((يوميات ابليس بيه وابو جهل))

[العابدلله]

رد: ((يوميات ابليس بيه وابو جهل))

حياك الله اخى الغالى ابو شدا
امتعنا الله بوجودكم دائما اخى الحبيب

[ابو شدا]

رد: ((يوميات ابليس بيه وابو جهل))

بارك الله فيك أخى العابد لله بحبك فى الله

[الا رسول الله]

رد: ((يوميات ابليس بيه وابو جهل))

وأنا على فكرة نقلتها لأحد المنتديات عارف أنك مش هتمانع ^ _ ^

بس اخي الحبيب الراجي لازم تدفع حقوق البث ولا ايه^ _ ^
جزاك الله خير الجزاء وطبعا مفيش اي مانع

[الا رسول الله]

رد: ((يوميات ابليس بيه وابو جهل))

جزاك الله خيراً ... لو القصة دى مكنتش وهمية ولو ده مكنش أبو جهل كنت قلتلك إنه ممكن يسلم فى الآخر ..

قلبت علينا المواجع ... متابع

بارك الله فيك اخي الحبيب على المتابعة وعلى مرورك الجميل

[الا رسول الله]

رد: ((يوميات ابليس بيه وابو جهل))

بلاش مستوى القاعده دى لتلم علينا سكان الحارة الواقفة .. *_^

جزاك الله خيرا اخى الحبيب الغالى ونتابع معك يوميات ابو جهل واستاذه المعلم ابليس عليهما لعائن الله.

بارك الله فيك اخي الحبيب العابد وان شاء الله نتابع الحلقة الرابعة بعد قليل

[الا رسول الله]

رد: ((يوميات ابليس بيه وابو جهل))

الحلقة الرابعة


واحد – والله يا إبليس بيه مش عارفين نودي جمايلك فين .. خيرك مغرقني والله يا باشا
إبليس – انت بالذات ما تتكلمش .. مش انت بعد كل اللي عملته معاك السنين اللي فاتت .. رحت لك المكتب لقيتك معلق لي لوحة كاتب عليها ( هذا من فضل ربي ) .. ده جزاتي ؟؟
نفس الواحد – ههههههه .. انت زعلت ياراجل .. لالا مالكش حق .. وبعدين دي كانت جاية لي هدية من واحدة عزيزة عليا أوي .. وما قدرش اكسفها
التاني – شوف بقى سعادتك .. احنا ظبطنا كل حاجة .. وآدي البطايق اللي عملناها للناس بتوعنا .. اسمنا احنا الاتنين فيها اهو .. ووزعناها على ناس كتير أوي
الأول – ودول البودي جاردز بتوعنا .. كل واحد سلاحه معاه .. واللي هيقف في سكتنا هيخلصوا عليه
أبو جهل – أهو كده الشغل .. أنا معاكم يا رجالة .. وسلاحي جاهز .. وهاقف معاكم بكره
الأول – انت ما عرفتناش على صاحبك يا باشا .. مش تعرفنا
إبليس – ده عمرو صاحبي .. خبير في مكافحة الإرهاب .. خبرة سنين طويلة جدا .. جبته عشان يساعدنا اليومين دول
التاني – إيه العظمة دي .. ميه ميه .. نشرب بقى في صحة الإرهاب .. هاهاهاهاها
يشربوا كلهم
الأول – خلاص بقى .. انت معايا من بكره يا عمرو بيه .. إيه رأيك تكون مرافق ليا ؟
أبو جهل – خلاص أنا معاك .. كلام رجالة
الأول – طب يا جماعة .. هاستأذنكم أنا .. أشوفكوا بكره بقى .. في صحتكم وفي صحة بكره
صوت الراقصة عالي جدا .. أبوجهل قاعد يصقف على الإيقاع .. شوية شوية وهيقوم يرقص .. الراقصة تلاحظ حماسه .. تغمز له بعينها وتغني


والعب العب العب .. آه ياسيدي
العب لعب العب .. آه يا عيني


(أبو جهل يوطي على إبليس ) – بتقوللي انا ؟؟ أنا العب ؟؟
إبليس – لا لا .. ده الأغنية بتقول كده .. أقعد يا اخي
أبو جهل يقوم – سيبني يا عم .. دي بتقوللي انا .. أنا هاروح العب
إبليس – ياعم اقعد بقى .. هابقى اخليك تلعب .. بس بعدين بعدين
أصحاب إبليس ميتين على روحهم من الضحك .. وأبو جهل يبص لأبليس بغيظ .. ويقعد
يشربوا كاسين .. وعقدة اللسان تتحل شوية شوية
التاني (بيتكلم على المرشح زميله) – ياساتر .. الجدع ده حقنة .. أهو خلع اهه .. بص بقى يا إبليس بيه .. أنا اتخنقت من الجدع ده .. وبصراحة هو اللي هيخسرني لو فضلت معاه .. وانا مش صارف عشرة مليون عشان اخسر
ابليس – ياعم استحمله .. هو حقنة فعلا .. بس اصحابك اللي حاطينه .. نعمل لهم ايه .. عندك حل تاني ؟
التاني – آه .. شوف .. مش ده الورق اللي ورا هولك فيه اسمنا احنا الاتنين
إبليس – آه
التاني – شوف الورق ده .. ده فيه اسمي مع مرشح تاني .. كده ممكن اكسب .. ونقلب الجدع البارد ده .. أنا عارف اختاروه على ايه
أبو جهل – تقلبه يعني إيه ؟
التاني – نقلبه ياعم .. نزحلقه .. هو كان من بقية أهالينا
أبوجهل – يعني هتقول لأصحابك يختاروك انت وواحد تاني غيره
التاني – عليك نووووووور
أبو جهل – بس انا اديت الراجل كلمة اني اقف معاه .. دي تبقى خيانة
التاني – إيه ؟؟ خيانة ؟؟ .. انت هتديني درس في الأخلاق .. انت معايا وللا معاه ؟؟
أبو جهل – لا واللات والعزى .. لا تحدث العرب أني حنثت بوعدي أبدا
التاني – هاهاهاهااااااااااي .. حلوة .. بقولك ايه .. ماتبقاش تشرب كتير بعد كده .. انت شكلك كده مش قد الحاجات دي
أبو جهل – إيه ده يا إبليس .. فيه كده ؟
إبليس – أمال يا بني .. انت لسه شفت حاجة ؟؟ .. ده انا عندي حاجات تشيب .. ياللا بينا مش عايزين نسهر اكتر من كده .. لازم نصحى بدري بكره
أبو جهل – أحسن والله .. المكان ده موبوء .. أنا اتخنقت منه
يروحوا البيت قرب الفجر .. إبليس ينام ويشخر .. أبوجهل مش جاي له نوم .. أول مرة يسافر بعيد كده ومش واخد عالغربة
يسمع الأذان .. يبص عالجامع .. مافيش حد رايح الجامع .. كل شوية واحد يدخل .. تمن تسع تنفار بالكتير .. يبتسم في رضا .. أهوكده الشغل وللا بلاش .. خليه يدّن في مالطة
يحاول ينام .. بعد شوية يسمع أصوات في الشارع .. يبص من الشباك
شباب كتير خارجين من الجامع .. معاهم لوحات .. إيه اللي مكتوب عليها ده .. الإسلام هو الحل .. تااااااني ؟؟ .. كانوا فين دول ؟؟ بايتين في الجامع وللا إيه ؟؟
يحاول يسمع اللي بيقولوه .. كانوا بايتين في الجامع فعلا .. سهرانين طول الليل بيجهزوا الدعاية .. ويصلوا ويدعوا ربنا .. شكلهم فعلا ما ناموش .. يصَـحّى إبليس
أبو جهل – إصحى يا جدع انت .. اصحى .. أصحاب محمد تحت اهم
إبليس – فيه ايه يا أخي ؟؟ .. بتصحيني من عز النوم ليه
أبوجهل – أصحاب محمد تحت أهم .. بص شكلهم عامل ازاي .. دول شبه اللي كانوا عندنا في مكة بالضبط .. اعمل أي حاجة .. هتسيبهم كده
إبليس – اطمن انت بس .. مش قلت لك كل شيء محسوب حسابه .. نام انت والصباح رباح
أبو جهل – أنام ازاي .. بص بيسلموا على بعض ازاي .. دول شكلهم بيحبوا بعض أوي .. انت ازاي سايبهم كده .. ؟؟ .. انا هاخد السيف وانزل لهم
ابليس – سيف ايه بس بلاش فضايح .. سيبهم لي وانا هاتصرف .. انت تتفرج بس .. نام بقى
أبو جهل – طيب هانام .. أما نشوف آخرتها


وخلينا سوا نشوف آخرتها الحلقة الجاية ان شاء الله .. ابقوا معنا

[ابو شدا]

رد: ((يوميات ابليس بيه وابو جهل))

بارك الله فيك اخي الحبيب الارسول الله
متابع

[راجي رحمة الله]

رد: ((يوميات ابليس بيه وابو جهل))

أيه موضوع حقوق البث دي
ده كده هدفع كتير قوي لأن الموضوع حاز على شعبية جارفة
بارك الله فيك

[أبوحمزة]

رد: ((يوميات ابليس بيه وابو جهل))

جزاك الله خيراً ... متابع يا جميل

[العابدلله]

رد: ((يوميات ابليس بيه وابو جهل))

يلا يا عم راجى تقل جيبك وخليك ادها .

احنا عارفين انك تقدر عليها.

الله يباركلك ادفع واحنا معاك هنتفرج عليك وانت بتدفع ..

اى خدمة


جزاك الله خيرا اخى الحبيب الا رسول الله ..

وما تتنازلش عن حقوق البث لان راجى هو اللى هيدفع




.. واسأل الله ان يحبك اخى الحبيب ابو شدا . اعزك الله

[ابو شدا]

رد: ((يوميات ابليس بيه وابو جهل))

بارك الله فيك اخى عابد ونفعنا بكم

منتظرين من الصبح أخى الارسول الله

أين الحلقة بارك الله فيك

[الا رسول الله]

رد: ((يوميات ابليس بيه وابو جهل))

يلا يا عم راجى تقل جيبك وخليك ادها .

احنا عارفين انك تقدر عليها.

الله يباركلك ادفع واحنا معاك هنتفرج عليك وانت بتدفع ..

اى خدمة

جزاك الله خيرا اخى الحبيب الا رسول الله ..

وما تتنازلش عن حقوق البث لان راجى هو اللى هيدفع

اذا كان الامر كده حيدفع كثيييييييييييير وخصوصا الحلقات الاخيرة
انت فين يا راجي عايز الفلوس كاش وب الدولار
بارك الله فيك اخي العابد على المرور الطيب

[الا رسول الله]

رد: ((يوميات ابليس بيه وابو جهل))

جزاكم الله خيرا اخواني الراجي و ابو حمزة ابو شدا والعابد على المرور المتميز الي نور الموضوع كله
احبكم في الله

[الا رسول الله]

رد: ((يوميات ابليس بيه وابو جهل))

بارك الله فيك اخى عابد ونفعنا بكم

منتظرين من الصبح أخى الارسول الله

أين الحلقة بارك الله فيك

وفيكم بارك اخي الحبيب
الحلقة ستنزل بعد قليل اسف على التاخير

[الا رسول الله]

رد: ((يوميات ابليس بيه وابو جهل))

نتركم مع فاصل قصير للاعلان تم نتابع الحلقة الخامسة