Tweet
الدرس الأول ~ دورة تنظيم الوقت ...
،
حيآكم الله جميعاً يا أخوات
أرجو من الله أن تكون المقدمة قد أثمرت ونبهتكم لبعض الأمور
سيكون تسجيل دخول الدرس الأول بكتابة رد هل تم تطبيق المقدمة أم لا
ومتنسيش الكشكول في إيدك :)
الدرس يغلب عليه الكلام نظري لكننا هننتج منه تطبيقات عملية في النهاية ..
،
الخطوة التآنية فاكرين الخطوة الأولى كانت إيه ؟
كانت نيتك من الدورة
أتمنى إننا بجد نكون استشعرناها من الدرس الماضي لأننا سنُسقط النقطة دي على موضوع انهاردة
نيتك من الأعمال إلي عاوزة تنظميها ؟
أقصد نيتك إيه في حيآتك كلها ؟
إنتي نواياكي إيه بقى لكل حاجة بتعمليها من الحاجات دي ؟؟
أكيد شرحي المبسط عن نية الدورة ده وضحك أنا أقصد إيه
يعني مفيش حاجة تعمليها في حياتك إلا لما تقعدي مع نفسك وتحددي النوايا بالظبط زي ما أنا
عملت فوق كدة ..
عشان لو أخلصتي النية فيها ربنا هييسر لك الأمور دي ومش هتشوفيها بالتعقيد إلي إنتي شيفاه
ومش عاوزة أطول في النقطة دي عشان اتكلمنا فيها قبل كدة...
هوضح كذا نقطة فيها وننقل على إلي بعدها ،
....
وأنا بعطي الدورة قبل كدة أخت سألتني وقالتلي أنا مش فاهمة موضوع النية دي أوي وكمان حياتي متلغبطة عشان بذاكر لأولادي وبشتغل والبيت وكدة !!
قلتلها طيب أنا هسألك سؤال إنتي بتذاكري للأولادك بنية إيه ؟
قالتلي مش عارفه بس عشان يطلعوا شاطرين في الدراسة وجارتي متقولش إن ولادي خايبين ..
طبعاً انا لا أخفي عليكم مدى صدمتي من الاجابة
لكم أن تتخيلوا أن أم لها أولاد تعلم ابنائها بنية إن جارتها متقولش إن أولادها خايبين !
الموضوع بالنسبة لي منهج حيآة
هترك النقطة دي وهدخل في الي بعدها وهتلاقوا توضيح أكتر لموضوع النية عملياً
حبي حياتك عشان تنظميها ..
هو أنا لو سألتك سؤال إنتي ليه عارفه سبب إنك حياتك مش منظمة ؟؟
وحاسه بإكتئاب دايماً وإنتي بتمارسي حياتك ؟؟
ببساطة شديدة لأنك مبتحبيش إلي بتعمليه ..
بتدرسي وإنتي كارهه الدراسة ..
بتشتغلي في البيت وإنتي قرفانة من نفسك ،
بتروحي الشغل ونفسك مسدودة !
صح ولا لأ ؟؟
طبيعي جداً أن الحياة تبقى ملغبطة
ومن أول الحاجات الي هتحببك في الموضوع هو موضوع تحديد النوايا إلي أنا ذكرا فوق
هتفرق كتير وهتحسي بالفرق لأن لما تبقي عارفه إنتي بتعملي الحاجة دي ليه هتعمليها بنفس ومن
هنا هنحقق مبدأ الحب للعمل ده ،،
أنا قلت ليه فوق غن النية منهج حيآة ؟
لأن النية كفيلة إنها تغير واقع مرير كان هيتكون عندك لأنك نظرتي للأمر ده نظرة سلبية لواقع إنتي متقبلاه ونفسيتك مستريحة من ناحيته .
طيب إزاي ؟
هحكي لكم موقف شخصي
في الثانوية العامة جبت مجموع في السنتين مش إلي كنت متوقعاه
الأمر بالنسبة لأي حد كانت حياته تضيع ويكتأب لأن ده مستقبله
بفضل الله الأمر عدى عليه سهل جداً لأن ربنا أكرمني وكانت نيتي في البداية
( يآرب ضعني في المكآن الذي أخدم به الدعوة والمسلمين )
فأنا طبيعي استسلمت وقلت أكيد ده الخير
ولما التنسيق جه كلية لا يُرى من ظاهراها أي شئ في النية دي قلت سبحان الله لعل ربنا أراد إني اروح الكلية دي عشان يستعملنا في الدعوة
ولما جاءت الكلية في محافظة بعيدة جداً عني ورُفض التحويل في البداية إلى محافظتي
قلت سبحآن الله لعل ربنا ارسل لي الجامعة دي ومعلوم إن حركة الدعوة فيها قليلة لعله يفتح عليّ هناك ويستعملني
كان كل تفكيري في الوقت ده إن أكيد في حد معين محتاج إنه يسمع مني حاجة لعل وعسى تغير حياته
أنا عوزاكي على طول كدة كل حاجة في حياتك تتاخد بهدوء حاولي تطلعي لكل حاجة في حياتك تبرير جميل ونية أجمل :)
كنتُ اقرأ ~
إذا كآنت نيتك جميلة لا تخف من النتآئج :)
إذا لم تحقق هدفك لا تغير الطريق ولكن غير النية :)
..
اخلصي النية لله ، حددي نوايا الأمور الدنياوية ، حبي حيآتك
.*.*.
في أسباب كتيرة ممكن متخلكيش تحبي حياتك أو تمارسيها بالدور إلي المفروض تكون عليه
والأمر ده بيتقسم لقسمين
الأول
بالنسبة للناس إلي تايهة في أمور الدنيآ
بيكون عندها نقص اصلاً في غذاء روحها عشان كدة قلبها فيه فراغ ووحشة من جوة ولا تجد لأي حاجة في الحياة لذة فبالتالي مش عارفه إيه الفايدة من حياتها اصلاً عشان كدة في نوع من التعاسة في حياتها ولو كانت غير معترفة بيه ، فهي مش سعيدة في حياتها بالتاكيد حتى لو بتقول إنها سعيدة ..
القسم التاني
وهو عالم التمزمين المقرين إنهم مقصرين _ زينا يعني _
إحنا عارفين مواقع ضعفنا وتقصيرنا
عارفين إننا مقصرين في العبادة ودايماً إن النفس اللوامة شغآلة
فإنتي كتير مبتقدريش تستمتعي بحياتك لان في حاجات ناقصة كتير
إنتي عارفه إن المفروض حياتك تكون اكثر اجتهاداً من كدة
متنسيش إن مهمتك الأساسية هي العبادة فلو استعطتي إنك تسيطري على مهمتك الحقيقة وتعطيها القدر المتوسط حتى من الي المفروض تكون عليه هتقدري تسيطري على باقي حياتك
* وقد وصل عطاء بن ربآح إلى ما وصل إليه من درجة في الدين والعلم بخصلتين ..
أولاهما .. أنه أحكم سلطانه على نفسه يدع لها سبيل لترتع فيما لا ينفع
ثآنيهما .. أنه أحكم سلطانه على وقته فلم يهدره في فضول الكلام
أظن هو ده المطلوب
هآم جداً وسجلي الكلام ده !!
يتبع ..
تعليق