الكاميرا الخفية :: بمناسبة رمضان ::

[اسراء حفيدة الزهراء]

بسم الله الرحمن الرحيم

(الكاميرا الخفية)

مفيش حد مسمعش عن البرنامج الشهير (الكاميرا الخفية)

و ناس كتير ضحكت من قلبها على ضحايا البرنامج ده و على المقالب اللي بتتعمل فيهم

و على ردود أفعالهم من المقالب .. و ردود أفعالهم لما بيعرفوا إنهم كانوا بيتصوروا و هما بيتصرفوا بالشكل ده

لكن .. هل تصورت قبل كده .. إنك ممكن تكون إنت مكان الضحايا دول

و إنك تتصور و إنت في موقف متحبش إن حد يشوفك فيه .. و التصوير ده يتذاع و الناس كلها تشوفه

تابعونا مع فقرات البرنامج

أغلب نقاط الموضوع مستفادة من دروس الدكتور حازم شومان حفظه الله

_ منقوووووول _

=*=*=*=*=*=*=*=*=*=*=*=*

((((( فقرات البرنامج )))))

الفقرة الأولى

الفقرة الثانية

الفقرة الثالثة

الفقرة الرابعة

[moslma lillah]

رد: الكاميرا الخفية :: بمناسبة رمضان ::

ذيعي يا اختنا علي بركة الله
وربنا يستر
.
.
.
في انتظار البرنامج

[اسراء حفيدة الزهراء]

رد: الكاميرا الخفية :: بمناسبة رمضان ::

الفقرة الأولى

الكاميرات في كل مكان

أكيد الناس ضحايا الكاميرا الخفية لو كانوا يعرفوا إن الكاميرا بتصورهم .. ماكانوش هيتصرفوا بالشكل ده

و أكيد أي حد فينا لو حس إن في كاميرا بتراقبه .. هياخد باله كويس من كل تصرف بيعمله



هل تقدر مثلا تفتح موقع سئ .. لو انت عارف إن في كاميرا بتصورك .. و التصوير هيتذاع و يشوفه كل الناس ؟؟

الذنب المعين اللي انت عارفه .. و بتعمله من غير ما حد يشوفك .. هل تقدر تعمله .. لو كنت عارف إن في كاميرا بتصورك ؟؟






طيب إيه رأيك إنت إنت فعلا متراقب ؟؟؟



قال تعالى :
(يَسْتَخْفُونَ مِنَ النَّاسِ وَلَا يَسْتَخْفُونَ مِنَ اللَّهِ وَهُوَ مَعَهُمْ) (النساء 108)

ربنا معاك .. و يراك
و إنت بتتخفى من الناس .. و مش واخد بالك من رقابة ربنا عليك


احنا ضربنا المثال بالكاميرا الخفية .. عشان دي حاجة مادية ملموسة نقدر كلنا نتخيلها
أما رقابة ربنا عز و جل فلأنها من الغيبيات .. كتير مننا مش عامل حسابها
(ولله المثل الأعلى)




عشان كده عملنا الموضوع ده .. عشان نتيقن من رقابة ربنا عز وجل علينا

لأن على قدر استشعار المعنى ده على قدر ما هيكون قربك من ربنا و بعدك عن معصيته
فالموضوع خطير فعلا و يستحق إنك تقرأه للآخر
لأنه قد يغير حياتك تماما





تعالوا نتعرف أكتر على الموضوع ده .. و نفهم قد إيه إحنا متراقبين





-من أسماء الله عز و جل (الرقيب) و (العليم) و (الخبير) و (السميع) و (العليم) و (اللطيف)
و كل دي أسماء تدل على سعة علم الله عز و جل .. و إنه سبحانه يعلم كل ما يحدث في هذا الكون
و شرح الأسماء دي بيبعث في القلب مشاعر الخوف و الخشية من الله عز و جل




-قال تعالى : {وَكَانَ اللَّهُ عَلَى كُلِّ شَيْءٍ رَقِيباً} [ الأحزاب: 52 ]

و قال تعالى : {وَهُوَ مَعَكُمْ أَيْنَ مَا كُنْتُمْ} [ الحديد: 4 ]

(كل شئ) و (أينما كنتم) .. بتدلنا على إن مفيش أي شئ في أي زمان أو مكان بيغيب عن علم الله عز و جل
و القرآن ملئ بالآيات الدالة على المعنى ده .. لكن ذكرنا دول كمثال منعا للتطويل






- مش بس ربنا يعلم أفعالنا
إنما كمان بيراقب حتى أفكارنا اللي بتدور جوانا

قال الله تعالى: {وَاعْلَمُوا أَنَّ اللَّهَ يَعْلَمُ مَا فِي أَنْفُسِكُمْ فَاحْذَرُوهُ} [ البقره: 235 ]



وقال تعالى: {يَعْلَمُ خَائِنَةَ الْأَعْيُنِ وَمَا تُخْفِي الصُّدُورُ} [ غافر: 19 ]






- و بعد كل ده .. في شهود عليك ..
ملائكة وظيفتهم الوحيدة مراقبتك .. و تسجيل كل كبيرة و صغيرة بتعملها أو بتقولها
{وَإِنَّ عَلَيْكُمْ لَحَافِظِينَ (10) كِرَامًا كَاتِبِينَ (11) يَعْلَمُونَ مَا تَفْعَلُونَ (12)}
(عبس 10:12)

{إِذْ يَتَلَقَّى الْمُتَلَقِّيَانِ عَنِ الْيَمِينِ وَعَنِ الشِّمَالِ قَعِيدٌ (17) مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ (18)}
(ق 17:18)









- ها .. تقدر بعد كل ده تنكر إن عملت المعصية اللي انت كنت فاكر إن محدش شافك و انت بتعملها ؟
المفاجأة إن اللي هيشهد عليك المرة دي كان موجود معاك و انت بتعمل المعصية .. و إنت كنت شايفه .. بس مكنتش بتستخبى منه لأنك متخيلتش إنه ممكن يقول لحد اللي انت بتعمله
(حَتَّى إِذَا مَا جَاءُوهَا شَهِدَ عَلَيْهِمْ سَمْعُهُمْ وَأَبْصَارُهُمْ وَجُلُودُهُمْ بِمَا كَانُوا يَعْمَلُونَ (20)وَقَالُوا لِجُلُودِهِمْ لِمَ شَهِدْتُمْ عَلَيْنَا قَالُوا أَنْطَقَنَا اللَّهُ الَّذِي أَنْطَقَ كُلَّ شَيْءٍ وَهُوَ خَلَقَكُمْ أَوَّلَ مَرَّةٍ وَإِلَيْهِ تُرْجَعُونَ (21) وَمَا كُنْتُمْ تَسْتَتِرُونَ أَنْ يَشْهَدَ عَلَيْكُمْ سَمْعُكُمْ وَلَا أَبْصَارُكُمْ وَلَا جُلُودُكُمْ وَلَكِنْ ظَنَنْتُمْ أَنَّ اللَّهَ لَا يَعْلَمُ كَثِيرًا مِمَّا تَعْمَلُونَ (22) (فصلت20:22)

حتى أعضاءك نفسها هتشهد عليك أمام ربنا سبحانه و تعالى
أعضاءك اللي انت عصيت بيها هي اللي هتشهد .. و أكيد ساعتها انت مش هتقدر تنكر




ياااااااااااااااااااااااااااااااااااااااااه


كل ده و أنا غافل و عمال اتخفى من الناس و مش واخد بالي من كل الحاجات دي ..


مش قلتلك الموضوع خطير ؟؟




لسه في مفاجآت كتيرة


تابعونا في باقي فقرات البرنامج عشان تعرفوها

منقول للأمانة

[خـادمـهـ لديـن الله]

رد: الكاميرا الخفية :: بمناسبة رمضان ::

جزاكِ الله خيراً أختاه
متابعون معكِ
اللهم لاتفضحنا بجميل ماسترته عنا ونسألك أن تسترنا فوق الأرض وتحت الأرض ويوم العرض عليك.

[خديجة أحمد]

رد: الكاميرا الخفية :: بمناسبة رمضان ::

جزاك الله خيرا اختنا على هذا النقل الطيب
في انتظار البقية إن شاء الله

[ولائى لدينى]

رد: الكاميرا الخفية :: بمناسبة رمضان ::

جزاكم الله خيرا وبارك الله فيكم.

[المؤمنة بالله]

رد: الكاميرا الخفية :: بمناسبة رمضان ::

بارك الله فيكِم ونفع بكم

[أمـــ الله ـــة]

رد: الكاميرا الخفية :: بمناسبة رمضان ::

ماشاء الله
موضوع جميل فعلاً أختنا
بإنتظار باقي الحلقات

[اسراء حفيدة الزهراء]

رد: الكاميرا الخفية :: بمناسبة رمضان ::

جزاانا الله وإيااكم خير الجزاء

اللهم لاتفضحنا بجميل ماسترته عنا ونسألك أن تسترنا فوق الأرض وتحت الأرض ويوم العرض عليك.

اللهم آميييييييييييين

[اسراء حفيدة الزهراء]

رد: الكاميرا الخفية :: بمناسبة رمضان ::

احترس أنت في خطر





نعم يا أخي ..


أنت في خطر



ذنوب الخلوات قد تهدم حياتك



آاااااااااااااااااه .. جيت على الجرح مش كده ؟؟


مشكلة كبيرة جدا كتير مننا بيعاني منها



مشكلة ممكن تسبب حبوط الأعمال .. و سوء الخاتمة و العياذ بالله


هنمشي مع بعض خطوة خطوة بإذن الله عشان نعرف إزاي نتخلص من المشكلة الخطيرة دي





أول خطوة في الحل هي :

معرفة خطورة ذنوب الخلوات


1- زي ما قلنا إن ذنوب الخلوات سبب في (حبوط الأعمال).. يعني كل صلاتك و صيامك و قراءتك للقرآن .. ثوابها يضيع كأنك معملتش حاجة منها ..

قال رسول الله صلى الله عليه و سلم :
(لأعلمن أقواما يأتون يوم القيامة بحسنات أمثال جبال تهامة بيضا فيجعلها الله هباء منثورا. قال ثوبان يا رسول الله صفهم لنا جلهم لنا أن لا نكون منهم ونحن لا نعلم . قال أما إنهم إخوانكم ومن جلدتكم ويأخذون من الليل كما تأخذون ولكنهم أقوام إذا خلو بمحارم الله انتهكوها) (السلسلة الصحيحة)



2- سبب في الانتكاس

يقول ابن القيم رحمه الله تعالى"أجمع العارفون بالله بأن ذنوب الخلوات هي أصل الانتكاسات، وأن عبادات الخفاء هي أعظم أسباب الثبات"

و دي حتى مش محتاجة دليل .. لأن الواحد طول ما هو بيعصي ربنا في الخلوات .. بيحتقر نفسه و بيشعر بإنه منافق .. و الشيطان بيحبطه و يقنطه من رحمة ربنا .. فينتكس

لكن هنا تنبيه هام : إياك تسمع كلام الشيطان في الحالة دي .. مهما كنت بتعمل من ذنوب .. إياك تيأس من رحمة ربنا مهما عملت و تقول خلاص أنا مفيش فايدة مني أنا منافق .. و تستسلم و تنتكس و تبعد عن ربنا
ده مش حل ..
الحل إنك تتوب و تحاول تبطل الذنوب دي
لو رجعت ألأف مرة .. توب ألف مرة
( فإن الله لا يمل حتى تملوا)

إنت كده بتعمل زي اللي كان بيصلي .. و بعدين راح يشرب شيشة على القهوة .. فالشيطان جاء و قال له : ياراجل .. حد يكون بيصلي و يشرب شيشة .. ياراجل اتقي الله و بطل صلاة ! :)




3- سبب في سوء الخاتمة
يقول ابن رجب الحنبلي عليه رحمة الله : "خاتمة السوء تكون بسبب دسيسة باطنة للعبد لايطلع عليها الناس"
لأن طول مانت بتعمل الذنب ده .. هتتعود عليه .. و ممكن و العياذ بالله تموت و انت بتعمله .. و كتير شفنا حالات زي دي




4- قد تحرم من الطاعات بسبب ذنوب الخلوات :

يقول سفيان الثوري :" حُرمت قيام الليل خمسة أشهر بذنب أصبته "
وقيل لابن مسعود : لا نستطيع قيام الليل ؟ فقال : أبعدتكم الذنوب.




5- المعاصي تورث الذل لصاحبها :
قال تعالى : {مَن كَانَ يُرِيدُ الْعِزَّةَ فَلِلَّهِ الْعِزَّةُ جَمِيعًا } (سورة فاطر/ 10)

عن ابن عمر أن النبي صلى الله عليه وسلم قال : " وجعلت الذلة والصغار على من خالف أمري " [رواه الإمام أحمد وصححه الألباني ]

فقد أبى الله إلا أن يذل من عصاه ، والعبد يذنب الذنب في الليل فيصبح وعليه مذلته .




أنا اخترت بعض الأشياء فقط منعا للتطويل ..

و باختصار .. ذنوب الخلوات قد تضيع على الإنسان دنياه و آخرته .. و هو لا يعلم


و هو فاكر نفسه كويس



ممكن يكون الواحد بيصلي و يصوم و مجتهد



لكن عنده ذنب في خلواته .. يخلي كل اللي بيعمله ينهار

إخواني .. الموضوع فعلا خطير

و لا يحتمل أي تهاون


و لازم نحس بالمشكلة و ندرك متى خطورتها

عشان لما نوصل للحل العملي .. يبقى عندك دافع و تقدر تنفذ الكلام



انتظرونا في الفقرة القادمة بإذن الله

[moslma lillah]

رد: الكاميرا الخفية :: بمناسبة رمضان ::

بارك الله فيكِ اختنا ونفع بكِ

[خديجة أحمد]

رد: الكاميرا الخفية :: بمناسبة رمضان ::

جزاك الله خيرا أختي و نفع بك

[اسراء حفيدة الزهراء]

رد: الكاميرا الخفية :: بمناسبة رمضان ::

جزااكما الله خيراً أختاى الكريمتان مسلمة وخديجة
نفع الله بنا وبكم

[سهير(بنت فلسطين)]

رد: الكاميرا الخفية :: بمناسبة رمضان ::

السلام عليكم
جزاك الله كل خير اخيتي على هذا الموضوع المميز والاكتر من رائع , وبارك فيك , واثابك الفردوس الاعلى , وجعله في ميزان حسناتك, ان شاء الله سأكون على تواصل مع الموضوع

[أمـة الله]

رد: الكاميرا الخفية :: بمناسبة رمضان ::

جزاكِ الله خيرا أختنا الفاضلة
و نفع بك