الدرس الأول ~ دورة تنظيم الوقت ...

[نسمات عطرة]

رد: الدرس الأول ~ دورة تنظيم الوقت ...

بصى انا عندى مشكلة كبيرة جدااا مع شغلى
يعنى انا بحس انى مبشتغلش بجد والحكايه تتلخص فى انى مدرسه تربية رياضيه لكن للاسف انا عندى فيه مدرسين رجاله ومبعرفش ااقوم بشغلى خااالص لان شغلى فى الحوش والكل بيبقى موجود مبعرفش اشتغل وبحس ان كده مرتبى حرام لان شغلى كله على الورق وبس والموضوع ملوش حل وللاسف مقدرش اسيب الشغل لانى محتاجه للمرتب
عاوزة اعرف رآيكوا فى الموضوع ده

[ارجو رحمتك]

رد: الدرس الأول ~ دورة تنظيم الوقت ...

الدورة ما شاء الله جميلة
ربنا يجازيكِ عنا كل خير

أولاً :
أنا عندي مشكلة إن أنا مش بعرف أعبر عن اللي جوايا من مشاعر حب مثلا
بكتب حلو بس بالكلام بالنسبة لي صعب أوي
نفسي أحل المشكلة دي أوي
بس عشان أنا متعودتش فحاسة إن صعب كده لما اللي حواليا يلاقوني اتغيرت فجأة
الله المستعان

ثانيا :
جدول العبادة الأخوات تقريبا متفقين إن احنا نبقي مواظبين علي الأساسيات
(الصلاة علي وقتها - السنن الرواتب -الأذكار - قيام الليل - ورد القران )
وياريت لو نزود عليهم صيام الاثنين والخميس كمان

ثالثا :
بالنسبة للكتب بقترح قراءة كتاب
1) التوازن التربوي في حياة المسلم للدكتور مجدي الهلالي
ليه علاقة أوي بالدرس ده
2)عجز الثقات
بقرأة حاليا وهو فعلا بيعلي الهمة بفضل الله
3)كتب خالد أبو شادي وعبد الكريم بكار برضه جميلة

[ملتقانا الجنة]

رد: الدرس الأول ~ دورة تنظيم الوقت ...

اختنا قالت تبدئى الاول تحددى ادورارك والاهداف والمطلوب منك فى كل دور
وشوية بشوية مع الدروس بفضل الله حتنحل مشاكلنا

نصيحة: اقرئى الدرس قراءة سريعة ثم بعد ذلك هاتى كشكولك وعيدى القراءة بس بتركيز على نقطة نقطة وسجلى الكلام المحفز وال عجبك وحيزيدك حماس
وبأمر الله تعالى حتلاقى نفسك بدأت تشعر ببداية تغيير
ربنا يصلح أحوالنا ويستعملنا لمرضاته[/quote]


جزاكِ الله خيرا حبيبتي ع النصيحة انا بالفعل عملت كده و بادئة احس بتغيير كده من جواايا رغم انه لسه ماظهرش عملي يعني بس الله المستعان.

[آلاء أمة الرحمن]

رد: الدرس الأول ~ دورة تنظيم الوقت ...

جزاكي الله خيرا :)

واياكي يارب بس ياريت تشجعيني اننا ننفذ اللي كتبتهولك مايبقاش كلام و خلاص

[go2allah]

رد: الدرس الأول ~ دورة تنظيم الوقت ...

واياكي يارب بس ياريت تشجعيني اننا ننفذ اللي كتبتهولك مايبقاش كلام و خلاص

ماشي ياريت :)

انا هحاول وانتي كمان ونبقى نرد على بعض

[قراني جنتي]

رد: الدرس الأول ~ دورة تنظيم الوقت ...

جزاكى الله خيرا
انا الحمد لله طبقت الدرس الاول
انا نفسى اكون ناجحه فى حياتى العلميه والاسريه

بس انا عندى مشكله انا دايما كنت بعمل جداول عباده وامشى عليه فتره
وبعدين اسيبه وبعدها احس ان انا محبطه ومش عارفه اعمل ايه ؟؟

وبالنسبه لجدول العباده خلينا نحافظ الاول على الاساسيات كالصلاه على وقتها وبالاخص صلاة الفجر
وورد القران الكريم وورد الادعيه والاذكار والسنن الرواتب
وكمان الصيام صيام الاثنين والخميس

اما بالنسبه للكتب فكتاب اسعد امراه فى العالم للدكتور عائض القرنى
وكتاب سلسة محو الاميه التربويه للدكتور محمد المقدم
وكتاب استمتع بحياتك للدكتور العريفي
وكتاب مختصر تفسير بن كثير وكتاب شرح ا لاربعين النبويه للشيخ بن عثيمين

ربنا يجزيكي كل خير الدرس جميل جدا

[العوده الي الله]

رد: الدرس الأول ~ دورة تنظيم الوقت ...

السلام عليكم ورحمة الله وبركاته
الحمدلله قدرت أحدد الادوار.. والمشاكل بتاعت كل دور...الله المستعاااااان
وكمان الهوايه اللي أكيد طبعا هتكون القراءه أنا بحب أقرأ للدكتور ابراهيم الفقي رحمه الله أسلوبه أكثر من رائع...
وقصص حقيقيه من الواقع للتائبات

[نسمات عطرة]

رد: الدرس الأول ~ دورة تنظيم الوقت ...

أولاً .. اختاري هواية تمارسيها أو حاجة انتي بتحبيها
لو عندك فعلاً اكتبيها ولو مش عندك حاولي تشوفي أي حاجة وابدأي تمارسيها
قراءة ،، تصميم جرافيك ،، كتابة ،،
أي حاجة مفيدة بتحبيها
انا بحب القراءه جداااااااا
ثانياً .. ابدأي اكتبي جدول للأهتمام بجمالك ونفسك وقولي هشتري كذا وأعمل كذا ،،
(أي حاجة مش حرام طبعاً )
فعلا مهم جداااا مننساش نفسنا فى وسط كل الاهتمامات دى
ثالثاً.. عاوزة جدول عبادة محترم .. ( مفتوح للمناقشة )
وياريت نهتم بالجانب المعنوى عشان نرفع الهمه ونثبت على الطاعة
رابعاً .. عاوزة مصدر ثقافة .. لازم تختاري كل شهر كتاب تقرأيه وبصورة دورية
يا إما من على النت يا إما تشتريه
كتاب في أي مجال .. ديني ، تنمية بشرية ، معلومات عامة ، تربية الأولاد ، الحياة الزوجية ، ( مفتوح للمناقشة )
معظم قرآتى فى الجانب الدينى وححاول ازود جوانب تانية

*.*.*

[قدوتي أمهات المؤمنين]

رد: الدرس الأول ~ دورة تنظيم الوقت ...

السلام عليكم ورحمة الله وبركاته

أنا مشكلتي حاليا

إني مش عاوزة أقرأ الموضوع من الأول علشان أعرف المطلوب
+
إن عندي هاجس وقتي بيضيع حياتي بتنتهي عاوزة أعمل حاجاااااااااااات كتييييييييييييييييير أوي

ومش لاحقة طيب هأخلص ايه ولا ايه

وتقريبا كله مهم بالنسبة لي

الله المستعان

#أنيــــــن#
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
لاتنسوني من صالح دعاااائكم
صلِ علي الحبيب صلي الله عليه وسلم

[Dr.Sarah || ~]

رد: الدرس الأول ~ دورة تنظيم الوقت ...

السلام عليكم و رحمة الله و بركاته ،،

جزاكم الله خيرا

يعني انا المطلوب مني دلوقت

ابدأ بنفسي ان شاء الله

هواية
الاهتمام بالجمال
جدول عبادة
مصدر ثقافة

صح ؟ ؟

ابدأ امسك كشكول و اكتب فيه ممكن اعمل في كل حاجة من دي ايه
صح ؟

انا هوايتي اني بموووت في التصميم بجد بفضل الله
احبه جداا اقضي فيه معظم وقتي

الاشياء الاخرى انا واقعة فيها تماما

احتاج فضفضة مع نفسي ^^:)
ومساعدتكم ممكن لو اشكل علي شيء اسألكم ؟ :)

وعليكم السلام ورحمة الله وبركاته ،

نعم صحيح ده المطلوب

كلنا نحتاج فضفة والله

طبعاً أكيد لو في حاجة وقفت معاكِ شاركينا بيها

السلام عليكم ورحمة الله وبركاته

انا جبت كشكول وكتبت النقاط المهمة فى المقدمه

ولكن الاسئلة مجاوبتش عليها لسه عاوزه افهم من حضرتك ايه اللى انت عاوزاه بالضبط

يعنى مثلا ايه هى محاور حياتى ؟ايه الفرق بينها وبين ايه اهدافى ؟؟

جزاكم الله خيرا

وعليكم السلام ورحمة الله وبركاته ،

أهدافك الحاجات الي انتي عاوزة تحقيقيها

محاور حياتك يعني حياتك بتدور حول ايه ؟

دراستك ، شغلك ، بيتك ، اصحابك ، عبادتك وهكذا ..

بارك الله فيكِ

وعليكم السلام ورحمة الله وبركاته

ج ــار عمل التطبيق بإذن الله


رابعاً .. عاوزة مصدر ثقافة .. لازم تختاري كل شهر كتاب تقرأيه وبصورة دورية
يا إما من على النت يا إما تشتريه
كتاب في أي مجال .. ديني ، تنمية بشرية ، معلومات عامة ، تربية الأولاد ، الحياة الزوجية ، ( مفتوح للمناقشة )

وممكن قصص وروايات ..
وممكن بما إن أغلبنا ليه في التصميم كتب دروس .. يعني زي ده مثلًا

فيه كتب بتكون طرائف .. يعني زي جحا وماشابه ودي بتكون مناسبة أكتر وقت الترفيه بحيث إن الواحد بينفس عن نفسه شوية بكام ضحكة :)


وفيه كتب طهي ،،
وكتب تقنيات بالنسبة للي ليهم في التقنية والبرمجة وماشابه
وفيه كتب كتير بس حاليًا نفدت أفكاري


طيب أنا عندي سؤال ..
احنا قلنا هنعمل جدول
الجدول ده أنا هعمله ودلوقتي ولا الدرس الجاي لسة على ما نتناقش في الحاجات المفتوحة للنقاش ؟
ولو المرة الجاية أنا بردو اللي هعمله ع اساس إني أنا اللي عارفة مواعيدي وكدة
ولا هنتفق كلنا على جدول لطلبة المدارس مثلًا وتاني لطلبة الكلية وواحد تاني للمتزوجين ومافوق :)

ومعلش عندي سؤال تاني
بعد تنظيم المواعيد والأوقات أعمل ايه في الزيارات المفاجئة والحاجات الغير المتوقعة ؟
لو كان ده تسرع عالدروس الجاية قولولي عشان مش عارفة وقتها ده ولا لأ *__^

ربنا يجزيكِ خير على صبرك معانا :)

اقتراحات جميلة بالنسبة لدروس التصميم والروايات وغيرها

بالنسبة للجدول

احنا لسه هنتعلم الجدول في الدرس الي بعد الجاي تقريباً إن شاء الله

لكن نقاشاتنا حول الحاجات الي هنحطها في الجدول

يعني ايه مصادر التسلية والثقافة والعبادة وغيرها

وايضاً في درس الجدول هتتعلمي إزاي تتعاملي مع الأمور الي مكنتيش عاملة حسابها

متنسنيش من دعواتك :)

وعليكم السلام ورحمة الله وبركاته
ج ــار عمل التطبيق بإذن الله


ثالثاً.. عاوزة جدول عبادة محترم .. ( مفتوح للمناقشة ) : انا بقول نكتب فيه حاجات زى عدم الغيبه والنميمه وعدم الكذب والصلاة فى وقتها وقيام الليل والسنن وبر الوالدين والامتناع عن الشتيمه حتى لو هزار زى ياهبله وكدا و التقليل من الهزار وقراءة قراءن واذكرا وحفظ قراءن
رابعاً .. عاوزة مصدر ثقافة .. لازم تختاري كل شهر كتاب تقرأيه وبصورة دورية
يا إما من على النت يا إما تشتريه
كتاب في أي مجال .. ديني ، تنمية بشرية ، معلومات عامة ، تربية الأولاد ، الحياة الزوجية ، ( مفتوح للمناقشة )

انا بقول الاول نقرأ عن المشاكل الحياتيه ولما نرفهه عن نفسنا قصص وروايات و الى يكون دايما معانا حاجات دينيه
انا مشاكلى بتنحصر فى الدراسة والتعامل مع الناس او الاسرة

ربنا يجزيكِ خير على صبرك معانا :)

آمين ولكِ بالمثل :)


اضافاتك رائعة بخصوص جدول العبادة

وبجد ده الي بنوي أركز عليه إن شاء الله

وعليكم السلام ورحمة الله وبركته
درس رااااائع ما شاء الله
الحمد لله أتمت التطبيق السابق
وجار تطبيق الجديد بإذن الله
وإن شاء الله لي عوده للنقاش
باااااارك الله فيك يا غالية وأحسن إليك : )

وفيكِ بورك أختي

في انتظارك بعد التطبيق

[Dr.Sarah || ~]

رد: الدرس الأول ~ دورة تنظيم الوقت ...

جزاكِ الله خيرًا
بجد رووووووعة ما شاء الله
حاسة إنى فعلا هاكون إنسانة جديدة بعد الدورة دى بإذن الله
ربنا يجعله فى ميزان حسناتك
الحمدلله تم تنفيذ تطبيق الدرس اللى فات
ولسه هعمل جلسة الفضفضة بتاعت المرة دى واكتب فى الكشكول زى ماطلبتى

بالنسبة للقراءة بحب القراءة فى الدين والتنمية البشرية
فى كتاب كيف تخطط لحياتك روووعة جدااا وبيساعد بردو فى موضوع تحديد الأهداف
وفى كتاب (عجز الثقات) نفسى اقرأه بس كل شوية بنشغل عنه بس أكتر من حد شكر فيه قوى
وفى كتاب (قصة الالتزام والتخلص من رواسب الجاهلية ) للشيخ يعقوب حلو جدا وبيعالج الآفات والمشاكل اللى بتخلينا أغلبنا نفتر بعد سنة او اتنين من الالتزام
وحاليا بقرأ فى العقيدة كتاب ( أصول الإيمان ) عشان الزمن ده لن ينجو فيه إلا أهل العقيدة السليمة فبصحح عقيدتى أولا

وبالنسبة لجدول العبادة أعتقد الأفضل كل واحد يحدد لنفسه الكم
بس ممكن نتفق على الأوراد الأساسية
مثلا ورد قرآن "تلاوة" _ وللى بيحفظ ورد حفظ ومراجعة _ ورد قيام ليل _ ورد ذكر
وممكن نخلى كل أسبوع نتخلص من ذنب أو آفة معينة زى الغيبة والكذب فى المزاح والعصبية الشديدة وغيرها
يعنى دى اقتراحاتى واتمنى انها تفيد

يارب تعود عليكِ بكل خير إن شاء الله :)

جميل جداً الكتب إلي ذكرتيها ..

اقترحاحتك رآئعة

بإذن الله سنجمع هذه الأفكار في مشاركة واحدة

تمام .. عملت التطبيق اللي فات و رتبت افكاري و حطيت ايدي ع الوجع ^^


طب انا مبدئيا مش بحب شغل البيت :/ ,, لازم احبة عشان اعمله و لازم اجدد النية عشان تكون بداية صالحة والعمل يستمر ..

عندي مشكلة بشعة التسويف و الكسل و بحس اني محتاجة حافز دايما على اي حاجة المفروض اني اعملها مش بحس فيه دافع كده يخليني اعمل الحاجة بحماس ، اي حاجة فـ حياتي ببتدي فيها بعدين شوية بشوية الحماس ينطفي خلاص مش عارفة ابتدي تاني ..

كل إنسان محتاج حافز دايماً دي مش مشكلة ده متطلب لازم نحققه

اسمتري فقط معنا وبإذن الله وجود الكم الكبير ده من الاخوات مع بعض يقترحوا ويحددوا بإذن الله هتجدي الحافز

السلام عليكم ورحمة الله وبركاته
تم تطبيق المقدمة

وعليكم السلام ورحمة الله وبركاته

أحسنتِ

بارك الله فيكِ

الله يبارك في كلامك بصراحة حطيتي ايدك على الجرح يعني بإذن الله ستسهل عملية المعالجة
رجعتي في أمل التغيير للأفضل والإنضباط
جزاك الله خيرا متابعة إن شاء الله وبسجل النقاط اللي حددتي في دفتري
تستهلي أحلى تقييم

ربنا يبارك فيكِ :)

خدي بالك إن مش كله ليه في القصص والروايات
بالإضافة إلى إن مش كلنا بنحب نقرأ في المجال الديني
يعني نقرأ آه في الديني
لكن اللي يكون معانا على طول ..

فيه ناس وأنا منهم بيحبوا ينوعوا في القراءة يعني مرة معلومات وتقنية ومرة علم الحيوان ومرة في المجال الديني وووو

حبيت أعلق بما إنها للنقاش

انا عندى فى البيت قصص كتير اوى من نوعية رجل المستحيل - ما وراء الطبيعة وهكذا

ممتعة لكن مش بتفيدنى اوى للاسف يعنى سنوات قراءة وحاسة انى بلا ثقافة اصلا

فيها معلومات فعلا بس مش هيه النبع اللى تتثقفى منه بجد

مش زى الكتب بس انا مدمنة قصص للاسف

بس عايزة اسماء كتب نفسى انوع شوية بإذن الله

إضافة فقط للكلام ده

في ناس بتستمع بالروايات

وأنا من رأيي إنها تكون مفيدة زي عودة الذئب قلب اللهب وغيرها ..

وفي ناس بتقرأها للتدريب على القراءة

[Dr.Sarah || ~]

رد: الدرس الأول ~ دورة تنظيم الوقت ...

السلام عليكم ورحمة الله وبركاته


الحمدلله تعالى تم تطبيق الدرس السابق
ومتابعة معك

جزاكِ خيرا ياارب ونفع بك
جارى عمل المطلوب

بالنسبة لتحديد الاهداف والادوار والمشاكل ال بتواجهنى جارى العمل
الاهتمامات:

الهواية: كانت زمان الرسم كنت بحبه جدا والان عوضت عنه بالتصميم
بحب دروس الفوتشوب وعمل الفيديوهات واى شىء خاص بالتصميم
وكنت قبل رمضان بسمع درس من اليوتيوب فوتشوب واطبقه مع نفسى


وكمان بحب اسمع برامج وكتب عن العناية بالبشرة والشعرة

الكتب:
ياليت تتنوع شهريا
يعنى انا محملة على جهازى كتب د.إبراهيم الفقى _ وبحب اقرأ كتاب عن مقارنة الاديان
فى كتاب اسمه (كتاب القرآن الكريم والتوراة والإنجيل والعلم لموريس بوكاي) هو كتاب مترجم لعالم فرنسى اسلم
وكنت لسه حابدأ اقرأه
وبحب كتب المعلومات العلمية وخاصة الاعجاز العلمى بحبه جدا
وكتب تربية الاولاد وتعلم فن الدعوة الى الله
وكتب الشيخ العريفى وابوشادى ومحمود المصرى خاصة الموسوعة العلمية الاخيرة

ربنا يزيدك من فضله

رآآئع جداً ما ذكرتي
وباذن الله سنختار معاً ونحدد أسماء كتب من تأليف الشيوخ الأفاضل التي ذكرتيهم

ربنآ يعينك

أختنا قالت لو انت قعدت مع نفسك وحددتى انت بتعملي الحاجة دى ليه (وهى نواياك)
هتعمليها بنفس فبكده حتحبيها
يعنى مثلا لو متزوجة: حتقولى مثلا
علشان اعين زوجى على العمل لانه لو اكل كويس حتزيد طاقته وكمان علشان يقول زوجتى اشطر طباخة وميبصش لاكل بره
علشان اثبت نفسى انى بقدر ابتكر فى الاكلات
وكمان لان دى دور من دورك كزوجة

ولو بنت:
علشان تساعدى والدتك وتنولى رضا الله عز وجل كنوع من البر للوالدين
علشان تكون طباخة المنزل الماهرة وتروحى لزوجك ان شاءالله ويتشرف بيك وسط اصحابه لما يعزمهم
علشان انت البنوتة ال فى البيت فلازم تراعيهم وتعمليلهم الاكل تثبت فيه نفسك وحتفرحى لما يمدحوك عليه

اسمعى مثلا يوتيوبات اكلات وادخلى جربيها وان شاءالله اكيد حتطلع حلوة
وبكده ممكن تباتى فى المطبخ *__*


عندي مشكلة بشعة التسويف و الكسل و بحس اني محتاجة حافز دايما على اي حاجة المفروض اني اعملها مش بحس فيه دافع كده يخليني اعمل الحاجة بحماس ، اي حاجة فـ حياتي ببتدي فيها بعدين شوية بشوية الحماس ينطفي خلاص مش عارفة ابتدي تاني ..

اختنا قالت تبدئى الاول تحددى ادورارك والاهداف والمطلوب منك فى كل دور
وشوية بشوية مع الدروس بفضل الله حتنحل مشاكلنا

نصيحة: اقرئى الدرس قراءة سريعة ثم بعد ذلك هاتى كشكولك وعيدى القراءة بس بتركيز على نقطة نقطة وسجلى الكلام المحفز وال عجبك وحيزيدك حماس
وبأمر الله تعالى حتلاقى نفسك بدأت تشعر ببداية تغيير
ربنا يصلح أحوالنا ويستعملنا لمرضاته[/quote]

رآآئع صراحة ردك

وامنى كل الأخوات يشاركوا مثلا

جزاكِ الله خيراً

الحمد لله تم تطبيق الدرس

الدرس رااااااااااااائع اصلا

المشكلة فيا مش فى الدرس

عارفة يا غيورة المشكلة فى عدم الاستمرار

نفسى فى حافز

حافز للعبادة حافزفى الكورسات حافز حتى فى الاستمرار فى دورتك دى :)

حافز لشغل البيت وهكذا

الواحد اصلا لما بينوى ويشتغل بيقى ما شاء الله شعلة نشاط

المشكلة فى الاهتمام والحافز والاستمرار

ايه اللى هيشجعنى على الاستمرار معاكى فى الدورة ؟؟

وفى العبادة ؟؟؟

منا ياما حطيت جداول

والواحد بيمل ويرجع لنقطة الصفر

ولا هو عارف يستمر ولا عارف يرجع

نفسه يصلح حياته بس ميعرفش ليه بيرجع للبداية تانى ؟؟!!

وده اللى مضايقنى : لامبالاة أو إهمال مكانوش موجودين وأوجدهم الفراغ لما الدراسة خلصت !!
=====================================

حطيت الجدول وطبقت الحمد لله فى الكشكول

هوايتى : القرءاة

معرفش كتب ياريت تدينى أسماء كتب اقرأها وابدأ بيها

واقرأ كل يوم قد ايه ؟؟ كام صفحة ؟؟؟ وايه افضل الاوقات للقراءة ؟؟

فيه كتاب اسمه " استمتع بحياتك " للعريفى سمعت عنه

ينفع أبدأ بيه بإذن الله ؟؟
===========================================

جدول العبادة بيتضمن : ورد يومى قرءانى جزء مثلا بإذن الله

* الاستغفار - حفظ القرءان ومراجعته بإذن الله

* درس دينى يومى بإذن الله قدر الاستطاعة

وياريت لو تساعدينى وتدينى اسم اولينك لدورة ايمانية لشيوخنا مثلا هانى حلمى - حازم شومان و...

* سور اساسية للقرءاة يوميا بإذن الله ( الملك - الدخان - الواقعة ) لاحظى انها بتعدى الـــــ 100 آية بفضل الله " من قام بمائة آية .. " الحديث

* الدعاء ونفسسسسسسسسسى اووووووووووووى انتظم فيه بس بنساه للاسف

==============================

كتبت فى العلاقات الاسرية ما استطعت الحمد لله وربنا يعيننا ويصلح احوالنا

ربنا يباركلك يارب يا غيورة

أهلا هالة :)

أولاً في موضوع الحافز ده كله بيشتكي منه

وكل الي هنقوله فيه دلوقتي انني يكفي وجودنا مع بعض حافز

وبعدين هنناقض الموضوع بالتفصيل بعد كدة إن شاء الله

جدول العبادة بصراحة رآآآئع جداً

وهاخد مشاركاتك وأسجلها في المشاركات المهمة

كمان بخصوص الكتب وغيرها بإذن الله هنحدد كل ده

أنواع الكتب وعدد الصفحات في اليوم وغيرها

ربنا يبارك في نشاطك دآآيماً ويعلي همتك :)

[يارب ارزقنى الفردوس الاعل]

رد: الدرس الأول ~ دورة تنظيم الوقت ...

السلام عليكم ورحمه الله وبركاته
جزاكم الله خيرا جميعا بس انامشكلتى فى تحديد الهدف بتتغير انا اصلا خريجة هندسة ومشتغلتش ساعات بابقى نفسى اشتغلوكدة وساعات ببقى مش عاوزة واقول لا فى اختلاط ومواصلات وزحمة وانا مش حبى كدة واللى حواليابيقول انتى اللى مكسلة مش بتدورى على شغل وكلام كتير بيحبطونى واضيع وقتى فى تدوير على شغل فانا مش عارفة ادور على شغل ولا انس الموضوع تماما واركز فى حياتى وكمان بدات حفظ قران مرتين ومجموعتى تتفركش ومنكملش والمعلمة تقول مش فاضى ويبق انا بس بحاول اداوم بس فترة وببقى لوحدى فبقع ومش بكمل انا بدعى ربنا يكرمنى بالزوج الصالح وبقرأ فى التربيه الاولاد ومعاملة الزوج وتنمية بشرية بحاول اسمع برامج ثقافية من النت التليفزيون والحمد لله محافظة على الصلاة والاذكار وبردك حسة اللى حواليا مش متقبلن يقوللىانتى فاضية انتى بتعملى ايى حتى لو بسمع حاجة مفيدة مش بيهنونوى عليها فبجد ربنا يثبتنى ويهدينى ونكون هنا صحبة صالحة تشجعونى وتاخدو ايدى وادعولى معليشو انا طولت عليكم بس بجد انا بحب الموقع دا اوى والدكتور حازم شزمان ربنا يجازية عنا خير

[Dr.Sarah || ~]

رد: الدرس الأول ~ دورة تنظيم الوقت ...

يا أخوات أنا عارفه إن لسه في ردود كتيرة مردتش عليها

لكن فضلاً ندخل نسجل هنا سريعاً

مجموعآت المشتركآت في دورة تنظيم الوقت ..

[حورتي]

رد: الدرس الأول ~ دورة تنظيم الوقت ...

السلام عليكم ورحمه الله وبركاته
جزاكم الله خيرا جميعا بس انامشكلتى فى تحديد الهدف بتتغير انا اصلا خريجة هندسة ومشتغلتش ساعات بابقى نفسى اشتغلوكدة وساعات ببقى مش عاوزة واقول لا فى اختلاط ومواصلات وزحمة وانا مش حبى كدة واللى حواليابيقول انتى اللى مكسلة مش بتدورى على شغل وكلام كتير بيحبطونى واضيع وقتى فى تدوير على شغل فانا مش عارفة ادور على شغل ولا انس الموضوع تماما واركز فى حياتى وكمان بدات حفظ قران مرتين ومجموعتى تتفركش ومنكملش والمعلمة تقول مش فاضى ويبق انا بس بحاول اداوم بس فترة وببقى لوحدى فبقع ومش بكمل انا بدعى ربنا يكرمنى بالزوج الصالح وبقرأ فى التربيه الاولاد ومعاملة الزوج وتنمية بشرية بحاول اسمع برامج ثقافية من النت التليفزيون والحمد لله محافظة على الصلاة والاذكار وبردك حسة اللى حواليا مش متقبلن يقوللىانتى فاضية انتى بتعملى ايى حتى لو بسمع حاجة مفيدة مش بيهنونوى عليها فبجد ربنا يثبتنى ويهدينى ونكون هنا صحبة صالحة تشجعونى وتاخدو ايدى وادعولى معليشو انا طولت عليكم بس بجد انا بحب الموقع دا اوى والدكتور حازم شزمان ربنا يجازية عنا خير

انتي زيي بالظبط خريجه هندسه والهندسه دي مشتغلتش بيها خالص وتزوجت من 6 سنوات وحفظت القران بدون مراجعه وتايهه اساسا ومش عارفه انظم حياتي وعندي 3 بنات والله المستعان وبقول اخذ دورات واشتغل بمجالي ولا اعمل ايه واحيانا اقول وقرن في بيوتكن وطالما زوجي ميسور خلاص دي كمان حاجه منغصه عليه حياتي لاني حاسه تعبت واتعلمت علي الفاضي نفسي اخرج من الحاله دي وانجز في حياتي لاني خايفه العمر يضيع وانا مش مستقره بتفكيري حاسه اني كبرت انا 29 سنه وخايف اوي افضل واموت كده واقابل ربنا وانا كده