مسابقة آداب ومواقف.. من يقول أنا لها؟؟؟؟؟

[شفيعي قرآني]

جايبالكم النهاردة موضوع إن شاء الله هيعجبكم

طبعا عارفين أننا كمسلمين لازم نكون عارفين الآداب اللي المفروض نتحلى بيها..

تبقى انت كمسلم وانتي كمسلمة أدب وأخلاق تختلف عن أي حد تاني

صح ولا ايه؟؟

طيب الفكرة ؟؟
اني هجيبلكم كل مرة ان شاء الله موضوع مستقل فيه أدب جديد نتعلمه

وفي آخر الموضوع هذكر موقف فيه خطأ وأنتوا اللي عليكم انكم تقولوا المسلم ده أخطأ في ايه..

يعني هقول فلان قال لفلان كذا وبعدين حصل كذا و..الخ

وانتوا تقولوا لا المفروض كان مش يقول كذا

فاهميني؟

واللي هيجاوب صح هيكون ليه نقطة ان شاء الله

وفي النهاية اللي معاه أكبر عدد من النقاط هيكون ليه شهادة تقدير بإذن الله

عايزة تفاعل جامد بقى..أما أشوف الأشبال بقى اللي واخدين الأجازة

مش عايزة واحد ولا اتنين بس

اتفقنا؟؟

وانتظروا أول موضوع بإذن الله

مين هيكون معانا ان شاء الله؟؟

آداب الاستئذان
آداب بر الوالدين

آداب الهدية
آداب الإستماع
آداب اللقاء والمصافحة


منتظرة الأشبال يجاوبوا يلا..

[شفيعي قرآني]

آداب الاستئذان..

هيا بنا لنعرف آداب الاستئذان

*الاستئذان قبل الدخول:
فقد قال الله تعالى: ((يا أيها الذين ءامنوا لا تدخلوا بيوتًا غير بيوتكم حتى تستأنسوا وتسلموا على أهلها ذلكم خير لكم لعلكم تذكرون)).

*التسليم قبل الدخول:
يعني نقول السلام عليكم ورحمة الله وبركاته.

*أن يذكر اسمه ويُعَرِّف الناس بنفسه:
يعني إذا سئلت من أنت؟ فلا تقول : أنا
بل قل : أنا فلان.

*عدم استقبال الباب:
يعني لا نقف امام الباب بوجهك .. خلي الباب عن يمينك أو عن يسارك، علشان مايقعش بصرنا على حاجة في البيت لما حد يفتح.

*أن يقرع الباب ثلاثًا:
نخبط على الباب او نرن الجرس 3 مرات ولو محدش رد نمشي.

*أن يقرع الباب برفق:
مانخبطش جامد عالباب أو نرن الجرس بشكل متواصل.

*الفصل بين مرات قرع الباب:
نخبط ونستنى شوية علشان لو اللي في البيت بيستعدوا.

*انتظار الإذن:
لو أذنلك أهل البيت انك تدخل يبقى ادخل لو ما أذنش ماتدخلش.

*الرجوع عند عدم الإذن:
فقد قال الله تعالى: ((وإن قيل لكم ارجعوا فارجعوا هو أزكى لكم))

*قبول اعتذار صاحب البيت:
لازم تعذر صاحب البيت لو قالك ارجع، ممكن يكون مريض أو مشغول..

*غض البصر:
مانبصش جوة البيت ولما ندخل مانفضلش نبص في كل حتة في البيت.

*اختيار الأوقات المناسبة:
ولا نزور الناس في الصباح الباكر ولا بعد الظهر ولا بالليل متأخر.

*الاستئذان على الوالدين:
تستأذن بردو وانت داخل على والديك أو أختك.


الموقف يا أشبال اللي اتفقنا عليه وهنشوف مين اللي هيجاوب صح

.

.

صحيت سارة من النوم دخلت غسلت وجهها ولبست ملابسها ودخلت على والدتها في الأوضة قالتلها: ماما أنا رايحة عند إيمان صاحبتي بقى.

والدة سارة: هتروحي دلوقتي يا سارة؟؟ دي الساعة لسة 8 الصبح!!

سارة: لا يا ماما ماهي إيمان بتصحى بدري عادي

والدة سارة:اممم طيب ياسارة روحي انتي حرة

سارة: ماشي سلام.

ومشيت سارة وقفت على باب إيمان صاحبتها ورنت الجرس 3 مرات
إيمان : مين؟
سارة: أنا

إيمان شافت من العدسة ولقيتها سارة ففتحت الباب

دخلت سارة قالت: السلام عليكم.
ردت إيمان: وعليكم السلام ورحمة الله وبركاته

بس كده الموقف خلص..ياترى فيه أخطاء وقعت فيها سارة؟؟

منتظرة الأشبال بإذن الله..

[قلب يتمنى الجنة]

رد: آداب الاستئذان..

وعليكم السلام ورحمة الله وبركاته
ايوة فيه ...

إن سارة راحت الساعة 8 الصبح وده ماكانش ينفع لأنه لسة بدري حتى لو كانت صحبتها وعارفة بتصحى وبتنام امتى ما ينفعش

افرض حصل أي حاجو وإيمان ماعرفتش ترد سارة هتتحرج

[قلب يتمنى الجنة]

رد: مسابقة آداب ومواقف.. من يقول أنا لها؟؟؟؟؟

وعليكم السلام ورحمة الله وبركاته
جزاكم الله خيرًا
موضوع جميييييل جدًا
تم الإجابة ولا شك ان هنالك أخطاء اخرى

[قلب يتمنى الجنة]

رد: آداب الاستئذان..

اكتشفت خطأ آخر
ان سارة لم تقل (( انا سارة )) بل قالت ..انا

[جميلة بحجابى]

رد: آداب الاستئذان..

اعتقد ان هناك خطأين
اول خطأ أنها قالت انا ولم تقل انا سارة
ثاني خطأ كانت واقفه أمام المنزل في وجه الباب لم تقف علي يمينه او يساره

[جميلة بحجابى]

رد: مسابقة آداب ومواقف.. من يقول أنا لها؟؟؟؟؟

معكم بإذن الله
تم الرد علي الاجابات

[شفيعي قرآني]

رد: مسابقة آداب ومواقف.. من يقول أنا لها؟؟؟؟؟

قلب ينبض إيمانًا
جميلة بحجابي
بارك الله فيكن

[شفيعي قرآني]

رد: آداب الاستئذان..

صحيحة اجاباتكم
قلب ينبض إيمانا لكِ نقطتين
جميلة بحجابي لكِ نقطتين

في انتظار باقي الأشبال
لسة فيه أخطاء تاني

[جميلة بحجابى]

رد: آداب الاستئذان..

ثالث خطأ أنها ذهب لها في الباكرة

[شفيعي قرآني]

رد: آداب الاستئذان..

ايوة يا جميلة ماهي قلب قالتها

فيه خطأ كمان ولا انتي ولا قلب قلتوه

[جميلة بحجابى]

رد: آداب الاستئذان..

أنها دخلت علي والدتها بدون استأذان

[جميلة بحجابى]

رد: مسابقة آداب ومواقف.. من يقول أنا لها؟؟؟؟؟

عندي اقتراح ممكن تقولي يوجد كم خطأ لكي نعرف

[شفيعي قرآني]

رد: آداب الاستئذان..

صحححح يا جميلة انتي كده معاكي ثلاث نقاط
بارك الله فيكِ
انتظروا الموضوع القادم بإذن الله

[شفيعي قرآني]

رد: مسابقة آداب ومواقف.. من يقول أنا لها؟؟؟؟؟

حاضر ياجميلة
ان شاء الله ابتداءً من الموضوع القادم أحددلكم عدد الأخطاء