أنا وقعت

[انا بحبك يا رب]

أنا بحبكم فى الله
شوفتوا الى حصلى أمبارح
كنت مروح من الشغل و للأسف النور كان مقطعوع
فماشى وقعت على أيدى الوجعانى
بس الحمد لله لقيت واحد أبن حلال كده
جاى عليا و بيقولى
مش تخلى بالك يبنى
قولتله:حصل خير يا عم الحج الحمد لله على كل شئ
جزاك الله خيراً يا أبا
قالى:وأياك يا بنى
قمت و ماشى و عمال ابص للراجل ده
وانا بقول ربنا يكرمك يا عم الحاج
مرة واحدة لقيت نفسى وقعت تانى بس المرة
ديه أشد من الأولى
لقيت واحد شباب كده زى فى السن
بيقولى أيه يا أبو الكابتن مش تخلى بالك
انت أعمى و لا أيه قوم يا عم قوم
تنين بس و خلاص جسم على الفاضى
كملت مشى المرة ديه ماشى أيه
خايف موت أنى اقع تانى
ماشى كده افتكرت قول الله تعالى

((قَالَ رَبِّ لِمَ حَشَرْتَنِي أَعْمَى وَقَدْ كُنْتُ بَصِيرًا * قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنْسَى))

هيا ديه مشكلتنا ياشباب
محدش عارف مين هيبقى أعمى و
ومين هيبقى بصير
انا ماشى فى الشارع و خايف اقع تانى
مع أنى لو وقعت هقوم و هكمل تانى
أنما فى الأخرة لو وقعت مفيش قوم
هتقع فى النار

تعال تخيل معايا كده
أنك أعمى يوم القيامة
و مش شايف حاجة
بس سامع الصوات و الصريخ
وصوت الملائكة
و مرة واحدة لقيت
صوت بيرج الدنيا وبيقول
(هل من مزيد يا رب هل من مزيد يا رب)
أنا بحبك يا رب انا عاوزة أعذب كل واحد عصاك يا رب
هات يا رب كل الى عصاك هاتهم يا رب
أنت متوقع الرعب الى انت فيه ساعتها
بتسأل واحد جمبك بتقولة ايه الصوت ده
قالك ديه
النار
لقيت نفسك عمال تجرى تجرى تجرى
لقيت نفسك مرة واحده واقع فى قلب النار
شوفتوا الفرق
فى الدنيا فى واحد قومك
بس فى الأخرة فى عذاب هيفوئك
يا شباب يلا نعمل لأخرتنا
يلا علشان نكون من الصالحين
يلا علشان نشوف رسول الله
يلا علشان نتوب لله
يلا كلنا نخش الجنة بإذن الله

جزاكم الله خيراً

[أبو بكر مح ـمد المصرى]

رد: أنا وقعت

أنت محق يا إسلام فى كل كلمة ذكرتها وكتبتها أناملك الرائعة
اللهم إنا نعـوذ بـك من النار
ومن عـذاب النار
وركز تانى وإنت ماشى يا إسلام
لا نريد أن نفقدك يا اخى الحبيب
أحبك فى الله

[المستعصم بالله]

رد: أنا وقعت

والله اخى وحبيبى فى الله اسلام

تخليت المنظر وانا بقرأ الموضوع ما قدرت اكمل

وحسيت برعشة فى كل جسمى من هول التخيل بس

اللهم اجرنا من النار وعذاب النار ياااااارب

اللهم حرم لحومنا وجلودنا على الناااار

اللهم حرم كل جباة سجدت لك سجدة فى جوف الليل على النار

[عضو 13]

رد: أنا وقعت

ربي يحميك حبيبي دير بالك وانت بتمشي

و ليه مفيش لمبات بالطريئ عندك؟

بس حلو كلامك عن الوقوع ع الارض و الوقوع بالنار ربط مؤثر ربنا ينجينا من النار

بس ازاي هتضمن انه انت او اي حد مش هيئع بالنار؟

[أبو جعفر محمد المصرى]

رد: أنا وقعت

السلام عليكم ورحمه الله وبركاته
____________________
الحمد لله والصلاة والسلام على رسول الله
جزاكم الله خيراً وبارك الله فيكم
وذكرتنى هذه القصة بالاية الكريمة فى سورة الملك ((أَفَمَن يَمْشِي مُكِبّاً عَلَىٰ وَجْهِهِ أَهْدَىٰ أَمَّن يَمْشِي سَوِيّاً عَلَى صِرَاطٍ مُّسْتَقِيمٍ))

[انا بحبك يا رب]

رد: أنا وقعت

قال الله تعالى(وما أنا بظلام للعبيد)
مش هبقى انا بصلى و بصوم و بذكر الله,وهخش النار طبعاً
ربنا بيحاسب كل واحد على قد أعماله,
مش صح و لا أيه

[الأمير قطز]

رد: أنا وقعت

سبحان الله .......ربنا يبارك فيك

انت جبت ما حدث لك وربطه بالواقع والمستقبل

ربنا يعزك يا رب

[mega byte]

رد: أنا وقعت

السلام عليكم ورحمة الله وبركاته
ماشاء الله أخي الحبيب
موضوع رائع
جزاك الله خيراا
صدقت في كل كلمة كتبتها يداك الكريمة
نسأل الله حسن الختام وأن يرزقنا النور التام يوم القيامة

[تائب بإذن الله]

رد: أنا وقعت

ماشاء الله موضوع رائع اخى الحبيب

اسال الله ان يجعله فى ميزان حسناتك يوم القيامه

احبك فى الله

[أبو جعفر محمد المصرى]

رد: أنا وقعت

السلام عليكم ورحمه الله وبركاته
_____________________

الحمد لله والصلاة والسلام على رسول الله

قال الله تعالى(وما أنا بظلام للعبيد)
مش هبقى انا بصلى و بصوم و بذكر الله,وهخش النار طبعاً
ربنا بيحاسب كل واحد على قد أعماله,
مش صح و لا أيه

نعم اخى الحبيب وهذا يدعونا الى الثبات فكثرة الوقوع من التذبذب .. ولا يجعلنا نتواكل على اعمالنا وان كان الانسان يرى انه يعمل صالحاً مع احسان الظن بالله وان الله لا يضيع اجر من احسن عملا واعلم ان من الموحدين من يدخل النار ولربما كان يصلى ويصوم نعوذ بالله ان نكون منهم ومع ذلك فان المؤمن مفتنُ تواب أو كما قال النبي صلى الله عليه وسلم .... الخلاصة هو لا تبكى على اللبن المسكوب وقم وأنهض وها نحن على اعتاب شهر جليل أسأل الله أن يعتق رقابنا ورقاب ابائنا ورقاب من لهم فضل علينا فى من النار فى هذا الشهر العظيم المبارك
أحبك فى الله

[ابا فارس]

رد: أنا وقعت

اولا الف سلامه عليك
ويارب تكون بخير باذن الله
وخلى بالك ياعمنا وانت ماشى دلوقتى الوحد فى عز النور وبيقع بردة
ربنا يستر
اما بالنسبه للوقعه اللى مفيش منها قيام خالص
ربنا يعافينا منها جميعا يارب
اللهم ثبت قلوب المؤمنين والمؤمنات والمسلمين والمسلمات على الايمان يا ارحم الرحمين

[انا بحبك يا رب]

رد: أنا وقعت

وخلى بالك ياعمنا وانت ماشى دلوقتى الوحد فى عز النور وبيقع بردة

كلامك صح و الله يا أخى

[علي جمال]

رد: أنا وقعت

جزاك الله خيرًا
بس أوعى تقع تاني وخلي بالك

[ابو مالك محمد المصرى]

رد: أنا وقعت

السلام عليكم ورحمة الله وبركاته

ماشاء الله أخي الحبيب
موضوع رائع
جزاك الله خيراا
صدقت في كل كلمة كتبتها يداك الكريمة
نسأل الله حسن الختام وأن يرزقنا النور التام يوم القيامة

[محمد الزيدي]

رد: أنا وقعت

جزاك الله خيرا اسلوبك في سرد الاحداث جميل ورائع

أنما فى الأخرة لو وقعت مفيش قوم
هتقع فى النار

اه والف اه من هذا الموقف يااااااااااارب ارزقنا النور التام يوم القيامة يا رب ثبتنا يارب لا تؤاخذنا بذنوبنا.