حمـلة سلوكي لـن يكون خنجر في صـدر الإسـلام

[امة الرحمن/فاطمة]

رد: حمـلة سلوكي لـن يكون خنجر في صـدر الإسـلام

السلام عليكم ورحمة الله وبركاته

وصلنا ياأخوات للمحطة الاخيرة من درس اليوم أهم وأخطر مرحلة

وهي التطبيق العملي لما درسناه

يوجد لدينا موقفين

كثير ما نتعرض لهم على مدار اليوم

كيف نتعامل معها؟ كيف ستحققي الإخلاص وتروضي نفسك عليه؟

والآن مع الموقف الأول:


1- سوسن قابلت ماجدة في النادي ودار بينهم الحوار الآتي:

سوسن:هاي جودي وحشاني

ماجده:هاي سوسو وانت اكتر يا قمر

سوسن:انت غيرتي ميعاد ميدو بتاع التدريب ليه

ماجده:اصل يا حبي زمايلوه في التدريب لقيتهم اشتركوا في دار فطبعا لازم اودي ميدو زيهم


سوسن:وطبعا ليه بقى

ماجدة:ازاي ليه هو أقل منهم ولا أقل منهم

سوسن:امممم لاء مش اقل طبعا
ماجدة:ها وأنت حتودي حمودي ولا لاء،لازم توديه يا بنتي ،كده الولد حيحس أنه أقل من زمايلوه،لازم توديه يحفظ قرآن زي أصحابه

سوسن:حافكر وأشوف وأشاور أبوه

ياللا سلام بقه لحسن جوزي رن عليا وشيكلوه مستنينا بره سلام

ماجده:سلام

ما هو التصرف السليم لسوسن مع ذكر دليل من القرآن أو السنة



الموقف الثاني:

اليوم نحن في النادي وماجدة وسوسن وهايدي متجمعين مع بعض ولادهم

أصحاب في تدريب السباحة

ودار الحوار الآتي:
سوسن:هاي يا قمرات عاش من شافكم

ماجدة:هاي يا سوسو وحشتنا اللمة


هايدي:هاي يا سوسو اخيرا خلصنا إمتحانات أووووف كانت الدراسة هم على القلب


سوسن وماجدة:ههههههههههه


ماجدة:بس تعرفوا الحفلة السنة دي كانت تحفة

هايدي:أيوه طبعا لازم تقولي كده أنت والست هانم سوسن السوسه دي ماهو أنتم عيالكم أتكرموا وأخدوا الطلاب المثاليين


ماجدة وسوسن:هههههههههه


ماجدة:أبدا والله بس كانت حلوة بس إن جيتي للحق كنت فخورة بابني أوي ،أنا وأبوه بنتعب أوي في تربيته هو وأخوه

سوسن:كلنا ياأختي بنتعب هههههههه

هايدي:أيوه صح

ماجدة:ههههههههههه

ماجدة تكمل حديثها أنا ليل نهار شغاله توجيه

يابني اوعك تعمل كده الناس حتقول عليك إيه؟؟؟ يا ابني غلط كده شكلك

أدام أصحابك حيكون إزاي؟؟؟

يا ابني عيب نعمل كده الناس حتبعد عنك ومش حتعرفك ؟؟؟

يا ابني الاتيكيت بيقول ماينفعش نعمل كده !!!

اااااااااااااه يا قلبي بقي وجعني من كتر الكلام معاهم

سوسن وهايدي:ههههههههههههههههههه

ماجدة:وأنت يا سوسن أكيد بتعملي زيي صح؟

ياترى ما هو الرد السليم لسوسن؟؟؟

وهناك كانت أخطاء في الحوار في الألفاظ المفروض مش تكون في حوارنا كمسلمين فماهي ؟؟

بارك الله في كل من تجاوب

وسأجاوب بالتأكيد ولكن في النهاية بإذن الله

[اسماء مصرية]

رد: حمـلة سلوكي لـن يكون خنجر في صـدر الإسـلام

اخية هوانتى فاطمة اللى فى احلى حياة ؟

[امة الرحمن/فاطمة]

رد: حمـلة سلوكي لـن يكون خنجر في صـدر الإسـلام

اخية هوانتى فاطمة اللى فى احلى حياة ؟

نعم يا أسماء

ربنا يكرمك ويرفع قدرك اللهم آمين

[امة الرحمن/فاطمة]

رد: حمـلة سلوكي لـن يكون خنجر في صـدر الإسـلام

الحمد لله رب العالمين
والصلاة والسلام علي خير المرسيلن
سيدنا محمد صلي الله عليه وسلم واله وصحبه اجمعين
أخواتي كيف حالكنّ مع الله

كيف هي أخلاقنا
أحنا بنتحلي بجميع الأخلاق اللي أمرنا بيها الله تعالي
ووصنا بيها رسول الله صلي الله عليه وسلم
الدرس الي فات كان عن الإخلاص

إيه رأيكم الدرس ده يكون عن الرفق

طيب يعني إيه رفق
الرفق ضد العنف والشدّة ،
ويُراد به اليسر في الاَُمور والسهولة في التوصل إليها ،

الله سبحانه وتعالي وصف النبي صلي الله عليه وسلم
( عزيز عليه ماعنتم حريص عليكم بالمؤمنين رؤف رحيم)

ومن حرصه علينا صلي الله عليه وسلم
أنه ماترك طريقا يقربنا من الجنه إلا ودلنا عليه
وماعلم شيئا يقربنا الي النار إلا وحذرنا منه

قال ( صلي الله عليه وسلم )
تركت فيكم ما ان تمسكتم به لن تضلوا بعدي أبدا

أوصانا صلي الله عليه وسلم في سنته بوصايا كثيره من هذه الوصايا
( الرفق )


وروي مسلم
(أن عائشة رضي الله عنها ركبت بعيراً وكانت فيه صعوبة
فجعلت تردده فقال لها رسول الله صلى الله عليه وسلم:
عليك بالرفق).

وروي مسلم عن ام المؤمنين عائشة رضي الله عنها
عن النبي صلي الله عليه وسلم
قال ما كان الرفق في شيء إلا زانه وما نزع من شيء إلا شانه "


وروي البخاري عن عائشة رضي الله عنها
عن النبي صلي الله عليه وسلم
عن عائشة رضي اللَّه تعالى عنها قالت :
"استأذن نفر من اليهود على النبي صلى اللَّه عليه وسلم :
فقالوا السام عليك،
فقال النبي صلى اللَّه عليه وسلم : وعليكم
فقالت عائشة رضي اللَّه تعالى عنها : وعليكم السام واللعنة
فقال النبي صلى اللَّه عليه وسلم :
يا عائشة إن اللَّه يحب الرفق في الأمر كله
قالت : ألم تسمع ما قالوا؟

قال : قد قلت وعليكم"

أخواتي الكريمات الاسلام دعانا الي الرفق وأمرنا بالتحلي به
طيب مين اولى الناس بالتحلي بالرفق
اولى الناس بالتحلي بالرفق هما الدعاة الي الله

الداعيه الفظه الغليظه اللي تتكلم
وتدعوا أخواتها بطريقة غليظه وخشنة
أكيد هتلاقي الكل انفض من حوليها وتركوها
يبقي لازم حبوبتي نتحلي بالرفق ان كنا عايزين ندعوا الي الله تعالي

بس مش معني ده إن الإسلام يأمر الداعيه الي الله
أن تنافق الناس أو تمشي علي هواهم
مش معني إن إسلامي أمرني
كداعيه إلي الله أن أتحلى بالرفق والحلم
إني أنافق الناس وأمشي على هواهم علشان مايزعلوش مني وينفضوا من حولي
لا طبعا قولي الحق بس خليكي لطيفة رئيفة وتحلي بالرفق

وهذا ماقاله الله سبحانه وتعالي

( فبما رحمه من الله لنت لهم ولو كنت فظا غليظ القلب لانفضوا من حولك ........

يبقي كده عرفنا أن أولى الناس بالتحلي
بالرفق هما الدعاه إلي الله تعالي

الله سبحانه وتعالي بعث نبيين كريمين إلي طاغيه جبار سفاك دماء
وأمرهم بالرفق معه في الدعوة
بعث الله تعالي ( موسي وهارون عليهما السلام )إ
لي فرعون الطاغيه عليه من الله مايستحق
وقال لهم سبحانه وتعالي
(" اذهبا إلى فرعون إنه طغى *
فقولا له قولا لينا لعله يتذكر أو يخشى " )
لينا يعني رفيقا

خودي بالك إن ربنا سبحانه وتعالي لم يقل نافقوه
لا بل قال لهم سبحانه قولوا له الحق ولكن برفق بــلين
( فقولا له قولا لينا )

طيب هقولك بقي
أنتي عارفة إن الرفق من صفات الله تعالي
ايوة الرفق من صفاته سبحانه وتعالي

أزاي انا هقولك ازاي
الله سبحانه وتعالي
يعاملنا بالرفق
يعاملنا بالرحمه والرأفة

خيره إلي عباده نازل
وشرهم إليه طالع
يتحبب إلينا بالنعم وهو الغني عنا
ويتبغضون إليه بالمعاصي

كم مرة شوفتي في حياتك
انسان يحارب الله سبحانه وتعالي
ويطعمه الله لأنه رفيق بعباده

إنسان يبارز الله بالمعاصي
وربنا يكسوه ويزوجه ويعطيه
لانه رؤوف بعباده

الله سبحانه وتعالي يتعامل معنا بالرفق والرأفة والرحمة
يعطينا الفرصه ما بعد الفرصه
لكنه سبحانه إذا أخذ فأخذه أليم شديد

( اللهم عاملنا بفضلك وجودك دائما وابدا )
اللهم امييين

الرفق من صفات الله تعالي
روي البخاري عن أم المؤمنين عائشة رضي الله عنها
قال لي رسول الله صلي الله عليه وسلم
ياعائشة إن الله رفيق يحب الرفق وان الله
يعطي علي الرفق مالا يعطي علي العنف

طيب سؤال بقي
أنتوا مش عايزين ربنا سبحانه يحبكم ؟
أنتي بتقولي إيه أكيد طبعا ودي عايزة كلام

يبقي أرفقوا ببعضكم

أرفقوا بالعصاة

أرفقوا بأنفسكم

أرفقوا بالوالدين

ارحموا من في الأرض يرحمكم من في السماء

أرفقوا بمن في الأرض يرفق بكم رب السماء

الله سبحانه رفيق بنا ويحب أهل الرفق
ويعطيهم في الدنيا والأخرة اعظم مايعطي علي العنف


يتتبع

[امة الرحمن/فاطمة]

رد: حمـلة سلوكي لـن يكون خنجر في صـدر الإسـلام

طيب ايه رايكم يا أخواتي نتعرف علي انواع الرفق

أولا الرفق بالانسان


فالمسلم الخلوق لايعامل الناس بشدة أو عنف أو جفاء
وكان رسول الله صلي الله عليه وسلم أبعد مايكون عن الغلظه والشدة

قال تعالى: {ولو كنت فظًا غليظ القلب لانفضوا من حولك}

والمسلم لا يسب الناس، ولا يشتمهم،

وقد حذَّر النبي صلى الله عليه وسلم من ذلك فقال:
(سباب المسلم فسوق وقتاله كفر)
[متفق عليه].


الرفق بالخدم


كان رسول الله صلى الله عليه وسلم رفيقًا بالخدم،
وأمر من عنده خادم أن يطعمه مما يأكل، ويلبسه مما يلبس،
ولا يكلفه ما لا يطيق، فإن كلَّفه ما لا يطيق فعليه أن يعينه.
يقول صلى الله عليه وسلم في حق الخدم:
(من لطم مملوكه أو ضربه فكفارته أن يعْتِقَه (يجعله حرًّا)
[مسلم].



الرفق بالحيوانات

نهى الإسلام عن تعذيب الحيوانات والطيور وكل شيء فيه روح،

وقد مَرَّ أنس بن مالك على قوم نصبوا أمامهم دجاجة،
وجعلوها هدفًا لهم، وأخذوا يرمونها بالحجارة،

فقال أنس: نهى رسول الله صلى الله عليه وسلم أن تُصْبَرَ البهائم

(أي تحبس وتعذب وتقيد وترمي حتى الموت).
رواه مسلم

ومَرَّ ابن عمر -رضي الله عنه-على فتيان من قريش،
وقد وضعوا أمامهم طيرًا، وأخذوا يرمونه بالنبال،
فلما رأوا ابن عمر تفرقوا،
فقال لهم:مَنْ فعل هذا؟ لعن الله من فعل هذا،

إن رسول الله صلى الله عليه وسلم لعن من اتخذ شيئًا فيه الروح غرضًا (هدفًا يرميه).

[مسلم].


ومن الرفق بالحيوان ذبحه بسكين حاد حتى لا يتعذب،
يقول النبي صلى الله عليه وسلم:
(إن الله كتب الإحسان على كل شيء، فإذا قتلتم (أي: في الحروب)

فأحسنوا القتلة، وإذا ذبحتم فأحسنوا الذبح، ولْيُحِدَّ أحدُكم شَفْرَتَه
(السكينة التي يذبح بها)، ولْيُرِحْ ذبيحته)

[متفق عليه].


وقد بين النبي صلى الله عليه وسلم أن الله سبحانه قد غفر لرجل؛
لأنه سقى كلبًا كاد يموت من العطش.

بينما دخلت امرأة النار؛ لأنها حبست قطة،
فلم تطعمها ولم تَسْقِهَا حتى ماتت.



الرفق بالجمادات


المسلم رفيق مع كل شيء، حتى مع الجمادات، فيحافظ على أدواته، ويتعامل مع كل ما حوله بلين ورفق، ولا يعرضها للتلف بسبب سوء الاستعمال والإهمال.



كما أمر الاسلام بالرفق بالزوجة

فقد كان رسول الله صلى الله عليه وسلم أرفق وارحم بعائشة رضي الله عنها من أبيها أبو بكر رضي الله عنه حينما جرى بينها وبين رسول الله صلى الله عليه وسلم كلام حتى دخل أبو بكر حكما بينهما .

فقال النبي صلى الله عليه وسلم : " تكلمي أو أتكلم "
فقالت رضي الله عنها : تكلم أنت ولا تقل إلا حقا ..
فلطمها أبو بكر رضي الله عنه حتى أدمى فاها
وقال :أو يقول غير الحق يا عدوة نفسها ؟
فاستجارت برسول الله صلى الله عليه وسلم وقعدت خلف ظهره ..
فقال النبي صلى الله عليه وسلم :
" إنا لم ندعك لهذا , ولم نرد منك هذا "

صحيح البخاري

[أميرة بإسلامي2]

رد: حمـلة سلوكي لـن يكون خنجر في صـدر الإسـلام

السلالم عليكم ورحمة الله وبركاته
جزاااك الله خيرا اختى ونفع بك وبارك الله فيك

[امة الرحمن/فاطمة]

رد: حمـلة سلوكي لـن يكون خنجر في صـدر الإسـلام

وعليكم السلام ورحمة الله وبركاته

اللهم آمين وإياكِ


جزانا الله وإياكِ

وفيكِ بارك الله

[امة الرحمن/فاطمة]

رد: حمـلة سلوكي لـن يكون خنجر في صـدر الإسـلام

أهمية الرفق واللين

عن عائشة – رضي الله عنها – أن النبي صلى الله عليه وسلم قال لها :
(إنه من أعطي حظه من الرفق فقد أعطي حظه من خير الدنيا والآخرة ، وصلة الرحم ،
وحسن الخلق ، وحسن الجوار يعمران الديار ويزيدان في الأعمار).


رسولنا صلي الله عليه وسلم
عظم شأن الرفق في أمورنا كلها
وبين لنا عليه الصلاة والسلام بفعله وقوله
حتي تعمل أمته بالرفق في أمورها كلها
وخصوصا الدعاه الي الله عز وجل
وزي ماتفقنا انهم أولى الناس بالرفق في دعوتهم وفي جميع تصرفاتهم وأحوالهم




والرسول صلي عليه وسلم
قدر حذر من العنف وعن التشديد علي أمته
صلي الله عليه وسلم

فعن عائشة – رضي الله عنها – قالت :
سمعت رسول الله صلى الله عليه وسلم يقول في بيتي
هذا : (اللهم من ولي من أمر أمتى شيئاً فشق عليهم ،
فاشقق عليهم ، ومن ولي من أمر أمتي
شيئاً فرفق بهم فارفق به) ،





وكان صلى الله عليه وسلم إذا أرسل أحداً من أصحابه في بعض
أمرهم بالتيسير ونهاهم عن التنفير .


فعن أبي موسى – رضي الله عنه – قال :
كان رسول الله صلى الله عليه وسلم إذا بعث أحداً
من أصحابه في بعض أموره قال : (بشروا ولا تنفروا ، ويسروا ولا تعسروا).


وعن عائشة رضي الله عنها قالت :
قال رسول الله صلى الله عليه وسلم :
(إذا أراد الله – عز وجل – بأهل بيت خيراً أدخل عليهم الرفق).


وقال صلى الله عليه وسلم
لأبي موسى الأشعري ومعاذ – رضي الله عنهما –
حينما بعثهما إلى اليمن : (يسرا ولا تعسرا ، وبشرا ولا تنفرا ، وتطاوعا ولا تختلفا)





وزي ماهو واضح ان في هذة الاحاديث أمرنا الرسول صلي الله عليه وسلم
بالتيسير والرفق ونهانا عن التنفير والشدة





نشوف بعض الامثله عن الرفق في الدعوة

المثال الأول : مع شاب استأذن في الزنا
عن أبي أمامة – رضي الله عنه – قال :
إن فتى شابا أتى النبي صلى الله عليه وسلم فقال :
يا رسول الله ، ائذن لي بالزنا ، فأقبل القوم عليه فزجروه ،
وقالوا : مه مه ! فقال له :
(ادنه) ، فدنا منه قريباً ، قال : (أتحبه لأمك ؟)
قال : (لا والله ، جعلني الله فداءك ، قال : لا
والله يا رسول الله ، جعلني الله فداءك.
قال : (ولا الناس يحبونه لبناتهم). قال : (أفتحبه لأختك ؟)
قال : لا والله جعلني الله فداءك. قال (ولا الناس يحبونه لأخواتهم).
قال : (أفتحبه لعمتك ؟)
قال : لا والله ، جعلني الله فداءك. قال : (ولا الناس يحبونه لعماتهم) .
قال (أفتحبه لخالتك ؟)
قال : لا والله جعلني الله فداءك.
قال : (ولا الناس يحبونه لخالاتهم) .
قال : فوضع يده عليه ، وقال : (اللهم اغفر ذنبه ، وطهر قلبه ، وحصن فرجه) ،
فلم يكن بعد ذلك الفتى يلتفت إلى شيء .





المثال الثاني : مع اليهود
عن عائشة – رضي الله عنها – قالت

(دخل رهط من اليهود على رسول الله صلى الله عليه وسلم
فقالوا : السام عليكم .
قالت عائشة : ففهمتها فقلت : وعليكم السام واللعنة.
قلت : فقال رسول الله صلى الله عليه وسلم :
(مهلاً يا عائشة إن الله يحب الرفق في الأمر كله) ،
فقلت : يا رسول الله أو لم تسمع ما قالوا ؟
قال رسول الله صلى الله عليه وسلم : (قد قلت وعليكم) .

وقال صلى الله عليه وسلم :
(يا عائشة إن الله رفيق يحب الرفق ، ويعطي على الرفق ما لا
يعطي على العنف ، وما لا يعطي على ما سواه) .

وقال صلى الله عليه وسلم :
(إن الرفق لا يكون في شيء إلا زانه ، ولا ينزع من شيء إلا شانه).

وقال صلى الله عليه وسلم :
(من أعطي حظه من الرفق أعطي حظه من الخير ،
وليس شيء أثقل في الميزان من الخلق الحسن).





المثال الثالث
عن عمر بن أبي سلمة – رضي الله عنه –
قال : كنت غلاماً في حجر رسول الله صلى الله
عليه وسلم وكانت يدي تطيش في الصفحة ،
فقال لي رسول الله صلى الله عليه وسلم :
(يا غلام سم الله ، وكل بيمينك ، وكل مما يليك) ،
فمازالت تلك طعمتي بعد.





المثال الربع : مع معاوية بن الحكم :
عن معاوية بن الحكم السلمي – رضي الله عنه – قال :
بينا أنا أصلي مع رسول الله صلى الله عليه وسلم إذ عطس رجل من القوم ،
فقلت : يرحمك الله !
فرماني القوم بأبصارهم ، فقلت : واثكل أمياه ما شأنكم تنظرون إلي ؟
فجعلوا يضربون بأيديهم
على أفخاذهم فلما رأيتهم يصمتونني ،
ولكني سكت ، فلما صلى رسول الله صلى الله عليه وسلم
فبأبي هو وأمي ما رأيت معلماً قبله ولا بعده أحسن تعليماً منه ،
فو الله ما كهرني ولا ضربني ولا شتمني

، قال (إن هذه الصلاة لا يصلح فيها شيء من كلام الناس ،

انما هو التسبيح والتكبير وقراءة القرآن) .





-المثال الخامس

عن أنس – رضي الله عنه –
قال : مر النبي صلى الله عليه وسلم بامرأة تبكي عند قبر فقال :
(اتق الله واصبري) قالت : إليك عني فإنك لم تصب بمصيبتي ، ولم تعرفه ،
فقيل لها :
إنه النبي صلى الله عليه وسلم فأتت النبي صلى الله عليه وسلم فلم تجد عنده بوابين .
فقالت : لم أعرفك.
فقال : (إنما الصبر عند الصدمة الأولى) ، وهذا فيه الدلالة على
رفق النبي صلى الله عليه وسلم بالجاهل ، وترك المؤاخذة.





المثال السادس
مع من أصاب من امرأته قبل الكفارة
عن سلمة بن صخر الأنصاري – رضي الله عنه – قال في حديثه :
(خرجت فأتيت النبي صلى الله عليه وسلم فأخبرته خبري
فقال لي : (أنت بذاك) ؟ فقلت :
أنا بذاك ، فقال : (أنت بذاك)؟ فقلت : أنا بذاك ،
فقال : (أنت بذاك) ؟ فقلت : نعم ها أنذا
فأمض في حكمك فإني صابر له. قال (أعتق رقبة)
قال : فضربت صفحة رقبتي بيدي وقلت :
لا والذي بعثك بالحق ما أصبحت أملك غيرها.
قال : (فصم شهرين) قال قلت : يا رسول الله
وهل أصابني ما أصابني إلا في الصيام ،
قال : (فتصدق) قال فقلت : والذي بعثك بالحق لقد
بتنا ليلتنا هذه وحشاً ما لنا عشاء.
قال: (اذهب إلى صاحب صدقة بني زريق فقل له فليدفعها إليك ،
فأطعم عنك منها وسقا ثم
استعن بسائره عليك وعلي عيالك) .

قال فرجعت إلى قومي فقلت : وجدت عندكم الضيق وسوء الرأي
ووجدت عند رسول الله صلي الله عليه وسلم
السعة الكبرى وقد أمر لي بصدقتكم فادفعوها لي ، قال : فدفعوها لي).





اللهم صلي وسلم وبارك علي سيدنا محمد وعلي أله وصحبه أجمعين

[امة الرحمن/فاطمة]

رد: حمـلة سلوكي لـن يكون خنجر في صـدر الإسـلام

عارفين ياأخوات

أكتر حاجة ممكن تكون فعلا خنجر في صدر الاسلام إيه ؟

هيه عدم الرفق مش في الدعوة بس في كل تعاملاتنا

احنا مش هنجامل حد على حساب دينا بس برضه
الدعوة لازم تكون بالرفق واللين
لازم تكون بالحكمة والموعظة الحسنة

لو فعلا عايزة اللي قدامك يستجيب لنصحك يبقى لازم يكون بالراحة
هو يعني اللي قدامك هيكون زي فرعون ؟ ولا انتي هتكوني أكثر من موسى عليه السلام حرصا على توصيل الدعوة ؟

قال الله تعالى لموسى وهارون عليهما السلام
: " فقولا له قولا لينا لعله يتذكر أو يخشى " .

هذا الكلام موجه لمن ؟ إنه لفرعون الذي قال : " أنا ربكم الأعلى " ، فمن هذا الذي أُمر باللين ؟ إنهما نبيا الله موسى وهارون .

شوفتي ؟

بصي حطي نفسك قدام اللي بتدعيه لو انتي كنتي مكانه عايزة اللي قدامك ينصحك بأي أسلوب ؟

مثلا لو سمية ماشية في الشارع مع صاحبتها سعاد وهيه عبارة عن كتلة مخالفات شرعية ماشية جنبها

ملابسها ضيقة ، ورجلها باينة ، وصوتها عالي ،
وعمالة تضحك في الشارع بصوت عالي
قارني بين الأسلوبين دول واحكمي في أي حالة ممكن سعاد تستجيب أكتر ؟

سمية :
ايه ده كله ، ايه اللي انتي عاملاه في نفسك ده ؟
أنا اصلا غلطانة اني رضيت أمشي معاكي
انتي مفيش فيكي فايدة ، قلتلك مية مرة اللي بتعمليه ده غلط ومش بتتغيري
ياساتر شيطانة ماشية جنبي ؟
اوعي يا شيخة آخر مرة أعرفك فيها .

وأختنا سمية راحت واخده بعضها وماشية .
وسابت سعاد في نص الشارع
طيب نعيد المشهد تاني مرة بأسلوب تاني

سمية :
ازيك يا سوسو يا عسل
تعرفي قريت كتاب جميل قوي عن سلوك امرأة المسلمة وهيه خارج بيتها
بيقول إن المفروض المسلمة وهيه خارجة تكون بكامل حجابها و.....................

وقعدت تشرحلها المفروض المراة المسلمة تعمل ايه وهيه خارجة بهدوء وبحب

وفي الآخر قالتلها أكيد متعرفيش لأني عارفة انك مش ممكن تقدري تغضبي ربنا لأن جواكي خير كتير ولو كنتي تعرفي مش ممكن كنتي خرجتي كده .

إيه رأيكم ؟
سعاد تستجيب أكتر في أنهي حالة ؟


أكتر حاجة شوهت صورة الاسلام في عيون الناس هيه عدم الرفق
كتير دلوقتي لما تيجي تكلمي حد عن الالتزام يقول أعوذ بالله انتي عايزه أكون زي فلانه اللي على طول ماشية مكشرة ومش عاجبها حاجة ؟
وكل شوية تزعق في وش اللي قامها
لا ياستي أنا كده كويسة

ليه بننسى إن تبسمك في وجه أخيك صدقة ؟

ليه بننسى إن محدش معصوم من الخطأ وزي ما اللي قدامي أخطأ أنا ممكن أخطئ وأخطأت قبل كده وممكن يكون نفس الخطأ قبل التزامي

قال الله -عز وجل-: [يَا أَيُّهَا الَّذِينَ آمَنُوا إِذَا ضَرَبْتُمْ فِي سَبِيلِ اللَّهِ فَتَبَيَّنُوا وَلا تَقُولُوا لِمَنْ أَلْقَى إِلَيْكُمْ السَّلامَ لَسْتَ مُؤْمِناً تَبْتَغُونَ عَرَضَ الْحَيَاةِ الدُّنْيَا فَعِنْدَ اللَّهِ مَغَانِمُ كَثِيرَةٌ كَذَلِكَ كُنتُمْ مِنْ قَبْلُ فَمَنَّ اللَّهُ عَلَيْكُمْ فَتَبَيَّنُوا إِنَّ اللَّهَ كَانَ بِمَا تَعْمَلُونَ خَبِيراً] النساء:94.
وقد أبدع العلامة الشيخ ابن عاشور في الوقوف عند قوله -عز وجل-:
[كَذَلِكَ كُنتُمْ مِنْ قَبْلُ]
في تفسيره التحرير والتنوير 5/168-169.

فقال -رحمه الله-: "أي كنتم كفاراً، فدخلتم الإسلام بكلمة الإسلام؛
فلو أن أحداً أبى أن يُصَدِّقكم في إسلامكم أكان يرضيكم ذلك.

وهذه تربية عظيمة، وهي أن يستشعر الإنسان عند مؤاخذته غيره أحوالاً كان هو عليها تساوي أحوال من يؤاخذه،
كمؤاخذة المعلم التلميذ بسوء إذا لم يقصر في إعمال جهده.

وكذلك هي عظة لمن يمتحنون طلبة العلم؛ فيعتادون التشديد عليهم، وتطلب عثراتهم، وكذلك ولاة الأمور وكبار الموظفين في معاملة من لنظرهم([1]) من صغار الموظفين، وكذلك الآباء مع أبنائهم إذا بلغت بهم الحماقةُ أن ينتهروهم على اللعب المعتاد، أو على الضجر من الآلام.

وقد دلت الآية على حكمة عظيمة في حفظ الجامعة الدينية، وهي بث الثقة والأمان بين أفراد الأمة، وطرح ما مِنْ شأنِه إدخالُ الشك؛ لأنه إذا فتح هذا الباب عَسُرَ سَدُّه، وكما يتهم المتهم غيره فللغير أن يتهم من اتهمه، وبذلك ترتفع الثقة، ويسهل على ضعفاء الإيمان المروق؛ إذ قد أصبحت التهمة تُظِلُّ الصادق والمنافق،

وانظر معاملة النبي-صلى الله عليه وسلم-المنافقين معاملة المسلمين.
على أن هذا الدين سريع السريان في القلوب؛ فيكتفي أهله بدخول الداخلين فيه من غير مناقشة؛ إذ لا يلبثون أن يألفوه، وتخالط بشاشته قلوبهم؛ فهم يقتحمونه على شك وتردد فيصير إيماناً راسخاً، ومما يعين على ذلك ثقة السابقين فيه باللاحقين بهم.
ومن أجل ذلك أعاد الله الأمر فقال [فََتَبَيَّنُوا] تأكيداً لـ[تَبَيَّنُوا] المذكور قبله، وذيَّله بقوله [إِنَّ اللَّهَ كَانَ بِمَا تَعْمَلُونَ خَبِيراً]
وهو يجمع وعيداً ووعداً".

[المحبة والمنتقبة لله]

رد: حمـلة سلوكي لـن يكون خنجر في صـدر الإسـلام

جزاك الله خيرا اخيتى ونفع بك
وجعله الله فى موازين حسناتك
بارك الله فيك

[بنقابى ارضى ربى 2]

رد: حمـلة سلوكي لـن يكون خنجر في صـدر الإسـلام

السلام عليكم ورحمة الله وبركاته

جزاكى الله خير الجزاء اختى الكريمه وبارك الله فيكى وجعله فى ميزان حسناتك

[امة الرحمن/فاطمة]

رد: حمـلة سلوكي لـن يكون خنجر في صـدر الإسـلام

وعليكم السلام ورحمة الله وبركاته

اللهم آمين وإياكن بارك الله فيكن

وجزاكن الله خيرا

[امة الرحمن/فاطمة]

رد: حمـلة سلوكي لـن يكون خنجر في صـدر الإسـلام

قارني كده بين ردة الفعل في الحالتين


واحد فتح في الشارع عندكم محل بيبيع شرايط فيديو لأفلام
والمحل مليان شرايط والناس داخلة خارجة وأنتي الدم عمال يغلي في عروقك
ورحتي سخنتي زوجك عليه
ياراجل هو مفيش دم وعامل نفسك ملتزم وشايف الناس داخلة خارجة تاخد شرايط فيديو وأنت ساكت
فين الأمر بالمعروف والنهي عن المنكر
الراجل أخدته الحمية وراح نزل الجامع وقالهم ليكم عين تقابلوا ربنا وأنتم شايفين المنكر وأنتم......... وأنتم ..........
وراح مسخنهم وكل واحد راح جايب عصاية وراح يكسر في المحل

ما هم مش فاهمين حاجة الراجل هيروح يبلغ عنهم وياخد تعويض وبدل ماكان عنده 1000 شريط هيجيب بالتعويض اللي أخده منهم 4000 شريط يبقى عملنا ايه ولا حاجة

الموقف التاني

رحتي قلتي لزوجك
عايزين نبين للراجل ان اللي بيعمله ده غلط بس بالراحة الله يكرمك عايزين نكسبه
زوجها الشيخ محمد الله يكرمه راح داخل المحل وقال السلام عليكم ورحمة الله وبركاته وهو مبتسم
راح رد ليه صاحب المحل وعليكم السلام ورحمة الله وبركاته حاجة غريبة ملتحي ومبتسم !!!
راح محمد رد عليه وقال كلهم كده بس انت اللي مش واخد بالك ازيك عامل ايه وكلام عادي خالص
وهو ماشي راح مطلع زجاجة عطر وإداها لصاحب المحل
اليوم اللي بعده راح داخل وايده فيها كام شريط عن الجنة وحلاوة الطاعة وكام شريط من اللي قلبك يحبهم واداهم ليه هدية
وهو رايح وجاي قدام المحل يقول السلام عليكم وهو مبتسم
في يوم لقى صاحب المحل بينادي عليه بيقل يا شيخ محمد عايز أسألك سؤال هو الشرايط اللي بابيعها دي حرام ؟ أصلي سمعت في الشرايط اللي اديتهالي ان دليت واحد على اثم هاخد زي وزره بالظبط راح الشيخ محمد رد عليه وقاله أجاوب ومتزعلش مني
قالوا جاوب من غير زعل قاله طبعا بيع الشرايط دي حرام علشان كده وكده وكده وراح مبين ليه حكم الشرع بهدوء
في رأيكم ممكن صاحب المحل يعمل ايه بعد كده ؟
طبعا يستجيب وراح شايل كل الشرايط دي ومسح اللي عليها وسجل عليها محاضرات دينية وخلاها استعارة

[امة الرحمن/فاطمة]

رد: حمـلة سلوكي لـن يكون خنجر في صـدر الإسـلام

وصلنا إلى المحطة الأخيرة من درس اليوم
وهي
التطبيق العملي:
معنا اليوم عدة مواقف مطلوب منا أن نبين كيف سنتصرف فيها

نبدأ على بركة الله:

الموقف الأول:

عايده بتكلم نادية في التليفون
وبتقول لها على ماسك جديد للبشره ومنهمكه في الكلام مع صحبتها
وفــــــــجــــــــــــــــأة
سمعت صوت حاجه بتتكسر في المطبخ
اممممممممممممم
كيمو كسر الكوبايه
راحت عايده صرخت وقالت يومك مش فايت يا كيمو
دي من الطقم اللي جوزي جابه هديه ليا السنه اللي فاتت
هــــا
ناديه حتتصرف ازاي مع صحبتها عايده


( كلنا حناخد صفر في السؤال ده )

الموقف الثاني:

ناديه بتتصل بعايده رد عليها ابن نادية الكبير وصوته مخضوض وسامعه دوشه
في ايه يا زيزو ماما بتزعق ليه ؟
زيزو: بيتكلم بيشويش اصل ام حسين الشغاله هنا وهي بتجر ترابيزة السفره رجليها اتلخلعت
ناديه: وايه المشكلة يا زيزو عادي
زيزو: لا يا طنط ما انت عارفه ماما ،دي خلت دادا ام حسين عيطت
نادية: اه ياني اعمل ايه بس في مامتك دي ناديها اكلمها
ها ناديه حتقول ايه لعايده فكري كويس يا فتوكة

[امة الرحمن/فاطمة]

رد: حمـلة سلوكي لـن يكون خنجر في صـدر الإسـلام

الموقف الثالث:

نادية كلمت عايده وقالت لها لقيت لك الكريم اللي كنتِ بتدوري عليه
حاعدي عليكي ادهولك
عايده: اوك يا قمر ماتحرمش منك
وبعد قليل حصل الآتي:
ناديه وصلت عند بيت عايده وسمعت صريييييييخ ودوشه جامده
رنت الجرس وهي مخضوضه
وتخيلت ان لا قدر الله في مصيبه
فتح زيزو
اهلا يا طنط نودي

اهلا يا زيزو خير يا حبيبي في ايه

مافيش حاجه

ازاي مافيش اومال ايه الدوشه دي

ابدا يا طنط دي مامي بتذاكر لكيمو

نعمممممممممم

اه والله اصله مش فاهم

صوت عايده من جوه:
زيييييييييييييييييييييزوووووووووو بتعمل ايه عندك
روح ذااااااااااكر
حاتموتوني

الامتحانات قربت
اعمل فييييييييييييييكم اييييييييييييه بس
مش بترد لييييييييييه
تعالى هناااااااااااااااا



طبعا ياعيني الولد اتخض
وطلع يجري وراح وقف بعيد عن مامته وقال لها طنط نودي بره

ايه مش تقول من الصبح

وانت واقف ومش بتتكلم
وان ان
القلم نزل على وش زيزو يرنننننن

ناديه بسرعه اتدخلت واخدت زيزو في حضنها وباسته

وطبطبت عليه ودخلته جوا

ودار الحوار الاتي: