حمـلة سلوكي لـن يكون خنجر في صـدر الإسـلام

[أمة الله والحمد لله]

رد: حمـلة سلوكي لـن يكون خنجر في صـدر الإسـلام

قال الإمام الذهبي رحمة الله في ترجمة أبي مسلم .....اني ..رحمة الله ..

( إن أبا مسلم هذا كان من الصالحين العباد اشتكت إليه زوجته الفقر الذي هو فيه ،
وأنه لا دقيق تصنع منه خبزاً ، قال لها هل في البيت مال؟

• قالت دينارٌ واحد قال أعطني إياه أشتري لكم به دقيق ،

وخرج إلى السوق ليشتري بهذاالدينار دقيقاً ..

لمّا وصل إلى السوق قبل أن يشتري الدقيق جاءه رجلٌ سائلٌ
عليه المسكنة ظاهرةٌ بادية فأعطى أبو مسلم السائل الدينار ولم يبقى في يده شيء
لم يبقى في يديه إلا الكيس الذي خرج به من بيته ليشتري ويضع فيه الدقيق ،
فعمد إلى صاحبِ خشب ونجارة فأخذ نجارة الخشب وملئ بها الكيس وحملة على ظهره
وعاد إلى بيته فلمّاعاد إلى بيته وضعه بين يدي امرأته وتنحى في غرفةٍ أخرى ينتظر قدر الله ،

• ما هيإلا برهة وإذا بالمرأة تأتي له بـالخـبـز ..!

فقال لها من أين الدقيق ؟؟..

قـالت : سبـحان الله ..! مِن الكيس الذي أتيت به ..فسكت وأخذ يأكل وهو يبكي )

مؤثرة جدآ
بارك الله فيكى
وزادكى علمآ

[امة الرحمن/فاطمة]

رد: حمـلة سلوكي لـن يكون خنجر في صـدر الإسـلام

اللهم آمين وإياكِ

جزاكِ الله خيرا وبارك الله فيكِ

[امة الرحمن/فاطمة]

رد: حمـلة سلوكي لـن يكون خنجر في صـدر الإسـلام

سوء الظن بالله سبحانه وتعالي

ذم الله تعالي من أساء الظن به

قال تعالي ((ويعذب المنافقين والمنافقات والمشركين والمشركات الظانين بالله ظن السوء عليهم دائرة السوء وغضب الله عليهم ولعنهم وأعد لهم جهنم وساءت مصيرا ولله جنود السماوات والأرض وكان الله عزيزا حكيما . ))
الفتح

وقال تعالي ((يظنون بالله غير الحق ظن الجاهلية يقولون هل لنا من الأمر من شيء قل إن الأمر كله لله ))

أل عمران

طيب يعني ايه سوء الظن بالله

انك تسوئي بالله تعالي الظن وتقولي انه لايغفر لي ذنوبي

وأنه لن يدخلني الجنة وانه لن يشفيني و و و
وأن تظني به سبحانه ظنا غير مناسب لقدرته وعظمته

أسباب سوء الظن بالله عز وجل

1- عدم التعرف علي عز وجل بأسمائه وصفاته

2- البعد عن الدين مع الجهل وقلة العلم

3- الوقوه في الشبهات والتعلق بالدنيا وأتباع الهوي

4- عدم الرضا بحكم الله عز وجل
ورسوله صلي الله عليه وسلم

5- اليائس من روح الله عز وجل
وقد يوصل لحد الكفر
( أنه لاييأس من روح الله الا القوم الكافرين )

6- عدم الرضا بالقضاء والقدر

أثار سوء الظن بالله

1-يؤدي الي غضب الله عز وجل

2- فساد النيه وضعف الايمان

3- مفتاح للأعمال السيئه وارتكاب الفواحش والموبيقات

كيف نحسن الظن بالله تعالي

الاستجابة لله ولرسوله صلي الله عليه وسلم
( ياأيها الذين امنوا استجيبوا لله
وللرسول اذا دعاكم لما يحيكم )

ادراك اهمية التعلق بحسن الظن بالله ومدي أثره علي
سلزك النفس المؤمنة في الحياة وحتي الممات

التدبر والتفكر في أسماء الله تعالي وفي صفاته والاخلاص

التقوي

الدعاء

[راجيه جوار الحبيب محمد]

رد: حمـلة سلوكي لـن يكون خنجر في صـدر الإسـلام

ماشاء الله أختى فاطمه الحمله رائعه
لى عوده إن شاء الله لكى أكمل
جزاك الله كل خير

[امة الرحمن/فاطمة]

رد: حمـلة سلوكي لـن يكون خنجر في صـدر الإسـلام

جزانا الله وإياكِ كل خير

وبارك الله فيكِ

[امة الرحمن/فاطمة]

رد: حمـلة سلوكي لـن يكون خنجر في صـدر الإسـلام

ازاي نقدر نسيء الظن بالله ؟

سبحان الله انتي بتشكي في قدرة الله سبحانه وتعالى ؟
بتشكي في " إنما أمره إذا قضى أمرا أن يكون له كن فيكون "

يعني مهما كانت المشكلة شايفة إن ملهاش حل
ربنا قادر إنه يحلها في لحظة وبطريقة عمرها ما كانت تخطر على بالك

هتقولي طيب ليه مش ببتحل
أقولك ربنا سبحانه عالم ومطلع وعارف ايه اللي في مصلحتك وليه حكمة متعرفيهاش

أحسني الظن بالله

لو عندك ذنوب كتيرة اوعي تقولي ربنا مش هيغفرها
لازم تحسني الظن بالله وتقولي إن كانت ذنوبي عظيمه فرحمة ربنا ومغفرته أوسع

بترفعي ايدك تدعي ربنا سبحانه وتعالى وانتي بتقولي عارفة إنه مش هيستجيب دعائي؟
ليه كده بس أحسني الظن بربك

حسيتي في يوم من الأيام إن حظك في الدنيا قليل وإن غيرك أحسن منك ؟
ده سوء ظن بالله

قال ابن القيم رحمه الله في وصفه لحال هذا الصنف من الناس:
"فأكثر الخلق بل كلهم إلا ما شاء الله يظنون بالله غير الحق ظن السوء، فإن غالب بني آدم يعتقد أنه مبخوس الحق
ناقص الحظ وأنه يستحق فوق ما أعطاه الله، ولسان حاله
يقول: ظلمني ربي ومنعني ما أستحق ونفسه تشهد عليه وإن كان لسانه ينكره ولا يتجاسر على التصريح به. ومن فتش نفسه وتغلغل في معرفة دفائنها وطواياها رأى ذلك فيها. ولو فتشت من فتشته لرأيت عنده تعنتاً على القدر وملامة له، وأنه ينبغي أن يكون كذا وكذا، فمستقل ومستكثر".

بس في حاجة مهمة جدا جدا جدا
في ناس بتعمل المعاصي وترتكب الذنوب وبتقول أنا أحسن الظن بالله
ده مش حسن ظن بالله
خلي بالك
فالله سبحانه وتعالى يقول : “إنه من يأتي ربه مجرماً
فإن له نار جهنم خالدين فيها أبداً“،
فلا يجوز أن يفعل الإنسان الجُرم ولا يندم عليه
وبعد كده يقول أنا أحسن الظن بالله.
. فالله وهو أكرم الأكرمين قال لنا: “أَفَنَجْعَلُ الْمُسْلِمِينَ كَالْمُجْرِمِينَ“..

وعن الحسن البصري: (ليس الإيمان بالتمني ولكن ما وقر في القلب وصدَّقه العمل؛ إن قومًا أَلهتهُم أماني المغفرة حتى خرجُوا من الدنيا ولا حسنةَ لهم، وقالوا: نُحسن الظن بالله؛ وكذبوا؛ لو أحسنوا الظن به لأحسنوا العمل).

قال ابن القيم رحمه الله ولا ريب أن حسن الظن بالله إنما يكون مع الإحسان، فإن المحسن حسن الظن بربه، أنه يجازيه على إحسانه،
ولا يخلف وعده، ويقبل توبته، وأما المسيء المصر على الكبائر والظلم والمخالفات فإن وحشة المعاصي والظلم والحرام
تمنعه من حسن الظن بربه، وهذا موجود في الشاهد فإن العبد الآبق المسيء الخارج عن طاعة سيده لا يحسن الظن به،
ولا يجامع وحشة الإساءة إحسان الظن أبداً، فإن المسيء مستوحش بقدر إساءته، وأحسن الناس ظناً بربه أطوعهم له.

كما قال الحسن البصري: ( إن المؤمن أحسن الظن بربه فأحسن العمل، وأن الفاجر أساء الظن بربه فأساء العمل ).

[امة الرحمن/فاطمة]

رد: حمـلة سلوكي لـن يكون خنجر في صـدر الإسـلام

سوء الظن بالأخرين

قال تعالي

(( يا أيها الذين آمنوا اجتنبوا كثيرا من الظن إن بعض الظن إثم ))

كثير مننا أخواتي بتسوء الظن في اللي حواليها

وبتفتكر أنها بكدة بتكون ذكيه ونبيهه بل بالعكس بتكون غاية في الشوم

قال رسول الله صلي الله عليه وسلم

((" إياكم والظن فإن الظن أكذب الحديث ، ولا تجسسوا ، ولا تنافسوا ، ولا تحاسدوا ، ولا تباغضوا ، ولا تدابروا ، وكونوا عباد الله إخوانا "

رواه البخاري

رسولنا الكريم صلي الله عليه وسلم

أمرنا بأجتناب سوء الظن
يبقي لازم ننفذ أوامر الرسول صلي الله عليه وسلم

دايما حطي نفسك مكان اللي هتسيئي بيها الظن

التمسي ليها الاعذار
قال بعض السلف (( التمس لأخيك سبعين عذر
فأن لم تجد فاتهم نفسك لعلك أنت المخطأ ))

وقد روي عن عمر رضي الله عنه أنه قال:

(لا تظن بكلمة صدرت من أخيك شراً وأنت تجد لها في الخير محملاً).

وقال ابن سيرين رحمه الله:
( إذا بلغك عن أخيك شيء فالتمس له عذرًا ، فإن لم تجد فقل: لعل له عذرًا لا أعرفه.)

عن سعد بن عبادة رضى الله عن

رسول الله صلي الله عليه وسلم
قال:"...و لا أحد احب اليه العذر من الله,
و من أجل ذلك بعث المبشرين و المنذرين ..."
رواه البخاري

وقد كان النبي صلى الله عليه وسلم يعلم المسلمين حُسن الظن،
فقد جاءه رجل يقول: "إن امرأتي ولدت غلامًا أسود. فقال النبي صلى الله عليه وسلم: هل لك من إبل؟ قال: نعم. قال: فما ألوانها؟ قال: حُمْرُ. قال: هل فيها من أورق؟ [يعني فيه سواد] قال: إن فيها لأورقًا. قال: فأنى أتاها ذلك. قال: عسى أن يكون نزعه عِرْقٌ. قال: وهذا عسى أن يكون نزعه عِرْق"[رواه البخاري ومسلم واللفظ له].

ماتحكميش علي نيتها بالسوء

فلا يعلم مافي النوايا الا الله عز وجل

أخواتي دايما خليكوا عارفين أن الشخص السئ فقط
هو اللي بيسوء الظن في اللي حواليه ويبحث عن عيوبهم

أما المؤمنه الصالحه فأنها تنظر بعين صالحة لكل الناس
ونفس طيبة لكل الناس
تبحث لهم عن أعذار وتظن دائما بهم خيرا

"وَمَا لَهُمْ بِهِ مِنْ عِلْمٍ إِنْ يَتبِعُونَ إِلا الظن وَإِن الظن لَا يُغْنِي مِنَ الْحَق شَيْئا"
(النجم:28)

أليكم بعض أقوال العلماء في سوء الظن

حكى القرطبي عن أكثر العلماء: أن الظن القبيح بمن ظاهره الخير لا يجوز، وأنه لا حرج في الظن القبيح بمن ظاهره القبيح

روى الترمذي عن سفيان: الظن الذي يأثم به ما تكلم به، فإن لم يتكلم لم يأثم.

وذكر ابن الجوزي قول سفيان هذا عن المفسرين ثم قال: وذهب بعضهم إلى أنه يأثم بنفس الظن ولو لم ينطق به

حبيباتي حسن الظن بالناس يحتاج منك دائما

مجاهدة النفس خاصة ان سوء الظن

باب من ابوا الشيطان
واعظم سبب لقطع طريق الشيطان
هو أحسان الظن بالمسلمين

عن أبي هريرة قال قال رسول الله صلى الله عليه وسلم

(( حسن الظن من حسن العبادة ))

[ رواه الحاكم وأبو داود وأحمد في مسنده ]

[امة الرحمن/فاطمة]

رد: حمـلة سلوكي لـن يكون خنجر في صـدر الإسـلام

تعالي يا أختي الفاضلة نتعلم كيف نتجنب سوء الظن بالناس ؟

خليكي دايما في حالك وبلاش تلتفتي كثير لافعال الناس
تراقبي دي ...... وتتابعي دي ....... وتعيبي علي دي .... وتفتشي في أمور دي

لا الواجب عليكي أنك تصلحي نفسك وتعلي شأنها
ترتقي بنفسك الي مراتب الاداب والاخلاق العاليه

لو شغلتي نفسك بأنك تصليحها
مش هتلاقي عندك وقت ولا فكر
لتشغلي نفسك بالناس وتسوئي بيهم الظن

فقد نهي النبي صلي الله عليه وسلم
عن تتبع أمور الناس وعوراتهم ،
حرصا منه صلى الله عليه وسلم على شغل المسلم نفسه بالخير ، وعدم الوقوع فيما لا يغني من الله شيئا ، فقال :
( يَا مَعْشَرَ مَنْ آمَنَ بِلِسَانِهِ وَلَمْ يَدْخُلْ الْإِيمَانُ قَلْبَهُ ! لَا تَغْتَابُوا الْمُسْلِمِينَ ، وَلَا تَتَّبِعُوا عَوْرَاتِهِمْ ، فَإِنَّهُ مَنْ اتَّبَعَ عَوْرَاتِهِمْ يَتَّبِعُ اللَّهُ عَوْرَتَهُ ،
وَمَنْ يَتَّبِع اللَّهُ عَوْرَتَهُ يَفْضَحْهُ فِي بَيْتِهِ )
رواه ابو داود

يبقي زي ماأتفقنا علي اننا عايزين نتجنب سوء الظن بالناس

اولا زي ماقلنا انك تشوفي عيوبك وتشغلي نفسك بتقويمها وأصلاحها

فإن من عرف عيوب نفسه تواضع لله وللناس ، وظن النقص بنفسه وليس بالناس

ثانيا : خليكي دايما عارفة ان سوء الظن بالناس
من اكبر الذنوب اللي ممكن تقعي فيها من غير ماتحسي
دايما افتكري الايات والاحاديث اللي
بتبين خطورة سوء الظن
والعقاب الشديد عليه

ثالثا دايما بصي علي الخير اللي في الناس
ماتبصيش علي جوانب الشر فقط
كل انسان فيه من الخير
كما فيه من السوء والشر
يبقي ماتلغيش كل حسناته وتبصي فقط علي سيئاته
فمن الظلم الحكم علي الشخص من غير موازنه مابين حسناته وسيئاته

يقول الإمام أبو حامد الغزالي رحمه الله :
" إذا وقع في قلبك ظن السوء ، فهو من وسوسة الشيطان يلقيه إليك ، فينبغي أن تكذبه فإنه أفسق الفساق ،

عليكي كمان بالدعاء
فإنه باب كل خير، وقد كان النبي صلى الله عليه وسلم يسأل ربه أن يرزقه قلبًا سليمًا.

وحاجة مهمة كمان
تجنبي انك تحكمي على النيات
يعني تقولي أيوه مادام عملت كده يبقى أكيد كان نيتها مش كويسة
طيب انتي اطلعتي على نيتها ؟
خليكي في الظاهر وبس وسيبي النيات على الله

وحاولي إنك ما تحكميش على شيء إلا بعد ما تتأكدي منه وتصلي إلى درجة اليقين وتقدري تحلفي على إن ظنك هو الكلام الحقيقي



وآخر حاجة وأول حاجة وكل حاجة
انك تفتكري أخوة الإيمان فالمؤمن في أصل الأمر لا يريد شرا، والتعامل معه وحمل ما يصدر منه على هذا الأصل يوجب حسن الظن والبعد عن سوء الظن

[امة الرحمن/فاطمة]

رد: حمـلة سلوكي لـن يكون خنجر في صـدر الإسـلام

ده واجبك يا أختي تجاه الناس من حسن الظن

طيب فاضل واجبك علشان تمنعي سوء الظن فيكي

كتير من البنات بيقولوا مليش دعوة بالناس مادام أنا مقتنعة إني صح
كده غلط
الإسلام أمرك إنك تبعدي الشبهات عنك
وتفتحي على نفسك باب سوء الظن فيكي وترجعي تزعلي من الناس
ويقى جنيتي على نفسك بكلام الناس عليكي
وجنيتي على أختك بإنك وقعتيها في إثم سوء الظن

فلو حصل موقف هيحطك في موقف شبهه لازم توضحي الحقيقة

جاءت صفية رضي الله عنها إلى رسول الله صلى الله عليه وسلم في المسجد وهو معتكف، ثم قام يقلبها إلى بيتها فمر بهما رجلان فأسرعا، فقال عليه الصلاة والسلام:
(على رسلكما، إنما هي صفية بنت حيي)..
فقالا: سبحان الله، يا رسول الله، وكبر عليهما..
فقال النبي صلى الله عليه وسلم: ( إن الشيطان يبلغ من ابن آدم مبلغ الدم، وإني خشيت أن يقذف في قلوبكما شيئا) ..
فهذا رسول الله صلى الله عليه وسلم يبين كيف أن على المسلم أن يدفع عن نفسه الشبهة.



والإنسان قد يقع في الشبهة من طريقين:

الأول: أن يكون الأمر ليس فيه شبهة أصلا، لكن الناس قد ينظرون إليه على أنه شبهة، كما في قصة صفية رضي الله عنها، فمن المستحسن البيان والتوضيح إذا شعر بريبة الحاضرين.

الثاني: أن يكون شبهة في نفس الأمر، كمن رؤي يكلم امرأة أجنبية، ربما كانت تسأل عن الطريق أو غير ذلك، فمثل هذا لازم عليه أن يبين ـ لمن شك فيه ـ حقيقة القضية، ولا يتركه بشكه ..

عن الضحاك بن ثابت: نذر رجل أن ينحر إبلا ببوانة، فسأل النبي صلى الله عليه وسلم، فقال
( هل كان فيها وثن من أوثان الجاهلية يعبد )؟ ..
قال: لا ..
قال: ( فهل كان فيها عيد من أعيادهم )؟ .
قال: لا :
قال: ( أوف بنذرك فإنه لا وفاء لنذر في معصية الله ولا فيما لا يملك ابن آدم ) ..





هذا الحديث مخرج على أنه قطع لدابر الشرك والذريعة إليه، لكن له أيضا وجه آخر..
وهو أن الإنسان إذا قدم عبادة لله عند قبر أو مكان كان يعبد فيه غير الله تعالى، عرض نفسه للتهمة، فالناظر إليه قد يظن أنه يقدم عبادته للقبر أو الوثن، فيسيء الظن به، فربما كان جاهلا فاستحل دمه قبل أن يستوثق، بدعوى أنه كفر بفعله، والكافر حلال الدم، ولا أقل من أن يرميه في دينه بالشرك، ولذا كان من الواجب الانتهاء عن العبادة في هذا المكان قطعا لدابر الشرك، وحفظا للعرض من التهمة بالشرك ..

وفي كل الأمور الأولى بالمسلم أن ينأى عن الشبهات وكل ما يشين ويعرض العرض للذم والتشوية، فإن بعض ذوي النفوس المريضة يعجبهم البحث عن الزلات وتضخيمها وأن يضيفوا إليها ما ليس منها، وهذا الصنف لا يمكن أن يخلو المجتمع منه، وحتى نتقي شر هؤلاء المغرضين فحتم أن يسعى المرء في الابتعاد عن كل شبهة قد تضره في دينه ودنياه..





فالابتعاد عن الشبهة يحقق فائدتين:
الأولى: سلامة العرض من الذم..

الثانية: عدم تحميل الناس مشقة البحث عن الأعذار لهذا الواقع في الشبهة، وقد علم أن أكثرهم يتضجرون من ذلك، ولذلك تراهم يسيئون الظن ابتداء، لأن إساءة الظن ليس فيها تكلف ولا مشقة، كما في إحسان الظن والتماس المعاذير..
ولذا كان الملتمس للمعاذير مؤمنا، أي مثابا على ذلك، لأنه يحزنه ولا يرضيه الطعن في أخيه، فيجهد نفسه وعقله ولسانه بالدفاع عنه، بينما الطالب للزلات منافق، لا ثواب له، لأنه لا يدفع عن عرض المؤمن، بل يتشفى ويشمت ويفرح بزلات المؤمنين، وتلك ليست من صفات المؤمنين .. فاللهم اغفر لنا ولمن ظلمناهم بسوء الظن ياراحم الرحمين


والسلام عليكم ورحمة الله وبركاته
اللهم ارزقنا حسن الظن بك وبالناس
وآلف بين قلوبنا..

[امة الرحمن/فاطمة]

رد: حمـلة سلوكي لـن يكون خنجر في صـدر الإسـلام

الواجب يا أخواتي

الموقف الأول :

منال خرجت تتفسح
وفجأة لقت قدامها سعاد وهيه بتتمشى مع واحد ( المفروض إنه أخوها بس منال متعرفش )

من رأيك المفروض منال وسعاد يعملوا ايه علشان يجتنبوا سوء الظن ؟



الموقف الثاني :

نهى وندى قاعدين مع بعض قدام الكمبيوتر
وفجأة اتفتحت صفحة مش كويسة
الشيطان أغراهم وقعدوا يتفرجوا

وبعد ما اتفرجوا
نهى اتفتحت في العياط وهيه بتقول ايه اللي عملته ده أنا مش ممكن ربنا يغفرلي
وندى قالت يا ستي ربنا غفور رحيم
ايه رأيك في رد فعل ندى ونهى ؟ وما الواجب على كل منهما

[امة الرحمن/فاطمة]

رد: حمـلة سلوكي لـن يكون خنجر في صـدر الإسـلام

الحمد لله رب العالمين الرحمن الرحيم
الذي خلق فسوي وقدر فهدي
والذي انعم علينا بنعم كثيرة لا تعد ولا تحصي

قال الله تعالي
( (وَإِن تَعُدُّواْ نِعْمَتَ اللّهِ لاَ تُحْصُوهَا إِنَّ الإِنسَانَ لَظَلُومٌ كَفَّارٌ (34) إبراهيم)
)

ولكن أعظم هذة النعم وأكبر هذة المنن
هي نعمة الاسلام
أن هدانا الله لهذا الدين وجعلنا من المسلمين

خلق الله عز وجل الانسان وخلق له اعضاءه

قال تعالي ({وَلَقَدْ خَلَقْنَا الإِنْسَانَ وَنَعْلَمُ مَا تُوَسْوِسُ بِهِ نَفْسُهُ} )

وقال تعالي ( (يَا أَيُّهَا الْإِنْسَانُ مَا غَرَّكَ بِرَبِّكَ الْكَرِيمِ * الَّذِي خَلَقَكَ فَسَوَّاكَ فَعَدَلَكَ * فِي أَيِّ صُورَةٍ مَا شَاءَ رَكَّبَكَ) [الانفطار: 6-8]

وكما قال تعالي ( وَاللَّهُ أَخْرَجَكُمْ مِنْ بُطُونِ أُمَّهَاتِكُمْ لا تَعْلَمُونَ شَيْئًا وَجَعَلَ لَكُمُ السَّمْعَ وَالأَبْصَارَ وَالأَفْئِدَةَ لَعَلَّكُمْ تَشْكُرُونَ .)

شوفي الطفل المولود عمال يوءوء ومش حاسس بأي حاجة
الكل يلاعبه ويشيله وفرحان بيه
وبعدين بشوية يتعلم التهته
وبنكون فرحانين أوي لما يقول ماما وبابا
وبعدين يكبر ولسانه ينطلق
بنبقي عاوزين نوقف لسانه ومش عارفين

وهو ده درسنا أنهاردة
عن حفظ اللسان
عاوزين فرامل للسان

خلقنا الله عز وجل
بنبص بعيونا
بنشم بأنفنا
بنلمس بأدينا
بنتكلم بلسنا
وبنتحرك برجلينا
وبنسمع بأذننا

دي كلها نعم من الله عز وجل علي الانسان
ونعم الله لاتعد ولا تحصي

وجعل الله عز وجل نعمه اللسان اللي بنتكلم بيه
أيه من أيات الله

قال الله تعالي
(" وَمِنْ آيَاتِهِ خَلْقُ السَّمَوَاتِ وَالأَرْضِ وَاخْتِلافُ أَلْسِنَتِكُمْ وَأَلْوَانِكُمْ إِنَّ فِي ذَلِكَ لآيَاتٍ لِّلْعَالِمِينَ " (الروم:22)

)

اذا الله عز وجل خلق الانسان وخلق له أعضاءه
ووضح الله تعالي ان هذة الاعضاء نعم

طيب انتي عارفة لو فكرتي شوية
هتلاقي من النعم اللي منقدرش نستغني عنها
هي نعمة البصر واللسان

سبحان الله واكيد محدش هيقدر يستغني عن بقية النعم
طيب اسألي نفسك كده

واختاري بين البصر والسمع واللسان

طيب الايدين ولا الرجلين

هتلاقي نفسك مش قادرة تستغني عن ولا نعمه من هذة النعم

اذا النعم دي كلها نعم من الله عز وجل علي الانسان بها
بس زي ماتفقنا ان اكبر نعمه وأعظم منه هي نعمة الاسلام
ان هدانا الله عز وجل لهذا الدين وجعلنا مسلمين

طيب هو اللسان ده نعمه ولا نقمة
احنا ساعات بنخليه نقمه

قال الله تعالي
( لَا أُقْسِمُ بِهَذَا الْبَلَدِ * وَأَنْتَ حِلٌّ بِهَذَا الْبَلَدِ * وَوَالِدٍ وَمَا وَلَدَ * لَقَدْ خَلَقْنَا الْإِنْسَانَ فِي كَبَدٍ * أَيَحْسَبُ أَنْ لَنْ يَقْدِرَ عَلَيْهِ أَحَدٌ * يَقُولُ أَهْلَكْتُ مَالًا لُبَدًا * أَيَحْسَبُ أَنْ لَمْ يَرَهُ أَحَدٌ * أَلَمْ نَجْعَلْ لَهُ عَيْنَيْنِ * وَلِسَانًا وَشَفَتَيْنِ *(البلد1_9)

سبحان الله اللسان ده نعمه من نعم الله علينا
طيب احنا حاسين بالنعمه دي
احنا مش بنحس بالنعم ألا لما بتتاخد مننا
صحيح
أهو احنا بناكل بأسننا
ونبص بعيونا
ونتكلم بلسنا
ومش حاسين بالنعم اللي انعم الله عز وجل علينا بيها
لما تزول بس عنا هذة النعم هنحس بيها ونحمد ربنا عليها

اللسان شأنه شأن النعم كلها

ربنا بيدينا النعم وهو سبحانه هيحسبنا عليها

يعني نحافظ علي نعم ربنا لحسن ربنا ياخدها مننا
ولو ربنا سبحانه أخدها مننا يبقي بيحبنا
بدل مانحتاس في الاخرة يوم الحساب

يعني مثلا واحدة مش قادرة تغض بصرها
وعماله تبص علي الحرام وتقولك مش قادرة
لو ربنا أخد منها نعمة البصر هتقول ايه
هتقول يارب رجعلي لي بصري وانا مش هبص علي الحرام تاني
وده زي بالضبط اللي هيحصل مع نعمة اللسان
ولو ماحفظناش عليها

ربنا سبحانه وتعالي أمرنا أن نحافظ علي نعمة اللسان
يعني لا تتكلمي الا بخير

وفي السوء والباطل لا ماتتكلميش

وكلنا عارفين أن شكر النعم لما ربنا عز وجل بيعطينا نعمة




مثلا فلوس بنشكر ربنا أزاي

بنشكر ربنا بحاجتين
هما اللسان والعمل
بتشكري ربنا بلسانك انك تحمديه سبحانه وتعالي
واما بالعمل انك مثلا تصرفي فلوسك في الحلال
( اعملوا أل داود )

طيب نشكر ربنا علي نعمة اللسان أزاي
اننا نحفظ لسانا
أحفظي لسانك
لان كل كلمة بتقوليها هتتحاسبي عليها يوم الحساب
( لا يلفظ من قول الا ولديه رقيب عتيد )

النبي ( صلي الله عليه وسلم قال )
: ( من كان يؤمن بالله واليوم الآخر ، فليقل خيرا أو ليصمت ، ومن كان يؤمن بالله واليوم الآخر ،فليكرم جاره
ومن كان يؤمن بالله واليوم الاخر فليكرم ضيفه
رواه البخاري ومسلم

يعني يأما تسكتي يأما تتكلمي بخير

شايفة كلامك فيه خير قوليه
شايفة مافيهوش خير يبقي تسكتي أحسن
وقبل ماتتكلمي فكري شوية في اللي هتتكلمي بيه
فيه خير قولي ( فليقل خير )
لا مافيهوش خير يبقي قلته أحسن ( او ليصمت )
مش قادرة تسكتي وواخدة علي الرغي
يبقي أذكري الله
أيوة اذكري الله سبحي استغفري اشغلي لسانك بذكر الله سبحانه
وانتي اللي كسبانه في الاخر


قال ( صلي الله عليه وسلم )
المسلم من سلم المسلمون من لسانه
والمهاجر من هجر مانهي الله عنه

يعني لو الناس سلمت من لسانك هتكوني مسلمة بحق

يتبببببببببببع

[امة الرحمن/فاطمة]

رد: حمـلة سلوكي لـن يكون خنجر في صـدر الإسـلام

طيب أزاي اكون مسلمة بحق

يعني معملش ايه بلساني علشان اكون مسلمة بحق

هقولك متعمليش ايه

1- السب والشتيمة

2- القذف

3- الغيبة
4- النميمة
5- الكذب
6- النفاق
7- ذو الوجهين

ودي كلها بلاوي ممكن يعملها اللسان

وهنبدأ واحدة واحدة

اول حاجة السب والشتيمة

هو ربنا عز وجل جعل لنا لسان علشان نسب ونشتم بيه

وتشتمي غيرك ليه هو اللي انتي بتشتميها دي مش ربنا خلقها

طيب بتشتميها وتقوليلها ايه
يابنت كذا ويابنت كذا
ياخبر أنتي بكده شتمتي أبويها
تخيلي بقي لو هي كمان ردت عليكي وشتمت أويكي
يبقي هينطبق عليكي حديث الرسول صلي الله عليه وسلم

ألا أنبئكم بأكبر الكبائر ؟ - ثلاثا - قلنا : بلى يا رسول الله ،

قال : الإشراك بالله ، وعقوق الوالدين وكان متكئا فجلس ، وقال : ألا وقول الزور ، وشهادة الزور

فما زال يكررها حتى قلنا : ليته سكت .
رواه البخاري

وقال ايضا صلي الله عليه وسلم

" من الكبائر شتم الرجل والديه " . قالوا : يا رسول الله ، وهل يشتم الرجل والديه ؟

قال : " نعم ، يسب أبا الرجل ، فيسب أباه ، ويسب أمه ، فيسب أمه " .

متفق عليه

وقال صلى الله عليه وسلم "سباب المسلم فسوق وقتاله كفر" متفق عليه



وقال صلى الله عليه وسلم : " ليس المؤمن بطعان ولا لعان ولا فاحش ولا بذيء " حديث صحيح

يبقي اللسان مش للسب والشتم

والمؤمن مش ممكن يكون بيعمل كده

قال الله تعالي ( ولا تنابذوا بالالقاب .)

ثاني حاجة القذف

ماتقذفيش اي حد بالباطل

مثلا انك تقولي علي واحدة انها زانيه

ألا لو شوفتيها بعينك وممعاكي ثلاثة
علشان تبقوا اربعة
يبقي بلاش قذف المحصنات
( والذين يرمون المحصنات الغافلات ....)
اتقي الله في لسانك

ثالث حاجه الغيبة

اولا يعني ايه غيبة

الغيبة هي ذكرك أخاك بما يكره

قال رسول الله صلي الله عليه وسلم

أتدرون ما الغيبة قالوا الله ورسوله أعلم

قال ذكرك أخاك بما يكره قيل أفرأيت إن كان في أخي ما أقول
قال إن كان فيه ما تقول فقد اغتبته وإن لم يكن فيه فقد بهته
رواه مسلم

يعني أنك تجيبي سيرة واحدة

وتقولي عنها حاجة هي متحبش تسمعها

طيب افرض الحاجة اللي انا بقولها دي صحيحه

يبقي انتي كده أغتبتيها وهي دي الغيبة
ولو مكنتش فيها الحاجة دي يبقي انتي كده ظلمتيها
يعني من الاخر خسرانه خسرانه

وطبعا لايخفي عليكم أن اكثر حد بيقع في الموضوع ده

اللي هو الغيبة .... أحنا يامعشر النساء

أنك تلاقي اتنين عمالين يرغوا

ودي تقولها وازي فلانه
التانية ترد هو أنتي ماتعرفيش طيب انا هقولك
وتديها بقي لوك لوك لوك لوك
وكلام مالوش اي لزمه
طيب انتي بتقولي الكلام ده ليه
تقولك أدينا بنتسلي
ياخبر بتتسلوا بأعراض الناس
تتسلي بالغيبة
أستغفري الله

طيب أنتي عارفة اللي بتجيبي سيرتها دي

يابختها وياسعدها وياهناها

عارفة ليه لانها بتاخد حسنات منك ياحلوة
وأنتي ولا حاسة
يبقي نبعد عن الغيبة علشان ربنا يكرمنا ويرضي عننا
ويبارك لنا في نعمة اللسان

واحنا مانتواصش بالغيبة دي

اللي بتتكلم عن حماتها واللي بتتكلم عن أخت زوجها

واللي عن جارتها واللي عن سلفتها

وناسين خالص انها غيبة وانها حرام
يبقي ايه يبقي نمسك لسانا ونحفظه

والاخت العاقله تعمل ايه

ماتعمليش ودنك صندوق زباله

بلاش نعمل ودننا صندوق زباله

ونقعد نسمع دي ودي ترمي في ودنك زباله
وانتي وهي في الاخر الخسرانين

يبقي أول ما واحدة تتكلم معاكي وهتجيب في سيرة واحدة

لا استوب

تقولي لها يأختي بلاش نجيب في سيرة حد أحنا كده بناخد سيئات

واتكلموا عن ذكر الله أذكروا الصحبيبات
اتعلموا شئ يفيدكم دنيا واخرة

يتبـــع إن شاء الله

[الراجية حب الله ولقائه]

رد: حمـلة سلوكي لـن يكون خنجر في صـدر الإسـلام

جزاكِ الله خيرااا

[امة الرحمن/فاطمة]

رد: حمـلة سلوكي لـن يكون خنجر في صـدر الإسـلام

جزانا الله وإياكِ كل خير

بارك الله فيكِ

[امة الرحمن/فاطمة]

رد: حمـلة سلوكي لـن يكون خنجر في صـدر الإسـلام

رابع حاجة النميمة

طيب هي أيه النميمة
النميمة هي أنك تنقلي كلام واحدة للتانية
علشان توقعي بينهم

قال ( صلي الله عليه وسلم )
لا يدخل الجنة نمام

نمامه هي اللي تنقل كلام واحدة للتانيه علشان توقع بينهم
وطبعا ده حــــــــــــــــــــرام
وده من أفــــــــــــــــات اللسات

ومن أفات اللسان ايضا
الكذب

عليكم بالصدق في كل كلامكم
حتي لو علي رقبتكم

قال رسول الله صلي الله عليه وسلم

ان الصدق يهدي الى البر و ان البر يهدي الى الجنة و ان الرجل ليصدق حتى يكتب عند الله صديقا و ان الكذب يهدي الى الفجور و ان الفجور يهدي الى النار و ان الرجل ليكذب حتى يكتب عند الله كذابا -
متفق عليه

الكدب ملوش رجلين !!

وكمان ذو الوجهين

قال رسول الله صلي الله عليه وسلم

(تجد من شر الناس يوم القيامة عند الله ذا الوجهين الذي يأتي هؤلاء بوجه وهؤلاء بوجه)

رواه البخاري

تروحي عند دي وتقوليها دي البنت دي كذا وكذا وكذا
وتروحي عند البنت نفسها اللي بتتكلمي عنها
وتقولي لها دي الست دي سيبك منها دي طلعت كذا وكذا وكذا

يبقي أنتي كده بوشين
طيب أنتي مع مين فيهم
تقولك أنا مع كله
( بتوع كله يعني )
لا ياحلوة حرام خليكي مع الحق دائما
وذو الوجهين ده من أفات اللسان

وأخيرا النفاق
من مصايب اللسان أنك تنافقي
تبقي عارفة الصح من الغلط ومع ذلك تنافقي
وتقولي لنفسك الدنيا كلها كده
أنا مالي الكل بيعمل كده
علشان مثلا ترضي مديرتك أو رئيستك في الشغل
( أخترانك ومشينا وراك )حتي لو كان غلط برده ماشين وراك ليه علشان هو رئيسك او مديرك
يبقي النفاق برده من أفات اللسان