رجعالك يا رب

[غير مسجل]

السلام عليكم ورحمة الله
باختصار انا كنت ضالة الطريق الحق بس انا عرفته وعايزة امشي فيه
لكن انا عملت ذنوب كتيرة وللأسف كلها ذنوب خلوات كنت بشوف افلام ومواقع اباحية وبكلم شباب
كنت ابطل فترة بس ارجع بعدها اسوأ من الاول
انا وعدت شباب كتير بالجواز منهم يعني كانوا بيكلموني وبيقولوا انهم حبوني وعايزين يرتبطوا بيا وكنت بقول ماشي بس بالنسبالي كان الموضوع خارج نطاق الجد يعني مستحيل كنت هتجوز حد منهم في الحقيقة
لكن يشهد الله اني قد ندمت علي كل هذا وقد قررت التوبة والعودة الي الله ولكن
ما موقفي من الوعود التي قطعتها علي نفسي لهؤلاء الشباب بالزواج منهم
وما هي الخطوات العملية التي اسير عليها حتي يتقبل الله توبتي وحتي لا اعود مرة اخري لمثل هذه الذنوب
وجزاكم الله خيرا

[غير مسجل]

رد: رجعالك يا رب

مع العلم إن آخر شاب كلمته حبيته بجد وهو كمان حبني جدا ولكن لما عزمت علي التوبة قررت قطع العلاقه معاه
ولكنه انهار وكان هيأذي نفسه ومش قادر يسيبني خالص وهو وعدني إنه هييجي يتقدملي وانا نفسي نرتبط عشان حبيته بجد
لكن هو دبلوم وانا كلية قمة وفي نفس الوقت لا هو هيقدر يقول لأهله انه عرفني من عالشات ولا انا اقدر اقول لأهلي كدة
وكمان هو مش هيكون جاهز للجواز الا بعد سنتين يعني الحكاية مقفلة من كل جانب
انا دلوقت مش عارفة انهي العلاقة معاه ازاي وهو فعلا مش قادر يسيبني بجد يعني هو حاول لكن رجع تاني وقالي لازم نفضل مع بعض واللي يحصل يحصل قلتله حرام قالي انا حاولت ومقدرتش وقالي ده مؤقت لحد ما اخطبك رسمي وانا اصلا مش عارفة اذا كانت الخطوبة هتتم ولا لأ وانا شبه واثقة انها مش هتتم لو مش بسبب حاجة من اللي قلتها هيبقي بسبب شؤم المعصية
انا والله مستعدة آجي علي نفسي واتعب وانساه عشان خاطر ربنا يرضي عني ويتقبل توبتي لكن في نفس الوقت مش عايزة تحصله اي أذية ولا ينجرح بسببي
انا مش عارفة اتصرف ازاي بالله عليكم تساعدوني عشان انا حاسة اني بموت بالبطئ من كتر الالم والحسرة اللي انا فيهم

[مراقب قسم سرك فى بير]

رد: رجعالك يا رب

لكن يشهد الله اني قد ندمت علي كل هذا وقد قررت التوبة والعودة الي الله

خليك فاكرة كلامك هذا

السلام عليكم ورحمة الله وبركاته

حياكم الله يا ابنتي

وأنا أشكرك أنك إخترت هذا الموقع حتى تفضفضي عن همومك

وهذا دليل خير على توبتك بإذن الله

قال تعالى :{ قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ
الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ }

أنت اللآن يا بنتي بدأت توبتك وندمانه جدا على كل شيء

هذا خير والحمد لله

لكن يجب أن تثبتي على هذا

والتائب من الذنب كمن لا ذنب له

وحتى تثبتي على توبتك لازم تتقربي إلى الله أكثر

من خلال الطاعات والبعد عن المعاصي والبعد عن أي شيء

ممكن يخليك تعصي الله

وتذكري يا بنتي نحن نعصي من ؟؟ نحن نعصي جبار السموات والأرض

يا إلهي عفوك

أكثري من صلاة النوافل وقراءة القرآن

إبحثي عن صحبة طيبة تعينك على طاعة الله والبعد عن المعاصي

حاولي تخففي جلوسك أمام النت ولو تتركيه يكون أفضل حاليا

وفي حاجة مهمة جدا أنت اللآن بتكلمينا وعاوزة تعرفي كيف تثبتي على توبتك

لكن فيه حد زعلان من ده كله ومتضايق ومش عاوزك تتوبي

مين ده وهو بيكرهك وبيكرهنا كده ليه؟؟؟!!!

الشيطان الخبيث.. نعم هذا الخبيث يتلاعب بنا عندما نكون بعيدين عن الله

وتذكري أن الحبيب صلى الله عليه وسلم أخبرنا

أن الشيطان يجري من ابن آدم مجرى الدم

يعني بيدخل قلوبنا وبيلعب فيها ويتربع فيها

إحنا عاوزين نطرده ونقهره .. إزاي؟؟؟

لو سألتك سؤال ؟؟؟

هل يستطيع الشيطان أن يتغلب علينا ونحن معنا الله؟؟ مستحيل

طيب كيف يكون الله معنا؟؟

روى البخاري وأحمد وابن ماجه عن أبي هريرة عن النبي صلى الله عليه وسلم قال الله تعالى:

أنا مع عبدي حيثما ذكرني، وتحركت بي شفتاه.

ما أعظمك وما أحلمك وما أكرمك وما أرحمك يارب

إذن الحل أن نتقرب إلى الله أكثر

هي لحظة أقف فيها مع نفسي وأكون صاحب شخصية وعزيمة وهمة عاليه

وأقول في نفسي تبت إليك يا رب

ولن أسمح للشيطان أن يجعل من قلبي ألعوبة يلعب بها كيف يشاء

وأبدأ صلاتي بإتقان وخشوع وأداوم عليها في أوقاتها

أكثر من قراءة القرآن وألتزم الدعاء

وخذي يا بنتي مني هذه الوصفة فهي نافعة لجميع أمراض القلوب

تقومي في الثلث الأخير من الليل توضأي وأحسني الوضوء

وعلى سجادتك إرمي كل الدنيا خلف ظهرك وقولي الله أكبر

نعم الله أكبر من الشيطان والله أكبر من كل الدنيا وما فيها

وأصلي ركعتين في خشوع وطمأنينة وسكينة

بعدها إقرأي ما تيسر من القرآن

وبعدها أدعو الله ماشئت من خير وابكي وأكثري البكاء وأقبلي بقلبك على الله

وكوني لحوحة في الدعاء فإن الله يحب العبد اللحوح في الدعاء

وصدقيني يا بنتي لن يخذلك الله ما دمت معه جل في علاه

وأرجو منك يا بنتي أنك تنظمي وقتك

وعاوزين نشعر أنك سعيدة

وهل يعقل أن تكوني حزينة والله معك؟؟؟؟؟؟؟؟!!!!!!!!

وبالنسبة لكلامك مع أولئك الشباب ووعودك لهم بالزواج

إنسي ذلك نهائيا وإستغفري لك ولهم

ومش عاوزك تكوني ساذجة جدا لآنه ممكن هم كمان بيكذبوا عليك

ولا تحاولي الرجوع والإعتذار فإن كنت تثقين بنفسك فهل تثقين بالشيطان

وهل تثقين أن ذلك الشاب لن يفتن بسببك

وتقفي أمام جبار السموات والأرض وأنت شايله وزرهم؟؟؟

ونحن بانتظار أخباركم الطيبة

[غير مسجل]

رد: رجعالك يا رب

حياكم الله ابي الفاضل
أنا قرأت كلامكم بتمعن شديد ووالله انني جادة في طلب التوبة
لكن الشخص اللي زكرته مش عايز يسيبني في حالي ودايما بيطاردني خاصة لما قلتله اني خلاص مش هينفع نتكلم تاني
لكن جن جنونه لما عرف كدة وانا مش عارفة اعمل ايه
والله عايزة ارجع لربنا بس هو العقبة في طريقي لربنا دلوقت مش عارفة اتخلص من العقبة دي ازاي
والله هاجي علي نفسي وهستحمل اي شئ عشان ارجع لربنا لكن مش عارفة اخليه يسيبني ازاي
وهو علي طول بيقولي فترة مؤقتة لحد ما اتجوزك وانا خايفة اموت وانا لسة علي علاقة بيه ساعتها هدخل النار بدون حساب
انا بس عايزاكم تقولولي اعمل ايه عشان اخليه يسيبني ويقطع علاقته بيا خالص
لأني خايفة اتوب وارجع انتكس تاني بسببه خايفة من كدة اوي

[مراقب قسم سرك فى بير]

رد: رجعالك يا رب

والله عايزة ارجع لربنا بس هو العقبة في طريقي لربنا

من أعظم في قلبك الله أم هذا الشاب؟؟!!

أكيد جوابك أن الله أعظم .. طيب كيف تجعلين هذا الشاب عقبة

بينك وبين الله؟؟!!

والذي يمنعك عن طريق الله إذن هو يأخذك لطريق الشيطان...

والخيار لك يا أبنتي

ولازم تيجي على نفسك وأنت الكسبانة أكيد

أسألك بالله يا بنتي إوعك تغلطي وتدمري حياتك وآخرتك

أنت تسألين كيف تتخلصين من هذه العقبة التي أمامك في طريق الله...

الجواب لو كان الله المحبوب الأول في قلبك لما سألتي عنه أبدا

خلي شخصيتك قوية ولا تجعلي عواطفك لعبة في يد الشيطان

كوني صاحبة عزيمة وبلاش ضعف

وصدقيني يا بنتي خبرتي في الحياة بتخليني أحس

أن هذا الشاب غير صادق معك إنما هو يلعب ويلهو فقط

ولو كان صادقا لسلك طريقا غير هذا الطريق

إفهميني وأنا متأكد أنك عارفة الصح من الغلط

تقربي إلى الله أكثر

وتعرفي على عظمة الله

وكيف نحن نتجرأ على معصيته

أنت عندما تقولين أن هذا الشاب عقبة في طريقك

وكأنك وضعت الله في كفة والشاب في كفة أخرى والعياذ بالله

أنا أحسبك اللآن مثل إبنتي فلقد تكلمت معك كثيرا

وأخاف أن يسألني الله عنك

أرجوك أنقذي نفسك

وأنت تقولين أنك تخافين أن تموتي وأنت ما زلت لم تتخلصي

من هذه العقبة وهذا تفكير سليم

وتحمليني يا بنتي ربما أبدو قاسيا معك هذه المرة ولكن يعلم الله أنني

أخاف عليك من سخط الله واسمعي مني هذه الكلمة

وفكري فيها بهدوء كلمة كبيرة لو قيلت لجبل لتصدع من خشية الله

الكلمة هي ( إتق الله )

والله أنني أكاد أن أبكي وأنا أكلمك اللآن

بسرعة أنهي هذا الأمر يا بنتي

وأنا أنتظر أخبار تفرحني وقبل هذا تفرح الله بتوبتك وعودتك لطريق الحق....

[غير مسجل]

رد: رجعالك يا رب

تفضلوا اختنا الفاضلة هذه المقاطع للشيخ حازم شومان رائعة

ارجو عدم الحذف من مشرفي القسم

http://www.youtube.com/watch?v=EFBu0Aqmsts


ولمزيد من مشاهدة المقاطع او تحميله يرجى الدخول على الرابط التالي

http://www.way2allah.com/var-group-289.htm

[مراقب قسم سرك فى بير]

رد: رجعالك يا رب

ارجو عدم الحذف من مشرفي القسم

قوانين القسم تمنع طرح أي مشاركة لغير المخول لهم الرد على المواضيع

لكن لأن المشاركة طيبة ونافعة سأبقيها

بارك الله فيكم

[غير مسجل]

رد: رجعالك يا رب

انا خلاص بفكر اموت نفسي وارتاح
انا مفيش مني فايدة طالما كدة كدة داخلة جهنم فادخلها من دلوقت بدل العذاب اللي انا فيه ده
انا يئست من نفسي انا محدش تاب ورجع أدي وطالما مصرة عالذنب يبقي مفيش مني فايدة
والله العظيم لما قلتلكم اني نفسي اتوب كنت صادقة لكن ربنا بيحاوطني بالفتن وبيبعتهالي لحد عندي
عشان هو مش عايزني مش عايزني ارجعله انا بموت والله بموت من اللي انا فيه
يا ربي ليه بس بيحصل معايا كدة
والله انا مكنتش استحق انه يحصلي ده كله ولا اني اغرق في الذنوب كدة ودعيت ربنا لحد ما استنفذت كل الكلام خلاص
مش لاقية حاجة تانية ادعي بيها يئست والله من نفسي
انا كدة كدة داخلة جهنم بس نفسي حد يريحني ويموتني والله نفسي اموت بجد كل حاجة فيا ادمرت قلبي مات دراستي بتضيع الكدب بقي اسهل حاجة عندي بقيت بصدق الكدبة والله بقيت بصدق نفسي وانا بكدب شوفتوا الضايع اللي بقيت فيه
ليه بقي ربنا مش عايز يريحني يا يموتني ويدخلني جهنم ييتوب عليا ويقبلني
من كتر ما قلبي مات الشيطان بقي بيخليني اقول كلام علي ربنا حرام وانا مش حاسة بيخليني اقول كلام كفر وانا مش حاسة كأني ببقي في غيبوبة وبفوق وانا بقول كلام كفر علي ربنا
بالله عليككم قولولي بس اعمل ايه عشان ارتاح
اي حاجة انا هعملها عشان بس ارتاح وارجع زي الاول او ابقي فعلا زي ما الناس شايفاني

[فريق استشارات سرك فى بير(الأخوات)]

رد: رجعالك يا رب

السلام عليكم ورحمة الله وبركاته ..
أهلاًبك اختنا الكريمة فى بيتك الثانى الطريق الى الله
بداية نسأل الله ان يشرح صدرك وييسر امرك ويفرج كربك
لماذا كل هذا اليأس اختنا ؟!!
سبحان الله اختنا
الله غفور رحيم
وياريت تقرأى هذا الكلام بفهم دقيق وصدر منشرح

فى فرق بين نفسى أتوب ...

كمجرد حاجة بتتمنيها ومش عاوزه تتعبى عشان توصلى ليها

وفى فرق بين عاوزه أتوب ومصممه ..

وعندك استعداد تحاولى بكل قوتك عشان تتوبى




ربنا سبحانه و تعالي بيقول في سورة الرعد :

"إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ"

فلازم عشان ربنا يساعدنا علي التغيير نبدأ و لو بخطوة بسيطة نغير نفسنا ،

فإن شاء الله لو ناويه بجد فربنا غفور رحيم

ولكن ناويه بجد دى تساوى كثير

= الغاء جميع ايميلاتك أو تغيير الباس وورد لباس وورد عشوائى طويل بحيث لا تستطيعى فتحها مرة أخرى

= التخلص من أى ايميلات أو أرقام تليفونات تعرفيها

= تغيير أرقام تليفوناتك (باتلاف الشريحة ..والتنازل عنها لو كانت باسمك )
حتى تقطعى على نفسك أى مدخل من مداخل الشيطان

لإنك النهارده ممكن تكوني قوية ...لكن بعد شوية لو فى أى وسيلة ممكن توصلك لحد كنتى تعرفيه ممكن تقعى من جديد

اقطعى أى طريق ممكن يرجعك لو ليكى أصحاب مشتركين مع حد اقطعى علاقتك بيهم فوراً ومتديش لحد رقم تليفونك

= إنك تبدأى من جديد وكلك ندم على اللى فات

= إنك تحاولى تقربى من ربنا بكل قوتك

= إنه لازم تغيرى أفكارك وأصحابك وحياتك

= لازم يبقى عندك صحبة صالحة

لو ناويه بجد ومستعده


أبشرى

ربنا كرييييييييييييييييم جداً

و كل ما تقربي خطوة من ربنا ، ربنا سبحانه و تعالي الكريم هيقبل عليكي إن شاء الله

لإنه قال في الحديث القدسي :
"ومن تقرب إلي شبراً تقربت منه ذراعاً، ومن تقرب مني ذراعاً تقربت منه باعاً، ومن أتاني يمشي أتيته هرولة "
فلا تيأسي أبداً مهاما حدث ،

لإن الشيطان مش بيسيب الواحد في حاله و بيحاول يقنعه إنه خلاص مش هيقدر يغير نفسه و يتوب ، و يقول للإنسان ماتتعبش نفسك كل شوية لإنك كل شوية بتتوب و بتقع تاني ، فإيه الفايدة ، كده كده هتقع تاني .

ده طبعاً كلام الشيطان
و هوه بيعمل كده عشان يجيب لنا احباط و اكتئاب و يخلينا مقتنعين بكده
لكن طبعاً احنا مش عايزين نستسلم له مهما كان
لإن ربنا سبحانه و تعالي غفور رحيم
و باب التوبة مفتوووووووووووح كل يوم و كل ساعة و كل لحظة ، في أي وقت ، لحد يوم القيامة .
و ربنا وعدنا بمغفرة الذنوب مهما فعلنا و حتي لو فعلنا كل الذنوب و المعاصي اللي في الدنيا كلها
ربنا سبحانه و تعالي بيقول في سورة الزمر :
"قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ"

وركزى مع كلمة أسرفوا
يعنى عملوا ذنووووووووووووووب كتييييييييييييييير


أسرفوا

مش أذنبوا

مش عصوا

لا
كانوا أكتر من كده بكتير

أسرفوا

ومع كده سبحان الله


إن عادوا وصدقوا فى التوبة

فإن الله غفور رحيم

قال سبحانه و تعالي في سورة الفرقان:

"وَالَّذِينَ لا يَدْعُونَ مَعَ اللَّهِ إِلَهًا آخَرَ وَلا يَقْتُلُونَ النَّفْسَ الَّتِي حَرَّمَ اللَّهُ إِلا بِالْحَقِّ وَلا يَزْنُونَ وَمَنْ يَفْعَلْ ذَلِكَ يَلْقَ أَثَامًا ، يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَاناً ، إِلا مَنْ تَابَ وَآمَنَ وَعَمِلَ عَمَلاً صَالِحاً فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُوراً رَحِيماً ، وَمَنْ تَابَ وَعَمِلَ صَالِحاً فَإِنَّهُ يَتُوبُ إِلَى اللَّهِ مَتَاباً "

وخلى بالك كده من الآية
عندما ذكر الله الزنا شدد جداً فى العقاب لعظم هذا الذنب
فقال : يَلْقَ أَثَامًا ، يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَاناً

ولكن بعدها قال

إلا

من تاب وآمن وعمل عملاً صالحاً

فرحمة الله واسعة جداً جداً


إلا

إذا رفضتيها!!!!

هو ممكن حد يرفضها ..!!

أيوه

كما قال الرسول صلى الله عليه وسلم
كل أمتي يدخلون الجنة إلا من أبى . قالوا : يا رسول الله ، ومن يأبى ؟ قال : من أطاعني دخل الجنة ، ومن عصاني فقد أبى صحيح البخاري

يعنى فكرى مع نفسك واعرفى

اسمعىقوله تعالى


((ففروا إلى الله ))

اهربى من ذنوبك وضعفك وخطأك بالعودة إليه..
ارجعى بقوة واقطعى كل علاقتك بأى شىء يغضبه..
ارجعى له تائبة وهو أكرم بكثيييييييير من أن يرد تائباً...

بل سبحانه يفرح بتوبة عبده

ربنا قال في الحديث القدسي
"يا ابن آدم لو أتيتني بقراب الأرض خطايا، ثم لقيتني لا تشرك بي شيئا لأتيتك بقرابها مغفرة "
و ده يبين لنا أد إيه سعة فضل ربنا و رحمته لما العبد بيتوب إليه حتي لو كان عمل كل الذنوب اللي في الدنيا ، و ربنا مش بيتوب عليه و بس ، ده كمان بيبدل سيئاته حسنات
بس أهم حاجه يبقى فعلا عاوز يرجع لربنا

لن تجدى السعادة إلا فى طاعته
ولن تجدى الأمان إلا فى القرب منه
إنتى هتفضلى تايهة جداً وضايعة وتعيسة وذليلة لو فضلتى بعيد عنه
وهتحسى بالسعادة والراحة لو رجعتى له يمكن أنتى مش متخيله قدر السعاده دى لأنك مجربتيهاش
لكن اقرى الموضوع ده

أكيد فى سر !!!!!!!!!!


هو ممكن يقبلك بعد كل ده ؟؟
آه ممكن
ممكن جداً

فى قصة واحد اتذكرت فى حديث


(((قصته كانت عن واحد قتل 99 واحد وكان عاوز يتوب فراح لواحد وقاله أنا قتلت 99 ممكن ربنا يتوب على ؟ فقاله لأ
فراح قتله (لإنه حس إن كده كده مالوش توبة فمش فارقه )
فراح سأل واحد عالم ممكن ربنا يتوب عليا قاله آه ولكن تسيب البلد اللى إنت فيها وكل حاجة ليها علاقة بالمعصيه وتروح بلد تانية بتعبد الله (فعلاً ساب كل شىء ) وهو فى الطريق مات !! مات قبل ما يوصل !!
اختلفت ملائكة العذاب والرحمة مين يقبض روحه
ملائكة العذاب تقول معملش أى طاعة
وملايكة الرحمة تقول كان فى طريقه للطاعة ، فأرسل الله ملاك ليحكم بينهم وقلهم قيسوا المسافة بين البلدين فلو أقرب لبلد الطاعة ملائكة الرحمة تقبض روحه ولو أقرب لبلد المعصية ملائكة العذاب هى اللى تقبض روحه
ومن رحمة ربنا يأمر بلد الطاعة أن تقترب فيكون أقرب لها فتقبض روحه ملائكة الرحمة)))))

ياترى إنتى ناوية على إيه ؟؟

هتسمعى كلام الشيطان إنه مافيش فايدة ومالكيش توبة عشان تستمرى بنفس الشكل ؟؟

ولا هتتركى كل ما يخص الذنب وتروحى لله تائبة ؟؟

خلى بالك هو ملحقش يوصل ...
لإن الموت كان أسرع ...

بس من رحمة ربنا عليه
إنه كان بدأ يمشى فى الطريق قبل الموت

نويتى تمشى فى الطريق إنتى كمان قبل الموت و لا لسه ؟؟

ممكن ميكونش فى وقت ..!!

لكن شوفى رحمة ربنا قبله لإنه فعلاً كان عاوز طريقه وساب كل شىء عشان يمشى فيه

بس أكيد فى أمل فى رحمة ربنا...


لو نويتى تلحقى نفسك قبل فوات الآوان


سجلى بأى اسم واذهبى لقسم


واحنا إن شاء الله هنساعدك

لتحميل نسخة PDF من الكتيب كاملاً

هنـــــــــــــــــــــا رابط مباشر


لازم يكون عند حضرتك برنامج بيقرأ الـ

PDF

حمل البرنامج ده وصطبه وهيفتح معاك ان شاء الله

سبحان الله وبحمده سبحان الله العظيم






لتحميل نسخة PDF من الكتيب
(النسخة الجديدة)

هنــــــــــــــــــــــــــــا



لتحميل نسخة PDF من الكتيب
(النسخة القديمة)

هنـــــــــــــــــــــا

أو

هنـــــــــــــــــــــا رابط مباشر

او

هنــــــــــــا

ان احتجت اى شيء ابواب الطريق الى الله مفتوحة لك

[غير مسجل]

رد: رجعالك يا رب

السلام عليكم
انا نفذت كلامكم وكسرت شريحة الموبايل وغيرت الباسوورد بتاع الايميل ومستحيل هيتفتح تاني
الحمد لله عندي صحبة صالحة بس انا اللي كنت فاسدة فيهم لكن بالنسبة للي بيشوفوه مني فانا يعتبر الشيخة بتاعتهم
علي فكرة انا والله كنت قريبة من ربنا جدا وكنت ملتزمة حق الالتزام لكن نفسي الامارة بالسوء غلبت عليا ووقعتني وبعدتني عن ربنا انا سبق ودوقت لذة وحلاوة الطاعة لكن اانا بغبائي ضيعت مني اللذة دي
انا فعلا عرفت ليه ربنا مكنش بيقبلني قبل كدة
عشان مكنتش باخد خطوات فعلية بس المرة دي والله أخدت خطوات عملية عشان نفسي ارجع زي الأول وارتاح بقي
والله بعدت عن أي حاجة ترجعني لورا تاني
أنا والله مش عارفة أشكركم ازاي
أبي الفاضل وأخي الكريم ربنا يجازيكم كل خير
لكن انا محتاجة دعواتكم معايا وأي حد يقرأ موضوعي يدعيلي بالثبات
وأي جديد يحصل معايا هبلغكم بيه

[فريق استشارات سرك فى بير(الأخوات)]

رد: رجعالك يا رب

السلام عليكم ورحمة الله وبركاته ...
بشركم الله بكل خير اختنا سندعو لك داااااائما وفقك الله لما يحب ويرضى
وان احتجت اى شيء ابواب الطريق الى الله مفتوحة لك

[غير مسجل]

رد: رجعالك يا رب

السلام عليكم ورحمة الله
انا مش عارفة اقولكم ايه عاللي عملتوه معايا ربنا يجازيكم كل خير بدأت ارتاح نفسيا الحمد لله وأحس بقيمتي بجد
الحمد لله بحاول قدر استطاعتي ازود في الطاعات والاستغفار عشان ربنا يكفر عن ذنوبي
لكن الشيطان مش سايبني في حالي وعااااااايز يوقعني تاني انا بجاهد نفسي جدا وتعبانة معاه والله
هيتجنن اني بدأت امشي في الطريق الصح بس انا بحاول بكل جهدي أقهرة بس خايفة يتغلب عليا واقع تاني
وهو والله عمال يعمل كل حاجة عشان يرجعني تاني ويوسوسلي ويقولي ارجعي مرة واحدة بس واوقات بحس نفسي هتضعف بس برجع بسرعة افكر في حاجة تاني
خايفة بجد يوقعني اعمل ايه عشان اتخلص منه وعشان اثبت أكتر وفي نفس الوقت أنا بحاول اركز في الصلاة اوي عشان اخشع بس مش عارفة يعني بصلي بس مش حاسة بحلاوة الصلاة جوايا عايزة اعرف ازاي اخشع في الصلاة واركز فيها خصوصا صلاة القيام
وجزاكم ربي خيري الدنيا والآخرة

[مراقب قسم سرك فى بير]

رد: رجعالك يا رب

بس خايفة يتغلب عليا واقع تاني

السلام عليكم ورحمة الله وبركاته

لا تخافي يا بنتي فالله معك

ولكن تكري تجديد النية كل يوم

وأسأل الله أن يثبتكم على طاعته

وأن يزيد في قلبك الإيمان والراحة

وأنا مبسوط وفرحان من أخباركم الرائعة والله

أفرحكم الله يا بنتي

وعاوزين تفرحينا كل يوم بخبر جميل من أخباركم

في الدعوة والإلتزام

عاوزين نقول الله أكبر

بارك الله فيكم

[غير مسجل]

رد: رجعالك يا رب

تفضلوا اختنا الفاضلة هذه المقاطع للشيخ حازم شومان رائعة

ارجو عدم الحذف من مشرفي القسم

http://www.youtube.com/watch?v=efbu0aqmsts


ولمزيد من مشاهدة المقاطع او تحميله يرجى الدخول على الرابط التالي

http://www.way2allah.com/var-group-289.htm

السلام عليكم ورحمة الله أخي\أختي الفاضل\ة معذرة فأنا لم أوفيكم حقكم فأنتم ممن لهم الفضل عليا بعد الله عز وجل وهذه المقاطع والله إنها حركت قلبي وكانت عونا لي علي التوبة الصادقة وعلي الندم علي ما فعلت
وحقا كفي بالله حبيبا
جزاكم ربي خير الجزاء في الدنيا والآخرة

[غير مسجل]

رد: رجعالك يا رب

السلام عليكم ورحمة الله وبركاته
حياكم الله فريق إستشارات سرك في بير يا من لهم الفضل علي بعد الله عز وجل علي النعمة التي أصبحت فيها
حبيت أبشركم إن ربنا عز وجل أعانني علي التوبة الصادقة والحمد لله قهرت الشيطان وهزمته
فلقد حاول الايقاع بي مرات عديدة وكان يريدني أن أعود لما كنت عليه ولكن ربي كان معي وقهرته وتغلبت عليه
ما أحلاها حياة التي نعيشها في طاعة الله
شتان شتان بين الضيق الذي كنت فيه وبين الراحة التي أصبحت فيها
اللهم لا تحرمنا نعمة القرب منك وأعننا علي طاعتك

أنا بقي عندي استفسار وسامحوني إني بثقل عليكم
فيه شاب تقدم لخطبتي وهو علي خلق ودين الحمد لله واهلي موافقين عليه ولكن هو لسة في الكلية وهو اخر سنة فاهلي رفضوا ان يكون فيه ارتباط رسمي دلوقت وقالوا لما يخلص السنة اللي باقياله ساعتها يببقي نعمل ارتباط رسمي عشان ميشغلنيش عن الدراسة وكذلك عشان ظروفنا متسمحش اني اتخطب فترة طويلة لكن ما زال القبول موجود من الطرفين
الحمد لله مفيش اي اتصال من اي نوع بيني وبينه حتي في الجامعة بيغض بصره عني وانا كذلك الامر
لكن الاتصال بيكون بيني وبين اخته او والدته وهو بردو علي اتصال مع اهلي لكن علي فترات متباعدة
فانا عايزة اعرف الوضع ده كدة صح ولا غلط واتصال والدته بيا فيه اي حاجة؟؟ مع العلم انها بتتصل علي تليفون والدتي مش علي تليفوني ومع العلم أيضا اني مش بكلمها عنه ولا بسألها عليه يعني الكلام عبارة عن سلام اطمئنان لو في مناسبة يبقي تهنئة ليس اكثر من ذلك