بالله عليكم كل يدخل منتقبة او غير منتقبة!

[الوحيده]

رد: بالله عليكم كل يدخل منتقبة او غير منتقبة!

يسعدنى ان نكون اخوات فى الله واصحاب يا دندونة..دعواتك لنا

[muslimah-91]

رد: بالله عليكم كل يدخل منتقبة او غير منتقبة!

الحمد لله أنا منتقبة ومقتنعة جدا بنقابي ونفسي ربنا يهدي كل بنات المسلمين للبس النقاب

[حفيدة حليمة السعدية]

رد: بالله عليكم كل يدخل منتقبة او غير منتقبة!

نعم هو واجب من واجبات الدين وستر وحفظ للكرامة اللهم استر بنات المسلمين

[ام نيللى]

رد: بالله عليكم كل يدخل منتقبة او غير منتقبة!

دندونة;1059320881]انا مقتنعة بيه جدا طبعا
بس مش لابساه اقاربى كلهم ماقنعنى انه مش لازم لو فيه اى اخت تقدر تفضل معايا وتساعدنى تكلمنى ياريت ونبقه صحاب[/quote]

اختى دندونة
انت مش مقتنعة به

لان الاقتناع بالشئ انك تكونى صادقة مع نفسك
والمهم انت عايزة ايه
لو عايزة تلبسيه خطى الخطوة الاولى
واوعى تترددى
اما لو سمعتى لكلام اللى حواليك من اهل واقارب
هاتقفى ومش هاتخطى خطوة واحدة للامام
ثم ليه تكذبى على نفسك
اللى بيحب حاجة حتى لو غلط بيعملها
لكن انت صعبان عليك انك تتكتفى به
واحنا كلنا مرينا بالتجربة دى بس تغلبنا على الشيطان
واعوانه من البشر
وحسينا اد ايه احنا غلطانيين ان احنا مالبسناهوش من زمان
بجد متعة ما بعدها متعة
ربنا يكرمك وتشعرى بها
كأنك طايرة به


اقعدى بينك وبين نفسك
وحاولى تكونى صريحة وحددى هدفك وشوفى انت عايزة ايه
ونتيجة للى انت مقتنعة به اعمليه طالما صح مش غلط

على فكرة
النقاب ده الحاجة الوحيدة اللى صح فى حياة البنت
وخصوصا فى العصر اللى احنا عايشين فيه دلوقتى
لان الفتنة والبدع منتشرة والتقليد الاعمى للغرب

واعرفى اللى يمشى وراء كلام الناس عمره ماهايوصل

لهدفه
سامحينى انا قسيت عليك بس والله علشان قلبى عليك
وبكرة لما تلبسيه وحد يطلب نصيحتك
هاتقولى نفس الكلام ده
وابقى افكرك
وتقبلينى اختا لك

[تائبه عائده]

رد: بالله عليكم كل يدخل منتقبة او غير منتقبة!


اولا اشكرك على الموضوع اختى فعلا انا ملاحظه ان ماشاء الله فى ناس كتير انتقبت بعد المشاكل الاخيره وفالكليه كمان اول مره اروح كليتى بقالى كتير بعد اما خلصت ولاقيت ماشاء الله بنات كتير لابساه حتى الكليات العملى اللى كانو يقولو ازاى مش هتعرفوا تلبسوه فالسكاشن والمعامل بس الحمد لله فى ناس كتير لابساه
انا الحمد لله مقتنعه تماما وبصراحه منتقبه من سنه لسه مكملوش سنه اه بس الشهر ده هيبقوا سنه ان شاء الله ربنا يثبتنا كلنا زوجه اخى اتشجعت لما لبسته ولبسته والدتى ووالدى كانوا معارضين فالاول وكنت البسه واقف قدام المرايه اتفرج على نفسى وده طبعا بعد ماخلصت كليه وبدءت اروح المسجد احضر دروس واحس ان الاخوات فالمسجد شكلهم حلو ووشهم منور وبقيت اجى احكى لامى بس تقولى لا لما تتخطبى وتتجوزى بس اتخطبت بعدها وقلت استنى وقعدت اسوف ومحصلش نصيب اول ماالخطوبه فشكلت مره كده قلت لبابا قالى البسيه انتى حره بس تحافظى عليه ومش تقلعيه قلتله انا مصدقت البسه اقلع ايه وطبعا كل اخواتى اللى فالجامع فرحوا بيا وكنت حاسه انى عروسه وسطهم يومها والحمد لله بعد كام شهر ربنا رزقنى واتخطبت ومقتنع جدا بنقابى وبقيت اقول بعد ما كانو معارضين وافقوا واتخطبت يعنى كل ام او اب يقول لا استنى تتخطبى وتتجوزى ده نصيب وهيجى هيجى
معلش طولت عليكو بس بدعى لكل اخت ملبستش النقاب تلبسه وربنا يكرمها بيه
سلامو عليكو

[ام نيللى]

رد: بالله عليكم كل يدخل منتقبة او غير منتقبة!

اولا اشكرك على الموضوع اختى فعلا انا ملاحظه ان ماشاء الله فى ناس كتير انتقبت بعد المشاكل الاخيره وفالكليه كمان اول مره اروح كليتى بقالى كتير بعد اما خلصت ولاقيت ماشاء الله بنات كتير لابساه حتى الكليات العملى اللى كانو يقولو ازاى مش هتعرفوا تلبسوه فالسكاشن والمعامل بس الحمد لله فى ناس كتير لابساه
انا الحمد لله مقتنعه تماما وبصراحه منتقبه من سنه لسه مكملوش سنه اه بس الشهر ده هيبقوا سنه ان شاء الله ربنا يثبتنا كلنا زوجه اخى اتشجعت لما لبسته ولبسته والدتى ووالدى كانوا معارضين فالاول وكنت البسه واقف قدام المرايه اتفرج على نفسى وده طبعا بعد ماخلصت كليه وبدءت اروح المسجد احضر دروس واحس ان الاخوات فالمسجد شكلهم حلو ووشهم منور وبقيت اجى احكى لامى بس تقولى لا لما تتخطبى وتتجوزى بس اتخطبت بعدها وقلت استنى وقعدت اسوف ومحصلش نصيب اول ماالخطوبه فشكلت مره كده قلت لبابا قالى البسيه انتى حره بس تحافظى عليه ومش تقلعيه قلتله انا مصدقت البسه اقلع ايه وطبعا كل اخواتى اللى فالجامع فرحوا بيا وكنت حاسه انى عروسه وسطهم يومها والحمد لله بعد كام شهر ربنا رزقنى واتخطبت ومقتنع جدا بنقابى وبقيت اقول بعد ما كانو معارضين وافقوا واتخطبت يعنى كل ام او اب يقول لا استنى تتخطبى وتتجوزى ده نصيب وهيجى هيجى
معلش طولت عليكو بس بدعى لكل اخت ملبستش النقاب تلبسه وربنا يكرمها بيه
سلامو عليكو

اولا الف مبروك على لباس العفة ولبسك النقاب
وعقبال كل البنات
وثانيا مبروك الخطوبة ويارب يتم عليك بكل خير


ماشاء الله عليك كلامك كله عسل زيك
وياريت اللى مش مقتنعة بالنقاب يأثر فيها الكلام ده
وتجرى تلبسه قبل فوات الآوان
وفعلا ياتائبه
العريس هيجى هيجى ان شاء الله
والجزاء من جنس العمل
يعنى الملتزمة ربنا يكرمها باللى يصونها ويحافظ
عليها ويكون ملتزم هو كمان
مش نعلق امر النقاب لما العريس يجى
ربنا يوفقك ويسعدك ويثبتك عليه

والف مبروووووووووك

[التى احسن بها ربها]

رد: بالله عليكم كل يدخل منتقبة او غير منتقبة!

انا مقتنعة جدا حتى لو مكتنش فرض لان النقاب كله خير والدليل ان النقاب بيحارب . وانا نفسى اكيد البس تاج العفة والفضيلة.ادعولى.

[nour_amatullah]

رد: بالله عليكم كل يدخل منتقبة او غير منتقبة!

انا مقتنعه بالنقاب
بس لاسف مش لابساها اتمنى ان البسه ان شاء الله
مع العلم انو الاهل رافضين
وبقولوي انو النقاب مش فرض
وايضا مكان سكني مافيش حد بيلبس النقاب
بالعافيه نلاقي حد لابس الحجاب صح

[عاشقة الجنةس.س]

رد: بالله عليكم كل يدخل منتقبة او غير منتقبة!

ادعوا الله لى بالزوج الصالح الذى يعنى على لبس النقاب وجزاكم الله خير الجزاء

[ام نظام]

رد: بالله عليكم كل يدخل منتقبة او غير منتقبة!

أختي نور ( أمة الله ) الرجاء تغيير توقيعك أختي لان الصورة من ذوات الأرواح
ربنا يصلح حالك ويوفقك إلى ما يحب ويرضى ويرزقك النقاب ولباس أمهات المؤمنين

[nour_amatullah]

رد: بالله عليكم كل يدخل منتقبة او غير منتقبة!

بسم الله الرحمن الرحيم
كيف يعني مش فاهمه
بس حغيرها حتى لو مش فاهمه
وشكرا لك على لفت نظري

[الشهيدة بإذن الله]

رد: بالله عليكم كل يدخل منتقبة او غير منتقبة!

انا الحمد لله مقتنعه بالنقاب جدا بس مش لبسته
ومفيش معارضة من اي حد بس مش عارفه ان بقول شوية والبسه ان عارفه ان دة من الشيطان بس
ربنا يكرمني وااخذ هذه الخطوة

[ام نظام]

رد: بالله عليكم كل يدخل منتقبة او غير منتقبة!

بسم الله الرحمن الرحيم
كيف يعني مش فاهمه
بس حغيرها حتى لو مش فاهمه
وشكرا لك على لفت نظري

تفضلى هنا يا أختي وإن شاء الله حتفهمي
وجزاكِ الله خيراً على أدبك وذوقك
رسائل مهمة في نصح الأمة "7"حكم الصور والتصوير
https://forums.way2allah.com/showthread.php?t=63094

[يارب نور قلبي]

رد: بالله عليكم كل يدخل منتقبة او غير منتقبة!

الحمد لله والصلاة علي رسول الله

جزاك الله خيرا لطرحك الجميل

اناالحمد لله مرتديه النقاب من رمضان الماضي

والحمد لله مقتنعه بيه جدا بل وفخوره بنقابي
واتمني ان يمن الله علي باقي الاخوات بهذا الفضل الكبير

ويجعله شاهدا لنالا علينا

وفقك الله وجزاكي خير الجزاء

[تاركة الدنيا]

رد: بالله عليكم كل يدخل منتقبة او غير منتقبة!

اخواتى فى الله
انا لسه محتاره اذا كان النقاب فرض ولا سنه وسواء كان فرض او سنه فهو عمل خير لانه يحافظ على بنات المسلمين من الفتن والشبهات
ولكنى لدى استفسار واحد ماذا لو كانت الفتاه ملتزمه دينيا وخلقيا وترتدى ملابس فضفاضه لا تصف ولا تشف ولكنها لا ترتدى النقاب فهل ستعاقب على ذلك؟؟؟؟؟؟.....
هل النقاب فرض لكونه نقاب يغطى الوجه ام لأنه يمنع الفتيات من المعاصى؟؟
ارجو ان تكونوا فهمتوا ما اقصده فأنا ارتدى ملابس واسعه ولكنى لا ارتدى النقاب فهل هذا صح ام خطأ مع العلم انى الى حد ما ملتزمه دينيا وخلقيا والحمد لله
اسفه اذا كنت اطلت عليكم
وجزاكم الله كل خير