((يوميات ابليس بيه وابو جهل))

[الا رسول الله]

رد: ((يوميات ابليس بيه وابو جهل))

الحلقة الاخيرة


المهندس عمرو كان منظم الحملة الانتخابية لأحد المرشحين في بلدهم تحت شعار الإسلام هو الحل .. ولإن حملة الدعاية كانت نشيطة وقوية جدا .. فالمرشح المنافس مالقاش حل غير القبض على المهندس عمرو ومجموعة من أصحابه لشل حملة الدعاية الانتخابية للمرشح المنافس
وفي يوم رجع المهندس عمرو بيته متأخر بعد جولة انتخابية قوية .. وهو مرهق جدا .. ولكنه سعيد بتوفيق ربنا لهم وإقبال الناس عليهم وتأييدهم لهم
دخل المهندس عمرو بيته .. واستقبلته زوجته .. وابنه محمد .. عمره عشر سنوات .. مقعد ويتحرك على كرسي متحرك بسبب اصابته في حادث عربية من تلات سنين

محمد – بابا .. بابا .. واحشني جدا
عمرو – أهلا محمد حبيبي .. معلش .. اتأخرت عليك كتير .. كلها كام يوم وارجع لك بدري واحكي لك الحدوتة قبل ماتنام زي ما تعودت .. ياااااه .. انت سخن أوي كده ليه ؟؟
زوجته – حرارته تسعة وتلاتين .. ومش عايزة تنزل .. وحاولت اعمل له كمادات .. بس مافيش فايدة .. كل شوية يسخن تاني .. ما كنتش فاكراك هتتأخر كده
عمرو – معلش والله غصب عني .. طيب لبسيه هدومه .. نلحق نروح المستشفى .. مش كويس يستنى كده للصبح
زوجته – طب مش هتاكل لقمة ؟؟ .. أنت أكيد ما تعشيتش
عمرو – لما نرجع .. أنا خايف على محمد أوي .. خلينا نلحق نلاقي حد نوديهوله
تدخل زوجته ومحمد .. وفجأة يسمع طرقات شديدة جدا على الباب .. الباب هينكسر من الطرقات عليه
أصوات – افتح الباب .. هنكسر الباب
عمرو – انت مين ؟؟
الصوت – بنقول افتح .. مش عايز تفتح ؟؟
عمرو- طيب طيب .. هافتح اهه
فجأة الباب ينكسر تحت طرقات كعوب البنادق .. والبيت يتملي مخبرين .. وواحد بملابس مدنية يكلم عمرو بغلظة شديدة
الراجل – انت عمرو هشام ؟؟
عمرو – ايوه انا
الراجل – اتفضل معانا ( يشاور للي معاه .. فتشوا البيت)
عمرو- على فين ؟ .. وانت مين ؟؟
الراجل – ههههه .. معقول مش عارف ؟؟ .. اللعبة خلصت يا بني انت وهو .. انتوا صدقتوا نفسكوا وللا إيه ؟؟ .. فوق يا عمرو .. كفاية أوي عليكم اللي خدتوه .. ياللا معانا
محمد – بابا .. بابا .. مين دول ؟؟
عمرو – لا مافيش يا محمد .. ما تقلقش .. أنا هاروح معاهم شوية واجي لك ان شاء الله
يلتفت للراجل - وايه لازمة ده كله .. مانتم عارفين مكاني .. ولو طلبتوني بالتليفون هاجيلكم على طول .. لازم الرعب اللي بتعملوه للناس ده ؟
الراجل – بلاش فلسفة يا سي عمرو .. انت مش هتعلمنا شغلنا .. اتفضل ما تضيعش الوقت
محمد – ما تخافش منه يابابا .. ربنا أقوى منه
الراجل ( يصفعه بشده ) – اخرس يابن الـ ...
ينزلوا وعمرو معاهم
زوجته – وتضربه ليه ده .. هو يقدر يرد عليك ؟؟ .. ربنا ينتقم منك .. ربنا ينتقم منكم زي ما ضربتوا ابني
واحد منهم ( بينه وبينها) – يا ست الله يخليكي ما تدعيش عليا .. أنا ماليش دعوة .. ده أكل عيشي
عمرو ينادي عليهم – اطمني يا ام محمد .. ربنا معانا .. ومش هيضيعنا
يمشوا .. وتبقى أم محمد تبكي بشدة وهي في ضائقة شديدة .. من غير فلوس .. وابنها عيان جدا .. وجوزها مش عارفة هيرجع امتى .. تقوم وتصلي ركعتين لله تعالى عشان يفرج عنها الكرب اللي هي فيه
تنتهي من صلاتها ..تنظر لابنها .. نام من شدة البكاء .. لسه حرارته مرتفعة .. وشه زي النار
يارب .. يارب .. ماليش غيرك يارب .. اعمل إيه بس ؟؟
تسمع طرقات خفيفة على الباب ..
معقول ؟؟ .. الساعة اتنين بالليل .. مين اللي هييجي دلوقت ؟؟
تقف ورا الباب – مين ؟؟
الزائر – أنا الدكتور
بدهشة شديدة .. ولهفة أشد تفتح الباب – دكتور ؟؟ .. إزاي ؟؟
الدكتور – فين المريض ؟؟
الزوجة تشير على محمد وهي في ذهول .. ومش مصدقة اللي بتشوفه قدام عينيها
يدخل الدكتور .. يكشف على محمد .. ينتهي الكشف
الدكتور – اطمني خالص حضرتك .. هيبقى كويس جدا ان شاء الله .. حضرتك تديله الدوا ده ..والحقن دي .. وعلى الصبح ان شاء الله هيبقى كويس جدا
الزوجة .. في حيرة شديدة .. ومش قادرة ترد
الدكتور – خير ؟؟ .. فيه حاجة ؟؟
الزوجة – أصل والده قابضين عليه في الانتخابات .. ومش سايب لنا فلوس .. ومش هاعرف اجيب الدوا
الدكتور – ايه ؟؟ .. والده قبضوا عليه ؟؟ .. طيب استنيني حضرتك .. أنا هاجيب الدوا وارجع حالا
الزوجة – بس كده كتير على حضرتك يا دكتور .. مش معقول
الدكتور ينزل بسرعة .. يغيب شوية ويرجع معاه الدوا .. والحقن .. يدي محمد الحقنة .. ويستعد للانصراف
الأم (تتمتم بكلمات الشكر) – جزاك الله كل خير يا دكتور .. بس ممكن أسأل حضرتك سؤال واحد بس ؟؟
الدكتور – اتفضلي
الأم – هو مين اللي بعت حضرتك هنا .. عرفت منين ان ابني عيان ؟؟
الدكتور – انتم اللي طلبتوني .. هي مش دي شقة خمسة ؟؟
الأم – لأ .. دي شقة ستة

ذهلت الأم .. أجهشت بالبكاء من الموقف
انصرف الدكتور .. وسجدت الأم شكرا لله على انقاذ ابنها
ياربي لك الحمد .. لك الحمد .. لك الحمد ..

[الا رسول الله]

رد: ((يوميات ابليس بيه وابو جهل))

أبو جهل – معقول ده اللي حصل لك ؟؟ .. والدكتور ما رضيش ياخد فلوس ؟؟
عمرو – آه والله ده اللي حصل .. وانا من يومها نسيت اني مسجون .. وحاسس اني مع ربنا طول الوقت .. ومش حامل هم الأولاد أبدا
أبوجهل ( يكتم غيظه وألمه الشديد) – معلش اسمحلي انام شوية ..عن إذنك

في الوقت ده ابليس عمل اتصالاته
إبليس يتكلم في التليفون – أيوه محبوس دلوقت .. بس خلي بالك معاهوش بطاقة ولا أي إثبات شخصية .. خليهم ينادوا عليه ويطلعوه من غير كلام كتير .. مش هيعرف يتفاهم معاهم
- ماشي يا إبليس بيه
تليفون يوصل للقسم – آلو .. عندكم مسجون اسمه عمرو هشام
- أيوه
- المسجون ده تطلعوه حالا .. من غير ما تسألوه عن أوراقه ولا بطاقته
- كده ؟؟ .. من غير أي إثبات شخصية
- زي ما باقولك كده .. تطلعوه حالا
العسكري يوصل للحجز .. ينادي على اللي جوه
- عمرو هشام .. انت يا عمرو
عمرو – أيوه انا
العسكري – اتفضل بره من غير مطرود
عمرو – ايه .. بره ؟؟ مين ؟؟ أنا ؟؟
العسكري – بره يا بني ما تجيبليش التهزيئ .. مع السلامة من غير مطرود
ياخد عمرو من إيده لحد باب القسم من بره - مع السلامة
يخرج عمرو .. يتنسم عبير الحرية بعد شهر من الحبس تحت الأرض مع المجرمين والقتلة

يااااااااااااه

__________________
تمت بفضل الله
سبحانك اللهم وبحمدك ، نشهد ألا اله إلا أنت ، نستغفرك ونتوب اليك

[محمد يحي محمد]

رد: ((يوميات ابليس بيه وابو جهل))

السلام عليكم ورحمه الله وبركاته
____________________
جزاك الله خيرا .. ونفع الله بك وهدانا الله واياكم الى كل ما يحب ويرضى
أذكر بالغايه " ان الله أبتعثنا لنخرج من يشاء من عباده العباد الى عباده رب العباد ومن جور الاديان الى عدل الاسلام ومن ضيق الدنيا الى سعه الدنيا والاخرة "

[راجي رحمة الله]

رد: ((يوميات ابليس بيه وابو جهل))

جزاكم الله خيرا ونفع بكم

[نمر علي]

رد: ((يوميات ابليس بيه وابو جهل))

فلا حول ولا قوة إلا بالله

[المريد عفو الله]

رد: ((يوميات ابليس بيه وابو جهل))

جزاكم الله خيرا

[وئام حسن]

رد: ((يوميات ابليس بيه وابو جهل))

جزاك الله خيراً وبارك فيك ونفع بك

[ابو شدا]

رد: ((يوميات ابليس بيه وابو جهل))

جزاك الله خيرا أخى الحبيب الارسول الله
وبارك الله لنا فيك وفى أعمالك الطيبة
وربنا يوفقكم الى ما يحب ويرضى

[العابدلله]

رد: ((يوميات ابليس بيه وابو جهل))

جزاكم الله خيرا
ونفع الله بكم

[اشرف_3]

رد: ((يوميات ابليس بيه وابو جهل))

جزاك الله كل الخير
فعلا حالنا الان اصبح لا يرضى حتى كفار امس

[وعجلت اليك ربي]

رد: ((يوميات ابليس بيه وابو جهل))

جزاك الله خير ..وجزى اختنا خير ..
على ما قدمت ..وفعلا هو ده حالنا ..
اسأل الله العلى القدير ان يهدى شباب المسلمين ويهدى بنات المسلمين ..
ويرجعوا لعقولهم .....ربنا يثبتنا يارب

[العابدلله]

رد: ((يوميات ابليس بيه وابو جهل))

لاقوة الا بالله تعالى
نسأل الله تعالى العفو والعافية
وان يهدينا وان ينفعنا وينفع بنا
وان يعلمنا علما نافعا

اللهم امين

[على الشريف]

رد: ((يوميات ابليس بيه وابو جهل))

مشكووووووووووووووووووووووووووووووره كتير وجاكى الله خير

[الا رسول الله]

رد: ((يوميات ابليس بيه وابو جهل))

جزاكم الله خيرا اخواني الاحباء على المرور الطيب
احبكم في الله

[أبوهُريرة]

رد: ((يوميات ابليس بيه وابو جهل))

ماشاء الله ولا قوة إلا بالله

بارك الله فيك يا أخي الفاضل

مش عارف الواحد يضحك ولا ييكي ......



بس عن جد بارك الله فيك على هذا التنسيق الرائع و القصة الجميلة وعن جد خرجت منها بفوائد كثيرة