[بقلمي] مسلسل انا التائــــــــــــــه

[nor elhoda]

سيتم رصد احداث "مسلسل انا التائه" انه من الواقع
مبينا الفتن والاخطاء التى تحدث فى الحقيقة
ندعو الله ان يجبنا لفتن ما ظهر منها وما بطن
ويحفظنا ويقينا شر فتنة الدنيا وشر انفسنا

واليكم الحلقات باذن الله متتابعة



فهرس الحلقات

الحلقة الاولى



الحلقة الثانية




الحلقة الثالثة




الحلقة الرابعة

الحلقة الخامسة



الحلقة السادسة

[nor elhoda]

رد: مسلسل انا تائهة

الحلقة الاولى

السلام عليكم ورحمة الله وبركاته
اولا نبدأ بالصلاة على النبى صلى الله عليه وسلم
ثانيا هندخل فى الحلقة
فى فترة من الفترات كان هناك اسرة تعيش كما يعيش الناس ذى ما بنقول بالعامية كدا عايشة فى حالها ملهاش دعوة بحد ممارستهم اليومية كالمعتاد الاب يصحى الصبح يفطر ويخرج لشغله والام تصحى تروق بيتها وتعمل الاكل وتفضى لمشاهدة المسلسلات ينتهى واحد ويبتدى التانى بحجة انها عندها وقت فراغ كبير هتعمل ايه بقى بتسلى وقتها والابناء بقى يصحوا الصبح يفطروا ولو فى فترة الدراسة

كل واحد على مدرسته لكن لو الاجازة يصحوا اما مشاهدة التلفاز او الجلوس على الانترنت بدون اى رقابة
او الشجار فيما بينهم يعنى بيتخانقوا
اما الام المربية مش بتتكلم ولا بتابع
ودلوقتى نتعرف على الاسرة
ابو أحمد<< رب المنزل اللى طالع عينه فى الشغل من الصبح لبليل وبيرجع هلكان يدوب ياكل لقمة ويدخل ينام ماهو اكل العيش مر
ام أحمد<< المربية صاحبة البيت اللى مشغولة بنفسها ومبتحبش حد يدخل فى تربية عيالها ولا بتهتم بجمالها وجسمها وميكياجها والتليفزيون اللى من غيره ما بتستغنى
أحمد<< الطالب الجامعى عاشق الانترنت والفيس بوك وعامل راجل البيت لو حد قاله كلمة ي خرااااااااااشى هيبقى يومه ذى بعضه الشاب الكاجول العاطفى اللى كل البنات بتموت عليه
سمية << طالبة ثانوية جميلة بتحب الخروج والفسح طالعة لمامتها بتقلد مامتها فى كل حاجة الا حاجة واحدة الفكر مختلف مهو الزمن غير الزمن
ثناء << الطفلة اللى عاملة نفسها كبيرة فى الصف الثانى الابتدائى بتقلد احتها سمية امال اىه القدوة بقى

والجد والجدة << ساكنين معاهم فى البيت كبار فى السن هنشوف بعد كدة كل حاجة عنهم


دلــــــــــوقتى اتعرفنا على الشخصيات واكيد من كلمنا عنهم عرفنا جزء كبير واكيد ده كله فى الواقع

هدية الحلقة
تربية الاولاد للشيخ محمد حسين يعقوب
https://www.google.com/url?q=http://...I0VB6422i5Y7Kw

[nor elhoda]

رد: مسلسل انا تائهة

الحلقة الثانية

السلام عليكم ورحمة الله وبركاته

اولا نبدأ بالصلاة على النبى صلى الله عليه وسلم

ثانيا هندخل فى الحلقة

تبدأ الاحداث بخروج احمد الى الجامعة وسمية الى المدرسة

سميه : احمد احمد
احمد : نعم
سمية :استنى اجى معاك وانت خارج امشى معاك توصلنى ف سكتك
احمد : انا امشى معاكى انتى امشى ي بت
سمية : بطل رخامه بقى يالا

ويخرج سمية واحمد معا وفجاة رن التليفون الخاص باحمد وف وسط الكلام لقى اخته سمية وقفت بتسلم على واحدة

سمية : احمد طيب يالا بقى مع السلامة همشى انا مع سوسو صحبتى

وفضل احمد يبص ع سوسو من شدة جمالها
وفاق على شتيمة صحبه فى التليفون وانطلق الى الجامعة

وفضل احمد طول اليوم سرحان ف سوسو زميلة اخته
ويقول لنفسه ياترا سوسو ده اسمها الحقيقى ولا اسم الدلع
لا اكيد اسمها سحر لا لا
ويبص لمحمد صحبه
أحمد : الا يالا سوسو دلع ايه
ومحمد يبص ليييييه ومش يقدر يمسك نفسه من الضحك

ويقضى احمد يومه ف الجامعة كله فى التفكير فى سوسو

>> مهو يااحمد انت اللى غلطان مهو لو كنت مشيت عللى اللى الرسول قاله ليك مكنتش شغلت نفسك بحاجات مش بتفيد عارف يااحمد اى اللى قصرت فيه
قصرت ف انك سيبت عينك تبص على اللى رايح واللى جاى مش افتكرت ان العين لتزنى وزناها النظر اطلقت بصرك ومش غضيته


وروح احمد ويستنى اخته سمية بس سمية اتأخرت انهاردة فى المجى

احمد : ماما الا البت سمية اتأخرت كدة لـــيه
الام (باستغراب) : وانت من اممتى بتسأل عليها اتاخرت ولا متأخرتش
أحمد : ايـــه ياماما الواحد يعنى مش مبلوع ليه كلمة ف البيت ده اختى اتأخرت وبسأل عليها فيها حاجة دى
الام (باستهزاء) : لا حاشا وكلا يا سعادة البيه اما اختك تيجى ابقى اسالها بس ايه الحنية اللى جت عليك فجأة دى
أحمد : يــــــــــــــــــــــوووووووووه دى عيشة تتطهق

ويمشى احمد ويستنى اخته على ما تيجى ويقابلها على البااب
وهى بتغنى

سمية ( تفتح الباب ) : بسم الله الرحمن الرحيم فى ايه يابنى خضتنى
أحمد (بزعيق) : اتأخرتى كدة ليه ياابلة الساعة بقت 7
سمية : كان ورايا دروس انا فى ثانوية وبعدين انت مالك انت اتاخر ولا متأخرش حاجة غريبة والله

وتمشى وتسيبه

وبعد ربع ساعة يدخل احمد على اخته فى غرفتها

سمية ( بزعيق ) : فى ايه يااحمد مش تبقى تخبط قبل ما تخش
أحمد (بحنيه) : أسف ي ست سمية متزعليش منى لو كنت زعقتلك انا بس قلقت عليكى
سمية ( باستغراب) : ايه ياخواتى الحنية اللى نزلت عليه فجأة كدة (وتبتسم) خير ي احمد عاوز فلوس ولا حاجة

وتجرى ويجرى وراها ف الشقة كالاطفال مع السب والشتائم التى لا تليق وده كله معتبرينه هزار

ومضى اليوم واحمد فى انتظار اليوم التالى على احر من الجمر

وهو مستنى اخته سمية علشان يخرجوا سوا بس سمية مكسلة ومش عاوزة تروح اليوم ده

فغضب احمد اووووووى ومشى راح الجامعة ودماغه وفكره يدور فى سوسو الجميلة اللى وقعته من اول نظرة

ونكمل الحلقة الجاية ايه اللى هيحصل
هدية الحلقة
غض البصر للشيخ محمد العريفى

[رسولى أندى العالمين]

رد: مسلسل انا تائهة

جزاك الله خيرا يا ريت تكملى ومتتأخريش علينا

[مهندسه مسلمه]

رد: مسلسل انا تائهة

جميله متابعين معاكى و فعلا ما تتأخريش علينا

[اقرأ القرآن وأذكر ربك]

رد: مسلسل انا تائهة

ما شاااء الله جميله جداااااااااا اختي الغاليه
ربي يسعدك لا تتاخري علينا في باقي القصه
نحن في حاجه لنستيقظ من غفلتنا في زمن الفتن
ربي يرضى عنك ويرفع قدرك يا غاليه

[المشتاقة الى رحمة الله]

رد: مسلسل انا تائهة

جزاكى الله خيرا

[nor elhoda]

رد: مسلسل انا تائهة

الحلقة الثالثة

السلام عليكم ورحمة الله وبركاته

اولا نبدأ بالصلاة على النبى صلى الله عليه وسلم

ثانيا هندخل فى الحلقة

احنا وقفنا عند اما احمد راح الجامعة غاضب بعد انتظار اخته سمية بس هى كسلت وكان عمال يفكر ف سوسو اللى شغلتله باله
فقرر ف الوقت ده يمشى علشان يخرج طاقة الغضب ف مشيه
وهو ماشى حاول ايقاف سيارات كتيرة بس مفيش
وفجاة وجد عربية ملاكى وقفته











ياترا مين اللى وقفله وووقفله ليه

لقى صحبه هيثم
يــــــــــــــــــــــاه
اتصدم احمد
هيثم
معقول
>> ملحوظة
هيثم اعز اصدقاء احمد يزيد عنه بسنتين خلص كليه الهندسة وسافر المملكة العربية السعودية للعمل بها
هيثم شاب ملتزم على خلق يعرف الله حقا
هيثم شاب ملتحى متبع لاوامر النبى ومتجنب لنواهىه
هيثم اكبر اخوته يملك اخت واحدة فى المرحلة الثانوية
هيثم تحمل مسئوليه اسرته منذ المرحلة الثانوية والده توفاه الله وهو فى هذه المرحلة ابتدى البحث عن العمل الى جانب دراسته
هيثم كان همه وهدفهرفع راية الدين ووجد هذا فى اهتمامه بتعاليم دينه والاهتمام بدراسته ووجود شاب مسلم مهندس ولكن مسلم اولا ثم مهندس


نكمل
نزل هيثم من العربية واذا بالاحضان تتقابل بين احمد وهيثم
احمد: هيثم انا مش مصدقك انت جيت امتى يابنى وحشتنى اووووى ي عم الشيخ
هيثم: ههههههههههه متغيرتش ي احمد لسة ذى ما انت يابنى والله نفسى اقعد معاك انت رايح فين
احمد: رايح الجامعة امتى اخلص بقى علشان تسفرنى هههههههه
هيثم : دا انا عنيا ليك ي ابو حميد طي يالا اوصلك ف طريقى انا رايح الجامعة اصلا
ركب احمد ودار حديث طويل بينهم لحد ما وصوا الجامعة واتفقوا ع بليل يقعدوا مع بعض
دخل احمد الجامعة وهو ف قمة سعادته لانه قابل اعز الناس اليه
اللى ياما ساعدته ف اشد ازماته
احمد <<لنفسه<< ياااااااااااه ي هيثم خمس سنين مش اشوفك فيهم والله وحشتنى جداااا ونفسى احكيلك ع اللى بيا نفسى افضفضلك همومى نفسى اكلمك ذى زمان

ودخل احمد محاضراته وروح واتصل بصديقة هيثم قبل الميعاد علشان رايح ليه
وهنعرف بعد كدة اى اللى حصل
مع الحلقة الجديدة باذن الله
وهدية الحلقة
فضل الصحبة الصالحة و فضل الصحبة والذب عن عرض أخيه و فضل ستر العورات

[fatma22]

رد: مسلسل انا تائهة

بارك الله فيكى اختى الغاليه

ونفعنا الله واياكى بكل خير

[nor elhoda]

رد: مسلسل انا التائــــــــــــــه

جــــــــــــزاكم الله خيرا اختى ع المتابعة
نفعنا الله واياكم بما فيه الخير

[nor elhoda]

رد: مسلسل انا التائــــــــــــــه

الحلقة الرابعة

السلام عليكم ورحمة الله وبركاته

اولا نبدأ بالصلاة على النبى صلى الله عليه وسلم

ثانيا هندخل فى الحلقة

احنا وقفنا عند احمد اتصل على هيثم علشانه يروحله فهيثم رد عليه

وده الحوار يالا بينا نشوفه

هيثم : السلام عليكم ورحمة الله وبركاته ازيك ي ابو حميد
احمد : وعليكم السلام ورحمة الله وبركاته ازيك ي شيخ وحشتنى ي عم الحاج
هيثم : يابنى بطل الفشر بتاعك ده دا انا لسه شايفك الصبح
احمد (ضحكة عالية جدااا) : هههههههههههههههه ماشى ي عم الشيخ وحشنى برده ها ناوى تستنانى ولا وراك ميعاد مع المدام انهاردة
هيثم : ههههههه عمرك ما هتتغير اعمل فيك اى بس لا هستناك قدام البيت يالا تعالى فاكره ولا اجى افكرك
ويضحك هيثم واحمد

ونزل احمد للذهاب لهيثم ولقى احمد هيثم ف انتظاره قدام البيت بس مش طلعه المنزل
استغرب احمد ليه مش طلعوا فوق وطبعا لهيثم وجهة نظر ان مش ينفع يدخل حد من اصحابه البيت
حفاظا ع حرمة البيت
الموضوع مش حكاية ثقة بس ده الصح
>> الغريب انى بلاقى شباب بيجيبوا اصحابهم لا وايه يخلوا اخواتهم البنات يقدموا الحاجة ليهم
سبحان الله اين الرجولة

راح احمد وهيثم وجلسوا ف كافيه قريب من المنزل وبداوا يتناولوا احاديث كتتتتتتتتتتتيره

ومن بين الحوار ده :
هيثم : اى ي ابو حميد مش ناوى تتاهل بقى وتخش القفص ههههههههه
احمد : لا ي عم مش لما اعرف اجيب شقة الاول دا الحكاية ضنك خااالص وابويا مش عاوز يساعدنى بقرش ال ايه علشان اعتمد ع نفسى وابقى راجل ينفع الكلام ده
هيثم : والله انا شايف كلامه صح هو لو شايف اد المسئولية كان ساعدك مش تزعل منى ي احمد بس انت مرفه نفسك زيادة عن اللازم الى جانب انك لو اخدت واحدة من غير ما تتعب هتفرط فيها بسهولة
احمد : اخص عليك ي هيثم طب والله ف واحدة عجبانى جدا بس مش عارف عنها اى حاجة مش شوفتها غير مرة واحدة واختى بتقول عليها محترمة
هيثم : هههههههههههههههههه ياربى!!! عليك حبة حاجات مرة واحدة دا انا زوجتى اللى عاقد عليها مش حبيتها غير بعد العقد طب شوفتها اززاى طيب
احمد : هههههههه ي عم انت شيخ احنا ناس ع اد حالنا ابدا شوفت اختى سلمت عليها ف الشارع ااه لبسها كان واسع لابسة اللى مش عارف بيقولوا عليه اىه ملحفة تقريبا بس موزة موزة
هيثم : لا حول ولا قوة الا بالله ي ابو حميد اتقى الله دى هتبقى زوجة شخص انت ترضى ع حد يقول ع زوجتك كدة او ع اختك كدة
احمد : مالك افشت كدة ي شيخ ي عم انا هخطبها وهتجوزها بس لوما اتعرف عليها واعرف اخلاقها الاول ما يمكن منظر ع الفاضى
هيثم : لا انت اكيد بتهزر وسيادتك هتعرف اززاى انها محترمة ولا لا اتقى الله ي حبيبى متنساش ان كما تدين تدان والقصاص
احمد : ي الله تصدق انى غلطان انى حكيتلك عارف انك هتقلب ف الكلام قال الله وقال الرسول هيثم ي حبيبى كل واحد ليه دماغه انت محسسنى انى هعمل فيها حاجة لا سمح الله لا دا انا هحبها وهحتبنى يعنى هندلع بعض بسسس حبة فرفشة مش الرسول قال برده ساعة وساعة
هيثم : لا حول ولا قوة الا بالله ي الله انت بتجيب كلام الرسول ع مزاجك ي بنى انت عارف مناسبة دى اى
احمد : انا كدة شكلى فتحت ع نفسى فاتحة سودة لسه ذى ما انت ي عم الشيخ بحسب خطيبتك غيرتك الا انت هتتجوز امتى
هيثم : انا عارف انك بتغير مجرى الكلام ع العموم ربنا يهديك
وتم تغيير الحديث وتداولوا موضوعات اخرى للحديث وانطلق كل منهما ع منزلها

ونام احمد ع امل ان اخته تمشى معاه بكرة علشان يشوف سوسو اللى سهرته وغيرت حاله
وف اليوم التالى برد مش راحت اخته المدرسة استعداد للامتحانات
وانتهت حلقة اليوم ونكمل الحلقة الجاية
هدية الحلقة
على فين يا شباب

[nor elhoda]

رد: مسلسل انا التائــــــــــــــه

الحلقة الخامسة

السلام عليكم ورحمة الله وبركاته

اولا نبدأ بالصلاة على النبى صلى الله عليه وسلم

ثانيا هندخل فى الحلقة

احنا وقفنا لما سمية كنسلت المدرسة لليوم التانى بحجة الاستعداد للامتحانات
وقضى احمد يومه عادى جدااا لا جديد ف حياته فقد كره الملل اليومى اراد ان يضيف جديد ف حياته
بس ياترى اى الجديد اللى احمد نفسه يضيفه
اغلب الشباب بيفكر اززاى يقضى الملل
اما بسفرية يضيع بيها وقته
او يدخل نت وبرده يضيع وقته
واما المحادثات الهاتفية مع البنات وكدة برده بيضيع وقته
واما واما واما ...................................
ومش بيبص لوقته
مش حاطط ف دماغه ان وقته هيتحاسب عليه

وف اليوم التالى دخل ع اخته ولاقها بتتكلم ف التليفون
وف هذه اللحظة وقف بدون ما تشعر يسمعها بتكلم مين
سمية : يابنتى اسمعى مهو الدرس ده حوالى 150 سؤال منهم 70 سؤال اللى مهمين
سمية : سوسو اسمعينى يا حبيبتى انا هقابلك تحت بيتى ونروح بدرى الدرس ربع ساعة واللى مش فاهماه هشرحهولك

فرح احمد جدا هيشوف سوسو اخيرا اليوم ده مش خرج حتى ولا راح الجامعة وبعد ما سمية خلصت كلام ف التليفون نده عليها من بره غرفتها
احمد: هاتى تليفونك هعمل مكالمة
سمية: لا ياخويا هتخلصلى رصيدى
احمد:ي خراشى عليكى هشحنك كارت
سمية: لا هات فلوس الكارت الاول وانا ادهولك وهبقى اشحن انا

>> اعطاها احمد 10 جنيه واخد التليفون وخرج البلكونة ع انه هيتكلم
واخد رقم سوسو من تليفون اخته
>>>> ياالله هى دى الامانة ي ااحمد
وقعد ينتظر سوسو ف البلكونة علشان يشوفها
وبالفعل شافها وكا ف قمة سعادته ونسى همومه ساعتها
بس هو مفكر انه سعيد لانه مجربش حلاوة الايمان
ونعرف الحلقة الجاية
اى اللى حصل
وهدية الحلقةحلاوة الايمان للشيخ محمد الصاوى

[ساعية لرضا الله]

رد: مسلسل انا التائــــــــــــــه

راااااااااااائع
جزاكِ الله خيرا ، ونفع بك
عندى احساس ان سوسو هتطلع اخت هيثم

[fatma22]

رد: مسلسل انا التائــــــــــــــه

وحشتونى يا غاليات

بالفعل انا ايضا غاليتى ساعيه لرضاء الله

منذ لقاء احمد بهيثم وانا شعرت بذلك

ربنا يصلح حال الفتيان والفتيات

اللهم امين

[nor elhoda]

رد: مسلسل انا التائــــــــــــــه

جـــــــــــــــــزاكم الله خيرا ع المتابعة
باذن الرحمن يتم تكملة باقى الحكاية