ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

[مهووسة بنقابى]

رد: الحقوني بالله عليكو عايزة اخلع النقاب

السلام عليكم ورحمة الله وبركات
اولا جزاكم الله خيرا جميعا علي هذا المنتدي الرائع
انا لسة مسجلة اليوم من اجل عرض مشكلة خاصة بي او بمعني اصح هي حالة بس ارجوكم تسعدوني....وبعتزر والله ان اول موضوع انزله يكون مشكلة بس والله عايزة اشوف لي حل بجد ....وبعتزر عن ركاكة الاسلوب وضعف اللغه ... حالتي من الاخر .. كانت حياتي قبل 3 سنين عادية مش ملتزمة اوي بالدين كان الجهل والغفلة اللي كتير عايشين فيه...وبعدين ربنا اكرمني وبدات اروح دار للقران وارتبط جدا بالتجويد والحفظ الحمد لله وبقي هدفي ان اكون معلمة ...وبعدين غيرت لبسي ولبست الملحفة والله حسيت اني مش ماشية ع الارض كنت سعيييييييييدة جدا جدا جدا ....وكان نفسي بعد كدة البس النقاب.....وقد كان لبسته من سنة ونص ..ولكن...ماحستش باي احساس حلو زي مالبست الملحفة.....بالعكس تماما تعبت نفسيا جدا وفضلت اعيط اني مامنتش مرتاحة فيه..وفضلت مضايقة منه جدا ومن النفس بس فضلت اقاوم واقول لالالا ده شيطان وكل زميلاتي قالولي لالالا اثبتي ....بس انا تهورت واستعجلت اوي في لبسه ....انا اقتناعي به انه فضل وحكمه الشرعي معرف ...انا حسة اني منافقة منافقة منافقة جداجداجدا ...لاني بجد من ساعة مالبسته وانا عايزة اقلعه بس خايفة من حاجات كتير...انا معليتش لما لبسته انا حسيت اني هبط اوي من ساعتها حسه انه ماقربنيش من ربنا بلعكس احساسي بالنفاق باعدني اوي عن ربنا .....انا عمالة اسال نفسي انا مش قادرة اقلعه ليه؟؟؟؟ مش لاقية اجابة داخلي الا انه ازاي بقي امام الناس بعد ما البسه اقلعه؟ وهذا طبعا رياااااااء ونفاق ويصبح العمل مردود غير مقبول ....وعلي فكرة انا مش بلبسه ف البيت امام جوز خالتي وابن خالتي وعارفة انه خطأ حاسة اني منافقة جدا.........انا تعبانة اوي والله ......حسة اني حيرانة ومترددة......حسة انه مالوش لازمة بالنسة لي ده عمل مردود لانه كدا رياااااااااااااااء صح؟؟؟؟ العمل مافيهوش اخلاص لله ماذا افعل؟؟؟؟؟ وما الحكم؟؟؟؟؟؟؟؟؟؟؟؟؟؟ ارجوكم ردو عليا بس برفق الله يكرمكو....وادعولي بالله عليكم

والله انا بدعي كتير اوي اني مخلعهوش ......استحلفكن بالله لا تنسوني من دعائكم ......واقسم بالله اني ابكي الان انا تعبانة اوي والله كل ما انام اصحي علي خضة وضيق صدر وسرعة ضربات في القلب فضلا عن الاحلام المزعجة بسبب هذا الموضوع .....دعوني اذكر لكم سبب لبسي له.....انا كنت حباه شكلا وعارفة انه افضل مع اقتناعي ان اللي مش لبساه مش شايله ذنب والله اعلم طبعا .....

بس كان لي صديقات ملتزمات ولكن غير منتقبات...........واول ماطخطبو انتكسو جدا وكانت الخطوبة كلها مخالفات بدون ذكر تفصيل ....فضلا عن الافراح اللي كلها مخالفات

وانا كنت مش عايزة كل ده يحصلي...كل ما شخص يتقدم اقول يارب انا عايزة النقاب الاول عشان يسد عليا ابواب فتن كتير ..........حسة ان النقاب بس درع واقي لمخالفات كتير ممكن تحصل سواء في خطوبة اوغيره ........وانا عايزة حد يعين ع الطاعة .........واللي بيقولو استني ماتلبسيهوش الا لما تتجوزي كنت بقول لالالالالالالالالا ليس له علاقة بمنع الزواج هذا رزق فعجلت بلبسة قبل هذا لان اقنتاعي فعلا ان لا علاقة بينه وبين منع الزواج ...
فعشان كدة يا اخواتي حسيت اني مش لبساه لله و سد الفتن والمخالفات ممكن اوي من غيره ......ولو حد تقدم لك ومش متدين عادي ممكن ترفضيه بيه او منغيره........يعني افكار كتيييييييييييير وهواااااااااااااااااااااااااااااجس اكتر عمالة تطاردني الان وكل لحظة انا اسفة جدا والله علي ازعاجكن اخواتي علي الاطالة بس سامحوني..... الدعاء لي يا اخوات انا خايفة اوي لحسن اقع ادعولي ادعولي ادعولي

وعليكم السلام ورحمة الله وبركاته
اولا اهلا بيكى معانا واكيد سعداء جداااااا بانضمامك لينا
ثانيا احب ابشرك انك ان شاء الله على خير بدليل انك لجأتى للمنتدى هنا عشان تسألى قبل ماتعملى اى خطوة وده معناه انك ان شاء الله جواكى الخير وعوزاه بس يمكن محتارة ومتلخبطة شوية
نبدأ بقى مع كلامك ونحاول نوصل لحل مقنع ومنطقى
بالنسبة للبسك للنقاب اولا كده من وسال الشيطان انه يبعد عنك احساسك بلذة الطاعة عشان يكرهك فيها يعنى زى مابتقولى كده خلاكى مش مبسوطة انك لبستى النقاب وده كله عشان يشكك ومع الوقت تكرهى النقاب وتسبيه (ربنا يحفظك ويثبتك عليه)
انصحك الاول حاولى تسمعى اراء الشيوخ فى النقاب عشان تثبتى اكتر وتعرفى حكمه اكتر
وده درس للشيخ محمد حسان رووووعة موضح فيه موضوع النقاب ده اووووى
http://www.way2allah.com/modules.php...les&khid=16320
طيب نكمل بقى انتى بتقولى حاسة انى لابساه نفاق طيب حتى لو وافقتك واتفقنا انك كنتى لابساه نفاق ياترى ايه افضل ويقربك من ربنا اكتر؟
انك تجددى نيتك وتنوى من النهردة انك لابساه لله ولله فقط وتخلصى النية ولا انك تقلعيه؟
طبعا انتى فكرى بينك وبين نفسك واسألى نفسك كده بصراحة وجاهديها شوية
طيب تفتكرى لو قلعتيه هتقربى من ربنا اكتر ولا هتبعدى؟وياترى هتكونى سبب ان كام بنت متلبسهوش ؟ ماهو ممكن جارتك نفسها تلبسه ولما اهلها يشوفوكى قلعتيه يقوله شوفى هتعملى زيها وتقلعيه لا مش هنلبسهولك؟وكام بنت هتتفتن وتقول اكيد دى سكة مفهاش سعادة بدليل انها سابتها؟
فكرى كده وانا والله مش قصدى اكون قاسيه انا بس خايفة عليكى ووالله نفسى فى الخير ليكى
وانا شفت بعينى كتير قلعوه ووالله ضاعوا من بعده وبعدوا عن طريق ربنا تماما بالكلية
وبعدين انتى مثلا نفترض مقصرة فى بعض الطاعات طيب ايه علاقة ده بالنقاب؟
النقاب ده نوع من انواع الطاعة والصلاة نوع والصيام نوع وكده
طيب هل لو انتى قصرتى فى الصلاة مبتصوميش رمضان؟
طيب يبقى ليه لما اقصر فى واجباتى وطاعاتى اقلع النقاب؟
طيب ماأحاول اعمل بيه واظبط نفسى اكتر
يعنى تحاولى انك تصلحى الطاعات دى زى ماالاخوات ربنا يباركلهم يارب قالولك
تحاولى تدعى ربنا كتير انه يعينك ويصلح حالك وتحاولى تظبطى ورد قرآن وتقربى من ربنا اكتر
ومحدش مننا كامل كلنا بتجيلنا اوقات فتور واوقات غفله لكن مين اللى هيفوز بالجنة؟
اللى هيفوز بيها اللى هيثبت ويفضل يحاول انه يصلح من نفسه لحد مايقابل ربنا
هو ده اللى فعلا هيفوز ان شاء الله
فاوعى اوعى تيأسى أبدااااا خلى ثقتك فى الله كبيرة
ومتوقفيش كل حكمك على نفسك فى النقاب
وبردو بلاش نعلق اخطانا عليه ونربطها بيه
احنا كلنا بنحاول نكون صالحين وساعات بنقع بس بنجدد التوبة وبنجدد النية وننوى من جديد اننا هننشغل بما يرضى الله فقط وبعدها نقع ونقوم وكده بس المهم ان مهما وقعنا نقوم تانى بسرعة ومنستسلمش
يارب اكون قدرت افيدك واعذرينى لو كان كلامى شديد او حاجة بس والله خايفة عليكى بجد

[من مصر]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

جزاكي الله خيرا اختي الفاضلة .....لا انتي مش شديدة ولا حاجة بالعكس ...انا نفسي اكون مهوسة بنقابي ...بس دا انا بقول اقلعه لله لحسن يكون في ميزان سيأتي واكون ف الدرك الاسفل من النار لاني منافقة ونيتي فاسدة....بس انا مش قادرة اخلعه وحسة اني مش قادرة استمر .......ادعولي كلكو بالله عليكوو.......انا والله عيني ورمت من العياط ودماغي كانت هتنفجر من الصداع ..حتي مقدرتش احفظ النهاردة ولا اقرا غير ربع بس ومش قادرة من البكاء............

[أسمى المعاني]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

جزاكي الله خيرا اختي الفاضلة .....لا انتي مش شديدة ولا حاجة بالعكس ...انا نفسي اكون مهوسة بنقابي ...بس دا انا بقول اقلعه لله لحسن يكون في ميزان سيأتي واكون ف الدرك الاسفل من النار لاني منافقة ونيتي فاسدة....بس انا مش قادرة اخلعه وحسة اني مش قادرة استمر .......ادعولي كلكو بالله عليكوو.......انا والله عيني ورمت من العياط ودماغي كانت هتنفجر من الصداع ..حتي مقدرتش احفظ النهاردة ولا اقرا غير ربع بس ومش قادرة من البكاء............

ثبتك الله أختنا وأعانك على طاعته
مهما حصل أختى حاولى ماتخليعهوش
لو تعرفى أد إيه البنات بتحارب علشان تلبسه
مش هتفكرى تخلعيه
متزعليش منى
وربنا يحفظك من الشيطان

[شيرين ابراهيم]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

السلام عليكم اختى الرابط مش شغال
و معلش سامحونى انا جديده فى الالتزام لم اكن اعرف ات اللقب مخالف و شكرا على التنبيه

https://forums.way2allah.com/forumdisplay.php?f=11
ده الرابط يا اخت يارب يفتح معاك المره دى

[غفرانك ربي]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

اختي الكريمة - من مصر -

كيف حالك ؟؟

اعذريني تأخرت غص بن عنى

مفيش حاجه اسمها تخلعي النقاب عشان نيتك فاسدة

الأولى والأصح إنك تصلحي نيتك وتصلحي من نفسك
لما نيجي نصلح نختار الطريق الصح الي هيقربنا من ربنا
مش نختار الطريق الخطأ
خلعك للنقاب اكيد هيكون طريق خطأ لإن ارتداؤك له اصلا قربة من الله
يبقى خلعك له بعد عن الله وبداية التنازل
والتنازل مش هو الحل أبدا

اما تدخلي أخبرينا عن احوالك الآن
منتظراكِ اخيتي

[هل لى توبه؟]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

هل تتذكرون تلك المشكله

انها فتاه سيئه السمعه ومعروفه للجميع انها على علاقه برجال كثيرين متزوجين وغير متزوجين ويعلم الله انى نصحتها كثيرا ولكن دون فائده
تقدم لخطبتها الكثير ولكن عندما يسألوا عنها فيتركوها وهى الان فى اواخر العشرينات من فتره سمعت كلامى وبأت ترتدى الخمار وملابس واسعه وحاولت ان تقطع كل علاقتها السابقه ومن بلد بعيد عنا تعرف عليها شاب عن طريق احد اقاربها الذين يعيشون بعيدا عنا وتقدم لخطبتها مما رأى منها من التزام ( للاسف خارجى ) فبعد خطبتها عادت الطرحه القصيره جدا والشعر الخصل من تحت الطرحه والملابس الشفافه والضيقه واستغلت ان خطيبها من بلد بعييييييييد لن يعرف عنها شيئا بل وعادت الى علاقاتها القديمه واعرف ان منهم من تذهب معه الى شقته او تركب معه سيارته ( والله على ما اقول شهيد ) لدرجه انها جعلتنى ادعو الله عليها بعد ان كنت ادعو لها بالهدايه .. ابتعدت عنها حاليا وقلت اتصالاتى بها فى الاجازات وقلت منها لله ولكن اشفق على هذا الرجل المخدوع الذى قد يصل بها الامر ان تخدعه ليله زفافها وهى الان تخدعه فى شرفه وفى ماله قبل ان تتزوج مستغله طيبه قلبه فانا رأيته ليله خطوبته رجل بسيط وهادىء وطيب وخجول جدا وهى نفسها تشهد بذلك ..
ماذا افعل بالله عليكم ؟ لا اجد غيركم متنفس لى لاقول لكم هذا الكلام والله كثير من الزميلات قالوا انهم لو يعرفوا خطيبها لقالوا له عن سلوكها ولكنه بعيد عنهم ..
ولكنى اعرف خطيبها واعرف عنوانه ولكنى اخشى ان اكون خائنه للصداقه وانا لدى بنت اخشى ان يبلينى الله فى ابنتى .. فهل ان اخبرته حرام كنوع من الفتنه ام ان اخفيت عنه الحقيقه حرام وساكته عن الحق ؟ بالله عليكم افيدونى

اخواتى انا تعبانه فقد شاءت الاقدار ان اغيب عن العمل فتره وعدت منذ ايام لاعرف ان زميلتى زفافها غدا الجمعه سريعا وقبل ان استطيع ان اصل لخطيبها ..
ساااااااااعدوووووووونى
ماذا افعل ؟
غدا سيخدع شاب فى ليله الزفاف وانا واقفه مكتوفه الايدى
غدا سينتصر الكذب والخداع والخيانه
غدا ستموت البراءه والصدق
ضميرى يؤنبنى ولم يغمض لى جفن منذ ايام
اشعر ان ذنب هذا الشاب فى رقبتى وانى مشاركه فى هذا الاثم بصمتى وتخاذلى
بماذا تنصحونى بالله عليكم

[افشوا السلام بينكم]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

لا حول ولا وقوة الا بالله العلى العظيم.
بصراحة ان مش عارفه ايه المفروض تعمليه دلوقتى ربنا ياااااااااااارب يهديها الى ما يحبه ويرضاه وان شاء الله الاخوات يقولولك ان شاء الله الصواب .
اللهم ارزقنى وبنات المسلمين الهدى والتقى والعفاف.

[افشوا السلام بينكم]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

لا حول ولا قوة الا بالله
بصى ان شااااااااااء الله الاخوات يفيدوكى ويااااارب يهديها الى ما يحبه ويرضاه .
ربنا يرزقنى وبنات المسلمين الهدى والتقى والعفاف.

[أمة عزيزة بالله]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

هل تتذكرون تلك المشكله



اخواتى انا تعبانه فقد شاءت الاقدار ان اغيب عن العمل فتره وعدت منذ ايام لاعرف ان زميلتى زفافها غدا الجمعه سريعا وقبل ان استطيع ان اصل لخطيبها ..
ساااااااااعدوووووووونى
ماذا افعل ؟
غدا سيخدع شاب فى ليله الزفاف وانا واقفه مكتوفه الايدى
غدا سينتصر الكذب والخداع والخيانه
غدا ستموت البراءه والصدق
ضميرى يؤنبنى ولم يغمض لى جفن منذ ايام
اشعر ان ذنب هذا الشاب فى رقبتى وانى مشاركه فى هذا الاثم بصمتى وتخاذلى
بماذا تنصحونى بالله عليكم

يااااه ...لا اعلم ماذا اقول

اسأل الله لهم الستر يا اختى

ادعى لها يا اختى واستخيرى الله فى ان تخبرى احد اقاربها او زوجها ام لااااا

واستعينى بالله واحكى معه ف صلاتك عسى الله ان يلهمكى الى الخير

[نشوى سالم]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

والله يا أختي أنا رأيي خلاص إدعيلها بالهداية والستر واستري عليها ولوهي كانت بتخدعه أيام الخطوبة عشان بعيد عنها دلوقتي خلاص حتبقى معاه ومش حينخدع إلا بمزاجه فهماني أختي
ربنا يسترنا ويسترها ويمكن لما تتجوز ربنا يهديها فأرجوكي أختي بلاش تفضحيها

[mora mostafa]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

بسم الله الرحمن الرحيم
السلام عليكم ورحمه الله وبركاته
كيف حالكم يااخوتي في الله كنت اريد ان اسالكم بعض الاسئله واريد الاجابه عنها باذن الله
1-هل الدبادب والعرايس والقطط اللعبه والكتاكيت اللعبه وصور ميكي والرسومات الكرتونيه حرام؟؟
2-هل التليفزيون عامه حرام ولا الافلام الباحيه فقط اما الافلام العاديه اوالمسلسلات التي تناقش قضيه معينه ليست حرام ام ماذا ارجو التوضيح؟؟
3-هل سوف احاسب اذا سمعت الاغاني في السياره غصب عني ام ماذا؟
4-هل الاناشيد الاسلاميه التي بها موسيقي حرام؟؟
5-هل الكريمات التي توضع علي الوجه والجسم حرام؟؟؟؟وهل الحمام المغربي حرام؟
6-هل التسليم علي المسيحيين حرام ارجو التوضيح في هذه النقطه وكيفيه التعامل معهم وهل اكشف وجهي اما مهم؟وهل القي السلام عليهم؟؟؟
7-معاملاتي مع الاقارب الغير محرم بوضوووووووح وهل فعلا ليس لي صله رحم لهم؟؟وهل لي ان اذهب لسؤال دكتور في الجامعه عن بعض المعلومات ام يكون حرام؟
8-هل زياره الاهرامات حرام؟؟؟؟؟؟؟
9- هل اذا اصابتني مصيبه وقلت ليه يارب واعترضت يبقي كده خرجت من الايمان؟؟؟؟
10-اذا كانت صديقتي متبرجه وانا نصحتها كتير بس بتقول مش دلوقتي عشان ملابسي كلها كده علي متشتري ملابس جديده ولكنها تسالني عن ملابسها المتبرجه هذه فاقول لها جميله وكده يبقي حرام عليا وكده يبقي بشجعها ولا ايه؟؟؟
11-هل حرام ان ادعي الله سبحانه وتعالي ان اتزوج من شخص معين؟؟
12-هل اذا كنت مشتركه في منتدي ما وعليه شباب وارد عليهم في المواضيع ويردوا عليا حراااااااام؟؟
13-هل النمص الذي يكون حرام الذي تخفي حاجبك بكامله وترسميه ومش حرام انك تساويه او تزيلي الشعر الزائد؟وهل التشقير حرام ام لا؟
وانا اسفه جدا جدا اني قد تثاقلت عليكم لكن بجد انا محتاجه اجابه لكل هذه الاسئله لاني لا اريد ان افعل اي شئ يغضب الله مني والله يعلم بي وبحالتي
وجزاكم الله خيرا كثيرا ولكم مني جزيل الشكر والتقدير

[yara yehya]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

السلام عليكم ورحمه الله وبركاته اخواتى الكريمات انا والله شرفت جدا بدخولى هذا المنتدى وكان نفسي اتعرف عليكم وتكونوا صحبتى بس ظروف الكليه والسفر منعانى من كده ربنا يوفقنا ويوفقكم لما يحب ويرضي والسلام عليكم ورحمه الله وبركاته

[نشوى سالم]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

السلام عليكم ورحمة الله وبركاتهجزاكِ الله خيرا على حرصك وبمشيئة الله نحاول مساعدتك على قدر المستطاع والليلة أو غدا بمشيئة الله ستجدين هذه الإجابات والله المستعان

[نشوى سالم]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

وعليكم السلام ورحمة الله وبركاته أخيتي يارا
شرفنا بدخولك وتسعدنا صحبتك جدا وفقك الله لما يحب ويرضى

[ميادة محمد]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

بسم الله الرحمن الرحيم
انا جيت اجابة لهذه الدعوى (هنا نستمع إليكِ اخيتي ونمد يدنا لكِ .. فلا تترددى ) فهل اجد من يساعدنى
انتظر الرد
جزاكم الله خيرا