الدرس الثآني ~ دورة تنظيم الوقت ..

[Dr.Sarah || ~]

،







حيآكم الله يا أخوات

أحب إني أوضح شوية حاجة قبل ما نبدأ


أولاً بعتذر عن التأخير بس ظروف الدراسة والمرض بقالي يومين مش قادرة حتى أفتح الجهاز فأسأكم الدعاء ..

ثآنياً قبل ما ندخل في الدرس الجديد نستعرض إحنا عملنا إيه في الدرسين ..

أولاً من خلال المقدمة كآن لها هدفين

الهدف الأول الانتباه للنية الصآلحة ..( مآ كان الله دام واتصل )

الهدف الثآني .. الاجابة على بعض السئلة ورسم تخطيطي بسيط للنقاط المهمة في حيآتك ( أهدافك ، مشاكلك ، محاور حياتك .. )

الدرس الأول كآن له أكثر من اتجاه

أهم شئ بالنسبة لي جلسة الفضفة إلي ذكرتها .. وتحديد كل الأشياء الطلوبة

الهدف العام


إنك تبدأي تعرفي الحاجات الي هتنظميها على مدار الـ 3 دروس الأولى قبل ما ندخل في طريقة التنظيم

..

ثآلثاً بخصوص مجموعات العمل

ايه أهميتها ؟

أولاً لان عدد الأخوات كبير والمتابعة معاهم صعبة جداً..

ثانياً الشغل في مجموعة أكثر تفاعلاً وله ثمرة كبيرة..

ثالثاً وجودك في المجموعات دي هيستمر بإذن الله حتى بعد انتهاء الدورة عشان نضمن الاستمرار..

رآبعاً كل مجموعة هتبدأ تناقش الدرس مع بعضها ومطلوب انها تطلع الدوس المستفادة من الدرس ..

خآمساً بإذن الله سيتم تنظيم القراءة والجدوال وغيرها في المجموعات ..

سيكون لكل مجموعة قائدة يتم اختارها من بينهم

وأيضاً كل مجموعة تطلق الاسم الذي تحب على المجموعة

إلي مسجلتش تسجل هنآ


مجموعآت المشتركآت في دورة تنظيم الوقت .. ( 1 2 3 ... الصفحة الأخيرة)

المجموعات ..


مجموعة ( أ ) ~ دورة تنظيم الوقت


مجموعة ( ب ) ~ دورة تنظيم الوقت




مجموعة ( ج ) ~ دورة تنظيم الوقت


مجموعة ( ء ) ~ دورة تنظيم الوقت


مجموعة ( هـ ) ~ دورة تنظيم الوقت





يُتبع ..

[Dr.Sarah || ~]

رد: الدرس الثآني ~ دورة تنظيم الوقت ..

المشكلة الثآنية ..

( تضييع الوقت )

حآفظي على وقتك

قبل ما أقولك نظمي وقتك لازم أقولك حافظي على وقتك ..
شوفي كدة النصائح دي






حجمي علاقاتك ..

يعني إيه ؟؟

يعني بلاش بأه ال ٧٠٠٠ صديقة إلي عندك دول :) و ٥٠٠٠ على النت والجيران وأصدقاء

الطفولة وأصدقاء المدرسة ووووو..

مش إنتي بتقوليلي أبقى اجتماعية ؟ إنتي كدة متناقضة !!

لأ منا بقولك ابقي اجتماعية بس مش بقولك أعملي حياتك كأا موقع زي الفيس بوك :)

خلي علاقاتك بكل الناس جميلة لكن في حدود عشان وقتك ميضيعش
خلي عندك صديقة أو اتنين أو تلاتة بالكتير مقربين يساعدوكي انك تكوني ناجحة في حياتك

ويعينوكي على الطاعة لكن كلامك مع باقي الناس يبقى في حدود .
وده هيقلل الزيارات والكلام في التليفون
خلي حياتك هااادية ومتدخليش نفسك في مشاكل

تابعي كل حاجة من بعييد ..

وتجبني الناس إلي معندهاش هدف في الحياة غير إا عايشة وخلاص !

عآرفه إن دي أحياناً مشكلة كبيرة لناس كتير

لكن نحاول نتخلص منها


(( يُناقش في المجموعات ))



بلاش كلام كتير

يعني متتكلميش في كل حاجة إلي يخصك وميخصكيش ،،
لأ اتكلمي في المفيد
بلاش تحكي كل حاجة حصلت في حياتك لكل حد تقابليه وتجيبي في سيرة ده وده

بتاااخدي سيئات في الفاااااضي وبتضيعي وقت كماااااان
والسعاااااات الي بنقضيها على التليفون .. مش هتكلم في دي بأه :)

يعني مثلاً تلاقي البنتين كانوا مع بعض الكلية وبعد ما يروحوا قولي كدة ٣ ساعات على التليفون
بيعيدوا الي حصل اردة !!
طيب بتحكي لها ايه ماهي كانت معاكي طول اليوم وشايفة وعارفه كل الي إنتي بتحكيه ده
!!
وبعدين بيقولولك الوقت مفيش فيه بركة !!

الموضوع ده كمان تطور الايام دي عشان السيآسة

وأنا من رأيي خففي عن نفسك الضغط وابعدي عن الناس الي غاوية صدام ونقاش وهي مش هتقتنع بوجهة نظرك

هتقوليلي بتكذب بتألف بتزور الحقايق .. ابتسمي بكل هدوووء وسبيهم مع نفسهم

خلي ليكي وضع صآمت مملل أقوى عليهم من كلامهم السخيف

لأن هدفهم انهم يدخلوكي في حواراتهم إلي ملهآش فايدة !

بصمتك هتهزميهم

لأن في أغلب الأحيان مفيش بينك وبينهم قواعد فكرية مشتركة تنطلقي منها في الحوار

فعشان كدة متتخليش انهم هيقتنعوا بكلامك ومنطقك

الصمت أفضل ..






إن الذين كآنوا قلنآ كانوا يكرهون فضول الكلام ..

ومآ فضول الكلام عندهم ؟

قيل .. كآنوا يعدون كل كلام فضولاً ما عدا كتآب الله عز وجل أن يُقرأ او يُفهم ، وحديث رسول الله صلى الله عليه وسلم أن يُروى ويُدرى ، أو أمراً بالمعروف ونهياً عن منكر .

(( يُناقش في المجموعات ))





متخليش حياتك تافهه ..

يعني بلاش ٥ سعات على النت خليهم ٢ بس
اعملي حاجة مفيدة
جربي كدة تشيلي الوقت التافهة من حياتك إلي بيضيع في الكلام أو الوقت الفاضي في حياتك وشوفي كدة هيتبقى لك كام
ساعة
هيتبقى لك وقت تقرأي فيه وتثقفي نفسك ووقت تحفظي قرآن
الحاجات الي بتقولي لما نسألك مبتعمليشهاش ليه ؟
مفيش وقت !!

(( يُناقش في المجموعات ))




قللي وقت النوم

قللي وقت النوم أو على الأقل حدديه
يعني من ٦ ل ٨ ساعات ..
لو ظبطي نفسك ومواعيد نومك يعني تنامي وتصحي بدري
هتعرفي تروحي مواعيدك مظبوط وكمان هتعرفي تصلي الفجر حآآضر
لو مصلتيش الفجر حآضر بركة اليوم كله بتضيع

(( يُناقش في المجموعات ))





يُتبع ..

[Dr.Sarah || ~]

رد: الدرس الثآني ~ دورة تنظيم الوقت ..

ترتيب أولوياتك اليومية ..

أول خطوة في التنظيم ..

بعد ما عرفتي دلوقتي إن في حاجات كتيييييرة مطلوبة منك
على جميع المستويات

بس لازم تعرفي إن في حاجات مهمة أوووي بس في حاجات أهم

وفي حاجات هتتعمل هتتعمل بس لو اتأجلت لبكرة مش هيجرى حاجة

وفي حاجات مدا مفتوحة معاكي فيها أسبوع مثلاً

وفي حاجات يومية لازم تتعمل كل يوم
وفي حاجات بتتعمل بصورة دورية كل شهر مثلاً
طيب مثال كدة معليش
،،

أعمال يومية

العبادة والصلاة ، الذكار ، الدراسة ، الشغل ، شغل البيت ، أعمال ترفيه ..

أعمال دورية

غسيل ، كوي ، زيارات ، عمل حاجات مفيدة أو اي حاجة مش لازم تتعمل كل يوم ..

إنتي بالنسبة لك مطلوب منك تعملي جدول خآص بحياتك

بتفاصيله كلها

يعني تكتبي الحاجات المطلوبة منك يومياً

والحاجات الي بتعمليها كل أسبوع ، شهر ، سنة ..


الفايدة من ده ايه ؟؟


إنك هتبقي عاملة حسابك إن في حاجات يومية ماشية معاكي على طول
وفي حاجات هتعمليها كل فترة ومتنسيهاش وتبقى محطوطة في الخطة
ومن فترة لفترة تجدديها ..

يعني لو أنتي متزوجة دلوقتي وعندك أولاد لازم تكوني حاطه جدول تنظيف للبيت مش يفضل يضرب يقلب كدة على طول

يعني كل شهر مثلاً تغسلي سجادة تنظفي حاجة معينة
ودي اسمها حاجات بتتعمل بصورة دورية يبقى معمول حساا

وهكذا لو انتي طالبة كل شهر في مراجعة معينة
بتختلف عن المراجعة اليومية المستمرة معاكي

مفهوم كدة ؟؟

أنا طبعاً كاتبة حاجات عامة يعني انتي لما تيجي تكتبي جدولك
هيبقى مخصص هتكتبي انتي بتعملي ايه بالظبط .
بالأسماء والتفاصيل
ودي أول تقسيمة وكانت على حسب يومية أو دورية




تاني تقسيمة على حسب أهميتها في اليوم
يعني لازم تتعمل اردة ولا تتأجل ولا ايه ؟؟
وإزاي أعمل الجدول اليومي
ولو اليوم خلص وفي حاجات معملتهاش أعمل ايه ؟؟

الدرس القادم إن شاء الله ..

يُتبع ..

[Dr.Sarah || ~]

رد: الدرس الثآني ~ دورة تنظيم الوقت ..

المطلوب ..

أولاً قراءة الدرس بتركيز

ثآنياً تسجيل حضورك للدرس بكتابة هل تم عمل تطبيق الدرس المآضي ام لا

ثالثاً الاستفسار عن أي نقطة موجودة في الدرس وباقي المناقشات تكون في المجموعات

رآبعاً مناقشة مشاكل اضاعة الوقت وايجاد لها حل في المجموعات

مثآل موضوع النوم ، الكلام الكتير ن الصحاب الي بيضيعولك وقتك ...

خآمساً كتابة الدروس المستفادة بعد قرائتك للدرس أيضاً في المجموعات

سادساً عمل جدول للأعماء اليومية والأعمال الدوية ومتنسيش تقرأي ورقة الأهداف المحاور والقراءة وغيرها عشان هتذودي حاجات المفروض مكنتش في حياتك قبل كدة ..

[ملتقانا الجنة]

رد: الدرس الثآني ~ دورة تنظيم الوقت ..

تم عمل تطبيق الدرس الأول :)


جزاكِ الله خيرا على المجهود ، ربنا يعينك حبيبتي

[نسمات عطرة]

رد: الدرس الثآني ~ دورة تنظيم الوقت ..

تم تطبيق الدرس السابق
جزاك الله خيرا
اسآل الله العظيم رب العرش العظيم ان يشفيك

[هي جنة طابت]

رد: الدرس الثآني ~ دورة تنظيم الوقت ..

درس مفيد جداً ما شاء الله
وتم تسجيل بعض النقاط لاهمية : )
جزااااااك الله خيراً
وتم تطبيق واجب الدرس السابق الحمد لله

إستفسار بسيط :

في النقطه دي

لأن هدفهم انهم يدخلوكي في حواراتهم إلي ملهآش فايدة !
بصمتك هتهزميهم
لأن في أغلب الأحيان مفيش بينك وبينهم قواعد فكرية مشتركة تنطلقي منها في الحوار

أنا والدي هداه الله يعني هو مفروض يحسب " ملتزم "
لكن في نقاط كثيره جداً بختلف معاه فيها
ودائماً بحب النقاش وأنا مش بحب أتناقش خلص لأن بحس
بدخل الواحد في اخطاء كتير
والواحد بخاف إنه يتكلم في حاجه من غير علم
ولو قلتله الحديث حان إسحبب ترك النقاش
يقلي لأ غلط تفسير الحديث ويبتدي يفسره بمزاجه !
مثلاً وحده من النقاط إلي تعباني إنه مش بقتنع بالفتاوي
يعني لو قلتله فتوح في موضوع نفس الحكاية يبدأ يبرر من نفسه
ويقول العلماء مش معصومين و- كل أحد كلامه يؤخذ ويرد
وطبعاً الكلام ده صح لكن هي الطريقه إلي هو بفسره بيها
يعني إذا مش أخذنا علمنا من السلف وعلماء الامه نأخذه من مين ؟؟؟!
وموضوع النقاشات الكتير ده مش بحب وتعبني
اتصرف ازاي ؟
اسفه جداااااااا للاطاله

بارك الله فيك على جهدك وأتم شفائك على خير : )

[باسمك أحيا]

رد: الدرس الثآني ~ دورة تنظيم الوقت ..

تمام
تم عمل التطبيق الماضي

بس عندي سؤال
مجموع ء دي اللي هي مجموعة د ؟

[Dr.hala]

رد: الدرس الثآني ~ دورة تنظيم الوقت ..

السلام عليكم ورحمة الله وبركاته

تم عمل تطبيق الدرس الثانى الحمد لله:)

جزاكِ ربى كل خير يا غيورة والدرس رائع فعلا

[go2allah]

رد: الدرس الثآني ~ دورة تنظيم الوقت ..

تم عمل تطبيق الدرس السابق

[مباركة أينما كنتِ]

رد: الدرس الثآني ~ دورة تنظيم الوقت ..

وعليكم السلام ورحمة الله وبركاته
تم عمل تطبيق الدرس الأول
و أبشرك بفضل الله بدأت أحس بأثر للدورة فى حياتى فعلا وحصل تغييرات الحمدلله
جزاكِ الله خيرًا
وشفاكِ الله وعافاكِ

[العوده الي الله]

رد: الدرس الثآني ~ دورة تنظيم الوقت ..

المطلوب ..

أولاً قراءة الدرس بتركيز

ثآنياً تسجيل حضورك للدرس بكتابة هل تم عمل تطبيق الدرس المآضي ام لا

ثالثاً الاستفسار عن أي نقطة موجودة في الدرس وباقي المناقشات تكون في المجموعات

رآبعاً مناقشة مشاكل اضاعة الوقت وايجاد لها حل في المجموعات

مثآل موضوع النوم ، الكلام الكتير ن الصحاب الي بيضيعولك وقتك ...

خآمساً كتابة الدروس المستفادة بعد قرائتك للدرس أيضاً في المجموعات

سادساً عمل جدول للأعماء اليومية والأعمال الدوية ومتنسيش تقرأي ورقة الأهداف المحاور والقراءة وغيرها عشان هتذودي حاجات المفروض مكنتش في حياتك قبل كدة ..

السلام عليكم ورحمة الله وبركاته

جاري تطبيق الدرس الثاني وعمل المطلوب
جزاكي الله خيرا..أسأل الله العظيم أن يشفيك ..ويوفقكي لما يحبه ويرضاه

[bent el_islam]

رد: الدرس الثآني ~ دورة تنظيم الوقت ..

تم تنفيذ الدرس الاول والحمد لله

[رباه احبك]

رد: الدرس الثآني ~ دورة تنظيم الوقت ..

تم عمل المطلوب من الدرس الماضي

[Dr.Sarah || ~]

رد: الدرس الثآني ~ دورة تنظيم الوقت ..

تم عمل تطبيق الدرس الأول :)


جزاكِ الله خيرا على المجهود ، ربنا يعينك حبيبتي

أحسنتِ

وخيراً جزاكِ

تم تطبيق الدرس السابق
جزاك الله خيرا
اسآل الله العظيم رب العرش العظيم ان يشفيك

اللهم آآمين

بارك الله فيكِ

درس مفيد جداً ما شاء الله
وتم تسجيل بعض النقاط لاهمية : )
جزااااااك الله خيراً
وتم تطبيق واجب الدرس السابق الحمد لله

إستفسار بسيط :

في النقطه دي



أنا والدي هداه الله يعني هو مفروض يحسب " ملتزم "
لكن في نقاط كثيره جداً بختلف معاه فيها
ودائماً بحب النقاش وأنا مش بحب أتناقش خلص لأن بحس
بدخل الواحد في اخطاء كتير
والواحد بخاف إنه يتكلم في حاجه من غير علم
ولو قلتله الحديث حان إسحبب ترك النقاش
يقلي لأ غلط تفسير الحديث ويبتدي يفسره بمزاجه !
مثلاً وحده من النقاط إلي تعباني إنه مش بقتنع بالفتاوي
يعني لو قلتله فتوح في موضوع نفس الحكاية يبدأ يبرر من نفسه
ويقول العلماء مش معصومين و- كل أحد كلامه يؤخذ ويرد
وطبعاً الكلام ده صح لكن هي الطريقه إلي هو بفسره بيها
يعني إذا مش أخذنا علمنا من السلف وعلماء الامه نأخذه من مين ؟؟؟!
وموضوع النقاشات الكتير ده مش بحب وتعبني
اتصرف ازاي ؟
اسفه جداااااااا للاطاله

بارك الله فيك على جهدك وأتم شفائك على خير : )

اللهم آآمين

طيب طالما انتي مش بتحبي النقاش وفري على نفسك ومتتكلميش كتير

يعني لو نفترض في موضوع اتفتح قدامك وهو شكله عاوز يتكلم معاكِ فيه

ممكن تبدأ معاه لو حسيتي انه النقاش هيتطور زي كل مرة وهيدخل في الكلام ده اسكتي وانهي النقاش

وبعد كدة لو لقيتي ان كل مرة نفس الحكاية حاولي تطبعي نفسك على الصمت

ده أفضل من وجهة نظري وعن تجربة :)

تمام
تم عمل التطبيق الماضي

بس عندي سؤال
مجموع ء دي اللي هي مجموعة د ؟

أيوة تقريباً بس أنا لغبطت :)

ربنا يبارك فيكِ

السلام عليكم ورحمة الله وبركاته

تم عمل تطبيق الدرس الثانى الحمد لله:)

جزاكِ ربى كل خير يا غيورة والدرس رائع فعلا

اللهم آمين وإياكِ يا هالة

تم عمل تطبيق الدرس السابق

بارك الله فيكِ