كل منتقبة اية رأيك تكتبلنا حكاية لبسك للنقاب ؟

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

بجد انا زعلانه اوي كان نفسي احتفل معاكم بس للاسف
انا لسه مش لابسه النقاب
انا ان شاء الله عندي نيه كبيره البسه السنه دي ادعولي بقى يا بنات

ربنا يكرمك يارب
ويوفقك ويرزقك بنعمة النقاب عن قريب ياااااااااااااااارب

أسأل الله أن يرزقكِ أختي الحبيبة الفردوس الاعلى يا رب وانا بشوف انه الحجاب الشرعي معجزة ان قمت بلبسه اي ان وافق اهلي عليه
أحبك في الله يا غالية

اللهم اميـــــــــــــــــــــــــــــن

السلام عليكم ورحمة الله وبركاتة00000000 لبست النقاب شهر 2 -2005ولكنى لا انسى ذلك الاحساس الجميل عندما خرجت به الى الشارع اقسم بالله العظيم شعرت اننى اطير على الارض00احساس لم اشعر به من قبل 0000(ما وجدت بعد النقاب) حرب من كل حولى ولكن بفضل الله ساعدنا
اخواتى فى المسجد 0000واقول لكل من تريد ان تلبس النقاب ان تختار الصحبة الصالحة التى تساعدها على طاعة الله0

وعليكم السلام وحمة الله وبركاته
ما شاء الله اختنا بيبو
ربنا يكرمك اختي
بقالك 5 سنين مولودة قصدي منتقبة ( ابتسامة)
ربنا يثبتك ياااااااااارب

السلام عليكم ورحمة الله تعالى وبركاته

كان نفسي أشارك معكم أنا أيضا وأحكي قصتي مع النقاب لكن للاسف لم أنتقب بعد بسبب العمل
أنا اشتريت النقاب وأنتظر الفرصة لأخذ موافقة رئيسي في العمل عليه، أحيانا تحدثني نفسي بارتدائه ومفاجأة الجميع لكن أخاف الا يقبلوا لي في العمل واضطر لنزعه وانا لا أريد ذلك
أسألكن أخواتي الدعاء لي ولجميع الاخوات غير المنقبات بالتيسير

وأقول لكل منقبة هنيئا لك وعليك شكر الله كثيرا لانك في نعمة عظيمة لا يعرف قيمتها الا من حرمها والدعاء لامثالي به وأقول لها ايضا انا احبك في الله كثيرا

يارب اختي تخدي الخطوة الرائعة دي وتفاجئي بيها العالم كله
وتفرحينا قريب يارب

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

والان معادنا مع اختنا

e88sajedah_lellah

وصفك للنقاب جميل جدااااااااا
ربنا يبارك فيكي يا رب اختنا الفاضلة

وربنا يثبتك يارب ع النقاب
وتقبلي الورد دا يا قمر

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

ماشاء الله موضوع روعة وربنا يجعلوا في ميزان حسناتك انا بفضل الله لبست النقاب 29\شعبان\1429 بس مش فاكرة كام ميلادي وكان عندي 15 سنة 4 شهور تقريبا

- سبب نقابك؟
حكاوي أخوات المنتدى
- وعقبات نقابك؟
أهلي كلهم كانوا رافضين
- واحساسك مع النقاب؟
كنت حاسة ان في حاجه مكتفاني وفكيت منها وحياتي كلها اتغيرت
- ولو ينفع وصف نقابك؟
الملحفة والنقاب اسود وبنزل البيشة
- اي مواقف غريبة مع النقاب ؟

أول مره أحس اني محترمة بجد .. ومره كنت رايحة المدرسة في ميكوباص .. فكان في واحد قاعد فقاملي عشان معدش جنب حد

اختنا صاحبة القلادة
الله اسمك جميل جداا
وقصتك مع انها مش طويلة بس مؤثرة خاصا كمان ان سنك صغير ربنا يبارك فيكي يارب
ويجعلك ذخرا للاسلام

ما شاء الله ربنا يكرمك يارب

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

جزاكي الله خيرا ختي في الله

تاريخ نقابي 20-5-2009

بعد اما كنت سبحان الله
كنت راحة اشتري فستان للسهرة في فرح بنت عمي في نفس اليوم هو يوم لبسي لللحجاب الشرعي وذهبت للفرح به
والحمدلله الحمدلله
ما اجمل الحياة في طاعة الله
وجزاكم الله خيرا

سبحان الله
سبحان مُغير القلوب
ربنا بيحبك يا اختي
الحمد لله الذي تتم بنعمته الصالحات
ربنا يكرمك اختي نور الاسلام

نقابى اقصد ميلادى 30/7/2006
يوم الخميس بعد صلاة العشاء
اسال الله الثبات

فاكرة رقم اليوم وويوم ايه وامتي بالظبط والشهر والسنة
سبحان الله عليكي اختنا بنت الاسكندرية
واضح فعلا انه يوم عزيز عليكي اوي
سبحان الله
ربنا يثبتك اختي ويبارك فيكي
يعني انتي بقالك بالظبط سنتيبن منتقبة
ربنا يثبتك اختي

السلام عليكم ورحمة الله وبركاته

حبيت ان اشارككن أخواتي

ارتديت النقاب بفضل الله 13/2/2005

اجمل يوم في حياتي

اسأل الله ان يثبتني ويصرف عني السوء آآآمين وتقبل مني ولكم مثله

اللهم اغفر لي ذنوبي وللمؤمنين والمؤمنات الاحياء منهم والاموات

اللهم اميـــــــــــــــــــــــــــن
ربنا يتقبل اختي رحيق العفة

السلام عليكن ورحمة الله
انا انتقبت بفضل الله يوم السبت الموافق20/6/2009 ولقيت عليه هجوم كبير فارجوكم ادعو لى بالثبات عليه

وعليكي السلام ورحمة الله وبركاته

ما شاء الله اختي انتي بقالك ايام فقط لابساه
اسأل الله لكي اختي الثبات
ربنا يثبتك ويهدي من حولك بقبولهم النقاب بصدر رحب
اللهم امين

[moslma lillah]

احتفالنا باختنا ( ام سارة )

`



بسم الله والصلاه والسلام علي رسولنا الكريم صلوات الله وسلامه عليه اما انا فقد ممرت بالكثير من الخطوات حتي أصل اليه لكن المهم عندي من دلني عليه ******أخي الاكبر كان هو سبب التزامي انا واسرتي كنا اسره محافظه لكننا نقوم باخطاء وكان اخي الاكبر غير ملتزم ايضا وسبحان الله هدي الله اخي وحاول نصحنا الا اننا لم نستجب له فوفقه الله ان يهدي الينا الشرائط الاسلاميه وكان اول شريط استمعنا له للشيخ محمد حسين يعقوب ومن هذه الساعه بدأنا بفضل الله رحله الالتزام وما اجملها من ايام بدت في لبس الطرحه الطويله ثم الخمار ثم العبأه ثمممممممممممم جاءت الخطوه الهامه في حياتي وهي محاوله الوصول الي الزي الشرعي وأخذت فتره من الوقت لأهيئ نفسي للبسه لان الجميع كان معارض لهذه الفكره الا اخي الاكبر ثم كانت الخطوه التشجيعيه بالنسبه لي وهي لبس اختي للنقاب فجأه بدون مقدمات للأمر قامت من النوم في يوم من الأيام وقالت لنا سأرتدي النقاب لم يكن ابي موافق ولاامي الا انهما لم يعارضا ولله الحمد وقد لاقت ومازالت تلاقي أختي هذه الكثير من الجدال من الاهل والاصحاب بعد لبسها لزيها الشرعي وبعد ذلك لبسته في اول ايام عيد الأضحي منذ سبع سنين ثبتنا الله واياكم علي الحق نقطه اخري لتثبيت اخواتي علي مايلاقوه من الاذي قيل لي كثيرا انتظري حتي تتزوجي....... الي اخر هذا الكلام سبحان ربي في اليوم الثالث بالضبط للبسي نقابي الذي اعتز به كثيرا جاءني من يريد خطبتي واخيرا لاتنسونا من صالح دعائكم وارجو الدعاء لي ولاخي وزوجي فنحن في شده ارجو من الله ان تزول

[صفاء القمر]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

السلام عليكم ورحمة الله وبركاته

انا لبست النقاب من 3سنين مش متذكره اليوم بالظبط بس هحاول افتكره ان شاء الله لانه كان يوم تاريخى

سبب النقاب

انا كنت فى الاول بلبس عبايات بس كنت دايما عندى احساس ان لبسى فيه حاجه ناقصه فبدات افكر فى النقاب كنت لما بتكلم مع اى حد فى الموضوع ده كانوا بيقولولى ان هو مش فرض ولا سنه ده شىء مستحب بس انا فكرت كتير وسمعت شرايط عن الحجاب الشرعى لمعظم الشيوخ ووجدت ان معظمهم رايهم ان هو فرض وبصراحه انا لما فكرت قلت لنفسى ولو حتى كان النقاب كان شىء مستحب ليه معملوش بدام ربنا بيحبه انا اظن ان لو الواحده بتحب مثلا زوجها وقالها البسى النقاب هتعمله عشان خاطره وعشان بتحبه ولله المثل الاعلى فما بالكوا ده ربنا

بالنسبه للعقبات

انا قبلت عقبات مع بابا وماما لانهم كانوا معارضين انى البسه وانا بدرس لانهم خايفين عليه وحاولت كتير واشتريته بس اخدوه منى وموفقوش بلاضافه الى ان باقى العائله كانوا بيقولوى لو اتنقبتى هتتجوزى ازاى البسيه بعد لما تتجوزى بس كان ليه واحده صاحبتى حكتلها فقالتلى اصدقى الله يصدقك وفعلا بدات اجيب شرايط عن الحجاب الشرعى وعن النقاب وبدات اشغلها لما بيكون والدى ووالدتى قاعدين ومره بعد مره لقيتهم وافقوا انى البسه وكان الكلام ده يوم الاربعاء ورحت جبته يوم الخميس قبل ما يغيروا رايهم ولبسته يوم الجمعه ورحت حضرت درس علم ورحت بيه الكليه يوم السبت

وصف نقابى

انا بلبس عبايه وطرحه طويله والنقاب

مواقف غريبة مع النقاب
اول يوم لبست فيه النقاب اتقدملى عريس بالرغم من ان الموضوع لم يتم بس بصراحه حسيت ان دى رساله من ربنا كى يثبتنى وايضا لان عائلتى كانوا بيقولولى مفيش حد هيتقدملك وانتى منتقبه وسبحان الله بعد تخرجى علطول اتخطبت وكلهم كانوا مستغربين ادعولى ربنا يثبتنى انا وخطيبى على الطاعه ويجمع بينا على خير

[رحيق العفة]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

ما شاء الله ثبتكِ الله اختي انتي وخطيبك ورزقكِ الخير حيث كان

وازداد المنتدى نورا بتواجدك معنا

وانتظري احتفال اختي مسلمة بكِ

[عاشقة الحجاب]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

السلام عليكم ورحمة الله وبركاته اللهم ثبت كل المنتقبات وارزق كل من تريد النقاب بهذه العفة الحمد لله الله من على و رزقنى لبس النقاب فى 8-5-2006 وبفضل الله اشعر كانى لؤلؤة مكنونة وانا البسة وهو عبارة عن اسدال ونقاب واغطى عينى واحينا ارفعها لما تالمنى عينى ولبستة بعد سماع شريط الا رسول الله فى المواصلات اثناء ذهابى للجامعة

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

كل واحدة تنتظر حفلتها الخاصة بيها

[لؤلؤه بنقابى]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

لبست النقاب يوم 22\3\2008
- سبب نقابك
سبب نقابى انى مكنتش حسه بالامان كنت دايما خايفه انى اموت و انا مش لابسه و فى الاخر يطلع فرض و ابقى خسرانه كل حاجهو كنت دايما لما بسمع الشيوخ يقولوا مش هتتحجبى بقى احس ان الكلام ليا مع انى كنت لابسه عبايه و طرحه طويله بس كنت دايما خايفه
- وعقبات نقابك
بصراحه العقبات كانت قلبى يعنى انا لما كان حد بسألنى انتى ليه مش بتلبسى النقاب كنت فى الاول بقول انى عايزه ابقى قده الاول بس بعدين ادركت انى لما البسه هو اللى هيخلينى قدهفكنت بقول قلبى و ايمانى لسا موصللوش و ده كله طبعا غلط
بس لما قررت انى البسه الموضوع كله حصل فى اسبوع لدرجه انى كنت مخضوضه بس ربنا اراد انه يمن عليا بيه
- واحساسك مع النقاب
احساسى بقى ميتوصفش كنت حاسه انى طايره و انى مطمنه و انى ملكه و اهم حاجه انى فى خلوه مع الله
- ولو ينفع وصف نقابك
ملحفه و نقاب
- اي مواقف غريبة مع النقاب
المواقف الغريبه كتييييييييير
فيه مثلا لما يكون واحده متبرجه و تبص لك و كأنك صعبانه عليها ببقى نفسى اروح اقول لها انها مش عارفه ان اللى انا لابساه هو السعاده مش انتى
و فى موقف بقى بالتحديد يضحك جدا كنت مع واحده منتقبه بردو و كنا بنصور ورق فالراجل قلناله عايزين كيس بلاستيك نحط فيه الورق المهم ادانا الكيس بس محطش الورق فيه انا وصحبتى حاولنا نفتح الكيس بالجوانتى لكن هيهات هيهات عدت جنبى واحده شايله بيبى عادى قلتلها لو سمحتى ممكن تفتحى ده و الكيس كان شفاف بس انا مخدتش بالى انها نصرانيه المهم نطت و لزقت فى الحيطه و مسكت فى البيبى جاااامد و قامت مصرخه فى وشى لااااااااااااااااا لاااااااااااااااااا
انا وصحبتى طبعا متنا من الضحك بس الحمد لله واحده ست مسلمه فتحتهلنا

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

اعتذر ع التاخير

[اسراء حفيدة الزهراء]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

جزاااااااااكم الله خيرا
اللهم ارزقنى النقاب ادعولى يا بنات
ومباااااااااااااااارك لكل اللى لبسوه

[رؤية ربي أمنيتي]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

يااااارب عقبالي دعواتكو لي
والله ابكيتوني وبقى نفسي البسو دلوقت يااارب يكرمني

["بنت الإسلام"]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

رزقكى الله اخيتى "رؤية ربى امنيتى"النقاب
ويسر لكى امرك
آآآآآآآآآآآآآآآآمين
لا تيئسى من روح الله استعينى بالله ولا تعجزى

[رؤية ربي أمنيتي]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

رزقكى الله اخيتى "رؤية ربى امنيتى"النقاب
ويسر لكى امرك
آآآآآآآآآآآآآآآآمين
لا تيئسى من روح الله استعينى بالله ولا تعجزى

ربنا يكرمك يا حبيبتي على دعواتك
ويا ربي يكرمني والبسو
تقبلي حبي في الله