الدرس الأول ~ دورة تنظيم الوقت ...

[أم عبدالملك]

رد: الدرس الأول ~ دورة تنظيم الوقت ...

طب انا مبدئيا مش بحب شغل البيت :/ ,, لازم احبة عشان اعمله و لازم اجدد النية عشان تكون بداية صالحة والعمل يستمر ..

أختنا قالت لو انت قعدت مع نفسك وحددتى انت بتعملي الحاجة دى ليه (وهى نواياك)
هتعمليها بنفس فبكده حتحبيها
يعنى مثلا لو متزوجة: حتقولى مثلا
علشان اعين زوجى على العمل لانه لو اكل كويس حتزيد طاقته وكمان علشان يقول زوجتى اشطر طباخة وميبصش لاكل بره
علشان اثبت نفسى انى بقدر ابتكر فى الاكلات
وكمان لان دى دور من دورك كزوجة

ولو بنت:
علشان تساعدى والدتك وتنولى رضا الله عز وجل كنوع من البر للوالدين
علشان تكون طباخة المنزل الماهرة وتروحى لزوجك ان شاءالله ويتشرف بيك وسط اصحابه لما يعزمهم
علشان انت البنوتة ال فى البيت فلازم تراعيهم وتعمليلهم الاكل تثبت فيه نفسك وحتفرحى لما يمدحوك عليه

اسمعى مثلا يوتيوبات اكلات وادخلى جربيها وان شاءالله اكيد حتطلع حلوة
وبكده ممكن تباتى فى المطبخ *__*


عندي مشكلة بشعة التسويف و الكسل و بحس اني محتاجة حافز دايما على اي حاجة المفروض اني اعملها مش بحس فيه دافع كده يخليني اعمل الحاجة بحماس ، اي حاجة فـ حياتي ببتدي فيها بعدين شوية بشوية الحماس ينطفي خلاص مش عارفة ابتدي تاني ..[/quote]

اختنا قالت تبدئى الاول تحددى ادورارك والاهداف والمطلوب منك فى كل دور
وشوية بشوية مع الدروس بفضل الله حتنحل مشاكلنا

نصيحة: اقرئى الدرس قراءة سريعة ثم بعد ذلك هاتى كشكولك وعيدى القراءة بس بتركيز على نقطة نقطة وسجلى الكلام المحفز وال عجبك وحيزيدك حماس
وبأمر الله تعالى حتلاقى نفسك بدأت تشعر ببداية تغيير
ربنا يصلح أحوالنا ويستعملنا لمرضاته

[om abdulrahman]

رد: الدرس الأول ~ دورة تنظيم الوقت ...

السلام عليكم ورحمة الله وبركاته
تم تطبيق المقدمة

[ام هالة30]

رد: الدرس الأول ~ دورة تنظيم الوقت ...

الله يبارك في كلامك بصراحة حطيتي ايدك على الجرح يعني بإذن الله ستسهل عملية المعالجة
رجعتي في أمل التغيير للأفضل والإنضباط
جزاك الله خيرا متابعة إن شاء الله وبسجل النقاط اللي حددتي في دفتري
تستهلي أحلى تقييم

[Dr.hala]

رد: الدرس الأول ~ دورة تنظيم الوقت ...

الحمد لله تم تطبيق الدرس

الدرس رااااااااااااائع اصلا

المشكلة فيا مش فى الدرس

عارفة يا غيورة المشكلة فى عدم الاستمرار

نفسى فى حافز

حافز للعبادة حافزفى الكورسات حافز حتى فى الاستمرار فى دورتك دى :)

حافز لشغل البيت وهكذا

الواحد اصلا لما بينوى ويشتغل بيقى ما شاء الله شعلة نشاط

المشكلة فى الاهتمام والحافز والاستمرار

ايه اللى هيشجعنى على الاستمرار معاكى فى الدورة ؟؟

وفى العبادة ؟؟؟

منا ياما حطيت جداول

والواحد بيمل ويرجع لنقطة الصفر

ولا هو عارف يستمر ولا عارف يرجع

نفسه يصلح حياته بس ميعرفش ليه بيرجع للبداية تانى ؟؟!!

وده اللى مضايقنى : لامبالاة أو إهمال مكانوش موجودين وأوجدهم الفراغ لما الدراسة خلصت !!
=====================================

حطيت الجدول وطبقت الحمد لله فى الكشكول

هوايتى : القرءاة

معرفش كتب ياريت تدينى أسماء كتب اقرأها وابدأ بيها

واقرأ كل يوم قد ايه ؟؟ كام صفحة ؟؟؟ وايه افضل الاوقات للقراءة ؟؟

فيه كتاب اسمه " استمتع بحياتك " للعريفى سمعت عنه

ينفع أبدأ بيه بإذن الله ؟؟
===========================================

جدول العبادة بيتضمن : ورد يومى قرءانى جزء مثلا بإذن الله

* الاستغفار - حفظ القرءان ومراجعته بإذن الله

* درس دينى يومى بإذن الله قدر الاستطاعة

وياريت لو تساعدينى وتدينى اسم اولينك لدورة ايمانية لشيوخنا مثلا هانى حلمى - حازم شومان و...

* سور اساسية للقرءاة يوميا بإذن الله ( الملك - الدخان - الواقعة ) لاحظى انها بتعدى الـــــ 100 آية بفضل الله " من قام بمائة آية .. " الحديث

* الدعاء ونفسسسسسسسسسى اووووووووووووى انتظم فيه بس بنساه للاسف

==============================

كتبت فى العلاقات الاسرية ما استطعت الحمد لله وربنا يعيننا ويصلح احوالنا

ربنا يباركلك يارب يا غيورة

[Dr.hala]

رد: الدرس الأول ~ دورة تنظيم الوقت ...

خدي بالك إن مش كله ليه في القصص والروايات
بالإضافة إلى إن مش كلنا بنحب نقرأ في المجال الديني
يعني نقرأ آه في الديني
لكن اللي يكون معانا على طول ..

فيه ناس وأنا منهم بيحبوا ينوعوا في القراءة يعني مرة معلومات وتقنية ومرة علم الحيوان ومرة في المجال الديني وووو

حبيت أعلق بما إنها للنقاش

انا عندى فى البيت قصص كتير اوى من نوعية رجل المستحيل - ما وراء الطبيعة وهكذا

ممتعة لكن مش بتفيدنى اوى للاسف يعنى سنوات قراءة وحاسة انى بلا ثقافة اصلا

فيها معلومات فعلا بس مش هيه النبع اللى تتثقفى منه بجد

مش زى الكتب بس انا مدمنة قصص للاسف

بس عايزة اسماء كتب نفسى انوع شوية بإذن الله

[محبة لقاء الله]

رد: الدرس الأول ~ دورة تنظيم الوقت ...

ما شاء الله
جزاكِ الله خيراا حبيبتى
فعلا طريقة عرض الدورة جميييلة
حبدأ التطبيق ان شاء الله
وبالنسبة للهوايات فاظن القراءة من ضمن الاشياء الاساسية فى حياتنا خاااصة الكتب الدينية والثقافية
وايضا بالنسبة للنوايا ففيه الكتاب ده
كيف تحتسبين الاجر فى حياتك اليومية
وايضا كتب الدكتور خالد ابو شادى وكتب الشيخ يعقوب
وبالنسبة للعبادات فالكتاب ده مهم جداا وراائع بالنسبة للاذكار
البرامج العملية للحياة اليومية

[باسمك أحيا]

رد: الدرس الأول ~ دورة تنظيم الوقت ...

جاري عمل المطلوب يا فندم
بس براحة عليا شوية عندي امتحانات
وبعدين مال كله ضربات قاضية من اولها كده :)

عموما درس مبشر بالخير
عالدرس التاني أكون خلصت وتفاعلت أكثر إن شاء الله

ملحوظة سريعة:
بيزيد
بالـ "ز" وليس الـ "ذ"
:)

[*أمة الرحيم*]

رد: الدرس الأول ~ دورة تنظيم الوقت ...

السلام عليكم ورحمة الله وبركاته

تم التطبيق الفائت .. لكن مش كتبت الأهداف وكدة .. حصرتهم ف دماغي ..

انا اصلا طول اليوم قاعدة اسمع فيهم علشان احققهم



---------------

الدرس ده بقى

حددت الحاجات الأدوار وكدة

بخصوص جدول العبادة

يفترض عندنا ثوابت وزيادات

الثوابت زي الصلاة (الفريضة) على وقتها ... والسنن الرواتب .. وورد القرآن .. وقيام الليل ولو ركعتين ومعاهم الوتر .. والأذكار(صباح - مساء - استيقاظ - نوم)

الزيادات ... اي حاجة زيادة على دول

الكتب

كتب الشيخ يعقوب رائعة ف تربية النفس وترويضها منها مثلا الجدية في الالتزام و قلب جديد لمن يريد

كان شيخ نصحنا بكتاب (حطم قيدك وكن عند نفسك صغيرا)

كتب د. خالد أبو شادي

--------

عجبني في الدرس

هو كله عجبني

بس الحاجات اللي عجبتني أوي

مسألة اننا نجيب المشكلة من الأصل ونحلها

ومسألة الأدوار

-------

جزاكِ الله خيرًا ... ونفع الله بكِ

[Dr.Sarah || ~]

رد: الدرس الأول ~ دورة تنظيم الوقت ...

سعيدة بردودكم جداً

لي عودة للرد :)

[go2allah]

رد: الدرس الأول ~ دورة تنظيم الوقت ...

جزاكي الله خيرا :)

بس انا عندي مشكلة اني مش بعرف اخرج اللي جوايا سواء بالكتابة او بالكلام

يعني الحاجات اللي كانت المفروض نكتبها المرة اللي فاتت رتبتها في دماغي ومسكت الكشكول عشان اكتبها معرفتش اكتب حاجة

بعرف اخطط كل حاجة حلو اوي في دماغي لكن اكتبها او اقولها لحد مش بعرف

[آلاء أمة الرحمن]

رد: الدرس الأول ~ دورة تنظيم الوقت ...

بعد ما قرأنا الكلام ده نطلع بإيه ؟

كنت بعالج أنا ومجموعة بنات ذنب الغيبة والنمية فلما اعطيت لهم واجب انهم يفضلوا طول الاسبوع يراقبوا نفسهم يشوفوا هيخرجوا بإيه ؟


ممكن اعرف قلتلهم ايه عن الموضوع ده
انا برضو بحاول امسك لساني
بس بقع احيانا

في بنت ردت عليه رد مهم جداص بالنسبة لي

قالتلي بخصوص الغيبة والنمية أنا بدأت أخد بالي وأنا بتكلم

ده إلي عاوزة اقول عليه وهنبه عليه كل مرة

وهي أول مرحلة بالنسبة لي الانتباه قبل التنفيذ

فمجرد قرأتي للكلام ده أبدا انتبه للكلام ده وأنا بنفذ أموري اليومية بشكل طبيعي

تمام ؟




الواجب

جلسة فضفضة رقم (1)

هنعمل إيه فيها ؟

فاكرة الأدوار الإجتماعية إلي فوق ؟

مش مناسبني منها غير دور نفسك و اسرتك
بس ؟

هتمسكي الكشكول وتبدأي تعملي جدول لحياتك
في كل دور إنتي بتمارسيه وعلاقتك بإلي حوليكي
وإيه المطلوب منك
وإيه المشاكل إلي بتوجهك في الدور ده أو مع الناس دي
عاوزة إعادة تشكيل لحياتك
أسرتك وأصحابك ودراستك وشغلك وحياتك الشخصية
ابدأي بحياتك الشخصية ولازم تحددي الحاجات دي

طب اكتبهم و اناقشك فيهم هنا ولا ايه ؟
مش عارفه موضوع الادوار ده حاساه ملخبطني

أولاً .. اختاري هواية تمارسيها أو حاجة انتي بتحبيها
لو عندك فعلاً اكتبيها ولو مش عندك حاولي تشوفي أي حاجة وابدأي تمارسيها
قراءة ،، تصميم جرافيك ،، كتابة ،،
أي حاجة مفيدة بتحبيها
ثانياً .. ابدأي اكتبي جدول للأهتمام بجمالك ونفسك وقولي هشتري كذا وأعمل كذا ،،
(أي حاجة مش حرام طبعاً )

هنا بقا مشكلتي اني مش بستمر
ابدأ كويس ف الاول وبعدين ابطل

ثالثاً.. عاوزة جدول عبادة محترم .. ( مفتوح للمناقشة )
رابعاً .. عاوزة مصدر ثقافة .. لازم تختاري كل شهر كتاب تقرأيه وبصورة دورية
يا إما من على النت يا إما تشتريه
كتاب في أي مجال .. ديني ، تنمية بشرية ، معلومات عامة ، تربية الأولاد ، الحياة الزوجية ، ( مفتوح للمناقشة )

انا اخترت ابدأ ف كتاب
باي قلب تلقاه ل د خالد ابو شادي ؟
اتمني اخت تبدأ معايا ونشجع بعض
*.*.*

دي مجرد بداية مع تنظيم حياتك الشخصية
ولنا عودة لها مرة تانية إن شاء الله
وبعد ما تخلصي حياتك الشخصية
ابدأي زي ما قلتلك اكتبي عن كل دور في حياتك
والمشاكل إلي فيه وازاي تتخلصي منها
هتاخد وقت معاكي فبراحتك
خلصيها في يوم أو اتنين مفيش مشاكل ،،

*.*.*

الحاجات إلي أنا كتبت عليها مفتوح للمناقشة دي هنبدأ نتناقش فيها يومين وهو انهاردة وبكرة ويوم السبت إن شاء الله

والأحد وباقي الاتنين هنرتب الكلام ده في الكشكول

عشان هنحدد جدول عبادة معين وكتب معينة

يعني دوركم دلوقتي تقترحوا كتب ثقافية عامة
انا اقترحت كتاب باي قلب تلقاه

وفي بداية الدرس القادم إن شاء الله هنعمل خطة محددة ننفذها

.*.*.*.

أنا مطلوب مني زيي زيكم إني أعمل الحاجات دي

ياريت نتابع بعض

ياريت نتكلم ونخرج عن صمتنا

عاوزة يكون في مشاركة فعالة في كل كلمة ذُكرت في الموضوع سواء عليها واجب ولا لأ

يعني إلي بتواجهة مشاكل في الدراسة ن في البيت ياريت تشاركبيها

وياريت الأخوات تشارك في النقاش والرد رجاءاً مش تكتب رد وتترك الموضوع

بعد ما تقرأي الدرس مباشرة زي ما قلت سجلي دخولك بإنك تقولي عملتي التطبيق الي فات ولا لأ

في انتظاركم يا أخوات

[آلاء أمة الرحمن]

رد: الدرس الأول ~ دورة تنظيم الوقت ...

جزاكي الله خيرا :)

بس انا عندي مشكلة اني مش بعرف اخرج اللي جوايا سواء بالكتابة او بالكلام

يعني الحاجات اللي كانت المفروض نكتبها المرة اللي فاتت رتبتها في دماغي ومسكت الكشكول عشان اكتبها معرفتش اكتب حاجة

بعرف اخطط كل حاجة حلو اوي في دماغي لكن اكتبها او اقولها لحد مش بعرف

رغم ان انا مش عارفه اسمك اختي بس مشكلتي زيك ف ان انا بقول مش عارفه ع حاجات كتير والحل ليا و ليكي اننا ننسي كلمة مش عارفه لو مش عارفه اتعلمي اكتبي غلط هتبصي تلاقي نفسك بتصححي لنفسك و تطلعي اللي جواكي

[go2allah]

رد: الدرس الأول ~ دورة تنظيم الوقت ...

رغم ان انا مش عارفه اسمك اختي بس مشكلتي زيك ف ان انا بقول مش عارفه ع حاجات كتير والحل ليا و ليكي اننا ننسي كلمة مش عارفه لو مش عارفه اتعلمي اكتبي غلط هتبصي تلاقي نفسك بتصححي لنفسك و تطلعي اللي جواكي

جزاكي الله خيرا :)

[Dr.Sarah || ~]

رد: الدرس الأول ~ دورة تنظيم الوقت ...

السلام عليكم و رحمة الله و بركاته ،،

جزاكم الله خيرا

يعني انا المطلوب مني دلوقت

ابدأ بنفسي ان شاء الله

هواية
الاهتمام بالجمال
جدول عبادة
مصدر ثقافة

صح ؟ ؟

ابدأ امسك كشكول و اكتب فيه ممكن اعمل في كل حاجة من دي ايه
صح ؟

انا هوايتي اني بموووت في التصميم بجد بفضل الله
احبه جداا اقضي فيه معظم وقتي

الاشياء الاخرى انا واقعة فيها تماما

احتاج فضفضة مع نفسي ^^:)
ومساعدتكم ممكن لو اشكل علي شيء اسألكم ؟ :)

وعليكم السلام ورحمة الله وبركاته

ايوة بالظبط هو ده المطلوب

ومحتاجين كلنا فضفة والله :)

طبعاً لو في حاجة اسألي على طول

قمت بالتطبيق السابق و هو كتابة الاهداف بفضل الله

أحسنتِ

بارك الله فيكِ

السلام عليكم ورحمة الله وبركاته

انا جبت كشكول وكتبت النقاط المهمة فى المقدمه

ولكن الاسئلة مجاوبتش عليها لسه عاوزه افهم من حضرتك ايه اللى انت عاوزاه بالضبط

يعنى مثلا ايه هى محاور حياتى ؟ايه الفرق بينها وبين ايه اهدافى ؟؟

جزاكم الله خيرا

وعليكم السلام ورحمة الله وبركاته ،

أهدافك هي الحاجات إلي انتي عاوزة تحقيقها

محاور حياتك الحاجات الي حياتك بتدور عليها

اسرتك دراستك شغلك اصحابك

بارك الله فيكِ

[منكسرة لله]

رد: الدرس الأول ~ دورة تنظيم الوقت ...


جزاك الله خيرا كثيرا حبيبتي علي الدورة
عندي مشاكل كتيرة بسبب اللخبطة
منها :في الدراسة مكنتش اعرف اوافق بين العبادة والدراسة وكنت افضل العبادة دايما حتي حزن والدي
وبقي الناس يعتقدوا اني بسبب التزامي اهمل دراستي
نفسي ابدأ من جديد وندمانة علي السنين اللي ضاعت ومذاكرتش كويس
انا الآن تخرجت ومقدرش ارجع تاني
محدش يفهم اني كنت بعيد السنة لأ الحمدلله ربنا كان يسترها
نفسي أكون مهندسة كمبيوتر كبيرة وفي نفس الوقت بفرطش في ديني وخصوصا ان معظم الدورات عشان اطور نفسي بتكون
مختلطة وحتي العمل مختلط وانا دلوقتي مش قادرة اعمل بسبب ذلك التعامل مع الرجال والناس بتتهمني واحس بنظراتهم
انا دلوقتي اعمل في حضانة اسلامي معلمة نشاط
انا حاسة ان من اسباب فشلي هو سوء النية
لاني كنت اري اختي _اللهم بارك_بارعة في الكمبيوتر والناس بتسألها فاحببت ان الناس تسألني انا كمان وتطلب مساعدتي واكون احسن منها وللاسف فشلت
لي عودة ان شاء الله للتطبيقات