دورة صيانة المزربورد للمبتدئين(تم بحمد الله)

[Ayman_M]

رد: تعليم صيانة المزربورد للمبتدئين(متجدد - ان شاء الله)

الاستاذ الفاضل استاذ ايمن اشكر حضرتك على هذا الشرح الجميل من شخص عنده علم وحب للناس ارجو من الله ان يوفقك في امتحاناتك ونحن في انتظار باقي الشرح

مشكور على ردك وان شاء الله اكون قدرت اوصل معلومه :)

[Ayman_M]

رد: تعليم صيانة المزربورد للمبتدئين(متجدد - ان شاء الله)

السلام عليكم ورحمة الله وبركاته
بالنسبه لشحن البيوس بالمبرمجه
انا مقدرتش اعمله بنفسى زى كل الموضوعات السابقه
لكن الحمد لله فى شرح اكثر من رائع وسهل وسلس نقراه مع بعض
جارى رفعه ان شاء الله

[Ayman_M]

رد: تعليم صيانة المزربورد للمبتدئين(متجدد - ان شاء الله)

بالنسبه للناس المتابعه الموضوع
اعتزر عن التاخير لظروف خارجه عن ارادتى :)

[أم براءة]

رد: تعليم صيانة المزربورد للمبتدئين(متجدد - ان شاء الله)

السلام عليكم ورحمة الله وبركاته
أنا بدأت من فترة بتجميع الدروس كلها عشان أعمل مذكرة لكن ما استأذنت من حضرتك
هذا قمت به حتى الآن .. وعملت العملي وصورت صور لبورد عشان أبقى أعمل ملف آخر للعملي ـ خاص بي ـ لوحده
هذا هو الملف

ملخص صيانة المزربورد للمبتدئين

وإذا أذنتم لي أكمله وأرفعه لحضرتك الأسبوع القادم إن شاء الله تعالى حتى يتم رفع الجزء الأخير المتبقي والخاص بشحن البيوس.

[Ayman_M]

رد: تعليم صيانة المزربورد للمبتدئين(متجدد - ان شاء الله)

السلام عليكم ورحمة الله وبركاته
عليكم السلام ورحمة الله وبركاته
أنا بدأت من فترة بتجميع الدروس كلها عشان أعمل مذكرة لكن ما استأذنت من حضرتك
انا متزكر ان حضرتك طلبتى كده وطلبتى النشر ومذاكرة الموضوع مع صديقه وكنت قلت لحضرتك عادى جدا
هذا قمت به حتى الآن .. وعملت العملي وصورت صور لبورد عشان أبقى أعمل ملف آخر للعملي ـ خاص بي ـ لوحده
هذا هو الملف

ملخص صيانة المزربورد للمبتدئين
ماشاء الله شكر الله لك انا حاولت اعمله كده لكن انا مش محترف اوفيس ف ما شاء الله حضترك نسقتيه بطريقه افضل كتير مما كنت نسقته انا
وإذا أذنتم لي أكمله وأرفعه لحضرتك الأسبوع القادم إن شاء الله تعالى حتى يتم رفع الجزء الأخير المتبقي والخاص بشحن البيوس.
باذن الله وجارى نقل الداتا من الهادر القديم وان شاء الله انتهى من الموضوع كله فى خلال ايام

[Ayman_M]

رد: تعليم صيانة المزربورد للمبتدئين(متجدد - ان شاء الله)

الموضوع التالى منقول لانى معنديش مبرمجة شحن بيوس
المبرمجه سعرها من اول 800 جنيه مصرى
الى 2000 جنيه او اكثر وطبعا كل ما السعر بيذيد كل ما تكون المبرمجه والواقع اللى بنعيشه ان كل شئ اصبح منتج صينى

الخطوات شبه متطابقه من مبرمجه الى اخرى واحينا بيكون اختلاف بسيط جدا لكن ان شاء الله اللى هيفهم الموضوع ده هيكون الامر سهل عليه جدا
نبدا الموضوع من هنا
بسم الله
منقووووول
درس كامل عن دائرة شحن البايوس
..... MiniPro TL866 USB Universal EPROM FLASH








هى دائرة شحن تتميز بسرعتها العالية فى قراءة وشحن جميع شرائح البايوس الخاصه باللاب توب والماذربورد ,, تعمل هذه الدائرة عن طريق كيبُل الـUSB الذى يأتى معها وهو يمدها بالطاقه وناقل للبيانات فى نفس الوقت فلا تحتاج لمصدر طاقه خارجى كما تدعم هذه الدائرة حوالى 13.000 شريحه
..... أترككم مع الشرح المصور لها
فى البداية وقبل أى شئ عند شراء هذه الدائرة واستعمالها ولأول مره يجب عليك عمل Reflash Firmware للدائرة عن طريق البرنامج الخاص بها ويحتاج ان يكون جهازك متصل بالانترنت وهى عمليه لا تأخذ اكثر من دقيقة وإليكم شرح مصور لها
كما هو موضح فى الصورة نضغط على Reflash Firmware








بعدها تظهر لنا هذه الرسالة ثم نقوم بالضغط على Reflash ومن ثم نشاهد التحميل وهذه العملية نقوم بها مره واحده فقط عند اول استخدام للدائرة


والأن ننتقل لشرح مبسط للبرنامج الخاص بالدائرة
اذا كان البرنامج باللغه الصينية لديك وتريد اختيار الانجليزيه عليك باستخدام هذه القائمه أعلى البرنامج








كيفية أختيار بيانات شريحة البايوس فى البرنامج








1 – نضغط على الجزء المشار له بالسهم الازرق
2- يمكنك كتابة الرقم الموجود على الشريحه ليقوم البرنامج بالبحث عنه فى المكان المشار له بالسهم الأحمر

3 – او يمكنك اختيار نوع الشريحه من القائمه الصفراء
4 – بعد ذلك نقوم باختيار اسم الشركة المصنعه للشريحه من القائمه الخضراء وهو مدون عليها
5 – بعدها نقوم باختيار رقم الشريحه من القائمه الحمراء والضغط على كلمة Select
أو يمكنك استخدام خاصية الـ Auto Select 25

وهى خاصية تجعل الدائرة تقرأ بيانات الشريحه تلقائياً كما هو موضح فى الصورة
1 – نضغط على الايقونة المشار لها بالسهم الأزرق والتى تحمل رقم 25
2 – ثم نقوم بأختيار نوع الشريحه التى نريد العمل عليها ان كانت 8 pins او 16 pins
3 – ثم نقوم بالضغط على Detect

كما هو موضح بالصورة تمت قراءة بيانات الشريحه تلقائياً و الان نقوم بالضغط على كلمة Select
لمعرفة الـ ID الخاص بالشريحه نضغط على الايقونة الموضحه بالصورة

لقراءة الملف الموجود على الشريحة نضغط على الايقونة الموضحه بالصورة

لتأكيد ومقارنة القراءة نضغط على الايقونة الموضحه بالصورة

ونستخدم هذه الايقونة لحفظ الملف الذى تم قرائته


لحذف البيانات الموجوده على الشريحه نستخدم هذه الايقونة

لكتابة وشحن ملف على الشريحه نستخدم هذه الايقونة

ثم نقوم باختيار ملف البايوس من على الجهاز

وبعد ذلك نستخدم خاصية الكتابه

وهناك ثلاث مراحل للكتابة لا تأخذ اكثر من دقيقتين
المرحلة الأولى حذف البيانات الموجوده على الشريحة

المرحلة الثانية وهى الكتابة على الشريحة

واخر مرحلة تأكيد الكتابة

وهذه الرسالة تخبرنا بنجاح عملية الشحن




منقووووول

http://www.youtube.com/watch?v=FXtYK-50QXg#t=163

[Ayman_M]

رد: تعليم صيانة المزربورد للمبتدئين(متجدد - ان شاء الله)

للتذكير بعمل تحديث البيوس

سادسا شحن BIOS

حاليا لا يتوفر عندى الامكانيات انى اقوم بشرحى الخاص لشحن البيوس
فقمت بعمل بحث على بعض الفيديوهات التى وجدت بعضها ممتازه جدا فى الشرح واستفدت منها امور جديده

اولا تحديث البيوس

http://www.youtube.com/watch?v=gQ-0UiHLcMU

[أم براءة]

رد: تعليم صيانة المزربورد للمبتدئين(متجدد - ان شاء الله)

السلام عليكم ورحمة الله وبركاته
في بوردة معي Intel وبيظهر على كارت التيستر(الكارت عندي 4digit) أكواد غريبة مع إن جهود الدائرة تمام فمرة يظهر 00b1، ومرة AA00 فبشوف الكود اللي قبله بيكون كود رامات وبعد محاولات نزعت البطارية CMOS ونقلت الجامبر اللي جنبها وبعدين شغلتها ثم أعدت تشغيلها تاني اشتغلت وكانت بتغيب أوي لما أعمل Restart وظهرت أكواد أخرى زي 0002 و 0007، فسؤالي:
هو ممكن يكون البايوس فيه مشكلة تخلي الأكواد الغريبة دي تظهر، هو يكون السبب في مشكلة في الرامة.
ففعلا حاولات تطبيق درس تحديث البايوس لكني ما وجدت البايوس الخاص بالبوردة دي
ده شكل البوردة:


حتى أني أثناء البحث وجدتُ هذا الرابط يجمع الكثير من تحديثات لأنواع كثيرة من ال M.B
في الشغل عندنا جهاز شحن لكنه يختلف عن الموجود في الشرح حتى البرنامج الخاص به مختلف شوية .. أنا ما اشتغلت عليه، لكني رأيت الباشمهندس اشتغل عليه مرة واحدة أمامي.
ملحوظة بالنسبة لهذه البوردة: IC SB بتسخن بسرعة ... هذا الأمر عادي؟
وجزاااكم الله خيرا
وعذرا على الإطالة، ما عرفت أرفع صورة للبوردة كلها وصورت هذا الجزء فقط كتطبيق للعملي لدرس دائرة البروسيسور
وعذرا على الإطالة

[Ayman_M]

رد: تعليم صيانة المزربورد للمبتدئين(متجدد - ان شاء الله)

قبل البدء بقراءة المشاركه حاولى حضرتك تدوسى على اى سى sb ومحاولة تشغيل البورده لو اشتغلت كويس وحضرتك دايسه على الاى سى ولو قطعت تانى بعد ما ترفعى الضغط عن الاى سى (يعنى تشتغل بالضغط على الاى سى وتفصل بعدم الضغط )
كده العيب فى اى سى sb

السلام عليكم ورحمة الله وبركاته
عليكم السلام ورحمة الله وبركاته

في بوردة معي Intel وبيظهر على كارت التيستر(الكارت عندي 4digit) أكواد غريبة مع إن جهود الدائرة تمام فمرة يظهر 00b1، ومرة AA00 فبشوف الكود اللي قبله بيكون كود رامات وبعد محاولات نزعت البطارية CMOS ونقلت الجامبر اللي جنبها وبعدين شغلتها ثم أعدت تشغيلها تاني اشتغلت وكانت بتغيب أوي لما أعمل Restart وظهرت أكواد أخرى زي 0002 و 0007، فسؤالي:
هو ممكن يكون البايوس فيه مشكلة تخلي الأكواد الغريبة دي تظهر، هو يكون السبب في مشكلة في الرامة.
ممكن جدا خصوص ان البيوس بيعالج فى بداية تشغيل الجهاز البينات الموجوده زى الرامه والبروسيسور والفيجا وغيرها (لو حضرتك جربتى رامه تانيه وطلعت بنفس المشكله وبروسيسور وبور صبلاى ونفس المشكله يبقى شحن بيوس ان شاء الله )
ففعلا حاولات تطبيق درس تحديث البايوس لكني ما وجدت البايوس الخاص بالبوردة دي
ده شكل البوردة:



طيب هنا انا دخلت جوجل وكتبت
intel desktop board d915glvg/d915pldt


الصوره السابقه توضح نوع البورده ومكان كتابته

فتحت اول رابط وهو هنا
لا اله الا الله







الصور السابقه توضح تاريخ اخر نسخه للبيوس وان نفس التعريف ممكن يتسطب نوع بورده اخرى

حتى أني أثناء البحث وجدتُ هذا الرابط يجمع الكثير من تحديثات لأنواع كثيرة من ال M.B
الافضل خصوصا فى ملفات البيوس تكون من المواقع الرسميه المنتجه للبورده نفسه لتلافى اى اضرار لاقدر الله
في الشغل عندنا جهاز شحن لكنه يختلف عن الموجود في الشرح حتى البرنامج الخاص به مختلف شوية .. أنا ما اشتغلت عليه، لكني رأيت الباشمهندس اشتغل عليه مرة واحدة أمامي.
انا عن نفسى مشحنتش ولا مره بالمبرمجه لكن اعرف ان ليها اشكال كتير وبتخلتلف من نوع لاخر لكن الية العمل واحده ان شاء الله مع اختلاف طفيف
ملحوظة بالنسبة لهذه البوردة: IC SB بتسخن بسرعة ... هذا الأمر عادي؟
لو بيسخن بدرجة حراره عاليه اوى لدرجة انها ممكن تلسع فى اطراف الاصابع عند تحسس الحراره وبتفصل البورده بور يبقى اكيد الاى سى هو السبب فى المشكله كلها خصوصا لو نفتكر درس تشريح البورده ان اى سى sb مسؤل عن اى سى بيوس
وجزاااكم الله خيرا
وجزاكم الله مثله ويارب اقدر افيد على قدر ما تعلمته
وعذرا على الإطالة، ما عرفت أرفع صورة للبوردة كلها وصورت هذا الجزء فقط كتطبيق للعملي لدرس دائرة البروسيسور
وعذرا على الإطالة
مفيش اى مشكله اى استفسارارات حضرتك او المتابعين للموضوع يتفضلوا بيها

[أم براءة]

رد: تعليم صيانة المزربورد للمبتدئين(متجدد - ان شاء الله)

جزاكم الله خيرا
بالنسبة ل IC SB هي فعلا بتسخن لكن البوردة شغالة وعند القياس كما في تعلمت بالدروس فوجدتها تأكد تغذية الجهد من الرامات، لكن البوردة تعمل بدون الضغط عليها (يعني IC SB) والحمد لله.
فما أدري هل ارتفاع درجة حرارة ال IC SB أمر عادي في هذا النوع من البورد أم لا؟!

بالنسبة لتحديث Bios: قمتُ به.
وما جعلني أستعجل دون أن أبحث عن الموقع الرسمي للشركة لتحميل البايوس هو أني خفت أن تحدث مشكلة، كذلك أني كتبت فقط في البحث رقم البوردة دون أن أكتب قبله نوعها.
بارك الله فيكم ونفع بكم.

[Ayman_M]

رد: تعليم صيانة المزربورد للمبتدئين(متجدد - ان شاء الله)

جزاكم الله خيرا
بالنسبة ل IC SB هي فعلا بتسخن لكن البوردة شغالة وعند القياس كما في تعلمت بالدروس فوجدتها تأكد تغذية الجهد من الرامات، لكن البوردة تعمل بدون الضغط عليها (يعني IC SB) والحمد لله.
فما أدري هل ارتفاع درجة حرارة ال IC SB أمر عادي في هذا النوع من البورد أم لا؟!
هو طبيعى ان الاى سى يسخن لكن لو وصلت درجة سخونته لانه يلسع فى الايد كده اكيد فيه عيب انما لو سخونه عاديه مفيش مشكله (يعنى لو دافئ عادى او ردجة حراره فاتره)
بالنسبة لتحديث Bios: قمتُ به.
وما جعلني أستعجل دون أن أبحث عن الموقع الرسمي للشركة لتحميل البايوس هو أني خفت أن تحدث مشكلة، كذلك أني كتبت فقط في البحث رقم البوردة دون أن أكتب قبله نوعها.
بارك الله فيكم ونفع بكم
حضرتك طالما اللى هتعمليه من الممكن اعادة اصلاحه لو فسد ايه المشكله (وانا ماشى بكده) شرط انى اتعلم من اخطائى - انما لو فى مشكله عارف انى لو اخطأت ممكن اسبب ضرر دائم يكون الافضل تركها تماما والتدريب على بورد قديمه حتى لو هضطر اشترى بورده جديده وافكك كل حاجه فيها واركبها تانى بشرط انى اجرب واعرف هل اللى عملته صح ولا غلط لو وصلت للاحتراف خلاص الحمد لله ابدا اشتغل فى بورد الناس (يعنى مثلا تغيير قواعد البروسيسور والنورث بريدج والسوث بريدج سهل جدا على المحترفين لكن محتاج عدد وادوات للاسف نادر اوى وجودها فى مصر - انا عن نفسى دايخ على سنون مكواة اللحام المتعددة الاشكال لان مريحه جدا فى لحامات بعض الايسيهات مثل اى سى اى اووو و اى سى صوت
فى انتظار اى استفسارت ان شاء الله
و جزاكم الله خيرا
.

[أم براءة]

رد: تعليم صيانة المزربورد للمبتدئين(متجدد - ان شاء الله)

في الحقيقة، أي بوردة بشتغل فيها من الشغل (حكومي) وفي الغالب أما بيكون بايوس أو أي شيب أو قاعدة البروسيسور تستبدل على طول بأخرى جديدة بالرغم إن المفروض فعلا تتم الصيانة وإذا محتاجين أدوات نجيبها من الخارج وده هيوفر على الدولة أكيد ملايين .. فمتاح لي إني أجرب طالما البوردة أصلا كانت هستبدل .. اشتغلت خير وإما تستبدل.
وفعلا في بوردة عند صديقة لي كانت GigaByte أوريجينال الحديثة فأخوها فك الجهاز عشان ينظف البوردة فمع الأسف فك البروسيسور وكان بينظف بفوطة فشبكت في أسنان قاعدة البروسيسور وطبعا البوردة ما اشتغلت.. لكن الحمد لله البروسيسور سليم وأظن إن البوردة أيضا سليمة لكن المشكلة في تغيير قاعدة البروسيسور

وإن شاء الله معي بوردة أخرى Optec Processor:1.7 فشوفتها:
كود التيستر: 5C
قياس دائرة البروسيسور: الجهود تمام
IC NB سليمة
لقيت مكثف في مكثفات دائرة البرويسور عاوز يتغير .. وطبعا البوردة دي قديمة لكن بصراحة بتستحمل
إن شاء الله هخدها الشغل عشان أغير المكثفات بتاع دائرة البروسيور (اللي هي 6.3v -3300mf) لأن ما عندي هوت إير.. وأشوفها وأقول لحضرتك

[Ayman_M]

رد: تعليم صيانة المزربورد للمبتدئين(متجدد - ان شاء الله)

في الحقيقة، أي بوردة بشتغل فيها من الشغل (حكومي) وفي الغالب أما بيكون بايوس أو أي شيب أو قاعدة البروسيسور تستبدل على طول بأخرى جديدة بالرغم إن المفروض فعلا تتم الصيانة وإذا محتاجين أدوات نجيبها من الخارج وده هيوفر على الدولة أكيد ملايين .. فمتاح لي إني أجرب طالما البوردة أصلا كانت هستبدل .. اشتغلت خير وإما تستبدل.
وفعلا في بوردة عند صديقة لي كانت gigabyte أوريجينال الحديثة فأخوها فك الجهاز عشان ينظف البوردة فمع الأسف فك البروسيسور وكان بينظف بفوطة فشبكت في أسنان قاعدة البروسيسور وطبعا البوردة ما اشتغلت.. لكن الحمد لله البروسيسور سليم وأظن إن البوردة أيضا سليمة لكن المشكلة في تغيير قاعدة البروسيسور

وإن شاء الله معي بوردة أخرى optec processor:1.7 فشوفتها:
كود التيستر: 5c
قياس دائرة البروسيسور: الجهود تمام
ic nb سليمة
لقيت مكثف في مكثفات دائرة البرويسور عاوز يتغير .. وطبعا البوردة دي قديمة لكن بصراحة بتستحمل
إن شاء الله هخدها الشغل عشان أغير المكثفات بتاع دائرة البروسيور (اللي هي 6.3v -3300mf) لأن ما عندي هوت إير.. وأشوفها وأقول لحضرتك

الافضل لو فى مكثف تالف ومتوصل على التوالى (يعنى بيشتغل هو ومجموعة من المكثفات مع بعض يتم تغييرهم جميعا لان عند تلف احدهم يكون تحميل البورده علىا لباقى فالاداء بيقل للمكثفات وبالتالى بعد فتره من تغيير المكثف التالف ويحده فقط تتلف باقى المكثفات (القديمه اللى كانت سليمه وموجوده مع مكثف تالف )

[casper9679]

رد: تعليم صيانة المزربورد للمبتدئين(متجدد - ان شاء الله)

السلام عليكم
أخي هذا اول رد لي بالمنتدى وانا جديد عليكم
لكن الموضوع اكثر من رائع خلاني اسجل فيه لكي استفيد من خبراتكم الرائعة
دروس اكثر من رائعة جزاك الله خير الجزاء
________
عندي استفسار
هاي بتواجهني باغلب اعطال المذر بودر وبشكل كبير جدا
وعلى طول منغير مذر بورد :) لكن اذا فيه طريقه عندك اعرف المشكله بشكل سريع يا ريت تفيدني بدل ما اغير المذر والزبون يتحمل كامل التكلفه
...
العطل :-
بشتغل كل شي بالجهاز من بور سبلاي وسي بي يو ورام ومذر بورد لكن لا تخرج صورة نهائي ( للعلم الكرت الشاشة بلت ان - داخلي)
طبعا فحصت الرام باستبدال واحد جديد , فحصت السي بي يو باستبدال واحد جديد , فحصت البور باستبدال واحد جديد والمشكله مش منهم ..
فرغت البطارية , فرغت المكثفات على البورد , فصلت اي سي الروم وعملت شورت لكل الارجل تاعتها لمدة ساعة لكن على الفاضي ما اشتغلت ...
شو الحل اذا بقدر احدد نوع العطل بشكل سريع وابدله من المذر بورد ؟؟

[محمود شبح]

رد: تعليم صيانة المزربورد للمبتدئين(متجدد - ان شاء الله)

بسم الله اولا
انا سجلت في المنتدي علشان اشكرك بشدة لان الدورة دي فعلا انا كنت بدور عليها انا كنت بعرف الكترونيات بس ما كنتش عارف ابتدي ازاي والحمد الله انا زكرت الدورة كويس واشريت كل حاجة عن مجال الصيانة وطبقت نظري وعملي والحمد الله كانت نسبة النجاح في الاول 60 % حتي وصلت الي 90 % والفضل لله ثم لحضرتك وانا كنت عايز طلب منك صغير علشان ابتدي مشروع فتح مكتب صيانة (دورة عن الاب توب تكون زي كده ) وسط الشكر والتقدير للعضو ام براءة علي المجهود الرائع لتنسيق الدورة علي الورد ويا ريت ترسلني ودا ايميلي الخاص
وشكرا لحضرتك كتيررررررررررر