مسابقة آداب ومواقف.. من يقول أنا لها؟؟؟؟؟

[شفيعي قرآني]

رد: مسابقة آداب ومواقف.. من يقول أنا لها؟؟؟؟؟

ماشي بإذن الله منتظرينك غداً

لا ياجميلة قصدت اني من أول بكرة الساعة 2 لكن النهادرة نزلته عادي ان شاء الله

[جميلة بحجابى]

رد: مسابقة آداب ومواقف.. من يقول أنا لها؟؟؟؟؟

الثلاثة أخطاء

1. قالتلها: انتي بتلعبي باللعبة بتاعتي؟ هي حلوة؟ عجبتك؟ طيب خلي بالك منها بقى عشان ماتتكسرش. هي جيباهلها المفروض تكون بتاعتها مش تقولها بتاعتي عدم المن بالهدية
2. الفلوس اللي جابتلي بيها الهدية دي حرام يجب ان نرد الهديه اذا علمنا انها من مال حرام
   
3. مالكيش دعوة انا مش عايزاها وخلاص كان لازم تقولها ايه السبب توضيح سبب رد الهدية

يارب اكون جاوبت صح

[شفيعي قرآني]

رد: مسابقة آداب ومواقف.. من يقول أنا لها؟؟؟؟؟

الثلاثة أخطاء

1. قالتلها: انتي بتلعبي باللعبة بتاعتي؟ هي حلوة؟ عجبتك؟ طيب خلي بالك منها بقى عشان ماتتكسرش. هي جيباهلها المفروض تكون بتاعتها مش تقولها بتاعتي عدم المن بالهدية
2. الفلوس اللي جابتلي بيها الهدية دي حرام يجب ان نرد الهديه اذا علمنا انها من مال حرام
   
3. مالكيش دعوة انا مش عايزاها وخلاص كان لازم تقولها ايه السبب توضيح سبب رد الهدية

يارب اكون جاوبت صح

بارك الله فيكِ ياجميلة
بس تاني واحدة دي مش غلط لأنها رجعتلها الهدية فعلا
فيه خطأ انتي ماقلتيهوش
كده معاكي نقطتين زيادة على المرة اللي فاتت
عدي بقى نقاطك

[شفيعي قرآني]

رد: مسابقة آداب ومواقف.. من يقول أنا لها؟؟؟؟؟

يلا يا أشبال مين هيعرف الخطأ الأخير؟؟؟

[خديجة أحمد]

رد: مسابقة آداب ومواقف.. من يقول أنا لها؟؟؟؟؟

السلام عليكم ورحمة الله وبركاته
جزاك الله خيرا أختي رفيدة

[معاذ ناصر]

رد: مسابقة آداب ومواقف.. من يقول أنا لها؟؟؟؟؟

1- ندى لم تختر الهدية المناسبة التى تشتريها لصديقتها ولكنها اشترت لها هدية زى اللى عندها بالظبط
فهى لم تحسن اختيار الهدية .

2-رنا سرقت من والدها الفلوس لتشترى هدية لصديقتها والسرقة حرام .

3- المن بالهدية عندما قالتلها: انتي بتلعبي باللعبة بتاعتي؟ هي حلوة؟ عجبتك؟ طيب خلي بالك منها بقى عشان ماتتكسرش .

4-عدم توضيح سبب رد الهدية عندما رجعت لها الهدية ولم تبين لها السبب فغضبت منها صديقتها .

[المسلمه منى]

رد: مسابقة آداب ومواقف.. من يقول أنا لها؟؟؟؟؟

جزاكم الله خيراا

[شفيعي قرآني]

رد: مسابقة آداب ومواقف.. من يقول أنا لها؟؟؟؟؟

1- ندى لم تختر الهدية المناسبة التى تشتريها لصديقتها ولكنها اشترت لها هدية زى اللى عندها بالظبط
فهى لم تحسن اختيار الهدية .

2-رنا سرقت من والدها الفلوس لتشترى هدية لصديقتها والسرقة حرام .

3- المن بالهدية عندما قالتلها: انتي بتلعبي باللعبة بتاعتي؟ هي حلوة؟ عجبتك؟ طيب خلي بالك منها بقى عشان ماتتكسرش .

4-عدم توضيح سبب رد الهدية عندما رجعت لها الهدية ولم تبين لها السبب فغضبت منها صديقتها .

بارك الله فيكم أخانا
عدد نقاطك 4

جزاكم الله خيراا

جزانا الله وإياكِ يا منى

يلا شاركينا

السلام عليكم ورحمة الله وبركاته
جزاك الله خيرا أختي رفيدة

جزانا الله وإياكِ ياأخت خديجة

[شفيعي قرآني]

رد: مسابقة آداب ومواقف.. من يقول أنا لها؟؟؟؟؟

آداب الاستماع

*أن تحسن الاستماع إلى من يتحدث إليك:
يعني تسكت وتسمعه كويس..وأحلى حاجة انك تسمعه بأذنيك وتنظرله بعينيك وبحضور قلبك وبتحريك رأسك ونحو ذلك.

*الاهتمام بالمتحدث والنظر إلى وجهه:
يعني تنظرله وماتلتفتش عنه ولا تكلم حد تاني جنبه.

*مجاراته في الحديث:
يعني تاخد وتدي معاه وتحسسه بكده ، عشان يحس ان انت فعلا سامعه كويس.

*ألا تنصرف عن المتحدث ولا تقاطعه:
معاذ بن سعيد كان عند عطاء بن أبي رباح فتكلم رجل فاعترض واحد تاني على كلامه فقال عطاء بن أبي رباح: سبحان الله! ماهذه الأخلاق؟! ماهذه الأخلاق؟! إني لأسمع الحديث من الرجل وأنا أعلم به منه ، فأريه من نفسي أني لا أحسن منه شيئا.

يعني كانوا قاعدين وواحد اعترض على كلام واحد فقاطعه ،فعطاء بن أبي رباح قال ايه الأخلاق دي؟! ده انا لما واحد بيتكلم حتى لو كنت عارف الكلام اللي بيقوله ده أكتر منه بحسسه اني مااعرفش حاجة خالص عن الموضوع.

*الثناء عليه وشكره بالحق:
لو اتكلم كلام مفيد ومش فيه حاجة حرام نشكره على الكلام المفيد اللي قاله.

*لا تقطع حديث محدثك لأي سبب من الأسباب.



*إن اضطرك الوقت إلى قطع حديثه فعليك أن تستأذنه:
لازم تستأذنه الاول وتبين له عذرك في قطع حديثك.

الموقف يا أشبال

مؤمن وأحمد اتنين أولاد عم

ودار بينهم الكلام ده:

مؤمن: السلام عليكم.
أحمد: وعليكم السلام ورحمة الله وبركاته..ازيك يا مؤمن.
مؤمن: الحمد لله..أنت عامل إيه يا أحمد.
أحمد : الحمد لله..انا عايز اقولك حاجة
مؤمن : ايه؟ قول..
أحمد : عارف عمو عصام.. ولسة أحمد هيكمل كلامه...
مؤمن: أيوة عارف هيسافر السعودية ما أنا بابا قالي
أحمد: آه وأنا كمان بابا قالي.
مؤمن: عارف يا أحمد.. أنا في الأجازة دي بعمل حاجات كتير أوي الحمد لله
بحفظ قرآن كل يوم 5 آيات..وبقرأ قرآن كل يوم 3 صفحات.. وبروح عند قرايبي علشان أصل رحمي كل أسبوع..وبساعد بابا في الشغل..أصل بابا شغله صعب أوي.. فأنا بحب أساعده عشان هو بردو عمل ليا حاجات كتير قبل كده.. وماما كمان .. عشان كده لما بتبقى عايزة اي حاجة من تحت بجيبهالها على طول..
بس حسيت ان ده احلى بكتير من اني افضل اتفرج على التليفزيون على مسلسل ولا كارتون فيه موسيقى.. لا لا لا
ده احلى بكتير انك تحس ان انت بتعمل حاجات بتاخد عليها ثوابات كتير..
أحمد أنت معايا؟
أحمد لف وجهه ناحية مؤمن وقاله: آه يا مؤمن معاك أهو.

هناك 3 أخطاء في الموقف ..منهم واحد صعب شوية

اما اشوف مين اللي هيعرف ال3 أخطاء

مستنياكم يا أشبال...

[حمامة القدس]

رد: مسابقة آداب ومواقف.. من يقول أنا لها؟؟؟؟؟

السلام عليكم ورحمة الله وبركاته
جزاكم الله خيرا رائع
اعذرينى عن التاخير فانا لسه بامتحن

.
أحمد : عارف عمو عصام.. ولسة أحمد هيكمل كلامه...
مؤمن: أيوة عارف هيسافر السعودية ما أنا بابا قالي

1.المفروض يستنى لما يخلص كلام ومايقاطعهوش

أحمد أنت معايا؟
أحمد لف وجهه ناحية مؤمن وقاله: آه يا مؤمن معاك أهو.

2. المفروض يحسسه ان هو مهتم بكلامه
وكمان يكون ينظر اليه
3. ممكن يكون ان احمد سابه يكلم وشاركهوش فى الحوار
*وممكن يكون انه ما شكرهوش على كلامه

[معاذ ناصر]

رد: مسابقة آداب ومواقف.. من يقول أنا لها؟؟؟؟؟

1- الخطأ الاول مقاطعته لحديث زميله .
2- عدم التجاوب معه ومجاراته فى الحديث والثناء عليه وشكره بالحق على الكلام المفيد اللي قاله.
3- أنه انصرف عن حديثه ولم يهتم بما قاله .

[جميلة بحجابى]

رد: مسابقة آداب ومواقف.. من يقول أنا لها؟؟؟؟؟

الثلاثه أخطاء :

1. مؤمن قاطع صاحبة أحمد في الكلام أو يقوله سبب قطع كلامه

2. المفروض يتحدث معه ويحسسه انه سامع ومهتم وينظر اليه
3. انه لم يسمعه ولم يهتم بما قاله

[شفيعي قرآني]

رد: مسابقة آداب ومواقف.. من يقول أنا لها؟؟؟؟؟

بارك الله فيكم
حمامة القدس معاكي 3 نقاط
وبقية الأشبال بارك الله فيكم
انتظروا الموقف الجديد بإذن الله

طلب بسيط بس منكم
كل واحد يقول معاه كده كام نقطة

وعلشان محدش يضايق
النقاط بتروح لأول واحد يجاوب صح
لكن لو اول واحد جاوب اجابة ناقصة بيكون ليه نقاط على عدد الاخطاء اللي عرفها
وفي الحالة دي بحسب للي بعده نقاط بردو

حبيت اقولكم كده عشان تكونوا فاهمين الدنيا ماشية ازاي

بارك الله فيكم

[شفيعي قرآني]

رد: مسابقة آداب ومواقف.. من يقول أنا لها؟؟؟؟؟

آداب اللقاء والمصافحة

*إلقاء السلام:
نقول السلام عليكم ورحمة الله وبركاته
لأنها لها أثر عظيم في إشاعة المودة والمحبة بين المسلمين وأيضا لها ثواب عظيم وهي من حق المسلم على أخيه.

*الابتسامة عند اللقاء:
يعني نبتسم في وجه من نلقاه.

*المصافحة:
يعني تسلم عليه بالايد وماتكتفيش بإلقاء السلام والابتسامة بس ..لا كمان سلم عليه بإيدك علشان تكتمل صورة المحبة بينك وبين اخوانك.

*عدم الانحناء عند السلام:
لان فيه ناس لما تيجي تسلم على حد تنحنيله كده وبتبقى فاكرة ان ده للاحترام..بس طبعا ده خطأ كبير لأن النبي صلى الله عليه وسلم نهى عن أن ينحني المسلم لأحد من البشر وذلك لأن المسلم لا ينحني إلا لله جل وعلا.

*المعانقة عند اللقاء بعد السفر:
تعانق صديقك أو قريبك لو كان راجع من السفر لأن ده من السنة ويجلب المحبة والمودة بينكما

يعني كده لو سفر يكون فيه معانقة لكن لو عادي مايكونش فيه معانقة يكون سلام ومصافحة.

*ألا تنصرف بوجهك عن صاحبك:
يعني مش تسلم عليه بقى وتبتسمله وتصافحه وبعدين تنظر في حتة تانية لان ده بيشعره بعدم اهتمامك بيه.

* السؤال عن حاله والدعاء له:
تسأله عن أحواله وتطمئن عليه وتدعوله بالنجاح والتوفيق في الدنيا والآخرة لأن ده بيحسسه انك خايف عليه وبتحبه.

الموقف يا أشبال

عمو أيمن كان راجع من السفر وكان ماشي في الشارع هو وعمو محمد
وقابلهم عمو حسين ففرح جدا لما شاف عمو أيمن رجع من السفر

فراحلهم قال: أيمن ..ازيك عامل ايه؟؟ حمدالله عالسلامة وعانقه وقاله: ايه أخبارك انا ماعرفتش انك رجعت من السفر انت رجعت امتى؟
عمو أيمن: رجعت من أسبوع كده محدش قالك؟
عمو حسين: لا محدش قالي..المهم انت ايه اخبارك؟
عمو أيمن : الحمد لله انت عامل ايه والأولاد عاملين ايه؟
عمو حسين: الحمد لله كويسين كلهم..ربنا يوفقك يا أيمن.. أهلا يا أستاذ محمد (وهو مبتسم)
عمو محمد: أهلا ازيك يا أستاذ حسين( مبتسم وبيمد ايده علشان يسلم)
عمو حسين سلم عليه وقالهم يلا اسيبكم بقى ما اعطلكمش..
عمو محمد وعمو أيمن: ماشي اتفضل.

يلا اكتشفوا الأخطاء يا أشبال..المرة دي مش هحدد عدد هشوفكم هتقولوا ايه..

[جميلة بحجابى]

رد: مسابقة آداب ومواقف.. من يقول أنا لها؟؟؟؟؟

أول خطأ انه قال له أزيك ولم يقل السلام عليكم ورحمه الله وبركاته
ثاني خطأ أنه عانقه ولم يسلم عليه باليد ولم يبتسم له
ثالث خطأ كان المفروض يسلم علي عمو محمد من الاول