سبتيه / سبتها ... بجد تعبان ومش عارف أعمل أيه ؟؟؟

[فريق استشارات سرك فى بير(الأخوات)]

السلام عليكم ورحمة الله وبركاته ...



سبتيه / سبتها ... بجد تعبان ومش عارف أعمل أيه ؟؟؟

الموضوع خطير جدا يا شباب ومعظم الشباب والبنات واقعين تحت وهم(( انا بحبك ومقدرش اعيش من غيرك ))

بصوا يا جماعه أنا عارف أن الموضوع بجد صعب و فيه مشقة جامدة أوي


فى أن الإنسان يبعد عن الشخص اللي بيحبه


وده لأنه أتعود أنه لما يصحى يرنلها وترنله


و لما يخرج من البيت ولما يرجع البيت لازم يرن و لو دخل ينام يكلمها أوتكلمه

والكلام ده كله .........

بس و الله لو عرفنا أن الخير هو فى ترك الشخص اللى إحنا بجد حبيناه ...

هنعمل كده

و بعدين يا أخى و يا أختى لازم يكون عندنا ثقه فى وعد الله لينا




يا جماعة إحنا لما وثقنا فى الدنيا

عمرنا 6 قارات



و لما وثقنا فى أن رصيد البنوك هو المستقبل والآمان

خلينا همنا كله هو أن يكون لينا رصيد فى البنك



و لما وثقنا فى الدكتور

بقينا نشوف الأب اللى بيدى للدكتور الفلوس ويفضل يدعيله




ومش بعيد يدخل يساعده

على الرغم أن الدكتور ده

هو اللى هيفتح بطن أبنه وهيقطع فى لحمه

بس لأننا وثقنا فى الدكتور


مديناش لنفسنا فرصة أن إحنا نشك لمجرد لحظه فى قدراته


و سلمنا نفسنا للدكتور لأننا استشعرنا الأمان والطمأنينة تجاهه




طيب ليه يا جماعة مش قادرين نثق فى وعد الله لينا


ليه مش قادرين ندى نفسنا فرصه نحب ربنا بجد

ليه خلينا رضى الناس والسعى وراء شهواتنا هو همنا الكبير

وسيبنا محبة الله

والله يا جماعة قرآت آيه هزت كيانى كله



ووددت فى نفسى لو يتدبر في معني هذه الآيه كل شاب وفتاة



والله لعلموا أن السعاده الحقيقيه فى طاعة الله


و البعد عن ما يغضبه سبحانه وتعالى



و الآيه دى فى سورة إبراهيم ... وهى قول الله تعالى


( وقال الشيطان لما قضي الأمر أن الله وعدكم وعد الحق


ووعدتكم فأخلفتكم وما كان لي عليكم من سلطان


إلا أن دعوتكم فاستجبتم لي


فلا تلوموني ولوموا أنفسكم

ما أنا بمصرخكم وما أنتم بمصرخي

إني كفرت بما أشركتمون من قبل

إن الظالمين لهم عذاب أليم )




أنا بس يا جماعة عاوز أقف وقفة صغيرة جدا مع الآيه دى


أول حاجة ... ( وقال الشيطان ) ...

يعنى مش الداعية الفلانى

يعنى مش ماما

يعنى مش صاحبتى


يعني مش صاحبي


( لما قضي الأمر )




يعنى خلاص يا جماعة أنتهى الأمر ...


مبقاش فى كلمة يارب أنا آسف


مبقاش فى توبة



مبقاش فى حد هيقول للتانى كده حرام وكده حلال


( إن الله وعدكم وعد الحق )




هنا بقى يا جماعة عاوزين نركز شويتين فى المعنى


وعدكم الله وعد الحق :



للأسف يا جماعة إحنا فقدنا الثقة فى وعود الله لينا

وصدقنا وعد الشيطان

وعدنا الله جل وعلا وقال :


( من يتق الله يجعل له مخرجا )



وسيبنا وعد ربنا سبحانه وتعالى


وخفنا نسيب اللى إحنا بنحبهم


علشان مش واثقين إن ربنا سبحانه وتعالى هيجعل لينا مخرج


والشيطان قال لنا :


( مفيش جواز من غير صحوبية )


( لو سبتاها هتتجوز غيرك )


( وأنتي لو سبتيه هينساكى وهيشوف غيرك )


( يا بنتى أنتي هتعقدى نفسك ليه ما البنات معظمهم كده )


( وأنت يا بنى تقوى أيه و بتاع أيه عيش حياتك وكلمها علشان تدرس

أخلاقها كويس )

( يا بنى سيبك من الناس اللى عمالة تقول سيبها علشان تكون ليك ومن نصيبك دى ناس فاهمة الدنيا غلط )


(يا بنتى خليكي معاه علشان مايبصش لواحدة تانية ... دا اللي بعيد عن العين بعيد عن القلب )



... و غيره ... و غيره ... و غيره ... وغيره

و رغم كل ده برده وثقنا فى وعد الشيطان لينا



و نسينا إن الشيطان بنفسه هو اللى قال :


( ووعدتكم فأخلفتكم )


وعدتكم إنكم هتتجوزوا بعض

و أنا كنت عارف إن كل مكالمة كانت بتبعدكم عن بعض

وعدتكم إنكم هتعيشوا فى سعادة

و أنا كنت عارف إنكم هتعيشوا فى ضنك


وعدتكم إنكم هتكونوا متسامحين مع بعض وكل حاجه بينكم هتتحل


و لكن مانسيتش إني أخلى حياتكم شقاء


و خليت أتفه المشاكل سبب فى تعاستكم


و عدتكم إن السعاده فى مكالمة تليفون


و خليتكم تنسوا ربنا السميع العليم


و النهارده ( يوم القيامة ) أنا جاى أقولكم الكلام ده



بس بعد ما خلاااااااااااص ... كل شئ أنتهي




زى ماكنتم معايا فى الدنيا مطيعين وبتسمعوا كلامى


فأنا جاى أحسركم وأعرفكم


أنى من الأول كنت بضحك عليكم وبألعب بمشاعركم


أيوا كنت مخليك فاكر نفسك صح وأنت بتكلمها



و بتتعرف عليها بحجة أنك بتدرس أخلاقها


وأنتى كمان كنت مخليكى مبسوطة أوى


وأنتي كل يوم بترخصى نفسك علشان واحد


أنا أقنعتك أنه هيكون ليكى وأنه بيحبك


لكن أنا نسيت أقولك انك كل مكالمة كنتي بتكلميه فيها


كنتى بترخصى فى قلبه أكتر وأكتر


و نسيت أقولك أنه غصب عنه من كتر ما حس أنك سهلة


و مش قادرة تمنعى نفسك عنه


كنت أنت أول واحدة بره حساباته يوم ما فكر يرتبط بجد ويتجوز واحدة


هى فى يوم من الأيام هتكون زوجته وأم أولاده


لكن بس حبيت أتفرج عليكم و أفرح فيكم وأنتوا بتغضبوا ربنا


وأنتم عمالين بتكذبوا كلامه ووعوده


بس خلاص أنا عملت اللى أنا عاوزه


و قدرت ألعب بمشاعركم و قدرت أعذبكم وأفرق بينكم للأبد


( وما كان لي عليكم من سلطان إلا أن دعوتكم فاستجبتم لي )


و على فكرة أنا ماضربتكمش على أيديكم


أنا ماضربتكش على أيدك لما مسكت تليفونك وكلمتها


وأنا ماضربتكيش على أيديك لما خرجتى معاه وكلمتيه


أنا بس شاورتلكم و ضحكت عليكم


وقولتلكم إن طريق السعاده من هنا


و أنتم بصراحة ماكدبتوش خبر ... وجريت تكلمها و جريتى تكلميه




وماخوفتوش علي نفسكم أصلا من عذاب ربنا




دا غير العذاب الأصغر


لا أنتوا عيشتوا وكملتوا حياتكم مع بعض ولا أنتوا قادرين تعيشوا مبسوطين

مع حد تاني



آآآآآآآآآآآآآآآآآآآآآآآه من ده عذاب


بوظنا معنى الحب ... بعد ما أدينا الشيطان فرصة يلعب بمشاعرنا


وأنتوا اللي كتبتوا لنفسكم النهاية دي ... أنتوا اللي كتبتوا البعد والفراق

الأبدي دا بأيديكم



لكن ليه يا جماعة نوصل للمرحلة دى ؟؟؟
وإحنا عارفين الحل فين

والله يا جماعه ماتخافوا
ماتخافش ... والله لو سبتها النهاردة هتجيلك

و ساعتها هتحس بجد بغلاوتها و قيمتها فى قلبك وهتحافظ عليها

وأنتي ماتخافيش هيجيلك والله هيجيلك

و أرجوكى بلاش ترخصى نفسك

أنتى غالية أوى

أرجوكى حافظى على نفسك وغلى نفسك

و الموضوع بسيط جدا يا جماعة

بالله عليكى لو فى جوهرة على جبل عالى

و حاول شاب أنه يوصل للجوهرة دي


حاول مره ووقع ...


و حاول التانية ووقع تانى وأتجرح ...


و وقع التالتة وأتكسر ...


وبرده فضل مصر أنه يوصل للجوهرة دي ...


وفى آخر المحاولات وصل بعد مشقة وعناء ...


بالله عليكى ساعتها هيقدر يفرط فيها ؟؟؟


ساعتها هيجيلوا قلب أنه يسيبها لغيره



؟؟؟؟؟؟؟؟؟؟؟؟؟؟؟؟؟؟؟؟؟؟


بالظبط نفس الكلام


النهاردة أنتى لما تمنعى نفسك عن الشاب اللى بجد نفسك تربتطى بيه


صدقينى هتغلى جدا فى نظره


كل يوم ربنا سبحانه وتعالى هيزيدك رفعه وقيمه فى قلبه


يابنتي قلبه دا بأيد ربنا ... يعني هو وحده سبحانه وتعالي اللي قادر يزرع في قلبه أنه يحبك أو يكرهك

و إن شاء الله لما ربنا يجمع بينكم

والله ما هيجيله قلب يزعلك وهيحافظ عليكى وهيحطك جوا عينيه


لأنك بجد غالية ... غالية جدا

وتعالوا معايا نشوف الصورة التانية


لو هى هى نفس الجوهرة ... بس المرة دى مش على قمة جبل


لأ


دى مرمية فى الشارع ... و عليها تراب
و كل اللى رايح واللى جاى
عمال يشوط فيها ...
لحد ما واحد لقاها وأخدها

بالله عليكى هتكون غاليه عنده زى الشاب اللى تعب و بذل قصارى جهده علشان يوصل للجوهرة البعيدة اللي لسه بتلمع فوق

الجبل

و ساعتها بجد عمرك ما هتكونى غاليه عنده



شوفتوا يا جماعة أد أيه الموضوع مش سهل


مش سهل أبدا أنك تمشيها غلط من الأول وتقول أنا بدور على السعادة


مش سهل أبدا أنك تقول أنا عاوز أرضى ربنا وأنت كل يوم بتعصيه

يللا يا شباب ويا بنات...
بالله عليكم ... نسيب بعض علشان بجد نكون لبعض



و يلا يا رجالة بجد تكونوا رجالة ... يلا ناخد بأيد بعض للجنة


و نساعد بعض فى أن إحنا نحب ربنا قبل أى حد


لأن حب ربنا هيعود علينا بالخير كله


و يللا يا بنات ... أنتى أرق من أنك تجرحى حياءك


أنتي واحدة كلك حنان ...
كلك رقة ...
كلك طيبة ...
كلك مشاعر بجد

جميلة ...


بلاش تدمرى حاجة بجد حلوة فيكى وهى مشاعرك و أحاسيسك


و تفرطى فيها فى طريق يغضب ربنا


و قوليها بأعلى صوتك

قلبى ملك ربى وحبى لله أشد

النهاردة يا جماعة كل واحد يجعلها لله ويكلم الأنسانة اللي بيحبها

و يقولها :

( أنا والله لأني خايف عليكى
فأنا لازم أسيبك ...


و صدقينى لو فيه خير ليكى هكون ليكى ...



وهيبقى معادنا يوم ما أخبط علي بابكوا وأجي علشان أتقدملك ...



أستودعك الله الذي لا تضيع ودائعه

وتخيل بقى لما تبقي سايب أمانة مع ربنا




يااااااااااااااااااااااااااااااااه أمانة
مع ربنا ... يعني ربنا هيحفظهالي من كل سوء


ومش هبقي خايف عليها أبدا وأنا بعيد عنها

وأنتي كمان قدري خوفه عليكي دا وحبه ليكي


وساعديه في أنه ينفذ أصح وأجمل قرار أخده في حياته


وطمني قلبه وقوليله :


( وأنا كمان أخدت القرار ولازم نسيب بعض ...


علشان ربنا يبارك فى علاقتنا ويجعل آخرها الأرتباط لو فيه نصيب ...


ويجعل حياتنا اللي جايه كلها سعادة وحب ...


لو ربنا مقدر ..هكون ليك بإذن الله ...


وصدقنى طالما إحنا خلينا رضا ربنا قبل رضا نفسنا ...


فصدقنى ربنا هيتولى أمرنا ...



أستودعك الله الذي لا تضيع ودائعه )

اقطع كل علاقتك بيها ..تماما..

وانتي اقطعي كل علاقتك بيه..تماما..

و من هنا إن شاء الله تكون البداية فى الرجوع إلى الله سبحانه وتعالى ...


و بجد نقولها بأعلى صوتنا ......
.
.
.
.

بنحبك يارب
بنحبك يارب
بنحبك يارب
بنحبك يارب
بنحبك يارب
موضوع مهم لكل الشباب
م
ن
ق
و
ل

[غير مسجل]

رد: سبتيه / سبتها ... بجد تعبان ومش عارف أعمل أيه ؟؟؟

جزاكم الله كل خير علي هذا الموضوع الرااااااااااااائع
اللي بجد أفادني كتير أوي
وأحب أقول أنه:
من فقد الله فماذا وجد؟ ومن وجد الله فماذا فقد؟
من ترك شيئا لله عوضه الله خيرا منه

وربنا يثبتنا علي الحق ويهدينا ويهدي سائر شباب وبنات المسلمين

[غير مسجل]

رد: سبتيه / سبتها ... بجد تعبان ومش عارف أعمل أيه ؟؟؟

جزاكم الله خيرااا
طيب هو الكلام ده بين المخطوبين كمان

[غير مسجل]

رد: سبتيه / سبتها ... بجد تعبان ومش عارف أعمل أيه ؟؟؟

جزاكم الله خيرا...
الحمد لله أنا لم أرتبط بأي شخص و لا مرة في حياتي...
و لكن ارتبطنا من بعيد يعني من نظرته ليا و نظرتي ليه حسينا أن في حاجة بينا...بس الحمد لله الكلام ده انتهى...
غض البصر مهم جدا للتخلص من مثل هذه المشكلات النفسية...

السلام عليكم...

[فريق استشارات سرك فى بير(الأخوات)]

رد: سبتيه / سبتها ... بجد تعبان ومش عارف أعمل أيه ؟؟؟

http://www.youtube.com/watch?v=bzcSc...eature=related

[غير مسجل]

رد: سبتيه / سبتها ... بجد تعبان ومش عارف أعمل أيه ؟؟؟

ماشاء الله تبارك الرحمن كلام مهم مهم مهم جدا جدا جدا جدا
ولكل شخص قرء هذا الكلام وان لم يكن يكلم شاب المفروض على من يريد ان ينصر دين الله ويخاف على صديقه ان يرسل له هذا الكلام ضروري جدا قبل ان يقضى الامر.... ولو سامحني الشيخ اذا طبعت هذا الكلام واعطيته لاحدى صديقاتي او انشره في الكلية واذن لنا فلنفعل هذا ضروري جدا قبل فوات الاوان ...
اللهم ترحمنا برحمتك يا الله

[فريق استشارات سرك فى بير(الأخوات)]

رد: سبتيه / سبتها ... بجد تعبان ومش عارف أعمل أيه ؟؟؟

اتفضلى اختنا الكريمة انشريه

[دنيا دنيا]

رد: سبتيه / سبتها ... بجد تعبان ومش عارف أعمل أيه ؟؟؟

السلام عليكم ورحمة الله وبركاته

ماشاء الله كلام جميل جداا

((بوظنا معنى الحب ... بعد ما أدينا الشيطان فرصة يلعب بمشاعرنا))
بجد ضاع معنى الحب
نحمد الله تعالى ونسأله نقاء القلوب لحبه وحب نبيه وحب كل عمل يقربنا لحبه
ربنا يهدى الجميع



http://www.youtube.com/watch?v=9ZoSs...eature=related

ــــــــــــــــــــــــــــــــــــــــــــــــــ ـــــ
أحيانا الواحد بيسال نفسه هو ليه مش حب
بس بسمع حكايات وحاجات من الناس ومن المشايخ تهز القلب
فاللهم اجعل قلوبنا لك وحدك
بوركتم وجزيتم الجنان العلى

[غير مسجل]

رد: سبتيه / سبتها ... بجد تعبان ومش عارف أعمل أيه ؟؟؟

بارك الله فيكم
ادعو لي يااخواني في الله

لست صغيرة السن وادعو ربي ان اكون قرة عين وزوجة لرجل احسبه ولا ازكيه بالصلاح ولكنه يصغرني باعوام ويوجد بعض العوائق

اجاهد نفسي دائما على الثبات في الامر والا اغضب الله

ادعو لي مافي شيء بعيد عن ربنا عن سبحانه وتعالى او محال في وجود الله

كيف احزن ورب العرش موجود سبحانه القادر على كل شيء اذا اراد شيئا فانما يقول له كن فيكون

اسالكم الدعاء

[غير مسجل]

رد: سبتيه / سبتها ... بجد تعبان ومش عارف أعمل أيه ؟؟؟

النهاردة أنتى لما تمنعى نفسك عن الشاب اللى بجد نفسك تربتطى بيه


صدقينى هتغلى جدا فى نظره


كل يوم ربنا سبحانه وتعالى هيزيدك رفعه وقيمه فى قلبه

كلام رااائع جدا لكن بما اني جربت وعشت المرار والالم...
ازا الجوهره ماتعب من الاساس ليحصل عليها يعني مجرد راح شافها عجبته وخطبها ... يعني مابعرف شو هيه عنجد ياما ناس خطبو بعد ما سالو عن البنت وطلعت البنت بتعمل غلط كتيرر وبيطلئوو

طيب شو الفرء لما هون يروح يخطب بنت لسا بشووفها وبنت بتحكي معه ...؟؟
رح تحكيلي انها رخصت حالها.. طيب مش ممكن البنت الي خطبها تكون عملت كده مع غيروو.. هوه مابيعرفها لساا..
ويلي بتسلى ببنات الناس وبعدين بتركها وبخطب غيرها.. شو عزابه بالدنيا.. مش المفروض زوجته تخونه عشان يتعااقب..؟؟؟

[واقعة ف نفس الموووضوع]

رد: سبتيه / سبتها ... بجد تعبان ومش عارف أعمل أيه ؟؟؟

جزاكم الله خيرا
بجد كنت محتاجة الكلام ده اوووووووووى
وبقرر كتييييييييير اسيبه
بس لما باجى اتكلم مش بقدر
لدرجة انى حلمت انى غللللللللللط
وتعبانة جدااااااااااااااا لانى عارفة انى غلط
بس للاسف سيبنا بعض اكتر من مرة
وانا اللى برجعله
ادعوووووووووووووووولى كتتتتتتتتتتتير
مش بقدر اجاهد نفسى
نفسى حد يقولى ع خطوات علشان اقدر اجاهد نفسى ف اى حاجة