كل منتقبة اية رأيك تكتبلنا حكاية لبسك للنقاب ؟

[راجعة لك يارب]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

اليوم اللي لبست فيه النقاب كان يوم السبت 13\6\2009 قبل اذان العشاء
سبب نقابك
اني سمعت الشيوخ وهم بيتكلموا عنه وخاصة الشيخ محمد حسان والدكتور حازم شومان فحبيته وحبيت انضم للفريق الكسبان ودى كلمة قالها الدكتور حازم واثرت فيا كتيييير

- وعقبات نقابك
اهلي بحجة صغر سني وانه هيسبب لي مشاكل كتيييييير في المدرسة

- واحساسك مع النقاب
احساس جميل ومش بيتوصف ومش هيحس الاحساس ده الا اللى ربنا يرزقه بالنقاب
لانك بتبقي ماشية في الشارع حاسة انك ملكة ووردة بشوكها محدش يقدر يمسها فضلا عن انه يمسكها

- ولو ينفع وصف نقابك
نقاب على اسدال ,نقاب علي خمار وجيبة وتونك

- اي مواقف غريبة مع النقاب
الموقف اللي انا فكراه مش مع النقاب لكن كان قبل النقاب بشوية"مع الخمار" كنت في الدرس وانتظرت المدرس في آخر الحصة علشان اسأله سؤال وفوجئت بكلمة غريبة
انه بيقوللى مبروك على الحجاب وفي الوقت ده استغربت كتير وقولت لنفسي يعني اللي انا كنت بلبسه ده مش حجاب ؟؟؟ والناس عارفين كده وبيقروه؟؟؟ ومش عاوزين يغيروه؟؟؟؟ وده كان اكبر دليل بالنسبة لي ان هو ده الحجاب وباقرار الناس العاديين مش شيوخ ولا حاجة [/CENTER]

_ يعني من الاخر هنقعدك علي كرسي الاعتراف
( ابتسامة ) _ .

اوك يا جميل انا موافقة ( ابتساماااااااااااااااااااااااااااااات)

ونسأل الله الاخلاص في القول والفعل والعمل
اللهم اميــــــــن

اللهم آمييييييييييييييييييييييييييين

[راجعة لك يارب]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

ماشاء الله

أسأل الله العظيم رب العرش العظيم ان يرزق جميع نساء المسلمين تطبيق شرع الله
ءامين
ويثبت من رزقها الله النقاب عليه الى يوم الدين
ءامين

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

ما شاء الله اختي راجعة لك يارب

بقالك شهر الا كام يوم

ربنا يثبتك حبيبتي

رجعالك تاني ان شاء الله

نورتينا حبيبيتي

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

السلام عليكم ورحمة الله وبركاته

انا هاحكي قصتي بسرعة في نقط

• اولا انا كنت غير ملتزمة وبعدين ربنا هداني عن طريق النت ثم عن طريق اخت طيبة وصديقة غالية وكنت قبل ما اروح الجامعة جبت كل لبس الجامعة بديهات وجينز زي اللي في السوق,وبعديندخلت الجامعة وانا لابسة الاسدالوكنت سعيدة جدا بلبسي الاسدال
  
  
  وبعد بدأ الدراسة بشهرين لبست النقاب,ومكنتش اعرف انه فرض او فضل او سنة
  بس حسيت اني مش محتاجةان الناس تشوفني ومحستش للحظة ان المعاكسة لاي بنت حلوة,وغير كدة جماعة كانت تناقش مشاكل العصر في ظل الاسلام وضحت الحقيقة ووضحت ان فعلا اللبس ده مضر جدا واي حاجة ملفته ووضحوا ازاي البنت المتبرجة دي بتتعاكس وايه اللي بيتقال عليها مش كلام كويس لا كله كلام وحش وكنت مبأحبش حد يبصلي ولا كنت باحب ابص لحد وكنت اجتماعية جدا بس مكنتش باعرف اتكلم مع المنتقبات خالص وكان نفسي اكلمهم وكنت باحس انهم مستوي تاني مينفعش اي حد يكلمهم الا اذا كان زيهم وكنت باحس انهم ناس سبيشيال وكان نفسي ابقي زيهم محدش يتجرأ انه يبص لي ونفسي احس بالعفة ,وبعدين ربنا كرمني بعد عيد الفطر اللي فات بأيام روحت جبته وفضلت ازن علي اهلي شهر اني البسه وبعدين روحت اشتريته ولبسته وفضلت والدتي زعلانة مني فترة ولكن بعد كدة صفيت جدا وعرفت اني صح وهي راضية جدا دلوقت وعلاقتي اتحسنت بيها جدا لان كانت علاقتي بها سيئة جدا جدا
  واتحسنت علاقاتي باقاربي وتأثر بي بعض اصدقائي وارتدوا الاسدال ورأوا مني تغير كبير في تصرفاتي واخلاقي وكأنه سحر
  
  
  وكان النقاب نقطة تحول رائعة في حياتي حيث جلبت لي الفرح كله
  
  
  والفضل كله لله جل وعلا
  سبحان الله ربنا بيحبنا جدا انه هدانا ولكنني مش مقدرين النعمة دي
  
  
  وجزاكي الله خيرا حبيبتي واختي في الله علي موضوعك الرائع الذي احيا الذكريات السعيدة
  
  
  

ما شاء الله اختي صخرة الاسلام
ربنا يثبتك ياااااااااااارب
ويبارك فيكي
ويهدي كل بنات الجامعة مثلك
اللهم امين

[راجعة لك يارب]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

ربنا يخليكي يا حبيبتي والنور ده نورك يا قمر

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

انا بقى ياحبيبتى اخوض معارك طاحنه فى البيت وعياط وحاجات كتير نفسى البسه قوووووووووووووووووووووى ولكن وسط معارضه شديده من الوالدين بالله عليكم ادعولى

ربنا يجعل هذه المعارك في ميزان حسناتك اختي
يارب الوالدين يوفقوا ع لبسك للنقاب يااااااااااااااااااااااااااااااارب
وتفرحينا قريب ياااااااااااااااااارب

انا لسه ما لبستش النقاب بس عايزه منكم طلب يا ريت لو تدعولي
البس النقاب لاني بجد نفسي البسه وربنا يوفقنيي ان شاء الله

يارب يوفقك يا اختي لنعمة النقاب
وتلبسيه وتفرحينا
يااااااااااااااااارب

يا ريتني بلبس نقااب ..

حبيباتي يا ريت تدعولي الله يحببني بالنقاب ويخلي أهلي يوافقوا على إني ألبسه ..

الله يثبتكم يا أحلى منتقبات ويهديني للي هداكم ليه ما شاء الله عليكم ..

أختكم الجديدة ^_^ : أنـّ 20 ـات

ياااا سبحان الله
المعظم الوالدين هم السبب في منع النقاب
مع انا مكنتش كدة انا كنت انا اللي مكنتش لسه اقتنعت به

ربنا يكرمكم يا اخواتي انتم افضل مني بكثير لانكم نفسكم تلبسوه ولكن سبب المنع خارجي
يارب يرزقك اختي بالنقاب عن قريب

لبست النقاب بفضل الله شهر
8/ 2004

ما شاء الله اختي راجية
بققاااااااااالك 6 سنين لابسة لبس العفاف
ما شاء الله
ربنا يثبتك ويبارك فيكي

انا الحمد لله لبسته من 6 سنوات

والان انا فى تالته جامعه
بس مش فاكره بجد اليوم تحديدا

شكرا ليكى جزاكى الله كل خير

الله عليكي يا اختي كنتي صغيرة ف السن
ربنا يثبتك حبيبتي

[زينة الأبرار]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

ما شاء الله أسال لكن الثبات جميعاااااا يا رب

[أمة الرقيب]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

أختى الحبيبة أولا أشكرك على هذا الموضوع الذى اعاد لى تذكر فترة من الألم الذى عشته ولكنى سرعان ما نسيته لان الله عوضنى فالحمد لله
الالم أنى كنت إرتديت النقاب فى الصف الاول الثانوى وبعدين كنت صغيرة فى نظر أهلى فتركونى ولكن ناظرة المرسة والله لم أسامحها حتى الآن على ما فعلته معى وكأنى فعلت جريمة ضرب وسب واهانة ليس لها حدود تحملت اسبوع اتنين تلاتة الى ان ارسلت لى الامن الى المنزل لان زوجها كان ظابط وعندها حدثت مشاكل فى البيت لا يتصورها أحد ولم أجد من يقف بجانبى ويثبتنى على طاعة الله المهم بعد ضغط كبير اضطررت لخلعله ولكنى عاهدت الله أن أظل اتسنى الفرصة حتى ألبسه ظليت هكذا حتى أنهيت سنة تانية ثانوى يعنى تقريبا ظليت سنة من دونه وبعدين قلت هذا الوقت المناسب ودعوت الله وكان أيامها فى بلدنا حملة توضح فرضية النقاب فأخذت أمى وذهبنا لعلها تقتنع وبدأت افتح لها على تفسير آيات الحجاب وبعدين كلمتهم لانى والله ما كنتش قدرة كنت حاسة ان كل الناس تنظر وتتأمل فى وجهى المهم قررت انى اكلم والدى وقوبل طلبى بالرفض دعوت الله وكلمته ثانية رفض عندها قررت عدم الاكل واحسسهم انه فعلا حياتى بدونه مستحيله وكان طعامى التمر والماء كما كان النبى صلى الله عليه وسلم يأكل بدون علم منهم طبعا هما عارفين انى مبكلش وبعدين ظليت اسبوع على هذا الحال وكنت لما اطلع البلكونة اطلع بالنقاب من غير ميشوفونى الى ان جاء اليوم المرتقب 12/7/2006 قبل نتيجة الثانوية العامة بثلاث أيام كان يوم خميس طلب والدى ماء ليشرب فاسرعت لاحضره ثم قلت له اما توافق قال لى اذهبى البسيه ولكن اتمنى عدم حدوث مشاكل قلت له لن يحدث شئ ان شاء الله وسأحول منازل المهم الحمد لله لبسته الآن انا ذاهبة لثالثة كلية واتمنى أن يثبتنى الله عليه آسفة للاطالة كتبت كلامى لانصح كل اخت ان تثبت مهما حدث وأسأل الله أن يغفر لى لم يكن بيدى وأن يثبتنى وجزاكم الله خيرا

[أم ساره]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف





انا زعلانه اختي ملسمه لله لانك معملتيش الاحتفال بتاعي ومش دعتيلي

[مشتاقة الفردوس]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

ماشاء الله تبارك الله الله يثبتكن اخواتي
ادعولــــــــــــــــي ان الله يسرلي لبسه

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

اختي امة الرقيب : ربنا يبارك فيكي ليكي احلي حفلة ان شاء الله بس لما يجي الدور عليكي اوك

اختي ام سارة : يا سلام انا مقدرش ع زعلك يا غالية ليكي احلي حفلة طبعا بس انا حبيبتي ماشية بالدور , انتي اكيد الدور لسه مجاش عليكي .

اختي مشتاقة الفردوس : اهلا بيكي حبيبتي معانا نورتينا وربنا يرزقك نعمة النقاااااااااااب عن قريب يارب اللهم امين .

[moslma lillah]

الاحتفال باختنا مني السيد

السلاااااااااااام عليكم ورحمة الله وبركاته
ازيكن ؟؟
ماشاء الله الموضوع جميل فعلا
الحمدلله ربنا رضى عنى ومن عليا من فضله والبسنى ثوب العفه " النقاب " من حوالى ما يقرب إلى خمس شهور
تحديداً لبسته أول يوم فى الترم الدراسى التانى
وتقريبا كنا داخلين 14 / 2
والله ما أتذكر التاريخ جيداً ( الذاكرة بعافية شويه عافاكم الله )
- سبب نقابك
سبب النقاب بئى
أولا الحمدلله نشأت فى أسرة متدينة ووالدى الله يرحمه ويسكنه فسيح جناته نحتسبه على خير إن شاء الله كان ملتزم وحافظ للقرآن الكريم ودايماً كنت بشوفه وهو بيقيم الليل ويحفظ وفى عز البرررررررد كلنا نبئى فى السرير مدفيين وهو لاااااااااا قاعد بيحفظ القرآن ويصلى ماشاء الله عليه ربنا يغفرله يااااااااارب ويرزقه الفردوس الأعلى
من هنا بئى تغلغل حب الإلتزام والطاعة فى قلبى
المهم فى السنه الثالثة ليا فى الكلية خلصنا الترم الأول وأول يوم أجازة لينا حصلت حادثة لمجموعة من الطلبة وهم جايين فى الميكروباص على الطريق السريع عملوا حادثه ومات حوالى 9 طلبة وطالبات وهم كانوا رايحين الإمتحان
معرفش أنا سمعت الخبر دا وأعدت أديها عياااااااااااااااااااااط بالرغم من أنى معرفش أى حد فيهم
بس الحادث أثر فيا جامد
وكمان زميل لنا فى الدفعة كان ليه صاحبه الأنتيم توفى فى الحادث دا وكان بيحكى عنه
المهم أعدت أنا أفكر يعنى دول ماتوا .... تخيلى لو أنتى كنتى معاهم !!!!! ووقتها حسيت أنى همووووووت قريب جداااااااااااااا وهاجس الموت دا كان بيلاحقنى
بصراحة كنت خايفة إنى أموت وأنا لسه ملبستوش
وقررت خلااااااااااااص لازم ألبس النقاب الكلام دا فى أول الأجازة
انا ليا نشاط فى الكلية وكنت بنزل فى الاجازة والمشكلة إنى مسئولة كمان مش عضو عادى ف أضررت إنى استنى لحد ما الأجازة تخلص وألبسة
والحمدلله نزلت أشتريته يوم جمعة تقريبا جبت العباية السودا والسبت جبت النقاب
والأسبوع التانى نزلت بيه الجامعة الحمدلله حمداً كثيراً طيباً مباركاً

- وعقبات نقابك
العقبات بئى كتيييييييييييره الحمدلله على كل حال
قبل ما ألبسة طبعاً أنا كنت بسمع أغانى وإن مكانتش كتير بس كنت بسمع ودا كان عقبه
ذنوب تثقل القلب وتزيد الهم والغم الله لا يعودها
وكمان السبب التانى إنى كنت مسئولة عن نشاط زى ما قولتلك وكنت القائد بتاع النشاط كله ومفيش اى حد جاهز يمسك مكانى ويكمل المشوار
وكمان أمى بارك الله لها تخاف لا ألبسه وارجع فى كلامى
وكلام بعض الناس لا ولا ومتلبسيش وحرام عليكى انتى صغيرة والكلام الفارغ دا كله
مش عارفة داخله فى العشرين وصغيرة !!!! أمال هكبر أمتى؟؟؟؟؟؟؟!!!!
الله يهدى الجميع
المهم بفضل الله من الله عليا بالهداية وقررت إنى ألبسه تقوم أمى الكريمة حفظها الله تسأل طبعاً الناس
أنا قولتلها يا أمى أنا نويت إن شاء الله ألبس نقاب وملحفة على طول أنا بحبها وبحس إنها تستر أكتر
قالتلى ماشى ف لما تسأل الناس كل واحد بئى يقترحلك إقتراح والمفروض إنى اسمع أن كلامهم صح واعمله
المهم الكلام دخل دماغ أمى وقالتلى خلااص أنتى تلبسى الأول نقاب وعباية وطرحة طويلة وبعد شويه الملحفة
اعدت أحاول يمين شمال ملحفة ملحفة قالتلى لا يعنى لا
قولتلها خلااص عباية عباية بس ألبسه
رحنا المحل نجيب عباية قمت سألت على الملحفة قالى موجودة طيب هات نشوف ياعم الله يكرمك
جابها ولبستهااااااااااااا وماما شافتى طبعا الملحفة ماشاء الله كان مقاس أكبر منى بس هو أصغر مقاس عنده غرقانه فيها طول وعرض وإرتفاع وفراغ وكل حاجه
:))
أقلعىىىىىىىى يا ماما استنى بس دى جميله شوفى واسعة إزاى شوفى طويلة ازاى مفيش أى محاولات نافعة
المهم أضطريت أقلعها وجبت عباية وأمرى لله وحده
خلاص لبسنا خلاص ونزلنا الجامعة سبت النشاط اللى كنت فيه كله وبلغت الناس الىل معايا وهم اتصرفوا فترة
وجه بئى مين ... جه مشرف للنشاط ومعيد عندنا وهو بينصحنا جميعاً كأخ كبير لينا
وفضلت فى يوم نص ساعة نتناقش هو يقولى أقلعيه وأنا أقوله لا بس بطريق غير مباشر
من وجهة نظره إن مدام أنا محترمة فى لبسى ملتزمه فى دينى يبئى النقاب ملهوش لازمه مدام هيحد من حريتى فى نشاطات أنا اقدر أعملها وأقدر أقدم خدمات ونشاطات وأفيد غيرى
قولتله لا السيدة عائشة رضى الله عنها كانت متفوقه ومتميزة فى الشعر والطب وو وو وكدا
والمهم نهيت الحديث معه بإنى إن شاء الله لازم اثبتلة إن النقاب لا يعوق عن أى شئ ولا أى عمل بالعكس يزيد الهمه وكدا أو انه يثبتلى كلامة
ولله الحمد والمنة حصلت مشاكل فى يوم ما أضطريت إنى أرجع مكانى تانى فى النشاط وأحل ما تم إفسادة ونعيد هيكلة وووو للفريق وللعمل
والحمدلله قدرت أثبت غن النقاب لا يعوق فقط أنا تركته لأنى أريد ذلك
وإلى الآن الحمدلله مازلت فى كلا الحالتين مستمرة فى نشاطى وفى نقابى ولله الحمد والمنه وكان فى نشاط تانى بردة فى نفس الوقت وأغلبهم يقتضى منى إنى أقف أحاضر وأشرح للناس وأتعامل مع شباب من الجنسين وأن أكون على علاقة حميدة بأشخاص كثيرين والحقيقة النشاط دا متوقف من فترة كبيرة إلى الآن ربنا ييسر فيه
- واحساسك مع النقاب
إحساس النقاب إحساس لا يعرفه إلا من لبست النقاب وذاقت حلاوته وعفته وطهارته
ماشاء الله أحساس ولا أروع والله ربنا يديمه علينا
تشعرى و كأنط ولدتى من جديد بلا ذنوب نقيه طاهرة عفيفه تفرضى إحترامك على كل من يراكى وإحساس براحة الضمير ولله الحمد
- ولو ينفع وصف نقابك
إلى الآن والله العباية والنقاب والطرحة الطويلة وإن شاء الله قريباً جدااا الملحفة الحمدلله الوالدة الكريمة اقتنعت بيها أخيراً ولله الحمد
- اي مواقف غريبة مع النقاب
اممممممممممممم مفيش بصراحة أغرب من مواقفة مع اصحابى المقربين ليا فى الدفعة
أنا مقولتش لحد إنتى هنتقب وسبتها مفاجأو للكل
صحبتى الأنتيم عرفتنى من بعيد أساسا بس لأنها معلمانى بكشكول المحاضرات
الباقيين فى ناس عرفونى بعد التدقيق وفى ناس لاااااااااا معرفونيش وخالص
وفى ناس سلموا عليا على إنى واحدة تانية وهى صاحبتى الأنتيم التانية لأنها متنقبه برده
وصاحبتى المنتقبه دى معرفتنيش وسلمت عليا كدا بدون ما تعرفنى ووقفت معانا نتكلم وهى متعرفش إن انا هى دى قبل النقاب ( بس انا مشتركتش فى الحديث عشان متكشفش )
وناس كنت متوقعة غنها ترفضه بشددددددددددددده
لقيتهم بيباركولى عليه وفرحانين
وناس كنت متوقعة إنهم يوافقوا عليه ولقيتهم بيهاجموا
يعنى كدا
:))))
ماشاء الله أطلت الحديث
اعتذر عن الكلام الكتير دا ولكنك قولتى نحكى (وش مكسوف )
وجزيتِ خيراً أختنا
بارك الله فيكِ

اختنا(( مني السيد))

الله عليكي يا مني
ما شاء الله يا مني ربنا يبارك فيكي يارب
عسولة يا مني
طريقة سردك للقصه عجبتني اوي
ربنا يثبتك يارب ويرحم الوالد ويخليلك الوالدة
اللهم امين

يبقي انتي كدة عندك 5 شهور الان ( ابتسامة )
معلش انا اتأخرت ف الاحتفال بيكي
سامحيني

تقبلي مني الورد دا يا قمر

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

بسم الله الرحمن الرحيم

السلام عليكم ورحمة الله وبركاته،،
والله العظيم حلمي الوحيد هو ارتداء النقاب احزن كثيرا لأنني لا البس النقاب
اسالكم بالله اخواتي الحبيبات كل من قرأ الموضوع يدعيلي والله اني في حاجة للبس هدا الفضل ورمز الستر
المشتاقة للبس النقاب
اقبلو مروري ولا تنسوني من الدعاء.
وهنيئا لكل أخت منقبة أكثروا من حمد الله عز وجل ولا تنسوا الأخوات الغير المنقبات فوالله أنا أعرف الكثير من صحباتي أمنيتنا لبس النقاب.لكننا في مجتمع يصعب فيه هذا الأمر فالله وحده يعلم و لكن يبقى أملنا في الله وحده أن ييسر أمرنا وأن لا يتوفانا إلا وهو راض عنا.

اسأل الله رب العرش العظيم ان يمن عليكي اختاه بالنقاب انتي وجميع اصحابك وجميع المسلمات
اللهم امين

نورتينا حبيبتي وربنا ييسرلك كل خير

[ساعية الي جنة الرحمن]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

جزاكي الله خيرا أختي علي الفكرة الحلوة دي
انا يوم نقابي علي ما اذكر

8/7/2008

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

للرررررررررررفع