تعالو هنا بسرعه شوفو حكايتى

[هبه بدير]

اولا _ انا عضوه جديده هنا وعايزه اجمد ترحيييييييييب من الاخوات
ثانيا_ ابدا بأه فى حكايتى
انا كنت زى أى بنوته صغيره كنت بعيده عن ربنا بس مش اوى يعنى وبعدين والدتى كانت تعبانه وتوفاها الله من سنه ونصف ربنا يرحمها ويجعل مرضها فى ميزان حسناتها يارب
وبعد كده حسيت ان الموت قريب اوى اوى مننا واحنا مش واخدين بالنا وقربت جدا من ربنا والحمد لله غيرت لبسى تماما والايام دى انا غيرت لبسى كله لعبايات الحمد لله
والحمد لله بأيت بصلى كل السنن وبأيت بقوم الليل (وبصوم الاثنين والخميس بس ده من قريب يعنى ) والحمد لله ربنا رزقنى بأجمل اصحاب عرفتهم فحياتى كلها والحمد لله علطول بنشجع بعض عالخير
ادعولى بأه ربنا يهدينى ويرشدنى للصواب
وادعولى ربنا يتتم جوازى على خير ويهدى خطيبى
واسفه خاااااالص لو كنت طولت عليكم
والسلام عليكم ورحمة الله وبركاته

[التائبه راجيه الفردوس]

رد: تعالو هنا بسرعه شوفو حكايتى

أهــلا وسهــلا
شرفت أخواتك بقدومك الميمون وحضورك المشرف
أتمنى كل التوفيق من الله لك واتمنى ان تستفيدى وتفيدى
أتمنى لكِ كل فائدة في هذا الصرح الكبير
والله يحفظك ويرعاك

أسأل الله العظيم رب العرش العظيم أن يرحم والدتك ويدخلها الفردوس الأعلى وأن يثبتك يا رب

[تاركة الدنيا]

رد: تعالو هنا بسرعه شوفو حكايتى

اهلا اهلا بمن زارنا
حللتِ اهلا ووطئت سهلا
حياكِ الله اختى الفاضله
انرتى المنتدى وسعدنا بوجودك الطيب بيننا
اسأل الرحمن ان لا يحرمنا منه وان يجمعنا تحت ظل عرشه يوم لا ظل الا ظله
اولا : البقاء لله اخيتى
اسأل الرحمن ان يرحم وتالدتك ويغفر لها وجميع موتى المسلمين وان يرحمنا اذا صرنا الا ما صاروا اليه
ثانيا : اسأل الرحمن ان يتم زواجك على خير وان يجمع بينكما فى موده ورحمه وان يهدى خطيبك والمسلمين جميعااا
ثالثا بقى وده الاهم ان فعلا الموت قريب مننا اوى
عارفه كل شويه نقرأ ونشوف ونسمع وحتى حوالينا موت موت موت
واللى كتر اوى موت الفاجأه والموت بين الشباب
اسأل الرحمن ان لا يقبضنا اليه الا وهو راضِ عنا
لازم نعمل بجد لليوم ده .. لازم نشتغل صح ... لازم نحارب ونجاهد عشان ننوصل للفردوس الاعلى
ما احنا بردو مش عايزين اى حاجه لا احنا عايزين الفردوس الاعلى
يبقى لما نصلى ونصوم ونقيم الليل واكتر من كده كمان ده كله قليل اوى على مهر الجنه
احنا بنطمع فى رحمة ربنا
رابعا : مبارك اخيتى انك بدأتى تغيرى لبسك ووده اجمل شئ فى الوجود واجمل احساس فعلا انك تحسى انك بتسيبى حاجه عشان ربنا
وان شاء الله هنفضل نتخلى عن الشهوات ومتاع الدنيا كلها لاانا عايزين كل حاجه فى الاخره
وان شاء الله قريب انا واثقه انك هتبشرينا انك لبستى الحجاب الشرعى " النقاب "
وواثقه ان ربنا هيزقك ان شاءالله
ربنا يرزقك لبس الطهر والعفاف ويرضى عنا
منتظرين مشاركاتك الطيبه معانا
اوعى تسيبينا
بارك الرحمن فيكِ
ـــــــــــــــــ
سبحان الله وبحمده ... سبحان الله العظيم

[nor elhoda]

رد: تعالو هنا بسرعه شوفو حكايتى

يارررررريت تنقلوه ف الخاص
علشان نعرف نرحب بيها براحتنا
وع ما ينقلوه
نورتى