ياترى رجعتي زي اﻷول ولا اتغيرتي؟؟؟؟ من أخت بتحبك في الله

[راجية فردوس ربها]

السلام عليكم ورحمة الله وبركاته

ازيكم أخواتي وحبيباتي في الله
تقبل الله منا ومنكم صالح الأعمال

سؤالي دا بقوله لنفسي الأول ولكل حبيباتي
ياترى بعد رمضان رجعنا زي قبله؟؟؟؟!!!!!!!

طيب لو.الجواب للأسف رجعنا لنفس حالنا
ياترى ايه السبب ؟؟؟؟

السبب اننا مصدقناش النية مصدقناش التوبة مصدقناش العزيمة

متزعلوش مني بس لازم نكون صادقين مع انفسنا وانا اولكم.

طيب ياترى هنعمل ايه
هنستنى رمضان الجاي علشان نصدق النية مع ربنا ونبدأ صح؟؟
أكيد طبعاً لأ

هو احنا ضامنين نعيش كمان خمس دقائق مش لرمضان الجاي

طيب يلا نفكر مع بعض في الحل العملي والييسير واللي نقدر كلنا بإذن الله ننفذه

أولا لازم ولابد نبدأ دلوقتي ودلوقتي حالاً
نبدأ نجدد نيتنا ونقوي عزيمتنا

ثانياً لازم نعرف من جوانا ان رمضان موسم عبادة مبارك ربنا من علينا بيه لمضاعفة الحسنات مش علشان نعبد في رمضان بس وبعدين ننسى وننام ولا حول ولا قوة إلا بالله

ثالثاً نعرف كمان ان من علامات قبول رمضان الدوام على الطاعات بعد رمضان
الحاجه دي تشجعنا قوي اننا نستمر عالطاعة
اننا نظن في الله الخير انه وفقنا للطاعة بعد رمضان لأنه بإذنه تعالى تقبل منا طاعة رمضان

رابعاً لكل اللي ضاع منها رمضان أو معملتش فيه زي ما كانت بتتمنى لازم اقولها وأقول لنفسي أولاً
رب رمضان هو رب طول السنة
أيوا حبيبتي قدامك الفرصة لسه مضاعتش
قدامك أعمال كتير همقولها كمان شوية تعوضي بيها الليىفاتك
قدامك مواسم طاعة كتير ربنا بيمن علينا موسم ورا التاني

عشر ذي الحجة
المحرم
يوم الجمعه ومافيه من بركات
الايام البيض من كل شهر
وكتيييييير جدا مواسم الطاعات بس المهم نشد الزمام وننطلق

خامساً بقى وأخيرًا
بعد ماجددنا نيتنا وعزمنا امرنا يلا ناخد جدول عملي لليوم بتاعنا وشوفوا معايا أد ايه اليوم بتاعنا مليان خير وأجر بحاجات بسيطة جدا

1-بإذن الله تعالى هنصلي كل الفروض في اول وقتها
اول مانسمع النداء بيقولنا حي على الصلاة نقوله لبيك ياربي ياحبيبي ومولاي

2-هنصلي النوافل 12ركعة كلنا عارفينهم كنا بنصليهم في رمضان بكل سهولة ليه دلوقتي تقلو علينا
اعقدي نيتك ان المداومة عليهم ان شاء الله يكون ليكي بيت في الجنة
وكمان مايزال عبدي يتقرب إلي بالنوافل حتى أحبه
وافتكرو اننا لو قطعناهم دلوقتي يبقى والعياذ بالله ممكن ميكونش ربنا تقبلهم مننا في رمضان
فدا يخلينا نجد ونجتهد

3-ركعتين الضحى صدقة عن كل مفصل في جسمك
ركعتين في خمس دقايق وفروا عليكي كتير في اسهل من كده
ولو عايزة خير اكبر خليهم اربعه فربنا سيحانه يكفيكي يومك بإذن الله.

4-أذكار بعد الصلاة حاجه سهله جدا جدا جدا ومبتاخدش وقت بالمرة واجرها عظيم يكفي بس ان التسبيح والتحميد والتكبير بيجبروا النقص واليهو اللي في صلاتك.

5-أذكار الصباح والمساء وبردو مش هياخدو ربع ساعه بس ليهم اجر عظيم.

6-صيام الأيام البيض 13، 14، 15 والاتنين والخميس
وطبها كل واحده حسب ظروفها ومقدرتها
بس مينفعش ابدا نسيب الصيام ويادوب نصوم اليومين القضاء اللي علينا من رمضان وننسى الصيام لحد رمضان اللي بعده
طيب ازاي بنضيع على انفسنا دعاء مستجاب عند الفطر غير اجر الصيام .

7-القرآن ثم القرآن ثم القرآن. اوعو نكون هجرناه
يلا نرجع تاني ونشد العزم ومش اقل من ختمة كل شهر
والله جزء في اليوم مش صعب ولا كتير
احنا بنضيع اوقات كتير عالنت او مع أصحابنا او في التلفون
يبقى اتفقنا جزء يوميا ان شاء الله

8-الذكر المطلق
واحنا عارفين ان الذكر من اسهل الاعمل وفي نفس الوقت من اعظم الأجور
تسبيح تهليل حمد استغفار. ...

9-قيام الليل حتى ولو ركعتين بعدةالعشا علشان منكتبش من الغافلين
لكن طبعا مش هنفضل طول عمرنا في الركعتين اللي بعد العشاء
عايزين نشد العزم ونزود كمان ركعتين وبعدين نزود كمان لتنين قبل الفجر وكدا نكون دايم في زيادة

وغيرها وغبرها اعمل كتير جدا لاتحصى
وكلها أشياء يسيرة على من يسره الله عليه

المهم هنجدد نيتنا ونعقد عزيمتنا
ونفتكر دايما ان رب رمضان هو رب طول العم

التقييم:

[تاركة الدنيا]

رد: ياترى رجعتي زي اﻷول ولا اتغيرتي؟؟؟؟ من أخت بتحبك في الله

وعليكم السلام ورحمة الله وبركاته
بارك الله فيكِ اختى الفاضله راجيه فردوس ربها
جزاكِ الله خيراا
ـــــــــــ
لا إله إلا أنت سبحانك إنى كنت من الظالمين

[راجيه رضى ربي]

رد: ياترى رجعتي زي اﻷول ولا اتغيرتي؟؟؟؟ من أخت بتحبك في الله

بارك الله فيك اختي
ربنا يرفع قدرك ويرضى عنك

[مباركة أينما كنتِ]

رد: ياترى رجعتي زي اﻷول ولا اتغيرتي؟؟؟؟ من أخت بتحبك في الله

وعليكم السلام ورحمة الله وبركاته
جميل جدا
جزاكِ الله خيرًا
وربنا يتقبل منا ومنكِ ياااااارب رمضان و سائر الأعمال

[عقيـــــ جهاد ـــــدتي]

رد: ياترى رجعتي زي اﻷول ولا اتغيرتي؟؟؟؟ من أخت بتحبك في الله

جزاك ربنا خير الجزاء
نسأل الله أن يثبتنا وإيّاك على طاعته