مسابقة آداب ومواقف.. من يقول أنا لها؟؟؟؟؟

[فاطمة سعد]

رد: مسابقة آداب ومواقف.. من يقول أنا لها؟؟؟؟؟

ربنا يبارك فيكِ
تم إضافة اسم السورة وتخريج الأحاديث

تمام يا غالية ربنا يكرمك يارب
لا تقلقي كل موقف جديد ينزل باذن الله يضاف في المساهمة الاولى

[الشاب المسلم .]

رد: مسابقة آداب ومواقف.. من يقول أنا لها؟؟؟؟؟

يا صاحبة الموضوع احنا عايزين نعرف الوقت اللي بيتحط فيه الحاجات عشان حضرتكم بتحط الحاجات بعدين بنيجي نلاقيها اتحلت

[فاطمة سعد]

رد: مسابقة آداب ومواقف.. من يقول أنا لها؟؟؟؟؟

يا صاحبة الموضوع احنا عايزين نعرف الوقت اللي بيتحط فيه الحاجات عشان حضرتكم بتحط الحاجات بعدين بنيجي نلاقيها اتحلت

جاوب برضه اخانا لعل من جاوب اخطا في شئ فتكونواانتم الفائز

[شفيعي قرآني]

رد: مسابقة آداب ومواقف.. من يقول أنا لها؟؟؟؟؟

خلاص ان شاء الله انزل الموقف كل يوم الساعة 6 مساء بتوقيت القاهرة

بارك الله فيكم

[معاذ ناصر]

رد: مسابقة آداب ومواقف.. من يقول أنا لها؟؟؟؟؟

1 _اكتشفت خطا ان ساره لم تستأزن قبل الدخول علي والديها
2 _ ان ساره ذهبت ولم تستمع لكلام والدتها حينما قالت لها هتروحي دلوقتي يا سارة؟؟ دي الساعة لسة 8 الصبح!!

[شفيعي قرآني]

رد: مسابقة آداب ومواقف.. من يقول أنا لها؟؟؟؟؟

1 _اكتشفت خطا ان ساره لم تستأزن قبل الدخول علي والديها
2 _ ان ساره ذهبت ولم تستمع لكلام والدتها حينما قالت لها هتروحي دلوقتي يا سارة؟؟ دي الساعة لسة 8 الصبح!!

بارك الله فيكم أخانا
ده الموقف الأول كتبنا بعده موقف كمان
وانتظروا الموقف الثالث دلوقتي بإذن الله
بارك الله فيكم

[شفيعي قرآني]

رد: مسابقة آداب ومواقف.. من يقول أنا لها؟؟؟؟؟

وعليكم السلام ورحمة الله وبركاته
المفروض يقوله يا أبي ولا يناديه باسمه
المفروض يطيع والده ولو قاله لأ يبقى لأ
ده غلط لأن المفروض أحمد يزورها كتير
مي غلطت لأنها المفروض ماطتيعش والديها في الغلط والحرام واللي فيه معصية لله

بارك الله فيكِ
4 نقاط اضافية
كده بقى معاكي كام نقطة؟

[شفيعي قرآني]

رد: مسابقة آداب ومواقف.. من يقول أنا لها؟؟؟؟؟

انتظروا الموقف التالت غدا ان شاء الله

[جميلة بحجابى]

رد: مسابقة آداب ومواقف.. من يقول أنا لها؟؟؟؟؟

الاخطاء الاربعة :

1. المفروض يطيع والده ولو قاله متسافرش يبقي ميشافرش لازم يسمع الكلام
2. المفروض يقوله يا أبي ولا يناديه باسمه سليمان
3. وكمان ده غلط لأن المفروض أحمد يزور أمه عل طول ويدعي لها
4. ومي غلطت لأنها المفروض ما تطيع والدها في معصية الله لا طاعه لمخلوق في معصية الخالق

أسفه عل التأخير النت كان فاصل

[جميلة بحجابى]

رد: مسابقة آداب ومواقف.. من يقول أنا لها؟؟؟؟؟

انتظروا الموقف التالت غدا ان شاء الله

إن شاء الله منتظرين

[معاذ ناصر]

رد: مسابقة آداب ومواقف.. من يقول أنا لها؟؟؟؟؟

انا مش عارف كام نقاطي

[شفيعي قرآني]

رد: مسابقة آداب ومواقف.. من يقول أنا لها؟؟؟؟؟

الاخطاء الاربعة :

1. المفروض يطيع والده ولو قاله متسافرش يبقي ميشافرش لازم يسمع الكلام
2. المفروض يقوله يا أبي ولا يناديه باسمه سليمان
3. وكمان ده غلط لأن المفروض أحمد يزور أمه عل طول ويدعي لها
4. ومي غلطت لأنها المفروض ما تطيع والدها في معصية الله لا طاعه لمخلوق في معصية الخالق

أسفه عل التأخير النت كان فاصل

بارك الله فيكِ ياجميلة

إن شاء الله منتظرين

بإذن الله النهاردة الساعة 6

انا مش عارف كام نقاطي

عدد النقاط أخانا لما تجاوب على الموقف وتطلع الأخطاء
انتظروا الموقف القادم بإذن الله

[شفيعي قرآني]

رد: مسابقة آداب ومواقف.. من يقول أنا لها؟؟؟؟؟

بإذن الله من بكرة هنزل الموضوع الساعة 2 الظهر ان شاء الله
لأن الميعاد ده مش مناسب ليا

[جميلة بحجابى]

رد: مسابقة آداب ومواقف.. من يقول أنا لها؟؟؟؟؟

ماشي بإذن الله منتظرينك غداً

[شفيعي قرآني]

رد: مسابقة آداب ومواقف.. من يقول أنا لها؟؟؟؟؟

آداب الهدية

*استحضار النية الصالحة:
أنك تنوي انك جايب الهدية دي علشان تدخل السرور على قلبه ولأن الهدية بتزود المحبة بين الناس فتبقى كده بتعمل على تأليف قلوب المسلمين.

*أن الأقربين أولى بالهدية:
يعني لما تهدي لحد هدية يبقى الأفضل انك تجيب هدية لأقاربك هم أولى ويعتبر صلة رحم ، نفس الكلام الجار أولى من الغريب.

*عدم احتقار الهدية ولو كانت بسيطة:
يعني ماتقولش لا مش هجيب هدية لأني معايا فلوس قليلة هجيب بيها ايه..لا جيب حتى لو هدية بسيطة لأنها بتفرح أوي اللي هتديهاله..كمان لو انت جالك هدية ماتحتقرهاش حتى لو كانت بسيطة..واشكر صاحب الهدية اوي وحسسه انك فعلا فرحت..لأنه مادام أصلا فكر يجيبلك هدية يبقى كده هو بيحبك..

*اشكر من أهدى إليك هدية:
لأن ده من الذوقيات اللي لازم نكون عارفينا..لازم نشكر اللي عطانا الهدية.

*المكافأة على الهدية:
يعني لما حد يجيبلك هدية يفضل أنك تجيبله انت كمان هدية زيها أو احسن منها..لكن لو ماقددرتش تجيب هدية مفيش مشكلة..
قال الله تعالى :((وَإِذَا حُيِّيْتُم بِتَحِيَّةٍ فَحَيُّواْ بِأَحْسَنَ مِنْهَا أَوْ رُدُّوهَا إِنَّ اللّهَ كَانَ عَلَى كُلِّ شَيْءٍ حَسِيبًا))سورة النساء آية 86
والرسول عليه الصلاة والسلام كان يقبل الهدية ويثيب عليها.

*اختيار الهدية المناسبة:
يعني مثلا واحد بيحب القراءة جدا جيبله كتاب يقرأه، أو مثلا كان بيتكلم امامك ان فيه لبس مثلا عايز يجيبه فأنت تجيبله مثلا حاجة زي كده
يعني تجيبله حاجة فعلا هو محتاجها.

*اختيار أفضل الأوقات:
يعني تجيبله هدية في وقت نجاحه مثلا.. وبردو المكان الأفضل يعني مثلا لو مع حد بيحبه اوي وانت جبتله هدية هيفرح اكتر
فقد كانوا يتحرون يوم عائشة بهداياهم للنبي صلى الله عليه وسلم لما يعلمون من حبه لعائشة (متفق عليه )..يعني الرسول عليه الصلاة والسلام كان بيقضي أيام مع كل زوجة من زوجاته فالناس من كتر ماهم عارفين ان الرسول بيحب السيدة عائشة جدا فكانوا بيحبوا يجيبوله هدايا في اليوم اللي هو فيه مع السيدة عائشة رضي الله عنها.

*تقديم الهدية لتأليف القلوب:
يعني مثلا تقدم هدية لحد بيعمل معاصي فكده تألف قلبه لكي يترك المعاصي..أو تهديها لحد مش مسلم فيتألف قلبه وممكن يسلم..
وكمان لو فيه خصام بينك وبين حد لو جبتله هدية هيفرح اوي وختزول العداوة مابينكم.

*أن تعطي من حضر معك من الهدية:
يعني لو حد جابلك هدية ومعاك حد تديله منها لو كانت ينفع تديله منها يعني لو طعام أو شراب مثلا.

* إذا قدمت لك هدية لا تحبها فلا تردها:
لأن ده بيضايق اللي جايبلك الهدية لكن لازم تقبلها وتشكره عشان مايضايقش.

*أن تبادل الدعاء بالدعاء:
يعني لو حد قالك جزاك الله خيرا قل له : وجزاكم خيرا وإذا دعالك ادعيله..
عن أسامة بن زيد رضي الله عنه قال: قال رسول الله صلى الله عليه وسلم:"من صنع إليه معروف فقال لفاعله جزاك الله خيرا فقد أبلغ في الثناء"صحيح رواه الترمذي وصححه الألباني.

*عدم رد الهدية:
عن عبد الله بن مسعود رضي الله عنه قال:قال رسول الله صلى الله عليه وسلم:" أجيبوا الداعي ، ولا تردوا الهدية "صحيح، رواه أحمد وصححه الألباني..
يعني لو حد دعانا لحاجة زي زيارة او حفلة لازم نروح لو نقدر بس مايكونش فيها معصية طبعا
ولو حد جابلنا هدية مانرجعهاش.

* توضيح سبب رد الهدية:
لو حد جابلك هدية واضطريت ترجعها لسبب معين لازم تقوله السبب عشان مايضايقش..عن الصعب بن جثامة الليثي أنه أهدى لرسول الله صلى الله عليه وسلم حمارا وحشيا وهو بالأبواء أو بودان فردَّه عليه رسول الله صلى الله عليه وسلم، قال: فلما أن رأى رسول الله صلى الله عليه وسلم ما في وجهي قال: " إنا لم نردُّه عليك إلا أنَّا حُرُم"متفق عليه..
يعني واحد أهدى للنبي حمار وحشي وهم كانوا محرمين للحج ويمتنع عليهم أخذ الصيد فماكانش ينفع الرسول يقبل منه الهدية فرجعهاله ولما لقيه اتضايق وضحله السبب.

*عدم تفضيل الآباء بعض الأبناء على بعض:
يعني ماينفعش الأب يهدي لابن من أبنائه هدية ويترك بقية أبنائه لان ده ظلم..الا اذا كان مثلا الابن مريض فيجيبله علشان كده ويبقى ناوي ان لو اي حد من ابنائه التانيين حصل له نفس الظرف هيجيبله بردو.

* عدم قبول الموظف للهدية:
لأن ده يعتبر رشوة ولو هو مش في الوظيفة دي كانت الهدية دي مش هتجيله أصلا يبقى كده لا يجوز انه يقبل الهدية.

*عدم المن بالهدية:
يعني ماتفضلش تقوله فاكر الهدية اللي انا جبتهالك وكلام زي كده كأنك بتحسسه انك عملتله حاجة كويسة كده يبقى بتمن عليه وده ماينفعش طبعا.

*لا يجوز الرجوع في الهدية:
يعني ماتديش لأخيك هدية وبعدين تبقى عايز تاخدها منه تاني.
*************
# طيب ايه الحالات اللي يجوز فيها اننا نرد الهدية ؟؟

-اذا كانت الهدية من مال حرام أو شبهة.
-إذا كانت يراد بها رشوة (يعني عطالك هدية عشان تعمله حاجة معينة )
-إذا كان موظف زي ماقلنا فلولا وظيفته ما أُهدي إليه شيء.
-إذا كانت من حد كافر أو فاسق أو فاجر وبيديلك هدية علشان تبقى منة عليك فلا تقبلها.

الموقف اللي اتفقنا عليه وهنشوف مين اللي هيجاوب..

رنا وندى اتنين اصحاب..

رنا كانت مع ندى ودار الحوار ده بينهم
رنا: شايفة البنت اللي لابسة أخضر هناك دي؟
ندى : أيوة
رنا: عندي زي البلوزة دي بالظبببببط
ندى: يا سلام؟
رنا: أيوة..

وبعدين ندى في البيت قعدت تفكر اجيب ايه هدية لرنا اجيب ايه هدية لرنا..

وبعدين كانت ماشية مع والدتها في الشارع وشافت بلوزة زي اللي عند رنا
قالت لوالدتها : أنا كنت عايزة أجيب البلوزة دي لرنا صاحبتي هدية.
والدتها: طيب تعالي نشوفها..
واشترتها وغلفتها كويس وحطتها في شنطة هدايا وجات ادتها لندى تاني يوم.
ندى خدت الهدية قالتلها:دي ليا؟؟ بجد انا فرحت اووووي
ولما شافتها في البيت قالت: ايه ده جايبالي بلوزة زي اللي عندي بالظبط؟ بس طبعا جزاها الله خيرا
واتصلت بندى وشكرتها اوي عالهدية.

وبعدين رنا قالت انا كمان عايزة اجيبلها هدية زي ماجابتلي.

قالت أجيب هدية ايه لندى..اجيب هدية ايه لندى
أيوووووة انا افتكرت من يومين لما قالتلي انا نفسي اجيب لعبة القطار
خلاص هجيبلها لعبة القطار ان شاء الله

وبعد ماجابتهالها فرحت اوووي

وبعدها بيومين رنا زارت ندى وشافتها كانت بتلعب بالقطار قالتلها: انتي بتلعبي باللعبة بتاعتي؟ هي حلوة؟ عجبتك؟ طيب خلي بالك منها بقى عشان ماتتكسرش.

وبعدين ندى عرفت ان رنا سرقت فلوس من والدها وجابتلها الهدية دي
فندى قالت: كده الفلوس اللي جابتلي بيها الهدية دي حرام خلاص انا هرجعهالها
فقالت ندى: خدي يا رنا هديتك دي انا مش عايزاها
رنا: ليه يا ندى فيه ايه؟
ندى مالكيش دعوة انا مش عايزاها وخلاص.
فخدتها رنا وهي زعلااااااااانة ومشيت.

هناك 3 أخطاء في الموقف
في انتظار الأشباااااااااال