ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

[رحيق العفة]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

من فضلكم يا جماعة انا نفسى اكون على اتصال مع اى حد من الاخوات بس مش عارفة
حد يبعتلى على الايميل ويساعدنى
جزاكم الله كل خير عنا

بارك الله فيكِ أختي ممكن تشتركي في قسم الخاص وتتواصلي مع الاخوات وستجدي خوات بفضل الله يساعدوكِ

مثبــت: قسم الأخوات الخاص وكيفية دخوله

[رحيق العفة]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

بجد انا حاسه انى انا تايهه فى الطريق ضاله مش عارفه انا عايزه ايه ولا راحه فين ولا جايه منين هحكيلكم حكايتى لانى وثقت فيكم ونفسى بجد تساعدونى
انا باختصار كده فى بدايه طريق الهدايه الحمد لله ربنا هدانىمن فتره وقدرت احافظ على الصلوات الخمس وبعض الاعمال الصالحه الخرى بس للاسف انا عندى مشكله
ببساطه يا اخواتى فى الله انا كل عمل صالح بعمله بعمل معاه ذنب حتى لو كان بسيط مفيش عندى عمل كامل خالص من الذنوب يعنى مثلا بصلى الفروض كلها بس نصها بصليه مش فى معاده بصوم رمضان وبقوم ليل رمضان كله وبعد رمضان ممكن مصليش قيام اليل غير مرتين فى الشهر بطيع والدتى بس احيانا بتعصب عليها اغلط واعلى صوتى عليها واجرحها عمرى.... محسيت بحلاوه الايمان حاسه انى منافقه بعمل الاعمال عشان خوفى من ربنا بس مش بحس بيها مش بحس بحلاوه العمل الصالح بحس فى كل خطوه خطيها بالموت ودايما فاكره الموت وعلى الرغم من كده مش ملتزمه 100% ولا حتى 60% مش عارفه اعمل ايه؟ مش عارفه الغلط عند؟ مين طب اعمل ايه عشان المشكله دى تتحل؟؟ اعمل ايه عشان ابقى احسن؟؟؟ دا اللى نفسى اعرفه منكم نفسى حد ياخد بأيدى نفسى بجد فى صديقه صالحه لأنى فعلا مفتده الموضوع ده ساعدونى بالله عليكم انا تعبانه ومش عايزه ارجع لورا انا مصدقت ربنا خد بأيدى !!!!!!!!

السلام عليكم ورحمة الله وبركاته

بارك الله فيكِ أختي والحمد لله الذي هداكِ لطرق الخير اسأل الله ان يثبتكِ عليه ويرزقكِ العمل الصالح والمداومة عليه

اذكر نفسي وإياكِ أختي بقول الله عز وجل: {وَسَارِعُوا إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدِّتْ لِلْمُتَّقِينَ . الَّذِينَ يُنْفِقُونَ فِي السَّرَّاءِ وَالضَّرَّاءِ وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللهُ يُحِبُّ الْمُحْسِنِينَ . وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللهَ فَاسْتَغْفَرُوا لِذُنُوبِهِمْ وَمَن يَغْفِرُ الذُّنُوبَ إِلاَّ اللهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ . أُولَئِكَ جَزَاؤُهُم مَّغْفِرَةٌ مِّن رَّبِّهِمْ وَجَنَّاتٌ تَجْرِي مِن تَحْتِهَا الأنْهَارُ خَالِدِينَ فِيهَا وَنِعْمَ أَجْرُ الْعَامِلِينَ}( آل عمران: 133- 136).

فإذا عرفنا الهدف الذي نعمل لأجله لعملنا اتعرفين لما نعمل ؟؟؟

نعم إنها الجنة التي يجب ان نسارع من أجلها الا تحتاج مننا من مجاهدة ؟

بلي تحتاج من مجاهدة وصبر ولكِ في ذلك أجر بإذن الله اجتهدي أختي للثبات علي الخير بإذن الله ولا تتبعي خطرات الشيطان سيحاول جاهدا أن ينسيكِ اشياء كثيرة نسأل الله الثبات وهذه نصائح كنت قرءتها فلنحرص عليها جميعا بارك الله فيكِ

وإذا أرت أن يستقيم حالك،فعليك بالتالي:

*حددي هدفك من هذه الحياة القصيرة، ماذا تريدين منها، وتذكري- كما قلت- وقوفك أمام الله عز وجل، وهيبة الموقف، وعظم من ستقفين أمامه وهو يعلم كل شيء عنك، وتذكري ذنبك دائما لتخضعي لله دائما.
*وثقي علاقتك بأهلك أو بأقربهم إليك، بشرط أن يكون أو تكون من أهل الصلاح والتقوى، ومن أهل المشورة والرأي.
*عليك بالصحبة الطيبة التي تعينك على طاعة الله، وستجدينها بإذن الله.
*اشغلي وقتك بحضور دروس العلم، أو في جمعية خيرية، ككفالة اليتيم، ولجان الزكاة، وجمعيات البر الكثيرة.
*اقرئي في قصص الصحابة والصحابيات، والتابعين والتابعيات؛ لتعرفي كيف كانوا، وكيف تحولت حياتهم.
*إذا كنت تدرسين فاهتمي بدراستك، واحرصي على التفوق، واجعلي سنوات الدراسة حركة دءوبة بين العلم والترفيه المباح وبناء الذات علميا؛ فهي من أجمل سنوات العمر، فلا تضيعيها.
*هوني على نفسك أختي وأقبلي على الله، واعلمي أنه رب غفور رحيم حليم لطيف بعباده، يبسط يده بالليل ليتوب مسيء النهار ويبسط يده بالنهار ليتوب مسيء الليل؛ فأكثري من الاستغفار والدعاء والصدقة والبر.

ونسأل الله لك الهداية والفلاح وراحة البال، والاستمرار في طاعة الله عز وجل.

[تاركة الدنيا]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

اختى فى الله ام نيللى........
جزاكى الله كل خير على اهتمامك وجعلنا دائما اخوه فى الله

بجد انا استفدت جدا من كلامك وفعلا الكمال لله وحده وانا عارفه انى مهما عملت عمرى مهكون كامله بس انا اختلاط اعمالى الصالحه بذنوبى خوفنى ان ممكن اعمالى دى ربنا ميقبلهاش منى فحاولت ابعد عن المعاصى بس ببعد وبرجع تانى
انا فعلا هعمل بنصيحتك وهستمر وهقرب من ربنا اكتر وادعيه انه يتقبل منى بس بالله عليكى انتى كمان ادعيلى انا فعلا محتاجه دعواتك
وشكرا مره تانيه على اهتمامك وجعله الله فى ميزان حسناتك

[رحيق العفة]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

ونبدأ بعلاج مشكلة الصلاة

نعرف اولا حكم تأخير الصلاة عن وقتها

مواقيت الصلاة
للصلاة أوقات محدودة لا بد أن تؤدى فيها، لقول الله تعالى: (إن الصلاة كانت على المؤمنين كتابًا موقوتا) أي فرضًا مؤكدًا ثابتًا ثبوت الكتاب.
وقد أشار القرآن إلى هذه الأوقات فقال تعالى: (وأقم الصلاة طرفي النهار وزلفا من الليل، إن الحسنات يذهبن السيئات، ذلك ذكرى للذاكرين).
وفي سورة طه: (وسبح بحمد ربك قبل طلوع الشمس وقبل غروبها، ومن آناء الليل فسبح وأطراف النار لعلك ترضى) يعنى بالتسبيح قبل طلوع الشمس: صلاة الصبح، وبالتسبيح قبل غروبها: صلاة العصر، لما جاء في الصحيحين عن جرير بن عبد الله البجلي قال: كنا جلوسًا عند رسول الله صلى الله عليه وسلم، فنظر إلى القمر ليلة البدر فقال: "إنكم سترون ربكم كما ترون هذا القمر، لا تضامون في رؤيته، فإن استطعتم ألا تغلبوا على صلاة قبل طلوع الشمس وقبل غروبها فافعلوا، ثم قرأ هذه الآية" هذا هو ما أشار إليه القرآن من الأوقات: وأما السنة فقد حددتها وبينت معالمها فيما يلي:
عن عبد الله بن عمرو: أن رسول الله صلى الله عليه وسلم، قال: "وقت الظهر إذا زالت الشمس، وكان ظل الرجل كطوله ما لم يحضر العصر، ووقت العصر ما لم تصفر الشمس، ووقت صلاة المغرب ما لم يغب الشفق، ووقت صلاة العشاء إلى نصف الليل الأوسط، ووقت صلاة الصبح من طلوع الفجر، ما لم تطلع الشمس، فإذا طلعت الشمس فأمسك عن الصلاة، فإنها تطلع بين قرني الشيطان" رواه مسلم.
انتهى كلام الشيخ
وبناء على هذا نقول للسائل إن تأخير الصلاة عن وقتها تكاسلا ذنب تجب التوبة منه ويمكنك الاستعانة على ذلك بالنوم مبكرا والوضوء قبل النوم وكذلك بنوم القبلولة إن أمكنك ذلك وقبل ذلك كله أن تدعو الله أن ييسر لك القيام قبل الشمس ويصرف عنك الشيطان كما يمكنك أن تستعين بمن يوقظك للصلاة حتى تتعود على ذلك والله تعالى أعلم

واهديكِ هذا الفلاش

الصلاة

حزينة

[تاركة الدنيا]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

اختى رحيق العفه

انا الجنه فعلا محتاجه منى المجاهده عشان اوصل ليها وانا بحاول انى اعمل كده
بس انا حاسه انى مش بجاهد انا حاسه انى بصارع اسفه ان اللفظ مش مناسب بس انا فعلا فى مصارعه ومش مع حد ولا مع الشيطان لا دى مع نفسى عايشه مع نفسى حاله صراع نفسى تطلب منى حاجه و انهيها واطلب من نفسى حاجه وتنهيها
انا فعلا محتاجه زى منتى قولتى احدد هدفى وهدفى الاول والاخير هو رضا الله سبحانه وتعالى والفوز بالجنه
انا بجد اللى محتاجاه فعلا هو الصحبه الصالحه لانى مفتقده الموضوع ده اصحابى فى الجامعه مش كده وبحس دايما انى لوحدى كل معمل حاجه عشان ربنا احس انى غريبه بينهم دا انا حتى لو قلتلك انى لما بكون مهاهم فى الكليه والعصر يأذن واقوم اصلى بيستغربوا جدا ازاى انا بصلى طبعا انتى مستغربه ومش مصدقه بس للاسف ده فعلا اللى بيحصل هما مش وحشين خلقا بس وحشين جدا دينا انا بجد نفسى فى صحبه صالحه
وعشان كده هتقل عليكى وهستأذنك هل تسمحين لى ان اكون صديقتك فى الله وده اكيد شرف كبير عليه

اما من ناحيه دروس العلم ف لانى زى منتى عرفتى لوحدى فالخطوه دى صعبه لسه لانى مش لاقيه تشجيع او حد يقولى يلا نروح المكان ده نحضر درس علم

مش بالله عليكى انا حالتى صعبه ومحتاجه للدعاء ادعيلى بقى بالهدايه والثبات
وجزاكى الله كل خير

[رحيق العفة]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

ربنا يبارك فيكِ أختي انا يشرفني ان اكون أختك

وستجدي هنا بإذن الله اخوات لكِ انضمي لهن في القسم الخاص

قسم الأخوات الخاص وكيفية دخوله

[تاركة الدنيا]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

انا عملت كل الخطوات عشان اشترك فى قسم الاخوات الخاص وكتبت كمان سبب الانضمام ألى المجموعه بس محصلش حاجه بعدها وكل مدخل عليه يقولى لا يوجد مواضيع جديده انا مش عارفه انا اتقبلت فيه ولا لا والمطلوب منى ايه دلوقتى عشان اقدر اشترك معاكم

وجزاكم الله كل خير

[رحيق العفة]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

بارك الله فيكِ أختي اقسمي في نفس الصفحة التي كنتي فيها (صفحة دخول قسم الاخوات ) انكِ بنت وبإذن الله ستدخلي

بار ك الله فيكِ أختي

استودعكِ الله

[nour_amatullah]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

السلام عليكم ورحمة الله وبركاته

انا ابتدأت احس بالفتور بالصلاه
ولا يوجد لدي الحماس للصلاه
فأردت ان يزيد الايمان عندي
وفعلا بقيت اقوم بالليل واصلي اربع ركعات

بس للاسف ابتدأت اقصر بصلاه الفجر
واصحى متأخره عليها
اصحى بعد الشروق

مش عارفي اللي بعمله صح ولا غلط

وانا سجلت بالمنتدى الخاص ولم يحصل اي تغيير
هل معنى ذلك ان لا يوجد قبول للدعوه بتاعتي

وشكرا لكم

[بلحجاب اعتز]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

اقسم بالله العظيم اني انثى وام لستة من الاولاد ثلاثة ذكور وثلاثة اناث وقد ارسلت لكم طلب الاشتراك منذ شهر ونصف 9/1/2010 والله على ما اقول شهيد

[psmala]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

السلام عليكم ورحمه الله وبركاته

كيف حالكن جميعا اتمنى من الله ان تكن بخير صحه وعافيه

اما مشكلتى انا مع بنت عمى لقد توفى عمى منذ سنه ونصف وترك 3
اولاد منهم بنت وهى الكبيره
هى فى سنه 2 اعدادى وزى ما احنا كلنا عارفين ده بدايه سن المراهقه
حياتها كلها التلفزيون من مسلسلات وافلام طول يومها مافيش صلاه
مافيش طاعه لاى حد من الاقارب والاهل وخاصه امها فهى تسئ معامله امها بشده من اهانه وضرب وطرد وكمان دايما فى مشاكل بينها وبين جدتى طبعا كلنا خايفين عليها واصحابها البنات فى الغالب غير ملتزمين
اخلاقيا حتى ان جدتى قامت بطردهم وشتمهم وعلى هذا الحال اكثر من بنت ولكنها ترى ان من حقها يكون ليها اصحاب ذى اى حد فينا
هى شايفه ان بعد موت باباها مفيش حد له اى كلام عليها مع العلم بانى فى 4 جامعه هى احيانا بتستجيب لى واحيانا تانيه بتشتمينى وانا مش عايزه اسيبها لانى حاسه انها فى ازمه نفسيه بسبب موت باباها ولكن هى مش فاهما كده
لبس بدى ضيق على جيبه مكياج برفان نمص انا مش عايزها تضيع ياجماعه خاصه انها طيبه ولكن متهوره
ومحدش يقولى فين دور ابى الى هو عمها لانه حاول معاها كتير جدا ولكن هى محتاجه بنت من سنها تفهمها ولو جيت نقرب لها انا واختى
بتغلط فينا مع العلم انى اختى اكبر منها بسنتين لانها حاسه ان مش من حقنا نامرها رغم اننا والله بنكلمها بطريقه طلب ورجاء وتذكره بالجنه
والنار والثواب والعقاب من الاخر جربنا معاها كل حاجه منفعش انا نفسى تبقى احسن حد فى الدنيا

ارجوكم بشده

الرد عليا حالا كما اوجه اليكم لو سمحتم تدعولها دايما بالهديه

ورجاء لى انا ان تدعولى ان الله يفرج عنى كربى ويصرف قلبى دائما على طاعته وان يرزقنى الزوج الصلح

انه ولى ذلك والقادر عليه
والسلام عليكم ورحمه الله وبركاته

[ن-ع]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

ارجو من كل من تقرأ رسالتى ان تدعو لاخى ان يفرج الله همه ويزل غمه لانه فى كرب شديد وكل الاسرة حزينة.لاتنسونا من صالح دعائكم

[المنتقبة السعيدة]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

السلام عليكم ورحمه الله وبركاته

كيف حالكن جميعا اتمنى من الله ان تكن بخير صحه وعافيه

اما مشكلتى انا مع بنت عمى لقد توفى عمى منذ سنه ونصف وترك 3
اولاد منهم بنت وهى الكبيره
هى فى سنه 2 اعدادى وزى ما احنا كلنا عارفين ده بدايه سن المراهقه
حياتها كلها التلفزيون من مسلسلات وافلام طول يومها مافيش صلاه
مافيش طاعه لاى حد من الاقارب والاهل وخاصه امها فهى تسئ معامله امها بشده من اهانه وضرب وطرد وكمان دايما فى مشاكل بينها وبين جدتى طبعا كلنا خايفين عليها واصحابها البنات فى الغالب غير ملتزمين
اخلاقيا حتى ان جدتى قامت بطردهم وشتمهم وعلى هذا الحال اكثر من بنت ولكنها ترى ان من حقها يكون ليها اصحاب ذى اى حد فينا
هى شايفه ان بعد موت باباها مفيش حد له اى كلام عليها مع العلم بانى فى 4 جامعه هى احيانا بتستجيب لى واحيانا تانيه بتشتمينى وانا مش عايزه اسيبها لانى حاسه انها فى ازمه نفسيه بسبب موت باباها ولكن هى مش فاهما كده
لبس بدى ضيق على جيبه مكياج برفان نمص انا مش عايزها تضيع ياجماعه خاصه انها طيبه ولكن متهوره
ومحدش يقولى فين دور ابى الى هو عمها لانه حاول معاها كتير جدا ولكن هى محتاجه بنت من سنها تفهمها ولو جيت نقرب لها انا واختى
بتغلط فينا مع العلم انى اختى اكبر منها بسنتين لانها حاسه ان مش من حقنا نامرها رغم اننا والله بنكلمها بطريقه طلب ورجاء وتذكره بالجنه
والنار والثواب والعقاب من الاخر جربنا معاها كل حاجه منفعش انا نفسى تبقى احسن حد فى الدنيا

ارجوكم بشده

الرد عليا حالا كما اوجه اليكم لو سمحتم تدعولها دايما بالهديه

ورجاء لى انا ان تدعولى ان الله يفرج عنى كربى ويصرف قلبى دائما على طاعته وان يرزقنى الزوج الصلح

انه ولى ذلك والقادر عليه
والسلام عليكم ورحمه الله وبركاته

السلام عليكم
حاولى تصاحبيها جداااااااا
كل ما تدور تلاقيكى امامك
هاتيلها اسطوانات عن الصلاه
وكل شويه روحى عندها وخليها تصلى
ممكن هى تكون مش لا قيه صاحبه معاها عالطول
وكمان ادعيللها كثييير
لان الدعاء دا سلاح قووووى اوووى
وأسأل الله عز وجل ان يمن عليكى بالطاعه الدائمه وان يفرج همك وان يرزقك الزوج الصالح الذى يتقى الله فيكى وكل بنات المسلمين

[المنتقبة السعيدة]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

ارجو من كل من تقرأ رسالتى ان تدعو لاخى ان يفرج الله همه ويزل غمه لانه فى كرب شديد وكل الاسرة حزينة.لاتنسونا من صالح دعائكم

السلام عليكم
اللهم فك كرب اخيك ويزيل همه وكل المسلين اللهم اامين

[ام نيللى]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

]

السلام عليكم ورحمه الله وبركاته
وعليكم السلام ورحمة الله وبركاته

كيف حالكن جميعا اتمنى من الله ان تكن بخير صحه وعافيه
جزاكى الله كل خير

اما مشكلتى انا مع بنت عمى لقد توفى عمى منذ سنه ونصف وترك 3
اولاد منهم بنت وهى الكبيره
هى فى سنه 2 اعدادى وزى ما احنا كلنا عارفين ده بدايه سن المراهقه

عندك حق ان ده سن مراهقةوكل اللى فى سنها ده نفس تفكيرهم


حياتها كلها التلفزيون من مسلسلات وافلام طول يومها مافيش صلاه

المفروض فى السن ده تكون بتضرب على الصلاة كما ذكر الرسول الكريم

مافيش طاعه لاى حد من الاقارب والاهل وخاصه امها فهى تسئ معامله امها بشده من اهانه وضرب وطرد وكمان دايما فى مشاكل بينها وبين جدتى طبعا كلنا خايفين عليهاأ
لكم حق تقلقوا عليها لان كدا فيه شئ غلط ولازم الكل
يعرف بنت خالتك فيها ايه
وياترى هى كدا ايام والدها رحمه الله ولا بعد وفاته

واصحابها البنات فى الغالب غير ملتزمين

يبقى دى هى المشكلة ونبدأ من هنا
طالما الصحبة سيئة اذا مهما زرعتى ورد هايطلع فيه شوك
لا تعرفى تمسكيه ولا تشميه ولا حتى تستمتعى به


اخلاقيا حتى ان جدتى قامت بطردهم وشتمهم وعلى هذا الحال اكثر من بنت ولكنها ترى ان من حقها يكون ليها اصحاب ذى اى حد فينا

لا غلط طبعا
طيب فين القدوة الحسنة عندها ولا فين المثل الاعلى اللى كانت بتحترمه
بوفاة والدها ضاع المثل الاعلى ولا ايه

هى شايفه ان بعد موت باباها مفيش حد له اى كلام عليها مع العلم بانى فى 4 جامعه هى احيانا بتستجيب لى واحيانا تانيه بتشتمينى وانا مش عايزه اسيبها لانى حاسه انها فى ازمه نفسيه بسبب موت باباها ولكن هى مش فاهما كده



والله جزاكى الله كل خير وانت قدوة حسنة لها يقتدى به

لبس بدى ضيق على جيبه مكياج برفان نمص انا مش عايزها تضيع ياجماعه خاصه انها طيبه ولكن متهوره
ومحدش يقولى فين دور ابى الى هو عمها لانه حاول معاها كتير جدا ولكن هى محتاجه بنت من سنها تفهمها ولو جيت نقرب لها انا واختى
بتغلط فينا مع العلم انى اختى اكبر منها بسنتين لانها حاسه ان مش من حقنا نامرها رغم اننا والله بنكلمها بطريقه طلب ورجاء وتذكره بالجنه

لأ هنا فيه نقطة أحب أقولها لك اوعى تنصحيها بأى حاجة مباشرة....لو عايزة توصلى لها أى معلومة اعملى نفسك بتوجهى المعلومة دى لأختك التى تسبقها فى السن وده بالأتفاق مع أختك

بمعنى انت واختك شايفنها بتلبس لبس ضيق خلى اختك تلبس زيها وهما الأثنين أمامك وجهى الكلام لأختك بطريقة مهذبة ان ده حرام وان ده يوصلك لطريق خطأ وان ديننا لم يأمرنا بذلك
هنا أختى الفضلة هاتوصلى المعلومة لبنت عمك وبدون مايكون على هيئة أمر
وممكن تشعر بالخجل من نفسها ان ماحدش بيكلمها مباشرة
لان اصعب حاجة على المرء انه يشعر بعدم الاهتمام
ومن الواضح ان بنت عمك عندها الشعور ده وعايزة تكون محط انظار الجميع
يجوز ده نتيجة اهمال من الأهل سابقا وعدم الأهتمام بها وبمشاكلها
او كان والدها بيعاملها معاملة سيئة مما أثر عليها بعد وفاته وشعرت انها اصبحت طليقة من السجن الذى كانت فيه
وممكن نقول ان دى حالة نفسية انها كانت بتحب والدها وعند فقدانه شعرت ان باليأس وعدم اهتمام الأخرين بها وهى بهذه الطريقة تحاول ان تعطى انظار للجميع
انى موجودة فلا بد من الالتفات اليها

والنار والثواب والعقاب من الاخر جربنا معاها كل حاجه منفعش انا نفسى تبقى احسن حد فى الدنيا

ارجوكم بشده

الرد عليا حالا كما اوجه اليكم لو سمحتم تدعولها دايما بالهديه
ربنا يهديها ويدلكم على طريق صلاحها

ورجاء لى انا ان تدعولى ان الله يفرج عنى كربى ويصرف قلبى دائما على طاعته وان يرزقنى الزوج الصلح

الله يكرمك ويفرج همك وكربك ويرزقك بالزوج الصالح
انت وجميع صبايا المسلمين والمسلمات



اختى العزيزة كل كلامك جميل وحرصك على بنت عمك ده شعور طيب ونبيل وربنا معاكى
بس عايزة اقول لك حاجة
كتر الالحاح على الأنسان المخطئ يجعلهه يزيد فى عناده ولا يأتى بالنتيجة المرجوة
بنت عمك اولا
تصاحب الصحبة السيئة وليست التى تعينها على النهوض
كما انها مفتقدة القدوة والمثل الأعلى الذى تحاول ان تسعده وتسعى لتنال ثقته

نصيحتى لك أختى ان تجلسى معها وتتحدثى اليها وتقولى لها ايه مشكلتك وانا أساعدتك واعتبرينى صديقة لك مش بنت عمك
وبلاش اسلوب النصائح الزيادة دلوقتى
حاولى تعرفى المشكلة اللى وصلتها للأسلوب ده مع الجميع وعلى هذا الأساس تقدرى انت بطريقتك تعرفى الحل
اهم حاجة نعرف السبب
هل هو نفسى ولا فقدان المثل الأعلى ولاعدم اهتمام الأهل
ولا انعدام القدوة التى تقتدى بها
ولا ايه بالضبط

وياريت تعرفينى النتيجة لما توصلى للسبب
وارجع تانى اقول لك بلاش اسلب الأمر والنهى عن فعل شئ
لان ده هايزود عنادها ومش هاتوصلى معاها لنتيجة


اسف للأطالة
بس ياريت اكون عرفت احل جزء من المشكلة
والسلام عليكم ورحمةالله
وتقبلينى اختا لك