Tweet
رد: ((يوميات ابليس بيه وابو جهل))
يا سيدى يا سيدى على الإعلانات ... منتظر الحلقة 
-
لا تنسونى من صالح دعائكم .
وإن مر الزمان ولم تجدوني
فاعلموا أنني في حاجة للدعاء بالرحمة
-
رد: ((يوميات ابليس بيه وابو جهل))
الحلقة الخامسة
سبنا أبو جهل وصديقه إبليس نايمين .. صحيوا متأخر من الهباب اللي كانوا بيشربوه طول الليل
إبليس – إبو الحكم .. أبو الحكم .. إصحى .. قوم
أبو جهل – عايز ايه يا إبليس .. ما تسيبني أنام
شوية يا أخي
إبليس – يا عم قوم .. اتأخرنا قوي .. ورايا كام مشوار مهمين
أبو جهل – طيب طيب .. هاقوم اهه
ينزل أبو جهل وإبليس .. أبو جهل يسترعي انتباهه البوسترات الكبيرة بتاعة المغنيات .. والراقصات .. وكل حاجة في آخرها آآآآآآت
أبو جهل – صور مين دول يا إبليس .. ومين اللي صورهم قبل ما يلبسوا كده ؟
إبليس – يا أخي انت هتفضل متخلف كده على طول .. أولا دي صورهم وهم لابسين .. هم هدومهم .. كده .. ثانيا دول يابني نجوم المجتمع .. الشباب ممكن يقعدوا يسمعوهم ساعتين تلاتة عشرة يرقصوا ويغنوا مافيش مشاكل
أبو جهل – مسلمين برضه ؟
إبليس – طبعا امال ايه .. مش قالوا لك دي نقرة ودي نقرة ؟؟
أبو جهل – طب سؤال أخير .. الله يخليك
إبليس – إسأل .. بس بلاش أسئلة غبية
أبو جهل – أنا أصلي ما شفتش حد خالص من يوم ما جيت بيقرا قرآن .. هو القرآن ملغى السنة دي ؟؟
إبليس – لا يا غشيم .. أنا خليت الناس تحب الأغاني دي قوي .. فماحدش منهم بقى عنده مزاج يقرا قرآن ولا يسمعه حتى
أبو جهل – أصل محمد(صلى الله عليه وسلم) وأصحابه ما كانش ليهم شغلانة غير قراية القرآن .. لما خلوا الواحد مش عارف يعيش في مكة .. ده المسلمين الزمان ده احسن كتير بصراحة .. الله ينور يا إبليس يا حبيبي
إبليس – وعليك يا باشا
ماشيين في أمان الله .. فجأة عربية من ناحية اليمين كاسرة الإشارة ومنطلقة بأقصى سرعة .. السائق بيدوس فرامل بشدة وراح لابس في عربية الغلابة أبو جهل وإبليس
ينزل السائق .. يشتم بكلام بذئ جدا .. وينهال بالضرب على أبي جهل المذهول من الموقف.. وإبليس يحاول يخلصه .. والناس واقفة تتفرج
السائق – انت حمار ؟؟ .. انا نفسي اعرف مين ابن .... اللي علمك السواقة .. الله يخرب بيت ...
.
إبليس – انت اللي غلطان وكاسر الإشارة .. وكمان بتشتم ؟؟
السائق – أقسم بالله العظيم .. أقسم بعزة جلال الله .. انت اللي غلطان .. إنت اللي كاسر الإشارة .. انت ما بتشوفش يا بهيم انت
أبو جهل – وبتحلف كذب يا راجل انت ؟؟ يعني غلطان وتحلف كذب ؟؟
(يميل على إبليس) - مسلم ده برضه ؟؟
إبليس – آه طبعا .. انت مش شايفه بيحلف بالله ؟
أمين الشرطة يقرب منهم .. الراجل السواق راح غامزه ببريزتين ..
أمين الشرطة لإبليس – انت اللي كنت سايق ؟؟ .. رخصك لو سمحت
إبليس – رخصي ليه ؟؟ .. ده هو اللي كاسر الإشارة وغلطان
العسكري – انت هتشوف احسن مني .. وللا هتعلمني شغلي
أبوجهل لأمين الشرطة – ياراجل انت .. أنا شايفه بيديك فلوس .. انت مسلم انت ؟؟ .. بتشهد زور يا مفتري ؟؟
أمين الشرطة – إنت كمان هتقل أدبك ؟؟ .. طب بطاقتك بقى .. أنا هاعمل لك محضر تعدي
ابو جهل يضرب كف على كف ويقول لإبليس – ياعم هي الناس جرالها ايه ؟؟ رجعني بلدنا احسن .. أنا بصراحة مش مصدق اللي باشوفه ده
إبليس يحاول يتصل من الموبيل .. الموبيل مش بينطق .. ورطة
أمين الشرطة للسائق – طلباتك يا باشا
السائق يشاور لأبوجهل – لا .. ولا حاجة .. أنا هاسيبهم عشان خاطر الشيخ ده بس .. بس يبقوا يخلوا بالهم وهم سايقين بعد كده
يمشي أبو جهل وإبليس .. إبليس هيتجنن
إبليس – حاجة تجن .. أنا ما علمتهمش كده أبدا .. نفسي اعرف مين الشيطان اللي معاه ده أشوف ازاي يعلمه المسخرة دي .. وكمان الموبيل .. لسه شاريه امبارح .. مهنج ومش عايز يشتغل .. تعال نروح نشوف ايه حكايته
يدخلوا محل الموبيلات .. محل محترم جدا .. بائعة على سنجة عشرة .. تستقبله بابتسامة ساحرة
البائعة – سباح الخييييير .. تهت أمرك
إبليس .. بغيظ – الموبيل ده أنا اشتريته من هنا امبارح .. ما بيشتغلش
البائعة تجرب الموبيل – آه .. سحيح .. ده مش بيشتغل .. ليه كده ؟؟
إبليس – هو إيه اللي ليه كده ؟؟ .. مش انتوا اللي بايعينه
البائعة – أسلي باكون موجودة السـُّبح بس .. (تغمز لابوجهل) .. بعد الدُهر ورايا شغل تاني .. هي هي هي .. استنوا زميلتي بتاعة بالليل
إبو جهل لإبليس – إيه ده يا بيسو .. هي تبع مزمزة هانم وللا إيه ؟؟
إبليس – يا اخي احنا ف إيه وللا ف إيه دلوقت .. بصي يا ست انتي .. أنا مش هاستنى لبالليل .. الموبيل ده من عندكم .. افتحيه وشوفي الشريحة .. انتي مش عارفة الأرقام اللي تبعكم ؟؟
البائعة ترتبك
– لا لا ما تفتحوش .. ممكن تخسر الدَّمان
إبليس – ضمان ايه وبتاع ايه .. افتحيه ومالكيش دعوة .. مش عايز ضمان
تفتح الموبيل .. الموبيل مصدي من جوه .. وشكله مستعمل بقاله عشر سنين
إبليس – ياحرامية يا غشاشين .. الموبيل ده انا شاريه جديد .. إنتم بدلتوه في الخباثة
البائعة تردح له – باقول لك ايه ياجدع انت .. هو إيه تلاقيح الجتت ده .. انت هتتبلي عليا وللا ايه ؟؟ .. انت هتغور من هنا وللا اعمل لك محضر انك بتتهجم عليا ؟؟
إبليس – أنا جيت جنبك يا ولية انتي ؟؟
البائعة تصرخ – يالهويييييييييي .. الحقونييييييييييي . حرامييييييييييييي
إبليس وأبو جهل يجروا بره المحل .. يركبوا العربية .. ويا فكييييييييييك
إبو جهل – ههههههههه.. والله برافو عليك يا إبليس .. فعلا عامل شغل ميه ميه
إبليس – المشكلة ان انا مش قادر احصل الناس دول .. كل ما افكر في حاجة شيطانية ألاقيهم سبقوني
يوصلوا منطقة شعبية .. حالتها صعبة أوي .. بؤس وفقر ومجاري .. حاجة فظيعة
أبو جهل – يا ساتر .. ايه القرف ده .. ايه المكان ده يا إبليس ؟
نتابع في الحلقة القادمة ان شاء الله
تعليق
-
رد: ((يوميات ابليس بيه وابو جهل))
أحسنت ... الواحد مش عارف يضحك ولا يحزن على الحال ... الله المستعان ...
-----------
متابع
لا تنسونى من صالح دعائكم .
وإن مر الزمان ولم تجدوني
فاعلموا أنني في حاجة للدعاء بالرحمة
تعليق
-
رد: ((يوميات ابليس بيه وابو جهل))
صحيح هو دة الواقع المؤلم
ربنا يعز الاسلام والمسلمين
جزاك الله خيرا أخى الحبيب الارسول الله
متابع
تعليق
-
رد: ((يوميات ابليس بيه وابو جهل))
إذا كنت أنا اللي هدفع حقوق البث يبقى الإعلانات دي عندي
بس أهم حاجة يكون حصري ومفيش إذاعة غير عندي
بس الفلوس بعد ما أبيع فترة الإعلانات * _ ^
أحبكم اخواني في الله
إن كـان تـابـع أحمـدٍ متـوهِّباً * * * فـأنـا المقـرُّ بـأننـي وهَّـابـيأنفي الشـريك عـن الإله فليس لي * * * ربٌّ سـوى المتفـرِّد الـوهَّـابِلا قبـةٌ تُــرجـى ولا وثنٌ ولا * * * قبـرٌ لـه سبـب مـن الأسبـابِكـلا ولا شجـرٌ ولا حجـرٌ ولا * * * عيـنٌ ولا نصـبٌ من الأنصابِتعليق
-
رد: ((يوميات ابليس بيه وابو جهل))
المشاركة الأصلية بواسطة أبوحمزة مشاهدة المشاركةبارك الله فيك اخي الحبيب ابو حمزة على المتابعةتعليق
-
رد: ((يوميات ابليس بيه وابو جهل))
المشاركة الأصلية بواسطة راجي رحمة الله مشاهدة المشاركةبلاش تنصل ودفع بقى * _ ^
احبك الله الذي احببتني فيهتعليق
-
رد: ((يوميات ابليس بيه وابو جهل))
الحلقة السادسة بعد هذا الفاصل
تابعوووووووووناتعليق
-
رد: ((يوميات ابليس بيه وابو جهل))
تحلو الحياة
تحلو الحياة إذا القلــــــــــــــــــــــــوب تفاءلت
وتبسمت كالصبح للأطيــــــــــــــــــــــــــــــار
من بعد ليل قام ينشـــــــــــــــــــــــــــــد بهجة
وتفاؤلا كالجدول المعطــــــــــــــــــــــــــــــار
ورمت بثوب اليـــــــــــــــــــــــأس دون تردد
في البحر للأمواج والأحجــــــــــــــــــــــــــار
لترى الحياة ســــــــــــــــــــــــــــعادة وحلاوة
كالشهد يضحك في لمى الأزهـــــــــــــــــــــار
وتعيش أعوام الســــــــــــــــــــــــــرور كأنها
عيد يغرد في يد الســــــــــــــــــــــــــــــــــمار
تحلو الحياة إذا تعطـــــــــــــــــــــــــر وجهها
بالفأل في ليل الأســـــــــــــــــــــــــــــى ونهار
والذكر في أرجــــــــــــــــــــــــــــائها متمايل
في وجنتيه عبائر الأســـــــــــــــــــــــــــــــحار
مشبوبة أنســـــــــــــــــــــــــــــامها وزكاؤها
بالعلم لا تذوي مع الأســـــــــــــــــــــــــــــــفار
واهتز في جنباتها مســـــــــــــــــــــــــك الوفا
ء وهمســــــــــــــــــــــــــــــــة الأبرار للأبرار
ورنا أريج الصــــــــــــــــــــــدق بين عبيرها
في نشــــــــــــــــــــــــــوة الأطفال في المضمار
منقول
تعليق
-
رد: ((يوميات ابليس بيه وابو جهل))
الحلقة السادسة
أبو جهل – يا ساتر .. ايه القرف ده .. ايه المكان ده يا إبليس ؟
إبليس – أنا ليا واحد صاحبي هنا .. واخد توكيل توزيع البانجو في البلد .. ولازم كل ما آجي اطمن عليه
أبو جهل – بس الناس دي عايشة هنا ازاي كده .. امال الحتة اللي كنا فيها امبارح كانت نضيفة أوي .. معقول دي بلد واحدة
إبليس – آه طبعا .. بس حبة فوق وحبة تحت .. مش قلت لك ان اصحابي الحرامية الكبار سرقوا البلد .. أخدوا فلوس الناس دول وسكنوا في حتت نضيفة ومحترمة ودول بقى عايشين في الفقر ده
أبو جهل – أنا باعمل كده بصراحة .. وكتير كنت باكل على الناس فلوسها .. واشغلهم بالسخرة .. واللي يتكلم يبقى يا ويله .. بس ماكنتش فاكر المسلمين برضه كده .. انت عارف ابوبكر صاحب محمد(صلى الله عليه وسلم)؟؟
ابليس – ابن أبي قحافة ؟؟ .. ياااااهانا ما باكرهش في الدنيا دي قده
أبو جهل – أهو انت عارف أبو بكر ده ؟؟ .. مرة اشترى تلات عبيد من فلوسه عشان كنا بنعذبهم عشان يكفروا بدين محمد (صلى الله عليه وسلم)
ويرجعوا لديننا .. مع ان العبيد دول ولا هينفعهوه بحاجة
إبليس- لا اطمن .. دلوقت أنا ظبطت الناس أوي .. ماحدش بيخدم حد غير لما يكون عنده مصلحة .. عايز منه حاجة .. مافيش حاجة ابدا لوجه الله
يلمح أبوجهل مجموعة من الشباب .. لابسين تي شيرتات مكتوب عليها صناع الحياة .. واقفين وحواليهم مجموعة من الأهالي .. يقرب منهم هو وإبليس
واحد من الفريق – وياريت يا جماعة نحاول نخلص النهارده ان شاء الله .. الموضوع محتاج جهد جامد .. بس انتم شايفين الوضع صعب ازاي من غير مَيـّه
أحد الأهالي – ربنا يوفقكم يا بني .. والله أهل الحتة كلها بيدعوا لكم .. مش عارفين نشكركم ازاي
واحد من الفريق – يا حاج ما تقولش كده .. احنا محتاجين الثواب أكتر مانتم محتاجين الميه .. احنا اللي بنشكركم انكم اديتونا الفرصة دي .. والناس لبعضيها برضه
أبو جهل يقرب منهم – هو فيه إيه .. بتعملوا ايه هنا ؟؟
واحد من الفريق – إحنا يا عم الحاج جايين ندخل الميه الحلوة للمنطقة .. لإنها عشوائية والناس بتشرب ميه ملوثة .. واحنا جمعية خيرية وبنحاول نساعد الناس قد مانقدر
أبو جهل – وهتاخدوا منهم كام في الشغلانة دي ؟؟
واحد من الفريق – لا .. أهل الخير كتير .. ناس اتبرعت بالمواد .. وناس خلصت لنا الإجراءات في الحي .. واحنا هنعمل أقل حاجة .. هنوصل المواسير للبيوت
أبو جهل يبص لإبليس بغيظ – إيه يا إبليس العيال دول ؟؟ .. انت مش قلت لي انك ظبطت الناس .. وكله بالمصالح وماحدش بيخدم حد ؟؟
إبليس (بخزي) – بس بس ما تحسرنيش .. أنا عايز الأرض تنشق وتبلعني .. بس سيبك انت .. انا هاشتغل عليهم دلوقت .. هأخلي كل واحد منهم نيته تتغير .. وبدل ما بيشتغل لله يقعد يستنى نظرات الإعجاب من الناس .. يتعب بقى زي ما يتعب .. في الآخر ولا حسنة واحدة .. سيبني بس أركز
رئيس الفريق للمجموعة – طيب يا جماعة اسمحوا لي .. قبل ما نبدأ الشغل بس كل واحد يجدد نيته .. ويحتسب أجره عند الله سبحانه وتعالى .. انتم عارفين الشيطان بيجري من ابن آدم مجرى الدم .. استعيذوا بالله من الشيطان الرجيم .. ياللا توكلوا على الله
إبليس يتضاءل جدا .. يصغر .. يصغر .. يصغر من الاستعاذة بالله .. أبو جهل يبعد من المكان بأقصى سرعة وهو في قمة الغضب .. ينطلق صوت الأذان .. صوت عذب وجميل جدا
الله أكبر الله أكبر الله أكبر الله أكبر
أشهدأن لا إله إلا الله
أشهد أن محمدا رسول الله
الشباب يسيبوا اللي في إيديهم ويتجهوا أفواج للمسجد .. ابتسامة جميلة على وجوههم .. الابتسامة اللي أبو جهل بيكرهها .. وبتفكره بأصحاب محمد .. الأهالي يتجهوا للمسجد بأعداد كبيرة .. ينفجر من شدة الحسرة والغضب ..إبليس يرجع وياخده بسرعة عشان يهربوا من المكان .. يروح يلاقي مفاجأة سارة في انتظاره
العربية اتسرقت .. تلاميذه شغالين كويس .. الحمد لله .. الدنيا بخير .. هههههههه
يتبع ان شاء اللهتعليق
-
رد: ((يوميات ابليس بيه وابو جهل))
الله يستر من الجاي الموضوع كلة من الواقع
جزاك الله خيرا أخى الارسول الله بارك الله فيك
متابع
تعليق
-
رد: ((يوميات ابليس بيه وابو جهل))
جزاك الله خيراً ... أخى الحبيب عايز إيميلك عشان فى حاجتين أهم من بعض عايزك فيهم ضرووورى... متابع
لا تنسونى من صالح دعائكم .
وإن مر الزمان ولم تجدوني
فاعلموا أنني في حاجة للدعاء بالرحمة
تعليق
-
رد: ((يوميات ابليس بيه وابو جهل))
المشاركة الأصلية بواسطة ابو شدا مشاهدة المشاركةبارك الله فيك اخي الحبيبتعليق
-
رد: ((يوميات ابليس بيه وابو جهل))
المشاركة الأصلية بواسطة أبوحمزة مشاهدة المشاركةجزاك الله خيرا حبيبي في الله ويمكنك اخد اميلي من الاخ ابو يحيىتعليق
-
رد: ((يوميات ابليس بيه وابو جهل))
الحلقة السابعة
سبنا أبو جهل وإبليس وهم دايخين في الشارع بعد ما عربية إبليس اتسرقت .. إبليس هيتجنن لإنه مش عارف يتصرف أو يتصل بأصحابه لإن الموبيل عطلان .. أبوجهل مابين انه فرحان جدا بأخلاق المسلمين البايظة .. وبين انه متضايق عشان حركة العربية
إبليس مش عارف يتصرف .. الشباب حسوا ان فيه مشكلة .. توجهوا لمساعدتهم
واحد (يوجه الحديث لأبو جهل) – خير ان شاء الله يا حاج .. فيه حاجة ؟؟
أبوجهل – العربية اتسرقت .. أنا مش عارف ايه اللي بيحصل في البلد دي
واحد ( يحس بلكنة غريبة في كلام أبو جهل .. يفتكره سايح ) – لامؤاخذة يا حاج والله .. حاجة تكسف .. حضرتك بس اتفضل معانا نصلي سوا .. ونحاول نتصرف بعد الصلاة ان شاء الله .. اتفضل اتفضل
بقية الشباب – أيوه .. نصلي سوا وربنا يحلها ان شاء الله
أبو جهل ( يبص لإبليس ) – لأ .. أصل .. يعنيييييييي
إبليس يختفي فجأة .. فص ملح وداب .. وأبو جهل يلاقي نفسه مدفوع دفعا للجامع .. يدخل مع الشباب .. ويروح على الحمام فرارا من الصلاة .. لحد ما الصلاة تخلص
واحد من الشباب .. يسلم على أبو جهل بعد الصلاة – تقبل الله يا حاج .. أمال فين الأستاذ اللي كان مع حضرتك ؟؟
أبو جهل – ده صلى وطلع على طول بعد الصلاة .. موضوع العربية شاغله أوي
واحد تاني – ولا يهمك .. إن شاء الله نتصرف .. ياللا بينا
أبو جهل يدور على حذائه .. يدور .. يدور .. يدور .
. حزروووووووووا حصل إيه .. أيوه بالضبط كده .. مع الأسف الشديد .. جزمته اتسرقت .. إخص على كده
أبو جهل – إيه يابني ده .. معقول الجزمة تتسرق في الجامع ؟؟ .. معقول ؟؟ هم المسلمين دلوقت بقوا كلهم كده ؟؟
الشباب في نص هدومهم .. واحد منهم يتطوع بحذائه عشان الراجل الغريب
– معلش والله يا حاج .. مش عارفين نقولك ايه .. للأسف بعض الناس بتسيء للإسلام جدا .. ربنا ينتقم منهم .. اتفضل حضرتك .. البس الجزمة دي وان شاء الله تطلع على مقاسك
أبو جهل ياخد الحذاء وهو مضطر .. يلبسه ويطلع .. ياخد إبليس على جنب ويمسك فيه
أبو جهل – وكمان يسرقوا جزمتي .. لااااااا .. ده انت زودتها أوي
إبليس – معلش .. جت فيك يا عمور .. أصل جزمتك غالية .. لقطة بقى .. هههههههه .. انت عارف .. أنا حرّمت ناس كتير أوي يخشوا الجوامع بسبب المواضيع دي .. واللي بيصلي مابقاش عارف يركز في الصلاة وللا يبص على الجزمة
أبو جهل – المهم .. هنعمل إيه دلوقت في موضوع العربية
إبليس – أمرنا لله بقى .. نشوف الشباب دول يساعدونا
يوجه كلامه للشباب – نروح نبلغ البوليس .. وللا نعمل ايه في موضوع العربية ده ؟؟
واحد من أهل المنطقة – إزاي بقى .. ده انتم ضيوفنا .. سيبنا احنا نتصرف ونجيب العيال اللي سرقوا العربية دول من تحت الأرض
شوية كده .. ويظهر واحد معلم كبير من أهل المنطقة .. ومعاه عيلين .. ينزل فيهم ضرب
المعلم – فين ياد انت وهو الوله زقزوق
ولد منهم – آآآآي .. والله ما عرف يا معلم .. آآآآآآآآآي .. قفايا ورم حرام عليك
المعلم – اوع تكون فاكر نفسك عند الحكومة وهنطبطب عليك .. ده انا هاعلقك هنا لو ما جبتليش الواد ده في ساعة تاريخه
الولد – آآآآآىي .. حاضر يا معلم .. هاجيبه .. هاجيبه
إبليس لإبو جهل – يا نهار اسود .. زقزوق ؟؟
إبو جهل – انت تعرفه ؟
إبليس – أيوه .. ماهو ده صاحبي اللي كنت جاي له
أبو جهل – أيوه .. كده صح .. ماهو انت هتعرف مين غيره ؟؟ .. بس برافو عليك .. عرفت تربي
أبليس – أربي .. ده انا هاديله جـِـزا .. مالقاش غير عربيتي يسرقها
إبو جهل – عشان تحرم تسلط اصحابك على جزمتي
شوية كده وتظهر العربية .. والمعلم الكبير يعتذر لإبليس
المعلم – لا مؤاخذة ياباشا .. عربية سعادتك سليمة اهي .. والواد زقزوق تاويناه .. وآخر مرة ياباشا
إبليس – شكرا يا معلم .. أنا مش عارف من غيرك كنت هاعمل ايه
ينطلق إبليس وأبو جهل بالعربية .. فجأة أبو جهل يحس بآلام شديدة في بطنه
أبو جهل – بطني .. آآآآآآه .. إلحقني يا إبليس .. مغص جامد أوي
إبليس – سلامتك يا أبا الحكم .. مالك .. فيه إيه ؟؟
أبو جهل – سكاكينبتقطع في بطني .. ألم رهيب
إبليس – طيب .. نطلع على المستشفى حالا
يطلعوا على مستشفى خاص جدا .. جدا .. جدا .. واستثماري جدا .. جدا .. جدا
يتبع ان شاء الله
تعليق
جميع مواضيعي
تعليق