ان لا منجي ولا ملجأ منه الا اليه سبحانه وتعالي ياخوااااااااتي الي ربنا يسرلهم النقاب لازم تحمدوا الله ليل نهار علي نعمه الستر والله لا متتصوروش احساسي وانا اقلع النقاب في الموقف قدام الناس او في التاكسي لو عارفه ان اخواتي مستنيني فأخاف يشوفوني والله اصعب احساس في حياتي مر عليا ياخواتي تمسكن بهذه النعمه العظيمه لان الي داق المرار في لبس النقاب مش زي الي ربنا يسرهولها فخافوا ان تسلبو هذه النعمه ووالله وانا بكتبلكوا ببكي من تذكر تلك المواقف والله لولا اني ارجوا انكو تستفادوا من كلامي ولو القليل القليل لما كتبت ولا تذكرت والله لوقعدت اكتب للصبح مش هعرف اوصفلكوا بالظبط الي مريت بيه علي مدار 3.5سنوات من المعاناه وارجوا منالله عزوجل ان يجعل تلك السنوات في ميزان حسناتي وان يتجاوز عني فيهن فبالله عليكن اخواتي تذكرن فقط نعمه الستروان شاء الله ان تذكرت مواقف اخري سأكتبها لكن باذن الله واخيرا ليس اخرا تذكرن قول الله عزوجل
قال تعالى: (لئن شكرتم لأزيدنكم ولئن كفرتم إن عذابي لشديد(.
لا تنسوني من دعاؤكن

الله معكي يا اختي الغالية قرة العين
ربنا يجعل كل ما بذلتيه من مجهود وتعب في وصولك للعفة والستر
والله يا اختي اثرتي فيا كتير ربنا ييسر لاهلك بالموافقة ع نقابك
والله يا اختي لا تيأيسي من الله
والله ممكن في لحظة يغيرلهم لكي
فالقلوب بين اصبعي من اصابع الرحمن سبحانه

وربنا يجازيكي كل خير اختي

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

جزاكى الله خير يامسلمة لله على هذا الموضوع الجميل

جعله الله فى ميزان حسناتك يارب


اولا انا انتقبت 19_1 _2010

يعنى لسة جديدة

ادعولى بالثبات

اولا انا متزوجة من ابن عمتى

ونسكن فى الريف وقرايب فى بعض

انا كنت بحب النقاب وكان اى اخت يقولوا لبست النقاب اكون طايرة من الفرح وابقى مبسوطة بيها

وكنت احس انهم عملوا حاجة مش قادرة اعملها

وكنت والله وانا ماشية فى الشارع
اقعد ابص عليهم وابص فى وشهم يمكن يستغربوا من بصى

بس كنت بملى عينى منهم لدرجة انى ممكن الف برأسى ورى عشان ابص عليهم

وكنت خايفة من نفسى لا بييجى ازمات تنفس ومن مجتمع القرايب دة

ومن حاجات كتير

المهم بقالى فترة طويلة وانا مابين اه ولأة

واقعد اجربه قدام المراية

كنت كتبت موضوع هنا بتاريخ 21_9_2009

وردت علية الاخوات ردود ماشاء الله جميلة

وبكيت بكاء شديد

وخليت زوجى يقرا الكلام وقلتله عاوزة البس النقاب قال لأة

بكيت بكاء مرير
واختى لأة ظروف مص وانتى عرفة

امى على الرغم من انها منتقبة

قالت يابنتى انا كبرت فى السن ومش عدت قادرة استحمله وانتى بيجيلك ازمات وكدة كلام زى كدة

المهم العزيمة خفتت والارادة مش قوية

لكن والله كان ايام ازمة شيخ الازهر حموت من الغيظ

الصح غلط والغلط صح

وقرار منع المنتقبات من السكن من المدن الجامعية والامتحانات

اشعر بالقهر والغيظ ليه بيعملوا فيهم كدة


لكن رغبة لبس النقاب ماكانش تروح عن بالى خالص

المهم كان فى اخت بكلما عن طريق الايميل وكانت غير متزوجة

وبتشتغل تقريبا 12 ساعة فى مكتب كمبيوتر

لقيتها بتقول لبست النقاب وفرحت بيها قوى

وعلى الرغم انها مش بتقلعه خالص لفترات طويلة

كنت بقول لنفسى هما احسن منك فى ايه

هما استحملوا وانا لأة ليه

كفاية حجج بقى

انا كنت بحفظ مع محفظة عن طريق الايميل فى جزء عم وكان معاى واحدة فلسطينية

يوم الاتنين المعلمة اتاخرت

قعدت اتكلم مع الفلسطينية

بارك الله فيها

قلتلها انتى منتقبة قالت اه

وانتى قلتلها لاة

المهم كلمتنى كلام والله ان ان بكيت وحسيت انها بطلة

وان حماها كان بيناديها بالغولة وبيقول يا اولاد اتخبوا الغولة وصلت

وزوجها قال لاتمشى معى ابدا

واخواتها كان يخافوا يمشوا معاها من اليهود

عند المعبر ولكن بتقول ربنا كان بييسر


وقرايبها مش زاروها فى الاعياد اللى فاتت عشان النقاب

وكان عندها ظروف قعدت شهر كامل فى بيت حماها كانت مابتقلع النقاب قدام سلايفها ليل ولا نهار


كلام كتير قوى


وقلتلى فى الصيف مش حتحسى بحر خالص

واذا حسيتى افتكرى الشمس لما تدنوا من الرؤوس

والنار وان من تر ك شىء لله عوضه خير منه


المهم كلمت زوجى وسبحان الله لقيته موافق الحمدالله

ووالدتى قالت يابنتى صلى استخارة صليت

نزلت اشترى سدال لفيت محلات كتير مش لاقيت مقاسى لقيت مقاسات صغيرة

المهم قلت ان شاء الله مش حتراجع واشتريت نقاب ورجعت ولبسته وطلعت البلكونة بيه بسرعة

عشان الدنيا كلها تشوفنى وانا لابساه

ان شاء الله لاتراجع

ادعولى بالثبات

انا مش بعرف اظبط كلامى لك اللى بييجى على بالى

بقوله

وكنت دائما افكر فى حلا شيحة انها سابت ايه دة كله

وانتقبت وامهات المؤمنين والعذاب اللى شافوه

لعلى اسير على دربهم

أسفة للاطالة

بالنسبة للعقبات انا

حقفل ودانى ان شاء الله

وكفاية ربنا معاى

وانتوا احلى صحبة ليه

حياتى اتغيرت كتير

معاكم وبقى ليها طعم تانى

جزاكم الله خير

الف مبرووووووووووووك ع زي العفة يا غالية يا ام احمد عبد القوي
بسم الله ما شاء الله
احييكي بجد وفخورة بيكي وسعيدة بيكي والله

ربنا يثبتك
رببنا يثبتك
ربنا يثبتك
ويبارك لكي في زوجك وفي الاخت الفلسطينية وفي كل وقف بجانبك واولهم نفسك النقية التي كانت تّذكرك دايما بالنقاب وتحبه وتهفو اليه .

اسأل الله لكي الثبات
وبرافوا عليكي اقفلي ودنك خاااااااااااااالص عن اي كلام سلبي عن النقاب حتي مش تدافعي حاولي قفلي احسن الموضوع او سيبهم وامشي عشان الواحد في البداية بيبقي محتاج يسمع مثبتات فقط انما سلبيات لالالالا ولو سمعها وميدخلش فيها في جدال وهو في البداية
انما بعد كدة انطلقي وربنا معاكي غاليتي .

[moslma lillah]

رد: قصتى مع النقاب

هحكى لكم قصتى

فى البدايه مكانش النقاب يشغل بالى
لان ابى رحمه الله كان له فكر صوفى الى حد ما
اسال الله له الرحمه والمغفره
وانا كمان شخصيه مسالمه ومش بتاعة مشاكل
ولم اكن ملتزمه
مات ابى
تزوجت
انجبت
زوجى يحب اباه كثيرا
اباه لا يحب النقاب
كان امر مفروغ منه ان مفيش نقاب
ولم يكن يشغل لى بالا
الى ان التقيت بزوجة صاحب زوجى ذات مره
اتت فى منزلى
كانت منتقبه غيرت منها كثيرا واحسست بانها غاليه غاليه غاليه
وبدأت افكر فيه
ما المشكله
والد زوجى
المهم
يوما بعد يوم تعلقت بالنقاب جدا وقلت لزوجى هاروح العمره وارجع منتقبه
العمره منفعتش
وزوجى ذهب للحج وجاب لى ملحفه سوداء لعلى ارتدى النقاب يوما ما
المهم تخمرت فكرة النقاب داخلى
لدرجة انى كنت بقول لزوجى
انا نفسى راجل محترم يعاكسنى فى الشارع
عشان ارجع وانا غاضبه امام والده واقول انا مش نازله غير بنقاب
كان هزار
لكنى بدأت اتخيله
المهم نزلت الشارع لطلبات البيت
بس المره دى كانت مختلفه
بدأت اعنف نفسى واقول لها
انتى فعلا عايزه حد يعاكسك؟؟؟؟
يعنى بترخصى نفسك؟؟؟؟؟
الغايه لا تبرر الوسيله..... سبحان الله
كنت فى صراع نفسى شديد شعرت انى عريانه ومذنبه وحرام عليا
ونزلت تانى يوم لطلبات المنزل
ورجعت منفعله جداااا
وخمسين فى الميه من انفعالى مفتعل
امام حمايا وحماتى
صراحه محدش (محترم)عاكسنى
بس شفت مناظر فى الشارع من
شباب وفتيات ومخدرات
رأى حمايا انفعالى والحمد لله لم اكذب ولكنى عرضت فى الكلام
والحمد لله بدأت حماتى تقول عن المهازل الى فى الشارع وكانت فى مصلحتى
خرج زوجى تانى يوم وكلمته فى الموبايل امام الجميع (حمايا وحماتى )
وقلت له مش هاخرج بدون نقاب هاته معاك
طبعا جلسنا نتناقش (انا وحمايا وحماتى)
وقلت لهم خلاص انا مش نازله من غيره الشوارع مش أمان
طبعا لبسته على مضض من الجميع حيث اننى فى بيت عائله
وواجهتنى متاعب فى الاول حتى تقبلنى الجميع ومن كان معترض بالامس اصبح مؤيدا
فاخوان زوجى عايزين ينقبوا زوجاتهم
وحمايا بيقول انه لا يحب المنتقبات الا انا
واخت زوجى قالت لى انتى فتحتى لى الباب للبسه والحمد لله اصبحت مقبوله من الجميع
وكل الناس الى كنت خايفه منهم الا القليل هنأونى جدا الحمد لله
اسفه للاطاله
لكنها الحقيقه
ادعوا لى

ربنا يعزك اختى ام عمار ويبارك لكي في عمار
الحمد لله انك لبستيه من غير اي معاكسة
ربنا يثبتنا واياكي
اسعدتيني والله

[ودودة]

رد: كل منتقبة اية رأيك تكتبلنا حكاية لبسك للنقاب ؟

والله انا سعيدة ان ربنا من عليا وهداني للانضمام ليكو وحاسة اني فعلا بئا ليا عيلة جميلة هتاخد بايدي للامام ونحو ارضاء الله تعالى جزاكم الله خيرا

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

السلام عليكم ورحمة الله وبركاته انا عضوة جديدة أرجو ان تتقبلوني اختا لكم فالله الحقيقة دي اول مرة اشترك في منتدى وحكاياتوا عجبتني اوي وشدتني انا الحقيقة مش منتقبة ولكن اتمنى ان الشئ دا يحصل أقصد ربنا ينعم عليا بالنعمة دي يا ريت تساعدوني وتوجهوني لما فيه الخير لي وعايزة اقول حاجة حقيقي انا حبيتكوا جدا فالله وأتمنى تحبوني واكون ضيفة خفيفة اسفة اني طولت وشكرا

وعليكي السلام ورحمة الله وبركاته
اهلا بيكي يا ودودة نورتي الموضوع ونورتي المنتدي كله
وطبعا نقبلك وسطنا اخت غالية
واحنا كللللللنا تحت امرك اخواتك في الله نحبك في الله
فاهلا بيكي وسطنا
وان شاء الله نفرح بنقاااااااااااااااابك عن قريب ياااااااااااااارب

اهلا وسهلا ياودودة





هنا حيكون بيتك التانى ويمكن كمان احسن من بيتك

كلنا هنا اخوات بنحب بعض وقلوبنا على بعض

واحنا تحت امرك

وربنا يزيدك من فضله ويعينك على طاعته

ويرفع قدرك يارب

باااااااارك الله فيكي اختنا ام احمد علي روحك الرائعة وسطنا الاخوية
لا حرمنا الله منكي

اهلا بيكى اختى فى الله ونورتى المنتدى واسال الله ان يمن عليكى بارتداء النقاب فى القريبا العاجل ان شاء الله وتحكلنا قصتك معه واحنا سعداء بيكى جدا

:a3:

بارك الله فيكي اختي انتصارا او شهادة
منورانا والله

متشكرة جدا يا ام عمار على الاستقبال الجميل دا وحقيقي انا فخورة جدا بانضمامي ليكوا لانكو بجد صحبة صالحة وان شاء الله انا حاسة اني هاستفيد منكو كتير

واحنا فخورين بيكي اختنا باضمامك لنا
يارب تكوني مبسوطة وسطينا
وان شاء الله كلنا نستفيد من بعض

اهلا بكى
ودوده
يسعدنا جدا انضمامك الجميل
كونى على ثقه ان كلنا هنا فى حاجه ماسه الى بعض ليظلنا الله بظله يوم لا ظل الا ظله
اسال الله لكى التوفيق والسداد
وفى انتظار مواضيعك الى هترج الدنيا

نفع الله بكى
اسال الله ان يعلمكى ما ينفعكى وان ينفعكى بما تعلمتى

ما شاء الله علي روحك الطيبة يا اختنا ام عمار
بوركتي منورانا والله
وسعدت والله بيكم جدااااااااااااااااااااا

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

والله انا سعيدة ان ربنا من عليا وهداني للانضمام ليكو وحاسة اني فعلا بئا ليا عيلة جميلة هتاخد بايدي للامام ونحو ارضاء الله تعالى جزاكم الله خيرا

وعليكي السلام ورحمة الله وبركاته
واحنا اسعد بيكي يا اختى انك انضميتي لاسرتنا الجميلة
ويلا بقي يا جميلة ورينا الشغل الجامد بتاعك
واولا علينا جميعا بالاخلاص لله عز وجل في وجودنا في المنتدي المبارك دا

وعايزاكي تنضمي في قسم الاخوات الخاص عشان نتعرف ع بعض اكتر
في انتظاااااااارك اختى ودودة

[ودودة]

رد: كل منتقبة اية رأيك تكتبلنا حكاية لبسك للنقاب ؟

ان شاء الله هانضم لقسم الاخوات لان دا شئ يسعدني ويشرفني ومتشكرة اوي اوي اوي اوي على الاستقبال الرائع دا اللي بجد كتير عليا اشكركم جميعا اخواتي الفاضلات وعلي فكرة انا امتحاني يوم السبت ان شاء الله ياريت تدعولي ربنا يهديني واركز بكرة اكتر فالمذاكرة وتدعو ان ربنا يوفقني فالامتحان انا وصديقاتي وكمان مرة انا مبسووووووووووووووووووطة اوي بوجودي وسطيكو بحبكم فالله

[مسلمة راجية]

رد: كل منتقبة اية رأيك تكتبلنا حكاية لبسك للنقاب ؟

السلام عليكم و رحمة الله تعالى و بركاته

و الله موضوع قيم ما شاء الله ... أنا لا ألبس النقاب ... و لكنني أحبه و أشهد الله أنني أعلم أ،ه فرض ... و لكن إيماني ما زال ضعيفا لأستطيع تغيير حيااتي رأسا على عقب للبسه ... فقد عانيت جداا من طرف الوالدين و لاقيت ضربا لألبس حجاب الموضة ...و حتى أنه من سابع المستحيلات أن يسمح لي بدخول المدرسة مختمرة فما أدراكن بالنقاب... / مع العلم أن في بلدي ما بعد الثانوية هناك كليات للعلوم المطلقة ، أما بالنسبة للهندسة مثلا فهناك مدرسات و أنا في إحداهن ... أحاول منذ شهرين تقريبا أم ألبس ححابا شيئا ما مستور ، فألبس جيبة طويلة و أحاول أن أعدل الطرحة كي تستر الجزء العلوي من جسدي ، أقصد ما قبل البطن... و والله أعلم أنه ليس بالحجاب الشرعي و لكنني فعلااا أحتاج إلى إيمان قوي ... و إلى عزيمة أقوى كي أستطيع أن أخوض معركة لبس النقاب ... أعلم أنني أشارك في الموضوع بغير ما هو له و لكن كل ما قلته ليس من سبيل التبرير بل من سبيل حث الأخوات الفضليات اللواتي من الله عليهن بالنقاب أ، يثبثن و أنم يعلمن أنهن على الحق ، و أنهن في نعيم ... و أنه لن يدخل جنة الآخرة إلا من دخل جنة الدنيا ... فبارك الله فيهن هن رمز للعفة و مفخرة للأمة و سلاح ضد أعدائه ...

أسأل الله العظيم رب العرش العظيم أن يستر بنات و نساء المسلمين ... اللهم آمين

جزااك الله خيراا

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

ان شاء الله هانضم لقسم الاخوات لان دا شئ يسعدني ويشرفني ومتشكرة اوي اوي اوي اوي على الاستقبال الرائع دا اللي بجد كتير عليا اشكركم جميعا اخواتي الفاضلات وعلي فكرة انا امتحاني يوم السبت ان شاء الله ياريت تدعولي ربنا يهديني واركز بكرة اكتر فالمذاكرة وتدعو ان ربنا يوفقني فالامتحان انا وصديقاتي وكمان مرة انا مبسووووووووووووووووووطة اوي بوجودي وسطيكو بحبكم فالله

في انتظارك يا ودودة في ساحة الخاص
وانتي تستاهلي كل خير
وربنا معاكي ويوفقك في امتحانك انتي وكووووول الطلبة
ويلا يا استاذة علي المذاكرة عدل
عايزين امتيازات وتقديرات ودرجات عُليات
في حفظ الله

السلام عليكم و رحمة الله تعالى و بركاته

و الله موضوع قيم ما شاء الله ... أنا لا ألبس النقاب ... و لكنني أحبه و أشهد الله أنني أعلم أ،ه فرض ... و لكن إيماني ما زال ضعيفا لأستطيع تغيير حيااتي رأسا على عقب للبسه ... فقد عانيت جداا من طرف الوالدين و لاقيت ضربا لألبس حجاب الموضة ...و حتى أنه من سابع المستحيلات أن يسمح لي بدخول المدرسة مختمرة فما أدراكن بالنقاب... / مع العلم أن في بلدي ما بعد الثانوية هناك كليات للعلوم المطلقة ، أما بالنسبة للهندسة مثلا فهناك مدرسات و أنا في إحداهن ... أحاول منذ شهرين تقريبا أم ألبس ححابا شيئا ما مستور ، فألبس جيبة طويلة و أحاول أن أعدل الطرحة كي تستر الجزء العلوي من جسدي ، أقصد ما قبل البطن... و والله أعلم أنه ليس بالحجاب الشرعي و لكنني فعلااا أحتاج إلى إيمان قوي ... و إلى عزيمة أقوى كي أستطيع أن أخوض معركة لبس النقاب ... أعلم أنني أشارك في الموضوع بغير ما هو له و لكن كل ما قلته ليس من سبيل التبرير بل من سبيل حث الأخوات الفضليات اللواتي من الله عليهن بالنقاب أ، يثبثن و أنم يعلمن أنهن على الحق ، و أنهن في نعيم ... و أنه لن يدخل جنة الآخرة إلا من دخل جنة الدنيا ... فبارك الله فيهن هن رمز للعفة و مفخرة للأمة و سلاح ضد أعدائه ...

أسأل الله العظيم رب العرش العظيم أن يستر بنات و نساء المسلمين ... اللهم آمين

جزااك الله خيراا

وعليكي السلام ورحمة الله وبركاته
اهلا بيكي مسلمة راجية معنا نورتينا
كم سعدت بمشاركتك يا اختي
وياريت محدش يتردد ابدااااااااا انه يشاركنا هنا احنا كلنا اخوااااااات سواء منتقبة او غير مكلنا كنا لسنا منتقبات فمنّ الله علينا بهذه النعمة _ فاللهم لك الحمد _
فياريت كل الاخوات لا يترددن في المشاركة معنا
وبالنسبة للنقاب
فهو ليس معركة يا اختي والله
والله إن له لإحساس راااااقي جدا ورائع واحساس بالسعادة غير عادي .

وما شاء الله اختي انك بتحاولي تتقدمي في الحجاب ربنا ييسرلك كل خير وتقدم
واسأل الله ان يرزقنا واياكي الصدق مع الله والايمان الخالص له
اللهم امين

في انتظارك دايما اختي

.
.

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

" أنا منتقبة ليه ؟ "

أنا منتقبة - بعد إيماني بأمر ربنا إن الحجاب فرض على كل مسلمة بقول اغلب علمائنا وشيوخنا الافاضل
كلهم بلا استثناء قالوا
ان النقاب فرض
واجمعوا عليه انه فرض
يا بنتي فرض
انتي بتئاوحي نفسك ليــــــه ؟؟؟
دا حتي انتي مقتنعة انه فرض بس بتخبي ومش عايزة تعترفي عشان محدش يمسكها عليكي .

طيب اقلك دا حتي عجينة الفطير والكحك تشهد انه فرض

عجينة فطير !!!!!

فطير ايه وكحك ايه دا ؟؟؟؟ !!!

هقولك اهو ..

دلوقتي احنا لما بنعمل عجينة فطير او كحك او قراقيش مش بتحتاج لحاجة اساسية جدااااااا الـ هي :

(( الخميرة ))

عارفاها طبعا
طيب كلمة خميرة دي مفكرتكيش بكلمة ( الخمار ) اللي هو اللبس الشرعي اللي الكل متفق انه فرض بعيد عن النقاب
صح ؟؟

يبقي احنا كدة متفقين ع حاجتين :

** ان الخميرة اساسية جدااااا للعجينة .
** ان الخمار فرض علي كل مسلمة .

ماشي

طيب احنا لما بنحط الخميرة علي العجينة بنحطها ع جزء منها بس يعني بنحط ع مكان ونسيب مكان تاني من غير خميرة !!
ولا لاااااازم نحط علي العجينة كلها خميرة والا هتبوظ طبعا


طيب يا ست الكل

اهي الخميرة دي عاملة زي الخمار

اذا : الخمار لازم يغطي كل جسمك بوشك وايديكي ولا ايه !!

اذا لو انتي زعلانة من كلمة ان النقاب فرض
سميه الخمار يا سيتي لانهم هم الاتنين واحد

اذا النقاب = الخمار
والاتنين باذن الله فرض
وهو المطلوب اثباته ##
.
.
.
.
.
اسفة جدا للاطالة ودوشة الكحك والقراقيش اللي فاتت دي
اصل احنا لسة عاملين قراقيش من يومين وكسرتلي ظهري
فانا متأثرة شوية معلش .



طيب الحمد لله وعرفنا ان النقاب فرض
بس في اسباب تانية

اليكي هذه الاسباب :

1 - علشان انا حرة … مش من حق حد يشوف مني اللي مش عاوزاه يشوفه إلا بإرادتي … ومن حقي اختار مين اللي يشوف مني أجمل ما عندي .. واللي علشان يشوف ده ويبقى حقه وحلاله عن طيب خاطر.. لازم هو كمان يديني مشاعره واللي باقي من عمره عن طيب خاطر…


2 - علشان أنا غالية .. مينفعش أقلل من قيمة نفسي واخليها عرضة لكل العيون .. ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء مش متغطي مني .. حتى لو مكنش ده قصدي … بس مش حقدر امنعه … (كامل اعتذاري لغير المحجبات.. ولكن ده اللي حيوصل منك لضعيفي النفوس حتى لو مكنش ده قصدك.. وده اللي علشانه ربنا فرض الحجاب . علشان ميطمعش الذي في قلبه مرض) … مع الأخذ في الاعتبار انه “كل من هب ودب ده” مش بس الشباب اللي بيعاكس البنات في الشارع .. ده يتضمن حتي الزبال اللي بيسوق عربية الزبالة في الشارع .. كل دول بقى من الممكن انهم يبصوا لي … لأ ده كمان يمكن ماعجبهمش ويدوروا وشهم إعراضاً


3 - علشان أنا باحترم نفسي .. وشايفة نفسي كبيرة قدام نفسي .. ومينفعش أنزل سوق المنافسة في الأنوثة علشان أفوز في الآخر بنظرة شهوانية أو كلمة غزل رخيصة أو عرض صحوبية…


4 - علشان انا جمالي مش خارجي وبس.. ومن حقي ان اللي ييجي يتجوزني .. واللي حاديله الباقي من عمري .. واللي حديله كل مشاعري .. واللي حاقاسمه أحلامي وأفكاري .. واللي حخلف منه ولادي .. وحاربيهم معاه .. مايختارنيش على مقاييس شكلية وبس .. أو تبقى هي دي العامل الأساسي في أختياره ليا … علشان كدة مش ضروري يشوفني في كامل زينتي وجمالي قبل ما يتجوزني . . الأهم انه يحب روحي ويعجب بشخصيتي .. ويرتاح معايا نفسياً.. (أصل في بنات بتأجل الحجاب لحد ما تتجوز.. على أساسا انها تكون شنكلت واحد وضمنته.. مع إن مفيش حاجة مضمونة في الزمن ده .. واللي اختارها علشان جمالها .. ممكن قوي يتجوز عليها واحدة أجمل منها.. لأنه أكيد في الأجمل منها يعني)..


5 - علشان أنا باخاف على أخويا في الله اللي بيشوفني في الشغل أو في الكلية أو في المواصلات أو في الشارع .. ويمكن يكون عاوز يقرب من ربنا .. وبيجاهد نفسه علشان يغض بصره.. فمرضاش لنفسي اني اكون سبب في اني افتنه..


6 - علشان أنا باشيل هم أخويا في الله اللي نفسه يتجوز ومش قادر لضعف إمكانياته المادية .. فمش ضروري يعني ازود عليه همومه… وأخيله في الرايحة والجاية ..


7 - ده غير حاجة مهمة كمان … الكفن بتاع النساء.. فيه حجاب.. فاللي مش حتلبسه وهي حية بإرادتها طاعة الله.. حتلبسه كدة كدة وهي رايحة قبرها.. وطالما ربنا بيقول اننا نتستر حتى واحنا رايحين قبورنا وخلاص انتهى التكليف … ومحدش حيشوفنا تاني ولا حد حيطمع فينا .. يبقى مفيش معنى اننا نمشي مكشوفين لكل العيون واحنا أحياء نرزق.. يبقى الأولى اطيع ربنا بإرادتي وأقابله وهو راضي عني واخد أجري كامل.. ولاّ اني ملبسوش غير وانا جثة واقابل ربنا وهو غضبان عليا؟


والأسباب اللي فوق دي .. هي اللي فهمتني ليه ربنا فرض علينا الحجاب.. مش تعسير ولا تضييق .. الحجاب فعلا عزة وكرامة..
ميعرفهاش غير اللي داق طعم الستر..
ربنا يهدينا ويهدي بنات المسلمين

اللهم امين
.
.
.
^^^
*عجينة الفطير والكحك تشهد إن النقاب فرض$إدخلي شوفي