إعـــــــلان

**أبو بكر أشرف الشامي** · 03-05-2009, 09:14 PM

رد: ((يوميات ابليس بيه وابو جهل))

نعوذ بالله من إبليس و جنده...

بصراحة مُشركي مكة كان بهم بعض الشهامة التي فقدها كثير من شبابنا اليوم... و الله المستعان...

جزى الله خيراً الأخت... و بارك الله لك أخي على النقل...

في انتظار الحلقة القادمة

**راجي رحمة الله** · 03-05-2009, 09:30 PM

رد: ((يوميات ابليس بيه وابو جهل))

جزاك الله خيرا أخي الحبيب الا رسول الله
وجزا الله الأخت الفاضلة خيرا
فعلا أبو جهل والمشركين كانوا مش هيرضوا عن العرى والتبرج المنتشر دلوقت بين أبناء المسلمين
لأنهم كان عندهم غيرة

فلا حول ولا قوة إلا بالله
المشركين كانوا عندهم غيرة أكتر من بعض المسلمين دلوقت

لا يدخل الجنة ديوث

**العابدلله** · 03-05-2009, 11:18 PM

رد: ((يوميات ابليس بيه وابو جهل))

جزاكم الله خيرا اخوانى وبالفعل مشركى زمان لن يرضوا بهذا الصنيع ..

وكان فيهم شهامة كبيرة ولو تذكروا الصحابى اللى الرسول صلى الله عليه وسلم منحه مفاتيح الكعبة ولذريته من بعده الى يوم الدين لا ينزعها منهم الا ظالم ..

الصحابى ده قام يتوصيل ام سلمة الى زوجها ابا سلمة بالمدينة مسيرة 10 ايام وكان اعف ما يكون وهو يومئذ على الكفر .. ياااااااااااه شفتوا ياجماعه العفه ! ومن مين ؟ من رجل كان على الكفر .. وردا للجميل هذا منحه نبينا خير من علم الدنيا الوفاء منحه مفاتيح الكعبة لان ابا سلمة مات قبل ان يرد له الجميل فرده الحبيب بعد ان تزوج ام سلمة " ام المؤمنين ".

نسأل الله تعالى ان يهدينا
ونسألكم بالله الدعاء بظهر الغيب

**************

معلومة اسلامية

*************

تسع وعشرون سورة تبدأ بالحروف المقطعة
خمس سور تبدأ بـ"الحمد لـ....." وهي الفاتحة والأنعام والكهف وسبأ وفاطر
سبع سور تبدأ بتسبيح الخالق جل وعلا "سبح - يسبح - سبحان" وهي الإسراء والأعلى والتغابن والجمعة والصف والحشر والحديد
ثلاث سور تبدأ بـ "يا أيّها النبي" وهي الأحزاب والطلاق والتحريم
سورتان تبدءان بـ"يا أيها المزمّل" و"يا أيها المدثّر" وهما المزمل والمدثر
ثلاث سور تبدأ بـ"يا أيها الذين آمنوا" وهي : المائدة ، والحجرات ، والممتحنة
خمس سور تبدأ بـ"قل" وهي الجن والكافرون والتوحيد والإخلاص والفلق ، والناس
سورتان تبدءان بـ"يا أيها الناس" وهما النساء ، والحج
أربع سور تبدأ بـ"إنّا" هي الفتح ونوح والقدر والكوثر
خمسة عشر سورة تبدأ بصيغة القسم وهي الذاريات والطور والنجم والمرسلات والنازعات والبروج والطارق والفجر والشمس والليل والضحى والتين والعاديات والعصر والصافات

**أبوحمزة** · 04-05-2009, 02:41 PM

رد: ((يوميات ابليس بيه وابو جهل))

جزاك الله خيراً ... متابع

**العابدلله** · 04-05-2009, 03:04 PM

رد: ((يوميات ابليس بيه وابو جهل))

بارك الله فى الاخوة جميعا

مبارك لك ابا حمزة " العضو الفعال " والمتميز تميزا جميلا نسأل الله تعالى ان يوفقك الى مرضاته

**أبوحمزة** · 04-05-2009, 03:33 PM

رد: ((يوميات ابليس بيه وابو جهل))

المشاركة الأصلية بواسطة العابدلله مشاهدة المشاركة

مبارك لك ابا حمزة " العضو الفعال " والمتميز تميزا جميلا نسأل الله تعالى ان يوفقك الى مرضاته

الله يبارك فيك .. أنت لسه فاكر ؟!!! ...

بعد أكتر من شهر ؟... حسابك معايا على الإيميل ... لما أشوفك بس

**العابدلله** · 04-05-2009, 03:40 PM

رد: ((يوميات ابليس بيه وابو جهل))

والله يا اخى انا حاسس انى فقدت البصر
دايما بقيت بوصل متأخر

سامحنى يا ابا حمزة احبك الله..

**الا رسول الله** · 04-05-2009, 04:42 PM

رد: ((يوميات ابليس بيه وابو جهل))

جزاكم الله خيرا اخواني الاحباء ابو بكر والراجي والعابد وابو حمزة على المرور الجميل نورتو الموضوع بمشاركاتكم الطيبة
احبكم في الله
واسال الله العظيم ان يجمعنا بهذا الحب في جنته ودار مقامته انه ولي ذلك والقادر عليه

**الا رسول الله** · 04-05-2009, 04:43 PM

رد: ((يوميات ابليس بيه وابو جهل))

بعد قليل الحلقة التانية من المسلسل تابعونا...

**أبوحمزة** · 04-05-2009, 04:45 PM

رد: ((يوميات ابليس بيه وابو جهل))

أنا شخصياً ... قاعد .. لأنى متشوق جدأً..

**الا رسول الله** · 04-05-2009, 04:52 PM

رد: ((يوميات ابليس بيه وابو جهل))

الحلقة التانية

شوف يا سيدي .. بعد الأيام بتاعتكم المسلمين وصلوا للدنيا كلها وحكموا البلاد دي بالقرآن اللي جابه محمد
- أيوووووووه .. حكموا البلاد دي

- آه امال ايه .. بس اخوك ما سكتش
- أيوه طمني كده .. عملت ايه بقى ؟؟
- فضلت ورا ناس منهم .. لغاية ما طلعت في دماغهم إن القرآن ده كان بتاع زمان بس .. وما ينفعش الزمان ده
- معقول ؟؟ وصدقوك ؟؟

- طبعا .. ومن يومها بطلوا يحكموا بالقرآن .. وفضلوا يحاربوا الناس اللي عايزة تحكم بالقرآن .. ويقولوا عليهم أسامي تضحك أنا اللي علمتها لهم .. رجعيين .. متخلفين .. متطرفين .. إرهابيين .. حوارات كده
- الله ينور عليك .. أهو كده الشغل الصح .. طب ليه بقى رجعوا يكتبوا الإسلام هو الحل عالحيطان
- أصل مع الوقت الناس اللي انا ربيتهم دول بقوا حرامية كبار أوي .. وسرقوا كل حاجة في البلد .. لحد ما ناس بقت مش لاقية تاكل ..

(يسمعوا صوت واحد بيصرخ .. الحقونيييييي .. هيموتونيييييييي)
أبو جهل - ايه ده ؟؟ .. تعال نخلص الراجل ده بسرعة ده بيستنجد بينا .. أنا جاااااااااااي
إبليس - بس بس رايح فين .. انت اتجننت وللا إيه ؟
- اتجننت ؟؟ .. انت مش سامع الراجل بيستنجد بينا .. دول بيسرقوه وهيموتوه .. ده واحد رافع عليه سيف

- لا ما تقلقش .

. ده عادي دلوقت دول عايزين يسرقوا حاجه منه اسمها الموبايل وده حاجه حكايتها حكايه هبقى اقلك عليها بعدين
- إيه اللي عادي .. ما حدش ينجده ؟؟
- آه .. ما هو أنا خليت الناس دلوقت تنسى حوارات النجدة والمروءة .. والوهم بتاعكوا بتاع زمان ده .. دلوقت لو واحد قعد ينادي على الدنيا كلها الناس ولا هاتعبره
- اخص على الناس .. ده انت بوظت الناس خالص يا جدع.
- أمال كنت فاكرني بالعب الكام ألف سنة اللي فاتوا دول .. شغل يابا
- وبعدين
- رجع الناس يفكروا تاني يحكموا بالقرآن .. وناس كتير طلعت تقول ان الإسلام هو الحل .. بس أنا كنت مظبط بقى شوية ناس يطلعوا في الفضائيات والجرايد فترة طويلة .. الناس وثقت فيهم وبقوا يصدقوهم .. وخليتهم يقولوا إن الإسلام ما ينفعش حل .. وخلينا نجرب فكر جديد وكلام من ده .. وادونا فرصة تانية
- يعني معقول فيه ناس لسه بتفكر يحكموا تاني بالإسلام .. زعلتني يا شيخ
- ما تقلقش .. أخوك شغال .. هم في الآخر اتفقوا يخلوا الناس هي اللي تحكم بينهم .. اللي تختاره الناس يمشي .. عشان كده كل فريق منهم بيعمل إعلانات لفكرته .. ومنها اللي مكتوب عالحيطان ده .. وبيسموا الشغلانة دي انتخابات
- طيب وانت ايه اللي مخليك مطمن أوي ان أغلب الناس مش هتختار الإسلام هو الحل
- لا طبعا .. هو الموضوع مش كده .. تعالى بس اوريك .. انا معزوم النهارده مع اصحابي على قعدة كده عشان نظبط موضوع الانتخابات ده
- وإيه الزحمة دي .. الناس دي كلها بتعمل ايه ؟

- ده واحد نازل الانتخابات وجايب الناس في الشادر ده عشان يقول لهم هيعمل ايه
- ده من بتوع الإسلام هو الحل وللا من اصحابك ؟
- لا ده ولا ده .. أصل فيه ناس تانية كتير مش عاجبها اللي عملناه في البلد .. وبيقولوا لازم نصلح البلد ومش شرط نقول الإسلام هو الحل لإن كل الناس مسلمين .. بس بيني وبينك اصحابي خايفيم منهم أوي

عشان ناس نضيفة مش حرامية زيهم .. ياللا وصلنا اهوه
( يدخلوا فيللا فخمة .. يدخل ابليس ومعاه أبو جهل .. الناس بتبص لابو جهل ومستغربين من شكله .. مزمزة هانم تستقبلهم )
- أهلا أهلا إبليس بيه .. إيه اللي معاك ده ؟؟ .. لقيته فين ده ؟
- أهلا مزموزتي .. لا ده صاحبي عمرو .. بس هو كان رايح حفلة تنكرية وجبته على هنا وما لحقش يغير
- آآآآآآآآآآه .. تصدق ده انت فعلا شبه عبد الكعبة اللي كان في فيلم امبارح ..
- آه .. ماهو يبقى ابن اختي
- ابن اختك ؟؟ ههههههههه .. دمك خفيف أوي يا سي عمرو
- لمـّي إيدك يا ولية انتي ..

.. انتي من أصحاب الرايات الحُمر وللا إيه ؟
- رايات ايه يا دلعدي .. حُمر ؟
ابليس – لا لا ما تاخديش على كلامه .. ده أصله شيوعي .. – عسل يا إبليس بيه .. عسل .. طول عمرك دمك زي العسل
ابليس – طب خلينا في موضوعنا .. الشلة وصلت وللا لأ .. كانوا قايلين لي عايزينـّي النهارده
- كلهم جوه .. مستنيينك من بدري
( يدخل ابليس وأبو جهل .. الناس يشوفوا دقنه وشكله يتخضوا .. ويلموا الورق اللي في إيديهم )
إبليس – ما تخافوش .. إيه ؟؟ .. ده عمرو صاحبي .. أمان يعني .. هو أنا يعني غشيم أجيب لكم حد كده وللا كده
- لا مؤاخذة يا بيسو .. احنا شفنا دقنه قلنا إرهابي وواخدك رهينة وللا حاجة
- يا عبيط .. انتوا هتكدبوا الكدبة وتصدقوها .. مانتو عارفين ان ما حدش بيعمل كده .. المهم .. وروني عملتوا إيه .. إيه الجديد السنة دي
واحد - كتير .. البركة فيك يا ريس
التاني – شوف يا سيدي .. أنا اتفقت مع مقاولين أصوات ندفع للناس فلوس .. ويدونا صوتهم .. هنغريهم بمبالغ كبيرة أوي .. وموبيلات .. وأكل
إبليس – طب ولما ياخد الفلوس ويديهم صوته يا حدق .. هتعمل فيها ايه دي ؟
التالت – عييييييب .. معانا أهو ورق تصويت فاضي .. هادي له اللي متعلم عليها باسمي ويديني الفاضية اللي هياخدها من جوه
إبليس – معقول برضه .. مش بطال .. غيره
الرابع – شوف يا سيدي .. عملنا كشوفات بالناس اللي في شركاتنا وكل واحد طلع لهم ولعيلتهم آلاف البطايق في دايرته
إبليس – قديمة .. ما هو الناس اللي قصادنا كتير برضه وممكن عددهم يبقى أكتر مننا
الرابع – هههههههه .. ما هو احنا بوظنا الكشوفات اللي فيها الأسماء .. ما حدش هيعرف مكانه الجديد .. أي واحد يروح يدي صوته هيحتاس ونلففه على ميت لجنة لحد ما يزهق ويروح
إبليس – براوة عليك يا وله .. أهو كده الشغل وللا بلاش .. إيه رأيك يا عمرو
أبو جهل – لا والله ما هذا بالرأي .. الناس لو مخنوقة منكم فعلا هيفضلوا يدوروا لغاية ما يعرفوا لجانهم
التاني – أمال انت رأيك فيه يا فتك ؟
أبو جهل – ليس لهم إلا السيف .. ادبحوهم .. اسألوني انا
إبليس – اتنيل اسكت انت .. الكلام ده ما عادش ينفع .. ما تشوفوا لنا حاجة تانية يا جماعة .. فين أيام زمان لما كنا بنغير الصناديق
الخامس – ما هو الجماعة اللي جوه اللجنة دلوقت مش تبعنا .. وما نقدرش عليهم ياريس .. وممشيينها ميري أوي
إبليس – طيب .. على أي حال خلينا نشوف .. بيتهيألي احنا نجحنا فعلا نقنع الناس ان فيه تغيير وفكر جديد .. وطلعنا بطاقات كتير .. وشوية بالفلوس .. وما فيش حد أصلا هيروح يدي صوته .. نتوكل على الله .. وربنا يسهل
ومستنيكم في الحلقة القادمة ان شاء الله.. أما نشوف آخرتها

**ابو شدا** · 04-05-2009, 04:53 PM

رد: ((يوميات ابليس بيه وابو جهل))

بارك الله فيك أخى الحبيب
منتظرين الحلقة القادمة

**الا رسول الله** · 04-05-2009, 04:55 PM

رد: ((يوميات ابليس بيه وابو جهل))

المشاركة الأصلية بواسطة أبوحمزة مشاهدة المشاركة

أنا شخصياً ... قاعد .. لأنى متشوق جدأً..

اهو اخي الحبيب الحلقة نزلت فرجة ممتعة^_^

**الا رسول الله** · 04-05-2009, 04:57 PM

رد: ((يوميات ابليس بيه وابو جهل))

المشاركة الأصلية بواسطة ابو شدا مشاهدة المشاركة

بارك الله فيك أخى الحبيب

منتظرين الحلقة القادمة

وفيكم بارك اخي الحبيب ابو شدا وجزاك الله خير الجزاء على مرورك الطيب

إعـــــــلان

((يوميات ابليس بيه وابو جهل))

((يوميات ابليس بيه وابو جهل))

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق