بقيت بكره قلبي

[غير مسجل]

السلام عليكم
لو سمحتوا انا واقعة في مشكلة نفسية كبيرة اوي ومش قادرة ألجأ لحد ولا احكيله
انا لما بكتم جوايا بنهار عصبيا والدنيا بتضيق في وشي
انا نفسي اعرف لما ربنا هو مقلب القلوب وبيشكلها حسب ارادته ليه خلي قلبي يتعلق ببشر ويحبه كدة
وبعد كدة هيعذبني ويشويني في جهنم وانا مش بإيدي حاجة ولا قادرة اتحكم في قلبي لحد ما خلاص بقيت بكره قلبي عشان مش عارفة اتحكم فيه
انا لو أضمن اننا ممكن نكون لبعض في الآخر ونتجوز كنت ارتاحت شوية لكن أنا متأكدة ان الموضوع ده استحالة هينتهي بالجواز عشان لا اهلي ولا اهله هيوافقوا علي الطريقة اللي اتعرفنا بيها وهي النت ولكن التعارف جه بالصدفة
انا حاولت ابعد كتير لكن هو كان بيخليني ارجعله تاني لانه كان بيصعب عليا عشان هو بيقولي انه حاول ومقدرش يبعد واني لو سيبته حياته هتدمر
بس انا دلوقت اللي متدمرة وحياتي بدأت تبوظ عشان انا مش قادرة استحمل اني افضل اعصي ربنا وانا علي علم بالمعصية بس والله مش قادرة
انا عارفة حكم الدين كويس في العلاقة دي وعارفة انه حرام وعرفته ان كلامنا حرام واننا لو بنحب بعض يبقي لازم نسيب بعض عشان ربنا
انا دلوقت خلاص مش عارفة اتصرف ازاي ومتضايقة من نفسي اوي والله دموعي مش بتنشف من عيني وكل ده وانا ببذل كل جهدي عشان ملفتش نظر اللي حواليا يعني انا بتدمر وبموت بالبطئ ومش عارفة اعمل ايه
يا ريت تنصحوني وتقولولي اعمل ايه
وازاي مفكرش في ربنا بالطريقة الوحشة دي لاني بتضايق من نفسي اوي لما بفكر في ربنا كدة

[مراقب قسم سرك فى بير]

رد: بقيت بكره قلبي

السلام عليكم ورحمة الله وبركاته

حياكم الله يا بنتي

وتكرهي قلبك ليه؟؟

إكرهي اللي بيلعب في قلبك

وبيصعب عليك هذا الشاب ليه؟؟؟

الأولى أنك تشفقي على نفسك يا بنتي

أولاً أنا أشكرك لأنك لجأت إلى هذا المكان للفضفضة عن همومك

وحسب خبرتي أغلب الشباب بيحكوا للبنات نفس الكلمات علشان يصعبوا عليهم

إحذري يا بنتي وأنا مسلم وأنت مسلمة وأنا مثل والدك وواجبي أن أغار

على بنات المسلمين إحذري فهذه كلها من حبائل الشيطان الخبيث الماكر

ومشكلة قلبك سهلة بإذن الله

لكن أنا عاوز منك تساعدي نفسك قبل مساعدتنا لك

عندي سؤال : من الأغلى في قلبك الله أم ذلك الشاب المجهول؟؟؟

أكيد جوابك هيكون الله

طيب كيف يجتمع في قلبك حب عظيم لله وحب قدمه لك الشيطان؟؟!!

العلاج هو كل ما عليك أن تتقربي إلى الله حتى يكون الله المحبوب الأغلى في قلبك

كيف ؟؟ بالطاعات والدعاء ويجب أن تجلسي مع نفسك وتعيدي حساباتك

وتسألي نفسك هل أنت مقصرة ؟؟ وقتها ستعرفين أنك مقصرة يا بنتي

وتأكدي متى كان الله المحبوب الأغلى في قلبك ستبدأين بنسيان هذا الشاب المجهول

وسيخرج من قلبك لأنه لا مكان للشيطان في قلب مليء بحب الله

وأنا في كل لقاء أعطي وصفة لكل إنسان يريد أن يطهر قلبه

في الثلث الأخير من الليل قومي من نومك وتوضأي وأحسني الوضوء

وأقبلي على الله وعلى سجادتك قولي الله أكبر أخرجيها من قلبك

نعم الله أكبر من الشيطان وأكبر من ذلك المجهول

صلي ركعتين بخشوع وهدوء إبكي أذرفي دموعك

وبعد الصلاة إقرأي ما تيسر من القرآن وبعد ذلك وجهي قلبك إلى الله

وأنت ذليلة خاشعة وأدعو وأطلبي ما شئت من الكريم الرحمن الرحيم

وأريد منك يا بنتي أن تطمأني فأنت على خير وهذا ما دفعك للتكلم معنا

أنت تبحثين عن الحق لأن قلبك أصله طاهر

وأحسني الظن بالله يا بنتي فالله أرحم بنا من الأم بابنها

ونحن بانتظار أخباركم الطيبة بإذن الله

[فريق استشارات سرك فى بير(الأخوات)]

رد: بقيت بكره قلبي

https://forums.way2allah.com/showthread.php?t=151499

[غير مسجل]

رد: بقيت بكره قلبي

جزاكم الله كل خير
والله إني قد استعنت بالله وقطعت هذه العلاقة المحرمة وتركته من أجل الله
ولكني أشعر بضيق شديد لأبعد الحدود لدرجة أني لا أستطيع أن آكل ولا أشرب ولا حتي أؤدي العبادات علي الوجه المطلوب
وليست لدي الرغبة في عمل أي شئ أصبحت شخص آخر ليست له أي علاقة بي كل من حولي بدأوا يلاحظون ولكني الآن لا أستطيع أن أحدد ما بي والله لولا أعلم قتل النفس حرام لكن فعلت لكي أستريح من هذه الدنيا فأنا أصبحت لا أطيق العيش فيها
ولكني أيضا أخشي أن أقابل الله وأنا هكذا فيكون مثواي النار فأنا أعصيه كثيرا وأتوب إليه ولكن أعود للذنب مرة أخري بقلب أقسي من الأول أخشي أن يصبح الذنب سهل بالنسبة لي وأخشي أنا يقبضني الله وأنا علي معصية...مع العلم إني قرأت كثيرا هنا في منتداكم عن إجابات لهذه الأسئلة ولكن يأست من نفسي ومن ان ينصلح حالها
نفسي معصيش ربنا والله أعلم أن ربي لا يستحق مني أن أعصيه طرفة عين لذلك كرهت نفسي التي تضعف كثيرا ويستزلها الهوي والشيطان وأنا كالغبية لا افكر فيما فعلت الا بعد ما أفعله
بدأت أقصر في دروسي وصلاتي وقرآني لم أعد أرغب في المذاكرة ولا في أي شئ وأخشي علي نفسي الرسوب أو أن يضعف مستواي فأنا ولله الحمد متفوقة دراسيا ولو لقدر الله حدث ما أخشاه ستكون صدمة لكل من حولي وعندها لا أعرف ماذا سأقول لهم ...... يا الله بداخلي عبء ثقيل ولا أعرف كيف أزيله من علي قلبي
فأنا كلما وقعت في مشكلة أخرج منها بفضل من الله ولكن أقع بعدها في مشكلة أكبر
وربنا بيكرمني كتير أوي بس ده بيعزبني أكتر إني أعصيه وهو ميعاقبنيش مش عايزة ربنا يسيبني كدة
والله لو فضلت علي هذه الحال هموت من كتر الهم والتفكير

[مراقب قسم سرك فى بير]

رد: بقيت بكره قلبي

السلام عليكم ورحمة الله وبركاته

حياكم الله مرة أخرى يا بنتي

كنت سأسألكم كيف حالكم لكنكم شرحتم لي حالكم

كلنا يا بنتي نفسنا نعيش بدون معاصي

أنت اللآن بدأت بداية طيبة وممتازة كمان

وبما أنك متفوقة في دروسك هذا يعني أنك ذكية

وستفهمي كلامي بسرعة

الدنيا كلها بما فيها من ملذات وخيرات لا تستحق كل هذا الإهتمام

خلي إيمانك بالله قوي وفكري في آخرتك فكري في النجاة من النار والفوز بالجنة

جاهدي نفسك ولك الأجر العظيم من الله على هذا الصبر على نفسك

الجنة سلعة غالية وتذكري قول الله عز وجل

أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَعْلَمِ اللَّهُ الَّذِينَ جَاهَدُوا مِنْكُمْ وَيَعْلَمَ الصَّابِرِينَ [ آل عمران/142]

يعني الجنة مش ببلاش وعاوزة جهاد للنفس وصبر كمان

ولا تتخلي عن الدعاء

وأنا متأكد كلما تقربت إلى الله أكثر سترتاحين أكثر

أنت ذكية وبتفهمي

معقول الإنسان يكون قريب من ربه وتعبان؟؟؟!!! مستحيل

لكن الأمر عاوز منك شدة حيل أيوه شدي حيلك وقاومي وجاهدي نفسك

الدنيا بما فيها لا تستحق أن أقلع أظفر من أظافري فكيف أزهق نفسي

وأضمن دخول جهنم

يا بنتي قلبيها في دماغك الدنيا مش مستاهله منك كل ده

خليكي قوية ومؤمنة وصاحبة شخصية

الشيطان ده تافه وضعيف ولا يهزم إلا الأضعف منه فقط

ده أنت بمجرد أنك كلمتينا الشيطان مقهور ومتضايق منك

لكن إطمأني أنت أقوى منه بكثير

أنت معاك أسلحة كثيرة وواقف في صفك رب العالمين

إهزمي الشيطان وخليه يروح بعيد وإحكيله مكانك مش عندي أنا مؤمنة بالله

أنا عاوزة أكون مثل الصحابيات وأمهات المؤمنين

عاوزك تكوني قوية وصاحبة شخصية جامدة وبلاش تكوني مهزوزة يا بنتي

وأنا بانتظار أخبارك الطيبة المفرحة

[غير مسجل]

رد: بقيت بكره قلبي

السلام عليكم ورحمة الله يا أبي الفاضل
والله إني عاجزة عن كتابة كلمة شكر توفيكم حقكم فوالله الذي لا اله الا هو لقد أرحتموني كثيرا
وبفضل الله ثم بفضلكم قد بدأت بتنفيذ كلامكم لي وإني ولله الحمد والشكر أشعر بارتياح
وحقا هذه الدنيا لا تستحق مني أن أفعل بنفسي كل هذا
ولكني بحاجة شديدة لدعائكم لي بالثبات والصلاح وأن يعينني الله علي نفسي وأن يسد أمام عيني طرق الفتن والمعاصي
وأن يبعد عني كل من أراد بي سوءا
جزاكم ربي الجنة ومرافقة الحبيب المصطفي صلوات الله وتسليماته عليه

[مراقب قسم سرك فى بير]

رد: بقيت بكره قلبي

السلام عليكم ورحمة الله وبركاته

الله يفرحك يا بنتي كما أفرحتمونا

وأسأل الله لنا ولكم الهداية والثبات

ولا تنسينا من دعائكم يا بنتي

وموضوعك موجود وكل ما تحسي أنك عاوزة تفضفضي

تعالي وفضفضي يا بنتي

بارك الله فيكم