مجموعة ( أ ) ~ دورة تنظيم الوقت

[Dr.Sarah || ~]

،






مجموعة (أ)

أرجو من عضوات المجموعة تسجيل الدخول هنآ

ولا تنسوا أهداف المجموعة


أولاً لان عدد الأخوات كبير والمتابعة معاهم صعبة جداً..
ثانياً الشغل في مجموعة أكثر تفاعلاً وله ثمرة كبيرة..
ثالثاً وجودك في المجموعات دي هيستمر بإذن الله حتى بعد انتهاء الدورة عشان نضمن الاستمرار..
رآبعاً كل مجموعة هتبدأ تناقش الدرس مع بعضها ومطلوب انها تطلع الدوس المستفادة من الدرس ..
خآمساً بإذن الله سيتم تنظيم القراءة والجدوال وغيرها في المجموعات ..



أريد منكم في البداية تحديد اسم في خلال يوم للمجموعة

ايضاً اختيار قائدة

بآرك الله فيكم

[go2allah]

رد: مجموعة ( أ ) ~ دورة تنظيم الوقت

جزاكي الله خيرا :)

[نسمات عطرة]

رد: مجموعة ( أ ) ~ دورة تنظيم الوقت

جزاك الله خيرا

[نسمات عطرة]

رد: مجموعة ( أ ) ~ دورة تنظيم الوقت

اسماء المشتركات
مجموعة (أ)
1- Dr.Hala

2- نسمات عطرة

go2allah-3

4- قدوتي أمهات المؤمنين

5_مجموعه حورتي

6-رحيق الزهره


7- ارجو رحمتك

[نسمات عطرة]

رد: مجموعة ( أ ) ~ دورة تنظيم الوقت

كل واحة تدخل تقترح اسم للمجموعه انا بقترح
التحدى
الاراده
العزيمه
كل واحدة تقول رآيها وتقترح اسم
عاوزين واحده وقتها يسمح وتبقى القائده
الى عندها وقت تقول

[Dr.hala]

رد: مجموعة ( أ ) ~ دورة تنظيم الوقت

الدرس رااااااااااااائع بحق يا غيورة جزاكِ الله كل خير بجد :)

فعلا انا بضيع وقتى فيما لا يفيد كتير اوى

المشكلة الاكبر بجد هيه الكسل فى العبادة

وفى كل حاجة مش العبادة بس تحسى الواحد فاقد الهمة كده

تضييع الوقت اكثره بيبقى سرحان او احلام يقظة :)

مش نت وكده لأا بالعكس انا من بداية عودتى للمنتدى بدأت اصلح حياتى الحمد لله

بس للاسف الوقت فعلا مفهوش بركة

نفسى احفظ كتاب الله بإذن الله بس مش واخدها جد ومعرفش ليه !!

ربنا يعيننا يارب على طاعته

====================================

مشكلة النوم الكتير

امممممممممممممم انا بنام فى رانج 6 ساعات يوميا وساعات 4

بس حل مشكلة النوم سهلة على فكرة وموجودة فى ديننا

أذكار النوم :)

متعرفيش فيها معجزة سحر متعرفيش
مجرد ما بقولها بصحى فايقة ونشيطة بفضل الله لو نمت ساعتين فى الليل حتى

ايام المذاكرة والامتحانات كان فيه مواد صعبة تجبرك انك تسهرى وساعات كنت بنام قبل الامتحان ساعتين بس

واللهِ كنت بصحى فايقة كأنى نمت 10 ساعات لانى قلت اذكار النوم بفضل الله

بتحميكى وتحفظك فعلا من اى شيطان او كسل او تعب لو نمتى ساعة حتى

ولو عايزة تصحى على اى ميعاد ومبتسمعيش المنبة لما تقولى الاذكار هتلاحظى انك بقيتى تسمعيه فجأة فى ظروف غامضة:)

فعلا هيه الحل

او انك تنامى على طاعة قراءة قرءان مثلا او استغفار وتنامى بعدها على طول بتلاقى نفس تأثير الاذكار

معتقدش المشكلة دى ليها حل تانى وده من واقع تجربتى :)

====================================

بالنسبة للعلاقات وتحجيمها فأنا مش اجتماعية اساسا :)

منعزلة اغلب الوقت وده بيزعل ناس كتير منى ... ما علينا

مليش الا صديقتين من الكلية وأخواتى الحبيبات فى الطريق إلى الله بس :)

بعض الاخوات على الفيس من ثانوى بس نادرا ما بنتكلم يعنى

عشان نجحم العلاقات ممكن مثلا اللى عنده صديقات كتير اوى يحدد يوم واحد فى الاسبوع يكلمهم فيه ويطمن على احوالهم بس ويحط لنفسه حدود ميتخطاهاش ابدا وده لمصلحته اولا:)

انا عن نفسى مليش فى التليفونات اصلا ورصيدى بيقعد كتير الحمد لله :)
===========================================

مشكلة السياسة والكلام الكتير فيها عايزة اقولك انها ازمة حياتى مش مجرد مشكلة !!!!

دمرت علاقتى باخويا للاسف

هوه متعصب سياسيا اصلا وانا منفضة ومكبرة وهو متغاظ بقى ليه وليه مش بتابع الاخبار الحمد لله ولا بتكلم فى السياسة وموضوع الاخوان بقى ليل ونهار زى باقى الشعب

بس الحمد لله العلاقات اتصلحت مؤخرا :) دعواتك تفضل كده لحسن هوه عصبى وانا مبعرفش اتحكم فى اعصابى لما يستفزنى - ياريت تتكلمى عن حلول للعصبية الزايدة نفسى بجد -

فعلا الصمت حل لأغلب مشاكل حياتنا

" أمسك عليك لسانك " وصية رسول الله اللى لو طبقناها هنرتاح ونريح اللى حوالينا بس للاسف مش علطول بلتزم بيها

عارفة نفسى فعلا التزم بوصف اليهودى لرسول الله فاكراه

" يسبق حلمه جهله ولا يزيده شدة الجهل عليه إلا حلماً "

بس بحسه صعب اوى

ابقى اعمليلى دورة تنمية بشرية عن العصبية وعلاجها والصمت واهميته بعد ما نخلص دى بإذن الله بقى :)

===========================================

انا كتبت اولويات دورية ويومية زى ما قلتى

* الدورة دى فعلا رائعة وانا مستبشرة بيها خير وانها بدأت تؤتى ثمارها فعلا بفضل الله

* فعلا تنظيم الوقت وعمل جدول لحياتك وانك تهتمى ويبقالك اهداف بيغير حياتك بأكملها وبيأثر على اللى حواليكى

==============================

عايزين اسماء كتب بقى نحددها مع بعض للقراءة بإذن الله

ايه رأيكم فى : * خلق المسلم - لمحمد الغزالى

* جدد حياتك لمحمد الغزالى

* استمتع بحياتك - العريفى

واحد منهم مش كلهم اكيد

ونقرأ مثلا 10 صفحات يوميا كفاية اوى عشان مش نزهق

==============================

[go2allah]

رد: مجموعة ( أ ) ~ دورة تنظيم الوقت

حجمي علاقاتك ..
انا معظم اصحابي بتبقى علاقتي بيهم سطحية الا واحدة او اتنين هما اللي اصحابي اوي

بلاش كلام كتير
كنت الاول بدخل في نقاشات كتير بسبب السياسة لكن لما لقيت مفيش فايدة بقيت اسكت

النت بقى هو مشكلتي اني بقعد عليه كتير مش ادمان هو لكن مش بلاقي حاجة اعملها خصوصا في الاجازة فمش بلاقي غيره قدامي وكمان مش بحب القراءة فمش عارفة الاقي حاجة اشغل بيها وقتي

النوم بنام حوالي 6 ساعات وبردة لما بلاقي فراغ بنام اكتر

[نسمات عطرة]

رد: مجموعة ( أ ) ~ دورة تنظيم الوقت

( تضييع الوقت )
انا عندى المشكله دى يعنى مسئولياتى كتييير وافضل الف وآخر اليوم احس انى معملتش حاجه
حجمي علاقاتك
انا اصلا علاقاتى كلها فى حدود يعنى مبحبش الاختلاط الكتير والزيارات وتقريبا مبخرجش غير عند ماما او اختى او اى مناسبه ضروريه
بلاش كلام كتير
انا اصلا برضه كلامى قليل وخصوصا الا يام دى لان بحس ان الكلام ملهوش لازمه
الموضوع ده كمان تطور الايام دي عشان السيآسة
بالظبط كده انا كنت الاول افضل اجادل واتكلم وخصوصا ان زوجى واهلى كلهم رآيهم مخالف لرآيئ لكن فى الاخر تعبت وبطلت كلام وبقيت اسمع واسكت بس بصراحه بتبقى نفسيتى تعبانه قووووى

إن الذين كآنوا قلنآ كانوا يكرهون فضول الكلام ..

ومآ فضول الكلام عندهم ؟

قيل .. كآنوا يعدون كل كلام فضولاً ما عدا كتآب الله عز وجل أن يُقرأ او يُفهم ، وحديث رسول الله صلى الله عليه وسلم أن يُروى ويُدرى ، أو أمراً بالمعروف ونهياً عن منكر .
ياريت نوصل لربع المرحلة دى يعنى نتكلم فى المهم والضرورى بس انا من يوم مااشتركت هنا وانا بحاول اتغير بجد عاوزين نهتم بنفسنا وبس
بسم الله الرحمن الرحيم
(يايها الذين امنوا عليكم انفسكم لا يضركم من ضل اذا اهتديتم )
صدق الله العظيم
متخليش حياتك تافهه ..
هى دى مشكلتى وخصوصا النت بضيع وقت كتيير
نفسى اعمل حاجات مهمه عاوزة احفظ قرآن وااقعد مع ولادى وقت اطول وحاجات تانيه كتيير قووووووووووى
قللي وقت النوم
مبنمش كتيير اكتر حاجات 6 او 7 ساعات
والحمد لله بحافظ على صلاة الفجر
ترتيب أولوياتك اليومية ..

أول خطوة في التنظيم
بالنسبه لى
العباده
الشغل
الولاد
زوجى
البيت
اهلى لانى تقريبا بزورهم يوميا
واخيرا اناااااا ..ده لو فضل وقت

[نسمات عطرة]

رد: مجموعة ( أ ) ~ دورة تنظيم الوقت

السلام عليكم ورحمة الله وبركاته
ايه يا بنات انتو فيين
معقوله محدش دخل خالص لا كده مينفعش
احنا عاوزين تفاعل ونقاشات عشان الكل يستفاد

[نسمات عطرة]

رد: مجموعة ( أ ) ~ دورة تنظيم الوقت

يعنى يومين يا بنات محدش دخل ولا قال اى كلمه ولا رآى ولا مناقشه
المجموعات كلها ماشاء الله بتحط افكار ورؤيه واحنا مفيش تفاعل خالص
لا حول ولا قوة الا بالله

[نسمات عطرة]

رد: مجموعة ( أ ) ~ دورة تنظيم الوقت

ده جدول للعباده
لقيته على النت بس سهل وبسيط
يارب حد يدخل بقى بدل ماانا بكلم نفس

[كريمة الاسلام]

رد: مجموعة ( أ ) ~ دورة تنظيم الوقت

السلام عليكم
هل ممكن اشترك معكم فى المجموعه

[go2allah]

رد: مجموعة ( أ ) ~ دورة تنظيم الوقت

ده جدول للعباده
لقيته على النت بس سهل وبسيط
يارب حد يدخل بقى بدل ماانا بكلم نفس

جزاكي الله خيرا

خلاص تمام نمشي عليه ونبقى نزود حاجة جديدة كل اسبوع او اسبوعين

[حورتي]

رد: مجموعة ( أ ) ~ دورة تنظيم الوقت

السلام عليكم اعذروني بس انا عندي طفله مولوده غير بنوتين عندي 5 و3 سنوات فاعطوني فرصه بس افوق لان بنوتي عمرها شهر لنل نفسي اتغير احافظ علي وقتي كل حاجه تبقي بوقت وحساب نفسي مضيعش وقت بس تلاقيني بروح وادخل الفيس بوك معرفش ليه هواحنا ليه اتعلقنا بالفيس بوك خاصه المغتربين

[حورتي]

رد: مجموعة ( أ ) ~ دورة تنظيم الوقت

بس كمان عايزه اعرف حاجه هو كل مجموعه صفحه والدرس في صفحه والجديد في صفحه حد يفهمني الصفحات بنتابعها ازواي