إعـــــــلان

تقليص
لا يوجد إعلان حتى الآن.

مسلسل جديد ( البيت بيتك )

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #16
    حمى الله شباب المسلمين ونجَّاهم من كل ما هو خطر على دينهم ودنياهم
    اللهم آمين
    جزاااك الله خيرا اختنا


    اللهم بارك لى فى اولادى وارزقنى برهم وأحسن لنا الختام وارزقنا الفردوس الأعلى

    تعليق


    • #17
      للرفع
      لا إله إلا أنت سبحانك إني كنت من الظالمين

      تعليق


      • #18
        انتظروا الحلقة الجديدة
        .
        .
        .

        لا إله إلا أنت سبحانك إني كنت من الظالمين

        تعليق


        • #19
          متابعة
          سبحان الله ....الحمدلله ....الله أكبر ....لا اله الا الله
          غــرفة العنــاية الإيمــانية المركـزة ’’ بادرى بالـدخــول ’’



          تعليق


          • #20
            منتظرين أختنا


            اللهم بارك لى فى اولادى وارزقنى برهم وأحسن لنا الختام وارزقنا الفردوس الأعلى

            تعليق


            • #21
              السلام عليكم

              الحلقة الخامسة

              مرحب بكم في حلقتنا الجديدة من مسلسلكم البيت بيتك



              رغودة نكدت علي العيلة .
              شيماء منهارة : ايه يا ضيا طمني عليها !!!!
              ضياء : الحمد لله بخير متقلقيش الحمد لله , الدكتور ربطها بس عشان دهنلها مراهم تخفف من الكدمة .
              شيماء خدتها في حضنها : يا حبيبتي يا بنتي , منك لله يا ام عاطف مفيش مرة تبصيلي فيها
              الا لما يحصل حاجة .
              ضياء : لا متدعيش علي حد يا شيما , احنا ربنا قايلنا نحصن نفسنا بالرقية والأذكار ,
              طب بالله عليكي انتي قولتي الأذكار انهاردة ؟
              شيما : لا للاسف نسيت واتلهيت في تحضير اليوم .
              ضياء : الايام اللي فيها تجمعات الست لازم تحصن نفسها وبيتها وأهلها وإلا الشياطين هتحضر
              معاها التجمع , وبعدين يا شوشو انا حاسك اليومين دول عصبية جدا وبتزعيء للأولاد كتير
              ورغد بتمسك الموبيل كتييير جدا ودا بيشتتها وبيقلل تركيزها .
              شيماء : يعني عايز تقول ان انا السبب في اللي حصل !
              ضيا : تعالي نتوضي ونصلي ركعتين جماعة كدة ربنا يصرف عنا السوء والشياطين .



              الحج حسين قابل الحج مختار في المسجد وقاله : ازيك يا راجل يا طيب فينك مختفي بقالك فترة
              ؟
              الحج مختار : الحمد لله يا حج حسين , انت عارف الدنيا مشاغل ومشاكل ربنا يعدينا منها
              علي خير .
              الحج حسين : مالك كدة مهموم !!ربنا يريح بالك .
              الحج مختار : والله يا حسين الواد محمد مغلبني اليومين دول , اتصاحب علي شلة سيئة
              وبيعاندني في كل حاجة , كان بينزل يشتغل معايا في المحل علطول ويساعدني , دلوقت مش
              بينزل خالص وانا تعبان زي منت شايف .
              الحج حسين: معلش معلش مهم دلوقت في فترة المراهقة مش فاكر احنا كنا عاملين فيها ايه ؟؟ كنا خاربينها , احنا نحاول نفهمهم واديله شوية حرية واتصاحب عليه وانزل لسنّه وخليه يثق فيك واحكيله عن اخرة الطريق الغلط , انا بعمل كدة مع احمد ابني وربنا يهديهم ويبعد عنهم الفتن واصحاب السوء .
              الحج مختار : ياااااااارب هحاول ان شاء الله .

              أنس جه من المدرسة وبيحكي لماما :
              أنس : ماما المدرسة عاملة حفلة يوم الخميس 21 مارس عشان عيد الأم وعاوزين هدايا للمدرسات ,
              بس انا لاقيت واحد صاحبي في الفصل عمال يعيط فسألته مالك ؟ قالي أنا مامتي مش موجودة .
              ماما : يا حبيبي يا بني فعلا عيد الأم دا سهم في قلب كل يتيم , مش صح يا حبيبي العيد دا , احنا عندنا عيدين بس في الإسلام بيخلوا كل الناس فرحاااانة الكبير والصغير والبنات والولاد هما ايه العيدين دول يا أنوس ؟
              أنس : عيد الفطر وعيد الاضحي .
              ماما : شطوووور العيد الصغير كام يوووووم ؟ 3 أيام والكبيــــــر؟ 4 أيام , انما الأم أفرح بيها كل الأيام عشان هي حبيبتي ومعايا وبتحبني دايما وبتحضني علطول وبتخاف عليا وووو .
              أنس : طب والاولاد اللي مامتهم مش موجودة ؟
              ماما : ربنا يصبرهم ويربط علي قلبهم ويكونوا شاطرين وجدعان ويعرفوا يتحملوا مسئولية نفسهم عشان يقابلوا ماما في الجنة وتفرح بيهم إن شاء الله .
              _ عيد الأم سهم في قلب كل يتيم _

              وسام بتتصل بصاحبتها يسرا تطمن عليها مش من باب التدخل , لا عشان هي لجأت ليها : اخبارك ايه يسرا حبيبتي .
              يسرا : الحمد لله يا سومة بخير والله , انا قلت هتعامل مع مشكلة مشكلة واستعنت بالله وبدأت بمشكلة البخل لإنها دايما مضايقاني خاصة ان والدي كريم في كل حاجة فحاسة اوي بالفرق مع زوجي , فنفذت النصايح اللي قولتيلي عليها والحمد لله حاسة بفرق ربنا يجازيكي خير , عقبال باقي المشاكل .
              _ النصائح في الفاكهة _
              وسام : الحمد لله يا حبيبتي , مفيش حد كامل يا يسرا إلا النبي صلي الله عليه وسلم فكلنا فينا عيووووووب ومميزات فنغفر لبعض ونحب بعض علي عيبنا هنرتاح ونريح , وطبعا مع محاولة التغيير للأحسن بلا شك .
              يسرا : صح , ربنا يرزقك بالزوج الصالح اللي بتتمنيه يا حبيبتي واشوفك أحلي عروسة .
              وسام : حبيبتي يا يسو , اشوفك علي خير ....


              أحمد داخل المركز التعليمي
              اصحابه واقفين لمعاكسة البنات زمايلهم
              أحمد : ايه التفاهة بتاعتكوا دي .
              واحد من الشلة : ايه يا عم العاقل , حبيت ولا شكلك كدة ؟
              أحمد : هو لازم عشان مش بعاكس بنات يبقي ارتبطت بواحدة ؟ ليه متقولش ان عندي اخوات ومرضاش حد يعاكسهم وليه متقولش اني اركز في مذاكرتي عشان اجيب مجموع عدل ادخل كلية كويسة ابني فيها نفسي !!!
              واحد تاني من الشلة : هقهقهقهقه , ايه مدينة الأحلام اللي انت عايش فيها دي ؟! لا وعندك أمل بقي وكلية وشغل وكدة هقهقهقهقه .
              واحد تالت : دا عنده أمل وفوزية ومديحــــــة .
              كلامهم وترقيتهم أثرت في أحمد فسكت بس أحبطوه جدااااااا وفضل طول مالاستاذ بيشرح مش مركز وبيقلب علي الموبيل ,
              وإذ فجأة الأستاذ سأله سؤال ؟؟؟
              رد أحمد :............... الحلقة خلصت

              والي اللقاء في الحلقة القادمة


              فاكهة الحلقة :
              كيفية التعامل مع الزوج البخيل :
              - توقفى عن مطالبته باستمرار بالمتطلبات المادية، التى تدعوه للصرف وبذل المال، فهذا يجعله يختلق الأعذار ويؤلف الكذبات والمخارج لهذا الموقف ولن تصلى إلى مرادك.

              - لا تنبهى عقله لالتزاماته المادية، حتى لا يهرب وهو ضليع فى ذلك.
              - لا تشعريه بأنك تعلمى أنه بخيل، أو تكررى كلمة "أنت بخيل"، بل أشعريه بأنه رجل طبيعى، وقومى بالاستيلاء على ما تريدين ببعض التظاهر.
              - استخدمى أنوثتك ودلالك عليه لتطلبى ما تريدين بشكل غير مباشر، ولطيف وهادئ ودون تعنت أو تهديد، فالرجل البخيل يظل "رجلاً".
              - لا تطالبيه بدفع الإيجار أو مصاريف المدرسة، بل ناوريه ببعض الحيل التى تجعله فى مواجهة غيرك، كأن ترسليه إلى المدرسة للاطمئنان على الأطفال وهناك سوف يضطر للدفع.
              - لا تحاولى استغلال أوقات كرمه النادرة، بل كونى معتدلة ليشعر معك بالارتياح وعدم القلق منك.
              - لا تجعلى هدفك تغيير طبع زوجك البخيل، فالبخيل رجل عنيد، مما يجعله أكثر عنادا معك ويزيد فى بخله.
              - اطلبى استشارة نفسية من قبل مختص يساعدك على علاج زوجك ذاتيا، ولا تكونى فى المشكلة وحدك حتى لا تزيديه بخلا.
              - لا تقولى له أسعار الأشياء صراحة، وبلا مبالاة بل تأففى من سعرها كما يتأفف هو، وسوف تجديه متقبلا للسعر بعض الشىء.
              - أقنعيه بدهائك أن ما تشتريه بسعر عال لا يوجد ما هو أقل منه، وأن الأسعار جميعها متشابهة ومرتفعة وأنك أيضا تشترين وأنت منزعجة من هذا الأمر.
              - اصحبيه فى كل جولات شراءك أنتِ والأطفال حتى لا ينفصل عن الواقع.
              - واسيه عند صرفه مبلغا مرتفعا ولا تستهزأى بشعوره فهو مريض يحتاج المساندة.
              - احترمى رغباته واستغنى عما لا تحتاجين وعما يمكنك الاستغناء عنه ولا تتمسكى بأشياء تافهة.
              - أظهري له دوما احتقارك الشديد للمال وأنه يجلب الشقاء لأصحابه إذا اعتقدو أنه غاية وليس وسيلة.
              - أوضحي له أن الإسلام دين وسطي وأن كلا من المبذر والبخيل لا يحبه الله.
              - ذكريه بأن الله لم يخلق في الأرض كائنا حيا إلا وكتب رزقه، وأن جمع المال والتقتير والتضييق لن يزيدها بل إن الصدقة تنمي المال وتزيده وخير النفقة النفقة على أهل البيت.
              لا إله إلا أنت سبحانك إني كنت من الظالمين

              تعليق


              • #22
                جزاكم الله خيرا أختنا وأحسن إليكم


                اللهم بارك لى فى اولادى وارزقنى برهم وأحسن لنا الختام وارزقنا الفردوس الأعلى

                تعليق


                • #23
                  واياك اختي الغالية
                  التعديل الأخير تم بواسطة محبة الحبيب محمد; الساعة 20-03-2019, 05:45 PM.
                  لا إله إلا أنت سبحانك إني كنت من الظالمين

                  تعليق


                  • #24
                    مرحب بكم في حلقتنا الجديدة
                    الحلــــــــ(6)ــــــــقة :

                    والأستاذ كان بيسأل أحمد وهو سرحان
                    الاستاذ :
                    ما أحب إليك الماء أم الطعام ؟ ما إعراب كلمة ( الماء ) يا احمد يا سرحان ؟
                    احمد انتبه : انا يا مستر ؟!
                    الاستاذ : اه حضرتك ولو مقولتش صح هتتعاقب .
                    احمد : مبتدأ مرفوع وعلامة رفعه الضمة .
                    الاستاذ : للاسف صح يا سرحان .
                    احمد : انا اسف يا مستر .
                    واحد من اصحابه اللي اتريقوا عليه الحلقة الماضية: اصله يا مستر شكله وقع ..
                    احمد : خليك في نفسك ومتتكلمش عني خالص .
                    الاستاذ لصاحبه : اخرج برا فين الأدب ؟ الأدب قبل العلم يا بني .


                    شيماء بتكلم ضياء ع الواتس : احنا مكملناش كلامنا وانت كنت بتقول اني عصبية وبزعيء .
                    ضياء : انتي شايفة ان دا وقت ومكان مناسب ؟
                    شيماء : اه عادي منت بتكتب اهو .
                    ضياء : انا مشغول دلوقت يا شيماء , اما اخلص نبقي نتكلم .
                    شيماء : انت اصلا مش عاوز تكلمني وطريقتك متغيرة معايا .
                    ضياء : طب حقك عليا لما آجي نتكلم , عدي الليلة بقي .
                    شيماء : :(


                    الأم ووسام داخل المطبخ :
                    ماما كانت عاملة بسلة ورز على الغدا .. وبابا رجع من الشغل تعبان .. قعدوا على الأكل وبدأوا ناكل .. وسام كلت معلقتين رز وحطيت معلقة بسلة على الرز وبتدوق لقيت البسلة حادقة جدا جدا متتاكلش .. ومن الظاهر إن ماما وقع منها غصب عنها أو سهو ملح زيادة .. لسه وسام هتتكلم لقيت بابا بيقول لماما الأكل طعمه جميل أوي النهاردة ,
                    الأم استغربت جدا لإنها حست بملوحة الأكل هي كمان .. وهي مش متعودة تدوق الأكل وهي بتطبخ لانها شبه حافظة المعايير ,
                    قالتله يعني الأكل مش حادق .. قالها لا جميل وبعدين أوقات بحب الأكل حادق شوية .. تسلم ايدك يا ست الكل .. خلص أكل وقام وقالها كوباية شاي من إيديكي الحلوين بقى
                    قامت وسام وغسلت إيديها وراحت لبابا وهو قاعد بيقلب علي الفيس مستني الشاي .. ومن عادة وسام إنها بتهزر معاه دايما فقالتله : بقى بذمتك يا راجل الأكل طعمه حلو .. ده حادق كأنه معمول من بحر اسكندرية .
                    قال لها وهو بيبتسم : يا بت يا سومة يعني أمك عمرها ما عملتلنا أكل حلو ولا عمرها بسطتنا ! .. وتعبانة وراجعة هي كمان من شغلها وواقفة على رجليها بتعمل اكل وشرب متستحقش كلمة حلوة حتى .. متلاقيش إيد تسندها وقت ما تقع .. هننسى كل الحلو اللي عملته في حياتها ونعلق المشنقة عشان غلطة مش مقصودة ..
                    يا بنتي أمك بتتعب عشانا ومش قصاد ده متلاقيش كلمة ترد روحها .. هنستفيد إيه اننا نضايقها أو نهز ثقتها في نفسها .. تراهنيني ان الأكل المرة الجاية هيبقى أطعم من أي مرة ..
                    الكلمة الحلوة والحنية يا بنتي مبتبقاش في اوقات الفرح بس حتى في الشدة الكلمة الحلوة ليها تأثير السحر .. جبرت بخاطر أمك لأني حلفت ما أكسر نفسها لأن نيتها طيبة ونقية ..وهي كمان بتجبر بخاطري وبتستحملني .. يبقى مردش الجميل ولو بكلمة !
                    جبر الخواطرعلى الله والكلمة الحلوة بتصنع المعجزات وبتفتح كل الابواب المقفولة وتقصر علينا كل الطرق الطويلة وتهون الوجع ..
                    علاج رباني لا بفلوس ولا بيتباع في صيدليات .. والروشتة سهلة كاتبها الرحيم جل شأنه ..
                    ربنا يجعلنا جابرين خواطر الناس ويوقف لنا ولاد الحلال اللي يجبروا بخاطرنا.
                    وسام : امين يا أحن وأطيب أب في الدنيا .



                    وسام بتتصل بشيماء : عاملة ايه يا شوشو؟
                    شيماء : اهو الحمد لله مضايقة شوية .
                    وسام : ليه يا حبيبيتي ؟
                    شيماء : مضايقة من ضياء شوية .
                    وسام : ليه بس حد يزعل القمر دا ؟ وضياء ما شاء الله عليه يا شوشو ماله !
                    شيماء : كنت بكلمه ع الواتس وشدينا كدة وهو متغير معايا وبيقولي اني عصبية وبزعيء ..
                    وسام : بصي يا شوشو حاولي متتكلميش علي الواتس في عتاب او مشاكل , في محاضرة كانت عن كيفية اختيار الوقت والمكان
                    المناسب لاي عتاب بين الزوجين والمدرية حظرت من الكلام علي الواتس لانه بيزود الجفاء والبعد والفهم الغلط , فحاولي كدة
                    اختاري وقت رومانسي هادي , انتي متعصبة ليه طيب مش هو السفر بتاعه اتأجل ؟
                    شيماء : اه اتأجل , انا فعلا محتاجة أهدي وحاسة اني تايهة ومحسودة علطول , وانتي منشغلة كدة علطول ومبقتيش تسألي
                    عني كتير .
                    وسام : حبيبتي يا شوشو , معلش سامحيني منا بحضر دبلومة تربوي اسري , وان شاء الله مش هنشغل عنك .
                    شيماء : ربنا يوفقك يا حبيبتي ويلا حللنا بقي مشاكلنا :)
                    وسام : :) يارب وبالنسبة لموضوع الحسد اه هو موجود واللي ينكره يبقي عنده خلل في الدين ولكن مش كل حاجة هقول عليها
                    حسد وعين لا في ناس بتستخدمه زي الشماعة بتعلق عليها كل حاجة عشان متتغيرش ومتعرفش فين المشكلة وتعالجها صح .
                    شيماء : بس انا في ناس كتير بتحقد عليا وحطيني في دماغهم علطول .
                    وسام : كانت المدربة بتقولنا :



                    احمد دخل البيت وشكله مضايق خالص
                    بابا : ايه يا ابوحميد عامل ايه ؟
                    احمد : الحمد لله يا بابا ماشي الحال , بس مضايق شوية .
                    بابا : ليه يا حبيبي , مالك .
                    احمد : هو انت وانت قدي كنت بتشرب سجاير وبتكلم بنات وإلا تبقي واد رخم ومقفول !؟
                    بابا : مين قال كدة اللي معندوش وعي باي حاجة دا ! انت ايه رايك ؟
                    احمد : رايي انه لأ وانا زعئت لصاحبي انهاردة قدام المستر والفصل كله لانه قال للمستر اني سرحان بفكر في بنت , فانا زعئتله
                    وقولتله خليك في نفسك ومش هكلمه تاني ابدا .
                    بابا : برافو عليك جدع زي ابووووك , بس كدة انت زعلان ليه دلوقت موقف وعدى وانت جاوبت على نفسك بالاجابة الصحيحة
                    وكمان دافعت عن نفسك يعني جوا الجون يا صلاح .
                    احمد ابتسم : يعني اعمل ايه دلوقتي ؟
                    بابا بهزار : اعمل الصح على رأي عمك غسان مطر هههههههه.
                    احمد : هههههههههه , هو ضياء مدفون فين عاوزين نولع الدنيا بقي في ماتش السوبر .
                    بابا : انا خايف ع ضغطي يا واد يا احمد , ربنا يستر .
                    وسام : متقلقش يا سحس هنقعٌلك كركرديه هههه من دلوقتي
                    بابا واحمد : هههههه ايه اللي بتلمع اوكر دي !
                    وطبعا النتيجة





                    وسام كاتبة على صفحتها الفيسبوكية
                    إلى نفسي وحبيباتي اخواتي واصحابي البنات اللي منهم لسه آنسة زي حالاتي واللي متزوجة واللي عندها عيال
                    احنا مقصرين كنساء في الدعوة ومقصرين في حق نفسنا
                    انا هركز بس الاول على الدعوة لله والتفقه في الدين بجد ولو بداية بسيــــــــــــــــــطة جدا خاصة احنا داخلين على أيام مباركة ,
                    والسؤال الآن ...
                    انتو معايا ان احنا مقصرين في الجانب دا على عكس الإخوة إلى حد ما شغالين _ ومش شرط يكون واضح عشان انتو عارفين عاقبة الوضوح _
                    ؟؟؟؟؟

                    في انتظار تفاعلكم مع وسام
                    .
                    .
                    .
                    وإلى اللقاء في الحلقة القادمة


                    التعديل الأخير تم بواسطة خديجة أحمد; الساعة 31-03-2019, 01:41 PM.
                    لا إله إلا أنت سبحانك إني كنت من الظالمين

                    تعليق


                    • #25
                      ماشاء الله حلقة مميزة جداااا

                      نعم أنا شايفة أن فيه تقصير الأخوات في الدعوة وهذا الأمر جلى جدا وياليت التقصير فقط في الدعوة دا أصبحت الاخت الداعية بتسقط همتها وبتنتكس كمان والله المستعان
                      يا الله
                      علّمني خبيئة الصَّدر حتّى أستقيم بِكَ لك، أستغفر الله مِن كُلِّ مَيلٍ لا يَليق، ومِن كُلّ مسارٍ لا يُوافق رضاك، يا رب ثبِّتني اليومَ وغدًا، إنَّ الخُطى دونَك مائلة

                      تعليق


                      • #26

                        المشاركة الأصلية بواسطة كريمه بركات مشاهدة المشاركة
                        ماشاء الله حلقة مميزة جداااا

                        نعم أنا شايفة أن فيه تقصير الأخوات في الدعوة وهذا الأمر جلى جدا وياليت التقصير فقط في الدعوة دا أصبحت الاخت الداعية بتسقط همتها وبتنتكس كمان والله المستعان
                        جزاك الله خيرا ع تفاعلك اختي الكريمة كريمة ، ياليت التفاعل يعووود والهمة تعود .
                        لا إله إلا أنت سبحانك إني كنت من الظالمين

                        تعليق


                        • #27
                          جزاك الله خير ا أختنا وأحسن الله إليكِ
                          ياريت كل الرجال تعمل ذي بابا لما ذاق البسلة

                          المشكله الآن أن الملتزمة تجد صدا ممن حواليها حتى لو هي الصواب
                          ويأتي أحيانا الصد من أقرب الأقربين واحيانا من الابناء أو الزوج أو أحد الابوين
                          ولو سقطت سهوا يقولوا مش هي دي المنتقبة فلانه على سبيل السخرية
                          واحيانا تساير من معها من أخوات في العمل أو متشابه لأنها لا تستطيع التغيير فتركت النصح
                          والله المستعان
                          سبحانك اللهم وبحمدك نشهد ألا إله إلا أنت أستغفرك وأتوب إليك
                          التعديل الأخير تم بواسطة خديجة أحمد; الساعة 01-04-2019, 01:41 PM.


                          اللهم بارك لى فى اولادى وارزقنى برهم وأحسن لنا الختام وارزقنا الفردوس الأعلى

                          تعليق


                          • #28
                            المشاركة الأصلية بواسطة محبة الحبيب محمد مشاهدة المشاركة
                            جزاك الله خير ا أختنا وأحسن الله إليكِ
                            واياك اختي
                            ياريت كل الرجال تعمل ذي بابا لما ذاق البسلة
                            ياريت
                            المشكله الآن أن الملتزمة تجد صدا ممن حواليها حتى لو هي الصواب
                            ويأتي أحيانا الصد من أقرب الأقربين واحيانا من الابناء أو الزوج أو أحد الابوين
                            ولو سقطت سهوا يقولوا مش هي دي المنتقبة فلانه على سبيل السخرية
                            الصبر والدعوة بالحب والود الحل ان شاء الله
                            واحيانا تساير من معها من أخوات في العمل أو متشابه لأنها لا تستطيع التغيير فتركت النصح
                            فعلا مشكلة اغلب النساء انها بتساير الجو لان معندهاش القوة والثقة في الدعوة او علي الاقل الصد عن الغلط زي مثلا الجلسات النسائية اللي فيها غيبة ,
                            هنتناول ان شاء الله الموضوع دا , جزاك الله خيرا اختنا

                            والله المستعان
                            سبحانك اللهم وبحمدك نشهد ألا إله إلا أنت أستغفرك وأتوب إليك
                            الرد داخل الاقتباس
                            التعديل الأخير تم بواسطة moslma lillah; الساعة 08-04-2019, 01:38 AM.
                            لا إله إلا أنت سبحانك إني كنت من الظالمين

                            تعليق


                            • #29

                              الحلــــــــــــ
                              (7)ـــــــــــــــــقة :




                              وكنا مع استبيان وسام عن تقصير الأخوات في الدعوة لله وتعلم العلم الشرعي بحجة الزواج والأولاد
                              او بحجة اننا في عصر نامت فيه الدعوة لله


                              ــــــــــــــــــــــــــــــــــ
                              ــــــــــــــــــــــــ
                              ـــــــــــــــــــــــــــــ
                              ــــــــــــــــــ
                              ـــــــ

                              وكان رد بعض الاخوات الحبيبات علي وسام
                              (نعم أنا شايفة أن فيه تقصير الأخوات في الدعوة وهذا الأمر جلى جدا وياليت التقصير فقط في
                              الدعوة دا أصبحت الاخت الداعية بتسقط همتها وبتنتكس كمان والله المستعان)


                              واخت تانية
                              ( وتلاقي الاخت تقولك معنديش وقت اتابع اخت زي زمان او اسال علي اصحابي ونعمل جدول
                              طاعات ونتابع بعض ومبقاش فيه الهم بتاع الدعوة ,في حين انها ممكن تبقي قاعدة علي الفيس
                              ساعات متواصلة او الواتس ولا هاممها الوقت اللي بيضيع)


                              واخت تالتة
                              (للاسف هذه حقيقة المشكله الآن أن الملتزمة تجد صدا ممن حواليها حتى لو هي الصواب
                              ويأتي أحيانا الصد من أقرب الأقربين واحيانا من الابناء أو الزوج أو أحد الابوين
                              ولو سقطت سهوا يقولوا مش هي دي المنتقبة فلانه على سبيل السخرية
                              واحيانا تساير من معها من أخوات في العمل أو متشابه لأنها لا تستطيع التغيير فتركت النصح)


                              وسام : جزاكن الله خيرا حبيبابي علي التفاعل الجميل , فعلا والله عندكم حق مفيش زي همة
                              زمان رغم ان وسائل التواصل الجديدة المفروض انها تسهل علينا الدعوة ونستغلها , هو أينعم
                              المقالات الدينية اللي بتتبعت علطول في الفيس والواتس كتير جدا وكله بيبعت بس مملة جدا وبعدين
                              مش كلها بتبقي صحيحة , فبجد نفسي نخد بإيد بعض للطاعة بوسائل وطرق مختلفة وجديدة
                              ولذيذة تكسر الملل

                              نبدأ بايه ؟
                              ونركز علي ايه نخد من خلاله ثواب وحسنات كتير !!

                              في انتظار تفاعلكم الفعال حبيباتي




                              مدام عزة وزمايلها في الشغل في دردشة نسائية :
                              مدام ابتسام : اتصدقوا ان من كام يوم جه لبنتي عريس فبيسألني حضرتك بتشتغلي يا طنط ؟
                              قولتله اه يابني قالي ازاي يعني عمل المرأة دا غلط ونزولها واختلاطها في الشارع مع الرجال
                              وبعدين انا شايفكوا ما شاء الله مستواكوا مش محتاج انك تنزلي تشتغلي وتجيبي فلوس .

                              مدام فايزة : يا سلام !!!! ايه العُقد دا , دا جاي يقر عليكوا مش يتجوز هههههه .
                              مدام سناء : طب انتو عارفين بقي ان لولا شغلي مكنش ابني عرف يرفع رأسه في البيت وسط
                              اخواته .

                              مدام عزة: ازاي يا سونة ؟
                              مدام سناء : منتو عارفين ان حاتم ابني من زوجي الاول وباقي اخواته من زوجي التاني ,
                              فدايما يبقي قاعد حاسس انه تقيل في الأكل والمصاريف , فانا دايما اقوله
                              انت قاعد في خير أمك يا حبيبي دي فلوسي اللي انت بتاخدها مش فلوس زوج أمك فارفع راسك يابني واوعي تنكسر ابداااا وانا موجودة , علي الرغم ان زوجي عمره مبيحسسه بأي حاجة بس حاتم حساس جداااا , دا حتي بيتكسف يسلم علي اخواته البنات وحاسس إنهم أغراب عنه .
                              مدام ابتسام : يا حبيبي , اه شوفي بقي يعني مش شغل المرأة كله مرفوض .
                              مدام عزة : اه طبعا مش كله مرفوض وحرام , مش اي حد يحكم كدة علي أحوال وأوضاع
                              الناس , دي مقاييس كل اسرة هي اللي تحدد مش حد تاني هل تنزل الست تشتغل ولا لأ وتشتغل
                              ايه وتخد كام وتشتغل كام ساعة في اليوم بحيث انها متقصرش في بيتها وعيالها بسبب الشغل .

                              مدام فايزة : بصي هو التقصير لابد منه لان احنا مش سوبرمان ولا كائنات خارقة , بس
                              الست مننا تحاول متخليش التقصير يضرب في أمر واجب عليها زي حقوق زوجها وتربية الأولاد
                              وواجباتهم , انما ممكن تنضيف الشقة ممكن تجيب واحدة تساعدها لو الظروف متيسرة ولازم
                              تضحي بعدد من ساعات نومها .

                              مدام ابتسام : يعني العريس دا كدة شكله مدب واحنا طيبين مبنعرفش نرد فهيتعبنا معاه .


                              أحمد جايب قطة معاه البيت وتعالوا نتفرج علي أحلي خناقات أسرية بسبب القطة دي :
                              وسام كانت مريحة شوية فقايمة بسرعة تصلي الظهر لقت القطة خارجة من المطبخ وهي بتترعب
                              من القطط :خخخخخخخخخخ يا ماما يا بابا الحقوني .
                              احمد جه بسرعة فطسان من الضحك : ايه رأيك في اختنا الجديدة ؟
                              وسام : ايه انت اتجننت !, ايه اللي انت عملته دا , ازاااااااااااااااااي تدخلها الشقة ,
                              خرجها بسرعة .
                              أحمد : لا طبعا انا اشتريتها بالقسط خلاص دي قطة سيامي غالية يا ماما .
                              وسام : انت اكيد اتجننت والله ,شيلها بسرعة عاوزة ادخل اتووووووووووضي ووسام مسكها
                              ميـــــــــت عفريت .
                              أحمد : انا مش عارف ايه اللي انتي فيه دا انتي اللي مجنونة قطة شكلها زي السكر وانا مختارها
                              بيضة شكلها جميل عشان تعجبك انتي وماما وتخليكوا تغيروا فكرتكوا الهباب عن القطط .
                              وسام : اعوذ بالله من الشيطان الرجيـــــــــــم ومشيت .



                              ضياء رجع من الشغل
                              وشيماء محضرة الغدا ومعطرة الشقة بعطر مختلف
                              ومهيئة الأولاد وحفظتهم نشيد يقولوه لبابا لما يجي
                              ولسان حالها يهديء ويلطف الجو بينهما
                              ضياء خدهم كلهم في حضنه ودعالهم بالبركة والهداية والفرح .
                              شيماء : اللهم امين , يلا أحلي غداء في انتظارك , عملتلك النجرسكو اللي انت بتحبه .
                              ضياء : تسلم ايدك يا شوشو ربنا ما يحرمني منك ويرضيكي عني علطول وتبطلي الشويتين
                              بتوعك هههههه , لاحسن بتغيّري مودي خالص وبتخليني مش مركز في حاجة وبتُدخلي عليا
                              الكآبة والله .
                              شيماء : معلش ( أنا اسفة ) وقبلت يداه , واول مرة تعمل كدة ولكن كان تأثيرهم
                              كالسحر علي الرجل .


                              ضياء له صاحب في كرب شديد اسمه هشام فاتصل به
                              هشام : ضياء تعال بسرعة .
                              ضياء : في ايه يا هشام ؟
                              هشام : تعال بس .
                              ضياء : انا جاي حالا

                              شيماء : في حاجة يا ضيا ؟
                              ضياء : هشام صاحبي مش عارف ماله , عاوزني ضروري , معلش يا حبيبتي هنزله
                              بسرعة وجاي .


                              يا تري هشام عاوزه في ايــــــــــه ؟؟!

                              هنعرف الحلقة الجاية ان شاء الله


                              ومتنسوش التفاعل مع وسااااااااااااااام بجد وكفاية نوم
                              و



                              التعديل الأخير تم بواسطة moslma lillah; الساعة 09-04-2019, 06:52 PM.
                              لا إله إلا أنت سبحانك إني كنت من الظالمين

                              تعليق


                              • #30
                                وعليكم السلام ورحمة الله وبركاته
                                جزاكم الله خيرًا ونفع الله بكم

                                تعليق

                                يعمل...
                                X