ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

[الراجية حب الله]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

...
...كُـــن فاصلة ولا تكُــن نقطة....

الفاصلة ( , ) النقطة ( . )

كن فاصلة ولا تكن نقطة لأسباب عدهـ.. ،؛،.:.،؛،

*كن فاصلة اذا تعرضت لعائق من عوائق الحياة لتستمر الحياة
ولا تكن نقطة تتوقف عند أي مشكلة تصادفكـ...

*كن فاصلة تبتسم عندما تكون دموعكـــ على وشكـــ السقوط
ولا تكن نقطة تتوقف وتنهار دموعكـــ معلنا استسلامكــ..

*كن فاصلة اذا تعرضت لخيانة صديق
ولا تكن نقطة تتوقف عن تكوين الصداقات لأنه الحياة مستمرة

*كن فاصلة اذا رأيت موقف يجمد قلبكـــ من الحزن
ولا تكن نقطة تتوقف عن هذا المشهد لأنه بإمكانكــ تغييرهـ

*كن فاصلة اذا تعثرت في بداية الدرب الامل
ولا تكن نقطة تتوقف ويدب اليأس في نفسكــ عند أول وقعه

*كن فاصلة تعيش متفائلا في حياتكـ لا تضعف أمام الاحزان

ولا تكن نقطة

تتوقف الحياة عندكــ عند أول أحزانكـ...

*كن فاصلة تمضي في حياتكــ وتتعلم من أخطائكــ

ولا تكن نقطة تتوقف عند أول خطأ لكــ لأن من أخطائكــ تتعلم

*كن فاصلة في هذه الدنيا الفانية وتثمر حياتكـــ بأعمالكـــ الطيبة

ولا تكن نقطة تتوقف في هذه الدنيا أمام مغريات الشيطان،؛،

[almoslima]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

كلماتك جميييييييلة جدااااا يا راجية ربنا يجازيكي خير... شكرااخيتى على كلماتك الرااااائعة دي . في ميزانك أن شاء الله

[almoslima]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

لو سمحتم يا جماعة هو ده الموضوع الي حطيته للنقاش ولا في مشكلة, اصل انا حاسة ان في لخبطة بين الموضيع حصلت ممكن بس حد يقول لي فين موضوعي؟....

[شيرين ابراهيم]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

ايوه يا اختى انانقلت موضوعك هنا
عشان يكون اسهل على الاخوات يتفاعلوا معاك
ياريت لوعندك مشكله تكتبيها هنا اختى يسر الله لك امرك
جزاك الله خيرا وبارك الله فيك ونفع بك

[من مصر]

الحقوني بالله عليكو عايزة اخلع النقاب

السلام عليكم ورحمة الله وبركات
اولا جزاكم الله خيرا جميعا علي هذا المنتدي الرائع
انا لسة مسجلة اليوم من اجل عرض مشكلة خاصة بي او بمعني اصح هي حالة بس ارجوكم تسعدوني....وبعتزر والله ان اول موضوع انزله يكون مشكلة بس والله عايزة اشوف لي حل بجد ....وبعتزر عن ركاكة الاسلوب وضعف اللغه ... حالتي من الاخر .. كانت حياتي قبل 3 سنين عادية مش ملتزمة اوي بالدين كان الجهل والغفلة اللي كتير عايشين فيه...وبعدين ربنا اكرمني وبدات اروح دار للقران وارتبط جدا بالتجويد والحفظ الحمد لله وبقي هدفي ان اكون معلمة ...وبعدين غيرت لبسي ولبست الملحفة والله حسيت اني مش ماشية ع الارض كنت سعيييييييييدة جدا جدا جدا ....وكان نفسي بعد كدة البس النقاب.....وقد كان لبسته من سنة ونص ..ولكن...ماحستش باي احساس حلو زي مالبست الملحفة.....بالعكس تماما تعبت نفسيا جدا وفضلت اعيط اني مامنتش مرتاحة فيه..وفضلت مضايقة منه جدا ومن النفس بس فضلت اقاوم واقول لالالا ده شيطان وكل زميلاتي قالولي لالالا اثبتي ....بس انا تهورت واستعجلت اوي في لبسه ....انا اقتناعي به انه فضل وحكمه الشرعي معرف ...انا حسة اني منافقة منافقة منافقة جداجداجدا ...لاني بجد من ساعة مالبسته وانا عايزة اقلعه بس خايفة من حاجات كتير...انا معليتش لما لبسته انا حسيت اني هبط اوي من ساعتها حسه انه ماقربنيش من ربنا بلعكس احساسي بالنفاق باعدني اوي عن ربنا .....انا عمالة اسال نفسي انا مش قادرة اقلعه ليه؟؟؟؟ مش لاقية اجابة داخلي الا انه ازاي بقي امام الناس بعد ما البسه اقلعه؟ وهذا طبعا رياااااااء ونفاق ويصبح العمل مردود غير مقبول ....وعلي فكرة انا مش بلبسه ف البيت امام جوز خالتي وابن خالتي وعارفة انه خطأ حاسة اني منافقة جدا.........انا تعبانة اوي والله ......حسة اني حيرانة ومترددة......حسة انه مالوش لازمة بالنسة لي ده عمل مردود لانه كدا رياااااااااااااااء صح؟؟؟؟ العمل مافيهوش اخلاص لله ماذا افعل؟؟؟؟؟ وما الحكم؟؟؟؟؟؟؟؟؟؟؟؟؟؟ ارجوكم ردو عليا بس برفق الله يكرمكو....وادعولي بالله عليكم

والله انا بدعي كتير اوي اني مخلعهوش ......استحلفكن بالله لا تنسوني من دعائكم ......واقسم بالله اني ابكي الان انا تعبانة اوي والله كل ما انام اصحي علي خضة وضيق صدر وسرعة ضربات في القلب فضلا عن الاحلام المزعجة بسبب هذا الموضوع .....دعوني اذكر لكم سبب لبسي له.....انا كنت حباه شكلا وعارفة انه افضل مع اقتناعي ان اللي مش لبساه مش شايله ذنب والله اعلم طبعا .....

بس كان لي صديقات ملتزمات ولكن غير منتقبات...........واول ماطخطبو انتكسو جدا وكانت الخطوبة كلها مخالفات بدون ذكر تفصيل ....فضلا عن الافراح اللي كلها مخالفات

وانا كنت مش عايزة كل ده يحصلي...كل ما شخص يتقدم اقول يارب انا عايزة النقاب الاول عشان يسد عليا ابواب فتن كتير ..........حسة ان النقاب بس درع واقي لمخالفات كتير ممكن تحصل سواء في خطوبة اوغيره ........وانا عايزة حد يعين ع الطاعة .........واللي بيقولو استني ماتلبسيهوش الا لما تتجوزي كنت بقول لالالالالالالالالا ليس له علاقة بمنع الزواج هذا رزق فعجلت بلبسة قبل هذا لان اقنتاعي فعلا ان لا علاقة بينه وبين منع الزواج ...
فعشان كدة يا اخواتي حسيت اني مش لبساه لله و سد الفتن والمخالفات ممكن اوي من غيره ......ولو حد تقدم لك ومش متدين عادي ممكن ترفضيه بيه او منغيره........يعني افكار كتيييييييييييير وهواااااااااااااااااااااااااااااجس اكتر عمالة تطاردني الان وكل لحظة انا اسفة جدا والله علي ازعاجكن اخواتي علي الاطالة بس سامحوني..... الدعاء لي يا اخوات انا خايفة اوي لحسن اقع ادعولي ادعولي ادعولي

[احلام انسانة مسلمة]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

السلام عليكن ورحمة الله وبركاته اخواتى فى الله , من فضلكن عاوزة رأيكم في حاجة عملتها ,,,, ربنا انعم عليّ وجبت مبايل جديد وحديث , وحبيت اني استخدمه في طاعة الله , والله يا اخواتي مفيش عليه اي حاجة تغضب الله والحمد لله . بس جيت في مرة خطر في بالي احط عليه دروس وحاجات عشان لما اكون في مكان يعني هاتواجد فيه كتير اسمع واسمع كل الناس ذكر الله , وبعدين حطيت على التليفون دروس على فين يا شباب عشان بسراحة كانت لها تأثير كبيييييييير في تغير حياتي بعد فضل الله فاقلت لنفسي مااشغل الدروس دي وانا في المترو مثلا او في اي مكان عام عشان كل الناس تسمع كلام ربنا بنية الدعوة إلى الله . والي شجّعني على كده لاقيت في مرة واحد اصلح الله حاله كان مشغل اغاني ومعلّيها خالص وماحدش قايله حاجة فاقلت يعني اشمعنا اهل المعصية يعملوا كده واحنا الملتزمات بنتكسف ... وبالفعل رحت شغلت الدروس دي بس لاقيت بابا لما بيكون معاية او اي حد بيكون معاية بيقوللي يابنتي حرام عليكي كده الناس دماغها مصض
وكمان مرة واحدة كبيرة في السن قالتلي يا اخت وطّي احنا مصضّعين ومش عارفة بصراحة اعمل ايه والصح فين ..., انا الي عوزاه بس ارضي ربنا مش اكتر ف فبالله عليكن يا اخواتي قولولي الصح فين, انا مالاقتش حد احكيله غيركم عشان ترشدوني للصح. ياترى الي عملته ده غلط ورلا ايه انا بصدق والله كان نيتي الدعوة إلى الله هل انا كده اتصرّفت غلط... ومعلش بقة وجزاكم الله خيرا.......

وعليكم السلام ورحمة الله وبركاته

طبعا عجبنى فيكى غيرتك على دينك وانك عاوزة كل الناس تبقى كويسة وانك نفسك يكونو كلهم كويسيين
بس فى حاجه طالما انتى بتعلى الصوت وممكن يجيب ليهم صداع بلاش احسن لان هما كدة كدة
مش عندهم الرغبة اللى انهم يسمعو وحتى لو سمعو

بعض منهم مش هسيتوعبها
انتى ممكن توطى الصوت مثلا وتشغلى ايات قراّنية مؤثرة بصوت لشيخ حلو كدة ومش تكون الصوت عالى خليه على الاد

زخليكى فى لبسك قدوة وفى كلامك وخليكى هينة لينة متخليش حد يقول دى عاوزة تسمعنا بالعافية

ومش تدى فرصة لحد ان يمسك عليكى غلطة ويقول بس المتديينين بيعملو ايه

وبالتوفيق يا اختى وربنا يهدى جميع المسلمين

[أسمى المعاني]

رد: الحقوني بالله عليكو عايزة اخلع النقاب

مش عارفة أرد أقولك أيه
غير أثبتى أختاه
وسأدعو الله لك أن يرزقك الثبات
ولا حول ولا قوة الا بالله

[غفرانك ربي]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

السلام عليكم ورحمة الله وبركات
اولا جزاكم الله خيرا جميعا علي هذا المنتدي الرائع
انا لسة مسجلة اليوم من اجل عرض مشكلة خاصة بي او بمعني اصح هي حالة بس ارجوكم تسعدوني....وبعتزر والله ان اول موضوع انزله يكون مشكلة بس والله عايزة اشوف لي حل بجد ....وبعتزر عن ركاكة الاسلوب وضعف اللغه ... حالتي من الاخر .. كانت حياتي قبل 3 سنين عادية مش ملتزمة اوي بالدين كان الجهل والغفلة اللي كتير عايشين فيه...وبعدين ربنا اكرمني وبدات اروح دار للقران وارتبط جدا بالتجويد والحفظ الحمد لله وبقي هدفي ان اكون معلمة ...وبعدين غيرت لبسي ولبست الملحفة والله حسيت اني مش ماشية ع الارض كنت سعيييييييييدة جدا جدا جدا ....وكان نفسي بعد كدة البس النقاب.....وقد كان لبسته من سنة ونص ..ولكن...ماحستش باي احساس حلو زي مالبست الملحفة.....بالعكس تماما تعبت نفسيا جدا وفضلت اعيط اني مامنتش مرتاحة فيه..وفضلت مضايقة منه جدا ومن النفس بس فضلت اقاوم واقول لالالا ده شيطان وكل زميلاتي قالولي لالالا اثبتي ....بس انا تهورت واستعجلت اوي في لبسه ....انا اقتناعي به انه فضل وحكمه الشرعي معرف ...انا حسة اني منافقة منافقة منافقة جداجداجدا ...لاني بجد من ساعة مالبسته وانا عايزة اقلعه بس خايفة من حاجات كتير...انا معليتش لما لبسته انا حسيت اني هبط اوي من ساعتها حسه انه ماقربنيش من ربنا بلعكس احساسي بالنفاق باعدني اوي عن ربنا .....انا عمالة اسال نفسي انا مش قادرة اقلعه ليه؟؟؟؟ مش لاقية اجابة داخلي الا انه ازاي بقي امام الناس بعد ما البسه اقلعه؟ وهذا طبعا رياااااااء ونفاق ويصبح العمل مردود غير مقبول ....وعلي فكرة انا مش بلبسه ف البيت امام جوز خالتي وابن خالتي وعارفة انه خطأ حاسة اني منافقة جدا.........انا تعبانة اوي والله ......حسة اني حيرانة ومترددة......حسة انه مالوش لازمة بالنسة لي ده عمل مردود لانه كدا رياااااااااااااااء صح؟؟؟؟ العمل مافيهوش اخلاص لله ماذا افعل؟؟؟؟؟ وما الحكم؟؟؟؟؟؟؟؟؟؟؟؟؟؟ ارجوكم ردو عليا بس برفق الله يكرمكو....وادعولي بالله عليكم

والله انا بدعي كتير اوي اني مخلعهوش ......استحلفكن بالله لا تنسوني من دعائكم ......واقسم بالله اني ابكي الان انا تعبانة اوي والله كل ما انام اصحي علي خضة وضيق صدر وسرعة ضربات في القلب فضلا عن الاحلام المزعجة بسبب هذا الموضوع .....دعوني اذكر لكم سبب لبسي له.....انا كنت حباه شكلا وعارفة انه افضل مع اقتناعي ان اللي مش لبساه مش شايله ذنب والله اعلم طبعا .....

بس كان لي صديقات ملتزمات ولكن غير منتقبات...........واول ماطخطبو انتكسو جدا وكانت الخطوبة كلها مخالفات بدون ذكر تفصيل ....فضلا عن الافراح اللي كلها مخالفات

وانا كنت مش عايزة كل ده يحصلي...كل ما شخص يتقدم اقول يارب انا عايزة النقاب الاول عشان يسد عليا ابواب فتن كتير ..........حسة ان النقاب بس درع واقي لمخالفات كتير ممكن تحصل سواء في خطوبة اوغيره ........وانا عايزة حد يعين ع الطاعة .........واللي بيقولو استني ماتلبسيهوش الا لما تتجوزي كنت بقول لالالالالالالالالا ليس له علاقة بمنع الزواج هذا رزق فعجلت بلبسة قبل هذا لان اقنتاعي فعلا ان لا علاقة بينه وبين منع الزواج ...
فعشان كدة يا اخواتي حسيت اني مش لبساه لله و سد الفتن والمخالفات ممكن اوي من غيره ......ولو حد تقدم لك ومش متدين عادي ممكن ترفضيه بيه او منغيره........يعني افكار كتيييييييييييير وهواااااااااااااااااااااااااااااجس اكتر عمالة تطاردني الان وكل لحظة انا اسفة جدا والله علي ازعاجكن اخواتي علي الاطالة بس سامحوني..... الدعاء لي يا اخوات انا خايفة اوي لحسن اقع ادعولي ادعولي ادعولي

وعليكم السلام ورحمة الله وبركااته

أولا مرحبا بكِ اختي في بيتك ووسط أخواتك

بالنسبة للنقاب اختي طبعا متفقين إنه حاجة ترضي ربك
متفقين انه لو فرض أديتي فرض ربك ولو سنة هل تقدري تستغني عن سنة نبيك ؟؟؟
طب ده تشبه بأمهات المؤمنين هل تحبي إنك تبقي شكلهم ولا لأ ؟؟؟
وتبقي بنفس سمتهم ولا لأ ؟؟
طيب كل ده تفتكري هيفرح إبليس ؟؟
أكيد لأ طبعا
فهيدخلك من مداخل كتير عشان يقنعك إنك تخلعيه
مرة هيقولك مفيش فرحة ده فرحة الملحفه كانت احسن اخلعيه
مرة يدخلك من باب الرياء زي ماذكرتي
مرة هيثبطك جدا عن كل حاجه كويسة بتعمليها وترجعي تقولي ده انا قبل النقاب كنت احسن
استحاله طبعا
هل اما نتقدم خطوة لربنا هتقلل من همتنا أو هترجعنا لورا
استحااااالة
النقاب ده غالي جداااا يااختي وفي بنات بتحارب عشان تلبسه
وانتى ربنا سبحانه وتعالى أنعم عليكِ بلبسه
النقاب ده تاج فوق راسك
والمفروض انتي بنقابك تتغيري للأحسن
مش النقاب هو المشكلة ولا قطعة الوجه الي غطت وجهك عن أعين كل الناس إلا محارمك هيا المشكلة
المشكله جواكِ انتي يااختي
لو لقيتي قلة همة ده من جواكِ إنتي انتي بقى دورك تصلحي من قلبك
وتصلحي من عباداتك
لما بتحصل حاجه غلط المفروض نتجه اتجاه صح يعني نتجه لقدام
مش اما نيجي نعالج مشكلة نرجع لورا
واول حاجه لازم تعالجيها انك متكشفيش وجهك قدام جوز خالتك وابن خالتك
وبعد كده ابدأي عالجي عباداتك وصلحي منها
ابدأي قربي من ربنا
خليكي واثقة ومتيقنة تمام اليقين إن لبسك للنقاب خطوة تقدمك مش ترجعك أبدا
خطوة تقربك من ربنا
فانسي تماما موضوع خلعك له وابدأي خطوات إيجابية في تغيير نفسك
والله يااختي طُلب منا بحث عن النقاب في معهد اعداد الدعاة
لما عملنا البحث انقسمنا ل 3 فرق
المنتقبات زاد يقينهم بأنه فرض
وغير منتقبات ارتدوه عن اقتناع تام
وفريق ثالث نفسهم يلبسوه لاقتناعهم بردو بس مش قادرين بسبب منع أهاليهم له

فالنقاب خيــــــــر كبيـــــــــر ونعمة لو ظللت اشكر ربي عليها طول حياتي ماوفيت حقها
النقاب تاااج فوق الرءوس يحسدنا عليه الكثيــــر
فانسي بقى حكاية خلع النقاب دي وشوفي هتبدأي إصلاح نفسك بإيه
قرآن عبادات صلاة صيام ذكر وغير ذلك من العبادات

اعذريني حسه كلامي متلخبط لضيق الوقت بس هرجعلك تاني بإذن الله

[الـــ أم ـــزبير]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

وعليكِ السلام ورحمة الله وبركاته

ربنا يثبتك على طاعة الله

ويعينك على طاعته

مثلما قالت لكِ أختى غفرانك ربى الشيطان هيدخلك من أى طريق

بس خليكِ أقوى منه .... أستعينى بالله .... وعليكِ بالدعاء بكثرة

خاصة ما بين الإذان والإقامة وجوف الليل

والضيق والاحلام المزعجة وضربات القلب

عليكِ بالمواظبة على إذكار الصباح والمساء وأذكار قبل النوم

وقراءة إية الكرسى دبر كل صلاة والوضوء قبل النوم

ربنا يثبتنى واياكِ على طاعته

والتقى بكى عند حوض النبى صلى الله وعليه وسلم

نسيت اقولك أهم شىء دلوقتى مثلما قالت لكِ الاخت غفرانك ربى

لبس النقاب عند وجود زوج خالتك وابن خالتك

[من مصر]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

والله يا خواتي انا مش عارفة اقول ايه غير جزاكن الله عني كل خير
ينفع اسيب لكو ايميلي؟؟؟؟؟؟؟؟؟

انا بجد محتاجة اوي لحد يعيني انا الحالة دي كل شوية بتنتابني لحد بحد ما اعصابي تعبت انا فضلت ابكي كتير بسبب الموضوع ده

اختي غفرانك ربي .انا مستنية رجوعك ..........ومستناكو كلو يا اخوات لمساندتي ......والدعاء لي بالله عليكو ........وبعتزر للازعاج ..اعزروني .......

[الثبات الثبات باذن الله]

المساعده على الالتزام

بسم الله الرحمن الرحيم

ازيكم يا اخواتى ارجو من الله ان يوفققكم لما يحب ويرضى

انا بحاول انى التزم على قد ما اقدر وخطيبى كمان بس هو يعمل مدرس وانا طبعا لا اعمل فانا امامى وقت كبير استعمله فى طاعه الله والحمد لله لكنه هو شايف ان انا مش بساعده ان هو يلتزم وهو شايف ان هو مش بيعمل حاجه غير انه بيصلى وانا الصراحه مش عارفه اساعده ازاى فياريتاخواتى فى الله الى عندها افكار تساعد فى ذلك ياريت تفيدنى


ممكن


وشكرا

[فاطمة سعد]

رد: المساعده على الالتزام

بسم الله الرحمن الرحيم

ازيكم يا اخواتى ارجو من الله ان يوفققكم لما يحب ويرضى
انا بحاول انى التزم على قد ما اقدر وخطيبى كمان بس هو يعمل مدرس وانا طبعا لا اعمل فانا امامى وقت كبير استعمله فى طاعه الله والحمد لله لكنه هو شايف ان انا مش بساعده ان هو يلتزم وهو شايف ان هو مش بيعمل حاجه غير انه بيصلى وانا الصراحه مش عارفه اساعده ازاى فياريت احبائى فى الله الى عندها افكار تساعد فى ذلك ياريت تفيدنى
ممكن
وشكرا

وعليكم السلام ورحمة الله وبركاته

منورة أخيتى

وبعون الله صحبة طيبة يا أخيتى

اهم شئ ممكن أقوله لى لو عنده وقت خليها يدخل المنتدى فى قسم الاخوة

أكيد هيجد من يساعده ويعينه بعون الله

دى نصحيتى لكى

وبتمنى من الاخوات ان تنصحك الافضل بعون الله

بالتوفيق

[almoslima]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

السلام عليكن ورحمة الله وبركاته اخواتى فى الله , من فضلكن عاوزة رأيكم في حاجة عملتها ,,,, ربنا انعم عليّ وجبت مبايل جديد وحديث , وحبيت اني استخدمه في طاعة الله , والله يا اخواتي مفيش عليه اي حاجة تغضب الله والحمد لله . بس جيت في مرة خطر في بالي احط عليه دروس وحاجات عشان لما اكون في مكان يعني هاتواجد فيه كتير اسمع واسمع كل الناس ذكر الله , وبعدين حطيت على التليفون دروس على فين يا شباب عشان بسراحة كانت لها تأثير كبيييييييير في تغير حياتي بعد فضل الله فاقلت لنفسي مااشغل الدروس دي وانا في المترو مثلا او في اي مكان عام عشان كل الناس تسمع كلام ربنا بنية الدعوة إلى الله . والي شجّعني على كده لاقيت في مرة واحد اصلح الله حاله كان مشغل اغاني ومعلّيها خالص وماحدش قايله حاجة فاقلت يعني اشمعنا اهل المعصية يعملوا كده واحنا الملتزمات بنتكسف ... وبالفعل رحت شغلت الدروس دي بس لاقيت بابا لما بيكون معاية او اي حد بيكون معاية بيقوللي يابنتي حرام عليكي كده الناس دماغها مصض
وكمان مرة واحدة كبيرة في السن قالتلي يا اخت وطّي احنا مصضّعين ومش عارفة بصراحة اعمل ايه والصح فين ..., انا الي عوزاه بس ارضي ربنا مش اكتر ف فبالله عليكن يا اخواتي قولولي الصح فين, انا مالاقتش حد احكيله غيركم عشان ترشدوني للصح. ياترى الي عملته ده غلط ورلا ايه انا بصدق والله كان نيتي الدعوة إلى الله هل انا كده اتصرّفت غلط... ومعلش بقة وجزاكم الله خيرا.......

وعليكم السلام ورحمة الله وبركاته

طبعا عجبنى فيكى غيرتك على دينك وانك عاوزة كل الناس تبقى كويسة وانك نفسك يكونو كلهم كويسيين
بس فى حاجه طالما انتى بتعلى الصوت وممكن يجيب ليهم صداع بلاش احسن لان هما كدة كدة
مش عندهم الرغبة اللى انهم يسمعو وحتى لو سمعو

بعض منهم مش هسيتوعبها
انتى ممكن توطى الصوت مثلا وتشغلى ايات قراّنية مؤثرة بصوت لشيخ حلو كدة ومش تكون الصوت عالى خليه على الاد

زخليكى فى لبسك قدوة وفى كلامك وخليكى هينة لينة متخليش حد يقول دى عاوزة تسمعنا بالعافية

ومش تدى فرصة لحد ان يمسك عليكى غلطة ويقول بس المتديينين بيعملو ايه

وبالتوفيق يا اختى وربنا يهدى جميع المسلمين

شكرا على نصيحتك وانا أن شاء الله هانفز بعون الله وربنا يجعله في ميزانك

[almoslima]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

ايوه يا اختى انانقلت موضوعك هنا

عشان يكون اسهل على الاخوات يتفاعلوا معاك
ياريت لوعندك مشكله تكتبيها هنا اختى يسر الله لك امرك

جزاك الله خيرا وبارك الله فيك ونفع بك

شكرا شيرين على اهتمامك وجزاكي الله كل خير بس عاوزة رأيك ,

[ريحانه18]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

هو ده رابط قسم الاقتراحات والشكاوى تفتحى هناك موضوع وتطلبى تغيير اللقب وتكتبى اللقب الاخر


قسم الاقتراحات والشكاوى

السلام عليكم اختى الرابط مش شغال
و معلش سامحونى انا جديده فى الالتزام لم اكن اعرف ات اللقب مخالف و شكرا على التنبيه