♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى◦˚° ♥♡ღ

[فريق فضفضة الأخوات]

حياكم الله أخواتى الفضليات

طبتم وطاب سعيكم وممشاكم وتبوئتم جميعاً من الجنة منزلاً

أقـْبـِلْ رَمَضَــان..أقــْبِل يَا تَاج الأزْمَان

أقـْـبِل يَا بَهجَة نَفْسِي..وابْعَثْ فِي الرُّوح أَريْجًا

يُنْعِشُ رُوح الوَلْهَـان..أقـْـبِل رَمَضَــان

هل اشتقتي إلى رمضان؟؟

سؤالاً ينبغي لكل مؤمن ومؤمنة أن يسأله نفسه , ونحن قاب قوسين أو أدنى من غرة الأيام , وشامة زماننا , وأفضل أيام دهرنا
– شهر رمضان المبارك –
الذي جعل الله فيه من الخيرات ما لم يجعله في غيره , وتفضل به على هذه الأمة المرحومة بعطايا لم يجعلها لأمة سابقة ,
وذلك فضل الله يؤتيه من يشاء والله ذو الفضل العظيم

اعلمى رعاكِ الله أنه لابد أن
نشتاق لرمضان
لأنه
شهر تفُتِّح فيه أبواب الجنة فتستقبل أعمال العاملين ,
وتفرح باجتهاد المجتهدين , وتسعد بلقاء المخلصين المتاجرين مع ربهم جل وعز
نشتاق لرمضان

لأننا نفرح بهذه الجموع المؤمنة وهي تؤم المساجد , وتقصد بيوت الله ,
نشتاق لرمضان

لأننانفرح بحال المؤمنين وقد صار القرآن أنيسهم وجليسهم , نفرح بحال المؤمنين وقد تآلفت قلوبهم , واجتمعت نفوسهم بعدالشتات
نشتاق لرمضان

شهر تغُلِّق فيه أبواب النار , فتنال الفرصة للبعد عن الذنوب والمعاصي , شهر تصُفِّد فيه الشياطين

جاء في صحيح مسلم عن أبي هريرة رضي الله عنه قال: قال رسول الله صلى الله عليه وسلم "الصلوات الخمس والجمعة إلى الجمعة
ورمضان إلى رمضان" مكفرات لما بينهن إذا اجتنبت الكبائر"

وفي صحيح البخاري من حديث أبي هريرة أيضا رضي الله عنه قال: قال رسول الله صلى الله عليه وسلم
" من صام رمضان ايماناَ واحتسابا غفر له ماتقدم من ذنبه "
أرأيتِ هذا الفضل ؟!!
وهل تدبرتي في هذا العطاء ؟!!
ذنوب عمر مضى ،،
وعثرات سنين رحلت ،،
يغفرها الله بفضل هذه الطاعات ..
أبعد هذا لا تشتاقي لرمضان ؟ !!
ألا ترجين نيل هذه المغفرة, وتطمعين بالفوز بهذا العطاء ؟!
إذاً حرك قلبك الشوق إلى رمضان ..

هيا معنا لنعيش معاً هذه الأحداث المشوقة

نهى وزينب وايمان ومروة وشيرين وآية ومنال ,وأميرة..وغيرهم

كل هؤلاء يعيشون معنا هذه الأحداث الرمضانية جداا

هيا بنا لنتعرف عليهم ..ايه حكايتهم؟ ..كيف يستعدوا ؟..
وكيف يعيشوا رمضان؟

لنتعلم .. نعرف أخطائنا فى رمضان ... وكيف يكون رمضان فرصة العمر

لن أطيل عليكم فهيا بنا الى أحداث

مسلسل

[FLASH]http://archive.org/download/habeby5000/vorsa4.swf[/FLASH]

الحــــلقة الأولـى

الحــــلقة الثـانية

الحــــلقة الثـالثة

الحــــلقة الرابـعة

الحــــلقة الخـامسة

الحــــلقة السـادسة

الحــــلقة الأخـيرة


كـــل عام وأنتم بخير تقبل الله منا ومنكم صالح الأعمال

[فريق فضفضة الأخوات]

♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى ♥♡ღ

الله أكبر الله أكبر

أشهد أن لا اله الا الله
أشهد أن محمد رسول الله

نهى فتحت عينيها على آذان الفجر بتبص على النتيجة فلقت
لسه فاضل 10 أيام على رمضان

يااااااااه معقول لسه عشر أيام ياااه الايام بتجرى بسرعة
وكأنها لحظات ولسه كأننا مودعين رمضان ال فات من فترة بسيطة
يااالله شهر رمضان

فيه خير ليلة من ليالي السنة ، وهي ليلة القدر
{إِنَّا أَنزَلْنَاهُ فِي لَيْلَةِ الْقَدْرِ وَمَا أَدْرَاكَ مَا لَيْلَةُ الْقَدْر لَيْلَةُ الْقَدْرِ خَيْرٌ مِّنْ أَلْفِ شَهْرٍ }القدر

أُنزلت فيه أفضل الكتب على أفضل الأنبياء عليهم السلام.قال تعالى:
{شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَى وَالْفُرْقَانِ } البقرة / 158

تُفتح فيه أبواب الجنة وتُغلق أبواب جهنم وتُصفَّد الشياطين فعن أبي هريرة رضي الله عنه أن رسول الله صلى الله عليه وسلم قال :
( إذا جاء رمضان فتحت أبواب الجنة وغلقت أبواب النار وصُفِّدت الشياطين ) متفق عليه.

الصيام والقيام وإطعام الطعام والاعتكاف والصدقة وقراءة القرآن .
واشوقااااااااااااااه رمضان
بس مش معقول أنا لسه مش استعديت لرمضان الاستعداد ال يستحقه هذا الشهر الكريم

وقعدت تقول فى نفسها لأ لازم احدد خطوات عمليه للإستعداد لرمضان
راحت تتوضى وتصلي الفجر
بصت لأختها زينب لقيتها نايمة فى سابع نومة قالت لما اصحى زينب عشان تصلى الفجر
نهى..زينب.. اصحى يا بنتى يلا عشان تصلى الفجر
زينب... ايه يا بنتى فجر ايه سيبينى أنام مش قادرة سيبينى بقى ما تبقيش رخمة
نهى..يازينب قومى لسه عشر أيام على شهر رمضان لازم نستعد يلا قومي صلي الفجر انتِ متعرفيش فضل صلاة الفجر إيه
يقول النبي ـ صلى الله عليه وسلم ـ (من صلّى الصبح في جماعة فكأنما صلّى الليل كله )
رواه مسلم والترمذي .

وقال:( من صلّى الفجر فهو في ذمة الله فلا يطلبنكم الله بشيء من ذمته ) ومعنى في ذمة الله : أي في حفظه سبحانه ،
والحديث رواه الطبراني .
وفي الحديث الصحيح : ( من صلّى البردين دخل الجنة )
رواه البخاري.

وقال عليه الصلاة والسلام : ( أثقل الصلاة على المنافقين صلاة العشاء وصلاة الفجر ، ولو يعلمون ما فيهما لأتوهما ولو حبواً )
رواه الإمام أحمد

بالله عليكِ يا زينب تحبي تكوني من المنافقين ؟؟؟

وقال أيضاً صلى الله عليه وسلم : ( يتعاقبون فيكم ملائكة بالليل وملائكة بالنهار ويجتمعون في صلاة الفجر وصلاة العصر...
ثم يعرج الذين باتوا فيكم ، فيسألهم وهو أعلم بهم :
كيف تركتم عبادي..
فيقولون : تركناهم وهم يصلون ، وأتيناهم وهم يصلون )
رواه البخاري

يااااااااااااه يا ست زوزو يعنى هتجيلك الملائكه كده تلاقيكِ ناميه
يا الله هتقابلي ربنا إزاى وهتقوليله إيه ؟؟

زينب : وهيا عماله تفعص فى عنيها والشيطان قاعد فوق راسها ... طيب يا نهى هقوم اهوو بس هخطف حلم صغير كده وارجعلك تانى

نهى : إيه يا بنتى الإستهتار بتاعك ده
إنتِ متعرفيش خطورة تفويت صلاة الفجر ؟؟

زينب : خطورة إيه يا بنتى وتفويت إيه انا مش فاهمه حاجه خالص من الكلام اللى إنتِ بتقوليه ده
كلميني بالراحه كده يمكن أفهم

نهى : حاضر يا ستى هفهمك بهدوء
ركزي معايا
( أثقل الصلاة على المنافقين صلاة العشاء وصلاة الفجر ) .. يعنى ببساطه يا كتكوته لو مصلتيش الفجر هتكوني منافقه
وفي الصحيح عن ابن عمر رضي الله عنهما قال : ( كنا إذا فقدنا الرجل في الفجر والعشاء أسأنا به الظن )
رواه الطبراني
وإنما تكون إساءة الظن بذلك المتخلف عن هاتين الصلاتين لأن المحافظة عليهما معيار صدق الرجل وإيمانه ، ومعيار يقاس به إخلاصه ،
ذلك أن سواهما من الصلوات قد يستطيعها المرء لمناسبتها لظروف العمل ووقت الاستيقاظ ..
في حين لا يستطيع المحافظة على الفجر والعشاء مع الجماعة إلا الحازم الصادق الذي يُرجى له الخير .
زينب : يا نهار أبيض يا نهى بجد معقول للدرجه دى ؟؟
نهى : طبعا يا زينبو بصي حبيبتى
من الأحاديث الدالة على خطورة فوات صلاة الفجر قوله صلى الله عليه وسلم : ( من صلّى الصبح فهو في ذمة الله ، فلا يطلبنكم الله من ذمته بشيء
فإن من يطلبه من ذمته بشيء يدركه ثم يكبه على وجهه في نار جهنم )
رواه مسلم

ومعنى من يطلبه من ذمته بشيء يدركه أي من يطلبه الله للمؤاخذة بما فرط في حقه والقيام بعهده يدركه الله إذ لا يفوت منه هارب ، حاشية


زينب.. حاضر هقوم اهو ... وراحت فى سابع نومة
نهى..

لا حول ولا قوة الا بالله ربنا يهديكِ يا زينب

صلت نهى ركعتى السنة قبل الفجر لأنها عارفة فضلهما
يقول رسول الله صلى الله عليه وسلم
((ركعتا الفجر خير من الدنيا وما فيها))

الراوي: عائشة المحدث: مسلم - المصدر: صحيح مسلم - الصفحة أو الرقم: 725
خلاصة حكم المحدث: صحيح

وبعدها صلت الفجر وقعدت زي عادتها تقول أذكار الصباح وبعدها قعدت تفكر
وتقول فى نفسها
يااااااه اشتقت جدااا لشهر رمضان لسه عشر أيام بس.. لازم أستعد
آه افتكرت ان وهى فى المسجد أخت أهدت لها ورقة للإستعداد لرمضان للشيخ حازم شومان
ورقة معسكرات قبل رمضان الجزء 1
ورقة معسكرات قبل رمضان الجزء 2
فتحت الشنطة وقعدت تقرأ فيها ياالله جميلة جدااا
لازم أبدأ عملياً التنفيذ من النهاردة
فتحت الأجندة بتاعتها وبدأت تكتب وهى قلبها كله لهفة وحب وشوق وخوف

رَبِّ، رُحماك رُحماك، يا ربِّ، يا الله.

يا ذا الجلال والإكرام
يا من وَسعت رحْمتُه كلَّ شيء، يا مَن له الخلق والأمر، يا رحْمَن الدنياوالآخرة.
هل ستُدخلني رمضان؟
هل ستُبلِّغني رمضان؟ هل سأكون ممن يَشهد رمضان؟
يا ربِّ لك الحمدُ..مِن قبْلُ ومن بعد، لك الحمد من قبل ومن بَعد.

يا ربِّ،إنْ بلَّغْتَني رمضان فوفِّقني فيه، أرجوكَ يارب إن بلَّغْتني رمضان أن توفِّقَني فيه.

لا أدري كيف سأدخلُ رمضان؟ ولا كيف سأكونُ فيه؟ لا أدري بأيِّ قلبٍ وأيِّ همَّةٍ وأي نيةٍ سأكون في رمضان؟

فيا أرحم الرحمين،يا أكرم الأكرمين، يا خالق الناس أجمعين، وفِّقني في رمضان.

سأدخل - إنْ دخلْتُ - يا ربِّ بفضْلك وكرَمِك وحوْلِك وقوَّتك،
فأرجوك أرجوك ربِّى، أدخلني فيه مُدخلَ صدقٍ، وأنزلني منه مُنزَلاً مبارَكًا، وأنت خيرالمنْزِلين

يا ربِّ،وفِّقني في رمضان، فإني سأدخل يا ربِّ - إن دخلتُ بفضلك - بذنوب كالجبال،
بذنوب جمَعْتُها ليلاً ونهارًا، ذنوبٍ كثيرة، أذْكُر بعضَها ونسيت أكثرها، لكنَّها لاتَخفى عليك.

ويل لي، ثم ويْلٌ لي، ثم ويل لي - إن خرجْتُ من رمضان ولم تَغفر لي،

ولن يُغفرلي إلاَّ بفضل منك وبرحمتك، يا أرحم الراحمين، فارْحَمني

.

وكتبت نقاط عملية هتمشى عليهافى العشر أيام المتبقية من شعبان
فتحت الكمبيوتر
وتذكرت ان عندها بعض المقاطع والدروس الرائعة للإستعداد لشهر رمضان

المشاريع العشر أغلى أيام حياتى

للشيخ حازم شومان

عرض الأعمال فى شعبان والإستعداد لرمضان
للشيخ محمد حسين يعقوب
لو ارادوا رمضان لأعدوا له عدة
للشيخ حازم شومان

۞ إسطوانة رمضان جديد لمن يريد۞

وقعدت تسمع وتشاهد وهي سعيدة وحاسة انها شامة ريحة رمضان حبيبها اللي مستنياه





صحيت زينب من النوم على صوت الكمبيوتر
زينب.. فى ايه يا نهى مش معقول .. ايه الدوشة ال انتِ عملاها من الصبح دي
نهى.. أصل بسمع دروس عن الاستعداد لرمضان ... أنا فرحانة أوى يا زوزو فرحانة عشان شهر رمضان خلاص قرب
زينب.. فعلاً شهر رمضان بيبقى جميل أوى ..كفاية المسلسلات الروعة ده مجهزين مسلسلات مفيش بعد كده

نهى.. مسلسلات إيه يازينب بس حرام عليكِ عايزة تقضي رمضان شهر العبادة فى الفرجة على المسلسلات
تضيعي الحسنات بتاعت صيامك وتبدليها بسيئات وربنا يغضب منك .. ليه كده يا حبيبتى
تعالى شوفي كده

http://www.youtube.com/watch?v=f6XCQ8l8eFg

http://www.youtube.com/watch?v=TvEj7PdbeEI

شوفي الفتوى دي
السؤال :

ما حكم مشاهدة المسلسلات والافلام التي تذاع بالتلفزيون؟

المفتي:

صالح بن فوزان الفوزان ( حفظه الله )

الإجابة:
على المسلم أن يحفظ وقته فيما يفيده وينفعه
في دنياه وآخرته؛ لأنه مسؤول عن هذا الوقت الذي يقضيه؛ بماذا استغله؟
قال تعالى: {أَوَلَمْ نُعَمِّرْكُم مَّا يَتَذَكَّرُ فِيهِ مَن تَذَكَّرَ}

[سورة فاطر: آية 37].

وفي الحديث: أن المرء يسأل عن عمره فيما أفناه...

ومشاهدة المسلسلات ضياع للوقت؛

فلا ينبغي للمسلم الانشغال بها، وإذا كانت

المسلسلات تشتمل على منكرات؛ فمشاهدتها حرام،
وذلك مثل النساء السافرات والمتبرجات،
ومثل الموسيقى والأغاني، ومثل المسلسلات
التي تحمل أفكارًا فاسدة تخل بالدين والأخلاق،
ومثل المسلسلات التي تشتمل على مشاهد ماجنة
تفسد الأخلاق؛ فهذه الأنواع من المسلسلات لا تجوز مشاهدتها.

زينب اقتنعت بكل ال شافته بس بردو بتجادل
الفتن حواليها كتير وفضلت تعيش حياتها فى اللعب واللهو ولسان حالها بيقول بكره هتوب بكره هلتزم
بس مين يضمنلك بكره ده يا زينوب فوقي يا حبيبتى الموت يدق الأبوب
ربنا يهديكِ يا زينب

ودخلت نهى فى أوضتها مسكت ورقتها وقلمها وقعدت تخطط جدول يوميات مسلمه فى رمضان
وافتكرت الصحبه الصالحه ... صحبه الخير
نهى مش ناسيه بردو انها تختار الرفيق قبل الطريق
إفتكرت مروه وإيمان
مين هما دول وإيه حكايتهم
ده اللى هنعرفه فى الحلقة القادمة
إوعى تغير المحطــــه ^_^

انتظــــــرونااااااااا

[تاركة الدنيا]

وعليكم السلام ورحمة الله وبركاته
ماشاء الله اللهم بارك
مسلسل صدقا أكثر من رائع
ونحتاجه جميعا ونحن على أبواب الشهر الكريم
أسأل الله أن ينفعنا به ويبلغنا رمضان وهو راضِ عنا
أسجل متابعه معكم إن شاء الله
وننتظر باقى الحلقات فى شوق
بارك الرحمن فيكم
ــــــــــ
اللهم صلِ وسلم وبارك على سيدنا محمد

[محبة لقاء الله]

رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى ♥♡ღ

الله........ الله
حلقات راااااااااائعة
وفى وقتها تمام
جزاكن الله خيرا اخواتى الكريمات ونفع بكن
جعلنا الله واياكن من الفائزين فى رمضان
تسجيل متابعة معكن ان شاء الله

[مخلصة لرب العالمين]

رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى ♥♡ღ

وعليكم السلام ورحمة الله وبركاته
ماشاء الله اللهم بارك
مسلسل صدقا أكثر من رائع
ونحتاجه جميعا ونحن على أبواب الشهر الكريم
أسأل الله أن ينفعنا به ويبلغنا رمضان وهو راضِ عنا
أسجل متابعه معكم إن شاء الله
وننتظر باقى الحلقات فى شوق
بارك الرحمن فيكم
ــــــــــ
اللهم صلِ وسلم وبارك على سيدنا محمد

[مسلمة معتزة بدينها]

رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى◦˚° ♥♡ღ

رااااااائع ماشاء الله عليكم اخواتى

متاااابعة معكم بإذن الله

جزاكم الله خيرااا

[أم يامن السلفية]

رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى◦˚° ♥♡ღ

السلام عليكم ورحمة الله وبركاته
ما شاء الله أخواتي مسلسل رائع
وفي وقته حقا
جزا الله خيرا فريق فضفضة الأخوات
وكل من شاركت في إعداده
نسأل الله أن يبلغنا وإياكن رمضان بكل الخير

[جميلة بحجابى]

رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى◦˚° ♥♡ღ

ما شاء رائع جدااااً
متابعين معكي لنتعرف علي مروه وإيمان ونشوف قصه نهي وزينب
منتظرين

[حمامة القدس]

رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى◦˚° ♥♡ღ

وعليكم السلام ورحمة الله وبركاته
جزاكم الله خيرا
مسلسل رائع وفى وقته
وننتظركم
لكن لا تتأخروا فرمضان على الابواب
اللهم بلغنا رمضان

[مسلمة وفخورة]

رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى◦˚° ♥♡ღ

وعليكم السلام ورحمة الله وبركاتع
متااااابعة
جزاكِ الله كل خير

[~باغية الجنان العلى~]

رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى◦˚° ♥♡ღ

جزاكن الله خييرا
وبلغنا رمضان

لم يبق الا بضعة ايام
الله المستعان

[العائدة لربها]

رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى◦˚° ♥♡ღ

جزاك الله خيرا تسجيل متابعة

[أمة الله 91]

رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى◦˚° ♥♡ღ

ما شاء الله
بارك الله فيكم وزادنا وإياكم تقوى
أسأله تعالى أن يبلغنا رمضان
ويرزقنا صيامه وقيامه إيمانا واحتسابا وأن يتقبله منا جميعا خالصا لوجهه الكريم
آميـــــــــــــــن

[طالبة رضاء الله]

رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى◦˚° ♥♡ღ

وعليكم السلام ورحمة الله وبركاته
*********
ماااشااااااء الله رااائع احلى مسلسل في رمضان
متابعة باقي الحلقات بشغفف
بارك الله فيكم وفي مجهودكم وبلغنا الله وإياكم رمضان
*********

[فريق فضفضة الأخوات]

رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى◦˚° ♥♡ღ

وعدنا إليكم مع
الحـلقة الثانية

بعد المحاضرات والمقاطع الجميلة عن الاستعداد لرمضان ..زاد الشوق في قلب نهى لاستقبال شهر رمضان ..وحست انها مش عايزة تبطل كلام عن رمضان والشوق اللي في قلبها لرمضان..وافتكرت ...ياااااااه النهاردة عندي معاد في أجمل مكان في العالم ..يااااااااه برتاح أد إيه في المكان الجميل ده ..لا مصايف ولا منتجعات ..مفيش في الدنيا مكان أجمل منه..
بيــــــت ربـــــــــي..
مسجدي اللي بتتجمع فيه أجمل صحبة.
وراحت نهى للمسجد وهي فرحانة وحاسة انها طايرة مش ماشية على الأرض..أول مدخلت المسجد وقعت عينها على أعز صحبتها قاعدين بيتكلموا
في ركن في المسجد إبتسمتلهم وقبل متسلم عليهم صليت ركعتين تحية المسجد, لحديث النبي صلى الله عليه وسلم : " إذا دخل أحدكم المسجد فليركع ركعتين قبل أن يجلس "
[ رواه البخاري في صحيحه ]

نهى : السلام عليكم ...وحشتوني جدااااا.
مروة وإيمان : وعليكم السلام ورحمة الله وبركاته.
مروة : وانتي كمان وحشانا.
إيمان : عاملة إيه يا حبيبتي وزينب إزيها ؟
نهى : الحمد لله بخير بفضل الله ..كل عام وإحنا إلى الله أقرب وعلى طاعته أدوم .
إيمان ومروة : اللهم آآآآآمين.



مروة : مشتاقين أوي لرمضان ...حاسة اني زي الغريق اللي مشتاق لحد يمدله إيده بطوق النجاة..يارب أحي قلوبنا برمضان.
إيمان: والله مش مصدقة ...حاسة ان حبيب غايب من سنة حيجي كمان أيام ..دا أنا بستناه من زمااان أوووووى .. يااااااااه اشتقت لصلاة التراويح أوى .. والتهجد .. والطاعات
وليلة القدر .. اللهم بلغنا ليلة القدر,,, يارب بلغنا رمضان وارزقنا فيه حلاوة مناجاتك والأنس بك .
نهى ومروة : اللهم آمين.

مروة: الواحد بيشتاقله أكتر لما يفتكر فضائله أد إيه رمضان فعلا كريم..مع إن الكلمة دي موردتش عن النبي صلى الله عليه وسلم في التهنئة برمضان
إلا إن معنها عظيم الكرم اللي بيكرمنا بيه ربنا في رمضان تخيلي إنك لما يجيلك ضيف المفروض انك بتقدميله واجب الضيافة لكن رمضان ضيف عزيز هو اللي بيبدأك بالكرم وبيجي بهدايا وفضائل بيجي ومعاه كل الخير من ربنا الكريم .


رمضــــــــان
{شَهْرُ رَمَضَانَ الَّذِي أُنْزِلَ فِيهِ الْقُرْآنُ هُدًى لِلنَّاسِ وَبَيِّنَاتٍ مِنَ الْهُدَى وَالْفُرْقَانِ}
[ البقرة : 185 ]

رمضــــــــان
شهر القرءان .. شهر الجود والإحسان .. شهر العتق من النيران

رمضــــــــان
من صامه وقامه إيماناً بموعود الله ، واحتساباً للأجر والثواب عند الله ، غفر له ما تقدم من ذنبه ،
ففي الصحيح أن النبي صلى الله عليه وسلم قال: ( من صام رمضان إيمانا واحتسابا غُفِر له ما تقدم من ذنبه ) ، وقال: ( من قام رمضان إيماناً واحتساباً غفر له ما تقدم من ذنبه )

رمضــــــــان
شهر الصبر ، فإن الصبر لا يتجلى في شيء من العبادات كما يتجلى في الصوم ، ففيه يحبس المسلم نفسه عن شهواتها ومحبوباتها ،


رمضــــــــان
شهر العتق من النيران ، ففي حديث أبي هريرة رضي الله عنه : قال صلى الله عليه وسلم :
( وينادي مناد : يا باغي الخير أقبل ، ويا باغي الشر أقصر ، ولله عتقاء من النار وذلك كل ليلة ) رواه الترمذي .

أثناء كلامهم الجميل ده كانت فيه بنت دخلت المسجد صلت ركعتين وقعدت في زاوية من زوايا المسجد قريب منهم قعدت تسمع من بعيد
مروة أخدت بالها منها, بنت عادية , يبدو على ملامحها وسلوكها الطيبة الشديدة
ولكن للأسف زيها ليس محتشم .. أو خلونا نتكلم بصراحة بقى يا جماعة وبدون تذويق للكلام " متبرجة ".. لابسة بنطلون جينز وبدى ..
مروة بصيتلها وحسيت انها على الرغم من المظهر ده إلا انها أكيد فيها خير بدليل انها دخلت المسجد وكمان قعدت تسمع كلامهم من بعيد
فقررت تروح وتكلمها .

مروة : السلام عليكم ورحمة الله وبركاته
البنت: وعليكم السلام ورحمة الله وبركاته.
مروة : ممكن أعرف إسمك؟
البنت : إسمي مها .
مروة : مكن أسألك سؤال؟
مها : إتفضلي .
مروة : يكون إحساسك إيه لو حد بتحبيه ذكر إسمك؟
مها : أكيد حكون مبسوطة طالما حد بحبه.
مروة : طيب ولو كمان ذكر إسمك وسط ناس بتحبيهم .
مها : أكيد حكون مبسوطة طبعا.
مروة : طيب إيه رأيك لو ربنا هو اللي ذكر إسمك وكمان في الملأ الأعلى؟
مها قلبها اتحرك وحسيت إحساس غريب ..قالتلها : أنا ربنا يذكرني بإسمي أنا ؟
مروة : طبعا ..قال رسول الله صلى الله عليه وسلم : " ما اجتمع قوم في بيت من بيوت الله، يتلون كتاب الله، و يتدارسونه بينهم، إلا نزلت عليهم السكينة : وغشيتهم الرحمة، و حفتهم الملائكة، و ذكرهم الله فيمن عنده" الراوي: أبو هريرة المحدث: السيوطي - المصدر: الجامع الصغير - الصفحة أو الرقم: 7776
خلاصة حكم المحدث: صحيح
مش كدة وبس , إيه رأيك لو قولتلك تقعدي معانا في حتة من الجنة ؟
مها : أكيد بتهزري , حتة من الجنة هنا على الأرض؟
مروة : أيوة يا مها هنا عالأرض , قال رسول الله صلى الله عليه وسلم : " إذا مررتم برياض الجنة فارتعوا قالوا : وما رياض الجنة؟ قال: حلق الذكر الراوي: أنس بن مالك المحدث: السيوطي - المصدر: الجامع الصغير - الصفحة أو الرقم: 859
خلاصة حكم المحدث: صحيح
علشان كدة إيه رأيك تيجي تقعدي معانا وأعرفك على إخواتي في الله ؟
مها مترددة لأنها حاسة انها مش زيهم ولا هما المود بتاعها خالص وأكيد مش حتستريح . لكن حست ان مروة بنت أخلاقها عالية وخافت لتكسفها فوافقت.
مروة : السلام عليكم يا جماعة أعرفكم بمها.
نهى : أهلا بيكِ يامها تشرفنا .
إيمان: ما شاء الله مجلسنا نور بيكِ فعلا يا مها.
مها: شكرا يا جماعة.
إيمان : إيه رأيك بقى في كلامنا أكيد سمعتيه؟
مها: والله كلام جميل جدا وشكلكم حلو أوي وانتوا بتتكلموا ..حسيت ان كل كلمة خارجة من قلبكم وحاسين بيها بجد, وعلى فكرة أنا عمري مسمعت الكلام ده , وعمري موصلت لإحساسكم ده , أنا عارفة إني مش زيكم بس أنا برده كويسة وبحب شهر رمضان أوي علشان كدة بحب أروح المسجد قبل رمضان بشوية والحمد لله بصلي التراويح ونفسي أستفيد من رمضان وأبقى أحسن من كدة ..أنا بحب ربنا أوي ..بحبه بجد , ممكن أطلب منكم طلب؟
نهى : إتفضلي.
مها : ياريت تكملوا كلامكم

إيمان : سبحان الله ...كل الفضل اللي فات ده في أكتر منه كتير ..تخيلي يا مها إن صيام رمضان
جُنًة من النار
كما روى أحمد عن جابر رضي الله عنه أن النبي صلى الله عليه وسلم قال : " إنما الصيام جنة يستجن بها العبد من النار "
وجنة : يعني وقاية وحصن من الشهوات والمعاصي والفتن

رمضان..سبيل للجنة
فعن سهل بن سعد رضي الله عنه أن النبي صلى الله عليه وسلم قال : " إن في الجنة بابا يقال له الريان , يدخل منه الصائمون يوم القيامة ..
لا يدخل منه أحد غيرهم , يقال : أين الصائمون , فيقومون , لا يدخل منه أحد غيرهم فإذا دخلوا أغلق , فلم يدخل منه أحد "
[ أخرجه البخاري ومسلم ]

مش كدة وبس شوفي انتِ أد إيه محتاجة من ربنا حجات كتير بتطلبيها ..ممكن تكوني حزينة مهمومة , عندك مشاكل نفسك تتحل ,
عايزة تتزوجي ,,أو لو متزوجة نفسك في طفل , لو طالبة عايزة تتفوقي , نفسك ربنا يعافيكِ ويغفر لك ..نفسك تفوزي بالفردوس الأعلى
كل ده ممكن تطلبيه في رمضان ..لأنك عندك 60 فرصة لدعوة مستجابة ..مش كدة وبس وكمان 60 فرصة للعتق من النار
قال رسول الله صلى الله عليه وسلم :
" إن لله تبارك و تعالى عتقاء في كل يوم و ليلة ( يعني في رمضان ) . و إن لكل مسلم في كل يوم و ليلة دعوة مستجابة"
الراوي: أبو سعيد الخدري المحدث: الألباني - المصدر: صحيح الترغيب - الصفحة أو الرقم: 1002
خلاصة حكم المحدث: صحيح لغيره

مها : ياااااااااه معقول ..60 دعوة مستجابة و60 فرصة للعتق من النار

نهى : ياااااااااه يارب اعتق رقابنا من النار ..بجد شوقتوني جدا لرمضان بقى بعد الفضل ده حد ميشتاقش لثواب رمضان ..
و أنا كمان في حديث جميل بحبه أوي عن رمضان ..
روى الإمام أحمد عن عبد الله بن عمرو بن العاص رضي الله عنهما أن النبي صلى الله عليه وسلم قال : " الصيام والقرءان يشفعان للعبد يوم القيامة
يقول الصيام أي ربِ منعته الطعام والشهوات بالنهار فشفعني فيه , ويقول القرءان , منعته النوم بالليل فشفعني فيه , قال : فيشفعان "
[ إسناده صحيح ]

يااااااااه أد إيه موقف صعب أوي يوم القيامة حنحتاج فيه حد يقف جمبنا يدافع عننا وبشفع لينا عند ربنا ..والله ما أجمل رمضان وما أجمل القرءان...
ولا فرحة رمضان في قلوبنا اللي ربنا بيجازينا بيها كمان بفرحة أكتر منها ..
عن أبي هريرة رضي الله عنه قال :قال رسول الله صلى الله عليه وسلم : " للصائم فرحتان , فرحة حين يفطر , وفرحة حين يلقى ربه , ولخلوف فم الصائم أطيب عند الله من ريح المسك "
[ رواه البخاري ومسلم ]

مها بصت في الساعة وحست انها لازم تمشي قالتلتهم : بعد إذنكم يا جماعة , مضطرة أمشي وشكرا جدا على الكلام الجميل ده أنا حسيت اني نفسي رمضان يكون بكرة , ياريت تدعولي كتير..نفسي أستفيد من رمضان أنا بحاول أتغير بس سعات بحس اني أحسن من غيري ..في بنات كتير أوي زي بس مبيحسوش برمضان زي مانا حاسة ..أنا استريحت معاكم أوي وإن شاء الله ححاول أجي المسجد ونتقابل تاني.
مروة : ما شاء الله عليكِ أد إيه قلبك طيب..وطالما بتحبي ربنا يبقى لازم نثبت لربنا حبنا بإننا نطيعه ونغير أي شيء في حياتنا ميرضيهوش إوعدينا إنك تغيري من نفسك للأحسن.ويا ريت تسمعي الدرس ده

نهى : في رعاية الله يا مها وياريت نشوفك تاني .
إيمان : كلنا يا مها محتاجين نتغير ورمضان فرصتنا ..إنتِ قلبك طيب فعلا وجواكِ خير كتير ..ياريت فعلا نتقابل تاني وقبل متمشي تقبلي مني الهدية البسيطة دي.

مها بنت طيبة ونفسها تتغير بس زي بنات كتير فيها خير بتقوم وتقع محتاجة تتغير وتثبت
ربنا يهديكِ يا مها ويثبتك.
شيت مها وهي مبسوطة بالهدايا الجميلة وعلى وعد إنها تسمعها , وبعدها نهى كمان إستأذنت مع وعد إنها تجيب معاها لإيمان ومروة مفاجأة حلوة في لقائهم القادم ..إيه هي المفاجأة؟؟
إنتظرووووووووونا
إوعوا تغيروا المحطـــة ^_^