دورة صيانة المزربورد للمبتدئين(تم بحمد الله)

[MOHAMMED YEHIA]

رد: تعليم صيانة المزربورد للمبتدئين(تم بحمد الله)

هو حضرتك منين يا استاذ ايمن انا من طنطا لو كنت قريب منك كنت جبتلك بوردع لاب :)

[Ayman_M]

رد: تعليم صيانة المزربورد للمبتدئين(تم بحمد الله)

هو حضرتك منين يا استاذ ايمن انا من طنطا لو كنت قريب منك كنت جبتلك بوردع لاب :)

انا من المنصوره :d
ربنا يسهل قريب ان شاء الله استقر فى امور خاصه ان شاء الله وتلاقي الدوره اترفعت ان شاء الله
بص اصبر انت عليا شهر ونص شهرين بالكتير ان شاء الله
:]

[MOHAMMED YEHIA]

رد: تعليم صيانة المزربورد للمبتدئين(تم بحمد الله)

هو فى اجيال انتل الجديده الفيجا مدمج فى البروسيسور ؟

لو بغير موسفت رئيسلى فى دايرة بروسيسور مثلا ممكن اخد اى موسفت رئيسى فى دايرة بروسيسور تانيه لانه بيستقبل نفس الفولت ونفس البروسيسور بيشتغل عليه فاكيد بيطلع نفس الفولت ؟

[MOHAMMED YEHIA]

رد: تعليم صيانة المزربورد للمبتدئين(تم بحمد الله)

هو ممكن اقيس الفولت فى دايرة الn.b وال s.b الاقيه مظبوط ويبقى الايسى بايظ اقصد ic n.b او ic s.b ولو ده بيحصل ازاى هعرف اى واحد فيهم السبب لو البورده فاصله داتا :)

[Ayman_M]

رد: تعليم صيانة المزربورد للمبتدئين(تم بحمد الله)

هو فى اجيال انتل الجديده الفيجا مدمج فى البروسيسور ؟
الفيجا دايما مدمج مع الـ Nb دهة طبعا فى حالة الكارت الداخلى انما الطبيعى فى اى بروسيسور انه بيكون فيه جزئيه بتقوم بنفس بعمل كارت الشاشه لكن طبعا بيكون باقل كفاءه ممكنه
يعنى مثلا تفتكر الشاشه بتشتغل ازاى اصلا وتطلع بيانات علشان تنزل وندوز !!!! وانت لسه معرفتش كارت الشاشه


لو بغير موسفت رئيسلى فى دايرة بروسيسور مثلا ممكن اخد اى موسفت رئيسى فى دايرة بروسيسور تانيه لانه بيستقبل نفس الفولت ونفس البروسيسور بيشتغل عليه فاكيد بيطلع نفس الفولت
طالما نفس الاجيال توكل على الله وغير لكن اهم شء لو موسفت حمايه يتغير بموسفت حمايه زيه لو موسفت رئيسى يتغير برضو بموسفت رئيسى
؟

[Ayman_M]

رد: تعليم صيانة المزربورد للمبتدئين(تم بحمد الله)

هو ممكن اقيس الفولت فى دايرة الn.b وال s.b الاقيه مظبوط ويبقى الايسى بايظ اقصد ic n.b او ic s.b ولو ده بيحصل ازاى هعرف اى واحد فيهم السبب لو البورده فاصله داتا :)

بص يا محمد الاى سى لو بايظ والفولتات سليمه وده نادر لما بيحصل بتلمس الاى سى بايدك وتشوف درجة حرارته لو عاليه جدا او لو مبيسخنش اصلا وتقيس حرارته هو وعناصر الدايره
بالاضافه لان ممكن تلاقى الفولتات سليمه والحراره مظبوطه لكن فى زياده فى الفولت بنسبة1 صحيح مثلا كده يبقى فى عنصر كموسفت مثلا او مكثف مش شغال بكفاءه
انما لو الفولت سليم والحراره معقوله اشحن بيوس

[MOHAMMED YEHIA]

رد: تعليم صيانة المزربورد للمبتدئين(تم بحمد الله)

طيب هو يعنى ايه دواير تنظيم الجهد اصل كنت شوفت فيديو وقال فيه دوائر تنظيم الجهد مش فاهم قصده ايه بيها

[Ayman_M]

رد: تعليم صيانة المزربورد للمبتدئين(تم بحمد الله)

طيب هو يعنى ايه دواير تنظيم الجهد اصل كنت شوفت فيديو وقال فيه دوائر تنظيم الجهد مش فاهم قصده ايه بيها

والله يا اخى ما اعرف :D
هو ممكن تكون دائره من الدوائر ليها اسم تانى زى ما بيقولو على اى سى ال re generator ريجليتور
انت قدامك الدوره اهى مش سايب فيها اصلا اى دوائر ماتشرحتش الحمد لله

[MOHAMMED YEHIA]

رد: تعليم صيانة المزربورد للمبتدئين(تم بحمد الله)

والله يا اخى ما اعرف :Dهو ممكن تكون دائره من الدوائر ليها اسم تانى زى ما بيقولو على اى سى ال re generator ريجليتور انت قدامك الدوره اهى مش سايب فيها اصلا اى دوائر ماتشرحتش الحمد لله

طيب انا لو بورده فاصله داتا و البروسيسور لقيته بارد ايه الاحتمالات اللى عندى

[Ayman_M]

رد: تعليم صيانة المزربورد للمبتدئين(تم بحمد الله)

اولا :حط كارت التستر او البوست كارد وتابع الاكواد ولمبة ال reset
و باقى اللمبات

لو لمبة ال reset نورت وطفت تبقى دائرة البروسسور سليمه
لو منورتش خالص او منوره نور مستمر يبقى فى عطل فى الدائره

لو طلعلك 00-FF
فى عطل فى دائرة البروسيور
او محتاج تشحن بيوس

طبعا هتقيش موسفتات الدائره كلها
وتشوف الفولت طالع كام حسب نوع البروسيسور وهل فيه اى ذياده او نقصان

لو مش متاح عندك كارت تستر هتلجأ للحلول التقليديه اللى مجودين فى الدوره لو انت راجعتها :D

السلام عليكم ورحمة الله وبركاته
بسم الله الرحمن الرحيم
اخر جزئيه فى الموضوع كله هى جزئية تشخيص الاعطال

وفيها نتناول عدة خطوات متبعه عند اعطال البور او الداتا
نتبع كل خطوه ثم التاليه لها ثم التاليه وهكذا حتى نصل لسبب العطل
طبيعى انى انتقل من خطوه للتانيه لما تكون الخطوه الاولى سليمه ان كانت سليمه اتبع الخطوه التاليه لها


اولا تشخيص اعطال البور

1.تنظيف جيد للبرده
2.فحص عينى جيد للبرده
3.استبدال اى عنصر تالف بعد الفح العينى
4.نزرع cpu - ram - و اى كارت خارجى على البرده
5. التاكد من فولت بطارية السيموس ويكون 3 فولت
6.التاكد من الوضع الصحيح لجمبر السيموس
7.عمل قفله على كريستاله date time بطرفى الجفت ومحاولة تشغيل الجهاز
8.نزع سوكت atx12 الخاص بدائرة البروسيسور
9.قياس الفولتيات فى دائرة psw او البور سوتش اذا كان فلوتات الدائره سليمه نلمس جميع الايسيهات ونتحسس حرارتها
10.عمل قفله بين الاخضر والاسود فى البور صبلاى وتشغيل الجهاز وتحسس جميع ايسيهات البرده للحراره
11. قياس فولتات جميع الدوائر على البرده واى عجز فى اى دائره يكون المتسبب فى العطل
12.الضغط على اى sb وتجربه تشغيل البرده
13.الضغط على اى سى nb وتجربة تشغيل البرده

ثانيا تشخيص اعطال الداتا

1.تنظيف جيد للبرده
2.فحص عينى جيد للبرده
3.استبدال اى عنصر تالف بعد الفحص
4.استبدال ال ram - cpu - بور صبلاى
5. عمل كلير سيموس
6. تركيب كارت تيستر ومتابعة الاكواد
7.قياس فولت جميع الدوائر
8. شحن بيوس
9. الضغط على اى سى nb و sb


فى انتظار اى استفسار ولكن ارجو منكم مراجعه كافة الدروس قبل الاستفسار او على الاقل الجزئيه المتعلقه بالسؤال المستفسر عنه

[bermol]

رد: تعليم صيانة المزربورد للمبتدئين(تم بحمد الله)

اللهم صل على خير خلقك محمد عليه الصلاه و السلام

[Ayman_M]

رد: تعليم صيانة المزربورد للمبتدئين(تم بحمد الله)

عليه افضل الصلاة و التسليم

[MOHAMMED YEHIA]

رد: تعليم صيانة المزربورد للمبتدئين(تم بحمد الله)

هو انا لو عندى بورده فاصله باور وشيلت atx12 وفضلت برضو فاصله فى احتمال انها تكون من vrm ؟

[Ayman_M]

رد: تعليم صيانة المزربورد للمبتدئين(تم بحمد الله)

هو انا لو عندى بورده فاصله باور وشيلت atx12 وفضلت برضو فاصله فى احتمال انها تكون من vrm ؟

بص يا محمد
مبدئيا اللى مسئول انه يغذى دائرة البروسيسور بالفلولتيات هو كابل ال atx 12
حتى ال vrm بيتغذى منه تغذيه مباشره بمعنى ان الفلوت رايح من الكابل عليه علطول وانت فصلت الكابل وقطعت كل التغذيه عن الدائره (يعنى كأنها مش موجوده اصلا على سطح البرده) فلو فصلت منك تانى يبقى كده العيب عندك مش عيب من دائرة البروسيسور
فانت بتبدأ تمشى بالخطوات اللى قلناها اخر مره :) ولو مفيش اى اعطال ظاهريه على البرده ركب كارت التستر وحس بايدك حرارة الايسيهات على البرده وشوف اكيد هتلاقى واحد فيهم بيسخن جدا
ده طبعا بعد ما تكون رفعت اى كروت خارجيه من على البرده
و طبعا تشتغل ب بور صبلاى نضيف مش الشعبى ده بالنسبه لشغلك انت كفنى صيانه لانه هيساعدك اكتر فى اعطال الداتا
لو مفيش اى من الايسيهات حرارتها مرتفعه يبقى قيس كل دوائر البرده فولت

[garret]

رد: تعليم صيانة المزربورد للمبتدئين(متجدد - ان شاء الله)

السلام عليكم

الموضوع والله جميل ومفيد ويبدو اني قد حضرت للمنتدى متأخر بعض الشيء
لكن نحمد الله
ولي اقتراح قد ينفع الله به مستفيدين اكثر عبرك
ماذا لو قمت بعمل هذا الموضوع في ملف PDF - لحماية الفكر - او Word - اذا كنت مهتم بالحجم -
وقمت برفعه ... على الصفحة

جزاك الله خير ونفع بك