يوميات شاب عادي ..مسلسل جديد..تابعونا ..

[Dr_Mostafa]

رد: يوميات شاب عادي ..مسلسل جديد..تابعونا ..

الحلقة السادسه والعشرون



وماذا بعد؟؟؟




جلس معاذ وحيدا فى غرفته والدموع تنهمر من عينيه..

والدماء تنزف من اكثر من موضوع من جسده جراء ذلك الضرب العنيف الذى تلقاه من والده..


كان معاذ فى لحظة من اشد لحظات الضعف فى حياته..

انتهزها الشيطان ليعلب برأسه قليلا..

فاخذ يخاطب نفسه قائلا..


لأ بقى ..كفايه ..!!

مش معقول يوصل للدرجه دى..

انا كل مره بسكت ..!!

انما لازم اوقفه عند حده..!!

انا مش عيل صغير علشان كل شويه يضربنى وتوصل الدرجه انه يحبسنى كمان؟؟!!

كفاية بقى ...كفايه..كفايه ..كفايه..!!!



وبينما هو فى ذلك الصراع الرهيب مع نفسه..

اذا بصوت الهاتف المحمول ينقذه ..

اخذ المحمول ونظر فيه..

انه عبد الرحمن..


معاذ : السلام عليكم ورحمة الله وبركاته..



عبد الرحمن : وعليكم السلام ورحمة الله وبركاته..

ازيك يا معاذ؟؟

عامل ايه؟؟

مال صوتك متغير كده ليه؟؟



معاذ : لا ابدا ..انا الحمد لله كويس..انت اخبارك ايه ..؟؟



عبد الرحمن : الحمد لله..هو فيه كان ولا ايه ؟؟؟

سيبتنى ومشيت فجأه ؟؟



معاذ : مفيش حاجه..كل خير باذن الله..



عبد الرحمن : ومين البنت اللى كانت واقفه معاك دى؟؟



معاذ : دى اختى ساره..



عبد الرحمن : اختك؟؟؟

ما شاء الله ..ربنا يبارك فيها..



معاذ : مالها؟؟


عبد الرحمن : مفيش..

عموما .انا كنت قلقان وحبيت اطمن عليك..

ان شاء الله اشوفك يوم السبت فى الكليه..



معاذ : معلش يا عبد الرحمن..

مش هقدر اجى الكليه يوم السبت ..ويمكن الاسبوع الجاى كله..اعذرنى..



عبد الرحمن : خير ..فيه ايه بس؟؟



معاذ : عندى شوية ظروف كده..

بص ..فاكر عبد الله اللى كنت خدتك وروحنا نقابله؟؟



عبد الرحمن : ايوه فاكره..ليه؟؟


معاذ : انا هديلك رقمه..ولما تحب تسأل عن اى حاجه اتصل بيه..



عبد الرحمن : ان شاء الله ابقى اتصل بيه..

مش عاوز حاجه منى؟



معاذ : شكرا..جزاكم الله خيرااا..


عبد الرحمن : السلام عليكم


معاذ : وعليكم السلام ورحمة الله وبركاته



سمع الوالد صوت عبد الرحمن يحدث احدا فى الغرفه..

ففتح الباب..

ووجد معاذ يتحدث فى المحمول..


فنزعه من يد معاذ بقوه قائلا :

هات الزفت ده..

لازم اخليك تشوف النجوم فى عز الظهر ..!

ثم رد الباب بقوه واغلقه ثانية بالمفتاح..


--

اخذ عبد الرحمن رقم الهاتف الخاص بعبد الله..ثم اتصل به..


عبد الرحمن : السلام عليكم..


عبد الله : وعليكم السلام ورحمة الله وبركاته..

مين حضرتك؟؟


عبد الرحمن : انا عبد الرحمن..زميل معاذ..فاكرنى؟؟



عبد الله : طبعا فاكرك..ازيك يا عبد الرحمن..

فرصه طيبه ان الواحد سمع صوتك تانى..



عبد الرحمن : متخفش..من هنا وجاى هتسمعه كتييييييير..



عبد الله : ههههههه..ليه بقى ان شاء الله؟؟



عبد الرحمن : اصل معاذ قالى ان اسالك عن اى حاجه انا اعوزها..



عبد الله : ومعاذ قالك كده ليه ؟؟ فيه حاجه ولا ايه؟؟



عبد الرحمن : اتصلت بيه وقال ان عنده ظروف ومش هيقدر يجي الكليه الاسبوع الجاى ..وادانى رقمك وقالى اكلمك..


عبد الله : مش عارف ايه موضوع الظروف بتاع معاذ دى؟؟؟


على العموم ..انا موجود فى اى وقت.. لو احتجت اى حاجه كلمنى..


عبد الرحمن : ان شاء الله ..

السلام عليكم..



عبد الله : وعليكم السلام ورحمة الله وبركاته..



انهى عبد الله اتصال عبد الرحمن ..ثم اتصل بمعاذ ليطمئن عليه...

فلم يرد عليه احد..

اعاد الاتصال..لم يرد احد..

عاود عبد الله الاتصال اكثر من مره ..فلم يرد عليه احد..

قلق عبد الله على معاذ ..فقرر ان يذهب لمنزله ليرى ماذا حدث..؟؟



وصل عبد الله الى منزل معاذ..

طرق الباب..

فتح له والد معاذ..

عبد الله : السلام عليكم ورحمة الله وبركاته..



والد معاذ : وعليكو..

عايز ايه ؟؟



عبد الله : كنت بسأل عن معاذ؟؟ هو موجود؟؟



والد معاذ : لأ ..مش موجود..

معاذ سافر البلد يزور عمه ومش هيرجع غير بعد شهر..




عبد الله : طيب حضرتك متعرفش هو واخد موبايله معاه ولأ؟؟



والد معاذ : معرفش..هعرف منين يعنى؟؟



عبد الله : طيب شكرا..

السلام عليكم..



والد معاذ : وعليكو..





احس عبد الله بشئ غريب فى الامر..

ليس بسبب لهجة والد معاذ السيئه..فهذا ما اعتاده منه...

ولكن قد اخبره معاذ قبل ذلك انه لا يحب ان يذهب كثيرا لعمه لانه ليس لديه الا بنت واحده متبرجه ..وكثيرا ما يتركه عمه معها فى المنزل بمفرده..!!

فكيف له ان يذهب اليه ويمكث شهرا..؟؟؟؟؟؟!!!!

ولماذا فى هذا التوقيت؟؟؟؟؟؟؟

ماذا حدث؟؟؟؟

كل هذه التساؤلات دارت فى ذهن عبد الله..

ولكنه يعلم جيدا انه ما باليد حيلة..وان والد معاذ لن يخبره بمكان عم معاذ حتى يذهب اليه..

ففوض امره الى الله ..وقال..

(قُلْ لَنْ يُصِيبَنَا إِلَّا مَا كَتَبَ اللَّهُ لَنَا)

الله المستعان..






========

وبهذا ..

نكون قد انتهينا من الجزء الاول من المسلسل..


ترى ماذا سيحدث لمعاذ؟؟

وهل سيتزوج شيرين؟؟

وماذا عن عبد الرحمن؟؟

هل سيتوب ويثبت على طريق الاستقامه؟؟

ام انها فتره مؤقته وسيرجع الى ما كان عليه كما يفعل معظم الشباب؟؟

انتظرونا باذن الله فى الجزء الثانى من المسلسل بعنوان..

ورود ..وأشواك..

انتظرونا باذن الله..

[Dr_Mostafa]

رد: يوميات شاب عادي ..مسلسل جديد..تابعونا ..

اسف انى وضعت 3 حلقات مره واحده..بس زى ما اخبرتكم بان عندى ظروف الفتره القادمه..

اسألكم الدعاء لى ولوالدتى بالشفاء..

القاكم فى الجزء الثانى باذن الله..

[ابو مالك محمد المصرى]

رد: يوميات شاب عادي ..مسلسل جديد..تابعونا ..

بارك الله فيك اخى الحبيب

احبك فى الله

طيب ويا ترى الجزء الثانى هيبدأ من امتى

[قائل الحق]

رد: يوميات شاب عادي ..مسلسل جديد..تابعونا ..

جزاك الله كل خير حبيبى فى الله
لم أتابع القصة من أولها ولكن بإذن الله سأحاول الأطلاع عليها وسأكون متابع جيد

[Dr_Mostafa]

رد: يوميات شاب عادي ..مسلسل جديد..تابعونا ..

بارك الله فيك اخى الحبيب

احبك فى الله

طيب ويا ترى الجزء الثانى هيبدأ من امتى

أسبوع كده باذن الله..
دعواتكم..

جزاك الله كل خير حبيبى فى الله
لم أتابع القصة من أولها ولكن بإذن الله سأحاول الأطلاع عليها وسأكون متابع جيد

جزانا الله واياكم كل خير اخى الحبيب..

نورت الموضوع..

[M_Eldegwy]

رد: يوميات شاب عادي ..مسلسل جديد..تابعونا ..

جزاك الله خيرا وبارك الله فيك
تزداد الأحداث إثارة وتشويقا ونحن فى انتظار الجزء التانى

أسأل الله لك التيسير

[أبو بكر مح ـمد المصرى]

رد: يوميات شاب عادي ..مسلسل جديد..تابعونا ..

ربنا يشفيك يا أخى الحبيب
وفعلا نحن فى إشتياق إلى أحداث الجزء الثانى المثيره
ربنا يبارك فيك
طلب :
ممكن انقل هذا المسلسل إلى احد المنتديات

[Dr_Mostafa]

رد: يوميات شاب عادي ..مسلسل جديد..تابعونا ..

ربنا يشفيك يا أخى الحبيب
وفعلا نحن فى إشتياق إلى أحداث الجزء الثانى المثيره
ربنا يبارك فيك
طلب :
ممكن انقل هذا المسلسل إلى احد المنتديات

لا مانع مطلقا اخى الحبيب..بل جزى الله خيرا كل من اعان على نشره..

بارك الله فيكم..

[أبو بكر مح ـمد المصرى]

رد: يوميات شاب عادي ..مسلسل جديد..تابعونا ..

ربنا يبارك فيكَ اخى الحبيب

[انا بحبك يا رب]

رد: يوميات شاب عادي ..مسلسل جديد..تابعونا ..

متابع باذن الله ربنا يبارك فيك يا دكتور بجد انت اخ كبير لى شكرا لك يا اخى

[محمد الزيدي]

رد: يوميات شاب عادي ..مسلسل جديد..تابعونا ..

ربنا يجزيك كل خير
(للاسف كثير من الاباء استقالوا من مهمة تربية الابناء)كما قال الشيخ محمد حسان حفظه الله
( ربنا يثبتك يا معاذ ويقوي ايمانك والله اسال ان يلين قلب ابيك لك وان يهديه وجميع الاباء الذين علي شاكلته والله اسال ان يهدينا جميعا وان يهدي عبد الرحمن ويثبته علي طريق الحق ويرزقنا بصحبة صالحة مثله فقلما تجد صحبة صالحة كهذه في هذه الايام التي نري فيها العجب العجاب من شياطين الانس نسال الله السلامة.)
أسأل الله العظيم رب العرش العظيم ان يشفيك وامك شفاء لا يغادر سقما
أسأل الله العظيم رب العرش العظيم ان يشفيك وامك شفاء لا يغادر سقما
أسأل الله العظيم رب العرش العظيم ان يشفيك وامك شفاء لا يغادر سقما

إشهد الله اني احبك في الله
جزاك الله خيرا
وفقك الله

[mega byte]

رد: يوميات شاب عادي ..مسلسل جديد..تابعونا ..

السلام عليكم ورحمة الله وبركاته


صراحة أخي الحبيب انا حبيت ماردش إلا في الآخر خالص
ربنا يبارك فيك ويحفظك ويحقق لك ماتريد

والله ياأخي هذا الموضوع كان سببا في هدايتي وتقربي من الله والبعد عن الذنوب والمعاصي
فجزاك الله خير
لأن الله جعلك سببا في هدايتي
جزاك الله خيرا وبالله عليكم جميعا ادعولي بالثبات

حفظكم الله جميعا من كل سوء
وأسأل الله العظيم رب العرش الكريم أن يشفي والدتك من كل داء هي وجميع مرضي المسلمين

قولوا آمين

والسلام عليكم ورحمة الله وبركاته
أخوكم فى الله
أبو سليمـان

[مسلم & وافتخر]

رد: يوميات شاب عادي ..مسلسل جديد..تابعونا ..

جزاك ربى كل خير اخى الحبيب
واشهد الله العظيم انى احبك فى الله
اسئل الله العظيم ان يشفيك شفاء لا يغادر سقما
لا اله الا انت سبحانك انى كنت من الظالمين
متتاخرش علينا ربنا يبارك فيك

[aymen mm]

رد: يوميات شاب عادي ..مسلسل جديد..تابعونا ..

الله يبارك فيك اخى الحبيب على هذه الحلقات الاكثر من رائعه
وفى انتظار القادم فى امان الله

[انا بحبك يا رب]

رد: يوميات شاب عادي ..مسلسل جديد..تابعونا ..

اين الجزء الثانى يا دكتور مصطفى