دورة صيانة المزربورد للمبتدئين(تم بحمد الله)

[tarekmohmed]

رد: تعليم صيانة المزربورد للمبتدئين(متجدد - ان شاء الله)

الأســتاذ / أيمن ..
السلام عليكـم ..
كلنا في انتظار دروسك القيمة
لو أمكن تعرفنا ميعاد الدرس القادم متى ؟

[Ayman_M]

رد: تعليم صيانة المزربورد للمبتدئين(متجدد - ان شاء الله)

الأســتاذ / أيمن ..
السلام عليكـم ..
عليكم السلام ورحمة الله وبركاته
كلنا في انتظار دروسك القيمة
لو أمكن تعرفنا ميعاد الدرس القادم متى ؟
الله يحفظك .. ان شاء الله اما اليوم او غدا ان شاء الله

[Ayman_M]

رد: تعليم صيانة المزربورد للمبتدئين(متجدد - ان شاء الله)

السلام عليكم ورحمة الله وبركاته

تابع
-------------------------------------------------------------
رابعا :الدوائر الكهربيه
سنقوم بدراستها ان شاء الله تعالى على الترتيب التالى كل دائره على حده
(دائرة cpu - دائرة ram - دائره nb - دائرة sb - دائرة psw - دائرة audio)

.................................................. ................................................
ثانيا :دائرة الرامات

قبل ان نتعلم طريقة قياس دائرة الرامات على المزر بورد علينا تعلم انواع الرامات نفسها والفولت الخاص بكل رام على حده

ما تم اصداره حتى الان هو اربعة انواع من الرامات
وقد بدات اجيال الرامات بنوع SDRAM وتلاها DDRAM وتلى ذلك DDRAM 2 واخر ما تم اصداره DDRAM3

فولتات اجيال الرامات

SDR = 3.3 V
DDR1 = 2.5 V
DDR2 = 1.8 V
DDR3 = 1.5 V



-----------------------------------------------------------------
وطبعا مع التطور السريع اللى بتشهده تلك الصناعه انواع ال SDR انقرضت
DDR موجوده لكن مش بالكم الملحوظ
اكثر البرود الحاليه DDR2 وممكن يكون فيها سوكت DDR3
اما البرد الجديده كلها DDR3
--------------------------------------------------------------------------
بتبدا عندنا تغزية دائرة الرمات من كابل ATX 20
(الكابل الكبير)



وفى نوعين لتغزية الدائره بالفولت
كل شركه وحسب ما هيا عاوزه

عندنا اللى بيبدا من السلك البرتقالى يارب يكون حد فاكر بيطلع كام فلوت


3.3 فولت

او الكابل الاحمر وبيطلع 5.5 فولت

دائرة الرمات على وجه الخصوص بتحتاج خبره ف قياس الفولت لسبب واحد
ان دائرة الرامات شكلها بيتغير من بروده لبورده

يعنى على سبيل المثال

الاتى عدة اشكال على سبيل المثال لا الحصر لشرح سريان الفولت فى الدوائر المختلفه



شكل رقم 1

ويعتبر من اشهر واكثر اشكال دوائر الرمات شيوعا





زى ما احنا شايفين فى الدائرة
بتبدا التغزيه سواء كانت من 3.3فولت او 5.5 فولت
وبعدها يمر التيار على ملف ومكثف وكالعاده مهمتهم تنعيم التيار
سريان التيار غير مختلف عن دائرة البروسيسور
لو متابع معانا هتلاقى الموضوع سهل جدا ان شاء الله


الشكل رقم 2

بنلاحظ فيه هنا لو فاكرين النوع الثانى من الموسفتات وهو النوع موجب القناه
PCH
الشكل ده مشهور فى دوائر GIGABYTE
غالبا فى البرد القديمه




الشكل رقم 3

وده يعد اسوا دائره ممكن تقابلها فى اى بورده وطبعا زى ما احنا عارفين ان المستورد مبيهمهوش جودة اللى بستورده - الا من رحم ربى
الدائرة زى ما احنا ملاحظين مفيش اى حاجه تحميها من اى زياده فى التيار
وغالبا الكل ده بيكون موجود فى البرود MSI
علشان كده بننصح اى حد بيشترى سواء صاحب محل او واحد جاى يشترى بورده او انت بتشتريها لنفسك بص على دائرة الرامات
ولو معندكش الخبره اوعى تشترى MSI






يتبع ان شاء الله
القسم الثانى قياس دائرة الرامات فولت

[tarekmohmed]

رد: تعليم صيانة المزربورد للمبتدئين(متجدد - ان شاء الله)

شرح أكثر من رائع أستاذ أيمن
جزاك الله خيراً

[Ayman_M]

رد: تعليم صيانة المزربورد للمبتدئين(متجدد - ان شاء الله)

شرح أكثر من رائع أستاذ أيمن
جزاك الله خيراً

الله يكرمك ويحفظك لو عندك اى اساله يا استاذ طارق اسال وان شاء الله استطيع الاجابه
وادخل اتفاعل ف باقى اقسام المنتدى هتقابل حاجات كتير هتعجبك ان شاء الله بس اقرا القوانين الاول :)

[Ayman_M]

رد: تعليم صيانة المزربورد للمبتدئين(متجدد - ان شاء الله)

السلام عليكم ورحمة الله وبركاته

تابع
-------------------------------------------------------------
رابعا :الدوائر الكهربيه
سنقوم بدراستها ان شاء الله تعالى على الترتيب التالى كل دائره على حده
(دائرة cpu - دائرة ram - دائره nb - دائرة sb - دائرة psw - دائرة audio)

.................................................. ................................................
ثانيا :دائرة الرامات
القسم الثانى : قياس دارة الرامات فولت

احنا ممكن نقيس فولت دائرة الرامات باكثر من طريقه


1.قياس الفولت على عناصر الدائره
2.قياس الفولت على بنك الرامات
3. قياس الفولت من على الرامه نفسها

اولا قياس الفولت على عناصر الدائره
ولو رجعنا هنا لصور شرح سريان التيار فى الدائره هنلاقى الموضوع سهل

يعنى مثلا اول ملف لما نقيه هنلاقى عليه الفولت 5.5او 3.3
اللى هو L1

نفس الفولت هنلاقيه على المكثف اللى بعده c1

بعد كده يدخل الفلوت على DRAIN الموسفت الرئيسى ويحول الفلوت حسب نوع بنك الرامات او حسب نوع الرامه
لكن طبعا بيعدى على موسفت فرعى مره تانيه وبعدين يمر باخر مرحله من مراحل تنعيم التيار وبعدين يدخل على بنك الرامات

لو لاحظنا هنا هنلاقى ان الدائره الموجوده فى البورده مختلفه عن الدوائر فى دوائر شرح التيار
لكنه هنا مزود 2 دايود
وفى النوع ده من الدوائر اغلب اعطاله بتكون بسبب ال2 دايود والموسفت درايفر الى جمبهم
بالاضافه لان الموسفت الفرعى موصل تيار من SOURCE الى بنك الرامه
وهيظهرلنا فى القياس ان شاء الله



و زى ما اتعلمنا فى دائرة البروسيسور
انا عرفت منين مكان Q1
Q1
L1
C1

وغيره
يبقى احنا نقيس الدائره قياس فولت ونقيس العناصر الموجوده عندنا فى الدائره علشان نوصل

طريقة قياس دائرة الرامات فولت
كما تعودنا
1.ضبط الافور على 20 فلوت ثابت وتوصيل ارضى الافور بارضى البور صبلاى

2.تشغيل البروده بور

3.نضع طرف الافو الاحمر على DRAIN الموسفتات للتأكد من وصول الفلوت من ATX 20 الى الدائره ويكون اما 3.3او 5.5 فولت لا يقل ولا يزيد بواحد صحيح






4.نبدا بقياس SOURCE الموسفتات ونجده يخرج الفلوت الخاص بالرامات





(طيب انا اعرف منين الفلوت الخاص بالرامات)
؟؟؟
اغلب البرود بتكون كاتباه على بنك الرامات او على البروده نفسها جمب بنك الرامات



5.بعد كده نبدا نتاكد ان الفولت واصل لبنك الرامات عن طريق قيامنا بقياس البنات فى بنك الرامات






لازم نلاقى ثلاث انواع للفولت
واحد بيكون 1.2 او اقل
والتانى بيكون 3.3
والثالث اكيد بيكون فولت الرامه(وطبعا بيختلف من نوع للتانى سواء DDR,DDR2,DDR3

طيب الفولتات الزياده دى ايه فائدتها !!!
علشان نعرف
يبقى لازم نبص بصه على الرامه نفسها

هنلاقى عندنا اى سى صغير وبيكون اسمه اى سى السوفت
وده اللى بياخد 3.3 فولت



واى سى كبير الى هوا بيكون منتشر على الراماات
وده بياخد 1.2 او 98. فولت او اقل بشويه لكن ميوصلش
لــ 30. فولت مثلا
اى سى المساحه





ومن هنا نعرف طريقة قياس الفلوت على الرامه نفسها

اولا اى سى السوفت ليه 8 رجول وبنقيس الفولت على اول رجل سواء عاليمين او الشمال حسب وضع الاى سى على الرامه قدامكم

ثانيا اى سى المساحه
اى مكثف فايبر بيكون موجود جمب اى المساحه نقدر نقيس الفولت عليه

ثالثا
عندنا مكثف فايبر تانى وده اللى بيكون ظاهر عليه فولت الرامه
ممكن تلاقيه فى نص الرامه وممكن يكون ف اى مكان تانى عالرامه




---------------------------------------------------
اعطال دائرة الرمات
ممكن تقطع بور وممكن تقطع داتا
لكن ازاى اعرف ان العطل من الرامات
اولا ممكن تسمع صوت سماعة الSPEAKERالخاصه بالاعطال
ثانيا قياس الدائره فولت يكون فيه عجز بمعنى انه يكون اقل من المفروض

ثالثا عن طريق كار التستر
فمثلا بتكون الاكود (من C1:C8 - D0:D8 - DD - EE - E1 - E0 - EF -..........)
الاكواد كتير دول اغلبهم

طريقة الصيانه
احنا عرفنا ان الاتربه ممكن تكون هيا السبب فى توقف عمل البورده
ف اول خطوه لينا دايما فى الصيانه هى تنظيف جيد للبروده
وتانى خطوه الفحص العينى
وهنا هنزود تنضيف الرامه نفسها

لو الجهاز لم يعمل

نقوم باستبدال الرامه باخرى

لو لم يعمل نقيس فولتات الدائره
لو سليمه
نقيس الفولت على الرماه نفسها
لو سليمه وبردو الجهاز لا يعمل

يبقى احنا كده فولتات الدائره كلها سليمه
لكن بردو بيطلعلنا كود رامات على كارت التستر

نتبع الاتى
عمل CLR SIMOS
(هنشيل الحجاره ونلمس الطرف الموجب والسالب فى البروده باى معدن)

لو لم تعمل
نقوم بشحن BIOS
(سوف ندرسه بالتفصيل)
لو لم تعمل بيكون التلف من
IC NB
ساعتها نقوم بالضغط عليه بايدينا ومحاولة تشغيل البروده
لو اشتغلت يبقى العيب منه
ممكن نسخن عليه
لو ماشتغلتش
(استنى لما ناخد دائرة NB )
:D
وتغيره بيتطلب حرفيه عاليه اوى واجهزه خاصه
وطبعا قبل اى شغل لحامات فى البروده نعرف العميل
وقبل شحن الBIOS نعرف العميل
واهم مرحله لو وصلنا لان العيب موجود فعلا فى اى سى NB
لازم العميل يعرف ان البروده كده فى حكم الميته
ممكن تشتغل وممكن لا



تم الانتهاء من دائرة الرمات وفى انتظار التحضير للجزئيه القادمه
الله المستعان

[أم براءة]

رد: تعليم صيانة المزربورد للمبتدئين(متجدد - ان شاء الله)

السلام عليكم ورحمة الله وبركاته
عذراً على التأخير في طرح الأسئلة
* بالنسبة لقياس جهود الخرج للـ Power Supply
حضرتك ذكرت قياس السلك البنفسجي قبل التشغيل .. كيف؟
هل حضرتك تقصد بعد تشغيله ثم إيقافه يعطي قيمة الجهد (5 فولت) والتي هي تفريغ شحن مكثفات دائرة التوحيد (Rectifier) .. وإلا فكيف يعطي جهد قبل تشغيله؟!
هل إذا أعطى جهد فإن ال Power Supply صالح بالضبط مثل نقيس المقاومة الداخلية؟

* بالنسبة للمكثفات على الـ Mother Board
المكثفات الكيميائية قد يظهر عليها فعلا التلف إما بالإنتفاخ ونحوه لكن قد يكون شكل المكثف سليم لكن هو في الحقيقة تالف .. فما هي الطريقة الصحيحة لقياس قيمة المكثف الكيميائي؟
كذلك بالنسبة للمكثفات الغير قطبية .. فكيف أعرف أنها تالفة؟

*آخر شيء حتى لا أثقل على حضرتك بالأسئلة
بالنسبة للمقاومة على البوردة
طريقة القياس: أنها إذا كانت تالفة تعطي صوت صفارة في الاتجاهين أو لا تعطي قراءة أو صفارة، وإذا كانت صالحة تعطي قراءة أو صفارة في اتجاه واحد... هذا ما فهمته.. صحيح؟

وجزاكم الله خيرا

[Ayman_M]

رد: تعليم صيانة المزربورد للمبتدئين(متجدد - ان شاء الله)

السلام عليكم ورحمة الله وبركاته
عليكم السلام ورحمة الله وبركاته
عذراً على التأخير في طرح الأسئلة
* بالنسبة لقياس جهود الخرج للـ Power Supply
حضرتك ذكرت قياس السلك البنفسجي قبل التشغيل .. كيف؟
احنا علشان نشغل البور صبلاى لازم نعمل قفله بين الاخضر والاسود
تمام
احنا دلوقتى هنقيس من غير ما نشغل البور صبلاى ومش نعمل قفله بين الاخضر والاسود
كل الى هنعمله
ان احنا نوصل البور صبلاى بالكهرباء
ونوصل ارضى الافو بارضى البور صبلاى
ونوصل السلك الاحمر(الخاص بالافوميتر) بالسلك البنفسجى هنلاقى الافو مطلع 5 فولت
(طبعا الافو هنظبطه على القياس فولت 20 ثابت)
مجرد اننا نوصل البور صبلاى بالكهرباء بيظهر وجود فولتات على بعض الاسلاك منها السلك البنفسجى والاخضر
اما عن باقى القياسات فلا يكون لها اى وجود قبل عمل القفله وتشغيل البور صبلاى زى السلك الاحمر والاصفر والبرتقالى مثلا
هل حضرتك تقصد بعد تشغيله ثم إيقافه يعطي قيمة الجهد (5 فولت) والتي هي تفريغ شحن مكثفات دائرة التوحيد (Rectifier) .. وإلا فكيف يعطي جهد قبل تشغيله؟!
هل إذا أعطى جهد فإن ال Power Supply صالح بالضبط مثل نقيس المقاومة الداخلية؟
البور صبلاى يكون صالح اذا ماكانت قياسات خرج الفولت التى زكرت سابقا لا تزيد ولا تقل بواحد صحيح
يعنى مثلا الكبل الاصفر يطلع 12 فولت
لو طلع 13 او 11 فولت
يبقى البور صبلاى بايظ
ممكن يكون فى مكثف داخل البور صبلاى او مقاومه او اى عنصر من العناصر الموجوده داخل البور صبلاى
طبعا لو بور اوريجنال هنغير اى عنصر تالف لو من العادى الموجود فى السوق يبقى نجيب واحد جديد وخلاص

* بالنسبة للمكثفات على الـ Mother Board
المكثفات الكيميائية قد يظهر عليها فعلا التلف إما بالإنتفاخ ونحوه لكن قد يكون شكل المكثف سليم لكن هو في الحقيقة تالف .. فما هي الطريقة الصحيحة لقياس قيمة المكثف الكيميائي؟
ضبط الافو على وضع الصفاره
لو سليم :يعطى قراءه على الافو
لو تالف: يعطى صوت صفاره فى اى اتجاه من الاتجاهين
كذلك بالنسبة للمكثفات الغير قطبية .. فكيف أعرف أنها تالفة؟
المكثفات الفايبر او السيراميك تقاس بنفس طريقة المكثفات
لكن يراعى عند قياسها ما اذا كانت الصفاره مستمره ام تمتد الى بضع ثوان ثم تتوقف
(احيانا الافو هيعطى صفاره ويقعد يعد ارقام لغاية ما يوصل لصفر والصفاره تقف) بيكون كده سليم
شرط كى يكون تالف ان تكون الصفاره مستمره
*آخر شيء حتى لا أثقل على حضرتك بالأسئلة
بالعكس اى اسئله حضرتك اساليها وان شاء الله يكون عندى الجواب
بالنسبة للمقاومة على البوردة
طريقة القياس: أنها إذا كانت تالفة تعطي صوت صفارة في الاتجاهين أو لا تعطي قراءة أو صفارة، وإذا كانت صالحة تعطي قراءة أو صفارة في اتجاه واحد... هذا ما فهمته.. صحيح؟
مظبوط..و للتوضيح انها لو اعطت قراءه فى الاتجاهين سليمه
ولو اعطت قراءه فى اتجاه والاتجاه الاخر اعطى صفاره وقراءه سليمه

تالفه فى حالة ما اعطى الافو صوت صفاره فى الاتجاهين
او لم تتغير شاشة الافو فى الاتجاهين وظلت متوقفه على رقم 1
وجزاكم الله خيرا

[أم براءة]

رد: تعليم صيانة المزربورد للمبتدئين(متجدد - ان شاء الله)

احنا دلوقتى هنقيس من غير ما نشغل البور صبلاى ومش نعمل قفله بين الاخضر والاسود
كل الى هنعمله ان احنا نوصل البور صبلاى بالكهرباء .....

تمام .. ما انتبهت إننا نوصله بالكهرباء ونقيس بدون عمل قفلة.
وبعدين نعمل قفلة ونقيس باقي الأسلاك .. زي ما حضرتك وضحت.

(احيانا الافو هيعطى صفاره ويقعد يعد ارقام لغاية ما يوصل لصفر والصفاره تقف) بيكون كده سليم .. شرط كى يكون تالف ان تكون الصفاره مستمره

فعلاً، لأن معي هاردين فحبيت أطبق قياس المكثفات في هارد منهم فوجدت الأفو بيعطي صفارة ويعد أرقام لحد ما وصل للصفر فجربت في كل المكثفات "الغير قطبية" فوجدت نفس الشيء قلت مش معقول تكون كل المكثفات بايظة فحبيت أتأكد من كده .. لكن الميديا بتاعته بايظة
لكن الهارد التاني لقيت مكثف في البوردة ما بيعطي صفارة خالص، والميديا سليمة
فنقلت بوردة الهارد الأول السليمة مع ميديا الهارد التاني .. واشتغل تمام.
فلما رأيت إجابة الأسئلة تأكدت

طيب .. سؤال بالنسبة للرامات، ثم أرجع مرة أخرى للباقي العناصر على البوردة .. لكن أما أطبق وبعدين أسأل إن شاء الله.
بيظهر على كارت التيستر أحيانا كود ويتغير بسرعة يعني مثلا a1 ويقلب بسرعة d2 وهكذا، فلما أركب رامة تانية يشتغل الجهاز .. فتكون الرامة نفسها هي التالفة؟
أيضاً .. ظهر معي كود 38 ومرة أخرى 39 فوجدت في الحالتين بالتجربة -طبعا- إنه رامات.

وجزاكم الله خيرا

[Ayman_M]

رد: تعليم صيانة المزربورد للمبتدئين(متجدد - ان شاء الله)

تمام .. ما انتبهت إننا نوصله بالكهرباء ونقيس بدون عمل قفلة.
وبعدين نعمل قفلة ونقيس باقي الأسلاك .. زي ما حضرتك وضحت.
اهم حاجه اى تعامل مع اى اجهزه كهربيه خصوصا الموجود بها مكثفات ننتظر 15 دقيقه فما اكثر قبل ما نفك ونلمس اى حاجه فى الاجهزه لان ممكن تكون فيها شحنه ولم يتم تفريغها
فعلاً، لأن معي هاردين فحبيت أطبق قياس المكثفات في هارد منهم فوجدت الأفو بيعطي صفارة ويعد أرقام لحد ما وصل للصفر فجربت في كل المكثفات "الغير قطبية" فوجدت نفس الشيء قلت مش معقول تكون كل المكثفات بايظة فحبيت أتأكد من كده .. لكن الميديا بتاعته بايظة
للاسف اننا نقدر نعمل غرف عازله علشان الاتربه ونقدر نتعامل فى الاجهزه الحساسه زى ميديا الهارد مش متوفر وبيتكلف جامد
لكن الهارد التاني لقيت مكثف في البوردة ما بيعطي صفارة خالص، والميديا سليمة
المكثفات الفايبر ممكن تتغير عادى بواحد نفس الحجم بس بتكون عاوزه تعامل جراحين خصوصا صغير الحجم منها
فنقلت بوردة الهارد الأول السليمة مع ميديا الهارد التاني .. واشتغل تمام.
فلما رأيت إجابة الأسئلة تأكدت
للامانه انا عندى معلومات عامه بسيطه عن الهاردات لكن لسه متعلمتش صيانتها بالكامل لكن اللى اعرفه عن موضوع تغيير البورده انها لازم تكون مطابقه لبرودة الموديل التالف علشان تتغير

طيب .. سؤال بالنسبة للرامات، ثم أرجع مرة أخرى للباقي العناصر على البوردة .. لكن أما أطبق وبعدين أسأل إن شاء الله.
بيظهر على كارت التيستر أحيانا كود ويتغير بسرعة يعني مثلا a1 ويقلب بسرعة d2 وهكذا، فلما أركب رامة تانية يشتغل الجهاز .. فتكون الرامة نفسها هي التالفة؟
المشكله ان الاكواد لكارت التستر كتيره فبمجرد ملاحظتنا لكود رامات او اى كود نعرفه
نقيس الدائيره بتاعته
وقبل ما نقيس طبعا نفحص البروده فحص عينى كويس اى مكثف او دايود اوى حاجه تالفه نغيرها الاول
وبعدين ننضف البورده
ونبدا زى ما حضرتك عملتى تغير الرامه لو الجدهاز اشتغل تمام ماشتغلش ابدا اقيس الدائره فولتات

لو حضرتك عاوزه تتاكدى كمان من تلف الرامه ركبيها فى الجهاز عادى جدا وقيسى الفولتات الموجوده على المكثفات الفايبر اللى جمب اى سى المساحه
وقيسى الفولت على اى سى السوفت
وفى مكثف فايبر هيكون عليه الفلوت بتاع الرامه (حسب نوعها)

لو ال3 موجودين كده الرامه سليمه وممكن يكون العطل من حاجه تانيه
(لسه لم يتم شرحها ممكن يكون شحن بيوس او اى سى نورث بريدج)
أيضاً .. ظهر معي كود 38 ومرة أخرى 39 فوجدت في الحالتين بالتجربة -طبعا- إنه رامات.
انا شخصيا وانا بتعلم محبتش انى اقيس بكارت تستر وكنت بقيس قولتات علطول وبقسم خطوات القياس علشان فكرة الاكواد الكتير
لكن فى كارت تستر نزل من فتره بشاشه ديجتال هو نفسه بيقول العطل سواء من بروسيسور او دائرة رامات بيزكر العطل بالتحديد على الشاشه (عامله زى شاشاة 3310 نوكيا من غير اكواد لكن سعره من 100 الى 150 جنيه
وجزاكم الله خيرا
وجزاكم الله مثله ونفع بكم

[Ayman_M]

رد: تعليم صيانة المزربورد للمبتدئين(متجدد - ان شاء الله)

تحذير

يراعى عن العمل على البورده الا يكون اسفلها اى شئ معدنى او موصل للكهرباء
لا تقم بلمس طرفين للموسفت مع بعضهما او لمس اكثر من طرف بسن واحد من الافو او الجفت
والكهرباء موصله للبروده

[Ayman_M]

رد: تعليم صيانة المزربورد للمبتدئين(متجدد - ان شاء الله)

ملخص بسيط لقياس العناصر

1.المقاومه
- تالفه :تعطى صفاره فى الاتجاهين او لا تعطى شيئا
- سليمه :تعطى قراءة او صفاره مع قراءه

2.الفيوز
تالف :لا يعطى صوت صفاره
سليم :يعطى صوت صفاره

3.الملف
- تالف : لايعطى شئ.
- سليم :صفاره متصله.

4.الدايود
- تالف: عند اعطاء قراءة فى الاتجاه المعاكس.
اذا لم يعطى قراءه.
اذا اعطى صوت صفاره فى اى اتجاه.
- سليم :الطرف الاسود على -k
والاحمر على + a
يعطى قراءه.

5.المكثف
- تالف : يعطى صفاره فى اى من الاتجاهين .
- سليم : يعطى قراءه.

6. الموسفت
- سليم :اسود على d واحمر على s يعطى قراءه.
اسود على d واحمر على g لايعطى شئ .
اسود على d واحمر على s صفاره متصله او صفاره مع قراءه ضعيفه.

7. الكريستاله
- تالفه : لو اعطت صوت صفاره
- سليمه : لو اعطت قراءه او لم تعطى شئ

[أم براءة]

رد: تعليم صيانة المزربورد للمبتدئين(متجدد - ان شاء الله)

لامانه انا عندى معلومات عامه بسيطه عن الهاردات لكن لسه متعلمتش صيانتها بالكامل لكن اللى اعرفه عن موضوع تغيير البورده انها لازم تكون مطابقه لبرودة الموديل التالف علشان تتغير

فعلاً البوردة نفس الموديل عشان كده الهارد اشتغل والحمد لله وأنا أيضاً معلوماتي محدودة في صيانة الهاردات.. وبالتجربة أتعلم إن شاء الله.

معلش سؤال في الرامات :
معي بوردة ـ قديمة شوية ـ ظهر على كارت التيستر كود: C5
فقمت بقياس الفولتات على البوردة نفسها وعلى الرامة (الرامة SDR ) الفولتات موجودة على IC سوفت
قمت بتنظيف الرامة وأيضا وما اشتغلت
عملت أيضا Clr CMOS وما اشتغلت

قمت بقياس جميع المكثفات على الرامة وجدت مكثفين لا يعطوا أي قراءة ولا صفارة (واحد بالقرب من IC سوفت وواحد ما بين فتحتي الرامة).. ممكن يكون هذا عطل الرامة؟
للأسف ما معي رامة أخرى لكن أحاول إن شاء الله.

لكن هل التسخين بالهوت إير على الرامة (على ICs الموجودة عليها أقصد) ممكن يشغل الرامة

أنواع البورد التي رأيتها هي: GigaByte و MSI و Foxcon فما أنواع البورد الأخرى كمعلومة .. مع الصور إن أمكن لكم ذلك.

ربنا ينفع بكم
ومنتظرين الدرس القادم إن شاء الله

[Ayman_M]

رد: تعليم صيانة المزربورد للمبتدئين(متجدد - ان شاء الله)

فعلاً البوردة نفس الموديل عشان كده الهارد اشتغل والحمد لله وأنا أيضاً معلوماتي محدودة في صيانة الهاردات.. وبالتجربة أتعلم إن شاء الله.
الله المستعان

معلش سؤال في الرامات :
معي بوردة ـ قديمة شوية ـ ظهر على كارت التيستر كود: C5
فقمت بقياس الفولتات على البوردة نفسها وعلى الرامة (الرامة SDR ) الفولتات موجودة على IC سوفت
قمت بتنظيف الرامة وأيضا وما اشتغلت
عملت أيضا Clr CMOS وما اشتغلت

قمت بقياس جميع المكثفات على الرامة وجدت مكثفين لا يعطوا أي قراءة ولا صفارة (واحد بالقرب من IC سوفت وواحد ما بين فتحتي الرامة).. ممكن يكون هذا عطل الرامة؟
للأسف ما معي رامة أخرى لكن أحاول إن شاء الله.
طيب حضرتك جربى تقيسى الفولتات على بنك الرامه نفسه لو الفولتات عليه سليمه يبقى العيب من الرامه

لو مش سليمه
يبقى نقيس فولتات الدائره كلها

بس حاولى حضرتك تغيرى الرامه بـ رامه تانيه

وفى الحاله دى لو ماشتغلتش تبقى محتاجه نشحن بايوس

ولو لا قدر الله بعد شحن البايوس بردومشتغلتش
بيكون العيب فى اى سى NB
وتغييره بيتطلب حرفيه عاليه وادوات خاصه

لكن هل التسخين بالهوت إير على الرامة (على ICs الموجودة عليها أقصد) ممكن يشغل الرامة

أنواع البورد التي رأيتها هي: GigaByte و MSI و Foxcon فما أنواع البورد الأخرى كمعلومة .. مع الصور إن أمكن لكم ذلك.
مشكلة المتسوردين هنا فى مصر ان احنا بنسترخص
وانواع البورد لا حصر لها
يعنى ممكن اى حد يعمل بورده فى الصين تكون خاصه بيه وتنـزل السوق تتباع
البرود دى بيتقال عليها بير سلم
لكن طبعا انضف انواع البرود
جيجا بايت او اسوس
والاحسن دلوقتى من شغل المستوردين
الاجهزه الاورجينال استيراد الخارج
بتكون احسن من العك بتاع المستوردين
الا من رحم ربى
وطبعا منتجاات شركة ابل لا غبار عليها لكن عندنا فى مصر المستهلك العادى ميقدرش يتحمل تكلفة جهاز ب 15 او 20 الف جنيه
ربنا ينفع بكم
امين يارب واياكم
ومنتظرين الدرس القادم إن شاء الله
ان شاء الله

[Ayman_M]

رد: تعليم صيانة المزربورد للمبتدئين(متجدد - ان شاء الله)

السلام عليكم ورحمة الله وبركاته

تابع
-------------------------------------------------------------
رابعا :الدوائر الكهربيه
سنقوم بدراستها ان شاء الله تعالى على الترتيب التالى كل دائره على حده
(دائرة cpu - دائرة ram - دائره nb - دائرة sb - دائرة psw - دائرة audio)

..................................................
ثالثا : دائرة NB او القنطرة الشماليه NORTH BRIDGE

بالنسبه الى هذه الدائره فلها اكثر من شكل لتغزيتها بالفولت:

1.اما مباشر من السلك البرتقالى ب 3.3 فولت.

2.او تكون من نفس فولت دائرة الرامات (اشهرهم 1.8فولت و 1.5 فولت).

3. او من نفس فلوت دائرة ال SB
(1.5V - 1.6V - 1.8V )
وهذه التغزيه غير منتشره بالدرجة الملحوظه

اذا فبداية الدائره ستكون من احد الاشكال السابقه ثم يذهب الفولت الى DRAIN الموسفت

تابع الرسم التوضيحى







اظن دائره سهله

قياس الدائره فولت

احنا طبعا خلاص اتعودنا هنقيس فولت يبقى نوصل البورده بالبور صبلاى ونشغلها ونوصل الطرف الاسود من الافو باى اسود فى البور صبلاى
ونمشى بالطرف الاحمر على نقاط القياس


اولا DRAIN الموسفت وهنا ظهر انه من نفس تغزية دائرة الرمات




تانى خطوه قياس SOURCE الموسفت



(لو فاكرين الموسفت ده موجود فى دائرة البروسيسور كمان )



وبعدين نقيس المكثف من ضهر البرده







ملاحظات
اذا كانت تغزية DRAINموسفت الNB من دائرة الرامات
تكون كذلك تغزية SB من دائرة الرامات

اذا كانت كل عناصر دائرة NB سليمه
و SOURCE الموسفت يخرج فولت ضعيف نتبع الاتى

نقوم برفع SOURCE الموسفت عن البورده
ونقوم بقياس الفولت عليه
لو طلع 1.2 فولت
بيكون العيب فى النورث بريدج وهو المتسبب فى العطل

لو طلع غير سليم واقل من 1.2
بيكون العيب اما من الموسفت
او الموسفت دريفر
فنقوم بفك الموسفت وقياسه لو تالف نقوم بتغييره
لو سليم نقوم بتغيير الموسفت دريفر
وطبعا يراعى DATA CHEAT عند التغيير
سبحان الله وبحمده سبحان الله العظيم