الكاميرا الخفية :: بمناسبة رمضان ::

[اسراء حفيدة الزهراء]

رد: الكاميرا الخفية :: بمناسبة رمضان ::

جزااكم الله خيراً لمروركم الكريم

تابــعونا ،،،

[اسراء حفيدة الزهراء]

رد: الكاميرا الخفية :: بمناسبة رمضان ::

لست وحدك
*--*--*--*




أخي الكريم ..


إياك إنك تظن إنك انت الوحيد اللي بتعمل ذنوب في السر


كل الناس (إلا من رحم الله) ليها ذنوب في السر


مش مصدقني ؟؟





ده مش كلامي ..


ده كلام حبيبك (صلى الله عليه و سلم)


ما من عبد مؤمن إلا و له ذنب ، يعتاده الفينة بعد الفينة ، أو ذنب هو مقيم عليه لا يفارقه ، حتى يفارق الدنيا ، إن المؤمن خلق مفتنا ، توابا ، نسيا ، إذا ذكر ذكر
الراوي: عبدالله بن عباس المحدث: الألباني - المصدر: صحيح الجامع - لصفحة أو الرقم: 5735
خلاصة حكم المحدث: صحيح



الحديث ده هنقف معاه شوية


لاحظ معي النبي صلى الله عليه و سلم قال إيه

قال (عبد) و (مؤمن)

يعني بيثبت للشخص ده (العبودية) و (الإيمان)




يعني الشخص اللي بيعمل الذنوب دي .. إنسان مؤمن









إيه يا عم المشاركة الغريبة دي ؟؟





مش انت المشاركة اللي فاتت كنت عمال تقول (احترس أنت في خطر) .. و ذنوب الخلوات هتدمر حياتك .. و هتتسبب في سوء الخاتمة

دلوقت جاي بتقول عادي







لا طبعا مش عادي

بس هي قضية ذنوب الخلوات دي لازم تفهمها بالطريقة دي

ليها جانبين لازم تفهمهم كويس





ركز بس معايا و إنت تفهم

تعالى نكمل الحديث .. و نشوف الراجل اللي النبي صلى الله عليه و سلم سماه مؤمن ده إيه مواصفاته :


1- له ذنب :
مش شغال في كل الذنوب .. ذنب واحد بيضعف قدامه






2- يعتاده الفينة بعد الفينة ، أو ذنب هو مقيم عليه لا يفارقه ، حتى يفارق الدنيا :


معنى الكلام إنه كل ما يعمل الذنب بيرجع و يتوب منه





و يؤكد المعنى ده :
3- (إن المؤمن خلق مفتنا ، توابا)

يعني بيفتن .. بس بيتوب أول ما يقع







4- (نسيا ، إذا ذكر ذكر) :
يعني بيقع في الذنب .. لأنه بينسى ..
الشيطان بيغلبه ..و يخليه ينسى رقابة ربنا عز و جل عليه



لكن المهم إنه (إذا ذكر ذكر) ..
يعني أول ما ربنا بيبعت له رسالة إن كده غلط
بيندم و يتوب و يرجع لربنا










الهدف من المشاركة الي فاتت
(احترس أنت في خطر)
إنك لما تقع في ذنوب السر لازم تندم .. و تحس إنك عملت حاجة كبيرة
و خطيرة
و لو ماتبتش ممكن تخسر الدنيا و الآخرة





و الهدف من المشاركة دي
(لست وحدك)
إنك لما تقع في ذنوب السر لا تيأس من رحمة ربنا
و تتوب بسرعة
لأن دي حاجة لازم تحصل كل واحد
عشان يعرف قيمة نفسه
و لا يغتر بطاعته
و يعرف إنه من غير ربنا لا يساوي شئ



لازم تفهم النقطتين دول كويس جداً










استنى



إوعى تغير المحطة




فاضل نقطة مهمة



إيه الفرق بين اللي بيعمل ذنوب السر و بتكون سبب في سوء الخاتمة و الانتكاس و الكلام الكتير اللي قلناه في الأول

و بين الي بيعمل ذنوب السر و النبي صلى الله عليه و سلم قال عليه (عبد) و (مؤمن) ؟؟





الفرق إن الأولاني .. ساب نفسه للذنوب دي و مادورش على حل
و فضل مداوم عليها من غير ما يتوب و من غير ما يحقق المقصود اللي ربنا خلاه يذنب عشانه
إنه يتكسر لربنا .. و يعرف قيمة نفسه و احتياجه لربنا




أما التاني .. (تواب) (إذا ذُكِّر ذَكَر)

أول ما بيقع في الذنب

بيرجع لربنا

و يتوب بسرعة

و بيندم .. و يجري يدور على حل

و يسأل الناس الأكبر منه .. يتخلص إزاي من الذنوب دي

و بيحس إنه لما كان بيطيع ربنا .. كان بحول الله و قوته

مش بقوته هو







انتظرونا مع روشتة العلاج

في الفقرة القادمة بإذن الله

[تاركة الدنيا]

رد: الكاميرا الخفية :: بمناسبة رمضان ::

جزاكِ الله خيرااا اختى الفااضله
موضوع اكثر من رائع
سلمت يمينك التى نقلت
ننتظرك لمواصله الفقرات الرائعه
بارك الله فيكِ وجزاكِ الفردوس الاعلى

لا حول ولا قوه الا بالله

['أم حمزة']

رد: الكاميرا الخفية :: بمناسبة رمضان ::

جزاك الله خيرا أختي إسراء
متابعة إن شاء الله

[محبة حبيب الله]

رد: الكاميرا الخفية :: بمناسبة رمضان ::

جزاك الله خيرا اختنا على هذا النقل الطيب

[لؤلؤ ومرجان]

رد: الكاميرا الخفية :: بمناسبة رمضان ::

جزاكِ الله خيراااااا يا إسراء
متابعون معكِ بإذن الله
موضوع متميــــــــز
(( يثبت للأهمية ))

[اسراء حفيدة الزهراء]

رد: الكاميرا الخفية :: بمناسبة رمضان ::

أخواتى
زوزو
أم صلاح
رضوة
جزاكن الله خيراً لمروركن الكريم


أختى لؤلؤ
جزاكِ الله خيراً للتثبيت وإضافة الفقرات فى أول مشاركة
جعله الله فى ميزان حسناتكِ

[اسراء حفيدة الزهراء]

رد: الكاميرا الخفية :: بمناسبة رمضان ::

بعد ما عرفت قد إيه إنت متراقب في كل حاجة بتعملها في حياتك
حتى أفكارك و خواطرك متراقبة
دلوقت وصلنا لآخر فقرة في برنامجنا


نذيع و لا مانذيعش ؟؟





النهاردة في مفاجأة جديدة


احنا كنا قلنا إن ربنا شايفك
و الملائكة بتراقبك
و أعضاءك هتشهد عليك


كل ده ساعة الوقوع في الذنب

المفاجأة ..

إن كل ده بيتسجل

و ممكن يتذاع و كل الناس تشوفه

ممكن الناس تشوفه في الدنيا
بإن ربنا يفضحك و انت بتعمل الذنب

أو إنك تموت على سوء خاتمة و العياذ بالله زي ما قلنا
و ممكن يوم القيامة


(وَوُضِعَ الْكِتَابُ فَتَرَى الْمُجْرِمِينَ مُشْفِقِينَ مِمَّا فِيهِ وَيَقُولُونَ يَا وَيْلَتَنَا مَالِ هَذَا الْكِتَابِ لَا يُغَادِرُ صَغِيرَةً وَلَا كَبِيرَةً إِلَّا أَحْصَاهَا وَوَجَدُوا مَا عَمِلُوا حَاضِرًا وَلَا يَظْلِمُ رَبُّكَ أَحَدًا) الكهف 49

(هَذَا كِتَابُنَا يَنْطِقُ عَلَيْكُمْ بِالْحَقِّ إِنَّا كُنَّا نَسْتَنْسِخُ مَا كُنْتُمْ تَعْمَلُونَ) الجاثية 29


هتتصدم لما تلاقي كل حاجة متسجلة بالتفصيل

و هتبقى الفضيحة على الملأ

الغادر يرفع له لواء يوم القيامة ، يقال : هذه غدرة فلان بن فلان
الراوي: عبدالله بن عمر المحدث: البخاري - المصدر: صحيح البخاري - الصفحة أو الرقم: 6177
خلاصة حكم المحدث: [صحيح]





لو عاوز تذيع
خليك زي ما أنت على معاصيك و لا تتب منها



لو عاوز ربنا يسترك في الدنيا و الآخرة

خليك معانا في روشتة العلاج و اجتهد في تنفيذها






روشتة العلاج


الروشتة مكونة من 4 مراحل

اول مرحلة : قبل الوقوع في المعصية

1- أغلق أي باب بينك و بين المعصية :

شوف إيه الباب الي بيخليك تعصي ربنا و أغلقه تماما
مينفعش تسيبه مفتوح حتى لو حاجة بسيطة
حتى لو كان الحل صعب

لو النت هو سبب معاصيك : افصل النت

متقدرش تفصله لأنك مش لوحدك في البيت و مش هيسمعوا كلامك
سطب برامج تقفل المواقع الإباحية
بتتقل الجهاز ؟ مش مشكلة

مش أحسن ما تموت على سوء خاتمة و العياذ بالله


اوعى تستهين بالحل ده


دي أهم نقطة في روشتة العلاج

و لو سبت الباب مفتوح .. مهما وصلت لمرحلة إيمانية عالية

هتيجي عليك لحظات ضعف .. هتضيع كل حاجة

فاحذر




2- اكتب في المكان اللي بتعصيه فيه ربنا أي جملة تذكرك بالله

اكتب مثلا (الله يراني)

اكتب آية قرآنية


المهم حاجة لما تشوفها تذكر ربنا و تتكسف إنك تعصيه



3- الصحبة الصالحة و الانشغال بطاعة الله
فنفسك إن لم تشغلها بالحق .. شغلتك بالباطل
دور على الناس الصالحة و اتصاحب عليهم
دور على حلقات تحفيظ قرآن

اشغل وقت فراغك بطاعة الله





المرحلة الثانية عند ثوران بواعث الشهوة

1- إياك أن تعتمد على حولك و قوتك
بسرعة ارفع نظرك إلى السماء و استغث بربك أن ينجيك من نار الشهوة

قل كما قال يوسف








2- تذكر قدرة الله عليك
و أنه قادر سبحانه أن يشل قدمك أو يعمي بصرك .. او يقبض روحك و أنت على هذا الذنب
( أَفَأَمِنَ الَّذِينَ مَكَرُوا السَّيِّئَاتِ أَنْ يَخْسِفَ اللَّهُ بِهِمُ الْأَرْضَ أَوْ يَأْتِيَهُمُ الْعَذَابُ مِنْ حَيْثُ لَا يَشْعُرُونَ (45) أَوْ يَأْخُذَهُمْ فِي تَقَلُّبِهِمْ فَمَا هُمْ بِمُعْجِزِينَ (46) أَوْ يَأْخُذَهُمْ عَلَى تَخَوُّفٍ فَإِنَّ رَبَّكُمْ لَرَءُوفٌ رَحِيمٌ (47)
و تذكر مراقبته عز و جل لك و أنه معك و يراك





3- الجأ للصحبة الصالحة
حاول أن تتصل بأحد إخوانك .. اشغل نفسك بأي عمل فيه طاعة الله





المرحلة الثالثة إذا وقعت في الذنب

1- تب فورا :
توضأ وصلي ركعتين توبة و لا تسوف




2- عاقب نفسك :
حدد لنفسك عقوبة (رادعة) إذا وقعت في الذنب




3- زود العقوبة:
لو وقعت في الذنب مرة أخرى ارفع العقوبة و اجعلها أشد حتى لا تستهين بالذنب





4- اتبعها بحسنة تمحها
قال رسول الله صلى الله عليه و سلم
(اتق الله حيث ما كنت ، وأتبع السيئة الحسنة تمحها ، وخالق الناس بخلق حسن)

الراوي: أبو ذر الغفاري المحدث: الألباني - المصدر: صحيح الترمذي - لصفحة أو الرقم: 1987
خلاصة حكم المحدث: حسن

(السر بالسر و العلن بالعلن)
يعني إذا عصيت الله في السر .. فافعل طاعة في السر



5- العقوبة النفسية
اسمع درس فورا عن
النار - الجنة - سوء الخاتمة - نعم الله
حتى تستغل لحظة ضعفك و ندمك في أن تكون دفعة قوية لتوبة نصوح





المرحلة الرابعة في حياتك كلها

إياك ان تسئ الظن بالله و إياك و الإحباط


الزم ذكر الله و الاستغفار و حافظ على أذكار الصباح و المساء
اجعل كلمة (استغفر الله) في لسانك طول الوقت




حاول أخي أن تلتزم بكل ما جاء في هذه الروشتة
و استعن بالله








انتهى برنامجنا


نشوفكم على خير في برامج أخرى بإذن الله





و هيا بنا نرفع شعار




(لا لذنوب السر)

[عطر الجنان]

رد: الكاميرا الخفية :: بمناسبة رمضان ::

جزاكم الله خيرا كثيرا

رائع رائع رائع

ربى يجزيكــ ِ كل الخير

اللهم اجعلنا من عبادكـ المتقين

[rabiaa_sale]

رد: الكاميرا الخفية :: بمناسبة رمضان ::

جزاك الله خيرا
و اكثر من امثالك

[لؤلؤ ومرجان]

رد: الكاميرا الخفية :: بمناسبة رمضان ::

جزاك الله خيراا

[نور و هداية]

رد: الكاميرا الخفية :: بمناسبة رمضان ::

اللهم نسألك حسن الخاتمة

وان توفقنا لما تحبه وترضاه

بارك الله فيكِ أختى لطرحك الطيب

[اسراء حفيدة الزهراء]

رد: الكاميرا الخفية :: بمناسبة رمضان ::

جزااكم الله كل خير لمروركم الكريم