يوميات شاب عادي ..مسلسل جديد..تابعونا ..

[محمد الزيدي]

رد: يوميات شاب عادي ..مسلسل جديد..تابعونا ..

دائما تمتعنا بإبداعاتك المتميزة يا دكتور مصطفي بارك الله فيك متابعين إن شاء الله.

إشهد الله إني احبك في الله

[Dr_Mostafa]

رد: يوميات شاب عادي ..مسلسل جديد..تابعونا ..

متابعينك
الحلقه اللى جايه امتى

باذن الله الحلقات تعرض يوميا..
وفقكم الله اخى الكريم..

دائما تمتعنا بإبداعاتك المتميزة يا دكتور مصطفي بارك الله فيك متابعين إن شاء الله.

إشهد الله إني احبك في الله

كل شئ بفضل الله وتوفيقه سبحانه وتعالى..

واحبك الله الذى احبتتنى من اجله اخى الحبيب..اشهد الله انى احبك ايضا فى الله..

بارك الله فيكم..

[Dr_Mostafa]

رد: يوميات شاب عادي ..مسلسل جديد..تابعونا ..

الحلقة الخامسة






دماغه هتنفجر من الأسئلة





نام صاحبنا وقام على الموعد ولبس وخرج للقاء


تم اللقاء بين الأصدقاء وبعد العديد من السلامات والقبلات



ركبوا السيارة وأنطلقوا لكافيتيريا أتعودوا أنهم يسهروا فيها


ركب صاحبنا وقعد جنب الشباك وفجأة مرت بخاطره صورة معاذ


أشمعنه الوقت ده بذات





وقال لنفسه
: صحيح دنا محضرتش الدرس
هو آخر حاجة سمعتها إيه........
أنا شاغل بالى بالموضوع ..... بس بجد هو كان بيقول إيه
أه أفتكرت
أن كل أللى هيحضروا الدرس ربنا أختارهم وقدرلهم الحضور
وبرضوا أللى هيسمعوا ربنا هيقدر منهم أللى هيتهدوا
بس أنا محضرتش ......
ياترى ربنا مكنش عايزنى أحضر ؟؟؟؟؟
لا لا لا لا لا
طب أشمعنا أنا ؟؟؟؟؟؟
طب مشهيعزنى ليه يعنى ؟؟؟؟؟؟

وفجأة





قال أحد الأصدقاء
: إيه ياعم الموضوع أحنا جيبينك عشان نشوفك ولا عشان تتفرج من الشباك





عبد الرحمن
: معلش أصل سرحت أحنا لسه موصلناش





:
وصلنا من بدرى وكلهم دخلوا وأنت لسه مبلم فى الشباك أسيبك تكمل تبليم لو تحب





عبد الرحمن
: طب براحة عليه طيب متخشش فيه أوى كده
كأنك بايت فى حضنى من أمبارح
أنا داخل أهو





دخل صاحبنا على غير عادته وقعد ولسه الأفكار فى دماغه عايز يلاقى لها إجابه




أرتفع دخان السجائر من حول عبد الرحمن وهو لسه بيفكر




ميدو
: هىَ حلوة للدرجة دى ؟؟؟؟؟

أنتبه عبد الرحمن وقال : هىَ مين ؟؟؟؟





ميدو
: أللى شاغلة بالك من أول ما ركبت وقعدت ولا كأنك معانا





عبد الرحمن
: طب وليه هىَ يعنى مينفعش هو ؟؟





ميدو
: ليه هتحب واحد صاحبك ومن كتر حبه هتفضل مبحلق فى السقف كده
ده من إيه ده إن شاء الله فيرس جديد ده ولا إيه وبيجى أمتى بأه ؟؟؟؟
متخليك معانا شوية بصلنا حتى .....





عبد الرحمن
: أنتم مش كنتم عايزين تشوفونى وأدينى جيت عايز إيه أكتر من كده





ميدو
: شفنا القمر يعنى





عبد الرحمن
: بقلك إيه أنا هقوم أروح





ميدو
: أستنى بس هتروح فين دا لسة بدرى





عبد الرحمن
: لأ كفاية كده عشان كمان أبويه مستنيلى غلطة ومستحلفلى المرة دى





ميدو
: براحتك بس خلى بالك المرة دى متتحسبش





مشى صاحبنا وحاسس أن فى حاجة غلط مش عارف إيه




ليه مبأش زى معاذ ؟؟؟؟؟؟
ليه كل ما أدخل فى الصلاة أحس أنى مخنوق ؟؟؟؟؟؟
يا ترى ربنا مش عايزنى ؟؟؟؟؟؟
ويترى أنا أقدر أرجعله ؟؟؟؟؟
قدها ؟؟؟؟؟؟




دماغ عبد الرحمن هتنفجر من كثرة الأسئلة

لكن يبدو أنه بدأ يفكر صح




رجع صاحبنا البيت وفتح الباب ووجد أباه فى إنتظاره

نظر الأب إلى ساعته وقال فى سخرية




الأب
: ما لسه بدرى الساعة لسة 11:30





عبد الرحمن وهو مطأطأ الرأس
: أصلى مرضتش أزعلك لو أتأخرت فسبتهم وجيت





ورغم أن أبوه كان لسه هيزعق على التأخير لكن حس أن فيه نبرة غريبة فى صوت عبد الرحمن

ده مش أسلوبه أللى بيتكلم بيه لكن معلقش على كلامه وأكتفى




يقول
: ربنا يهديك يابنى و ينورلك طريقك





لم يلتفت عبد الرحمن إلى دعوة أباه

ماذال يفكر ويفكر ويفكر

لدرجة أنه دخل الحجرة ونام بملابسة كما هىَ




نام كل من فى البيت وساد الصمت والهدوء

إلا أنه فجأة قطع هذا السكون

رنين صوت الهاتف




قفز عبد الرحمن من على السرير
وكأنه سمع صوت طلقات مسدس
وكان أول من رفع السماعة
وتبعه كل من استيقظ على الصوت




عبد الرحمن
: ألو .............. أيوه أنا ............. إيه بتقول إيه إزاى ده حصل
............ طيب طيب .............. مستشفى إيه لو تسمح ............. طيب أنا ربع ساعة وهكون عندك
شكرا





الأب
: فى إيه يا بنى





عبد الرحمن
: لأ ... أبدا .... دا واحد صاحبى عمل حادثة بالعربية ونقلوه المستشفى




الأب
: دا أللى كنت لسه معاه ولا إيه ؟؟؟؟؟؟؟؟؟





عبد الحمن
: أه .......... لأ .......... أصل .......... هو عمل حادثة ولقوا أسمى ورقم تليفونى فى حاجته
فاتصلوا بيّه ....... أصل هو فاقد الوعى ومحتاج ومحتاج نقل دم ......
أنا لازم أروح دلوقتى





الأب
: طب يابنى آجى معاك





عبد الرحمن
: لأ متتعبش نفسك أنا مش هتأخر





فتح صاحبنا الباب واستوقفه صوت عائشة التى استيقظت هى الأخرى على صوت التليفون



تقول
: أنت هتنزل بهدومك المكرمشة دى أللى نايم بيها من أمبارح





أنتبه عبد الرحمن فعلا أنه نام فعلا بهدومه




لكنه قال
: تعرفى تبعدى عن وشى بدل ما أصور فيكى قتيل





ثم عاد إلى حجرته مرة أخرى وغير ملابسه ثم خرج




وركب صاحبنا أول مواصلة أمامه

إلا أن دماغه مازالت تفكر




همّا عملوا الحادثة أزاى دا أنا لسه كنت معاهم؟؟؟؟؟

دا أنا لسه سايبهم ؟؟؟؟؟؟

يا ترى إيه إللى حصل ؟؟؟؟؟





يا ترى إيه أللى فعلا حصل لصحاب عبد الرحمن ؟؟؟؟؟؟؟؟؟؟؟؟


الأحداث تزداد سخونه


سيتم عرض الحلقة السادسة غدا بإذن الله

تشاهدون فى الحلقة القادمة


بعنوان

بدون مقدمات



من ساعات فقط كان معاه كان بيسمع صوته
لكن فاجأة .......

يعنى هو أللى مخطط لكل ده .......


قصدك تيجى النهاردة ........


هل سيدخل أم سيعود أم اليقظة هذه أكبر ......


تابعونا

[من تحب]

رد: يوميات شاب عادي ..مسلسل جديد..تابعونا ..

متابعسن حضرتك والحلقات مشوقة جدا وجميلة للغاية

[المشتاق للفردوس الأعلى]

رد: يوميات شاب عادي ..مسلسل جديد..تابعونا ..

بسم الله ماشاء الله ، ما أجمل هذا الأسلوب الرائع ، فعلا أسلوب جميل جداً ، فجزاك الله خيراً ونفع بك وكثر الله من أمثالك ، ونحن ننتظر الحلقة القادمة بفارغ الصبر

[مسلم & وافتخر]

رد: يوميات شاب عادي ..مسلسل جديد..تابعونا ..

ما شاء الله
اسئل الله العظيم رب العرش العظيم ان يبارك فى عمرك

انا مقصر جدا وللاسف الشديد انا مدخلتيش الموضوع الا الان بس بفضل الله قراتوة كلوة

ماشاء الله عليك اخى الحبيب

متاااااااااااااااااااااااااااااااااااااااااااااااا اااااااااابع ان شاء الله
لا اله الا انت سبحانك انى كنت من الظالمين

[تائب بإذن الله]

رد: يوميات شاب عادي ..مسلسل جديد..تابعونا ..

جزاك الله خير الجزاء
الحلقات مشوقه جدااااااا
متابع ان شاء الله اخى الحبيب
ثبتك الله ونفع الله بك

[Dr_Mostafa]

رد: يوميات شاب عادي ..مسلسل جديد..تابعونا ..

جزانا الله واياكم كل خير احبتى فى الله..

وأشهد الله انى احبكم جميعا فى الله ..

واسأل الله ان يجمعنا بهذا الحب فى ظل عرشه يوم لا ظل الا ظله..

[تائب بإذن الله]

رد: يوميات شاب عادي ..مسلسل جديد..تابعونا ..

جزانا الله واياكم كل خير احبتى فى الله..

وأشهد الله انى احبكم جميعا فى الله ..

واسأل الله ان يجمعنا بهذا الحب فى ظل عرشه يوم لا ظل الا ظله..

اللهم امين
ثبتك الله اخى الحبيب
وفى انتظار ماذا بعد الحادثه

[ابواية النجار]

رد: يوميات شاب عادي ..مسلسل جديد..تابعونا ..

ماشي يا سي مصطفى وراك لاخر المسلسل

[aymen mm]

رد: يوميات شاب عادي ..مسلسل جديد..تابعونا ..

موضوع روعه وفى انتظار القادم فى امان الله

[Dr_Mostafa]

رد: يوميات شاب عادي ..مسلسل جديد..تابعونا ..

الحلقة السادسة

بدون مقدمات

وصل صاحبنا المستشفى ودماغه كالعادة ستنفجر من الأسئلة

وذهب إلى رقم الحجرة التى أخبره بها الطبيب فى التليفون

فوجد الطبيب يخرج منها

عبد الرحمن

: إيه أللى حصل يا دكتور ؟؟؟؟؟

الطبيب

: أنت عبد الرحمن

عبد الرحمن

: أيوه أنا إيه إلى حصل ؟؟؟؟؟

الطبيب

: تعالى معايا لو سمحت

دخل كل منهم حجرة الطبيب
ثم

الطبيب

: أنا آسف جدا لكن أنت لازم هتعرف للأسف
ثلاثة من أصحابك أللى كانوا راكبين العربية أعتقد أن اسمائهم
محمود ، طارق ، رامى
للأسف كانوا سايقين بسرعة جنونية وأعتقد أنهم حاولوا يتفادوا أحد بيعدى الشارع
لكن العربية أتقلبت بيهم
وأدى لنفجارها
ولحسن الحظ محمود قدر أنه يخرج من العربية قبل ما تتحرق
لكن حصله نزيف داخلى حاد واضطررنا لبتر يده
وفقد دم كثير عشان كده كلمتك لأننا لم نجد معهم ما يدل على أهلهم
وطارق فى العناية المركزة وحالته خطرة
لكن للأسف رامى لم نستطع إنقاذه
إنا لله وإنا إليه راجعون

لم يقاطع عبد الرحمن كلام الدكتور طوال حديثه
لا يعرف ماذا يقول وماذا يجيب

منذ ساعات فقط كان معاه كان بيسمع صوته
بيهزر ويضحك لكن فجأة
يموت
يموت ولا يعلم عنه شىء
يموت بهدوء
بدون كلام
بدون مقدمات

عاودت التساؤلات إلى ذهن عبد الرحمن ثانية

ً

ياترى لو كنت معاهم كان إيه إللى هيحصل؟؟؟؟؟؟؟؟
ليه سبتهم ؟؟؟؟؟؟ ربنا نجانى ؟؟؟؟؟
ليه رامى بزات أللى مات ؟؟؟؟؟
ليه محمود إللى يده تتقطع أشمعنا مكنتش أنا ؟؟؟؟؟؟؟

قطع أفكار عبد الرحمن قول

الطبيب

: أنا آسف لكن هذا قضاء الله
لكن أحنا محتجينك ضرورى لأنقاذ محمود ممكن تيجى معايا لتتبرع بالدم

عبد الرحمن

: أه طبعا

وعاد يفكر

قدر الله ............ يعنى هو أللى مخطط لكل ده

هو إللى مشانى ........... هو إللى قدر لرامى أنه يموت

طب أشمعنه أنا إللى أنجو من بينهم





ذهب صاحبنا للتبرع بالدم
وأعطى الدكتور أرقام تليفونات كل واحد منهم
وبعدها





عبد الرحمن

: طب يادكتور إحنا ممكن نزورهم أمتى

الطبيب

: محمود ممكن بكره أو بعده لكن طارق على حسب حالته

عبد الرحمن

: طيب أنا ممكن أروّح البيت دلوقتى وآجى أزوره بكره إن شاء الله

الطبيب

: قصدك تيجى النهارده الفجر ناقص عليه خمس دقائق

نظر عبد الرحمن فى ساعته فهو لا يعرف متى يؤذن الفجر

نزل صاحبنا من المستشفى

وإذا بصوت لطالما غفل عنه

لطالما تجاهله

صوت الأذان

الله أكبر ........ الله أكبر

الله أكبر .......... الله أكبر

أشهد أن لا إله إلا الله .......... أشهدُ أن لا إله إلا الله

أشهدُ أن محمداً رسول الله .......... أشهدُ أن محمداً رسول الله

حىّ على الصلاه ......... حىّ على الصلاه

حى على الفلاح .......... حىّ على الفلاح

الله أكبر ........... الله أكبر

لا إله إلا الله

هل سيدخل عبد الرحمن أم سيعود لينام كما نام من قبل

أم كانت اليقظه هذه المرة أكبر من ذى قبل

الأحداث تلتهب

تشاهدون فى الحلقة القادمة بعنوان

الخطوة الثانية : دموع عين

"

قُل لَّن يَنفَعَكُمُ الْفِرَارُ إِن فَرَرْتُم مِّنَ الْمَوْتِ أَوِ الْقَتْلِ وَإِذاً لا تُمَتَّعُونَ إِلا قَلِيلاً * قُلْ مَن ذَا الَّذِي
يَعْصِمُكُم مِّنَ اللَّهِ إِنْ أَرَادَ بِكُمْ سُوءاً أَوْ أَرَادَ بِكُمْ رَحْمَةً وَلا يَجِدُونَ لَهُم مِّن دُونِ اللَّهِ وَلِيّاً وَلا نَصِيراً "
الأحزاب -16-17


" قُلْ إِنَّ الْمَوْتَ الَّذِي تَفِرُّونَ مِنْهُ فَإِنَّهُ مُلاقِيكُمْ ثُمَّ تُرَدُّونَ إِلَى عَالِمِ الْغَيْبِ
وَالشَّهَادَةِ فَيُنَبِّئُكُم بِمَا كُنتُمْ تَعْمَلُونَ " الجمعة 8

نام ولا يعرف هل نام من التعب أم من الأرتياح؟؟

مين قال لك أنى ههرب أنا رايحله برجلى..!!

تابعونا

[المشتاق للفردوس الأعلى]

رد: يوميات شاب عادي ..مسلسل جديد..تابعونا ..

جزاكم الله خيرا أخي الحبيب ونفع بكم
ما أجمل هذه القصة التي نستفيد من كل حلقاتها
فجزاكم الله عنا خيرا ، وفي انتظار الحلقة القادمة

[محمد الزيدي]

رد: يوميات شاب عادي ..مسلسل جديد..تابعونا ..

متألق دائما اسلوب عرض مشوق وممتع انا نفسي بكرة يجي بسرعة عشان اشوف الحلقة القادمة .
يااااااااااارب اهدينا واصلح ذات بيننا وارنا الحق حقا وارزقنا اتباعه وارنا الباطل باطلا وارزقنا اجتنابه اللهم ااااااااامين واخر دعوانا ان الحمد لله رب العالمين.

احبك في الله

[محمد الزيدي]

رد: يوميات شاب عادي ..مسلسل جديد..تابعونا ..

لو كان الامر بيدي لمنتحك لقب (عضو متألق)وهذا من وجهة نظري قليل عليك يا دكتورنا يا جميل بارك الله فيك ونفع بك.

تقبل تحياتي