الدرس الأول ~ دورة تنظيم الوقت ...

[حورتي]

رد: الدرس الأول ~ دورة تنظيم الوقت ...

السلام عليكم ورحمه الله وبركاته
جزاكم الله خيرا جميعا بس انامشكلتى فى تحديد الهدف بتتغير انا اصلا خريجة هندسة ومشتغلتش ساعات بابقى نفسى اشتغلوكدة وساعات ببقى مش عاوزة واقول لا فى اختلاط ومواصلات وزحمة وانا مش حبى كدة واللى حواليابيقول انتى اللى مكسلة مش بتدورى على شغل وكلام كتير بيحبطونى واضيع وقتى فى تدوير على شغل فانا مش عارفة ادور على شغل ولا انس الموضوع تماما واركز فى حياتى وكمان بدات حفظ قران مرتين ومجموعتى تتفركش ومنكملش والمعلمة تقول مش فاضى ويبق انا بس بحاول اداوم بس فترة وببقى لوحدى فبقع ومش بكمل انا بدعى ربنا يكرمنى بالزوج الصالح وبقرأ فى التربيه الاولاد ومعاملة الزوج وتنمية بشرية بحاول اسمع برامج ثقافية من النت التليفزيون والحمد لله محافظة على الصلاة والاذكار وبردك حسة اللى حواليا مش متقبلن يقوللىانتى فاضية انتى بتعملى ايى حتى لو بسمع حاجة مفيدة مش بيهنونوى عليها فبجد ربنا يثبتنى ويهدينى ونكون هنا صحبة صالحة تشجعونى وتاخدو ايدى وادعولى معليشو انا طولت عليكم بس بجد انا بحب الموقع دا اوى والدكتور حازم شزمان ربنا يجازية عنا خير

[Dr.Sarah || ~]

رد: الدرس الأول ~ دورة تنظيم الوقت ...

جاري عمل المطلوب يا فندم
بس براحة عليا شوية عندي امتحانات
وبعدين مال كله ضربات قاضية من اولها كده :)

عموما درس مبشر بالخير
عالدرس التاني أكون خلصت وتفاعلت أكثر إن شاء الله

ملحوظة سريعة:
بيزيد
بالـ "ز" وليس الـ "ذ"
:)

ربنا يوفقك يااارب

جزاكِ الله خيراً على الملحوظة :)


غلطة مطبعية مش أكتر :))

منتظرة تعليقك على الواجب ..

السلام عليكم ورحمة الله وبركاته

تم التطبيق الفائت .. لكن مش كتبت الأهداف وكدة .. حصرتهم ف دماغي ..

انا اصلا طول اليوم قاعدة اسمع فيهم علشان احققهم



---------------

الدرس ده بقى

حددت الحاجات الأدوار وكدة

بخصوص جدول العبادة

يفترض عندنا ثوابت وزيادات

الثوابت زي الصلاة (الفريضة) على وقتها ... والسنن الرواتب .. وورد القرآن .. وقيام الليل ولو ركعتين ومعاهم الوتر .. والأذكار(صباح - مساء - استيقاظ - نوم)

الزيادات ... اي حاجة زيادة على دول

الكتب

كتب الشيخ يعقوب رائعة ف تربية النفس وترويضها منها مثلا الجدية في الالتزام و قلب جديد لمن يريد

كان شيخ نصحنا بكتاب (حطم قيدك وكن عند نفسك صغيرا)

كتب د. خالد أبو شادي

--------

عجبني في الدرس

هو كله عجبني

بس الحاجات اللي عجبتني أوي

مسألة اننا نجيب المشكلة من الأصل ونحلها

ومسألة الأدوار

-------

جزاكِ الله خيرًا ... ونفع الله بكِ

وعليكم السلام ورحمة الله وبركاته ،

عجبي موضوع اسمع فيهم دي :))

جميل جدا تطبيقك واقتراحاتك للدرس

رآئع جداً ما شاء الله

وعجبتني فكرة إنك تكتبي ايه الي طلعتي منه في الدرس

إن شاء الله نخلي كل الأخوات تشاركنا بالأفكار دي من أول الدرس القادم

لأن كدة بتخلي نسبة الانتباه عندك تعلي للموجود في الدرس

وأثر الحاجات الي بتكتبيها بيفضل معاكِ ومش بتنسيه

جزاكي الله خيرا :)

بس انا عندي مشكلة اني مش بعرف اخرج اللي جوايا سواء بالكتابة او بالكلام

يعني الحاجات اللي كانت المفروض نكتبها المرة اللي فاتت رتبتها في دماغي ومسكت الكشكول عشان اكتبها معرفتش اكتب حاجة

بعرف اخطط كل حاجة حلو اوي في دماغي لكن اكتبها او اقولها لحد مش بعرف

لأ لازم نحاول

مفيش حاجة اسمها مش بعرف

امسكي ورقة وقلم وابداي وهتلاقي الموضوع سهل إن شاء الله

متقولهاش لحد

لكن خططي في دماغك وسجلي في كشكول لأن الأفكار بتضيع لما مش بتتسجل

ولازم تتعودي تسجلي عشان الأمور تبقى منظمة النسبة لك

رغم ان انا مش عارفه اسمك اختي بس مشكلتي زيك ف ان انا بقول مش عارفه ع حاجات كتير والحل ليا و ليكي اننا ننسي كلمة مش عارفه لو مش عارفه اتعلمي اكتبي غلط هتبصي تلاقي نفسك بتصححي لنفسك و تطلعي اللي جواكي

جزاكي الله خيرا :)

لازم تتعودوا أنتم الاتنين :)

حاولوا وقولولي على النتيجة

ربنا يبارك فيكم

[Dr.Sarah || ~]

رد: الدرس الأول ~ دورة تنظيم الوقت ...

ما شاء الله
جزاكِ الله خيراا حبيبتى
فعلا طريقة عرض الدورة جميييلة
حبدأ التطبيق ان شاء الله
وبالنسبة للهوايات فاظن القراءة من ضمن الاشياء الاساسية فى حياتنا خاااصة الكتب الدينية والثقافية
وايضا بالنسبة للنوايا ففيه الكتاب ده
كيف تحتسبين الاجر فى حياتك اليومية
وايضا كتب الدكتور خالد ابو شادى وكتب الشيخ يعقوب
وبالنسبة للعبادات فالكتاب ده مهم جداا وراائع بالنسبة للاذكار
البرامج العملية للحياة اليومية

القراءة شئ اساسي معانا إن شاء الله

كهواية ومصدر ثقافة لابد منه

رآئع ما اقترحتِ

بارك الله فيكِ

ممكن اعرف قلتلهم ايه عن الموضوع ده
انا برضو بحاول امسك لساني
بس بقع احيانا

والله يا الاء إحنا كنا ماشين في جدول مع بعض إزاي نتخلص من الذنوب

بإذن الله نضيف الكلام ده في جدول العبادة

انتظرينا إن شاء الله

جزاك الله خيرا كثيرا حبيبتي علي الدورة
عندي مشاكل كتيرة بسبب اللخبطة
منها :في الدراسة مكنتش اعرف اوافق بين العبادة والدراسة وكنت افضل العبادة دايما حتي حزن والدي
وبقي الناس يعتقدوا اني بسبب التزامي اهمل دراستي
نفسي ابدأ من جديد وندمانة علي السنين اللي ضاعت ومذاكرتش كويس
انا الآن تخرجت ومقدرش ارجع تاني
محدش يفهم اني كنت بعيد السنة لأ الحمدلله ربنا كان يسترها
نفسي أكون مهندسة كمبيوتر كبيرة وفي نفس الوقت بفرطش في ديني وخصوصا ان معظم الدورات عشان اطور نفسي بتكون
مختلطة وحتي العمل مختلط وانا دلوقتي مش قادرة اعمل بسبب ذلك التعامل مع الرجال والناس بتتهمني واحس بنظراتهم
انا دلوقتي اعمل في حضانة اسلامي معلمة نشاط
انا حاسة ان من اسباب فشلي هو سوء النية
لاني كنت اري اختي _اللهم بارك_بارعة في الكمبيوتر والناس بتسألها فاحببت ان الناس تسألني انا كمان وتطلب مساعدتي واكون احسن منها وللاسف فشلت
لي عودة ان شاء الله للتطبيقات

الله المستعآن

ربنا يوفقك أختي وييسر لك أمورك

لا ان شاء الله لن يكون هناك سوء نية ولا شئ

فقط جددي النية وادعي لأختك بالخير وبإذن الله ستجدي ما في قلبك قد زال

ومعنا في الدروس القادمة ستعرفيم كيف توفقين بين الدراسة والعبادة وغيرها بإذن الله

وفقكِ الله

بصى انا عندى مشكلة كبيرة جدااا مع شغلى
يعنى انا بحس انى مبشتغلش بجد والحكايه تتلخص فى انى مدرسه تربية رياضيه لكن للاسف انا عندى فيه مدرسين رجاله ومبعرفش ااقوم بشغلى خااالص لان شغلى فى الحوش والكل بيبقى موجود مبعرفش اشتغل وبحس ان كده مرتبى حرام لان شغلى كله على الورق وبس والموضوع ملوش حل وللاسف مقدرش اسيب الشغل لانى محتاجه للمرتب
عاوزة اعرف رآيكوا فى الموضوع ده

الله المستعآن

أنا حاسه بيكي جداً

الموضوع فعلاً محتاج فتوى

بس صراحة هو انا لو سألتك إيه المطلوب منك وانتي مثلاً منفذتيهوش ؟

طيب إيه رأيك تحاولي تقعدي البنات في الفصل وتبداي تنصحيهم تتكلمي معاهم ؟

تشعري إنك بتشتغلي يعني ؟

[Dr.Sarah || ~]

رد: الدرس الأول ~ دورة تنظيم الوقت ...

الدورة ما شاء الله جميلة
ربنا يجازيكِ عنا كل خير

أولاً :
أنا عندي مشكلة إن أنا مش بعرف أعبر عن اللي جوايا من مشاعر حب مثلا
بكتب حلو بس بالكلام بالنسبة لي صعب أوي
نفسي أحل المشكلة دي أوي
بس عشان أنا متعودتش فحاسة إن صعب كده لما اللي حواليا يلاقوني اتغيرت فجأة
الله المستعان

ثانيا :
جدول العبادة الأخوات تقريبا متفقين إن احنا نبقي مواظبين علي الأساسيات
(الصلاة علي وقتها - السنن الرواتب -الأذكار - قيام الليل - ورد القران )
وياريت لو نزود عليهم صيام الاثنين والخميس كمان

ثالثا :
بالنسبة للكتب بقترح قراءة كتاب
1) التوازن التربوي في حياة المسلم للدكتور مجدي الهلالي
ليه علاقة أوي بالدرس ده
2)عجز الثقات
بقرأة حاليا وهو فعلا بيعلي الهمة بفضل الله
3)كتب خالد أبو شادي وعبد الكريم بكار برضه جميلة

أولاً بخصوص المشكلة لم أفهمها جيداً

يعني مش بتعرفي تجاملي حد أو كدة تقصدي ؟

الأمر يحتاج لتفصيل
تقصدي مع اصحابك وجيرانك مثلاً ؟
ثآنياً وثآلثا جدولك واقتراحاتك للكتب رآآئعة جداً

في الحسبان إن شاء الله

جزاكى الله خيرا
انا الحمد لله طبقت الدرس الاول
انا نفسى اكون ناجحه فى حياتى العلميه والاسريه

بس انا عندى مشكله انا دايما كنت بعمل جداول عباده وامشى عليه فتره
وبعدين اسيبه وبعدها احس ان انا محبطه ومش عارفه اعمل ايه ؟؟

وبالنسبه لجدول العباده خلينا نحافظ الاول على الاساسيات كالصلاه على وقتها وبالاخص صلاة الفجر
وورد القران الكريم وورد الادعيه والاذكار والسنن الرواتب
وكمان الصيام صيام الاثنين والخميس

اما بالنسبه للكتب فكتاب اسعد امراه فى العالم للدكتور عائض القرنى
وكتاب سلسة محو الاميه التربويه للدكتور محمد المقدم
وكتاب استمتع بحياتك للدكتور العريفي
وكتاب مختصر تفسير بن كثير وكتاب شرح ا لاربعين النبويه للشيخ بن عثيمين

ربنا يجزيكي كل خير الدرس جميل جدا

ربنا يبارك فيكِ أختي الفاضلة

مشكلة جدول العبادة تقريباً مع الأغلب

هنقضي عليها هنا مع بعض أولاصبفكرة المجموعات الي احنا عملاناها بحيث تلاقي حد دايما يشجعك ومتابعك

ثانياً هنتفق على حاجات مع بعض وهنتعلم ازاي أصلا نعمل جدول وهيبقى في منافسة بإذن الله

اقتراحاتك للكتب رآآئعة

السلام عليكم ورحمة الله وبركاته
الحمدلله قدرت أحدد الادوار.. والمشاكل بتاعت كل دور...الله المستعاااااان
وكمان الهوايه اللي أكيد طبعا هتكون القراءه أنا بحب أقرأ للدكتور ابراهيم الفقي رحمه الله أسلوبه أكثر من رائع...
وقصص حقيقيه من الواقع للتائبات

وعليكم السلام ورحمة الله وبركاته
كتب دكتور إبراهيم رآئعة وهتجدي الكثير منها في القسم بإذن الله

بارك الله فيكِ

أولاً .. اختاري هواية تمارسيها أو حاجة انتي بتحبيها
لو عندك فعلاً اكتبيها ولو مش عندك حاولي تشوفي أي حاجة وابدأي تمارسيها
قراءة ،، تصميم جرافيك ،، كتابة ،،
أي حاجة مفيدة بتحبيها
انا بحب القراءه جداااااااا
ثانياً .. ابدأي اكتبي جدول للأهتمام بجمالك ونفسك وقولي هشتري كذا وأعمل كذا ،،
(أي حاجة مش حرام طبعاً )
فعلا مهم جداااا مننساش نفسنا فى وسط كل الاهتمامات دى
ثالثاً.. عاوزة جدول عبادة محترم .. ( مفتوح للمناقشة )
وياريت نهتم بالجانب المعنوى عشان نرفع الهمه ونثبت على الطاعة
رابعاً .. عاوزة مصدر ثقافة .. لازم تختاري كل شهر كتاب تقرأيه وبصورة دورية
يا إما من على النت يا إما تشتريه
كتاب في أي مجال .. ديني ، تنمية بشرية ، معلومات عامة ، تربية الأولاد ، الحياة الزوجية ، ( مفتوح للمناقشة )
معظم قرآتى فى الجانب الدينى وححاول ازود جوانب تانية

*.*.*

عاجبني في أغلب الأخوات موضوع إن القراءة شئ محبب بالنسبة لهم

وده شئ جيد جداً

بارك الله فيكِ

السلام عليكم ورحمة الله وبركاته

أنا مشكلتي حاليا

إني مش عاوزة أقرأ الموضوع من الأول علشان أعرف المطلوب
+
إن عندي هاجس وقتي بيضيع حياتي بتنتهي عاوزة أعمل حاجاااااااااااات كتييييييييييييييييير أوي

ومش لاحقة طيب هأخلص ايه ولا ايه

وتقريبا كله مهم بالنسبة لي

الله المستعان

#أنيــــــن#
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
لاتنسوني من صالح دعاااائكم
صلِ علي الحبيب صلي الله عليه وسلم

وعليكم السلام ورحمة الله وبركاته

:)

طيب اقرأي الموضوع عشان نكون حلينا المشكلة الأولى طيب :)

مشكلتنا إننا هنفضل خايفين ورانا حاجات كتير نعملها ومش عارفين نبدأ بإيه ؟

استعيني بالله واعتبري الدورة دي بداية

امشي واحدة واحدة ولعل الدورة تغير ولو قليل في حياتك

بس أهم حاجة إنها تغير :)

بارك الله فيكِ

[Dr.Sarah || ~]

رد: الدرس الأول ~ دورة تنظيم الوقت ...

السلام عليكم ورحمه الله وبركاته
جزاكم الله خيرا جميعا بس انامشكلتى فى تحديد الهدف بتتغير انا اصلا خريجة هندسة ومشتغلتش ساعات بابقى نفسى اشتغلوكدة وساعات ببقى مش عاوزة واقول لا فى اختلاط ومواصلات وزحمة وانا مش حبى كدة واللى حواليابيقول انتى اللى مكسلة مش بتدورى على شغل وكلام كتير بيحبطونى واضيع وقتى فى تدوير على شغل فانا مش عارفة ادور على شغل ولا انس الموضوع تماما واركز فى حياتى وكمان بدات حفظ قران مرتين ومجموعتى تتفركش ومنكملش والمعلمة تقول مش فاضى ويبق انا بس بحاول اداوم بس فترة وببقى لوحدى فبقع ومش بكمل انا بدعى ربنا يكرمنى بالزوج الصالح وبقرأ فى التربيه الاولاد ومعاملة الزوج وتنمية بشرية بحاول اسمع برامج ثقافية من النت التليفزيون والحمد لله محافظة على الصلاة والاذكار وبردك حسة اللى حواليا مش متقبلن يقوللىانتى فاضية انتى بتعملى ايى حتى لو بسمع حاجة مفيدة مش بيهنونوى عليها فبجد ربنا يثبتنى ويهدينى ونكون هنا صحبة صالحة تشجعونى وتاخدو ايدى وادعولى معليشو انا طولت عليكم بس بجد انا بحب الموقع دا اوى والدكتور حازم شزمان ربنا يجازية عنا خير

انتي زيي بالظبط خريجه هندسه والهندسه دي مشتغلتش بيها خالص وتزوجت من 6 سنوات وحفظت القران بدون مراجعه وتايهه اساسا ومش عارفه انظم حياتي وعندي 3 بنات والله المستعان وبقول اخذ دورات واشتغل بمجالي ولا اعمل ايه واحيانا اقول وقرن في بيوتكن وطالما زوجي ميسور خلاص دي كمان حاجه منغصه عليه حياتي لاني حاسه تعبت واتعلمت علي الفاضي نفسي اخرج من الحاله دي وانجز في حياتي لاني خايفه العمر يضيع وانا مش مستقره بتفكيري حاسه اني كبرت انا 29 سنه وخايف اوي افضل واموت كده واقابل ربنا وانا كده

موضوع الشغل ده في تفصيل وكلام كتيير

وممكن رأيي ميعجبكوش صراحةً

بس يا أخوات الشغل ليس في حد ذاته هدف

الشغل وسيلة لكسب الرزق

فلو كنتِ ميسورة الحال فالشغل للمرأة ليس بمفيد من وجهة نظري الا في الضرورة

وأنتم تعرفون الحياة اليوم وكيف اصبح المجمتع واقعه مؤلم والله المستعان

ممكن أرجع أرد بتفصيل على هذا الأمر إن شاء الله

[Dr.Sarah || ~]

رد: الدرس الأول ~ دورة تنظيم الوقت ...

الحمد لله خلصت كل الردود :)

الخطوة الجاية بإذن الله

هحدد لكم الكتب والحاجات الي تمت مناقشتها ،

بارك الله فيكم

[آلاء أمة الرحمن]

رد: الدرس الأول ~ دورة تنظيم الوقت ...

ماشي ياريت :)

انا هحاول وانتي كمان ونبقى نرد على بعض

ان شاء الله انتي كتبتي الواجب اللي احنا مطالبيين بيه ؟

[آلاء أمة الرحمن]

رد: الدرس الأول ~ دورة تنظيم الوقت ...

موضوع الشغل ده في تفصيل وكلام كتيير

وممكن رأيي ميعجبكوش صراحةً

بس يا أخوات الشغل ليس في حد ذاته هدف

الشغل وسيلة لكسب الرزق

فلو كنتِ ميسورة الحال فالشغل للمرأة ليس بمفيد من وجهة نظري الا في الضرورة

وأنتم تعرفون الحياة اليوم وكيف اصبح المجمتع واقعه مؤلم والله المستعان

ممكن أرجع أرد بتفصيل على هذا الأمر إن شاء الله

لا ما رديتيش عليا انا خاااااااااااااالص :(
انا كنت بقولك مفيش ادوار اجتماعيه ف حياتي غير الاسره و نفسي بس
اسيب باقي الحاجات فاضيه ؟

[bent el_islam]

رد: الدرس الأول ~ دورة تنظيم الوقت ...

ما شاء الله ع الموضوع روعة

[bent el_islam]

رد: الدرس الأول ~ دورة تنظيم الوقت ...

بالنسبة للبداية
نفسى اعدل سلوكياتى الخاطئة (عندى الكثير من السلوكيات الخاطئة زى التسرع والعصبية واحيانا سوء الظن وغيره)
احفظ كتاب الله وتفسيره
اتميز ف دراستى(لكن دوما المشكة عندى ان الكسل يقتل طموحى وهحاول ان شاء الله السنة الجاية اجيب امتياز)
عاوزة اتعلم اكتر عن الدين(للرقى بالدين)
انمى موهبتى الرسم والشعر عندى (عشان اعبر عن افكارى بطريقتى الخاصة)

[bent el_islam]

رد: الدرس الأول ~ دورة تنظيم الوقت ...

الدرس الاول بقى بالنسبة للعبادات
اولا الاساسيات زى الصلاة والاذكار وورد القران والسنن
اما الزيادات عاوزين همة شوية زى انى اخصص كل اسبوع مثلا جزء من القران غير الورد طبعا يتقرا بتفسيره والخص اهم النقاط فيه ف ورقة واحاول اطبقها وكتب التفسير كثيرة والحمد لله
عندنا الكثير من العادات السيئة لو اخدنا كل اسبوع او اسبوعين صفة واحدة مع التركيز عليها للتغيير او حتى شهر
تالت حاجة لازم يبقى لنا دور فى المجتمع ان احنا نساعد الناس الفقرا والمحتاجين مثلا
زى ما زوج اختى واصحابه عملوا جمعية للمساعدات وانتشرت ف القرية بتعاتهم واشتهرت والفضل لله بالخير
بس للاسف مينفعش ابدا الموضوع ده فى بلدنا وحيدة لانى لقيت عليه اعتراضات كتير فعايزة حل [IMG]E:\aya\رمضان\احبك ربى.bmp[/IMG]

[bent el_islam]

رد: الدرس الأول ~ دورة تنظيم الوقت ...


ودى احدى رسوماتى على الرسام

[جميلة بحجابى]

رد: الدرس الأول ~ دورة تنظيم الوقت ...

وعليكم السلام ورحمة الله وبركته
درس رااااائع ما شاء الله
الحمد لله أتمت التطبيق السابق
وجاري تطبيق الجديد بإذن الله :)

جزاكي الله خيراً يا غاليه :)
وإن شاء الله لي عوده للنقاش

[كريمة الاخلاق]

رد: الدرس الأول ~ دورة تنظيم الوقت ...

السلام عليكم ورحمة الله وبركاته
اسفة للتاخير للظروف
ولكن متابعة معكن باذن الله

واحضرت الكشكول

وكتبت الافكار والادوار

بس انا مشكلتي هو التركيز علي جانب واحد بياخد كل الوقت

وبالفعل مش بنجز

اما جانب القراءة فهو هوايتي وبقرأ كتير جدا

وجدول العبادة دايما اعمله ويضيع منه كتير يمكن عشان انا ببالغ او نفسي اعمل حاجات كتييير

وجزاكِ الله خيرا

[(فتاه الاسلام)]

رد: الدرس الأول ~ دورة تنظيم الوقت ...

ياااااااااه كنتى فين من زمان

انا حضرت دورات كتيرة لتنظيم الوقت وقرأت كتير جدا وبردو كان بيبقى فى خلل "اية هو مش عارفه ؟

اليوم بس عرفته وهو:ترتيب الافكار

ديما بقول لنفسى انا عاوزة حد يقولى المفروض اعمل ايه ؟ وبكمية قد ايه ؟

ال هو حاجة محدده واضحه

لان لو الامر تركته لنفسى فا ياما هضع جدول عظيم مش بيتنفذ اغلبه

يا اما قليل وهمتى بتنزل

فا مش ببقى عارفه ايه ال المفروض اعمله وايه الصح

يعنى مثلا لو هقرأ كتاب أقرا قد ايه وكام صفحة وابدأ بأى كتاب

مش عارفه داه خلل فى الشخصيه نفسها ولا فى تنظيم الوقت ؟