Tweet
رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى◦˚° ♥♡ღ
بس ياريت مايطولش الفاصل
-
-
رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى◦˚° ♥♡ღ
" إذا كانت أول ليله من رمضان صفدت الشياطين ومردة الجن وغلقت أبواب النار
فلم يفتح منها باب وفتجت أبواب الجنه فلم يغلق منها باب وينادى مناد يا باغى الخير أقبل ويا باغى الشر أقصر ولله عتقاء من النار وذلك كل ليله " أخرجه الترمذى وحسنه الألبانى
دمعه
أذرفها على الذين لا يراعون لرمضان حرمه ..
ولا يعرفون له مزية ولا فضلا فاستقبلوه كغيره من الشهور بالمعاصى والمخالفات بل ازدادوا فيه بعدا من الله عز وجل بما أحدثوا فيه من بدع وضلالات ومآثم ومنكرات
يا غاديا فى غفلة ورائحا إلى متى تستحس القبائحا
واعجبا منك وأنت مبصر كيف تجنبت الطريق الواضحا ؟
هنا فى زاويه المسجد مازالت مروه وإيمان هاتين الفتاتين العفيفتين
مازالا يتبادلن النصائح الرمضانيه والوصايا
فصدقا ما أجمله ذلك الحب فى الله
ذلك الحب الذى يجمع بين الأخوات بعضهن البعض يجتمعا فى الله ويتفرقا فى الله
نهى قررت أن تحضر معهن دائما تلك الجلسات الطيبه التى تفوح رائحتها فى أركان المسجد
وقررت أن تأخذ أختها زينب معها لعلها تستفيد من شئ
نهى : زينب حبيبتى أنا راحه المسجد إيه رأيك تيجى معايا هتلاقى هناك حجات هتفرحك بجد
زينب : الصراحه يا نهى انا بتخنقأ من البنات اللى بيبقوا هناك بيفضلوا يبصولى كده كأنهم أحسن منى وكأنهم مسلمين وإحنا كفار
..
فهذه نصيحه للملتزمات رفقا بغير الملتزمين وتجنبوا تلك المواقف
....
نهى : لا يا حبيبتى إنتى فاهمه غلط خالص دول بس عشان بيحبوكى وبيتمنولك الخير
تعالى بس ومش هتندمى
وتروح زينب مع نهى المسجد ويدخلوا يلاقوا مروه وإيمان متواجدين
نهى وزينب : السلام عليكم ورحمة الله وبركاته
مروه وإيمان : وعليكم السلام ورحمة الله وبركاته
إيمان : جيتم فى وقتكم يا بنات كنا لسه بنتكلم عن رمضان
تعالوا يا أخوات شوفوا نفسكم فين ؟؟
هل أنتم ممن يقال لهم يا باغى الخير أقبل ؟؟
أم ممن يقال لهم يا باغى الشر أقصر ؟؟
لازم نقف مع نفسنا ونحاسبها قبل الخساره
مروه : فعلا يا إيمان ومش أى خساره فالله عز وجل إختصنا بهذا الشهر الكريم إكراما لنا وتشريفا واللى مش هينتفع بيه ويجعله فرصه للتغيير فقد خسر خسرانا عظيما
زينب : براحه شويه يا بنات انتوا عمالين تتكلموا عن التغيير فى رمضان وأصلا رمضان أيامه قليله جدا بيمر سريع جداا لا يكاد يبدأ حتى ينتهى الواحد يدوب مبيلحقش يعمل فيه حاجه
نهى : أيوه يا زينب عندك حق عشان كده إحنا موجودين هنا النهارده قبل رمضان لازم نستعد لرمضان قبل دخوله
البدايه لازم تكون من النهارده بتوبه صادقه
توبه قبل أن يهجم علينا المرض أو الموت فلا نجد مهله
توبه قبل أن تتراكم الذنوب على قلبنا فتظلمه
مروه : سمعتم قول النبى صلى الله عليه وسلم " ليس الصيام من الأكل والشرب إنما الصيام من اللغو والرفث "
فأهون الصيام هو ترك الطعام والشراب
وقال جابر رضى الله عنه : إذا صمت فليصم سمعك وبصرك ولسانك عن الكذب والمحارم ودع أذى الجار وليكن عليك وقار وسكينه يوم صومك ولا تجعل يوم صومك ويوم فطرك سواء
وفى حديث للرسول عليه الصلاة والسلام فعلا فبيعذبنى لما بقرأه قوله صلى الله عليه وسلم " رب صائم حظه من صيامه الجوع والعطش ورب قائم حظه من قيامه السهر " رواه أحمد وصححه الألبانى
زينب : يااااااااه يعنى ممكن الواحد يصوم ويقوم الليل ولا يتقبل منه
إيمان : أيوه يا زينب عارفه السلف الصالح رضى الله عنهم كانوا يجتهدون فى إتمام العمل وإتقانه ثم يهتمون بعد ذلك بقبوله ويخافون من رده
تخيلى يتقنوا العمل وخايفين بعدها وشايلين هم العمل ده ربنا تقبله ولا لا
ما بالك بحالنا نحن
بنصوم وطول النهار بنتفرج على التليفزيون وبعد الفطار لحد الفجر بنتابع المسلسلات
مروه : بجد لازم يكون لينا وقفه مع نفسنا .. لازم نخاف على عملنا وعلى صومنا وقيامنا
إيه رأيك يا نهى تقولى لينا شويه نصائح لرمضان بحيث نكون فيه من الرابحين بإذن الله
نهى : أولا عرفنا إن الصوم مش بس صوم عن الطعام والشراب يبقى لازم نصوم صوم حقيقى
صوم العين ..
فلا تنظر إلى ما حرمة الله ويشمل ذلك الأفلام والمسلسلات
صوم الأذن ..
فلا نسمع بها القبيح ولا النميمه والغيبه
صوم اللسان ..
فلا يتحدث غير بالذكر والقرآن والخير
صوم اليدين ..
ببسطهما بالخير والبر والصله
صوم الرجلين ..
بالسعى فى حقوق المحتاجين والمشى فى حوائجهم
صوم القلب ..
ويكون بالإعراض عن الهمم الدنيه والأفكار الدنيويه
فاالقلب الصائم قلب متحرر من حب الدنيا والتعلق بالشهوات والملذات
القلب الصائم قلب مشغول بالفكر فى الآخره والقدوم على الله عز وجل
القلب الصائم قلب متواضع ليس فيه شئ من الكبر والغرور والعلو
القلب الصائم قلب لا يريد غير وجه الله ولا يطلب إلا رضى الله
فإنتبهوا حبيباتى
-------------------------
هنا حقل ألغام إنه قول رسول الله صلى الله عليه وسلم " لا يدخل الجنه من كان فى قلبه مثقال ذرة من كبر " رواه مسلم
إنتبهوا حبيباتى لتلك المضغه العجيبه
" ألا وإن فى الجسد لمضغه إذا صلحت صلح سائر الجسد وإذا فسدت فسد سائ الجسد ألا وهى القلب "
عايزين ناخد بالنا حبيباتى من المضغه السحريه دى
دائنا هو الذنوب والمعاصى ودوائنا هو ترك الذنوب والمعاصى
رأيت الذنوب تميت القلوب وقد يورث الذل إدمانها
وترك الذنوب حياة للقلوب وخير لنفسك عصيانها
إيمان : عندك حق يا نهى أهم حاجه لازم نشتغل عليه فى رمضان هيا قلوبنا عارفين كان أحد السلف بيقول : خلق الله القلوب مساكن للذكر فصارت مساكن للشهوات ولا يمحو الشهوات من القلوب إلا خوف مزعج أو شوق مقلق
وشكا رجل إلى مالك بن دينار قسوة قلبه فقال له أدمن الصيام فإن وجدت قسوة فأطل القيام فإن وجدت قسوه فأقلل الطعام
مروه : يعنى أفهم من كلامك دلوقتى يا أخوات إن لعلاج القلبو فى رمضان خمسة أشياء
* قرآءة القرآن بتدبر
* خلاء البطن
* قيام الليل
* التدرع عند السحر
* مجالسة الصالحين
زينب : طيب وإيه أصلا اللى بيفسد قلب واحده ملتزمه سيبوا فساد القلب ده للغير ملتزمين اللى زيي
مروه : لا يا زينب سبحان الله قلب الملتزمين بيفسد بردو ب 5 أشياء
* كثرة المخالطه تلاقيهم ليل ونهار قاعدين يتكلموا فى تفاهات الأمور إلا من رحم ربى
* كثرة التمنى تلاقى الواحده فيهم تقول يااااااه نفسى أقيم الليل كله والتانيه تقول أتمنى أختم القرآن فى يومين وكل كلامهم تمنى بدون عمل وقد قيل إن المنى رؤوس أموال المفلسيين
* التعلق بغير الله عز وجل
* كثرة الطعام والشراب
* كثرة النوم
نهى : نكمل يا أخوات النصائح الرمضانيه ونحو يوم حافل فى رمضان لازم تكونى منظمه وقتك
* القيام قبل الفجر للتهجد وقيام الليل
* تناول السحو " تسحروا فإن فى السحور بركه
* الإستغفار إلى أذان الفجر قال تعالى " وبالأسحار هم يستغفرون "
* الإستعداد لصلاة الفجر بالوضوء وإنتظار الأذان
* أداء سنة الفجر فهى خير من الدنيا وما فيها
* الإشتغال بالذكر والدعاء حتى إقامة الصلاه
* الأذكار بعد كل صلاه
* تمكث فى المصلى إلى طلوع الشمس تذكر الله تعالى وتقرأ القرآن وتردد أذكار الصباح ثم تصلى ركعتين ليكتب لها أجر حجه كامله وعمره تامه تامه تامه
* تأخذ قسطا من الراحه حتى تستعيد نشاطها
* تستسقظ قبل الظهر بفتره لتصلى سنة الضحى والإستعداد لصلاة الظهر
* تجعل لها وردا يوميا من القرآن لا يقل عن جزء فى اليوم وناخد بالنا إن فى ناس اللهم بارك بتختم القرآن كل ثلاث أيام
* تحرص على النوافل
* القيام بأعمال المنزل وتحتسب فى ذلك النيه بتفطير صائم وغيرها
* أذكار المساء
* يستحب تعجيل الإفطار
* أداء صلاة المغرب فى جماعه
* الإستعداد لصلاة العشاء والتراويح
وإذا خرجت المرأه للصلاة فى المسجد فلا يجوز لها أ، تخرج متعطره أو متبرجه لما فى ذلك من مفاسد وتحريم
مروه : بارك الله فيكِ يا نهى
نصائح جميله فعلا وأنا عندى بقى همسه فى أذن الحائض
بعض المسلمات إذا جائتها الحيضه فترت وكسلت عن الطاعات وإلتماس القربات وكمان للأسف فى نساء إذا جائهم الحيض سخطت وإعترضت وبقت تقول ليه كده يارب كان نفسى أصوم وأصلى وهذا لا يجوز حبيباتى لان أمر الحيض هم من قضاء الله وتدبيره وإحنا مطالبين بالرضا بقضاء الله والتسليم له
فالحائض تترك الصوم والصلاة وعندها فرصه للإكثار من ذكر الله عز وجل وكثرة الدعاء والإستغفار وكثرة الصدقه وإحتساب الأجر فى مساعدة الأهل والزوج والأولاد على الصلاه والصيام وقرآءة القرآن
وخدوا بالكم يا أخوات إذا طهرت الحائض أو النفساء فى نهار رمضان لم يصح صوم بقية اليوم ولو طهرت باليل أو قبل الفجر بلحظه وجب عليها الصيام
والمرضع والحامل إذا خافت على نفسها أو على ولدها فلها ان تفطر وعليها أ، تقضى تلك الأيام
نهى : عندك حق فعلا ده حال الكثير والله المستعان
بس لازم يكون شهر رمضان شهر التغيير ليكن صيامنا حاجزا عن إرتكاب المعاصى والمحرمات
عايزين نخلى الشهر ده مضمار للتسابق والعباده والعمل وأهم نصيحه بجد أوعى تطلعى من رمضان لوحدك لازم تكونى واخده فى إيدك حد ساعدتيه للخروج من الظلمات إلى النور علمتيه الصيام والصلاه فمهتيه
بجد يا أخوات عايزين نبعد عن الصحبه السيئه التى لا تفيد فى رمضان
عازينه يكون فرصه للنشاط الإجتماعى الخيرى نساعد محتاجين نشوف الأيتام الأرامل المساكين
ومن أهم النصائح فى رمضان فعلا مقاطعه لصوص الأوقات
زينب : ومين هما لصوص الأوقات دى هو الوقت كمان خليتوه مشكله ؟
نهى : طبعا يا زينب ده من أكبر المشاكل عندك لصوص الوقت دول الإنترنت والفضائيات والصحف والمجلات والسياسه والأسواق وهدوم العيد بقى وساعات لف فى الأسواق
ومصيبه الناس يروحوا يشتروا هدوم العيد فى العشر الأواخر من رمضان
فى وقت الثانيه فيه بجبال من الحسنات
ومن اللى بيضيع الوقت بردو بكثرة الزيارات والعزومات
إيمان : ربنا يبارك فيكم يا أخوات
بجد نصائح من ذهب لازم بجد يكون لينا ومضات على الطريق هقول ليكم بعضها
* إذا كنت تحبين الله فأكثرى من ذكره فإن المحبه والنسيان لا يجتمعان
* إحفظى الله عند هواكِ يحفظك عند لقائه
* إجعلى نفسك تابعه فى طريق الهدى ولا تجعليها قائدا فى طريق الهلاك
*إذا أردتِ أن ينظر إليكِ الله عز وجل بالرحمه فعاملى الخلق بالرحمه
* لا تُؤثرى على الله أحدا فيكلك إلى من آثرته عليه
* إذا لم تتركى ما يكرهه الله لم يذكرك فيمن يحبهم
* إجعلى بصرك بين يديك فإن الذى ورائك قد مضى
* إذا عرضت لكِ شهوه فإذكرى العاقبه فكم شهوه ذهبت عنك لذتها وبقيت عليك حسرتها
* ليس من رائحه أفضل من رائحة حسن الخلق
* إحذرى شهوه لا تبقى وندامه لا تفنى
* أنيسك اليوم هو أنيسك إدا فى قبرك
فما هو أنيسك ؟؟
نهى ومروه : بارك الله فيكِ إيمان
زينب : قاعده مصدومه أنا فين من كل ده ؟؟...
هنشوف رد فعل زينب
وهنتعرف على منال وآيه وشيرين مين هما وإيه حكايتهم بس فى الحلقه القادمه
كونوا بالقرب
CENTER][/CENTER]
♥♥فداكِ أبي وأمي ومن في الأرض جميعاً يارسول الله ♥♥
~~~~~~~~~~~~~~~~~~~~~~~~~~~
>>>الدال على الخير كفاعله" أُنشر تؤجر"<<<
تعليق
-
رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى◦˚° ♥♡ღ
جزاك الله خيرا وبانتظار معرفة رد فعل زينب
تعليق
-
رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى◦˚° ♥♡ღ
جزاكم الله خيراا وبارك الله فيكمالتعديل الأخير تم بواسطة الروح والريحان; الساعة 19-07-2012, 01:24 AM.تعليق
-
رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى◦˚° ♥♡ღ
جزاكم الله خيراً
تعليق
-
رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى◦˚° ♥♡ღ
رجعت زينب للبيت وقفلت عليها أوضتها , حسيت مشاعر غريبة عليها .. وقفت مع نفسها وقفة .. معقول اللي انا حساه ده ؟أنا كنت رايحة المشوار ده متغصبة , كنت فاكرة ان الناس دي عايشة في برج عاجي وبيتعاملوا مع غيرهم بغلظة وفاكرين انهم أحسن منهم ..كنت فاكرة انهم نفخ وكآبة وفاكرين نفسهم هما بس اللي مسلمين وغيرهم كفار ..لكن بالعكس ,أنا قعدت معاهم ..ولقيتهم غير كدة ..أنا ليه بعيييييدة أوي كدة ؟دول حببوني في رمضان أكتر ..خلوني أشتاقله أكتر ..أنا فرحانة ..فرحانة بجد.وجريت على الموبايل تكلم أعز صحباتها ..تفضفضلها وتوصفلها اللي جواها وسر فرحتها .
شيرين : ألو.زينب : أيوة يا شيري ..عاملة إيه؟شيرين: تمام إزيك يا زوزا عاملة إيه انتي؟زينب : تمام ..كنت عايزة أتكلم معاكي شوية , بقولك إيه رمضان فاضله أيام ..حتعملي إيه ؟شيرين : لأ بتهزري ..أيام ..ياااااااادي الحوسة .زينب : حوسة ليه يا بنتي ؟شيرين : مش تفكريني يا هانم ينفع كدة ..أنا ناسية خالص ..مروحناش نجيب الياميش ..وزمان العروض بتاعة السوبر ماركت اياه خلصت من زمان ..مانا عارفة الناس هناك زحمة زي الرز أصله عروضه إيه تحفة ..يا خسارة أكيد خلصت.زينب : طول عمري أقول ..همك على بطنك ..عروض إيه وخيبة إيه ..سديتي نفسي.شيرين : مليش دعوة يا ختي انتي دايما نفسك مسدودة متلزقيهاش فيا .زينب : طيب بعيدا عن الياميش ..حتعملي إيه السنة دي في رمضان ؟شيرين : عادي حصوم ..وانتي صايمة ولا زي كل سنة ؟زينب : ده إيه الخفة دي ..زي كل سنة ..مالناس كلها بتصوم , حتعملي إيه تاني غير الصيام يعني .شيرين : عادي نروح نصلي , ونتمشى أصل ليل رمضان تحفة ,, البت منال عليها كافيهات روعة , وبعدها أتفرج على كام مسلسل من الحلوين قبل منام .زينب : كويس انك قولتيلي نصلي . روحي يا شيخة بجد نفسي اتسدت.شيرين : تااااااااني ..بقولك إيه روحي ونتكلم بعدين ..أروح افكر ماما ننزل نلحق نبص في السوبر ماركت على أي حاجة .زينب : طب روحي يا ختي خلي السوبر ماركت بتاعك ينفعك , سلام .أنا ايه اللي خلاني أكلم شيرين مانا عارفة انها مش حتفهم اللي عايزة أتكلم فيه..مع انها صحبتي الأنتيم ..لكن مش حتفهم فعلا ولا تحس اللي كنت عايزة أقوله.
إحساس زينب بدأ يتغير لنوع من الحزن بعد الفرحة اللي كانت فيها ..وطالما كلمت شيرين قالت تكلم باقي الشلة ..يمكن واحدة فيهم تعرف تفضفض معاها, إتصلت بآية يمكن هي البت الوحيدة يالنسبة لزينب في شلتها أحسن من باقية البنات على الأقل بتحب تصلي التراويح ..لكن للأسف برده بتتضيع وقتها بالخروجات معاهم وبعد رمضان مفيش جديد.
آية : ألوزينب : يويو ..وحشاني عاملة إيه؟آية : الحمد لله .وانتي كمان عاملة ايه.زينب : تمام الحمد لله ..كل سنة وانتي طيبة . رمضان خلاص على الأبواب .آية : وانتي طيبة .زينب : حتصلي فين السنة دي؟آية : زي كل سنة الشيخ فلان صوته حلو بحب أصلي التراويح وراه .زينب : مش حتعملي حاجة جديدة السنة دي ؟آية : مفكرتش ..ممكن ننزل بعد التراويح سوا أي مكان.زينب :مظنش مش عايزة أروح في حتة بعد الصلاة.آية: زي متحبي .زينب :يلا حروح أعيد على منال ..مش عايزة حاجة ؟آية : سلامتك يا زوزو ..مع السلامة.
واتصلت بعدها بمنال ,,تعيد عليها بالمرة, مع إنها عارفة انها مش حتستريح معاها ..أصلها الرأس المخطط لخروجات رمضان اليلية.منال : ألو.زينب: إزيك يا منول عاملة إيه.منال:زيزي..إزيك انتي يا قمر ؟ محدش سمع صوتك من كام يوم .زينب : الحمد لله تمام..كنت مشغولة شوية .منال : ده انا مبسوووووطة أوي و كنت عايزة أكلمك.زينب: خير .منال: أصلنا مسافرين بعد بكرة شارم.زينب : وماله ..وحتقعدوا أد إيه ؟منال : تقريبا حنقعد شهر هناك.زينب : شهر ..انتي أكيد بتهزري ..معنى كدة ان رمضان حتقضيه هناك.منال: أه طبعا .., وبعدين رمضان السنة دي حيبقى حر جدااااااا فالصيف حيهون شوية .زينب :إزاي يا بنتي ..رمضان في شارم ؟منال : مهو انا حبقى انزل البحر بعد المغرب, وبعدين بيبقى هناك خيم رمضانية فيها حفلات من اللي بحبها .زينب :طيب ..تروحوا وترجعوا بالسلامة ..حسيبك انا دلوقت ونتكلم بعدين ..سلاممنال : أقابلك عالفيس ..سلام.
زينب : أنا خلااااااااااااااااااااص جالي إحبااااااااااااااط..مش معقول مش لاقية واحدة فيهم حاسة بيا ..إشمعنى صحبات نهى على قلب واحد بيحسوا ببعض ..بيسمعوا بعض ..كل واحدة فيهم يخرج كلامها من قلبها يدخل قلب صاحبتها..أنا بجد خلاص اتخنقت.وندهت على نهىنهى .. نهى .. لو فاضية ممكن نتكلم عيزاكي.نهى : ثواني وجيالك......أيوة يا ستي خير في إيه.زينب : أنا مخنوقة ..مخنوجة جدا ..وبدأت زينب تعيط ..ودموعها تجري على خدها..نهى: ليه بس كدة يا زينبو ده انا كنت فاكرة انك حتتبسطي معانا ..إيه اللي حصل بس.زينب: بالعكس أنا راجعة من المسجد مستريحة جدا ..وفعلا كلامكوا جميل جدا ..بس إيه الفايدة إنتوا بس اللي كدة ..تعالي شوفي كل واحدة من صحباتي إزاي حتقضي رمضان..وكل واحدة عيلتها زيها وقرايبها كلهم ..يبقى الناس كلهم كدة وانتوا بس اللي بتتكلموا عن رمضان بالشكل ده ..أنا محبطة جدا.نهى : هدي نفسك بس واسمعيني ..مين قالك ان الناس كلها بتدخل رمضان وتفوز ..ومين قالك برده ان الناس كلها بتدخله وتخسر ..زينوب الناس في رمضان أصناف في ناس بتدخله وهي فاهمة صح ان رمضان فرصة عمرهم ..فبيستعدوا ويجتهدوا لاغتنامه ..علشان كدة بيخرجوا منه بقلب جديد ..وناس تانية مبيفرقش معاها رمضان بيسلموا نفسهم لشياطين الإنس فيغوهم ويضيعوا رمضان ويخرجوا منه أسوء مما دخلوه.إسمعي كدة الحديث ده من كلام سيدنا أبو هريرة رضي الله عنه :" إن هذا الشهر غنيمة يكتب الله بركته و رحمته لمن شاء من عباده قبل أن يدخله و يكتب إصره و شقاءه على من شاء من عباده قبل أن يدخله "والحديث موقوف على أبو هريرة يعني من كلامه هو رضي الله عنه .زينب : كلام خطير فعلا.
نهى : علشان كدة متستغربيش ..ناس كتير بتعمل أخطاء فظيعة وسلبيات كتيرة في شهر رمضان ..منها مثلا ..
((الغفلة وعدم الاستعداد لرمضان ))تخيلي كدة لو عندك امتحان ميد ترم ومتعرفيش عن المادة أي حاجة حتدخلي ميح كدة؟زينب: لا طبعا حبوص بصة سريعة على المادة أشوف بتتكلم عن إيه عشان يدوب أنجح.نهى: ولو امتحان فينال , يبقى اللي عايز يدوب ينجح برده حيبوص بصة سريعة ..لكن اللي عايز الامتياز بيذاكر ويجتهد من قبل الامتحان بفترة كافيةزينب: الرسالة وصلت ..يبقى رمضان المفروض نتعامل معاه على إنه فينال ..وعلشان نفوز لازم نستعد ونجتهد قبله.نهى : تمام كدة ..عندك كمان حاجة مهمةقوليلي إنتي أول مارمضان يقرب التلفيزيون بيعرض إيه؟
(( إستقبال رمضان بالمعاصي واللهو والغناء ))
زينب : أول حاجة خالص خالص..رمضان جانا وفرحنابوا ..وحوي با وحوي ..حالو يا حالو رمضان كريم يا حالو فك الكيس وادينا بقشبش ..إيه الشحاتة دي.
نهى: أنا عارفة ؟.. ولا حتى حد فاهم يعني إيه وحوي ولا حالو يا حلو ..بيصرف الناس عن الطاعات وبدل منستقبل الشهر بالطاعة نستقبله بالأغاني.
زينب : بس الناس بتبقى فرحانة برمضان وبتعبر عن فرحتها .
نهى: أنا مقولتش منفرحش بالعكس ده احنا لازم نفرح بس نعبر عن فرحتنا بما يرضي الله
قال تعالى : " قُلْ بِفَضْلِ اللَّه وَبِرَحْمَتِهِ فَبِذَلِكَ فَلْيَفْرَحُوا هُوَ خَيْر مِمَّا يَجْمَعُونَ " [ يونس : 58 ]
يبقى نزين شوارعنا وبيوتنا والأطفال تفرح بالفوانيس والذي منه من غير أغاني وطبل وزمر, وبدل الكلام ده نستقبله بالدعاء المأثور عن النبي صلى الله عليه وسلم .
عـن طلحـةَ بـن عُبيـدِ اللهِ ؛ أن النبـيَّ ـ صلى الله عليه وعلى آله وسلم ـ
كـان إذا رأى الهـلالَ قـال : " اللهـم أَهْللـهُ علينـا باليمـنِ والإيمـان ،
والسـلامةِ والإسـلام ، ربـي وربُّـكَ الله ."
سنن الترمذي / تحقيق الشيخ الألباني ( 45 ) ـ كتاب : الدعوات / ( 51 ) باب :
ما يقول عند رؤية الهلال / حديث رقم : 3451 / ص : 784 / صحيح
عندك كمان حاجة خطيرة أوي
(( تضيع أوقات رمضان في المسلسلات والفوازير والخيم الرمضانية ))
شياطين الإنس بيستلموا الوردية طول شهر رمضان مكان شياطين الجن ويا سلااااام على شغلهم تلاقيهم بيستعدوا من قبل رمضان بسنة كاملة ويجهزوا أكتر من 100 مسلسل للعرض في شهر رمضان ..علشان محدش يقدر يغمض عينه ولا حتى يتنفس ..فتن وبلاوي زرقة والناس للأسف بتتفرج
وتلاقيهم صايمين بالنهار عن الحلال ويفطروا للأسف على الحرام
واحنا اتكلمنا سوا عن حكم مشاهدة المسلسلات فاكرة ؟
زينب : آه طبعا ..الفتوى والمقاطع كانت مقنعة فعلا..
نهى : ياربباقي الناس اللي لسة بتتفرج تقتع زيك كدة.
زينب : تعرفي أنا اللي حيجنني ..الخيبة الرمضانية دي ..أهو مش ممكن أبدا بني آدم عاقل يتسحر ويفطر على أنغم موسيقى ورقص شرقي ..يبقى بيقول اللهم لك صمت وعلى رزقك أفطرت ..إزاي ..ده أفطر على الخيبة التقيلة.
نهى : يارب اهديهم واصلح حالهم .
تعرفي بقى في مشكلة عند بنات كتيير للأسف وهي
(( إلتزام الصلاة والحجاب فقط في رمضان ))
لازم نكون ربانيات ..لا رمضانيات
تخيلي التاجر الذكي في المواسم بيعمل إيه ؟؟ بيجتهد علشان يحصل أكبر مكسب..صح؟
زينب : صح .
نهى : ويا ترى بعد الموسم بيقفل الدكان..طبعا لأ.
فاللي بتتحجب أو تصلي في رمضان بس يصدق فيها قول الله عز وجل :
" وَلَا تَكُونُوا كَالَّتِي نَقَضَتْ غَزْلَهَا مِنْ بَعْدِ قُوَّةٍ أَنْكَاثًا " [ النحل : 92 ]
زينب : مش كدة وبس ده انا أعرف ناس مبصلوش في رمضان أصلا.
نهى : دي مصيبة كبيرة ..هو مين اللي فرض علينا الصيام ؟؟ مش ربنا.؟؟
ومين اللي فرض علينا الصلاة ؟؟ مش ربنا برده ؟؟
زينب : ربنا طيعا.
نهى :للأسف في ناس بتاخود من الدين اللي يعجبها نقاوة يعني..
" أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ" [ البقرة : 85 ]
ربنا يصلح أحوالنا.
وتتأثر جداً زينب بالكلام ولكن ياتري هل يدوم تأثر زينيب وتبدأ خطوات عمليه نحو طريقها إلى الله
ده إن شاء الله هنعرفه الحلقة القادمة
انتظرونا
CENTER][/CENTER]
♥♥فداكِ أبي وأمي ومن في الأرض جميعاً يارسول الله ♥♥
~~~~~~~~~~~~~~~~~~~~~~~~~~~
>>>الدال على الخير كفاعله" أُنشر تؤجر"<<<
تعليق
-
رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى◦˚° ♥♡ღ
ما شاء الله رائع جداااً
منتظرين باقية الحلقات
جزاكم الله خيراً
â—ڈâ—ڈâ—ڈâ—ڈâ—ڈ
أســـــألــكم الدعـــــــــاء
لأبي بالشفاء العاجل ولعمي وزوجة خالي بالرحمة والمغفرة
تعليق
-
رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى◦˚° ♥♡ღ
زينب : نهى نهى الرؤيه بانت إن خلاص رمضان بكرة
نهى : الحمد الله كل سنه وانتي طيبة زينب ربنا يجعلنا من الفائزين به .. ماما بابا كل سنه وانتو طيبن ياحبايبي
زينب : كل سنه وانتي طيبه يانهى يأغلى أخت في الدنيا عايزاكي بقى تشدي حيلك معايا وتاخدي بإيدي
نقضى أحلى رمضان في حياتنا
نهى: والله فرحانه بيكي يازينب انك غيرتي فكرتك .. يالا يازينب جهزي نفسك علشان صلاة التراويح ولما نجي إن شاء الله نجهز السحور علشان نصلي نغتنم ركعتين في وقت السحر ويكون السحور جاهز
قال النبي صلى الله عليه وسلم: "تسحروا فإن في السحوربركة" (متفق عليه)
وبعد أول يوم وزينب ونهى في إجتهاد قرآن وذكر وحرص على اطعام الفقراء
وبعد الفطار
زينب : يالا يانهى نصلى التراويح نهى مش احنا هنقابل هنا إيمان ومروه
نهى : حاضر يازينب هجدد وضوئي وهلبس آه إن شاء الله هنقابل إيمان ومروة
ويصلو التراويح والكل يشعر بنسيم رمضان وخشوع
وبعد العودة من التراويح
ترن ترن .... تليفون زينب
زينب : السلام عليكم ازيك يإلهام كل سنه وانتي طيبه ياحبيبتي فينك وحشاني كتير
إلهام: وانتي طيبه يازينب انتي الى وحشاااااااااني موووت
زينب : هتعملي ايه ياالهام في رمضان
إلهام : بصراحه يازينب مفيش أحسن من كده طول اليوم مسلسلات روعه مبحسش بتعب الصيام أخلص مسلسل الاقي غيره وانام شويه وبعدين باليل بنخرج انا وباقي الشله ماتبقي تجى تخرجى معانا يازينب خروجات تحفه
زينب : مسلسلات ايه وخروجات ايه بس ياإلهام ده هوا شهر نرضي ربنا فيه
ياالهام انا قابلت اتنين أصحاب نهى اختي قابلتهم في المسجد (مروه وايمان) بصراحه بنات زي السكر ملتزمات ودمهم خفيف عرفت منهم ان المسلسلات والحاجات دي حرام جدااا ومينفعش نشوفها لافي رمضان ولا حتى في الأيام العاديه رغم انهم بنات دمهم زي السكر
إلهام: سكر أيه يابنتي بلاش خنقه ما أحنا بنصلي وبنصوم برده .. سلام يابنتي علشان يادوب بقى هخرج شويه انا والشله هتجى معانا ولا لاء
زينب : لا ياالهام معلشي مش هينفع
إلهام : سلام
زينب : وعليكم السلام ورحمة الله وبركاته
وتجلس زينب في غرفتها وكلام الهام كله بيدور في ذهنها وعينها تجي على الريموت تمسكه زينب وتضعه تاني وفجأة مسكته وفتحت التلفزيون قناة الرحمة برنامج الشيخ محمد حسان شغال تسمع شويه
وتوسوس لها نفسها الأمارة بالسوء
وتلعب بالريموت ويشد زينب مشهد من مسلسل وتغير القناه ويشدها مشهد آخر ولكن في هذا المشهد
سابت نفسها للمشاهدة المسلسل
هذه الصورة مصغرة إضغط هنا لعرضها بحجمها الطبيعي .
فجأة تدخل عليها نهى
نهى : زينب ايه الى انتي بتتفرجي عليه يازينب احنا مش اتفقنا اننا هنقضي أحلى رمضان
زينب : المسلسل ده بس يانهى ده روعه وهادف جدااااا ده عن قصة سيدنا يوسف عليه السلام
نهى : كمان ! ياحبيبة قلبي المسلسلات دي حراااااام حراااااام وفكرها خاطىء وفكرها خاطىء وكمان الشيوخ أفتوا بعدم جواز مشاهدة مثل هذه المسلسلات
زينب: نهى بقولك ايه انا هتفرج عليه ملكيش دعوه
نهى : ياحبيبتي أنا خايفه عليكي
زينب : حاااضر حاااضر أهو وأغلقت زينب التلفزيون
نهى : ربنا يهديكي يازينب
وبمجرد خروج نهى من الغرفه فتحت القناه تاني
_يااه يازينب عامله حساب لنهى وناسيه إن الملك شايفك ومطلع عليكي .. ربنا يهديكي يازينب_
وتمر الأيام تنجرف زينب في دوامة المسلسلات وتحاول معها نهى وتشتكي نهى إلي إيمان ومروة حال زيني وماوصلت إليه
وتتفق إيمان ومروه مع نهى لزيارة زينب وتوعيتها
ترن ترن ترن تليفون زينب
زينب: إلهام إزيك أخبارك ايه
إلهام :ازيك أخبارك أيه وأخبار شرين ومنال وآيه ومها أخباركم إيه
زينب : مش عارفه عنهم حاجه كل واحده مشغوله في وادي
إلهام : وانتي يابنتي مش ناويه تخرجي معانا خروجه
زينب : ياريت ياإلهام أصل الواحد اتخنق بس بلاش النهارده خلينا بكره
على ماأشوف هقول لبابا ازاى واخلع من نهى أصل عملالي خنقه
إلهام : أوووووووووووك هنتظرك بكرة ياقمر
وتبات تحلم زينب بخروجة بكرة وهقنع بابا ازاى
سهله هقوله انى هخروج خروجه عاديه اشوف اصحابي من زمان مش شوفتهم ايوه كده ::
نهى : زينب ....... زينب
زينب : هه هه ايوه يانهى انتي بتناديني
نهى : ايه يابنتي سرحانه في إيه جايه أقول مروة وإيمان هيزورونا بكرة بعد صلاة التراويح
زينب : ليه ! نهى انا هخرج بكره ابقى قبليهم انتي بقى
نهى : ليه راحه فين اوعي تقولي هتخرجي مع الهام وشلتها
زينب : اه انا اتخنقت اتخنقت عايزه اشم هوا
وتتنرفز نهى وتخرج وتسيب ليها الغرفة
ونامت زينب وكل ما يشغلها الخروج مع الهام والشله تنام زينب للساعة10
من غير ماتسحر ولا تصلي فجر ياااااه كل ده انحدار يازينب نتيجة مشهد
ترن ترن ترن ترن
تفتح زينب على رن التليفون
زينب : ألو منال !!
منال : تبكي بشده وتبكي
زينب : منال مالك يامنال في ايه طمنيني
منال بكاااااااااااااااااااااااااء
ياتري منال بتبكي كل البكاء ده ليه
ده الى هنعرفه الحلقة الجاية
انتظروووووووووووناCENTER][/CENTER]
♥♥فداكِ أبي وأمي ومن في الأرض جميعاً يارسول الله ♥♥
~~~~~~~~~~~~~~~~~~~~~~~~~~~
>>>الدال على الخير كفاعله" أُنشر تؤجر"<<<
تعليق
-
رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى◦˚° ♥♡ღ
وظلت زينب تهدىء من روع منال لتفهم سبب بكاءها
زينب : اهدي ياحبيبتي مالك استغفري ربنا واستعيذي بالله من الشيطان الرجيم
منال : الهام يازينب
زينب : مالها إلهام انا مكلمهاها امبارح
منال : عرفت انها أمبارح عملت حادثه صعبة جداااااااا واتنقلت للعنايه المركزة بالليل
زينب : ازاي ده ازاااى انتي بتتكلمي جد انا لسه مكلماها أمبارح وطيب هيا عامله ايه دلوقتي
منال : بكااااااااااء
الهام ماااااتت يازينب الهام مااااااتت
زينب : صمت رهيييييييييب ثم بكاء
واختلط بكاء زينب ببكاء منال
وماتت إلهااام ولكن ماتت على إي شيء ماتت....
ماتت بعد طول اليوم مسلسلات وغناء ولهو وخروجات
يااااااااااااااااااااااه
وماتت إلهام وهي في طريقها لأعداد السهرة الرمضانيه المليئة بالأختلاط والغناء والمعاصي وتظهر على وجه إلهام علامات سوء الخاتمه ولاحول ولاقوة إلا بالله
زينب لم تقم اليوم من سريرها
نهى: ايه يابنتي انتى هتقضيها نوم
وتنتبه نهى لشكل زينب وشها أحمر وعنيها مش باينه من العياط
نهى: زينب في ايه في ايه
زينب صمت رهييييييييييييب ودموعها لاتتوقف
نهى : مالك ياحبيبتي مالك
وتعرف من زينب خبر موت إلهام واسترجعت نهى إنا لله وإن إليه راجعون
وشريط الزكريات يمر أمام عين زينب وتفتكر كلام إلهام كلمة كلمة وتبكي يااااااااه يازينب كان زمانك مع إلهام
يااااااارب ماأحلمك ماأكرمك ياااااارب يااااااااارب
أعصيك وتمهلني أتجرء عليك تعطني فرصة للرجوع إليك وتقوم نهى من سريرها تتوضي وتصلي العصر بكااااااااء بكاااااااااااء وتوبة
وقرآن
نهى : زينب حبيبتي هوني على نفسك وتاخد زينب في حضنها
زينب : ربنا كريم أوي نهى كان ممكن أكون أنا مكان إلهام وأموت على سوء خاتمه وتبكي زينب بحرقة
نهى : ياحبيبتي ربنا يرحمها ويغفرلها.. الموت قريب أوي يازينب
زينب: عندك حق يانهى .. نهى أنا هرجع تاني أصلي معاكم التراويح
نهى : ياحبيبتي ربنا يتقبل منا ويثبتنا اليوم يازينب 20 رمضان يعنى ليلة 21
أفضل أيام في الشهر فيها ليلة القدر
النهارده كانت إيمان ومروة هيزرونا إيه رأيك يكون لقاء نتعرف فيه عن فضل العشر الأوخر من رمضان وهنعمل إيه فيهم؟
زينب : ياريت ياريت يانهى أنا محتاجه أفوووووووق
وبعد الفطار
زينب : نهى يالا بسرعة أنا مشتاقه للمسجد مشتاااقه لكل لحظة أبقى فيها مع ربنا
نهى : حاضر ياحبيبتي بس علشان خاطري بطلي عياط كده هتتعبي
زينب: حاضر يانهى وكل الى بيدور في زهن زينب كنتى هتموتي يازينب بسوء خاتمه
سوء خاتمه سوء خاتمه سوء خاتمه يااااااااااااااارب أرحمني ياكريم
وتخرج نهى وأختها زينب يااااااه الجو نقي وتحس الدنيا كلها طاعهْxطاعة
وبعد صلاة التراويح
مروة: إزيكم يابنات أزيك يازينب وحشاااااااااني خااالص
إيمان: مالك يازينب شكلك متغير ليه وعينك مالها مالك ياحبيبتي إنتي تعبانه
نهى : حكت لهم قصة زينب وموت إلهام
زينب ساكته ودموع عنيها لاتتوقف
مروة : ياحبيبة قلبي ربنا يغفر لإلهام صاحبتك ويعفو عنها ادعيلها كتير يا زينب وتصدقي عنها لعل الله يعفو عنها
إيمان: وياحبيبتي لازم تحمدي ربنا كتييير وتشكريه إنه أنقذك من سوء الخاتمه وأعطى لك فرصة للرجوع إليه الدنيا دي يابنات قصيرة جدا
فلندع عنا التواني والكسل , ولنسعِ للجد في العمل , فعما قليل نرحل , وبعد أيام نغادر هذه الدنيا , ونخلفها وراءنا ظهرنا , فلماذا التسويف ؟زينب : وكلامها مختنق من العياط ربنا كريم أوي أوي مش عارفه اشكر ربنا ازاي
نهى: طب يالا يابنات نقعد في الركن الى هناك ده ونحدد نعمل إيه في العشر أيام الأواخر من رمضان
زينب : آه ياريت انا نفسي أبقى كويسه أوى
إيمان ومروه : بإذن الله ياحبايبي نكون على الوجه الى يرضاه سبحانه وتعالى
وجلسو في ركن في المسجد
عَنْ أَبِى هُرَيْرَةَ رضي الله عنه قَالَ : قَالَ رَسُولُ اللَّهِ صلى الله عليه وسلم : (... وَمَا اجْتَمَعَ قَوْمٌ فِى بَيْتٍ مِنْ بُيُوتِ اللَّهِ يَتْلُونَ كِتَابَ اللَّهِ وَيَتَدَارَسُونَهُ بَيْنَهُمْ إِلاَّ نَزَلَتْ عَلَيْهِمُ السَّكِينَةُ وَغَشِيَتْهُمُ الرَّحْمَةُ وَحَفَّتْهُمُ الْمَلاَئِكَةُ وَذَكَرَهُمُ اللَّهُ فِيمَنْ عِنْدَه) رواه مسلم
مروه: إن شاء الله نجتهد جدااا الأيام دي لان الرسول عليه الصلاة والسلام
(كان رسول الله صلى الله عليه وسلم يجتهد في العشر الأواخر ما لا يجتهد في غيره ) رواه مسلم.
وتصف أم المؤمنين عائشة حاله فتقول: كان إذا دخل العشر شد مئزره و أحيا ليله وأيقظ أهله.
إيمان:عندك حق يامروة وكمان لازم نصلي التهجد يعنى نصلى التراويح أول الليل
وبعدين ناخد قسط من الراحه ثم قراءة الورد الليلي من القرآن ثم نقوم للتهجد بين يدى الله سبحانه وتعالى
عن علي رضي الله عنه عن النبي صلى الله عليه وسلم أنه قال:(إن في الجنة غرفا يرى ظهورها من بطونها وبطونها من ظهورها .
قالوا: لمن هي يا رسول الله؟ ، قال : لمن طيّب الكلام وأطعم الطعام و أدام الصيام وصلّى بالليل والناس نيام)(الترمذي وأحمد والحاكم).
مروة:والدعاااء يابنات نكثر من الدعاء والدعاء لبعض ولإخواتنا سبحان الله الدعاء بظهر الغيب مستجاب وكمان بيطهر القلب ونحاول نتصدق فى العشر الأوخر يومياً لو صدقة بسيطه جداً
نهى: وفي العشر الأواخر ليلة القدر ليلة القدر دي أفضل ليلة في العام كله فهي ليلة خير من ألف شهر
(لَيْلَةُ الْقَدْرِ خَيْرٌ مِنْ أَلْفِ شَهْرٍ) (القدر:3) .
أي أفضل من ثلاث وثمانين سنة، وأربعة أشهر.
ومن بركاتها أن القرآن العظيم أنزل فيها قال _عز وجل_:
(إِنَّا أَنْزَلْنَاهُ فِي لَيْلَةٍ مُبَارَكَةٍ إِنَّا كُنَّا مُنْذِرِينَ) (الدخان:3) .
ومن بركاتها أن من قامها إيماناً واحتساباً غفر له ما تقدَّم من ذنبه، كما جاء في الصحيحين من حديث أبي هريرة رضي الله عنه.
مروة : اي والله يانهى هذه الليلة
غيض من فيض من البركات التي خصَّ الله بها هذه الأمة، فهي أمةٌ مباركةٌ، وكتابُها كتابٌ مباركٌ، ونبيها نبيٌّ مبارك.
اللهم ارزقنا الفوز بها
زينب : طب ازاى نعرف ان دي ليلة القدر
إيمان: من علامتها يازينب
أن الشمس تطلع في صبيحتها ليس لها شعاع ، صافية ليست كعادتها في بقية الأيام ، ويدل لذلك حديث أبي بن كعب رضي الله عنه أنه قال : أخبرنا رسول الله صلى الله عليه وسلم : ( أنها تطلع يومئذ ٍ لا شعاع لها ) -رواه مسلم .
2- تنزل الملائكة فيها إلى الأرض بالخير والبركة والرحمة والمغفرة ،
قال تعالى : (تَنَزَّلُ الْمَلائِكَةُ وَالرُّوحُ فِيهَا بِإِذْنِ رَبِّهِمْ مِنْ كُلِّ أَمْرٍ) (القدر:4)
3- ليلة خالية من الشر والأذى وتكثر فيها الطاعة وأعمال الخير والبر ، وتكثر فيها السلامة من العذاب ، فهي سلام كلها ،
قال تعالى {سَلَامٌ هِيَ حَتَّى مَطْلَعِ الْفَجْرِ }القدر
زينب : يارب اللهم اجعلنا من الفائزين بليلة القدر
مروة: متنسوش يابنات تكثروا في هذه الأيام من دعاء
(( اللهم إنك عفو تحب العفو فاعف عني» .
سألت أمنا عائشة رضي الله عنها رسول الله صلى الله عليه وسلم : أرأيت يا رسول الله إن وافقت ليلة القدر ، فما أقول فيها ؟
قال: «قولي اللهم إنك عفو تحب العفو فاعف عني» .
زينب : يااااه أد أيه كنت محتاجه للجلسه دي والله نعم الصحبة
إيمان : تنظر الى ساعتها ياااااااه الو قت أخدنا أوي
مروة: طب يالا ياحبيباتي ونلتقي غداً
نهى: بإذن الله نجتهد فيما اتفقنا عليه
ورجع كلاً منهم إلي بيته يجتهدن مابين قيام وتهجد وقرآن وذكر وصدقات وإطعام طعام ودعوات
وقضوا أفضل عشرة أيام في عمرهم
ورحيل أفضل أيام العمر بدئت في الرحيل ودموع المحبين لاتتوقف وقلب المؤمن تحترق على فراقه ؛ وهو لايدري هل بقي له في عمره اليه رجوعتذكرت أياما مضت ولياليا *** خلت فجــرت من ذكرهن دمـــوعألا هل لها يوما من الدهرعودة*** وهل الي وقت الوصال رجوعوهل بعد اعراض الحبيب تواصل *** وهل لبدرقد أفل من رجوأين حرق المجتهدين في نهاره ؟ أين قلق المجتهدين في أسحاره؟اسمع أنين العاشقين *** ان استطعت له سماعـا
راح الحبيب فشيعته ***مدامعي تهمي سراعـــا
لو كلف الجبل الأصم*** فراق الف ما استطاعا
{أَيَّامًا مَّعْدُودَاتٍ فَمَن كَانَ مِنكُم مَّرِيضًا أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ..
فما كان أحلاها من أيام، وأحلاها من ليالٍ، وأجملها من لحظات، إنها تستحق البكاء والنحيب، ولا ينظر إلى لوم اللوام في ذلك.
زينب : يانهى نهى
ياترى زينب هتقول لنهى إيه وده الى هنعرفه الحلقة القادمة إن شاء الله
CENTER][/CENTER]
♥♥فداكِ أبي وأمي ومن في الأرض جميعاً يارسول الله ♥♥
~~~~~~~~~~~~~~~~~~~~~~~~~~~
>>>الدال على الخير كفاعله" أُنشر تؤجر"<<<
تعليق
-
رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى◦˚° ♥♡ღ
متابعة بشوق
تعليق
-
رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى◦˚° ♥♡ღ
أعلن المجلس الأعلى للشئون الإسلاميه أن أقرت هيئة الرؤية الشرعية
أن غد يوم السبت أول أيام عيد الفطر المبارك
وتنادي زينب على نهى وصوتها يملئه الفرحة
"قُلْ بِفَضْلِ اللَّهِ وَبِرَحْمَتِهِ فَبِذَٰلِكَ فَلْيَفْرَحُوا هُوَ خَيْرٌ مِمَّا يَجْمَعُونَ"
سورة يونس
كل سنه وانتى طيبه ياحبيبتي كل سنه وانتى طيب يابابا كل سنه وانتي طيبه يامامتي
ترن ترن ترن ....... تليفون نهى
نهى : السلام عليكم مروة أزيك ياحبيبتي كل سنة وانتي طيبة
مروة : وانتي طيبه يانهى سبحان الله يانهى رمضان عدي هوا الواحد جواه أحاسيس مختلطه فرحة العيد وفراق رمضان صعب رمضان أجمل أيام عمرنا
نهى : صدقتِ يامروة
زينب : نهى نهى أسألي مرةو هي وإيمان هيصلوا العيد فين
نهى : هيصلوها معانا في الخلاء
زينب: هناك هقابل كل اصحابي منال وآيه وشرين ومها
مأجمل فرحة العيد
الله أكبر الله أكبر ولله الحمد
نهى: زينب زينب يالا ياحبيبتي نقوم نصلي الفجر
زينب : حاضر يانهى
بعد صلاة العيد ولقاء رااائع بين الصديقات والأقارب بعد صلاة العيد
عادت نهى وزينب البيت واتصالات التهاني لاتتوقف
وبعد شروق الشمس
زينب: نهى متنسيش صلاة الضحى ياحبيبتي
نهى : تصدقي يازينب كنت ناسيه اللهم ارزقنا الثبات
زينب : نهى أنا نفسي روح الطاعه والهمة الى جوايا دى ماضعيش مني أبداً
نهى: ياااااااااااااااه يازينب والله عندك حق
وتسرح زينب بذهنها وتفتكر موت إلهام وترورق عينها بالدموع
نهى : إيه رأيه يازينب نروح نعيد على إيمان ومروه بليل
زينب :ماشي يانهى هتصل بإيمان واتفق معاها نتجمع عندها أوعند مروة
وتجتمع الصحبة الصالحة في بيت مروة
جرس بيت مروة يرن
ترن ترن ترن.. مروه تفتح الباب
إيمان ونهى وزينب: السلام عليكم ورحمة الله بركاته
مروة : وعليكم السلام ورحمة الله وبركاته
مروة : اتفضلو يابنات كل سنه وانتم طيبين عيدكم مبارك ورمضان مقبول
وجلست صحبة الخير تبادلن التهاني والإبتسامات
زينب بعد موت إلهام تشعر وكأنها أرقهم قلوباً
تفتح زينب الحديث الممتع
زينب : طيب يابنات دلوقت رمضان خلص وأنا نفسي أفضل على الحالة إلى أنا فيها وربنا يرزقني الزيادة
مروة: ربنا يبارك فيك يازينب أتيت لنا بالمفيد
إيمان: زينب حبيبتي ربنا لايجعلنا ممن توقف عن عبادته عند انتهاء رمضان، وتنقطع علاقته بربه بعد رحيل هذا الشهر المبارك،
إن شاء الله رمضان يكون بداية الانطلاق إلى محطات الطاعات، وجني الحسنات
نهى: طب إزاي نحقق الثبات بعد رمضان
مروة: أول أسباب الثبات صيام الستة من شوال بعد رمضان، فرصةغالية، بحيث أن نخرج من طاعة على أعتاب طاعة أخرى، بعد أن فرغ من صيام رمضان.
قال رسول الله – صلى الله عليه وسلم -: {من صام رمضان ثم أتبعه ستاً من شوال كان كصيام الدهر} [رواه مسلم وغيره].
واننا نحرص على السنن بعد رمضان، وهي أحب شيء إلى الله بعد الفرائض، زي
12 ركعة السنن المؤكدة
و صيام الاثنين والخميس،
وركعتا الضحى،
وصيام ثلاثة أيام من كل شهر،
وغيرها من القُرُبات ربنا يعينا ويرزقنا الثبات عليها
إيمان : أحسنتِ يامروة وأضيف أن يكون لنا سهمٌ في الدعوة إلى الله وتعليم الناس الخير ولو بالدلالة عليه.. وعلينا أن نتعامل بالرفق والحلم؛ فإنهما زاد لنا بعد الله في طريق السير إلى الإصلاح.
نهى: وأهم حاجة الصحبة الصالحة الذين إذا أتيتهم أعانوك، وإلى الخير قرّبوك، وعن الشر أبعدوك.. نحرص على صحبة الأخيار؛ فإنهم عونٌ لنا بعد الله،
قال الله تعالى {وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ وَلاَ تَعْدُ عَيْنَاكَ عَنْهُم}
زينب : أه والله يانهى الصحبة لها أثر قوي جداً
وتذكرت زينب حال صديقاتها كيف كان حالهم عندما تقابلت معهم بعد صلاة العيد في الخلاء
كيف كان لبسهم كلامهم اهتمامتهم . فحمدت الله سبحانه وتعالى أنه بعث لها الصحبة التى تأخذ بيدها
ودعت لهن بالهدايه وعزمت أن تجاهد وتستعين بالله للأخذ بإيديهن إلى طريق الصلاح..
وهكذا كانت حكاية زينب ونهى وإيمان ومروة وآيه ومنال وشرين ومها وإلهام
أنا وأنت وأنت وأنت
وها نحن قد ودعنا رمضان المبارك بأيامه الجميلة ولياليه العطرة الفواحة بالروحانية، ودعناه ومضى، ولا ندري هل سندركه في عام قادم أم ستنتهي آجالنا دونه؟ودعناه ومضى وصرنا مرتهنين بما أودعناه من خير أو شر.
- فهل تخرجنا من هذا الشهر العظيم بوسام التقوى؟
- هل عودنا أنفسنا على الصبر والمصابرة، ومجاهدة النفس على فعل الطاعة وترك المعصية ابتغاء رضوان الله فانتصرنا عليها، وكبحنا جماحها فصارت نفوسًا مستسلمة لله رب العالمين؟
- هل رحمنا الفقير فواسيناه بعدما ذقنا شيئًا مما يذوقه من الجوع والعطش؟
- هل ربينا فيه أنفسنا على الجهاد بأنواعه وهل جاهدنا أنفسنا وشهواتنا وانتصرنا عليها؟ أم غلبتنا العادات والتقاليد السيئة؟ هل سعينا إلى العمل بأسباب الرحمة والمغفرة والعتق من النار؟
- هل نقينا قلوبنا من الغل والحسد والبغضاء والشحناء لإخواننا المسلمين، وفتحنا معهم صفحات بيضاء ملؤها المحبة والتواصل والرأفة والمواساة؟
- هل وهل وهل...؟ أسئلة كثيرة تحتاج منا إلى جواب (عملي).
--------------------
الحمد الله التي تتم بنعمة الصالحات
أخواتي بعد متابعة حلقات مسلسل
رمضان فرصة عمري
أرجو التفاعل
1/ماأكثر شيء استفدته من حلقات المسلسل؟
2/ماأكثر موقف أثر فيك وشعرت أنه غير بداخلك؟
3/ الشيء الذي تمنيته أن يكون بالمسلسل لكن لم تجده؟
4/ماهى قوة تأثير مسلسل فرصة عمري على شخصيتك؟
CENTER][/CENTER]
♥♥فداكِ أبي وأمي ومن في الأرض جميعاً يارسول الله ♥♥
~~~~~~~~~~~~~~~~~~~~~~~~~~~
>>>الدال على الخير كفاعله" أُنشر تؤجر"<<<
تعليق
-
رد: ♥♡ღ◦˚°مســــلســــــــــل رمضـــــــــان فـــــرصة عــــمـــــــــــرى◦˚° ♥♡ღ
جزاكم الله خيراادعواتكم لى بختم القران الكريم
وربنا يوفقنى فى مدرستى
تعليق
تعليق